تازيون خبرون

Daily Archives: July 11, 2017

ايشوريا راءِ ۽ انيل ڪپور جي فلم ”فني خان“ ايندڙ سال رليز ٿيندي

ممبئي (شوبز نيوز)  بالي ووڊ اداڪارا ايشوريا راءِ جي فلم ”فني خان“ ايندڙ سال اپريل ۾ سينيما گهرن ۾ لڳندي. ڀارتي سڌ سماءَ وارن ذريعن مطابق ايشوريا راءِ ۽ انيل ڪپور ۱۷ سالن کان پوءِ گڏ نظر ايندا. اها فلم اپريل ۾ نمائش لاءِ پيش ڪئي ويندي. فلم جي شوٽنگ هلندڙ سال آگسٽ ۾ ڪئي ويندي.

 

۽ جڏهن ڪرنل قذافي ڪترينا ڪيف کي ڏسندو ئي رهيو

ممبئ (شوبز نيوز)   ڪتريفا ڪيف ننڍپڻ ۾ هاٽ فيورٽ رهي آهي. ان جي زندگي اهڙن ڪيترن ئي واقعن سان ڀريل آهي جڏهن وڏا وڏا ماڻهو ان جي معصوماڻي دلڪشي کي ڏسي هاري ويهندا هئا. پندرهن سال پهرين جڏهن هو ليبيا ۾ هڪ فيشن شو تي وئي ته ان جي ليبيا جي حڪمران معمر قذافي سان ملاقات ٿي ته ڪرنل قذافي انهن کي ڏسندو ئي رهيو.  ڪتريفا ڪيف کي ڪرنل قذافي جي شهرت جو علم هو ۽ ڪترينا کي به  خبر هئي ته ليبيا جو ڊڪٽيٽر عورتن سان گڏ رهڻ پسند ڪندو آهي ۽ ان جون محافظ به عورتون هيون جيڪي Amazonians چورائينديون آهن. ان شو ۾ سپر ماڊل سشميتا سنگهه به موجود هئي. هن پندرنهن سالن اکن پوءِ ڪترينا ڪيف جي ڪرنل قذافي سان گڏ تصوير شئير ڪندي چيو آهي ته ڪرنل قذافي معصوم صورت ڪترينا ڪيف ڏانهن جهڪندو رهيو ۽ هوءَ ڊڄندي رهي ۽ هاڻ شايد ان کي به اها ڳالهه ياد نه هجي.

 

ويسٽ انڊيز واحد ٽي 20 ميچ ۾ ڀارت کي شڪست ڏئي ڇڏي

ڪنگسٽن / جميڪا ( اسپورٽس نيوز ) ويسٽ انڊيز واحد ٽي 20 ميچ ۾ ڀارت کي 9 وڪيٽن تان شڪست ڏئي ڇڏي آهي. ويسٽ انڊيز ۾ جميڪا جي سبينا پارڪ ۾ کيڏيل ميچ ۾ ڀارت پهريون بيٽنگ ڪندي مقرر 20 اوورن ۾ 6 وڪيٽن جي نقصان تي 190 رنسون ٺاهيون جنهن ۾ دنيش ڪارتڪ 48، ويرات ڪوهلي 39 ۽ پنٽ 38 رنسون ٺاهيون. ويسٽ انڊيز طرفان جيروم ٽيلر ۽ ڪيسرڪ وليمز 2، 2 رانديگرن کي آئوٽ ڪيو. ڀارت طرفان ڏنل 191 رنسن جو هدف ويسٽ انڊيز 19 هين اوور ۾ رڳو هڪ وڪيٽ تي حاصل ڪيو. ويسٽ انڊيز طرفان ايون لوئس 62 بالن تي 12 چوڪن ۽ 6 ڇڪن جي مدد سان تيز رفتار اننگز کيڏي 125 رنسون ٺاهيون ويون، جڏهن ته مارلن سيموئلز به تيز رفتار 36 رنسون ٺاهي پنهنجي ٽيم کي ڪاميابي ڏياري. شاندار سينچري تي لوئس کي مين آف دي ميچ قرار ڏنو ويو.

