تازيون خبرون

Daily Archives: July 7, 2017

ڪاسا 1000 رٿا وچ ۽ ڏکڻ ايشيا کي پاڻ سان ملائيندي: وزيراعظم

سلام آباد( ويب ڊيسڪ ) وزيراعظم نواز شريف چيو آهي ته ڪاسا 1000 منصوبو وچ ۽ ڏکڻ ايشيا کي پاڻ سان ملائيندو، رٿا سان ماحول دوست توانائي حاصل ٿيندي. تاجڪستان جي گادي واري هنڌ دوشنبي ۾ چار ملڪي اجلاس کي خطاب ڪندي وزيراعظم نواز شريف چيو ته بجلي جي فراهمي واري رٿا سان پاڪستان ۽ افغانستان کي بجلي ملندي. هن چيو ته سماجي اهم ڪمپنين فيڊر اسٽيشنز قائم ڪرڻ لاءِ آڇ جمع ڪرائي ڇڏي آهي. سندس چوڻ هو ته رٿا سان راهداري في مان افغانستان کي به فائدو ٿيندو. وزيراعظم نواز شريف چيو ته توانائيءَ جي فراهميءَ سان عوام جي زندگي جو معيار به بهتر ٿيندو. هن چيو ته کين اميد آهي ته ٽرانسميشن لائن تي جلد ڪم شروع ٿي ويندو. وزيراعظم نواز شريف چيو ته ڪاسا 1000 سان تاجڪستان کي به روينيو حاصل ٿيندو. ٻئي طرف وزيراعظم نواز شريف چيو آهي ته تاجڪستان جو دورو ڪامياب رهيو، والاريل ڪشمير ۾ ظلم سان پاڪ – ڀارت لاڳاپا خراب ٿيا، ڀارت کي اهو ظلم بند ڪري مسئلي جي حل ڏانهن اچڻ گهرجي. ڏيهه واپسيءَ تي جهاز ۾ صحافين سان ڳالهائيندي وزيراعظم چيو ته افغان صدر واپاري راهداري لاءِ ڀارت کي رستو ڏيڻ جي تجويز ڏني آهي، اهڙين حالتن ۾ ڀارت سان ڪاروبار جي ڳالهه ڪيئن ٿي سگهندي، اسان چيو اڳ ۾ پاڪستان، تاجڪستان ۽ افغانستان پنهنجا معاملا بهتر ڪن، ڀارت جو معاملو پوءِ ڏسنداسين. هن چيو ته افغانستان جي الزام جو جواب ڏنو آهي، اسان طرفان مداخلت نه پئي ٿئي. سندس چوڻ هو ته جنهن ايٽمي ڌماڪي جو بٽڻ دٻايو، ان جو ئي احتساب ٿي رهيو آهي اهو به ڪوڙو، سپريم ڪورٽ جي ڪنهن به قسم جي فيصلي جي انتظار ۾ آهيون. نواز شريف چيو ته 2014ع ۾ ڌرڻن کي ڏسي ڇڏيو، لاڪ ڊائون به ناڪام رهيو، مخالفن هر سازش ڪئي، انهن کي منهن ڏئي وينداسين، جمهوريت کي مون مان ڪو به خطرو ناهي.27

 

