تازيون خبرون

Daily Archives: July 15, 2017

استعيفيٰ ڏيڻ جو سوچي به نٿو سگهان، آخري وقت تائين وڙهندس: نواز شريف

اسلام آباد(ويب ڊيسڪ) وزير اعظم نواز شريف چيو آهي ته فوج سان گڏجي آپريشن جو فيصلو ۽ دهشتگردي جي چيلهه ٽوڙي جڏهن ته اسان جي ڪنهن به دور ۾ ڪرپشن سميت گهوٻين جو ڪو به ڪيس آهي ته ٻڌايو وڃي. وزير اعظم نواز شريف پارلياماني پارٽي جي اجلاس کي خطاب ڪندي چيو ته جي آءِ ٽي رپورٽ ۾ هڪ به لفظ اهڙو ناهي ته نواز شريف ڪنهن ڪرپشن ۾ ملوث هو، رڳو هندڙ نه پر هر دور جي ڳالهه ڪندو آهيان مون تي ڪڏهن به ڪرپشن جو الزام ناهي لڳو، اسان جي ڪنهن به دور ۾ ڪرپشن سميت گهوٻين جو ڪيس آهي ته ٻڌايو وڃي جڏهن ته ڪو اي او بي آءِ، ننديپور، رينٽل پاور، نيشنل انشورنس جو ڪيس آهي ته سامهون آندو وڃي. نواز شريف جو چوڻ هو ته پاڪستان ۾ حڪومتون هميشه ڪرپشن ۽ سيڪيورٽي رسڪ تي ڪڍيون ويون، پاڪستان 70 سالن کان جيئن ريت هلي رهيو آهي اهو واقعو ان نمونو آهي. وزير اعظم پنهنجي خطاب ۾ چيو ته فوج سان گڏجي آپريشن جو فيصلو ڪيو ۽ دهشتگردي جي چيلهه ٽوڙي جڏهن ته ملڪ کي روشن ڪرڻ جي سزا ڏني پئي وڃي، چار سالن ۾ موٽر وي، توانائي جي کربين رپين جا منصوبا لڳايا، پاڪستان ۾ ڪنهن سياستدان پنهنجي پاڻ کي ان طرح احتساب جي لاءِ پيش ناهي ڪيو، ڪڏهن به اصولن تي سوديبازي ناهي ڪئي، ڪو به اين آر او سائن ناهي ڪيو، مون کي چيو ويو ته ان ڪاغذ تي صحيح ڪيو، مون ڪڏهن به عوام جي مينڊيٽ ۽ جمهوريت تي ڪمپرومائز ناهي ڪيو، بينظير سان گڏ ميثاق جمهوريت تي صحيح ڪري ڏاڍو سٺو لڳو پر ان وقت ڏک ٿيو جڏهن ڪجهه هفتن کان پوءِ بينظير اين آر او تي صحيح ڪئي. منهنجي پرويز مشرف سان ملاقات جي لاءِ گهڻيون ڪوششون ڪيون ويون.

 

عمران خان ۽ طاهر القادري جي گرفتاري جو حڪم جاري

اسلام آباد (اين اين آءِ) اسلام آباد دهشتگردي جي خاتمي واري عدالت پي ٽي آءِ جي چيئرمين عمران خان ۽ پاڪستان عوامي تحريڪ جي سربراهه ڊاڪٽر طاهر القادري جي ملڪيت ضبط ڪرڻ جو حڪم جاري ڪندي ٻنهي کي اشتهاري جوابدارن جي ملڪيتن جي ضبطي لاءِ واسطيدار ٿاڻن ۽ روينيو کاتي کي نوٽيس جاري ڪري ڇڏيا، جمعي تي دهشتگردي خاتمي واري عدالت جي جج شاهه رخ ارجمند عمران خان ۽ طاهر قادري خلاف دهشتگردي جي ڪيسن جي ٻڌڻي ڪئي، ٻڌڻي دوران ٻنهي جي مسلسل غير حاضري تي ملڪيت جي ضبط ڪرڻ جو حڪم جاري ڪيو ويو، اي ٽي سي اسپيشل ڪورٽ جي جج ٻنهي اشتهاري جوابدارن جي ملڪيت ضبط ڪرڻ لاءِ واسطيدار ٿاڻن ۽ روينيو کاتي کي نوٽيس جاري ڪيا، جڏهن ته ايندڙ ٻڌڻي جي تاريخ 20 جولاءِ مقرر ڪئي آهي، ياد رهي ته 2014 ۾ اسلام آباد ۾ پي ٽي آءِ ۽ پاڪستان عوامي تحريڪ جي ڌرڻي دوران مڇريل ماڻهن پهرين سيپٽمبر تي پي ٽي وي هيڊڪوارٽر تي حملو ڪيو هو.

