تازيون خبرون

Daily Archives: July 14, 2017

حڪومت آزاد صحافت تي يقين رکي ٿي، صحافين کي سهولتون فراهم ڪرڻ لاءِ هر ممڪن اپاءُ ورتا ويندا: ناصر حسين شاهه

ڪراچي(اسٽاف رپوٽر ): سنڌ جرنلسٽس ڪونسل جي صدر غازي جهنڊير، شبير لاشاري، نجيب نائچ، ذوالفقار تنيو، رانا ماجد ۽ عبدالله سولنگي تي مشتمل وفد اطلاعات واري صوبائي وزير سيد ناصر حسين شاهه سان ملاقات ڪري سنڌ حڪومت پاران صحافين لاءِ هيلٿ ڪارڊ پاليسي متعارف ڪرائڻ کي ساراهيندي ڪونسل پاران مڪمل تعاون جي خاطري ڪرائي. وفد ۾ شامل سنڌ جرنلسٽس ڪونسل جي اڳواڻن صوبائي وزير سان ميڊيا ورڪرز لاءِ هيلٿ ڪارڊز جي حوالي سان مختلف تجويزن تي به خيالن جي ڏي وٺ ڪئي. ملاقات ۾ صوبائي وزير سيد ناصر حسين شاهه وفد کي خاطري ڪرائي ته سنڌ حڪومت ميڊيا ورڪرز جي هيلٿ ڪيئر جي لاءِ موثر ۽ مستقل بنيادن تي پاليسي جوڙڻ چاهي ٿي ۽ ان سلسلي ۾ جامع حڪمت عملي تي غور ڪيو پيو وڃي. سيد ناصر حسين شاهه وڌيڪ چيو ته پي پي پي جي حڪومت آزاد صحافت تي يقين رکي ٿي ۽ صحافين کي سهولتون فراهم ڪرڻ لاءِ هر ممڪن اپاءُ ورتا ويندا.

 

يونيورسٽين جو معيار بهتر بڻائڻ لاءِ وي سي ميرٽ تي مقرر ٿيڻ گهرجن: عمران خان

تحريڪ انصاف سربراهه عمران خان چيو آهي ته يونيورسٽين جو انتظام ٺيڪ ڪرڻو آهي ته سربراهه ٺيڪ هئڻ گهرجي. پشاور ۾ تقريب کي خطاب ڪندي عمران خان چيو ته شوڪت خانم اسپتال  ۾ 21 سال ۾ هڪ فرد کي به سفارش تي ڀرتي نه ڪيو ويو آهي. هن چيو ته هڪ فيصلي کانپوءِ ميرٽ جو ڍانچو تباهه ٿي ويندو آهي. سندس چوڻ هو ته ادارن ۾ سياسي مداخلت ختم ڪرڻ کانسواءِ کين مضبوط نه ٿو ڪري سگهجي. عمران خان چيو ته ڪوٽا سسٽم معاشري تي سڀ کان وڏو ظلم آهي، سڀ کان پهرين يونيورسٽين جي وي سين جي مقرري ميرٽ تي ٿيڻ گهرجي. هن چيو ته اسان جو چئلينج اهو آهي ته تعليمي ادارن کي خودمختيار بڻايو وڃي، مان ڊاڪٽر عطاءَ الرحمان جي سفارش تي وي سي مقرر ڪيو. سندس چوڻ هو ته ميرٽ تي سليڪشن ٿيندي ته معيار بهترين ٿيندي. عمران خان چيو ته اسلام ۾ تعليم جي اهميت تي زور ڀريو ويو آهي، اسٽوڊنٽس يونينز کي داخلا جي ڪوٽا ڏيڻ ظلم ۽ شرم جوڳو آهي. ي ٽي آءِ چيئرمين عمران خان چيو آهي ته خيبر پختونخواهه ۾ سرڪاري اسپتالن جو نظام ٺيڪ ڪم ڪري رهيو آهي، اسان جي ڪوشش هئي خيبر پختونخواهه جي اسپتالن ۾ بهتري آڻيون، هاڻي 95 سيڪڙو ڊسٽرڪٽ اسپتالن ۾ به ڊاڪٽر موجود آهن، خيبر پختونخواهه جو هيلٿ بجيٽ 18 ارب کان 65 ارب تائين ڪيو ويو، پهرين صوبي ۾ 3 هزار ڊاڪٽرز هيا، ساڍا 6 هزار وڌيڪ ڊاڪٽر مقرر ڪيا ويا، خيبر پختونخواهه حڪومت جو هيلٿ ڪارڊ 24 لک خاندانن کي ڏنو ويو آهي، 6 مهينن ۾ هيلٿ ڪارڊ تي 70 ڪروڙ رپيا خرچ ڪيا ويا، هيلٿ ڪارڊ 18 لک خاندانن کان شروع ڪيو ويو، سمورن ضلعي هيڊ ڪوارٽر اسپتالن ۾ سولر سسٽم لڳايو ويندو.

 

جيڪولين فرنينڊس پول ڊانسنگ جي سکيا دوران ٺاهيل وڊيو جاري

ممبئي(شوبز نيوز) بالي ووڊ اداڪاره جيڪولين فرنينڊس پول ڊانسنگ جي سکيا دوران ٺاهيل وڊيو شيئر ڪئي آهي. ميڊيا رپورٽن مطابق ”جڙوان 2“ جي اداڪاره جيڪولين انسٽاگرام تي پول ڊانسنگ جي سکيا دوران ٺاهيل وڊيو شيئر ڪئي آهي. وڊيو ۾ هن کي گلابي ۽ نارنگي رنگ جا ڪپڙا پهريل آهن.