ملڪ انهن بيوقوفن جي هٿ ۾ آهي، جيڪي لوهه کپائڻ ڄاڻن ٿا حڪومت هلائڻ نه: آصف زرداري

کپرو(ويب ڊيسڪ) پاڪستان جي اڳوڻي صدر ۽ پاڪستان پيپلز پارٽي جي شريڪ چيئرمين آصف علي زرداري چيو آهي ته ڀٽو ازم هڪ فلسفي، جذبي ۽ سوچ جو نالو آهي، ملڪ جي ڏور انهن بيقوفن جي هٿ ۾ آهي، جيڪي لوهه کپائڻ ڄاڻن ٿا پر حڪومت ڪرڻ ۽ هلائڻ نٿا ڄاڻن. ڪرڪيٽ راند ۽ ملڪ هلائڻ ۾ وڏو فرق آهي. کپري ۾ عوامي جلسي کي خطاب ڪندي آصف علي زرداري چيو ته عوام ڏسي رهيو آهي ته يمن، افغانستان، سيريا ۽ عراق ۾ ڇا ٿي رهيو آهي، مون کي خوف آهي. هن چيو ته ڀٽو ازم کي مون کان وڌيڪ ڪنهن وڌيڪ ويجهو کان ڏٺو، اسان هن ڌرتي جا ماڻهو آهيون، اسان کي مسئلن جي خبر آهي. دنيا انٽرنيٽ ذريعي هوشيار پئي ٿئي ۽ هي پوئتي وڃي رهيا آهن، جي آءِ ٽي مان انهن کي مان تڪليف ٿي رهي آهي، راند ۽ پاڪستان هلائڻ ۾ وڏو فرق آهي، وقت ايندو انهن کي ڏيکارينداسين. هن چيو ته نيب روزاني تنگ ڪرڻ لاءِ ايندي آهي، جيڪي پيپلا ضيا جي مارشل کان نه ڊڳا، ڦاهين ۽ جيلن کان نه ڊڳا اهي نيب کان ڊڄندا، اسان جي پارٽي شهيدن جي پارٽي آهي. هن وڌيڪ چيو ته نه انهن کي سي پيڪ جي خبر آهي ۽ نه ئي وري انهن کي چين سان اسان جي دوستي جي خبر آهي. سڄي پاڪستان ۾ پاڻي جو مسئلو آهي، وقت ايندو اسان انهن کي ٻڌائينداسين ۽ سڄي سنڌ ۾ شمسي پمپ لڳرائينداسين.

 

عمران خان چور مچائي شور جو جيئرو جاڳندو مثال آهي: مريم اورنگزيب

اسلام آباد (اين اين آءِ) سڌ سماءَ واري مملڪتي وزير مريم اورنگزيب چيو آهي ته عمران خان جواب ڏئي ته چترال کان اسلام آباد ڪنهن جي هيلي ڪاپٽر تي آيو، ڪي پي ڪي جي عوام سان ڌوڪو عدالتن کان ڀڄڻ ۽ ٻين مٿان ڪوڙا الزام هڻڻ ان جي عادت آهي. پي ٽي آئي سربراهه چور مچائي شور جو زنده مثال آهي. پي ٽي آئي جي اڳواڻ عمران خان جي چترال کان روانگي جي موقعي ڳالهائڻ  تي ردعمل تي اظهار ڪندي مريم اورنگزيب چيو عمران خان چترال ۾ ٻين جي منصوبن تي نيون تختيون لڳائي ڪنهن کي بي وقوف بنائي رهيو آهي، پراڻي منصوبي تي توهان جي نالي جي تختي جي قيمت ڪي پي ڪي جي عوام کي 50 لک روپيا پر ڏينهن پئجي رهي آهي، هن چيو ته عمران صاحب اڄ توهان نئين منصوبي تي تختي لڳايو هان ته اسان سڀ توهان کي مبارڪ ڏيون هان، مريم اورنگزيب چيو ته اڄ وري اليڪشن ڪميشن ۾ هڪ فرار جي وڪيل رعائت گھري. هن چيو ته اليڪشن ڪميشن گذريل اڍائي سالن کان توهان جي جواب جو منتظر آهي. هن چيو ته عمران صاحب نوان منصوبا ڪيئن لڳندا آهن. پنجاب جي وڏي وزير شهباز شريف کان تربيت وٺندا ڪيو.

 

پاڪستان والاريل ڪشمير ۾ ڪيميائي هٿيار استعمال ٿيڻ جي جاچ جو مطالبو ڪري ڇڏيو

اسلام آباد (اين اين آءِ) پرڏيهي آفيس جي ترجمان نفيس ذڪريا چيو آهي ته پاڪستان مان طالبان ۽ دهشتگردي جي سموري نيٽورڪ جو خاتمو ڪيو ويو آهي. پابندي مڙهيل حقاني گروپ افغانستان مان وڃي رهيو آهي. والاريل ڪشمير ۾ مظلوم ڪشميرين جي حقن جي جدوجھد کي روڪڻ لاءِ ڪيميائي هٿيارن جو استعمال به ڪيو پيو وڃي، جنهن جي جاچ ٿيڻ گھرجي. هفتيوار بريفنگ ۾ نفيس زڪريا چيو ته ڪشمير ۾ انساني حقن جي سنگين خلاف ورزيون ڪيون پيون وڃن، ڪيترن ئي ڪشميري نوجوانن جون تشدد ٿيل لاشون ملي رهيون آهن جن جي سڃاڻ به نه ٿي سگھي. حريت اڳواڻن کي عيد نماز کان به روڪيو ويو. سمورن مسلمانن کي ڪشمير ۾ انساني حقن جي خلاف ورزي تي ڳڻتي آهي، جڏهن ته او آئي سي جي جنرل سيڪريٽري به والاريل ڪشمير ۾ ٿيندڙ ظلم جي مذمت ڪئي آهي ۽ امريڪا پاران ڪشميري اڳواڻن کي دهشتگرد قرار ڏيڻ مناسب نه آهي، نفيس زڪريا چيو پاڪستان ۾ عيدالفطر پاراچنار واقعو، ڪوئيٽيا ۽ احمد پور شرقيا جھڙن واقعن سبب گڏيل جذبات سان ملهائي وئي. هن چيو ته وزيراعظم نوازشريف جو تاجڪستان وارو دورو ۽ عالمي اڳواڻن جي پاڪستان آمد اهم ڪاميابي آهي.

