تازيون خبرون

Daily Archives: July 22, 2017

سيلفيون هاڻي اسانجي زندگي جو حصو بڻجي ويون آهن : شاهه رخ خان

ممبئي (شوبز نيوز) باليووڊ جي ڪنگ شاهه رخ خان جو چوڻ آهي ته پهريان تصويرون ڪڍرائڻ عجيب لڳندو هو، پر هاڻي ائين معلوم ٿيئ ٿو  ته اسان سيلفين جي لاءِ زندگي وقف ڪري ڇڏي آهي ۽ اهي اسانجي زندگي جو حصو بڻجي ويون آهن، ڀارتي ميڊيا رپورٽ جي مطابق شاهه رخ خان هڪ انٽرويو ۾ جي دوران چيو ته هڪ وقت اهڙو هو جڏهن منهنجي فيملي کي ميڊيا جي طرف ڌياڻ ڏيڻ خراب لڳندو هو، پر هاڻي اسان ان کي پنهنجي زندگي جو حصو سمجھون ٿا،جڏهن ته اسان سيلفين ۽ تصويرن جي لاءِ زندگي وقف ڪري ڇڏي آهي. هن چيو ته ميڊيا جي توجه کان بچڻ جي لاءِ مان ٻارن کي پڙهائي جي لاءِ پرڏيهه موڪليو آهي ۽ ان ۾ ئي پرجوش آهيان ته هو ٻاهر تعليم حاصل ڪري رهيا آهن، ڪنگ خان چيو ته مان پنهنجي ٻارن کي سمجھايو آهي ته جڏهن به ڪير توهان جي تصوير وٺي ته ڪجھه دير بيهڻ کان پوءِ ان کان پڇو ته هاڻي اسان وڃي سگھون ٿا، هن چيو ته منهنجي ٻارن جون تصويرون ڪڍڻ مونکي سٺو نه ٿو لڳي هن چيو ته تصويرون توهان کي اهم نه ٿيو بڻائن.

 

عورت آسٽريلوي ڪرڪيٽر ايليسي پيري ڪوهلي ۽ وليمسن جو رڪارڊ ٽوڙي ڇڏيو ليسٽر(اي پي پي) عورت آسٽريلوي ڪرڪيٽر ايليسي پيري مرد رانديگرن کي پوئتي ڇڏيندي منفرد رڪارڊ ٺاهي ڇڏيو. 26 سالن جي ايلسي پيري پنهنجي ون ڊي ڪيريئر ۾ ٽيون ڀيرو مسلسل 5 ميچز ۾ اڌ سينچري ٺاهڻ جو ڪارنامو انجام ڏئي ڀارتي ڪپتان ويرات ڪوهلي ۽ نيوزيلينڊ ڪرڪيٽ ٽيم جي قائد ڪين وليمسن کان اڳتي نڪري وئي. دنيا جي انهن ٻنهي بهترين بيٽسمينن هن وقت تائين پنهنجي ون ڊي ڪيريئر ۾ 2-2 ڀيرا مسلسل 5 ميچن ۾ اڌ سينچري ٺاهڻ جو رڪارڊ قائم ڪيو هو.

ليسٽر(اسپورٽس نيوز ) عورت آسٽريلوي ڪرڪيٽر ايليسي پيري مرد رانديگرن کي پوئتي ڇڏيندي منفرد رڪارڊ ٺاهي ڇڏيو. 26 سالن جي ايلسي پيري پنهنجي ون ڊي ڪيريئر ۾ ٽيون ڀيرو مسلسل 5 ميچز ۾ اڌ سينچري ٺاهڻ جو ڪارنامو انجام ڏئي ڀارتي ڪپتان ويرات ڪوهلي ۽ نيوزيلينڊ ڪرڪيٽ ٽيم جي قائد ڪين وليمسن کان اڳتي نڪري وئي. دنيا جي انهن ٻنهي بهترين بيٽسمينن هن وقت تائين پنهنجي ون ڊي ڪيريئر ۾ 2-2 ڀيرا مسلسل 5 ميچن ۾ اڌ سينچري ٺاهڻ جو رڪارڊ قائم ڪيو هو.

