تازيون خبرون

Daily Archives: July 20, 2017

جھڙي طرح فلمن ۾ نظر ايندو حقيقي زندگي ۾ بلڪل ان جي ابتڙ آهيان : شاهه رخ خان

ممبئي (اين اين آءِ)باليووڊ جي ڪنگ چورائڻ واري اداڪار شاهه رخ خان مداحن کي مشورو ڏنو ته هو ان کان متاثر ٿي اهڙيون حرڪتون نه ڪن جيڪي هو پنهنجي فلمن ۾ ڪندو آهي. پنهنجي تازي انٽرويو ۾ هن چيو ته فلمن ۾ جيئن مان نظر ايندو آهيان حقيقي زندگي ۾ ان جي شخصيت بلڪل ان جي ابتڙ آهيان. بالي ووڊ جي اداڪار شاهه رخ خان کي رومانس جو بادشاهه سمجھيو ويندو  آهي. پر شاهه رخ خان چيو  ته هو اصل حقيقي زندگي ۾ بلڪل ان جي ابتڙ آهيان. هن پنهنجي مداحن کي مشورو ڏيندي چيو ته فلمن ۾ ان جھڙيون حرڪتون ڪيون ان اصل زندگي ۾ اهي ان ڪڏهن به نه ڪيون. فلم ڪڇ ڪڇ هوتا هي جو حوالو ڏيندي هن چيو ته جھڙي طرح آخر ۾ ان ٺيڪ شادي جي وقت ڪاجل سان پنهنجي محبت جو اظهار ڪيو  حالانڪه گھوٽ هيٺ بيٺو هو، حقيقي زندگي ۾ هو ائين سوچي به نه ٿو سگھي. شاه رخ خان پنهنجي اچڻ واري فلم جب هيري ميٽ سجل جي مشهوري ۾ مصروف آهي ان پنهنجي سيني تي هڪ ٽاٽو ٺهرايو آهي جنهن تي ان چيو ته حقيقت ۾ ان کي ٽاٽو ٺهرائڻ ۾ ڏاڍو خوف ٿيندو آهي.

 

نوازالدين صديقي سانوري رنگ سبب تعصب جو شڪار بڻجي ويو

ممبئي (اين اين آءِ)باليووڊ جي بهترين اداڪار نوازالدين صديقي پنهنجي سانوري رنگ سبب تعصب جو شڪار بڻجي ويو، هونئن ته سڄي دنيا ۾ ڪيترن ئي نالي واري شخصيتون پنهنجي قوميت ۽ رنگ سبب تعصب جو شڪار سبب بڻجي چڪيون آهن بالي ووڊ ۾ اهو رجحآن ڪجھه وڌيڪ ڏٺو وڃي ٿو ان لاءِ ته شاهه رخ خان، اڪشي ڪمار ۽ پريانڪا سميت ڪيترائي نالي وارا اداڪار ان تعصب کان محفوظ نه رهيا ، ڀارتي فلم انڊسٽري ۾ پنهنجي جدا سڃاڻ ٺاهيندڙ اداڪار نوازالدين صديقي انتهائي غريب گھراڻي سان تعلق رکڻ جي باوجو ڪاميابي حآصل ڪيون هو به ان جو شڪار بڻجي ويو. سماجي رابطي جي ويب سائيٽ هڪ ٽوئيٽ ڪندي ان چيو ته مونکي اهو احساس ڏيارڻ لاءَ توهانجي مهرباني ته مونکي پنهنجي سانوري رنگ سبب گوري رنگ واري ۽ سهڻن ماڻهن سان گڏ فلمن ۾ ڪاسٽ نه ٿو ڪري سگھجي پر مان انهن ڳالهين کي ڪڏهن دل ۾ نه ورتو. نوازالدين صديقي اهو ٽوئيٽ ان جي ڪري ڪيو ته ڊائريڪٽر جي هڪ بيان سبب جنهن ۾ ان چيو ته فلم ۾ پهريان نوازالدين سان گڏ چترانگا سنگھه کي ڪاسٽ ڪيو ويو پر ان جي انڪار تي هيرو کي مدنظر رکندي وڌيڪ ڪاسٽنگ ڪئي وئي. ڇو ته جيڪڏهن اسان ڪنهن ڀوري رنگ واري اداڪار کي نواز سان گڏ ڪاسٽ ڪيون ته اهو تمام عجيب لڳي هان.