 

پي سي بي جي بورڊ آف گورنر جي لاءِ ايگزيڪٽو ڪميٽي جي چيئرمين نجم شيٽيءَ جي نامزدگيءَ جي منظوري

لاهور (اسپورٽس نيوز) پاڪستان ڪرڪيٽ بورڊ جي بورڊ آف گورنر جي لاءِ پي سي بي ايگزيڪٽو ڪيمٽي جي چيئرمين نجم شيٽي جي نامزدگي جي منظوري ڏني وئي. ان سان گڏ ئي آدم جي انشورنس ۽ ڪي ايس بي پمز انڊسٽري جي سي اي او عارف اعجاز جي نالي جي به منظوري ڏني وئي، نجي ٽي وي موجب وزيراعظم هائوس مان جاري اعلان موجب وزيراعظم نوازشريف پي سي بي جي بورڊ آف گورنر لاءِ نجم شيٽي ۽ عارف اعجاز جي نالن جي منظوري ڏئي ڇڏي، ٻنهي نامزدگين جي مدي جي شروعات 6 آگست 2017 کان ٿيندي.  ياد رهي ته موجوده چيئرمين شهريار خان آگست 2017 جي وچ ۾ پنهنجي ٽن سالن جو مدو مڪمل ڪندو

 

پريشان حال نظرايندي نواز حڪومت ۽ جي آءِ ٽي جي رپورٽ …!!: غلام مصطفيٰ جمالي

پاڪستاني وزيراعظم ميان نواز شريف سان ڪجهه عرصي کان وٺي جيڪو ٿي رهيو آهي،اهي سموري لڪاءُ ۽ ڳالهيون ميان صاحب پاڻ وٽ رکي اهو سوچڻ تي مجبور هوندو، ته وٺس پاڪستاني وزيراعظم جي ڪرسي آهي،پر ڇا وٺس پنهنجو ڪو معيار به آهي.؟ جيڪو کيس پنهنجو سياسي ڪرندڙ معيار کي برقرار رکي سگهي.ڇو ته جيڪڏهن تاريخ جا روق اٿلائينداسين ته ڪيتريون ئي اهڙيون مثالون ڳولڻ لاءِ گهڻو پري نه وڃڻو پوندو،ڇو ته پنهنجي پنهنجي ملڪ جي عظِيم ترين حڪمرانن جيڪي وڏن عهدن تي فائز هئا،پر جڏهن کين اهو محسوس ته جنهن عهدي تي ويهي ڪري راڄ ڪري رهيا آهن،انهن عهدن تي هوندي به سندس عزت آبرو ۽ معيار ختم ٿيڻ جو خدشو آهي ته انهن پنهنجي عهدن جي ڀيٽ ۾ پنهنجي عزت آبرو کي پيارو سمجهي ڪري پنهنجي عهدن تان هٽي پري ٿي ويا،ڇو ته کين پنهنجي عهدن کان وڌيڪ عزت ۽ آبرو جو خيال هو. جنهن جي ڪري هنن پنهنجي عهدن جي قرباني ڏني،جيڪي لفظ تاريخ اندر محفوظ ڪيا ويا آهن. جيڪڏهن انهن جا ويهي قصا بيان ڪنداسين ته پنهنجو اصل موضع اڌ ۾ رهجي ويندو،پر پوءِ به اوهانکي تاريخ جي پراڻن پنن مان ڪجهه اهڙا واقعا ٻڌائڻ ضرور پسند ڪندس،اوهانکي ياد هوندو ته ابراهيم اسماعيل چنديگر(آئي آئي چنديگر)جڏهن پاڪستان جي وزير عظميٰ جي عهدي تي ويٺو ته کيس پنهنجي عهدي تي ويهڻ کانپوءِ پنهنجو پاڻ تي تنقيد ٿيندي محسوس ڪئي،ته هن صرف ٻن مهينن جي اندر پنهنجي عهدي کي الوادع ڪري ڇڏيو،انڪري شايد ابراهيم اسماعيل چنديگر پنهنجي ذات تي ٿيندڙ تنقيد پسند نه آئي ۽ هن منهنجي ذات جو ڪنڌ اونچو ڪرڻ جي لاءِ پنهنجي عهدي جي قرباني ڏئي ڇڏي،جڏهن ته پاڪستان جو پهريون آئين ٺاهيندڙ چوڌري محمد علي،۽ پنهنجي عهد جا عظيم سياسسي دانشور سيد حسين شهيد به صدر سڪندر مرزا جي چالبازن کان متاثر ٿيندي هن به پنهنجي عهدي تان مستعفي ٿي ويا،ڇو ته ان وقت پاڪستاني سياست اندر ۽ پاڪستاني عوام اندر اها ڳالهه عام ٿي چڪي هئي ته پاڪستان جي صدر سڪندر مرزا ايران جي انهي دور جي شهنشاه محمد زضا شاهه پهلوي جي فيصلن جي تتعبع ۾ پاڪستان اندر ڪنهن وزيراعظم کي سال يا ڏيڍ سال کان وڌيڪ جي عرصي تائين وزيراعظم رهڻ نه ٿي ڏنو،ڇو ته ان زماني ۾ پاڪستاني جي وزيرعظميٰ جي تحريرن ۾ ايتري ته تيزي آئي جو ان وقت ڀارت جي وزيراعظم پنڊت جواهر لال نهرو به ان وقت پنهنجي طنزي لهجي ۾ اهو چيو هو ته مون اڃان تائين ايتريون ڌوتيون ناهن بلديون جيترا پاڪستان جا وزيراعظم بدلي ٿي چڪا آهن،  پر بهتر ۽ اهم ڳالهه اها آهي ته ان وقت پاڪستان جا جيترا به وزيراعظم پنهنجي پنهنجي عهدن تان لٿا انهن وزير مان ڪو هڪ اهڙو وزيراعظم نه هو جيڪو پنهنجي عهدي تان بي آبرو ٿي نڪتو هجي.! ڇو ته انهن سموري وزيراعظمن  پاڻ مٿان ڪوبه داغ لڳڻ نه ڏنو ۽ پنهنجي عهدي کان وڌيڪ عزت کي ڏٺو ۽ عهدو ڇڏي ڏنو ۽ پنهنجي ساڳ برقرار رکي.!