 

چيمپئنز ٽرافي ۾ سڀ کان وڌيڪ خوشيءَ جو موقعو جوروٽ جي وڪيٽ وٺڻ هو: شاداب خان

لاهور(اسپورٽس نيوز ) قومي ٽيم جي ليگ اسپنسر شاداب خان چيو آهي ته چيمپئنز ٽرافي ۾ هن سڀ کان وڌيڪ خوشي جو موقعو جوروٽ جي وڪيٽ وٺڻ هو پنهنجي هڪ انٽرويو ۾ شاداب خان جو چوڻ هو ته چيمپئنز ٽرافي ۾ خوشيءَ جا ڪيترائي موقعا آيا هئا جڏهن ته هن کي سڀ کان وڌيڪ خوشي سيمي فائنل ۾ برطانوي ڪپتان کي آئوٽ ڪرڻ تي ٿي هئي ڇاڪاڻ ته هو دنيا جو بهترين بيٽسمين آهي ۽ قومي ٽيم کي ان وقت جروٽ جي وڪيٽ جي ضرورت پڻ هئي

 

تاريخ تي تاريخ جو هڪ نه کٽڻ وارو سلسلو…!!!: غلام مصطفيٰ جمالي

هن پاڪستاني پوري قوم جون نظرون پاناما لڪيس جي حوالي سان جيڪو فيصلو ڪالهه محفوظ ڪيو ويو ان تي آهن، جنهن اندر پاناما لڪيس جي معاملي تي،جي آءِ ٽِي جي ڏنل رپورٽ ۾ سپريم ڪورٽ جي محترم ججن ڪجهه ڏينهن اندر اهو فيصلو ٻڌائڻ جو اعلان ڪيوآهي،جڏهن ته پاناما ليڪس معاملي تي ڪالهه سپريم ڪورٽ جي ٽن ججن تي مشمتل ججن جي بيئنچ ڌرين جي موقف  ۽ دليل ٻڌا جنهن کانپوءِ انهي عدالت پاران پاناما لڪيس معاملي تي ٿيل فيصلي کي محفوط ڪيو ويو آهي،جڏهن ته ٽن ججن تي مشتمل ڪاميٽي پاران ميان نواز شريف پاران وڌيڪ دستاويز پيش ڪرڻ جو چيو ته انهن ججن انهي جو جواب ۾ ٻڌايو ته هاڻي ڪنهن به دستاويز ڏيکارڻ جي ڪابه ضرورت نه آهي،۽ ججن اهو به چيو ته ته اسين اڳ ۾ ئي وزيراعظم جي نااهلي جي باري ۾ تحقيقات ڪري رهيا آهيون،ججن اهو به چيو ته اسين انهي ڳالهه جي گارنٽِي ڏيو ته ٿا ٿيندڙ فيصلو آئين ۽ قانون جي مطابق هوندو،هاڻي ڏسڻو اهو آهي ته جي آءِ ٽي ۾ اهڙو ڪهڙو مواد آهي جنهن جي تحت فيصلو ٻڌايو ويندو،

20 اپريل وارو فيصلي جي به خبر پئجي ويندي،جنهن جا دليل ۾ ٻڌا ويا آهن،جڏهن ته عدالت پاران اهو به بيان ڏنو ويو هو ته وزيراعظم ميان نواز شريف جيڪي پرسرار طريقي سان قومي اسميبلي کي ڏنا اها وستاوزير اسانکي ڇو نه ڏنا ويا آهن،ججن صاحبن اهو به چيو ته هن وقت اپوزيشن ۽ وفاقي پارٽِي وچ ۾ جيڪي ڄونڊا پٽ ٿي رهي آهي اها پاڻ ۾ ڀلي تي پر ان جهيڙِي اندر عدالتن کي شامل نه ڪيو وڃي اها عدالتن جي توهين آهي جنهن تي جماعتون وڌيڪ نقصان ۾ اچي سگهن ٿيون،ڇو ته جنهن ڳالهه جي آئين اجازت نه ٿو ڏي سڀني اپوزيشن توڙي وفاتي حڪومت کي گهرجي ته اهڙي بيانن کان پاسو ڪن،عدالت اهو به چيو ته اسان انصاف جا سمورا تقاِضا پورا ڪيا آهن جنهن جي آڌار تي اسان روازني جي بيان ۾ پاناما معاملي تي فيصلا ٻڌا آهن.جڏهن ته وڌيڪ تفصيل ڏيڻ به ڪيس کي برباد ڪري سگهي ٿو.جڏهن ته اسپيڪر نيب چوڌهري اڪبر ڊار عدالت کي ٻڌايو ته هو پپيرملز جي ڪيس جي فائل کي ٻهير کولڻ جو فيصلو ڪري چڪي آهي،۽ هو هڪ هفتي اندر سپريم ڪورٽ اندر اپيل پيش ڪندي،جنهن جي جواب ۾ جسٽس عظمت سعيد شيخ چيو ته اوهان کي مهرباني،ٻئي پاسي جسٽس اعجاز افضل خان چيو ته مريم نواز جي نااهلي لاءِ نيلسن،۽ نيسڪول ڪئمپني جو بيني فيشل هجڻ ڪافي ناهي،پر معاملوانسپانسر شپ ۾ اچي ٿو،جڏهن ته مريم نواز تحويل هيٺ ڪي واضع ثبوت سامهون نه اچي سگهيا آهن،پر ڪالهه جڏهن فيصلو محفوط ٿيو ته انکان پهرين جسٽس اعجاز احمد جي سربراهي ۾ جسٽس اعجاز الحسن ۽ جسٽس عظمت سعيد شيخ تي مشتمل ٽي رڪني بيئچ جي آءِ ٽي جي رپورٽ تي پنجون دفعو ڪيس جي ٻڌڻي ڪئي،ان موقعي تي وزيراعظم ميان نواز شريف ۽ سندس خاندان جي ٻارن جي وڪيل سلمان اڪرم راجه ۽ ۽ اسحاق ڊار جي وڪيل طارق جسن پنهنجا پنهنجا دليل عدالتن اندر پيش ڪيا،جڏهن ته تحريڪ انصاف جي پاران سندن وڪيل نعيم بخاري توفيق آصف ۽ شيخ رشيد جواب پيش ڪيا،ان موقعي تي نيب جي وڪيل ۽ ايڊيشنل اٿارٽي جنرل به پنهنجا دليل عدالت اندر پڻ پيش ڪيا.