 

ٻي ٽيسٽ ڏکڻ آفريڪا انگلينڊ کي 340 رنسن کان شڪست ڏئي ڇڏي

ٽرينٽ برج (اين اين آءِ) ڏکڻ آفريڪا ۽ انگلينڊ ۾ جاري ٻي ٽيسٽ ميچ ۾ ڏکڻ آفريڪا انگلينڊ کي 340 رنسن تان شڪست ڏئي ڇڏي. 473 رنسن جي پويان انگلينڊ ٽيم ٻي اننگ ۾ صرف 133 رنسن تي ڍير ٿي وئي، تفصيل موجب ٽرينٽ برج ٽيسٽ ڏکڻ آفريڪا ٽاس کٽي پهريان بيٽنگ ڪئي جيڪو صحيح ثآبت ٿيو، پهرين اننگ ۾ ڏکڻ آفريڪا 335 رنسون ٺآهيون جنهن جي جواب انگلينڊ جي ٽيم 205 رنسون ٺاهي ڇڏيون ٻي اننگ ۾ ڏکڻ آفريڪا 130 رنسن جي اننگ وٺي343 اسڪور ڪيو ۽ انگلينڊ 443 رنسن جو حدف ڏئي ڇڏيو، جيڪو انگلينڊ جي ٽيم لاءِ وڏو حدف ثابت ٿيو. انگلينڊ جا رانديگر هڪ هڪ ڪري پويلين موٽندا رهيا صرف ايليسٽر ڪڪ ئي 42 رنسن ٺاهڻ ۾ ڪامياب ٿي ويو ۽ سموري ٽيم 44.2 اوور ۾ صرف 133 رنسون ٺاهيون. انگلينڊ ۽ ڏکڻ آفريڪا جي وچ ۾ چار ميچن جي سيريز 1-1 سان برابر ٿي و.ئي آهي.

 

وومينز ورلڊ ڪپ جي ٻئي سيمي فائنل ۾ اڄ آسٽريليا ۽ ڀارت آمهون سامهون

ڊربي (اسپورٽس نيوز) آءِ سي سي وومينز ورلڊ ڪپ جي ٻي سيمي فائنل ميچ اڄ خميس ڏينهن آسٽريليا ۽ ڀارت جي ٽيمن وچ ۾ ڊربي ۾ کيڏي ويندي. انگلينڊ ۾ جاري وومينز ورلڊ ڪپ جا مقابلا پڄاڻي تي پهچڻ وارا آهن، جنهن جي ٻي سيمي فائنل ميچ اڄ کيڏي ويندي. ميچ ۾ آسٽريليا جي ٽيم ڀارت سان ڊربي جي ميدان تي مقابلو ڪندي. واضح رهي ته آسٽريلوي ٽيم ميگا ايونٽ ۾ ٽائيٽل جو بچاءُ ڪري رهي آهي. وومينز ورلڊ ڪپ جي فائنل ميچ 23 جولاءِ تي لارڊز، لنڊن ۾ کيڏي ويندي.27

 

چين ۽ ڀارت وچ ۾ ڇڪتاڻ، خطي ۾ نئين جنگ جا امڪان: جاويد ابڙو

ڀارت جي خطي ۾ ڪنهن به پاڙيسري ملڪن سان ڇڪتاڻ ڪا نئين ڳالهه ناهي، پر تازو چين ۽ ڀارت وچ ۾ هڪ ڌر کي وڏو جاني نقصان پهچائيندڙ ننڍي پئماني ۽ مختصر وقت جي اڻ اعلانيل جنگ ڇڙي آهي، جيڪا يقينن اهو ڏس ٿي ڏئي ته خطي جي صورتحال خطري جا گهنڊ وڄائي رهي آهي. هن وقت عالمي تجزيه نگارن جو به اهو خيال آهي ته چين ۽ ڀارت وچ ۾ وڌندڙ تڪرار خطرناڪ جنگي محاذ ڏانهن وٺي وڃي سگهي ٿو، ڇوته ڀارتي فوج ۽ چين پاران سڪم ۽ ڀرپاسي جي تڪراري علائقن ويجهو وڏي انگ ۾ فورسز، هٿيار ۽ ٽينڪون مقرر ڪرڻ کان پوءِ ٻنهي ملڪن وچ ۾ لاڳاپا متاثر ٿي رهيا آهن ۽ خدشو آهي ته ٻنهي ملڪن جي طرف کان ننڍي کان ننڍي به ڀڃڪڙي معاملن کي سنگين بڻائي سگهي ٿي. دنيا ڄاڻي ٿي ته ڪنهن به خطي ۾ جنگ کي مزيدار ۽ خوفنائتو بڻائڻ لاءِ سپر پاور قوت پنهنجن حوارين کي لاهي اڻ سڌي طرح ۽ پوءِ سڌي طرح ويڙهه جي ان ميدان تي پنهنجو ڪردار ادا ڪندي آهي، سو هتي به انهيءَ قوت جو ڀارت کي مڪمل سهڪار حاصل آهي، جيڪو مودي کي ڪنهن به ڏکي وقت ۾ هٿيارن جي فراهمي سميت هر قسم جي عسڪري ۽ مالي مدد فراهم ڪرڻ جو يقين ڏياري چڪو آهي، سولن لفظن ۾ اهو چئجي ته ڀارت آمريڪي هٿيارن جي واپار کي وڌائڻ لاءِ ايشيائي خطي ۾ جنگ جو ٺيڪو حاصل ڪري ورتو آهي ته اهو غلط نه هوندو، اهڙي ريت دنيا جي مختلف خطن ۾ آمريڪا جا اهڙا ڪيئي ٺيڪيدار موجود آهن، بدقسمتي سان ماضي ۾ اسان به ان لسٽ ۾ شامل ٿي چڪا آهيون.