 

ايشوريا رائي مونکان وڌيڪ محنتي ۽ خوبصورت اداڪارا آهي: سشميتا سين

ممبئي(شوبز نيوز)بالي ووڊ جي مشهور اداڪارا سشميتا سين چيو آهي ته ايشوريا رائي مونکان وڌيڪ محنتي ۽ خوبصورت اداڪارا آهي. سشميتا سين ۽ ايشوريا جو شمار بالي ووڊ جي خوبصورت ۽ باصلاحيت اداڪارن ۾ هوندو آهي،1994 ۾ ايشوريا مس ورلڊ ۽ سشميتا مس يونيورس جو خطاب کٽي عالمي شهرت حاصل هئي پر ٻنهي اداڪارائن جي وچ ۾ ميڊيا تي مقابلو ڪرڻ سان گڏ انهن کي هڪ ٻئي خلاف تصور ڪيو ويندو آهي.جڏهن ته هڪ تقريب دوران  سشميتا سين کان پڇيو ويو ته ايشوريا رائي جي ڪاميابي جي متعلق ڇا چوڻ چاهيندي جنهن تي هن جو چوڻ هو ته ايشوريا هن کان وڌيڪ محنتي ۽ خوبصورت اداڪار آهي.

 

ڪرپشن ڪيس: ڏکڻ آفريقن فاسٽ بالر لونو ايوٽسٽوبي تي 8 سالن لاءِ پابندي لاڳو

جوهانسبرگ(اسپورٽس نيوز) ڪرڪيٽ سائوٿ آفريقا ڪاري نسل جي فاسٽ بالر لونو ايوٽيسٽوبي تي ڪرپشن ڪيس ۾ 8 سالن لاءِ پابندي لاڳو ڪئي آهي. ايوٽسٽوبي تي 2015ع ۾ ڏکڻ آفريقا ڊوميسٽڪ ٽي 20 ٽورنامينٽ  رام سلام دوران ميچ فسڪنگ جو الزام لڳايو هو. ايوٽسٽوبي ستون ڏکڻ آفريقن رانديگر آهي جنهن کي سي ايس اي اينٽي ڪرپشن ڪوڊ تحت سزا ٻُڌائي وئي آهي. واضح رهي ته ڪرڪيٽ سائوٿ آفريقا 2015ع ۾ ميچ فڪسنگ اسڪينڊل سامهون اچڻ کانپوءِ ايوٽسٽوبي کي معطل ڪيو هو.

 

ون ڊي سيريز ۾ شڪست، اينجلو ميٿيوز ٽنهي فارميٽس ۾ سريلنڪن ٽيم جي قيادت تان استعيفيٰ ڏئي ڇڏي

ڪولمبو(اسپورٽس نيوز) اينجليو ميٿيوز زمبابڪي هٿان ون ڊي سيريز ۾ شڪست کانپوءِ ٽنهي فارميٽس ۾ سريلنڪا جي ڪرڪيٽ ٽيم جي قيادت تان استعيفيٰ ڏني آهي. آءِ لينڊرز کي زمبابوي خلاف هوم ون ڊي سيريز ۾ 2-3 تان شڪست ملي هئي. ميٿيوز زمبابوي هٿان ون ڊي ۾ شڪست کي پنهنجي ڪيريئر جو خراب لمحو قرار ڏيندي ٽنهي فارميٽس ۾ سريلنڪن ڪرڪيٽ ٽيم جي قيادت تان استعيفيٰ ڏني آهي.

 

سنڌ ۾ ٿينڌڙ قبائلي جھيڙا انھن جو ڪارڻ ۽ ان جا نقصان سنڌي قوم ڪيئن ٿي ڀڳتي؟؟: احسان علي جوڻيجو

سنڌ جيڪا صدين کان صوفين جي سرزمين رهي آهي ، سنڌ جيڪا صدين کان امن ڀائيچاري ۽ محبت جو درس ڏيندي رهي آهي ، ان ڌرتي تي ٿينڌڙ هي قبائلي جھڙا انتھائي شرم جھڙي ڳالھ آھي ۔ هر روز سنڌي توڙي اردو اخبارن جي زينت بڻيل سنڌ ۾ ٿيندڙ ڪجھ اھڙا هن طرح جا واقعا ڪنڌ جھڪائي ڇڏين ٿا جيڪي واقعا اسان جا صوفي ۽ امن پرستي واري قوم مٿان هڪ سواليه نشان بڻجن ٿا ؟ ۽ اهي اهڙا واقعه موقعي پرست ۽ هٿ ٺوڪئي قانون جا پھلودار ئي ڪرائن ٿا ۔