 

40 سالن کان قوم دهشتگردي خلاف جنگ پئي وڙهي: مريم اورنگزيب

اسلام آباد(ويب ڊيسڪ) سڌُ سماءَ واري مملڪتي وزير مريم اورنگزيب چيو آهي ته 40 سالن کان قوم دهشتگردي خلاف جنگ وڙهي رهي آهي ۽ گذريل 4 سالن ۾ دهشتگردن جي چيلهه ٽوڙي وئي. اسلام آباد هڪ تقريب کي خطاب ڪندي مريم اورنگزيب چيو ته دهشتگردي جي واقعن ۾ واضع گهٽتائي آئي آهي، توانائي جي  منصوبن تي ڀرپور ڌيان آهي پر منصوبن کي مڪمل ٿيڻ ۾ وقت ته لڳندو. هن چيو ته نوجوان نسل کي پنهنجي ثقافت سان جوڙيو ويندو، وزير اعظم نواز شريف وٽ نوجوان نسل جي لاءِ خاص هدايتون آهن، وزير اعظم جي خاص هدايت تي ثقافت ۽ فن کي اجاڳر ڪيو پيو وڃي.

 

ردالفساد تحت ڪوئيٽا ۾ دهشتگردي جي واقعن ۾ گهٽتائي آئي آهي: آرمي چيف

راولپنڊي (ويب ڊيسڪ): آءِ ايس پي آر پنهنجي پڌرائيءَ ۾ ڄاڻايو آهي ته آرمي چيف جنرل قمر جاويد باجوه ڪوئيٽا گيريزن جو دورو ڪيو، آرمي چيف کي سڪيورتي صورتحال تي بريفنگ ڏني وئي، ان موقعي تي ڳالهائيندي/a آرمي چيف چيو ته ردالفساد تحت ڪوئيٽا ۾ دهشتگردي جي واقعن ۾ گهٽتائي آئي آهي، بلوچستان ۾ امن امان جي صورتحال بهتر ٿي آهي، آرمي چيف چيو ته بلوچستان تي منهنجو وڏو فوڪس آهي، دهشتگرد خوف جو شڪار ٿي قانون لاڳو ڪدنڙ ادارن تي حملو ڪري رهيا آهن، ٻين صوبن وانگر بلوچستان جي به خوشحالي اهم مقصد آهي، هن چيو ته ڪوئيٽا ۾ فرقيواراڻن حملن ۾ گهٽتائي آئي آهي، آرمي چيف چيو ته فرارين جي هٿيار ڦٽا ڪرڻ ۾ اضافو قانون لاڳو ڪدنڙ ادارن جي ڪوششن جو نتيجو آهي، آءِ ايس پي آر موجب آرمي چيف ڪوئيٽا ۾ دهشتگرد واقعن ۾ گهٽتائي تي سڪيورٽي فورسز جي ڪارڪردگي کي ساراهيو، سدرن ڪمانڊ آرمي چيف کي سڪيورٽي تي مڪمل بريفنگ ڏني.

 

سپريم ڪورٽ جيڪو به فيصلو ڪندي، اسان ان سان گڏ آهيون: اپوزيشن

اسلام آباد(ويب ڊيسڪ) قومي اسيمبليءَ ۾ مخالف ڌر جي اڳواڻ خورشيد شاهه جي صدارت هيٺ اپوزيشن پارٽين جو گڏيل اجلاس ٿي گذريو، جنهن ۾ اهو فيصلو ڪيو ويو ته سپريم ڪورٽ جيڪو به پاناما جو فيصلو ڪندي اسان ان سان گڏ آهيون، اسلام آباد ۾ ٿيل اجلاس کانپوءِ ميڊيا سان ڳالهائيندي خورشيد شاهه چيو ته نواز شريف قومي اسيمبلي ۽ قوم سان خطاب ۾ چيو ته الزام ثابت ٿيو ته هو استعيفيٰ ڏئي ڇڏيندو ۽ جڏهن سپريم ڪورٽ جو فيصلو آيو ته وفاقي وزيرن پاران مٺايون ورهايون ويون ۽ پوءِ وري عدالت جي حڪم تي ٺهندڙ جي آءِ ٽي جڏهن پنهنجو ڪم شروع ڪيو ته ان تي وفاقي وزيرن سوال اٿارڻ شروع ڪري ڇڏيا ۽ جي آءِ ٽي مٿان حملا ڪرڻ شروع ڪري ڇڏيا ۽ جي آءِ ٽي کي تڪراري بڻائڻ جي ڪوشش پڻ ڪئي وئي، خورشيد شاهه جو چوڻ هو ته جي آءِ ٽي جهڙي طرح تفصيلي جاچ ڪئي اها سڀني جي سامهون آهي، جي آءِ ٽي ثبوتن سان گڏ سموريون شيون پيش ڪيون آهن، حڪومت سميت ڀارت به پريشان واري عالم ۾ آهي، پر اسان کي اميد آهي ته سپريم ڪورٽ جي آءِ ٽي جي رپورٽ جي روشني ۾ فيصلو ڏيندي، هن چيو ته سموريون اپوزيشن پارٽيون ان ڳالهه تي متفق آهن ته جمهوري نظام هلندو رهي، اسيمبلي نه ٽٽڻ گهرجي ۽ اسان جي خواهش آهي ته اسيمبليون پنهنجو مدو پورو ڪرن، پر قوم نواز شريف کان استعيفيٰ گهري رهي آهي، ڇو جو جي آءِ ٽي جي رپورٽ ۾ سامهون آيو آهي ته ڪرپش ٿي آهي ۽ وزير اعظم واعده خلافي ڪئي آهي، وزير اعظم پنهنجو ڪيل واعدو پورو ڪري ۽ استعيفيٰ ڏئي، ان موقعي تي تحريڪ انصاف جي وائيس چيئرمين شاهه محمود قريشي چيو ته سموري اپوزيشن متفق آهي اسان آئين ۽ جمهوريت جي سان گڏ آهيون ۽ آئينده به جمهوريت جو ساٿ ڏينداسين، پر جنهن طرح جا حالات هلي رهيا آهن انهن حالاتن ۾ نواز شريف کي فورن استعيفيٰ ڏيڻ گهرجي، هن چيو ته تحريڪ انصاف جو موقف واضع آهي ته نواز شريف هاڻي گهر وڃڻ گهرجي، ايم ڪيو ايم اڳواڻ فاروق ستار چيو ته وزير اعظم جهڙي اهم عهدي تي ويٺل ماڻهو کي اخلاقيات جي به اعليٰ عهدي تي به هجڻ ضروري آهي.

 

گهڻو ڪري روڊ حادثا گاڏين جي ميڪينڪلي طور تي فٽنس نه هئڻ ڪري ٿيندا آهن: مراد علي شاهه