ماضي جو تاريخي پسمنظر ڏسڻ سان معلوم ٿئي ٿو ته سرحدي معاملن تي ڀارت ۽ چين وچ ۾ 1962ع ۾ جنگ به ٿي چڪي آهي، ان کانسواءِ هيستائين ٻنهي ملڪن جي فوجن وچ ۾ فائرنگ جي ڏي وٺ به ٿيندي رهي آهي، پر وڏي عرصي کانپوءِ تازو چين ۽ ڀارت وچ ۾ جيڪا ويڙهه شروع ٿي آهي، جنهن بابت ٻڌايو وڃي ٿو ته سڪم واري علائقي ۾ چين ۽ ڀارت وچ ۾ وڏي پئماني تي اڻ اعلانيل جنگ جاري آهي، ان بابت چيني ميڊيا جو چوڻ آهي ته ڀارتي فوج سڪم واري علائقي ۾ فائرنگ ڪندي اندر داخل ٿيڻ جي ڪوشش ڪئي، جنهن تي چيني فوج پاران ڀارتي فوج کي پوئتي ڌڪڻ لاءِ جوابي ڪارروائي ڪئي وئي، تنهن جي باوجود به ڀارتي فوج تڪراري علائقي ۾ گهڻي دير تائين فائرنگ ڪندي رهي، جنهن تي چيني فوج کي مجبورن پنهنجن ڳرن هٿيارن جو استعمال ڪرڻو پيو ۽ ڀارت جي انهن چيڪ پوسٽن کي نشانو بڻايو ويو، جتان هو چيني علائقي ۾ فائرنگ ڪري رهيا آهن، جڏهن ته چيني فوج جي راڪيٽ حملن ۽ فائرنگ ۾ ڀارت جا 150 کان وڌيڪ فوجي مارجڻ ۽ ٻيا ڪيترائي زخمي ٿيڻ جا اطلاع مليا آهن. اهو پڻ ٻڌايو وڃي پيو ته چين ڇڪتاڻ جي ڪري تبت ۾ واقع هندن جي متبرڪ هنڌ ڪيلاش مانسرور ۾ هر سال ياترا تي ايندڙ ڀارتي زائرين کي به تبت وڃڻ کان روڪي ڇڏيو آهي، جنهن سبب سوين ياترين کي واپس ڀارت موٽڻو پيو. اهڙي صورتحال پيدا ٿيڻ بعد ڀارت ۾ حڪومت مخالف جماعت ڪانگريس نريندر مودي تي تنقيد ڪندي چيو آهي ته گذريل ڏيڍ مهيني کان چين 150 ڀيرا ڀارتي سرحدن جي خلاف ورزي ڪري چڪو آهي، پر اڃا تائين مودي ڪابه پاليسي واضح ناهي ڪئي، جڏهن ته چيني فوجي هيليڪاپٽر ڀارتي صوبي اتر کنڊ ۾ ٻه ڀيرا داخل ٿي چڪا آهن، جن کي روڪڻ ۽ صورتحال تي ڪنٽرول ڪرڻ ۾ مودي حڪومت لڳاتار ناڪام ڏسجي ٿي.

چين ڀارت تي سرحدي مفاهمت جي حوالي سان دوکو ڏيڻ جو الزام به لڳائي چڪو آهي، ان ڏس ۾ چين جو چوڻ آهي ته ڀارتي فوج سندس رياستي علائقي ۾ داخل ٿي، ساڳئي وقت اتر اوڀر علائقي سڪم جي حوالي سان ٻنهي پاڙيسري ملڪن وچ ۾ جيڪو معاهدو ٿيو هو، ڀارت ان جي مسلسل خلاف ورزي ڪري رهيو آهي، پر ان کان اڳ ڀارت جون اڳوڻيون حڪومتون ان مفاهمت تي پابندي ڪنديون رهيون. چين جي دعويٰ آهي ته سڪم سندس علائقو آهي، ان ڪري ڀارت يا ڀوٽان جو ان سان ڪو تعلق ناهي. جڏهن ته ڀارتي وزير دفاع چين کي سخت لهجي ۾ وارننگ ڏني آهي ته ڀارت هاڻي 1962ع وارو ناهي، بلڪه هي 2017ع جو ڀارت آهي، جنهن جي ردعمل ۾ چين جي پرڏيهي وزير پنهنجي بيان ۾ چيو آهي ته ڀارت جو اهو چوڻ درست آهي، پر ساڳي ريت چين به هاڻي اڳ جي ڀيٽ ۾ گهڻو مختلف آهي. ان کان اڳ چيني فوج ان علائقي ۾ واقع ڀارتي فوج کي تڪراري علائقي ۾ پنهنجا بنڪر هٽائڻ جي وارننگ ڏني هئي، جن کي چيني فوج ڏيڍ هفتو اڳ تباهه به ڪيو هو.