اهڙا واقعه ن رڳو سنڌ جي امن کي ستياناس ڪن ٿا پر انهن جو اثر اسان جي اينڌڙ نسل تي هاڃيڪار ٿي ثابت ٿيو آهي ۽ ٿيندو پيو اچي ۔۽ کنوڻ جيان انهن واقعن جو اثر اينڌڙ نسل مٿان ڪڙڪي ڪري پوي ٿو ۽ پو۽ نسل ب نسل قبائلي جھيڙي ۾ مارجي ويلن جا پوئنير ب پلاند جي آڙ ۾ اهڙو ڪڌو عمل ڪن ٿا ۔ ڪافي وقت قبائلي جھيڙن جي ٺاپر اهو يقين پئي ڏيارو تت هاڻي اسان وري ساڳئي صوفي ۽ امن واري راھ اختيار  ڪئي آهي ۽ جھالت جي جنڌ آخر ڇڏي ڏني آهي ۽ اسان جو شعور وري اجاگر ٿيو آهي ۽ اسان جو لاڙو وري مھمان نواز ،امن ،صوفي ازم ، پيار محبت واري سنڌ واري ڪلچر ڏانھن ٿيو آهي ، پر گذريل ڪجھ ڏينهن اندر ٿينڌڙ هي افسوس ناڪ ۽ خوني واقعن اندر کي لوڏي ڇڏيو جئ کي جهوري وڌو ۽ ڪجھ ڏينھن اندر ٿينڌڙ خوني جھيڙن ۾ قتل ٿينڌڙ 30 کان مٿي پورهيت مند هاري مزدور سندهي جي داستان ٻڌي مون ت ڄڻ ٰ ٰ ٰ ٰ

شام فلسطين ۽ ڪشمير جو جھيڙو محسوس ڪيو ڇو جو اتان جو واقعوب ڪجھ ايئن ئي آهي ظالم جي هٿان مظلوم جو ڀري بازار م قتل ۽ لاشن جو ان جاء تي ڪلاڪن جا ڪلاڪ هجڻ زخمين جو بيدردي سان تڙپڻ هوائن ۾ گولين جو گونجار ٿي گجڻ خزا جي هوائن ۾ خوشبوء بجاء بارود جي بوء اچڻ ء عالمي ادارا حڪومتي رٿون وزير مشيرن جو چپ هجڻ ٰ ٰ ٰ

شڪارپور جو واقعوب ڪجھ ان واقعن جي عڪاسي ڪري ٿو جتي شڪارپور ۾ ٿيندڙ خوني ويڙھ 14 حياتون کسي ورتيون 14 گھر ب اجاڙي ۽ ويڙھا ويران ڪري ڇڏيا ۽ تعليم ۽ علم کان پاسيري رهنڌڙ شخصن جھالت جي انتھا پڻ ڪري ڇڏي ۔ ميدان ايئن پئي لڳو ڄڻ ت ڪا جنگ هجي ۽۽ اتي انسانن جو ن پر ڄڻ ت ڪو جھنگل م جانورن جو شڪار پئي لڳو جھڙي طريقي سان ماڻھو ماريا ۽ مريا پيا وڃن ۔ هن واقعن کي جنم ڏيندڙ وحشي صفت انسان کان شرم حيا بلڪل کسجي چڪو آهي جو 10 ماڻھو پنھنجي گھر جا مارائي 10 ماڻھو هن گھر جا مارائي ۽ پاڻ کي مڙس ماڻھو سڏرائيندا آهن پر ٻڏي  ب ڪو ن   ٿا مرن ۽۽ وري هر شي هٿان وڃائي پو۽ ڳالھين جي ميز تي اچن ۔جڏهن هر ڳالھ جھيڙي جو حل ڳالھيون آهن ت پوء ب هن خوني راند جو کيڏڻ هڪ جھالت جي عڪاسي ڪري ٿو ت علم سان گڏ شعور جي پڻ هت کوٽ آهي ۔

ٰ ٰ جديد اسلحه سان گڏ خوفناڪ قن ۽ انڌا ڌنڌ فائرنگ ، علائقو ميدان جنگ هجڻ ،پوليس ،رينجرز جو ان جاء تي ن پھچڻ ۽ بعد پھچڻ فائرنگ جو شديد قسم جو آواز ٻڌي جاء وقوعا ت کسڪي نڪرڻ ، حڪومتي توڙي پوليس اداري پاران  ميڍيا کي ان واقعي کان مڪمل لاعلم رکڻ ۽ موبائل فون بند ڪرڻ ، انساني جانين جو ضايع ٿيڻ ٻ بيدردي جي انتھا سان گڏ زخمين جو تڙپڻ ، عورتن ۽ ٻارڙن جا ڪيھاٽ ريھون هجڻ ٰٰ  ٰ

ھي ڪو فلسطين شام يا ڪشمير جڳ واقعو ن هيو ها شڪارپور ۾۾ ٿينڌڙ هڪ خوني لھر جو واقعي جا منظر هيا جنھن هڪ پل جي لھر م ڪيتريون ئي جانيون ڳڙڪائي ڇڏيون ۔ پر هن ايڏي وڏي سانحي هڪ المئي هڪ درد ناڪ واقعي جو ن ت ڪنھن حڪومتي وزير افسوس جو اظھار ڪيو ن ئي وري چونڍيل نمائندن جو ڪو ضمير جاڳيو  ۔ ٰ ٰ ٰ  ڇو جو مريا ب غريب ت ماريا ب غريب ٰ ٰ ٰ ٰ ٰ ٰ  جھالت هٿا پورهيت ۽ غريب انسان جو قتل ٿيو ٰ ٰ ٰ  ن ڪي مشير جو پٽ مئو ن ڪنھن وزير جو ڀاء مئو جو ڪو تڪڙو ايڪشن ٿئي پوليس پھچي هنگامو ٿئي يا ميڍيا ۾ ٿرٿلو مچي ۔ اهي ويچارا مئاب سادا سوده سنڌي جيڪي خوش مرڪي ڪري نھارڻ تي سڀ رنجشون ختم ڪري هڪ ٿي وڃن ۽ جن هنن اٺن چارڻ ۽۽ ٽڪي جي حيثيت رکنڌڙن کي چونڍي ايوانن تائين پھچايو ۽ آخر ن هي فيض پاتو ت جن لا۽ ٺينگ ٽپا نچي ڪڏي اڳتي آيا جن لا۽ مئا سي ڪلھي ڪانڌي ب ن ٿيا ۔