انڪري ڏٺو وڃي ته هڪ طرف ملڪ اندر آف شور ڪمپينن جي مالڪي ۽ پاناما ليڪس جو شور آهي ته ٻئي پاسي اپوزيشن ۽ حڪمران پارٽين کي پنهنجي حق جو انصاف گهرجي.جڏهن عدالت پاناما لڪيس جي حوالي سان پنهنجو فيصلو محفوظ ڪري ورتو آهي ۽ اپوزيشن جماعتن ۽ حڪومت ڌر پاران جيڪي اختلاف اٿيا آهن اهي به قوم جي سامهون آهن.۽ عدالتون به  سامهون آهن.پر آئون سمجهان ٿو ته سڀني جماعتن جي ڄونڊا پٽ ڪرڻ بدران عدالتي فيصلي جو انظار ڪرڻ گهرجي ڇو ته  چيف جسٽس ڪو به اهڙو رويو ناهي ڏيکاريو ۽  سندس رويو هن وقت به ماٺ وارو ئي آهي.!اها ئي خاموشي ڪيترائي سوال ذهن ۾ آڻي ڇڏيندي آهي.جنهن کي اهين به کڻي چئجي ته انساني ذهن اهو ئي سوچيندو آهي ته هاڻ آخر ڇا ٿيندو.؟عوام عدالت انهي سوال جي جواب جي منتظر آهي.ته هوءُ ڇا سوچي رهي آهي. سندس سامهون پاناما ليڪس جي حوالي سان  آيل فيصلي جو ڪو جواز به آهي يا نه.؟.اها ڳالهه به درست آهي ته پاڪستان اندر عدليه جي ڪارڪردگي عوام جي سوچ جي مطابق ناهي آئي.ڪيترائي ڪيس ڪيترن ئي سالن کان وٺي هلندڙ آهن جيڪي حل ٿيڻ جو نالو ئي نه ٿا وٺن.جڏهن جو مثال اهو کڻي ڏيو ته ڏاڏي ڪيس ڪرايو ته فيصلو سندس پڙپوٽي کي ٻڌايو ويندو آهي.مطلب ته عدالت اندر ڪيس داخل سڀ ڪجهه وساري ڇڏڻ آهي.تاريخ تي تاريخ جو هڪ نه کٽڻ وارو سلسلو…ماڻهو ڪيس ته داخل ڪندا آهن پر انصاف جي اوسيڙي ۾ ويٺي ويٺي  کين سال لڳي ويندا آهن.۽ عدالتن اندر اهڙي ڪا حڪمت عملي ناهي جنهن سان اهي ڪيس جلد کان جلد حل ٿي سگهن.