انڪري شايد اڄ به پنڊت جواهر لال جي انهي تنظيي لهجي کي جڏهن ياد ڪيو ويندو آهي ته کل وري به جواهر لال نهرو جي بيان تي ٿيندي آهي،جيڪو شايد ان وقت ايترو غريب ۽ مسڪين هو جو وٺس ايترو پئسو  به نه هو جو هوُ پاڻ لاءِ نئي ڌوتي وٺِي سگهي،پر خير اڄ جي ماحول اندر ۽ ان وقت جي ماحول ۾ ڏينهن رات جو فڪر آهي، ڇو ته هن وقت جيڪو پاڪستاني سياستدانن سان ٿي رهيو آهي ڀلي اهو ڪهڙي به سياسي پارٽي تان تعلق رکندڙ ڇو نه هجي پر مان سمجهان ٿو ته ان ته ان مٿان پاڻ تي ٿيندڙ تنقيد جو ڪو به اثر نه پوي،جنهن جي ڪري هوُ ڪرسي کي نه ڇڏڻ ڪري پنهنجي عزت آبرو داءُ تي لڳائي ڇڏيندا آهن،انڪري هن وقت ميان نواز شريف سان جيڪو ڪجهه رهيو آهي ان مان صاف ظاهر آهي ته اهڙي ماحول اندر ميان نواز شريف مٿان ڀلي ڪيتري به تنقيد ٿي پر هو عهدو نه ڇڏيندو.!! جنهن جنهن ماڻهن جو اهو خيال آهي ته جي آءِ ٽي جي رپورٽ کان پهرين ئي ميان نواز شريف پنهنجي عهدي تان لهي ويندو ته اهي ماڻهو پنهنجي دماڳ مان اها ڳالهه ڪڍي ڇڏين،انڪري ڊگهي عرصي کان وٺي ميان نواز شريف جيڪي پريشانيون ڏسي رهيو آهي شايد هاڻ هو انهن جو عادي ٿي ويو آهي ۽ الڪيشن ۾ به وقت ٿورڙو آهي جنهن ڪري اڃان به ڪجهه ڳالهيون ميان صاحب سهي ويندو پر پنهنجي عهدي تان هٿ نه کڻندو،ڇو ته اها سڀني کي خبر آهي ته ميان نواز شريف شريف پهرين ته سپريم ڪورٽ ۾ پيش ٿيو جنهن کانپوءِ هو جي آءِ ٽي جي اڳيان پيش ٿيو جنهن جي آءِ ٽي ميان نواز شريف جي سموري خاندان جي ماڻهن کي پيشي ڪرائي،ان هوندي به ميان نواز شريف پنهنجي عهدي تي چنبڙيو رهيو،ڇو ته کيس پاڻ اندر آئيندا جو وزيراعظم ڏسڻ ۾ اچي رهيو آهي،سوچڻ جهڙي ڳالهه آهي ته ميان نواز شريف هن وقت پاڪستاني وزيراعظم آهي ۽ سندس ڀاءُ ميان شهاز شريف پنجاب جو وزيراعليٰ آهي ۽ وزير خزانه به پنهنجو اٿس ان هوندي به کين چين آرام ناهي ڇو.؟هن وقت ميان نواز شريف سموري پاڪستاني ميڊيا توڙي پاڪستاني عوام ۽ پاڪستاني سياستدانن جي زبانن تي بحث جو مزڪر بڻيل آهي،پر ان هوندي به ميان نواز شريف سمورين پارٽين جي منهن ڏئي رهيو آهي ۽ پنهنجي حڪومت به هلائي رهيو آهي،ان مان اهو ثابت ٿي ٿو ته ن ليگ حڪومت پنهنجو تخت بچائڻ لاءِ ڪجهه به ڪري سگهي ٿي،ڪالهه سپريم ڪورٽ پاران جيڪا پاناما ڪيس لاءِ جي آءِ ٽي جوڙي هئي انهي جي آءِ ٽي ڪالهه سپريم ڪورٽ اندر پنهنجي هڪ تحقيقاتي رپورٽ پڻ پيش ڪئي،جڏهن ان وقت  جسٽس  اعجاز افضل پنهنجا ريماڪس ڏيندي چيو ته جنهن حسين نواز جي  تصرير ظاهر ڪئي هئي انهي جو نالو به سامهون اچڻ گهرجي،جڏهن ته جسٽس اعجاز اهو به چيو ته انهي معامعلي تي وڌيڪ ڪاميٽي جوڙڻ جي ڪا به ضرورت ناهي،ان هو به چيو ته ڪميشن جوڙڻ لاءِ سندس اختيار به ناهن،پر جيڪڏهن حڪومت انهي ۾ دلچسپي رکي ٿي ته  هوُ ان جي ڪميشن قائم ڪري،جڏهن ته اهو واضع رهي ته ان وقت ميڊيا جي خبرن اندر اها گردش پيدا ٿي چڪي هئي ته حسين نواز جي تصوير ظاهر ڪئي هئي ته ان ماڻهو جو نالو به جي آءِ ٽي ۾ شامل آهي،۽ ان جو تعلق پاڪستان جي ڪنهن خفيه اداري سان سندس تعلق آهي،جڏهن ته هاڻ سپريم ڪورٽ انهي معاملي تي هڪ واضع رپورٽ سامهون ڏيارڻ لاءِ حڪم جاري ڪري ڇڏيو آهي،