 

وزيراعظم جي استعيفيٰ سان جمهوريت کي ڪجهه نه ٿيندو: خورشيد شاهه

اسلام آباد (اين اين آءِ) مخالف ڌر جي اڳواڻ خورشيد شاهه چيو ته پ پ پ  کي حڪومت نه پر جمهوريت گھرجي ۽ وزيراعظم جي استعيفا سان جمهوريت کي ڪجھه نه ٿيندو، خميس تي ميڊيا سان ڳالهائيندي خورشيد شاه چيو ته عدالتون سازشون نه ٿيون ڪري سگھن، ڀارت سازشون نه ٿو ڪري سگھي ڇو ته هو نوازشريف جو دوست آهي ان ڪري لڳي ٿو  ته نوازشريف جو اشارو اسٽيبلشمينٽ ڏانهن آهي، نوازشريف جي آصف زرداري سان نارضگي آهي ته اهو فضل الرحمان کان ٻڌائي ته سازش ڪير ڪري رهيو آهي اسان جمهوريت بچائڻ لاءِ سازش جي خلاف بيهنداسين. هن چيو آصف زرداري هٿڪڙين سان عدالتن ۾ پيش ٿيندو رهيو، بينظير ڀٽو معصوم بارڙن سان عدالتن ۽ جيلن جا ڌڪا کائيندي رهي. ان وقت ڪنهن کي نياڻي جو احساس نه هيو. اسانجي نياڻي مريم نواز ڇو ڪوڙ ڳالهائي رهي آهي پهريان چيو ته منهنجو پراپرٽي سان ڪو به تعلق نه آهي ۽ بعد ۾ چيو ته مان ٽرسٽي آهيان وقت اچڻ تي ثبوت ڏينديس، ان ڪري اهو معاملو ڪوڙ طرف وڃي رهيو آهي، هن چيو ته اسحاق ڊار جھڙي صبر جھڙو مزاج رکندڙ ماڻهون سخت رويو  ڳڻتي جوڳو آهي، ان جي رويي مان  ظاهر ٿئي ٿو ته دال ۾ ڪجھه ڪارو آهي، اهو معاملو ڄاڻي واڻي پيدا ڪيو پيو وڃي، حالتون ايتريون خراب آهن ته وزيراعظم کي ملڪ ۾ هجڻ گھرجي هان.

 

پ پ پاناما ليڪس بابت جي آءِ ٽي جي ڪارروائي جي ويڊيو منظر تي آڻڻ جو مطالبو ڪري ڇڏيو

اسلام آباد(ويب ڊيسڪ) پاڪستان پيپلز پارٽي پاناما ليڪس جي جاچ بابت جوڙيل جي آءِ ٽي جي ڪارروائي جي ويڊيو رڪارڊنگ منظر عام تي آڻڻ جو مطالبو ڪري ڇڏيو آهي. پ پ اڳواڻ اعتزاز احسن ميڊيا سان ڳالهائيندي چيو ته جي آءِ ٽي معاملي تي حڪومت ٽوپي ڊرامو ڪري رهي آهي. ويڊيو رڪارڊنگ منظر عام تي نه آڻڻ سبب الزام لڳندا رهندا، مان نٿو سمجهان ته شريف خاندان جي ٻارن سان ڪو سخت سلوڪ ڪيو ويو آهي،  ويڊيو رڪارڊنگ سان شريف ڪٽنب جي جي آءِ ٽي جي الزام جي حقيقت سامهون ايندي. هن چيو ته شريف خاندان جيڪڏهن ڪو جواب هجي ها ته اهو هو 3 اپريل 2016ع ۾ ئي ڇڏي آهي. حڪمران ميڊيا جي سامهون جي آءِ ٽي کي ڌمڪيون ڏئي رهيا آهن. هن وڌيڪ چيو ته ڳجهي طريقي سان جي آءِ ٽي ميمبرن ۽ انهن جي خاندان کي ڌمڪيون ڏنيون پيون وڃن.