هي صرف هن ملڪ جي ڳالهه ناهي اوهانکي ياد هوندو ته ڪجهه وقت پهرين ڀارت جو چيف جسٽس وزيراعظم جي اڳيان روئي ويٺو هو جنهن جا وهندڙ لڙڪ عالمي سطح جو مرڪز بڻيا هئا.اهو به اها ئي حيقيقت ٻڌائيندي روئي ويٺو هو ته هن وقت ڀارت اندر جهڙي طرف جا ڪيس هلندڙ آهن انهن مان اهوئي لڳي پيو ته اهي ڪيس ايندڙ ڏهه سالن ۾ ئي حل نه ٿي سگهندا.جنهن ڪري فوري طور ڀارت جي عدالتن اندر ججن جي مقرري جي لاءِ ججن جي ٻيڻي گهر ڪئي.ته جيئن انهن ڪيسن کي جلد کان جلد حل ڪري سگهجي..! پاڪستان اندر انهي جي ڀيٽ ۾ صورتحال ئي ٻئي آهي.ڀارت اندر ججن جي مقرري لاءِ ججن جي تعداد کي ٻيڙو ڪرڻ جي درخواست ڪئي پئي وڃي ۽ پاڪستان اندر اهو چيو پيو وڃي ته پاڪستان اندر اهڙا قابل جج موجود ئي ناهن جن جي مقرري ڪئي وڃي..! اها هڪ واضع حيقيت آهي ته پاڪستان اندر ٽيلنٽ جي ڪا ڪمي ناهي.چيف جسٽس جيڪڏهن دروازا کولي ڇڏي ته کيس ٽيلنلٽ خد به خد ملي ويندو.انهي ڪري اهو به چئي سگهجي ٿو ته عدالت پنهنجو به احتساب ڪرڻ شروع ڪري ڇڏي.ڳالهه احتساب جي هلي آهي ته اها به ڳالهه ڪندو هلان ته هن وقت جيڪو پاناما ليڪس ليڪس وارو معاملو آهي انهي تي به ڇا احتساب ٿيندو يا نه.؟پر انهي احتساب کي ملڪي حڪمران انتقام جو نالو ڏئي رهيا آهن اپوزيشن ملڪي مفاد قرار ڏئي رهيا آهن.ميان نواز شريف سمجهي ٿو ته ڪجهه سياسي حلقا سندس احتساب جي آڙ ۾ شريف خاندان جي پاڪستاني سياست مان هميشه جي لاءِ آئوٽ ڪرڻ جي ڪوشش ڪري رهيا آهن..جڏهن آصف علي زرداري جو اهو خيال آهي ته احتساب جي آڙ اندر ڀٽو ازم کي هيمشه لاءِ دفن ڪرڻ جي ڪوشش ٿي رهي آهي.ٻئي طرف عمران خان جو اهو گمان آهي ته جيڪڏهن ميان صاحب ۽ ڀٽو فيڪٽريز  احتساب جي شڪنجي ۾ ڦاسي ٿا پون ته کيس وزيراعظم ٿيڻ کان ڪير به روڪي نه ٿو سگهي.

جڏهن ته انهي متل ٻڙدڪ ۾ ڪجهه ننڍيون ننڍيون سياسي جماعتون ٻيون به آهن ۽ ملڪ اندر ملڪي پسئو ٻاهر لٽايو پيو وڃي.جيڪو آف شوز ڪيمپين جي صورت ۾ سڀني جي سامهون آهي.انهي ڳالهه ۾ به ڪو شڪ ناهي ته پاڪستاني عوام جو پئسو جيڪو ٻاهر خرچ ٿي رهيو آهي جيڪڏهن انهي پسئي جو چوٿون حصو به ملڪي عوام تي خرچ ڪيو وڃي ته ڪجهه سالن اندر مان مان غربت جو خاتمو ٿي سگهي ٿو.ڏٺو وڃي ته ملڪ جي هن وقت 70ارب رپين جو قرضو آهي ۽ پاڪستاني پيئسو 200ارب کان مٿي جو آهي انهي ڪري اها سوچڻ جهڙي ڳالهه آهي ته جيڪڏهن انهي پسئي جو چوٿون حصو پاڪستان اچي ته پاڪستان تان سندس قرض به لهي سگهي ٿو.پر اهو تڏهن ئي ممڪن آهن جڏهن ملڪ اندر ڪرپشن ڪندڙ خلاف احتساب ڪيو وڃي ۽ احتساب به اهڙو ڪيو وڃي جنهن اندر ڪنهن مظلوم سان ظلم نه ٿي ۽ ڪنهن جابر کي انصاف نه ملي.؟ان ڪري هن وقت پاڪستان جي عوام کي  عدالت جي محفوط ڪيل فيصلي  مان  وڏيون اميدون آهن.ته عدالت انهي معاملي اندر ڪو ڪردار ادا ڪري جيئن ملڪ ۽ ملڪي قوم جي حقن جو جائز  استعمال ٿي سگهي.