جڏهن ته جي آءِ ٽي جي رپورٽ پيش ڪئي پئي وئي ته ان وقت مختلف سياسي پارٽين جي ماڻهن جا بيان سامهون اچي رهيا هئا،پاڪستان تحريڪ انصاف جي ترجمان فواد چوڌهري چيو ته رڪارڊ ٽمپرنگ معاملي تي پاڪستاني وزيرخزانه اسحاق ڊار به انهي معاملي جو هڪ ڏوهاري آهي ڇو ته چيئرمين  ايس سي پي ظفرحجازي  سندس رڪارڊ تبديل ڪرڻ جي ڪوشش ڪئي هئي،جنهن ڪري هو ڏوهاري آهي ۽ کيس گرفتار ڪيو وڃي،پرآئون سمجهان ٿو ته پاناما ڪيس ۾ اڃان به ڪيترائي موڙ ايندا،جڏهن ته سپريم ڪورٽ آف پاڪستان جي آءِ ٽي جي تحيقاتي رپورٽ جي جانچ کانپوءِ  ڏهه ڏينهن اندر سيڪريٽ خالي ڪرڻ جو پڻ حڪم ڏئي ڇڏيو آهي،۽ جن جن ماڻهن جا نالا پاناما لڪيس اندر آهن ۽ جي آءِ ٽي انهي معاملي جي تحقيات ڪري رهي آهي ان سمورن ماڻهن ۽ سندس خاندان جي حفاظت جو پڻ حڪم ڏئي ڇڏيو آهي،