 

پاڪستان پيپلز پارٽي جي حڪومت روزگار فراهم ڪندي آهي پر روزگار کسيندي ناهي: ناصر حسين شاھ

ڪراچي(اسٽاف رپوٽر): سنڌ جي اطلاعات واري صوبائي وزير سيد ناصر حسين شاھ پنهنجي آفيس ۾ ورڪرز ويلفيئر بورڊ سنڌ جي ستين اجلاس جي صدارت ڪئي جنهن ۾ ڊاڪٽر سڪندر شورو انفارميشن ٽيڪنالوجي واري وزير، پورهئي کاتي واري سيڪريٽري عبدالرشيد سولنگي، صنعت واري سيڪريٽري عبدالرحيم سومرو، ورڪرز ويلفيئر بورڊ جي سيڪريٽري آصف ميمڻ، پورهئي کاتي جي نمائندن، سنينئر مزدور اڳواڻ حبيب الدين جنيدي، سنڌ رينيو بورڊ جي چيئرمين کان علاوه بورڊ جي آفيسرن ۽ ايمپلائيز جي نمائنند به شرڪت ڪئي. اجلاس کي خطاب ڪندي صوبائي وزير چيو ته ورڪرز ويلئفير بورڊ جا صوبائي معاملا ٿيڻ کان پوءِ هي ستون اجلاس منعقد ڪري رهيا آهيون جنهن ۾ پورهيتن جي ٻارن لاءِ مختلف تعليمي ۽ صحت ۽ ٻين سهولتن لاءِ جامع پيڪيج ترتيب ڏنو آهي جيڪي معاملا وفاقي نوعيت جا هئا هاڻ ۽ صوبائي پروجيڪٽ هجڻ ڪري التوا ۾ پيل هئا انهن کي به نمٽائڻ لاءِ مختلف فيصلا ڪيا ويا آهن، ڪيترن ئي سالن کان مستقل نه ٿيندڙ ملازم جن جي ڪارڪردگي لاءِ وفاقي حڪومت جي خصوصي ٽيم سفارشون ڪيون کي پڪو ڪرڻ جو فيصلو ڪيو ويو آهي 2011 کان انهن کي پڪو ڪيو ويندو. خالصتن ميريٽ ۽ شفافيت جي بنياد تي ڇو ته پاڪستان پيپلز پارٽي جي حڪومت روزگار فراهم ڪندي آهي پر روزگار کسيندي ناهي. پورهيتن لاءِ به جامع پروگرام ترتيب ڏنو آهي. پورهيتن جو پئسو پورهيتن ۽ انهن جي خاندانن تي خرچ ڪيو ويندو ۽ ڪا به سفارش قبول نه ڪئي ويندي ڇو ته ان بورڊ ۾ پورهيتن ۽ مالڪن جي نمائندن جي ڀرپور نمائندگي آهي جنهن جي ڪري انهن جي حقن جو ڀرپور تحفظ يقيني بڻايو ويو آهي ته جيئن انهن جو معيار زندگي وڌيڪ بلند ٿي سگھي ۽ غربت ۾ ڪمي آڻي سگھجي. بلاول ڀٽو زرداري به پورهيتن جي فلاح ۽ بهبود لاءِ واضع هدايتون ڏنيون آهن اهي ادارا سوشل سڪيورٽي ورڪرز ويلفيئر بورڊ، پورهئي کاتي ۾ به انهن جي حقن ۽ سهولتن جو ڀرپور نيٽورڪ ڪم ڪري رهيو آهي. بعد ۾ ميڊيا سان ڳالهائيندي هن چيو ته جيڪي ماڻهون نيب قانون جي خلاف ڳالهائي رهيا آهن اهي خود ان ۾ ملوث آهن ۽ تنقيد ڪندا هئا هاڻ اسان ڪو سٺو قانون آڻڻ جي ڳالھ ڪئي آهي ان کي خراب سڏيو پيو وڃي ڇو ته پاڪستان پيپلز جي هر سٺي ڪم ۾ غلطيون ڪڍڻ مخالفن جي پراڻي عادت آهي. اسان بهتر قانون ۽ سڀني سان انصاف ڪرڻ چاهيون ٿا هن چيو ته مصطفيٰ ڪمال کان پهرين ته نعمت الله خان صاحب جيڪا ترقي ڏياري ان جو جواب ڏين. انهن پاڻ دهشتگردن کي پنهنجي چو طرف ويهاريو آهي ڪراچي جي ماڻهن انهن کي رد ڪري ڇڏيو آهي هاڻي انهن جي سياست نه هلندي، ملين مارچ جي دعوا ڪندا آهن پر 2 اڌائي هزار ماڻهن سان سياست نه هلندي. هن چيو ته مخالفن کي هاڻ ڪراچي ياد آئي آهي جڏهن ترقياتي ڪم ٿي رهيا آهن. ڪراچي جي ادارن کي تباھ ڪندڙ هاڻي ڪهڙيون ڳالهيون ڪري رهيا آهن. انهن جا ملڪي ادارن تي الزام الارمنگ صورتحال آهي هاڻي سمجهائڻ جي ڪوشش نه ڪن هاڻ انهن جي دور جون انڪوائريون ٿينديون. شادي هال بڻايا ويا چائنا ڪٽنگ ڪئي انهن کي انهن الزامن کان پوءِ لنڊن ۾ بند ڪيو ويو هو بوکلاهٽ جو شڪار آهن. هن مريم نواز جي پيشي بابت چيو ته هاڻ اسان کي اهو سٺو نٿو لڳي ته انهن جي عورتن جي پيشي ٿئي هوءَ اسان جي ڀيڻ ۽ ان لاءِ احترام آهي پر اهو وقت ياد ڪري جڏهن بي بي شهيد وزير اعظم هوندي به عدالت ۾ پيش ٿي اها وڊيو ڏيکاري وڃي ميڊيا خود سهڪار ڪري شرجيل ميمڻ جو نالو ملڪ کان ٻاهر هوندي به اي سي ايل ۾ وڌو ويو. سنڌ نيب جي بل تي صححيون نه ڪندا پر انهن کي صححيون ڪرڻ گھرجن ڇو ته اسيمبلي ۾ ٻيهر بل پيش ٿيندو. سپريم ڪورٽ جو فيصلو سڀني کي سمجھ ۾ ايندو آهي ڇا اچڻ وارو آهي؟ شاھ محمود قريشي لاءِ ذاتي طور تي احترام آهي پر هو هوا ۾ ڳالهائي رهيو آهي. صرف وزارت جي چڪر ۾ پارٽي ڇڏڻ ڪهڙي ڳالھ آهي؟ پبلڪ پرائيويٽ پارٽنرشپ جي تحت پاور پلانٽ لڳايا ويا انهن کي سبسڊي ڏيڻ لاءِ سنڌ اسيمبلي ۾ بل پاس ٿيو ڪنهن کي به ذاتي فائدو ناهي ڏنو ويو عوام جي تڪليفن ۽ ڪراچي جي عوام کي لوڊشيڊنگ جي عذاب کان نجات ڏيارڻ لاءِ پاور پلانٽ مقامي سطح تي لڳايا ويا. آصف علي زرداري جو دوست هجڻ ڪو ڏوھ ناهي پسند نا پسند هجڻ گھرجي پردي پٺيان پنهنجا ماڻهون جيڪي پاڪستان پيپلز پارٽي کي نشانو بڻائيڻ چاهين ٿا. بينظير ڀٽو شهيد کي به ٽارگيٽ ڪيو ويو. اصل ۾ آصف علي زرداري ۽ بلاول ڀٽو زرداري کي به ٽارگيٽ ڪري رهيا آهن.