چين ۽ ڀارت جا فوجي جٿا هماليا جي ان بلند علائقي ۾ ماضي ۾ به ڪيترائي ڀيرا هڪٻئي جي آمهون سامهون ٿي چڪا آهن، جنهن کي ”ٽرائي جنڪشن“ به چيو وڃي ٿو، ڇوته تبت، ڀوٽان ۽ ڀارت جون سرحدون اتي هڪٻئي سان لڳن ٿيون، موجوده ڇڪتاڻ جي حوالي سان چين جو چوڻ آهي ته ڀارتي فوجي جٿا سندس رياستي علائقي ۾ داخل ٿيا هئا، انهيءَ دعويٰ کي رد ڪندي ڀارت ۽ ڀوٽان موقف اختيار ڪيو آهي ته چين جنهن تڪراري علائقي جي ڳالهه ڪري رهيو آهي، اهو اصل ۾ ڀوٽان جو رياستي علائقو آهي. ڀارت به ڀوٽان ۾ پنهنجا فوجي دستا مقرر ڪري رکيا آهن ۽ سندس دعويٰ آهي ته سندس فوجي دستا چيني فوج جي ان يونٽ ويجهو پهچي ويا هئا، جنهن گذريل مهيني 16 جون تي هماليه جي رياست ڀوٽان ۾ ڊوڪلام واري علائقي ۾ داخل ٿي اتي هڪ رستي جي تعمير شروع ڪرڻ جي ڪوشش ڪئي. ڀارت جو چوڻ آهي ته چين انگريز دور جي 1890ع جي جنهن معاهدي جي ڳالهه ڪري رهيو آهي، ڀارت ان کي نٿو قبولي، ڇوته 2012ع ۾ ٻنهي ملڪن وچ ۾ جيڪو معاهدو ٿيو هو ته ”ڪنهن اهڙي جاءِ جي سلسلي ۾ جنهن تي ڀارت ۽ چين وچ ۾ تڪرار ٿي وڃي، ان جو فيصلو انهيءَ ٽئين ملڪ جي صلاح سان ڪيو ويندو“، جتي اها جاءِ واقع آهي، جڏهن ته تڪرار ۾ شامل ٽيون ملڪ ڀوٽان آهي.

اصل ۾ تڪرار جي حل جو دارومدار ڀارتي حڪومت جي پاليسي تي ٻڌل آهي ته ڇا اها خطي ۾ پنهنجي پاڙيسري ملڪن سان ڇڪتاڻ وڌائي امن کي سدائين لاءِ داءُ تي لڳائڻ چاهي ٿي يا پوءِ اها خطي لاءِ امن، استحڪام ۽ سلامتي گهري ٿي. تنهن هوندي به وقت جي تقاضا اها آهي ته موجوده صورتحال پرامن حل چاهي ٿي، پر ڀارت جيڪا هٺ ڌرمي اختيار ڪئي آهي، سا انهن تڪرارن کي حل ڪرڻ ۾ وڏي رڪاوٽ بڻيل آهي. جيڪڏهن صورتحال ۾ ٺاپر نه آئي ته چين ۽ ڀارت وچ ۾ مڪمل فوجي ٽڪراءُ پيدا ٿيڻ جو خدشو آهي ۽ جي ائين ٿيو ته پوءِ اها جنگ ائٽمي جنگ ۾ به تبديل ٿي سگهي، جنهن جا اثر نه صرف هن خطي پر سڄي دنيا تي پوندا ۽ اها ويڙهه 1962ع کان به ڪيئي ڀيرا وڌيڪ رتوڇاڻ واري ٿي سگهي ٿي ۽ اهو سنگين قدم دنيا کي هٿ سان تباهه ڪرڻ طرف هوندو.

چين هن وقت پنهنجي فوج ايشيا کان ٻاهر موڪلڻ جي رٿابندي تي عمل ڪري رهيو آهي، تازو ڪجهه ڏهاڙا ڳ چين آفريقي ملڪ جبوتي ۾ پنهنجو پهريون غيرملڪي فوجي اڏو قائم ڪرڻ جو اعلان ڪيو هو، جنهن بعد نه رڳو آمريڪا پر سندس اتحادين ۾ ٿرٿلو متل آهي. مٿان وري چين ۽ روس وچ ۾ 24 مئي کان جنگي مشقون شروع ٿيڻ واريون آهن، جيڪي 27 جولاءِ تي پڄاڻي تي پهچنديون. هي پهريون موقعو آهي ته روس ۽ چين جون فوجون يورپي ملڪن جي بلڪل ويجهو بالٽڪ سمنڊ ۾ گڏيل جنگي مشقن ۾ حصو وٺي رهيون آهن، جنهن لاءِ چين جا ڪيئي جهاز اماڻيا ويا آهن، ساڳئي وقت چين قطر بحران جي پسمنظر ۾ نار فارس ۾ ايران سان گڏيل ساموندي جنگي مشقون به شروع ڪيون آهن. هالينڊ جي نيوي به چيني سامونڊي ٻيڙي جي خطي ۾ موجودگي جي تصديق ڪئي آهي، انهيءَ چيني ٻيڙي ۾ هڪ جنگي، هڪ جهاز کڻندڙ ۽ هڪ سامان پهچائيندڙ جهاز شامل آهن، ٻئي طرف قطر بحران جي تناظر م ايران ۽ چين گڏيل طور نار خطي ۾ جنگي ساموندي مشقن جي شروعات ڪري ڇڏي آهي، انهن مشقن ۾ ايران جو هڪ ۽ چين جا ٻه جنگي جهاز حصو وٺي رهيا آهن، هرمز واري هنڌ ٿيندڙ انهن مشقن ۾ ست سئو ايراني فوجي شريڪ آهن. اهڙي قسم جي مشقن سان خطي جي طاقتن وچ ۾ تڪرار وڌي سگهي ٿو. سعودي عرب ۽ سندس اتحادي ملڪن جي قطر سان ڪاوڙ جو هڪ ڪارڻ اهو به آهي ته ان جا ايران سان ويجها ناتا آهن، هرمز کي تيل ۽ گئس جي فراهمي لاءِ دنيا جو هڪ اهم رستو تصور ڪيو ويندو آهي، ان علائقي ۾ آمريڪي جنگي جهاز به موجود آهن، جيڪي قطعي اهو نه چاهيندا ته ايران ۽ چين لاءِ هي سامونڊي رستو واپار ۽ دفاعي سامان جي آمد رفت لاءِ استعمال ۾ اچي. بهرحال، هن وقت دنيا جا طاقتور ملڪ ايندڙ وقت لاءِ پنهنجي پوزيشن سنڀالي رهيا آهن، اهو ئي سبب آهي جو عالمي قوتن جا گروهه پنهنجي پنهنجي ڪئمپ ۾ مفادن تحت ملڪن جي چونڊ ڪري انهن جي ويجهو اچڻ جي ڪوششن ۾ آهن.