****

 

ايوارڊ آفته صحافي عبدالعزيز جي ياد ۾ ڪوٺايل پهرين ورسي تقريب: تحرير.  شير محمد سولنگي

سنڌ اها ڌرتي ماتا آهي جنهن پنهنجي ڪک مان ڪيترن ئي جوڌن جوانن سپھ سالارن ۽ قمڪارن کي جيئدان ڏنو آهي انهن با شعور ماڻهن ۾ چاچي عبد العزيز ڳاهو جو به شمار ٿئي ٿو. عبدالعزيز ڳاهو 1951ع ڌاري ڳوٺ غوث بخش ڳاهو ۾ صوفي طبيعت رکندڙ ڳوٺ جي چڱي مڙس رسول بخش ڳاهو جي گهر ۾ جنم ورتو. جنهن کي وڇڙي هل سال ٿي ويو آهي سندس ساروڻين جي ياد ۾ ڳوٺ غوث بخش ڳاهو ۾ سنڌ جي لاڏلي البيلي صحافي عبدالعزيز ڳاهو جي پهرين ورسي قومي اسيمبلي جي ميمبر خيرپور جي بهادر با همٿ ايم اين اي حاجي نواب خان  وساڻ جي صدارت ۾ ٿي جنهن جا مهمان خاص منور وساڻ ، ڄام محبت سهتو ، سنڌ سگھڙ ادبي ڀلائي تنظيم جو اڳواڻ خليل رحمان مهيسر ، آرٽس ڪائونسل خيرپور جو صدر  سيد اڪبر شاھ ، خالد ٻانڀڻ ، نظر محمد ڳاهو جن هيا. حسب معمول تقريب جو آغاز تلاوت ڪلام پاڪ سان سنڌ جي نالي واري سگھڙ محمد سومر ڳاهو ڪيو جڏهن ته نعت پڙهڻ جو شرف محمد حسن مهر حاصل ڪيو جنهن کان پوءِ آيل مهمانن جي مان ۾ لفظن جا گلاب نڇاور ڪندي وفا طارق عزيز ڳاهو چيو ته هن ٻوسٽ ۽ گرمي جي رگھ ۾ پنهنجي هن غريب خاني جي سامهون اڱڻ جي آڳر ۾ هزارين محبوب ڏسي من سرهو ٿيو آهي ۽ اها پڻ پڪ ٿي آهي ته اڃا سنڌ گدڙن ناهي کاڌي اڃا سنڌي سجاڳ آهن جيڪي پنهنجي ٻولي جي حفاظت ڪندا رهندا جڏهن پنهنجي گفتگو جو رخ موڙي پنهنجي والد صاحب جي گھاريل گھڙين ڏانهن ڪيو ته سندس لھ ولهجو اچانڪ تبديل ٿي ويو لفظن ۾ سڏڪا ۽ اکين ۾ لڙڪن جي آب جا ڳوڙها نير ڪندا وهندا رهيا.

وفا طارق عزيز ڳاهو جي زبان وچندڙ لهجي چوندي رهي بابا سائين صحافي ٿيڻ جي تڏهن ضرورت محسوس ڪئي جڏهن هڪ مهراڻ اخبار جي رپورٽر اسان جي چاچا سائين تي وار ڪيو ته استاد يا پيپلو جيالو ان تي چاچا سائين جي نوڪري داءُ تي لڳي وئي جنهن کان بعد 1959 ع ۾ آفتاب اخبار ۾ رپورٽر مقرر ٿيو 1973ع جي لڳ ڀڳ عبرت اخبار ڪنب جو پورٽر مقرر ٿيو جنهن کان پوءِ تعلقه ڪوٽڏيجي جو رپورٽر ٿيو کيس هيلٿ ڊپارٽمينٽ ۾ ملازمت هئي جيڪا صحافت تان قربان ڪري ڇڏي  وري تعليم کاتي ۾  پرائمري استاد  مان ڦري اٽينڊنس انسٽيڪٽر ٿيو اها نوڪري به سياست جي ڪري ڇڏي ڏني . اهڙي نموني زندگي جا پڇاڙڪا پهر ڏينهن پاڪستان پيپلز پارٽي جي ناءِ ڪري ڇڏياسندس وڇوڙو به عجيب اتفاق هو جڏهن پيپلزپارٽي جي قومي اسيمبلي جي ميمبر نواب خان وساڻ جي عوامي گڏجاڻين جي ڪوريج ڪري ۽ رات جو پنهنجي اخبار ڏانهن انهن سرگرمين جون خبرون ٺاهي موڪليائين ۽ رات جو لڳ ڀڳ هڪ وڳي ڌاري سندس طبيعت اوچتو خراب ٿي وئي ۽ سنڌ جو ڀلوڙ صحافي، شاعر، ليکڪ 26 شوال المڪرم 1437 هجري بمطابق 31 جولاءِ 2016 تي رات جو دير سان هن فاني جهان مان لاڏاڻوڪري ويو اهو منهوس ڏينهن مون کان اڄ به ناهي وسري سگھيو.