*******

 

سارنگ سار لهيج الله لڳ اڃين جي ( سر سارنگ  ): تحرير ربنوا راز ڄامڙو

ڪافي ڏينهن کان ملڪ ۾ مينهوڳي مند هلي رهي آهي .  مون کي به خيال آيو ته سر سارنگ جي روشني ۾ مينهوڳي مند  کي پنهنجي ڪالم جي زينت بڻايان  ته منهنجا سائين ! مينهن هڪ اهڙي نعمت آهي جنهن جي آبياري سان مئل زمين ۾ به ساھ پئجي ويندو آهي ان ڳالھ نه ڪو شڪ ۽ نئي وري ڪو گمان آهي اها هڪ مڃيل مڃايل حقيقت آهي . منهن  جو وسڪارو تڏهن ٿيندو آهي جڏهن چوماسي هوائون لهرا ڏينديون آهن ته آسمان تي ڪڪر ( بادل) سوڻ جا ويس ڪري منڊلن کي ابر رحمت جو وسڪارو ڪري  بوکڙو وڻن کي ساوڪ جي سونهن بخشيندو آهي برسات جي پاڻي کي پلر ، مينهن چئبو آهي جڏهن ته جنهن ٻاڦ مان مينهن وسندو آهي انکي ڪڪر ، بادل ، جھڙ  ۽ آگم سڏبو آهي    لفظ سارنگ جي معني!  مختلف اديبن پنهنجي پنهنجي حساب سان بيان ڪئي  آهي  ڪن مينهن ، ڪن مينهن جو پاڻي ڪن وري مور پکي جو ناچ ڪڍي آهي اصل ۾ سا مان مراد ( اها ) وٺي سگھجي ٿي سا اشاري طور استعمال ٿيل آهي رنگ مان مراد جھلڪ آهي جنهن سان زمين تي موجود گاهن ۽ وڻن ۾ هريالي اچي .   هن روح زمين تي پاڻي يا ته  تباهي آندي آهي يا زمين کي رونق بخشي آهي ڪڏهن پاڻي اڻلڀ هوندو آهي ته ڪڏهن مينهن جي پاڻي تباهي مچائي زميني حقيقتن کي اکيڙي ان جا هليا مٽائي ڇڏيندو آهي جڏهن ته پاڻي زندگي جي وجود جو اهڃاڻ به آهي. جڏهن پاڻي اڻلڀ ٿي ويندو آهي پکي پکڻ انسان توڙي حيوان ٻاڪاريندا آهن هن ڪائنات جي خلقڻهار کان مينهن گھرندا آهن . خاص ڪري ريگستاني علائقن ۾ اڄ به پاڻي اڻلڀ آهي جتي زندگي گھارڻ ڏکيو ڪم آهي هاڻي ته پاڻي جي حاصل ڪرڻ جا ٻيا ذريعا به بڻجي پيا آهن پر لطيف سائين جي زماني ۾ پاڻي حاصل ڪرڻ جو ذريعو کوھ ۽ برساتي پاڻي  هو. سر سارنگ مينهوڳي  مند جي آٽيجن آثارن کان ويندي  مينهن جي وسڪاري  ، گوڙ جي گجگار ، کنوڻ جي تجلن ، ڦڙن ٽپ ٽپ ، ڪڪرن جي رنگن کي  لطيفي رنگ سان خوب بيان ڪيو آهي .  سارنگ راڳداري ۾ هڪ راڳ به آهي جنهن کي  سر جھيل ۾ ڳائڻ سان برسات وسي پوندي آهي . سر سارنگ ۾ هون ته ڪافي بيت ۽ ٻيا ڪلام آهن پر وقار حسين ٻانڀڻ جي بقول ته  منهنجو والد عبدالمجيد ٻانڀڻ  هي بيت ڪثرت سان اڪثر هنڌ تي جھونگاريندو هو ،

ٿر اٺو بر وٺو ،   اٺو جيرمير ،

مکڻ تن ماهيڙياڻن جو ، ٽڪي لڳندو سير،

وٺندو انهن کان ڪير ، جو وطن منهنجو وسي پيو .