هن واقعن جو گھڻي قدر ٻھراڙين ڪچي واري ۽ دور دراز ڳوٺن ۾ ٿيڻ جو هڪ سب  هي ڀ آهي ت بک بد حالي ذهني ڍپٽريشن تعليمي نظام ن هجڻ جھالت جو ڀرمار هجڻ ۽ مثصبت سوچ جو ن هجڻ ب آهي  پر اهڙي ماحول اهڙي معاشري کي جنم ڏيندڙ وڏيرا شاهي ۽ سرداري  نظام آهي جيڪو صدين کان سنڌ ۾ سنڌي  قوم کي پنھنجي غير اخلاقي ۽ غير انساني قانون ھيٺ غلام بڻايون ويٺو آهي ۔ شڪارپور جي طرح خانپور وارو واقعو ب درد ناڪ هيو جنھن لپيٽ ۾ 15 انساني جانيون ڳڙڪائي ورتيون ۽ اتي پڻ شڪارپور سانحي واري صورتحال رهي حالتون جنگ جو ميدان هوا م شولا خوف ۽ هراس پکيڙيل ۔ وڏيون دعويدار ۽ ٽريننگ يا آفتۡه پوليس اهلڪارن ۽ رينجرز اهلڪارن  جو کسڪي ڀڄي نڪرڻ لاشن جو ڪرڻ زخمين جو تڙپڻ معمول رهيو پر اهو سڄو واقعو قانون لاڳو ڪنڌڙن جي ڪردار تي سواليه نشان رهيو ڇو جو هو اتي ڪافي دور فاصلي تي موجود هجي ڪري لڪاء ڏسندا رهيا پنھنجي جان بچائي غريب جانيون  ضايع ٿيندي ڏسندا رهيا ۽ عوام جي ٽيڪسن تي پلجنڌڙ هي اهلڪار ڪلوميٽرن جي مفاصلي تي بيھي اڳتي وڃڻ يا ن وڃڻ جو سوچيندا رهيا پر بارود جي پکيڙيل باھ ھوڏانھن انساني جانيون ضايع ڪري ڇڏيون هي عوامي رکوالا منظر تان غائب نظر آيا ۔ جديد اسلحو ،  قانوني اجازت هر معاونت هجڻ باوجود ب اهلڪارن جو اڳتي ن وڌڻ ۽ خاموش رهڻ   هڪ سواليه  نشان آهي ؟

سنڌ جي اڌ کان وڌيڪ بچت هن اهلڪارن جي خاطي ۾ وڃي ٿي اڌ کان بچت هي واڳون ڳڙڪائي وڃن ٿا ۽  بار ويچارن بگن تي پورهيو ڪري سڄو ڏينھن لوڙي ڪمائينڌڙ عوام ٽئڪسن جا ٻوجھ کڻي ۽ هي نمونا هي اهلڪار وي وي آء پيز ، حڪومتي شخصيتن وزيرن ۽ مشيرن جي ٽنڍ والي ۽ سڪيورٽي ۾ چويھ ڪلاڪ رڌل نظر ايندا  هتي هي ب سوال پيدا ٿئي ٿو ت  عوام جي ٽئڪسن تي پگھارون وصول ڪنڌڙ هي ڍبل پوش اهلڪار عوام جو تحفظ ڪرڻ ۾ ناڪام ڇو آهن ؟؟