ڪوشش ڪندس ته سندس ڇڏيل اڌوري مشن کي مڪمل ڪيان اهو سڀ ڪجھ منهنجن  فرضن ۾ شامل ٿي ويو آھي نواب خان جي ساٿ جي ضرورت  آهي جيڪو مون سان به بابا سائين جهڙو ساٿ نڀائي رهيو آهي .سندس مان به ٿورائتو آهيان خالد ٻانڀڻ چيو ته عبدالعزيز فقط صحافي نه هو پر هو هڪ بهترين اديب به هو  هو خبر موڪلڻ کان پوءِ فون ڪري خبرن جي باري ۾ معلومات وڄندو هو ته خبرون پهتيون يا نه اگر ڪا سندس خبر شايع نه ٿيندي هئي ته به فون ڪري آگاھ ڪندو هو ته ڦلاڻي خبر ناهي لڳي ڇو ؟ هي هڪ بهادر دلير وفادار صحافي هو کيس صحافتي خدنتن عيوض محترم ميان محمد نواز شريف جي هٿان  اي پي اين ايس ايوارڊ  اماڻي چڪو آهي . علمي ادبي سماجي تنظيم بزم گلڻ ، انٽرنيشنل پريس ڪلب راڻيپور  سميت ڪيترن ئي فورمن تان کيس  مڃتا يوارڊ  ملي چاڪا جيڪي سندس ڪيل خدمت ۽ محنتن جو نتيجو آهي هون به اهي ماڻهون معاشري ۾ زندھ هوندا آهن جيڪي ٻين جي لا۽ جيئندا آهن ۾ انهن ماڻهن جي فهرست ۾ عبدالعزيز ڳاهو به هڪ آهي . ڄام محبت سهتو  چيو ته  ڪاري ڪڪر هيٺ مون جھيڙيندي ڏٺا ، ڪانڌ منهن ۾ ڌڪڙا سيڪيندي سونهان ، وڃي لڄ مران جي هون پٺي ڌڪڙا . عبدالعزيز جو نالو سوڀر صحافين ۾ شامل آهي جن سدائين نا انصافي ، اقربا پروري ، خد گرزي ، انا ، جهالت ٻين سماجي براين سان جنگ ڪئي آهي اسان جي هن سچي ۽ وفادار صحافي ٻين جي حقن لاءِ وڙهندي پنهنجي جان جي به پرواھ ناهي ڪئي توڙي جو سندس تعلق پاڪستان پيپلز پارٽي سان رهيو تنهن هوندي به جڏهن ڪٿي موقعو ملندو هو ته سچ  جا لفظ بنا روڪ ٽوڪ جي چئي ڏيندو هو ۽ پاڻ تي فخر ڪندو هو اها سندس دودا دليري جي نشاني آهي سچ چوڻ ڏاڍو مشڪل هوندو آهي پر جس هجي عبدالعزيز کي جنهن هميشه سچ ڳالهايو ههڙي قسم جي سچا ۽ کرا ماڻهون ورلين پيدا ٿيندا آهن جن تي  سنڌ ڌرتي به ناز ڪندي رهندي آهي .