سندس چوڻ آهي ته لطيف سائين جو هي بيت لطيف سائين جي  ڪنهن به رسالي ۾ ناهي شامل ڪيو ويو. پر بقول  حافظ لطيف هوت فقير ڄامڙو جي ته هي بيت  ضلعي بدين جي هڪ ناليواري سگھڙ ( جھنجھو) جي مرتب ڪيل رسالي ۾ شامل آهي . هي بيت بدين ۾ عام رائج آهي .  اها ته ٻن ڏاهن مفڪرن جي راءِ آهي جيڪي لطيف جا پارکو آهن. جن جي راءِ کي رد ڪرڻ جو مون کي حق ناهي  هن بيت ۾ لاکيڻو لطيف ڀٽائي ڀرجھلو سنڌ جي حدن کي اورانگھيندي پنهنجون نظرون  پاڙيسري ملڪ ڀارت جي علائقي جيسر مير تائين کپايون آهن جاءِ بجاءِ مينهن جي وسڪاري جي نشاندهي ڪئي آهي ته هند ۽ سنڌ ۾ مينهن وسي پيو آهي ان مان صاف ظاهر آهي ته لطيف سائين پوري عالم جو شاعر آهي . مينهن وسڻ کان پوءِ واريون حقيقتون هن بيت ۾ هن طرح بيان ڪيون آهن ته  اجھي  هاڻي ساوا گاھ گجگار ڪري ڦٽا جيڪو مکڻ اڻلڀ ٿي ويو هو سو هاڻي ججھو جام ٿيندو مکڻ جو ملھ گھٽجي ويندو مکڻ ولوڙڻ وارن کان ملھ مهانگو مکڻ ڪير به نه وٺڻدو،  پوءِ  مکڻ ايترو سستو ٿي ويندو جو ٽڪي ۾ سير ملندو هتي لطيف سائين مکڻ جو ملھ به ظاهر ڪيو آهي هن بيت ۾ انهن ماڻهن کي لطيف سائين آٿت ڏني آهي ته گھٻرائڻ جي ڪابه ڳالھ نه آهي ڏکن جا ڏينهن ويا گذري برسات برسي آهي سڪر سهائو ٿيڻ وارو آهي . جن ان ارادي سان مکڻ گڏ ڪيو هو تهمن گھريو ڌن ڳنڌيون سين  انهن کان هاڻي ڪو به نه وٺندو ڇاجي ڪري جو منهنجي ساڻيھ ،  وطن منهنجي ديس  مٿان رب پاڪ جي ابر رحمت برسي پئي آهي هاڻي مکڻ جي ولولڻڻ وارن جي مکڻ جو ملھ ڪري پوندو هي هڪ قسم جي دعوا آهي جيڪا لطيف پيش ڪئي آهي .  ٻئي  هنڌ لطيف سائين فرمائي ٿو ته ؛

بر وٺا تر وٺا ، وٺــيون تـرايون

پرھ جو پٽن تي ڪن ولوڙا وايـون

مکڻ ڀرين هٿڙا ، سنگھاريون سايــون

ساري ڏهن سامهيون ، ٻولايون رانيون

ٻانهيون ۽ ٻايون ، پکي سونهن پاهنجي .