هلندڙ……

جتي هن قبائلي جھيڙن ڳوٺن جا ڳوٺ ختم ڪيا ڪيترائي گھر اجاڙيا ۽ ويڙها ويران ڪيا اتي هن جي مڪمل معاونت مقامي سردار جاگيردار ۽ وڏيرا ڪندا رهيا جيڪي پنھنجي مفادن خاطر ٻن ڌرين کي وڙهائي پنھنجا مقانظام جو خاتمو آڻيندي يا تماشائي وارو ڪردار ادا ڪندي ۔ بجاۡء ڪنھن وڏيرن سردارن ۽ جاگيرداردن يا اٿاريدارن خلاف ڪو ايڪشن کڻڻ بجاء وفاقي توڙي صوبائي  حڪومت سنڌ جي ڳوٺن ۾ داڙيلن جي وجھ ڄاڻائي ڳوٺن کي باهيون ڏيئي گھرن جاگھر ساڙائي مظلوم بي ڏوھ ماڻھن کي در بدر ۽۽ بي گھر ڪري مزاۡحمت ڪنڌڙن غريب پورهيت مندن کي سر عام ماري پوء آپريشن جي وجھ ڌاڙيلن جي موجودگي ڄاڻائي هٿ ٺوڪيا ڪيس ٺاهي انھن مارجي ويلن کي ڏهن ڏهن ڪيسن ۾ گھربل ڄاڻائي پوء مقابلي جون دعوائون ڪن ٿا ۽ ڪيس جو فائل بنا ڪنھن اصل حقيقت جي لکڻ بجاء هٿ ٺوڪي رپورٽ ٺاهي بند ڪري ڇڏين ٿا ۽ انھن ڳوٺن مان نامعلوم هٿ ٺوڪيل هٿيارن جا ڪيس ظاهر ڪري وري ڪنھن نئين آپريشن جون تيارون ڪري وستي واھڻن ۾ رهنڌڙ اٻوجھ ماڻھن کي هيسائڻ ۽ ڌمڪائڻ شروع ڪن ٿا ۽ آپريشن جي آڙ ۾ اصل جوبدارن کي قانون جي گرفت م آڻڻ بجاء ٻيلن کي باھيون ڏيئي گھر جلائي ميڍيا ٽاڪ بڻائن ٿا ۔ پر سوال هت اهو ب پيدا ٿو ٿئي  ت جيڪا قوم جيڪي غريب پورهيت ماڻھو پنھنجي ٻچن جي پيٽ پالڻ لاء ڪشالا ڪري دور دور پيٽ گذرڻ ڪرڻ لاء مسافري جي زندگي گذاري 300 ڏھاڙي ڪمائن ٿا ۽ پنھنجو پيٽ ب ڏکن سان پالن ٿا ڪڏهن بک ڪڏهن ڍو ۔ جيڪو ماڻھو پنھنجي ٻچن کي اسڪول ۾ غربت سبب داخلا ن وٺي ڏئي ۽ ان جا ٻار پيرين اگھاڙي بدن تي ليڙون ليڙون ڪپڙا هجن اندر منجھ مئل خواهشون کڻي گھمن اهي ايڏا وڏا ڳرا جديد هٿيار ڪيئن ٿا وٺي سگھن ڪاڏانھن ٿا آڻي سگھن ؟

سنڌ جو عوام امير هوندي  ب غربت واري زندگي گذارڻ تي مجبور آهي هن باشعور پڙهيل لکيل اڄ ڪلھ نوجوان هوٽلن چوراهن يا وري وڏيري جي اوطاق تي بيٺل نظر ايندو ڇوجو جيسيتائين هو ان در جون غلاميون ن ڏين تيسيتائين نوڪري جو آسرو ئي ن حڪومتي ارڪان اهي نوڪريون بجاء ڪنھن ميرٽ تي عام ماڻھو کي ڏيڻ بجاء وڏيري جي در تي اڇلائن جتان نوجوان نسل منٿون ڪري حاصل ڪري ۽ وڏيري جي حڪم تي سڄي زندگي پيو هلي ۔

سنڌي قوم کي پ پ پ غلامي بک بدحالي واري ۽۽ خودڪشي کانسواء ٻيو ڪو ڪجھ ب ناھي ڏنو ۔ هن قوم جي صدين کان سڃاڻپ  پڙهيل لکيل سڌريل امن پسند قوم کي رهي آهي ان قوم ان عوام کي هنن هٿن ۾مجبوري واري حالت ۾ هٿيار کڻائي سماج ۾ بگاڙ پيدا ڪري ۽ تخت ۽ بخت جا مالڪ بڻجي عوام کي جھالت طرف ڌڪيلي انھن جي اصل سڃاڻپ کسي ورتي آهي ۔ هي اڄ جا ٻار جيڪي سڀاڻي جا سورما بڻجن ٿا انھن جي هٿن ۾ قلم بجاء بارود جھالت جي پڪي ۽ غلامي واري زندگي جي پڪي عڪاسي ڪري ٿو  ۔

اسين هن واقعن کان علم هوندي ب لاعلم لڳا ويٺا آهيون ۽ اسان جي ذهن ۾ اهي لفظ ڄميل آهن ت ٰ ٰ ٰ  منھنجو ڇا وڃي ٰ ٰ ٰ۔ اسين اهڙو ماحول پيدا ڪنڌڙن جي سڃاڻپ رکندي ب لاچار ۽ بيوس بڻيل آهيو ڇو جو اسان م اتحاد ۽ ايڪو ناهي جنھنجي ڪري اسين هن وقت هر ڳالھ ۾ پوئتي ٿا نظر اچون ۽ اسين اڃا ان جھدوجھد جو حصو ن بڻجي سگھيا آهيون جيڪا وقٿ جي ضرورت بڻجي آئي آهي ۔ ٻيو ت عوام جو ب ارواح ڪافي حد تائين سياسي جماعتن تان کڄي ويو آ هي هن وقت هڪ اتحاد جي ضرورت آهي جيڪو پڙهيل لکيل نوجوان قيادت جي شڪل ۾ هجي ۔