 

حڪومت ڊالر جي اگهه ۾ اوچتو واڌ جي جاچ ڪرائڻ جو اعلان ڪري ڇڏيو

اسلام آباد (اين اين آءِ) وفاقي ناڻي واري وزير سينٽر محمد اسحاق ڊار ڊالر جي قيمت ۾ هٿرادو واڌ جي جاچ ڪرائڻ جو اعلان ڪندي چيو آهي ته ڊالر جي قيمت ۾ واڌ سياسي حالتن سبب نه پر ادارن ۽ ماڻهن ۾ رابطن جي کوٽ غلط فهمي ۽ هٿرادو قدم هيا مون سميت ڪو به ماڻهون انفرادي طور تي پاڪستان جي معيشت کي نقصان پهچائڻ وارو ڪو به فيصلو نه ٿو ڪري سگھي. اسٽيٽ بينڪ جي گورنر جي مقرري وزيراعظم جي ڏيهه واپسي تي ڪئي ويندي. اسٽيٽ بينڪ وٽ 16 ارب ڊالر ۽ ٻين بينڪن وٽ 5 ارب ڊالر جا ذخيرا موجود آهن. مصنوعي طريقي سان ڊالر جي اگھه ۾ ڦيرڦار ڪرڻ حڪومت جي ڪا به اهڙي پاليسي نه آهي. خميس تي ناڻي واري وفاقي وزير اسحاق ڊار ڊالر جي قيمت ۾ هٿرادو واڌ جو نوٽيس وٺندي تڪڙو اعليٰ سطح جو اجلاس طلب ڪري ورتو جنهن ۾ ڊالر جي اگھه ۾ مضبوطي آڻڻ لاءِ قدمن جو جائزو ورتو ويو جنهن ۾ فنانس سيڪريٽري به هيو، اجلاس کان پوءِ ميڊيا سان ڳالهائيندي ناڻي واري وفاقي وزير چيو ته ٿورڙن ئي ڪلاڪن ۾ ڊالر جي اگھه ۾ ساڍا ٽي روپين جي هٿرادو واڌ ٿي جيڪو اسان لاءِ وڌيڪ حيران ڪندڙ هيو، شروع تاثر مليو ته شايد سياسي صورتحال سبب لاها چاڙها ٿيا آهن. پر ان جو ڪوبه سبب نظر نه آيو. پهريان مان سمجھو هيس ته سياسي حالتن سبب افواهن مان ائين ٿيو آهي پر جڏهن وڌيڪ تفصيل گڏ ڪئي ته فوري طور تي بينڪن جي اڳواڻن سان اجلاس جو فيصلو ڪيو، منهنجي ايشيائي ترقياتي بينڪ جي ذميوارن سان ميٽنگ ۽ انهن جي گولڊن جوبلي جي سلسلي ۾ تقريب هئي نه ته مان پاڻ ڪراچي هليو وڃان هان، جڏهن ته ان ڪم ۾ هڪ ڏينهن جي به دير ملڪ جي مفاد ۾ نه هئي، انهيءَ سبب فوري طور تي سمورين بينڪن جي ذميوران کي هتي گھرايو، اسٽيٽ بينڪ جي گورنر جي مقرري نه هجڻ سبب ڊپٽي گورنر کي گھرايو، جڏهن ته ان سان گڏ هيڊ آف ٽريزي کي گھرايو. هن چيو اها ملاقات تمام سٺي رهي. فاريڪس ايسوسي ايشن جي عهديدارن جو به ٿورائتو آهيان، جن موقف اختيار ڪيو ته هو ان هٿرادو واڌ جا ذميوار نه آهن. هن چيو ته اها منهنجي ذاتي نه پر پاڪستان جي مفاد جو مسئلو آهي ان جي جاچ ڪرائي ويندي. ڪنهن به ماڻهون وٽ ايترو وڏو اختيار نه آهي ته هو ايتري وڏي هٿرادو ايڊجسٽمينٽ ڪري. هن چيو ته اسٽيٽ بينڪ وٽ 16 ارب ڊالر ۽ ٻين بينڪن وٽ 5 ارب ڊالر جا ذخيرا موجود آهن. ناڻي واري وزير چيو ته ڪراچي پاڪستان جو معاشي حب آهي ان لاءِ ڊالر جي اگھه ۾ اوچتو واڌ حيران ڪندڙ هئي.