ڪراچي (ويب ڊيسڪ): سنڌ جي وڏي وزير سيد مراد علي شاهه چيو آهي ته گهڻو ڪري روڊ حادثا گاڏين جي ميڪينڪلي طور تي فٽنس نه هئڻ ڪري ٿيندا آهن، سندس حڪومت صوبي ۾ سمورن قسم جي گاڏين جي جديد طريقي سان انسپيڪشن ۽ سرٽيفڪيشن جو نظام قائم ڪرڻ لاءِ ڪوشان آهي. هن اها ڳالهه اڄ صوبائي ٽرانسپورٽ کاتي ۽ هڪ سوئڊش فرم اوپس انسپيڪشن فار وهيڪل انسپيڪشن اينڊ سرٽيفڪيشن سسٽم (وي آءِ سي ايس) وچ ۾ وزيراعليٰ هائوس ۾ معاهدي تي صحيح واري تقريب کي خطاب ڪندي ڪئي. تقريب ۾ چيف سيڪريٽري رضوان ميمڻ، چيئرمين پي اينڊ ڊي محمد وسيم، وڏي وزير جي پرنسپل سيڪريٽري سهيل راجپوت، ناڻي وارو سيڪريٽري حسن نقوي، سوئيڊش ڪمپنيءَ جي نمائندن ۽ ٻين شرڪت ڪئي. هن چيو ته هن وقت سنڌ ۾ 4.78 ميلن گاڏيون بشمول 2.98 موٽرسائيڪل رجسٽرڊ آهن. هن چيو ته روڊ تي ان فٽ گاڏين جي موجودگيءَ سان نه رڳو ماحولياتي آلودگي پکڙجي ٿي بلڪه روڊ حادثا به ٿين ٿا. وڏي وزير چيو ته ان منصوبي جو مقصد ماڻهن جي تحفظ کي يقيني بڻائڻ آهي جهڙوڪ گهڻو ڪري روڊ حادثن جي نتيجي ۾ اموات پراڻي گاڏين جي ڪري ٿينديون آهن. هن چيو ته ان منصوبي تحت سموري صوبي ۾ ڊويزنل ۽ ضلعي سطح تي فڪسڊ سان گڏ موبائل جيڪي جديد سامان سان موٽر وهيڪل انسپيڪشن (ايم وي آءِ) سينٽر قائم ڪيا ويندا جيڪي گاڏين جي فٽنس کي يقيني بڻائيندا. ان منصوبي جي اسڪوپ تحت سمورن ماڊلن جون ڪمرشل گاڏيون ۽ ٻيون گاڏيون جن جي لائيف 5 سالن کان وڌيڪ هوندي اهي موٽر وهيڪل انسپيڪشن ونگ (ايم وي آءِ) کان سانئنسٽيفڪ انسپيڪشن ذريعي فٽنس سرٽيفڪيٽ حاصل ڪري سگهنديون. واضح رهي ته اهو نظام سوئيڊش ڪمپني اوپس انٽرنيشنل (آءِ اين سي) جي سهڪار سان متعارف ڪرايو پيو وڃي. جنهن تحت روڊ تي هلندڙن جي حفاظت کي يقيني بڻايو ويندو ۽ سموري صوبي ۾ ان جي دائري کي وڌايو ويندو ۽ ايم وي آءِ مرڪز قائم ڪيا ويندا ته جيئن روڊ سيفٽي کي بهتر بڻائي سگهجي. صوبائي ٽرانسپورٽ واري وزير سيد ناصر شاهه پنهنجي تقرير ۾ چيو ته ان منصوبي جو اهم مقصد سمورين گاڏين جو عالمي معيار جي روشني معائنو ڪرڻ ۽ گاڏين جي بهتر ريت چڪاس ڪرڻ آهي. هن چيو ته ان منصوبي جي بدولت ان فٽ گاڏين جي ڪري ٿيندڙ حادثن کان بچي سگهندا سين ۽ صوبي جي هزارين ماڻهن جي زندگي بچائي سگهبي. هن چيو ته مان اهو چوڻ چاهيان ٿو ته وي آءِ سي ايس تحت سڄي صوبي ۾ 17 اسٽيشن بشمول ڪراچيءَ ۾ 7 اسٽيشن قائم ڪيا ويندا. وڏي وزير چيو ته وڌندڙ گاڏين ۽ ان جي نتيجي ۾ پيدا ٿيندڙ آلودگي ۽ ٻين مسئلن جي تدارڪ لاءِ حڪومت اهو اهم قدم کنيو آهي جنهن سان نه رڳو ماحول کي تحفظ حاصل ٿيندو بلڪه روڊ سيفٽي کي به يقيني بڻائي سگهجي سگهجي ٿو. وي آءِ سي ايس منصوبي جي فائدن بابت ڳالهائيندي هن چيو ته ان سان ميڪنيڪل طور تي خراب پبلڪ سروس گاڏين جي ڪري ٿيندڙ ٽريفڪ حادثن ۾ گهٽتائي ايندي ۽ ان فٽ گاڏين جي ڪري پيدا ٿيندڙ ماحولياتي آلودگيءَ کي به قابو ڪرڻ ۾ مدد ملندي. ان منصوبي سان گاڏين جي شفاف طريقي سان انسپيڪشن ۽ سروس ڊليوري به بهتر ٿيندي ۽ ان سان ماڻهن جو ٽرانسپورٽيشن انفرااسٽريڪشن ۾ اعتماد ۾ واڌ ٿيندي ۽ روزگار جا موقعا پڻ وڌندا. وڏي وزير سيد مراد علي شاه چيو ته حڪومت نه رڳو ماحول کي بهتر بڻائڻ چاهي ٿه پر ماڻهن جي زندگيءَ کي محفوظ بڻائڻ لاءِ به ڪوشان آهي. وي آءِ سي ايس پروجيڪٽ روڊ سيفٽي ۽ ماحولياتي تحفظ جي حوالي سان هڪ انقلابي قدم ثابت ٿيندو جيڪو اڄ جي دنيا جو هڪ اهم مسئلو آهي. ان مرعاتي معاهدي تي سيڪريٽري ٽرانسپورٽ عبدالرحيم سومرو ۽ اوپس جي نائب صدر جيمز اي اسٽينڊ صحيحون ڪيون.