 

خان صاحب ۽ ميان صاحب کي سمجهڻ ڏاڍو ڏکيو آهي…! : غلام مصطفيٰ جمالي

پي ٽي آءِ سرابراه عمران خان صاحب هن وقت تمام گهڻو مصروف آهي نه رڳو مصروف آهي پر وزيراعظم جي استيفيٰ واري معامري جي تمام گهڻو خوش ۾ آهي ۽ تمام گهڻو مصروف آهي ۽ اها به حيقيقت آهي ته سندس اهڙو مصروف هجڻ جي هڪ وجهه به آهي. هو اپوزيشن ليڊر آهن ۽ تازو پاڪستاني وزيراعظم ميان نواز شريف جي خلاف هڪ نئون اسڪينڊ  وٽس وجود آهي.۽ عمران خان اهو اعلان به ڪري چڪو آهي ته جيڪڏهن ميان صاحب استيفيٰ نه ڏيندو ته  ميان صاحب جي خلاف هڪ تاريخي  ڌرڻو به هنيو ويندو.جڏهن ته ڪجهه مهنيا پهرين جڏهن عمرن خان اهڙو بيان ڏنو هو ته هو ميان نواز شريف جي خلاف رائيونڊ ۾ ڌرڻو هنڻدو ته سندس اهڙي بيان سان ملندڙ بيان  ن ليگ جي پارٽي جي رهنما صوبائي وزيرقانون رانا ثناالله به جواب ۾ چئلنج ڏيندي هڪ بيان  ته هوءُ به رائوينڊ ويندو.ان ڪري هاڻ ڏسون ته وري راڻا ثناالله جو ڪو بيان ايندو يانه.؟ جڏهن ته هن وقت جوابي لفظي بالينگ ڪرائيندا راڻا صاحب اه  به بيان ڏنو هوُ ته پنجاب جي عوام اسان سان گڏ آهي ۽ اها عوام تحريڪ انصاف  سان اهڙو حشر ڪندي جو هو هيمشه ياد ڪندا.برحال اهو سياستي جو وهندڙ پاڻي آهي جيڪو کي ڪير ڪيترو به گندو ڇو نه ڪري پر رهڻو سڀني کي انهي پاڻي ۾ آهي.انهي اندر ساهه کڻڻو آهي ۽ انهي اندر زندگي گذارڻي آهي.اتي خان جي خدمت ۾ بي بي سي جي هڪ خبر پيش ڪرڻ ٿو چاهيان.جيئن ته مان پهرين به چئي چڪو آهيان ته هن وقت ميان صاحب پامانا ليڪس جي ڪري تمام گهڻو پريشان حال آهي ڇو ته کيس ميان نواز شريف استيفيٰ مطالبو مڃارائڻو آهي جو آهي.جنهن جي ڪري کيس پامانا ليڪس جون خبرون پڙهڻ کان سواءِ ٻين خبرن پڙهڻ جو وقت ئي ڪون ٿو ملي.خبر اندر اهو ٻڌايو ويو هو ته صوبي ڪي پي ڪي اندر گذريل برساتن اندر لينڊ سلائينڊنگ جي نتيجي ۾  فوت ٿي چڪا آهن.۽ ڪيترائي مڪمل پٽ پئجي ويا هئا.جڏهن ته هڪ اداري جي رپورٽ مطابق ته انهي برساتن اندر جيڪي فوت ٿي چڪا آهن انهن کي 3 لک رپيا ڏنا پيا وڃن ۽ جيڪي گهر تباه ٿيا آهن انهن جي هڪ لک رپيا ڏنا ويندا ۽ جيڪي معمولي ڊٺل آهن انهن کي 50هزار رپيا ڏنا ويندا.هاڻ ان ڪري اهو سوال پنهنجي جڳهه تي درست آهي ته جنهن صوبي عمران خان صاحب کي ووٽ ڏنا جتان هن وڏي اڪثريت سان اليڪشن کٽي.ان ڪري عمران خان صاحب جو اهو فرض آهي ته هو اهڙي مشڪل گهڙي اندر ڪي پي ڪي جي عوام جي سار لهي.سندس غمن ۾ ساٿي بڻجي مان سمجهان ٿو ته واقعي اهو صوبائي حڪومتن جو ڪم آهي پر اتي جي عوام عمران خان جا نعرا هنيا هئا ۽ انهي نعري جي ڪري عمران خان کي ووٽ مليا هئا ۽ اهو به سڀني کي خبر آهي ته اتي جي عوام عمران خان سان تمام گهڻي محبت ڪندي آهي ان ڪري عمران خان صاحب کي به انهي عوام سان اوتري محبت ڪرڻ گهرجي..سياسي ضروريت ته هڪڙي پاسي پر انساني ناتي به اهو فرض آهي ته جيڪڏهن ڪو ڏک ۽ تڪليف ۽ آهي ته انهي ڏک ۽ تڪليف ۾ پوندڙ انسان جي مدد ڪرڻ گهرجي.ان ڪري مان هن وقت ڪا پيشنگوهي نه پيو ڪيان پر ڪي پي ڪي جي عوام جي روين کي ضرور سمجهڻ جي ڪوشش ڪري رهيو آهيان.ڇو ته اها ڪي پي ڪي جي عوام جي روايت رهي آهي ته انهن سان جنهن به بي وفائي ڪئي آهي پوءِ کيس اقتدار جي ڪرسي جو ٻئي دفعا موقعي ڪڏهن به ناهي مليو.