اچو ت پاڻ سڀ گڏجي هن اڄوڪي وڏيراشاهي سرداري ۽ غلامي واري نظام کان کلي بغاوت جو اعلان ڪري سماج کي سڌاري طرف آڻيون ۽ اهڙن عناصرن خلاف ڪڙڪي پئون ۔ اچو تت ان نظام خلاف متحد ٿيون جنھن نظام اسان کي سڃاڻپ کسي جھالت ۽ غلامي واري زندگي گذارڻ تي هن عوام کي مجبور ڪيو ۔ جنھن نظام بھار جي موسم بارود جي بوء چکائي ۔ جنھن نظام قلم ڪتاب کڻڻ واري عمر م هٿيارن کڻڻ سيکاريو ۔ جنھن نظام اسان جي شعور امن ۽ خوشين جو قتل ڪيو ۔ جنھن نظام اسان جي نسلن جا نسل پنھنجي رسمن جي ور چاڙهيا ۔ اچو ت گڏجي سنڌ ڌرتي کي اهڙن سازشن ۽ سازشون ڪنڌڙن کان پاڪ بڻايون ۽ سنڌ جي ڌرتي کي امن جي ڌرتي واري پھچان واپس ورائي مھمان نوازي امن صوفي ازم ۽ محبت واري ڌرتي واري پھچان واپس ورائي پراڻي ريت وري قائم ڪيون ۔ اچو ت گڏجي علم جي دشمنن خلاف هڪ آواز بڻجي اسڪولن اندر علم جا ڏيئا روشن ڪري جھالت جو انت آڻيون ۽ مستقبل سنواريون ۔ اڄ سنڌ کي اهڙن عناصرن اهڙن واقعن کان بچائڻ لاء هڪ اتحاد جي ضرورت آهي ۽ اهي اوهان گڏجي ٺاهي سگھو ٿا جيڪو وقت جي ضرورت آهي يا ت گڏجي اتحاد ٺاهيو يا سنڌ لاء جاکوڙيندڙ نوجوان  ۽ قومپرست قيادت  سان ملي ڪري جھدوجھد م شامل ٿيو وقت جي اذيتن کان ن ڊڄو وقت جون مشڪلاتون اذيتون اوهان کي سڀاڻي جو روشن مستقبل ڏيئي سگھن ٿيون ۔

 

جولاءِ 2017 ورسي مناسبت سان 12 ورسي: —- سنڌ جو ناميارو وڏيرومرحوم شاهنوازخان جوڻيجو: تحرير: وزير علي عباسي شهدادپور

اڄ نه اوطاقن ۾ طالب تنوارين

آديسي اٿي ويا مڙهيون مون مارين

جي جيءُ کي جيارين سي لاهوتي لڏي ويا.

سنڌ ڌرتي ڪيترائي جوڌا جوان ڏاها ۽ پاڪيزه ڪرادر پيدا ڪيا، انهن مان وڏيرو شاهنواز جوڻيجو نمايان مڪان رکي ٿو.  14 جولائي جو اهو ڪارو ڏينهن سنڌ واسين کان وسري نٿو وسري جو وڏيرو شاهنواز جوڻيجو هن فاني دنيا مان لاڏاڻو ڪري مٽي ماءُ جي هنج ۾ هميشه لا۽ سمهي رهيو. وڏيرو شاهنواز جوڻيجو 1932 ۾ ضلعي سانگهڙ جي هڪ ڳوٺ سنجر خان جوڻيجي ۾ جنم ورتو. پاڻ اٺ درجا تعليم پرائي ننڍپڻ کان وٺي غريبن، مسڪينن جو مددگار رهيو.

ايوب جي دور ۾ بي ڊي اليڪشن ۾ حصو وٺي پنهنجي سياسي ڪرئير جو آغاز ڪيو. وڏيرو شاهنواز جوڻيجو علمي ادب، تاريخ، مذهبي تعليم جو وڏو ڄاڻو هو. پاڻ هڪ لائبريري قائم ڪيائين جتي ناميارا ڪتاب گڏ ڪيائين. پاڻ روزانو صبح سوير قرآن پاڪ جي تلاوت ۽ شاهه جي رسالي جو مطالعو ڪندو هو. جنهن بعد گهوڙي سواري ڪري پنهنجو شوق پورو ڪندو هو. وڏيرو شاهنواز جوڻيجو پنهنجي شوق خاطر اعليٰ نسل جا گهوڙا  گڏ ڪري سنڌ جي اميرترين حلقن کي حيرت ۾ وجهي ڇڏيو. وڏيرو شاهنواز جوڻيجو مخدوم طالب المولا سان تمام گهري ويجهڙائپ سبب مخدوم خاندان جو پيار ۽ شفقت سندس مٿان هميشه لاءِ جاري رهيو. وڏيرو شاهنواز جوڻيجو اڳوڻي وزير اعظم محمد خان جوڻيجي کي بدترين شڪست ڏئي پاڪستان جي سياسي تاريخ ۾ پنهنجي حيثيت مڃرائي. چاچا شاهنواز مملڪتي وزير هئڻ باوجود هر اٺين ڏينهن اسلام آباد کان پنهنجي ڳوٺ اچي غريب ماڻهن جا مسئلا حل ڪندو هو. وڏيرو شاهنواز جوڻيجو سنڌ ڌرتي ۽ سنڌ جي عوام جي مسئلن جي جاکوڙ لاءِ قوم پرست ڌرين سان گڏ هليو ۽ جيل پڻ ڪاٽيا. چاچا شاهنواز جوڻيجو، سائين جي ايم سيد سان دلي لڳاءُ رکندڙ ۽ ٻين قوم پرست اڳواڻن سان هميشه رابطي ۾ رهيو. مرحيات ڄام صادق علي جي دور حڪومت ۾ سياسي ماڻهو غوشانشين ٿي ويا يا پنهنجون وفاداريون مٽائي ڄام جا حامي رهيا. ڄام دور جي بربريت ظلم ، سياسي انتقام جو ڀرپور مقابلو ڪندي ضلعي سانگهڙ جي پ پ پ جي اڳواڻن تي ثابت ڪيو ته وڏيرو شاهنواز جوڻيجو کي ڪير به فتح ڪري نه ٿو سگهي هو خود فاتح آهي. پ پ پ جا موقعا پرست مقامي اڳواڻن جو هميشه وڏيرو شاهنواز جوڻيجو کان ساڙ رهيو ۽ سازشن ذريعي وڏيري کي اڪيلو ڪري سوڀارو ٿيڻ جي ڪوشش ڪئي مگر وڏيرو شاهنواز جوڻيجي پنهنج ڏاهپ، دليري ۽ عوامي خدمت سان انهن کي شڪست ڏني جو جنرل پرويز مشرف جي دور ۾ پيرپاڳاري سان اتحاد ڪري پنهنجي پٽ محمد خان جو ڻيجي کي قومي اسيمبلي جو ميمبر چونڊرايو ۽ روشن الدين جوڻيجي کي ضلعي سانگهڙ جو ناظم چونڊرائي ضلعي سانگهڙ جي عوام جي خدمت ڪندو رهيو. وڏيرو شاهنواز جوڻيجو  جي ذڪر سان گڏ گل جوڻيجو جو ذڪر نه ڪجي ته اها بد نيتي ٿيندي مرحوم گل جوڻيجو ننڍپڻ کان وٺي شاهنواز جوڻيجي سان ڏک سک جي هر گهڙي ۾ گڏ رهيو. وڏيرو گل جوڻيجي جي ضلعي سانگهڙ جي تڪ تان پيرپاڳاري جي خليفي سان سياسي مقابلو ڪري ثابت ڪيو ته ضلعو سانگهڙ جوڻيجن کان سواءَ ڪير به کٽي نٿو سگهي.