منور وساڻ پنهنجي خطاب ۾ چيو ته عبدالعزيز ڳاھو دسائين غريب ماڻهن جي لاءِ مسيحا بڻجي پس گردائي جي ماڻهن سان ساٿ نڀايو آهي ۽ سندن مسئلا اسان تائين پهچايا آهن جن مان ڪجھ حل ٿيا آهن ۽ ڪجھ حل نه ٿيا هوندا ان جو مون کي تمام گھڻو ڏک آهي اسان سان سائين جهڙي نموني نڀايو سندس لا۽ اسان اڄ به اسان جي جيءَ ۾ جايون آهن پاڻ پارٽي جا سچا ڪارڪن ۽ وفادار ساٿي هيا هر تحريڪ ۾ سندس ساٿ اسان سان رهيو هر  مشڪل گھڙي ۾ ڪم اچڻ وارو انسان هو جنهن بنا لالچ ۽ لوڀ جي پنهنجي زندگي ۽ وفائون پاڪستان پيپلز پارتي جي نالي ڪري ڇڏيون اهڙا سپورنجھ ڀاڳن تي پارٽين کي ملندا آهن اسان کي سندس کوٽ محسوس ٿي رهي آهي اهو هڪ وڏو خال آهي جيڪو خال سندس فرزند وفا طارق عزيز ڳاهو ئي ڀري سگھي ٿو ان موقعي تي نواب خان وساڻ چيو ته عبدالعزيز ڳاهو اسان جو محسن ڀاءُ هو جيڪو نه گرمي ڏسندو هو نه سردي کي ڏسندو  بس سڏ ۾ سڏ ڏيندو هو سچ پڇو ته اسان کان سچو ساٿي وڇڙي ويو آهي جيڪو جسماني ته اسان کان وڇڙي ويو آهي پر روحاني اسان سان گڏ آهي ان موقعي تي بهترين سياستدان جو ايوارڊ حاجي نواب وساڻ وفا طارق عزيز ڳاھو کان وصول ڪيو  بهترين سگھڙ جو ايوارڊ سنڌ سگھڙ ادبي ڀلائي تنظيم جي اڳواڻ خليل الرحمان مهيسر   سيد اڪبر ساڳ کان وصول ڪيو بهترين اديب جو ايوارڊ  سنڌي ادبي سنگت جي سيڪريٽري جنرل ڊاڪٽر مشتاق ڦل کي ڏنو ويو جيڪو لالڻ چنه وصول ڪيو  تقريب ۾ سنڌ جي ڪنڊ ڪڙڇ  هزارين ن ، شاعرن، سياسي سماجي اڳواڻن ، سگھڙن ، استادن شرڪت ڪئي جن ۾ محمد قاسم ملڪ ، گلڻ ڄامڙو ، سيد زوار شاھ ، گدا حسين سهتو ، امام ڏنو مهراڻي ، سجاد گل سولنگي ، سردار گل منير سولنگي ، ربنواز راز ڄامڙو ، وحيد نواز ڄامڙو ، شير ل ڄامڙو ، عارف حسين راڄپر ۽ ٻيا شامل هئا تقريب ۾ سگھڙن  سگھڙائپ جو فن پيش ڪيو. آخر دعا خير سان ورسي کي پڄاڻي رسايو ويو.

 

پانامه عملدآمد ڪيس جو فيصلو محفوظ…!