مطلب ته اهڙيون سياسي پارٽيون جيڪي ڪي پي ڪي جي عوام کي نظرانداز ڪن ڪي پي ڪي جي عوام انهن جي ڪڏهن به ٻيهر ووٽ ناهي ڏيندي.مڪمل ويهه سال گذري چڪا آهن ۽ انهن ويهه سالن اندر ڪي پي ڪي جي عوام جو ووٽ نه ڏيڻ جو شاهديون موجود آهن.جڏهن ته اوهان هڪ نظر سان پويان وڃي ڪري ويهه سالن جي سياست تي نظر وجهندا ته اوهانکي معلوم ٿيندو ته ملڪ اندر حالتون تڏهن ئي خراب ٿيون آهن جڏهن اسٽيپلمنٽ ڪنهن جي مٿان هٿ رکيو آهي .پوءِ اها حڪومت ڪڏهن نواز حڪومت جي ته ڪڏهن پ پ حڪومت جي.. ها اها ٻئي ڳالهه آهي ته مشرف جي دور اندر ڪجهه نوان چهرا ضرور معتارف ڪرايا ويا هئا. ۽ جيڪڏهن ڪنهن جي اهي دليل هضم نه ٿيا هجن ته هو ڌرڻن جي سياست جي ڊارپ سين جي ڏسي وٺي. جنرل پرويز مشرف دور اندر جڏهن بلوچستان اندر اڪبر بگٽي کي مارايو ويو هو ته پوري بلوچستان اندر هڪ باهه ٻري چڪي هئي.جنهن جي ڪري ملڪ اندر هڪ دهشتگردي نئون جنم ورتو.۽ هاڻ انهي باهه کي اوجهائڻ جي ڪوشش ڪئي پئي وڃي.جڏهن ته اسانجا ڪجهه دوست ته اڃان چيف جسٽس افتخار چوڌري جي دور کان ٻاهر ناهن نڪتا.اهو عدليه اداري جي خوش قسمتي هئي ۽ پرويز مشرف کان پوءِ پ پ جي بدقسمتي هئي.جو انهن کي چيف جسٽس مليو پهرين پرويز مشرف انکان پوءِ پرويز الاهي ۽ پوءِ آصف علي زرداي ۽ پوءِيوسف رضا گيلاني. جي حڪومت کي هلڻ به مشڪل لڳي رهيو هيو.عدالت جي پاران ورتل سووموٽو ايڪشن ڪيترن ئي حلقن جي قبول نه هو.ان اندر اسانجا اهي ادارا به شامل آهن جيڪا هميشه مقدس رهيا آهن. ۽ وڪيل به اهو ئي سمجهندا هئا ته عدليه کي انتظاميه جو زميواريون سنڀالڻ نه گهرجن .جڏهن ته پامانا ليڪس کان پوءِ سڀني کي اهو انتظار هو ته عدالتون افتخار چوڌري جي دور جي روايت جي برقرار رکنديون.پر هڪ ڳالهه جيڪا سڀني کي ياد رکڻ گهرجي ته  عدليه جي فيصلا پنهنجي معيار مطابق درست ئي هوندا آهن پوءِ چاهي اهي فيصلا ڪنهن جي حق ۾ هجن يا ڪنهن جي خلاف پر انهن کي مڃڻ ضرور گهرجن.ميان نواز شريف کي سوچڻ گهرجي ڇو ته هڪ ته عدالت جو اهڙو ڪو فيصلو آيو ئي ناهي جنهن سان اهو طعه ٿي نواز شريف استيفيٰ ڏي پر الائي ڇو ميان نواز شريف جي اها پڪ آهي ته سندس استيفيٰ يقيني آهي،ان ڪري عدالت جي بيان کان پهرين ئي اهو چئي رهيو آهي ته هو استيفيٰ نه ڏيندو،انڪري ميان صاحب کي عدالت جي فيصلي جو انتظار ڪرڻ گهرجي.ڇو ته پريم ڪورٽ ۾ پاناما عملدرآمد ڪيس جي ٻڌڻي هڪ دفعو ٻيهر ملتوي ڪئي وئي آهي. جسٽس عظمت سعيد شيخ چيو ته برطانوي ڪمپني منروا سان سروس معاهدي تي ڪنهن صحيح ڪئي اهي ڪاغذ ڏيکاريا وڃن، مالڪ جو نالو ٻڌايو ته خريداري سروس واضع ٿي ويندو. پاناما ڪيس جي ٻڌڻي دوران جسٽس شيخ عظمت سعيد وزير اعظم جي وڪيل خواجا حارث جي دليل تي ريمارڪس ڏنا ته  پيسو ڪٿان آيو ۽ ڪيئن ڏنو ويو اهو واضع ناهي، توهان جو چوڻ آهي ته وزير اعظم جي ملڪيت بابت ڪو به دستاويز ناهي، برطانوي ڪمپني منروا سان سروس معاهدي تي ڪنهن صحيح ڪئي.جڏهن ته . جسٽس اعجاز الاحسن پڇاڻو ڪيو ته ڇا جي آءِ ٽي اسحاق ڊار خلاف سفارش ڪئي آهي،پر ميان صاحب الائي ڇو استعيفي نهٰ ڏيندس ۽ نه ئي اسيمبلي ٽوڙيندس جهڙا بيان ڏئي رهيو آهي جنهن جي اڃان تائين عدالتي ڪوبه بيان نه آي آهي ٻئي طرف اهو به چئي رهيو آهي ته . سپريم ڪورٽ جيڪو به فيصلو ڪيو اهو قبول ڪيو ويندو.پر منهنجي خيال مطابق ت سڀني پارٽين کي عدالت جي فيصلي جو انتظار ڪرڻ گهرجي. جئين سپريم ڪورٽ سڀني ڌرين جا خدشا ختم ڪري ۽ جمهوريت هلڻ ڏي