هن بيت ۾ لطيف سائين اها ئي ڳالھ مارونئڙن جي ڪئي آهي ته جڏهن سانوڻ جي مينهن جو وسڪارو ٿيندو آهي ويران ريگستان  ، هيٺانهيون مٿانهيون  پلر جي پالوٽ سان رسيليون ٿي وينديون آهن . صبح جو باکاٽڙي مهل  پٽن تان (جھو جھو) جا آواز ايندا آهن ، جيڪي سنگھرا  سڪي ويا هيا اهي هاڻي مکڻ وارن سڻڀن هٿن سان ساوا ٿي ويندا  .  مٿي تي ٽڪي وارن جانورن کي ٻولايون ۽ هلڪي ڪڪڙي رنگ ( ٺڪر جي ڪني تان لهندڙ  ميرانجھڙي رائي ) جهڙي رنگ کي رانيون سڏبو آهي  هتان جون عورتون  ساري سنڀالي  رنگن ۽ نشانين سان ڄاتل سڃاتل جانورن کي ڏهڻ کان پوءِ هر ڪا پنهنجي پنهنجي پکي ۾  سونهندي آهي .  آرامي ٿيندي آهي . هن بيت ۾ پڻ لطيف سائين ٿر بر جي وسڻ جي ڳالھ هن ريت ڪئي آهي .

ٿر وٺا بر وٺا وٺو جيسر مير

آگم ڪري آئيو پائر ڀري پير

لاٿائون لطيف چئي واندين مٿان وير

سرها ڪيائون سير،  سرهيون سنگھاريون ٿيون

هن بيت ۾ به اهو ئي ذڪر جيسر مير جو ملي ٿو هن بيت ۾ نمايان ڳالھ اها آهي ته پائر ۽ آگم کي هڪٻئي سان تشبيھ ڏني وئي آهي  پر واندڪائي واري ويل جي وڃڻ جو ذڪر پڻ هن بيت ۾ ملي ٿو ۽ سنگھارن جي سرهائي ۽ خوشحالي جي پڻ نشاندهي  ڪيل آهي لطيف اها هستي آهي جنهن پنهنجي ڪماليت سان هر موضوع کي خوبصورت لفظن سان جوڙيو آهي پان فرمائي ٿو ته

ٿر وٺا بر وٺا ، وٺي ڪڇ ڪنار

پو نياڙي پٽن تي ، ڏس نايائون نار

سٻاجھي ستار لاٿا ڏرت ڏيھ تان

هي بيت به لطيف سائين ٿر بر جي نالي ڪري ڇڏيو آهي هن بيت ۾ ڪڇ ڀڄ جي علائقي جي ويجھڙو مينهن جي وسڪاري جي پنهنجي لفظن ۾ بياني ڪئي آهي ته جڏهن سانوڻ جي برسات وسڪارو ڪندي آهي ته جبلن پهاڙن ۽ رڻ پٽ ريگستانن ۾ ساوڙي گاھ ڦوھ ڪري ڦٽندو آهي جنهن ڪري ڏوهل جانورن جي ٿڻن ۾ کير جو نيون وهڻ شروع ويندو آهن جڏهن سڱجي سج جي پونئين پهر  شام جو وٿاڻن تي ڏڀنديون آهن ته سندن ٿڻن مان کير نار ڪري وهندو آهي سانوڻ جي وسڪاري کان پوءِ رب پاڪ  سمورا ڏک لاهي چڏيا آهن هر طرف سڪر سهائو ٿي ويو آهي . هن بيت ۾ لطيف سائين سارنگ کي ساريندي  فرمائي ٿو ته اي سارنگ  الله جي وسطي اڃارن جي سار لھ اچ  سمورا جاندار اڃ مري رهيا آهن . پاڻي جي تمام گھڻي کوٽ محسوس ٿي رهي آهي مينهن جو وسڪارو ڪر ته جيئن زمين تي تمام گھڻو اناج اپائي سگھجي جيڪڏهن ديس تي مينهن جون بوندون برسي پيون ته سنگھارن جا سکي ٿي پوندا

سارنگ سار لهيج الله لڳ اڃين جي

پاڻي پوڄ پٽن تي ارزان ان ڪريج

وطن وسائيج ته سنگھارن سک ٿئي

 

سارَنگَ سائي سِٽَ، جَھڙِي لالِي لاکَ جي؛

اِئَن سي اُٻُنِ اَنگِيا، جِئَن سي چُنيءَ چِٽَ؛

بَرِسيو پاسي ڀِٽَ، ڀَرِيائين ڪُنَ ڪِراڙَ ج