سپريم ڪورٽ پاناما ليڪس بابت جي آءِ ٽي جي رپورٽ تي پنهنجو فيصلو محفوظ ڪري ڇڏيو. جسٽس اعجاز الحسن جي سربراهيءَ ۾ پاناماليڪس ڪيس جي عملدرآمد بئنچ جي آءِ ٽي جي رپورٽ تي ٻڌڻي ڪئي. عدالت رمارڪس ڏيندي چيو ته اهو به ڏسي سگهن ٿا ته صحيح ڪيئن مختلف آهي.  مسئلو رڳو فونٽ جو رهجي ويو آهي. ٻڌڻي دوران سپريم ڪورٽ جي آءِ ٽي رپورٽ جو واليم 10 به گهرائي ورتو. جسٽس عظمت سعيد چيو ته ڏهين جلد ۾ جي آءِ ٽي جي خطن جي تصديق ٿيندي، جلد مان گهڻيون شيون واضح ٿي وينديون.  واليم 10 جي سيل عدالت ۾ کولي وئي جنهن جو عدالت جائزو به ورتو. خواجه صاحب واليم 10 اوهان جي درخواست تي کوليو پيو وڃي. دستاويزن ۾ لاڳاپيل نوٽري پبلڪ جا تفصيل آهن عدالت خواجه حارث کي واليم 10 جا مخصوص دستاويز پڙهڻ لاءِ ڏنا پر عدالت طرفان رمارڪس ڏنا ويا ته اڃا واليم 10 ڪنهن کي نه ڏنو ويندو. 23 جون تي جي آءِ ٽي خط لکيو، جواب ۾ اٽارني جنرل بي وي آءِ کي خط لکيو.  عوامي عهدو رکندڙن جي آمدني اثاثن موجب نه هجي ته ڇا ٿيندو، پبلڪ آفس هولڊر اسيمبليءَ ۾ چيو ته هي آهن اهي ذريعا جنهن سان فليٽ خريد ڪيا ويا جنهن بعد وزيراعظم ڪجهه شڪي دستاويز اسپيڪر حوالي ڪيا، اسان هڪ سال کان اهڙن دستاويزن جو انتظار ڪري رهيا آهيون، هتي معاملو عوامي عهدو رکڻ واري جو آهي، هو پنهنجي عهدي سبب جوابده آهي عوامي عهدو رکندڙ قومي اسيمبلي ۽ قوم کي خطاب ڪيو هو، خطاب ۾ چيو هو ته ٻارڙن جي ڪاروبار بابت شاهديون موجود آهن، رپورٽ ۾ مريم نواز جي بينيفيشل مالڪ هئڻ جو چيو ويو آهي.  سلمان اڪرم راجا طرفان دليل مڪمل ٿيڻ کانپوءِ  اسحاق ڊار جي وڪيل طارق حسن دليل ڏيندي چيو ته  پنهنجي جواب ۾ عدالتي خدشا ختم ڪرڻ جي ڪوشش ڪئي وئي،  عدالت ۾ 2 جواب داخل ڪرايا ويا آهن. جسٽس اعجاز افضل رمارڪس ڏيندي چيو ته قانون جي دائري ۾ رهي ڇولين ۾ ترڻو پيو ته هو ترندا. ٻڌڻي دوران طارق حسن اسحاق ڊار جو 34 ورهين جو رڪارڊ سيل بند پيش ڪيو جنهن تي جسٽس اعجاز الحسن چيو ته هاڻي هي دٻو سڄو ڏينهن ٽي وي زينت بڻيل رهندو. جسٽس اعجاز افضل چيو ته جي آءِ ٽي اثاثن ۾ اضافي جو چيو پر اسحاق ڊار جواب نه ڏئي سگهيو ٿي سگهي ٿو ته سندس خلاف ڪارروائي شروع ٿي وڃي. ٻڌڻي دوران نيب جي وڪيل چوڌري اڪبر تارڙ چيو ته نيب حديبيا پيپرز ڪيس کولڻ جو فيصلو ڪيو ويو آهي،  هاءِ ڪورٽ جي فيصلي خلاف سپريم ڪورٽ ۾ اپيل ڪئي ويندي. تحريڪ انصاف جي وڪيل نعيم بخاري چيو ته ثابت ٿي ويو ته وزيراعظم صادق ۽ امين نه رهيو آهي، ايف زيڊ اي ڪمپني وزيراعظم ظاهر نه ڪئي. جسٽس اعجاز افضل چيو ته حڪومت جو چوڻ آهي ته وزيراعظم پگهار نه ورتي آهي، پگهار کڻڻ ۽ نه کڻڻ جا اثر الڳ الڳ ٿيندا. اها حقيقت آهي ته جيڪڏهن اثاثا ظاهر نه ڪيا ويا ته بد ديانتي سڏرائيندي، سوال اهو آهي ته سندن اختيارن جو دائرو هوندو يا اليڪشن ڪميشن جو هوندو.  قطري سپريڊ شيٽ ته نه هيڏانهن ۽ نه وري هوڏانهن جي آهي. جيڪڏهن اسان مڃي وٺون ته فليٽس جي مالڪ مريم نواز آهي ۽ مريم نواز شريف جي خرچ پکي ۾ آهي ته، اثاثا ظاهر ڪرڻ تي ئي وزيراعظم جي نااهلي بابت فيصلو اچي سگهي ٿو، جيڪڏهن خرچ پکي هيٺ ثابت نه ٿي ته رڳو مريم نواز جو فليٽ مالڪ هئڻ ڪافي ناهي. جي آءِ ٽي ٺهي ته سڀني چيو ته ڪم آزاد نموني ٿيندو، جي آءِ ٽي پنهنجي دائري کان وڌي ڪم ڪيو، جيڪڏهن اسان ٽرائل بابت فيصلو ڏنو ته فيئر ٽرائل ئي ٿيندو،  شيخ رشيد احمد عدالت ۾ دليل ڏيندي چيو ته قطري خط ڪڍي ڇڏيو ته ڪيس ۾ ڪجهه به ناهي، سندس درخواست آهي ته آرٽيڪل 62 ۽ 63 جي آهي. عدالت بار بار مني ٽريل گهري جيڪا نه آئي آهي، جنهن طرف ڏسو ته بي نامي دار آهي. فيصلو محفوظ ٿيڻ بعد وزيراعظم نواز شريف جي صدارت هيٺ مسلم ليگ ن جو اهم مشاورتي اجلاس ٿيو، جنهن ۾ فيصلو ڪيو ويو ته سدائين عدالت سامهون سر هيٺ رکيو آهي، پاناما ڪيس ۾ عدالت کان بهتر فيصلي جي اميد آهي ۽ عدالت جي ڪنهن به فيصلي کي قبول ڪيو ويندو، فيصلو خلاف اچڻ جي صورت ۾ سمورن قانوني ۽ آئيني آپشنز کي استعمال ڪيو ويندو.