 

پانامه ليڪس جون تکايون مٺايون….!

گذريل ڏينهن جسٽس اعجاز افضل جي سربراهي ۾ ٽه رڪني بئنچ پاناما ڪيس جي ٻڌڻي ڪئي. ٻڌڻي دوران نواز شريف جي وڪيل خواجه حارث پنهنجا دليل ڏيندي چيو ته سپريم ڪورٽ 20 اپريل جي حڪمنامي ۾ جاچ جو رخ مقرر ڪري ڇڏيو هو. سپريم ڪورٽ جي سوالن ۾ نواز شريف جي تحفن جو ذڪر هو جڏهن ته سپريم ڪورٽ نواز شريف جي خلاف ڪنهن به ڪيس کي ٻيهر کولڻ جو حڪم نه ڏنو هو. سپريم ڪورٽ لنڊن فليٽن، قطري خط، بيريئر سرٽيفڪيٽ بابت سوال پڇيا ۽ سپريم ڪورٽ جيڪي سوال پڇيا انهن جا ئي جواب گهريا ويا هئا، جي آءِ ٽي 13 سوالن سان گڏوگڏ وڌيڪ 2 سوال کنيا آهن جنهن تي جسٽس شيخ عظمت سعيد چيو ته اهي 2 سوال ڪهڙا آهن ڇا توهان چوڻ چاهيو ٿا ته جائيدادن جي نشاندهي جي آءِ ٽي جو مينڊيٽ نه هو جنهن تي خواجه حارث  چيو ته جيڪي ڪيس عدالتن ۾ ختم ٿي ويا آهن، جي آءِ ٽي انهن جي به ڇنڊڇاڻ ڪئي آهي جڏهن ته عدالت ڪيس ٻيهر کولڻ جو حڪم ئي نه ڏنو هو، جنهن تي جسٽس اعجازالحسن چيو ته جائزو وٺڻ جدا ڳالهه آهي نئين سر تعين ڪرڻ جدا ڳالهه آهي، ڪيترائي معاملا پاڻ ۾ ڳنڍيل آهن، انهن کي الڳ نه ٿو ڪري سگهجي، مون کي ياد ٿو اچي ته لنڊن فليٽن جي جاچ ته پهرين کان ئي ٿيندي رهي آهي جيستائين جاچ مڪمل نه ٿي تيستائين سموري معاملي کي ڏسڻو پوندو، اصل شيءَ مني ٽريل جو پتو لڳائڻو هو ۽ عدالت کي ڏسڻو هو ته رقم ڪٿان آئي، التوفيق ڪيس تي عدالت جو فيصلو موجود آهي ۽ اسحاق ڊار جو بيان التوفيق ڪمپني سان لاڳاپيل آهي عدالت کي پنهنجي سوالن جا جواب ڏسڻا آهن، اسان جي آءِ ٽي جي سفارشن جا پابند نه آهيون، جي آءِ ٽي جيڪو بهتر سمجهيو آهي اها سفارش ڪئي آهي، سفارشن تي عمل ڪرڻو آهي يا نه ان جو فيصلو عدالت کي ڪرڻو آهي،  جنهن تي خواجه حارث چيو ته  اسان جي درخواست قانوني نقطن تي آهي پر جي آءِ ٽي جي راءِ جي قانون ۾ ڪا به حيثيت نه آهي جنهن تي جسٽس شيخ عظمت سعيد چيو ته توهان جي ڳالهه سمجهي اسان نوٽ ڪري ورتي آهي، توهان پنهنجي جواب ۾ دستاويزن جي ترديد ناهي ڪئي، لنڊن فليٽن جي انڪوائري جي منظوري 17 سال پهرين ٿي هئي، 2000ع کان 2008ع تائين