شهيد ذوالفقار علي ڀٽي کي حر جماعت جي خليفن ۽ حرن جلسو ڪرڻ نه ڏنو، گولين جا مينهن وسائي ڇڏيا ۽ پ پ پ جيالن ۽ اڳواڻن کي خبردار ڪيو ته ضلعو سانگهڙ حر جماعت جو ضلعو آهي هتي ٻي ڪا به ڌر پير نه ٿئي ڄمائي سگهي. حر جماعت جي خليفن ۽ پوئلڳن کي وڏيري گل جوڻيجي سانگهڙ شهر ۾ ويهي للڪاري اتي پنهنجو عوام ۾ مقبوليت ماڻي ثابت ڪيو ته ضلعي سانگهڙ ۾ جوڻيجا پنهنجو مٽ پاڻ آهن. افسوس جو وڏيري گل جوڻيجي سان سندس زندگي وفا نه ڪئي نه ته اڄ ضلعو سانگهڙ مڪمل طور تي جوڻيجن جو قلعو هجي ها. جڏهن وڏيرو شاهنواز جوڻيجو جو المناق وڇوڙي بعد حاسدي ۽ فاسقين الل اعلان چوندا رهيا ته هاڻي ضلعي سانگهڙ جي مسڪين ماڻهن جو ڌر هميشه لاءِ بند ٿئي ويو هاڻي اهي ماڻهو اسان جي محتاجي ڪندا.

جس هجي وڏيرو شاهنواز جوڻيجي جي اولاد کي جن مڙس ٿئي روشن الدين جوڻيجي کي جوڻيجا خاندان جو وڏو بڻائي، حاسدين ۽ فاسقين سان جنگ جوٽڻ جو اعلان ڪيو. روشن الدين جوڻيجو ، محمد خان جوڻيجو، وڏيرو نورل جوڻيجو،چاچا مرتضي جوڻيجو شاهجهان جوڻيجو، جهانگير جوڻيجو، عطاالله جوڻيجو، عالمگير جوڻيجو، جنيداصغرجوڻيجو علاوالدين جوڻيجو ۽ انيل گل جوڻيجو، سياسي سندرا ٻڌي، ضلعي سانگهڙ ۾ لهي ويا، سندن محنت ۽ جفاڪشي، عوامي خدمت سبب ضلعي سانگهڙ کي پ پ پ جو قلعو بڻائي ڊسٽرڪٽ ڪائونسل سميت پوري ضلعي ۾ حر جماعت جي تڏا ويڙه ڪري ڇڏي اڄ به ضلعي سانگهڙ ۾ عوامي جهنڊي کي بلند ڪيو اچن.

 

جي آءِ ٽي جي رپورٽ ۽ ٽيون ڀيرو مشاورتي اجلاس….!