 

ننڍڙو جواب ڏيڻو هيو ته لنڊن فليٽس ڪنهن جي ملڪيت آهن: عمران خان

اسلام آباد (ويب ڊيسڪ): پي ٽي آءِ چيئرمين عمران خان چيو آهي ته سڀ چون ٿا هڪ خاندان خلاف سازش ٿي، ڪالهه جيڪو ڊرامو ڏٺو ، ان لاءِ لفظ ناهن، اسلام آباد ۾ ميڊيا سان ڳالهائيندي عمران خان چيو ته پاناما ليڪس جو انڪشاف موزيڪ فونسيڪا جا ڪمپيوٽر هيڪ ٿيڻ سبب ٿيو، سواءِ جواب ڏيڻ جي ڪوڙ مٿان ڪوڙ ڳالهايو ويو، شروع ۾ چيو ويو ته سڀ ڪاغذ آهن، سڀ ثبوت آهن، هن چيو ته برطانيا جي وزيراعظم فوري طور پارليامينٽ ۾ وضاحت پيش ڪئي ۽ ڪليئر ٿي ويو، مون 1998 ۾ انهن جي فليٽ سامهون مظاهرو ڪيو ته مني لانڊرنگ مان خريد ڪيا ويا آهن، حسين نواز ٽي وي تي چيو، اهي فليٽس اسان جا آهن، عمران خان چيو ته ننڍڙو جواب ڏيڻو هيو ته فليٽس ڪنهن جي ملڪيت آهن، جيڪڏهن مريم مالڪ آهي ته مطلب آهي، فليٽس 1993 ۾ ئي ورتا ويا، ان جو مطلب آهي ته فليٽس 1993 ۾ نواز شريف جي پئسن مان ورتا ويا، اوهان کي رڳو چئن محلن جي اصل مالڪن جا ڪاغذ ڏيکارڻا آهن، عمران خان چيو ته اڃا تائين انهن مني ٽريل ناهي ڏيکاري، ڪو دستاويز نه هيو ته قطري خط اچي ويو، هن چيو ته انهن جو سڄو ڪاروبار اقتدار ۾ اچي بڻيو آهي، ايترو عوام نڪرندو، جيترو تاريخ ۾ ڪڏهن ناهي نڪتو، پاناما پيپرز ۾ سڄي دنيا جي اڳواڻن جا نالا آيا، پاناما عالمي انڪشاف هيو، شهباز شريف جو حديبيه پيپر ملز ۾ نالو آهي، شهباز شريف اوهان نه بچندئو، عمران خان چيو ته ڏوهه نواز شريف جو آهي، جنهن ٻارن جي نالي تي چوري جي پئسن مان ملڪيت بڻائي، اليڪشن ڪميشن ۾ پرڏيهي فنڊنگ ڪيس سياسي بنيادن تي داخل ڪيو ويو آهي، معاملو 10 جولاءِ جي ويجهو پهچي چڪو آهي، سڄو ماحول بڻجي ويو آهي، قطري کي انهن 200 ارب رپين جو ڪانٽريڪٽ ڏياريو، تلور جو شڪار ڪرڻ لاءِ ته قطري شهزادا اچي ويندا آهن، باقي هاڻي جواب داخل ڪرائڻ لاءِ جي آءِ ٽي قطر ڇو وڃي؟.

 

نوابشاهه جي ٻانڌي روڊ تي مسافر وين ۽ ڪار ۾ ٽڪر، ۳ ڄڻا فوت، ۷ زخمي

نوابشاهه(ويب ڊيسڪ) نوابشاهه جي علائقي دوڙ ٻانڌي روڊ تي غلام محمد جمالي ڦاٽڪ وٽ ٺري ميرواهه کان ڪراچي ويندڙ مسافر وين ۽ نوابشاهه کان ٻانڌي ويندڙ ڪار ۾ آمهون سامهون ٽڪر ٿيڻ جي نتجي ۾ ڪار ۾ سوار عثمان، ذيشان شيخ ۽ مسمات چاندني موقعي تي فوت ٿي ويا، جڏهن ته معصوم ٻارڙي پپو شيخ، امير شيخ، حنا شيخ، علي گل رند سميت ۷ ڄڻا زخمي ٿي پيا، جن کي علاج نوابشاهه جي پي ايم يو اسپتال ۾ آندو ويو، جڏهن ته فوتين جا لاش پڻ نوابشاهه اسپتال آندا ويا، جتان وارث نوابشاهه جي علائقي مهاجر ڪالوني ۾ ٽنهي فوتين جا لاش کڻائي ويا. فوتي عثمان شيخ جي ۵ ڏينهن اڳ شادي ٿيل هئي ۽ هو حادثي ۾ فوت ٿي ويو. جڏهن ته سندس ڪنوار حنا پڻ زخمي ٿي آهي، گهوٽ ڪنوار مائيٽن سان گڏ ٻانڌي ۾ هڪ دعوت تي وڃي رهيا هئا ته حادثو پيش آي