توهان جو مئوڪل ملڪ کان ٻاهر هو، جيڪڏهن زور وڌو ويو ته ا سان واليوم 10 ظاهر ڪري ڇڏينداسين، جي آءِ ٽي جون سفارشون نه پر سامهون ايندڙ مواد اهم آهي، هاڻي فيصلو ڪنداسين ته ڪيس نيب ڏانهن موڪليون يا وزيراعظم جي نااهلي جو فيصلو ڏيون، جيڪڏهن جي آءِ ٽي وزيراعظم کي ناهي ٻڌو ته اسان ٻڌڻ لاءِ تيار آهيون، وزيراعظم پهرين چيو ته هن وٽ سڀ ثبوت آهن پر جي آءِ ٽي کي پيش ئي نه ڪيا ويا، لڳي ٿو ته شريف خاندان اهو پڪوپهه ڪيو هو ته هنن کي نه ڪجهه ٻڌائڻو آهي ۽ نه ئي وري ڪا ڳالهه مڃڻي آهي.  جي آءِ ٽي سمورن ماڻهن کي جواب، دستاويز ۽ مني ٽريل لاءِ وڏو وقت ڏنو، وزيراعظم، مريم، حسن ۽ حسين کي گهرايو ويو ۽ سوال ڪيا ويا، اسان توهان کي وزيراعظم، مريم نواز، حسن ۽ حسين جا جواب ٻڌائي رهيا آهيون ۽ انهن اهو سوچي ورتو هو ته نه ته هنن کي ڪجهه ٻڌائڻو آهي ۽ نه ئي وري ڪجهه تسليم ڪرڻو آهي، جي آءِ ٽي کي جيڪو ڪجهه ڪرڻو آهي هو پاڻ ڪري، لنڊن فليٽن بابت وزيراعظم چيو ته کيس خبر نه آهي پر لڳي ٿو ته مالڪ حسن آهي، وزيراعظم ته پنهنجي ماسر محمد حسين کي به سڃاڻڻ کان انڪار ڪري ڇڏيو، هو مسلسل لنڊن فليٽن ۾ ويندو رهيو پر کيس خبر ئي نه هئي ته هي ڪنهن جا آهن، هل ميٽل جي رقم مان پارٽي کي 10 ڪروڙ جي گرانٽ ملي ۽ جڏهن هل ميٽل جي رقم کي سياسي مقصد جي لاءِ استعمال ڪرڻ جو پڇيو ويو ته هن چيو ته نه اهڙي ڪا به ڳالهه نه آهي. جسٽس اعجاز افضل چيو ته هي ڪيس آمدني کان وڌيڪ اثاثن بابت آهي، اثاثن ۽ آمدني جا دستاويز توهان کي ڏيڻا هئا، وزيراعظم جو ڪم هو ته لنڊن فليٽن جي خريداري جا ذريعا ٻڌائي ها باقي توهان جو زور صرف اهو آهي ته جي آءِ ٽي فلاڻيون شيون نه ڏيکاريون، لنڊن فليٽن جي خريداري وقت ٻارن جي آمدني نه هئي، وزيراعظم تقرير ۾ چيو هو ته ذريعن ۽ وسيلن جو رڪارڊ موجود آهي، سپريم ڪورٽ هڪ سال کان پڇي رهي آهي ته هاڻي ٻڌايو. عدالتي فيصلا موجود آهن ته جنهن جي جائيداد هجي ان کي اها ثابت ڪرڻي هوندي آهي، شريف خاندان جي وڪيلن جا دليل به اڄ جي آءِ ٽي جي ڪري ٺهيا آهن، جي آءِ ٽي جي فائنڊنگ نه پر سامهون ايندڙ مواد اهميت جوڳو آهي.