 

سپريم ڪورٽ ۾ وزيراعظم خلاف توهين عدالت جي درخواست ٻڌڻي لاءِ منظور

اسلام آباد(ويب ڊيسڪ) سپريم ڪورٽ وزيراعظم نواز شريف ۽ ٻين ليگي اڳواڻن خلاف توهين عدالت جي ڪارروائي لاءِ داخل درخواست شنوائي لاءِ منظور ڪري ورتي آهي. رپورٽ مطابق درخواست گذار محمد اختر نقوي وزيراعظم ۽ ٻين ليگي اڳواڻن تي توهين عدالت جي ڪارروائي ۽ نااهلي لاءِ سپريم ڪورٽ ۾ درخواست داخل ڪئي. درخواست ۾ موقف اختيار ڪيو ويو آهي ته وزيراعظم نواز شريف ۽ ليگي اڳواڻن جي آءِ ٽي ۽ عدالت خلاف تقريرون ڪيون، ان ڪري سپريم ڪورٽ انهن خلاف توهين عدالت جي ڪارروائي ڪري. درخواست ۾ وزيراعظم نواز شريف، دانيال عزيز، طلال چوڌري، طارق فضل چوڌري، مشاهد الله خان، ڪيپٽن ريٽائرڊ صفدر ۽ ٻين اڳواڻن کي ڌر بڻايو ويو آهي. سپريم ڪورٽ محمد اختر نقوي طرفان داخل درخواست کي شنوائي لاءِ منظور ڪري ورتو آهي جنهن کي ۱۷جولاءِ تي جسٽس اعجاز افضل جي سربراهي ۾ ٽي رڪني بئنچ ٻڌندي

 

جي آءِ ٽي الٽراسائونڊ ڪيو، هاڻي سپريم ڪورٽ کي دوا لکڻي آهي: سراج الحق

اسلام آباد(ويب ڊيسڪ) جماعت اسلاميءَ جي امير مولانا سراج الحق چيو آهي ته جي آءِ ٽي الٽراسائونڊ ڪيو ۽ هاڻي صرف سپريم ڪورٽ کي دوا لکڻي آهي، اسان جي آءِ ٽي جي رپورٽ ۾ اهو چاهيون ٿا ته مريض فوري طور تي استعيفيٰ ڏين، اپوزيسن اجلاس کان پوءِ ٻين سياسي اڳواڻن سان گڏ پريس ڪانفرنس ڪندي سراج الحق وڌيڪ چيو ته سپريم ڪورٽ پاناما ڪيس جو جيڪو به فيصلو ڪندي اسان ان سان گڏ آهيون، اسان سمورن ماڻهن جو احتساب چاهيون ٿا، اسان جي ملڪ ۾ ڪو به شخص آئين ۽ قانون کان مٿانهون ناهي. هن چيو ته اسان چاهيون ٿا ته پاڪستان هڪ جسم آهي ۽ جمهوريت ان جو روح آهي.

 

نواز شريف غلط راند کيڏڻ وڃي رهيو آهي، پاناما کان بچي نه سگهندو: شيخ رشيد

راولپنڊي (ويب ڊيسڪ): عوامي مسلم ليگ سربراهه شيخ رشيد چيو آهي ته نواز شريف هٿ آسمان کي لڳائي رهيو آهي نه پير زمين تي رکي رهيو آهي، پاناما ڪيس ۾ نواز شريف جي بچڻ جو ڪو موقعو ناهي، نجي ٽي وي سان ڳالهائيندي شيخ رشيد چيو ته نواز شريف غلط راند کيڏڻ وڃي رهيو آهي، چوڌري نثار کي سوچڻ گهرجي ته اهو ڪهڙي در تي وڃي رهيو آهي، عوامي مسلم ليگ سربراهه جو چوڻ هو ته پاناما ڪيس ۾ نواز شريف کي سزا به ٿيندي، اي اين پي ۽ جمهوري وطن پارٽي سپريم ڪورٽ ۾ اسان سان گڏ هونديون.