پاناما ڪيس لاءِ شريف خاندان ملڪ جي چار وڏن قانوندانن جون خدمتون حاصل ڪري ورتيون آهن، خواجا حارث شريف خاندان جي قانوني ٽيم جي سربراهي ڪندو، ان کان علاوه امجد پرويز ۽ ٻه ٻيا قانوندان ٽيم ۾ شامل هوندا، وزيراعظم هائوس ۾ صلاح مشورن جو سلسلو جاري آهي، گذريل ٽئين ڏينهن به وزيراعظم نواز شريف جي صدارت ۾ مشاورتي اجلاس ٿيو، جنهن ۾ قانوني ماهرن ۽ وفاقي وزيرن شرڪت ڪئي. وزيراعليٰ پنجاب شهباز شريف به اجلاس ۾ شريڪ هو. آئيني قانوني ٽيم ۽ وفاقي وزيرن وزيراعظم جي جي آءِ ٽي رپورٽ چئلينج ڪرڻ جو مشورو ڏنو آهي، جنهن ۾ فيصلو ڪيو ويو ته وزيراعظم استعيفيٰ نه ڏيندو. وزيراعظم نواز شريف چيو ته حڪومت ملڪ کي ترقي جي رستي تي آڻي ڇڏيو آهي. ايندڙ چونڊن کان اڳ توانائي بحران تي به ڪنٽرول ڪيو ويندو. ڪو به ڏوهه ناهي ڪيو پوءِ به پاڻ کي احتساب لاءِ پيش ڪيو.جاچ ٽيم سان سهڪار نه ڪرڻ جو الزام بي بنياد آهي. ڪنهن به دٻاءُ ۾نه ايندس، اجلاس ۾ موجود وزيرن چيو ته وزيراعظم ملڪ جو مقبول ترين ليڊر آهي. عوام کيس پنجن سالن لاءِ چونڊيو آهي، ڪنهن کي به عوامي مينڊيٽ تي راتاهو هڻڻ جي اجازت نه ڏينداسين. اجلاس ۾ فيصلو ڪيو ويو ته مينڊيٽ تي راتاهو هڻڻ نه ڏينداسين. جڏهن ته وزيراعظم پارلياماني پارٽي جو اجلاس اڄ جمعي تي به طلب ڪيو آهي، جنهن ۾ سياسي صورتحال تي صلاح مشورا ڪيا ويندا.
سڌ سماءُ واري مملڪتي وزير مريم اورنگزيب پريس ڪانفرنس ڪندي چيو ته جي آءِ ٽي پنهنجي رپورٽ ٺاهي ناهي تخليق ڪئي آهي، ٽيم سپريم ڪورٽ جي 13 سوالن جا جواب ڏيڻ بدران پيش ٿيل ماڻهن جي ڪردار ڪشي ڪئي، جيڪا ڪنهن به طرح مناسب نه آهي. هر سازش ناڪام بڻائي ڇڏينداسين. اسان جي خلاف سازشون پهريون ڀيرو نه ٿيون آهن پر هن ڀيري سازشون ڪندڙ ضرور پڌرا ٿيندا. نواز شريف نظريي جو نالو آهي. رپورٽ ۾ وزيراعظم خلاف سرڪاري ڪرپشن جو هڪ به الزام نه آهي. اڄ ڌرڻي ٿري جي تياري ڪئي پئي وڃي. هن چيو ته جي آءِ ٽي رپورٽ رڳو شريف خاندان جي ڪاروبار بابت آهي، ان جو ڪنهن چيو هو، اميد ته عدالت ۾ جي آءِ ٽي تي اسان جا خدشا پڌرا ٿيندا. جي آءِ ٽي رپورٽ رڳو خيالن جو مجموعو آهي، ان مان امڪان، خدشو، راءِ جا لفظ ڪڍيا وڃن ته پوءِ ڪجهه به نه ٿو بچي. چيو ويو خدشو آهي ته مريم نواز آف شور ڪمپنين جي مالڪ آهي. اها سازش عدالت ۾ پڌري ٿيندي. جي آءِ ٽي کي ڪنهن اجازت ڏني ته اها ڪنهن کي ڪوڙو ۽ مڪار چوي. هنن کليل تعصب ظاهر ڪيو، 254 صفحن جي رپورٽ ڪنهن لکي؟ جي آءِ ٽي ڪو دستاويز هٿ نه ڪيو. پر پاڻ تيار ڪيا، سندن ڪو به دستاويز تصديق ٿيل نه آهي. مخالفن جي هي آخري سازش آهي، وزيراعظم کان استعيفيٰ گهرندڙ پهرين جي آءِ ٽي رپورٽ پڙهن ڇاڪاڻ ته سندن موقف چٽو هوندو آهي، امڪان ۽ خدشا ناهن هوندا. جي آءِ ٽي رپورٽ پڙهون پيا ان بعد جواب جمع ڪرائينداسين. اها ڪوڙي رپورٽ آهي، جنهن مان من پسند پيرائون پڙهي تجزيا ڪيا پيا وڃن، دانيال عزيز جو چوڻ آهي ته جي آءِ ٽي قوم جو وقت ۽ پئسو ذيان ڪيو، نئون ڀرتي اي ايس آءِ به ان کان سٺي جاچ ڪري سگهي ٿو، هنن عمران خان جو بيان رپورٽ ۾ رکيو آهي. هنن رپورٽ مڪمل هجڻ جو تاثر ڏنو پر ان کي پاڻ ئي نامڪمل چيو اٿن. رپورٽ جي اهم حصن وارا خانا خالي آهن، اعتزاز احسن، خورشيد شاهه ۽ سراج الحق پهرين ان کي پڙهي وٺن. واضح نموني چوان ٿو ته نواز شريف ڪنهن به ڪمپني جو مالڪ نه آهي. سپريم ڪورٽ غلط بياني جو نوٽيس وٺي. واليم 10 ڳجهو آهي ته دبئي وارو خط ميڊيا کي ڇو جاري ڪيو ويو، العزيزه اسٽيل مل لاءِ جدي مشينري دبئي نه شارجه مان وئي. لنڊن فليٽن جي مالڪن جو ذڪر ئي ناهي ڪيو ويو.