 

 

نواز شريف اوهان پنهنجي چوري لاءِ ٻين چورن کي به چوري جي اجازت ڏئي ڇڏي: عمران خان

ڪهوٽا (ويب ڊيسڪ): پي ٽي آءِ چيئرمين عمران خان چيو آهي ته نواز شريف اوهان پنهنجي چوري لاءِ ٻين چورن کي به چوري جي اجازت ڏئي ڇڏي، ڪهوٽا ۾ ڪارڪنن کي خطاب ڪندي عمران خان چيو ته قائداعظم محمد جناح جا دشمن به ان کي صادق ۽ امين چوندا هئا، پاڪستان کي دنيا ۾ اسلامي فلاحي رياست بڻجي مثال بڻجڻو هيو، هڪ ننڍو طبقو امير ٿيندو پيو وڃي ۽ سڄي قوم پٺتي وڃي رهي آهي، هن چيو ته اڄ پاڪستان پاسپورٽ جي دنيا ۾ عزت ناهي ڪئي ويندي، عمران خان چيو ته جڏهن هڪ ملڪ جو حڪمران ڪوڙو هوندو آهي، چوڌري ڪندو آهي، بدديانتي ڪندو آهي، اهو نظام تباهه ڪري ڇڏيندو آهي، ملڪي ادارا تباهه ڪري ڇڏيندو آهي، ملڪ کي تباهه ڪري ڇڏيندو آهي، قرض وٺي بار مهانگائيءَ جي صورت ۾ عوام تي وڌو ويندو آهي، هن چيو ته ڪرپشن ۽ چوريءَ ادارا تباهه ڪيا، جڏهن هڪ ملڪ جا ادارا تباهه ٿيندا آهن، ملڪ تباهه ٿي ويندو آهي، نواز شريف اوهان پنهنجي چوري لاءِ ٻين چورن کي به چوري جي اجازت ڏئي ڇڏي، عمران خان چيو ته ايندڙ ڏينهن ۾ ايندڙ هفتو پاڪستان جي تاريخ جو سڀ کان اهم هفتو اچي رهيو آهي، انشاءَ الله ان هفتي ۾ فيصلو ٿيندو ته ڇا هي ڌاڙيلن جو پاڪستان هوندو يا نئون پاڪستان بڻجندو، هن چيو ته اسان جي برابر وارا ڪيترائي ملڪ اڄ اسان کان اڳتي نڪري چڪا آهن، ڪرپشن سبب ملڪ ۾ سيڙپڪاري ناهي ايندي.تحريڪ انصاف سربراهه عمران خان چيو آهي ته شاهدين باوجود شاهدين باوجود استعيفيٰ نه ڏيڻ شرم جوڳو عمل آهي. ٽوئيٽر تي جاري ڪيل هڪ بيان ۾ عمران خان چيو ته نواز شريف خلاف مني لانڊرنگ، ٽيڪس چوري ۽ ٻين  ڪيسن ۾ پڪيون شاهديون آهن. هن چيو ته هاڻي نواز شريف استعيفيٰ ڏئي استعيفيٰ کان بچي نه ٿو سگهي. سندس چوڻ هو ته قوم جو پئسو کائيندڙ ۽ ٽيڪس جي باقيدارن کي جن کي مالياتي ڏوهاري قرار ڏنو ويو آهي ڪهڙي نموني اعتماد حاصل ٿي سگهي ٿو. عمران خان چيو ته نواز شريف پنهنجي ملڪي کي دوکو ڏيڻ سميت پنهنجي والد مرحوم والد ۽ سندس ٻارڙن کي به سڀني سامهون بدنام ڪري رهيو آهي کيس پنهنجي عمل لاءِ شرمسار ٿيڻ گهرجي. سندس چوڻ هو ته  30 سالن تائين هنن انصاف حاصل ڪرڻ لاءِ انتظار ڪيو آهي، نواز شريف هاڻي پرڏيهي حڪومتن جي مدد وٺڻ بند ڪري.