تازيون خبرون

Monthly Archives: April 2017

تو پڄاڻان سپرين: ماھم سنڌي / ميرپورخاص

اسانجي جنم ڀومي سنڌ جيڪا شاندار تھذيب، ثقافت، ٻولي، صوفي ازم، سيڪيولرزم،  عدم تشدد ، مذھبن جي برابري ، انسانيت جي اونچائي ۽ ڀائيچاري جي حوالي سان سڃاتي وڃي ٿي ۔  انھي سنڌ  اندر  سائين جي ايم سيد بابت اسان سڀ گھڻي کان  گھڻا بھادري ۽ عقلمندي جا مثال  ، پھاڪا ۽ چوڻيون توڙي شاعريون  ۽ مضمون ٻڌنڌا  ۽ پڙھندا پيا اچون .  ڪو ورلي به اھڙو ليکڪ سنڌ جو نه ھوندو جنھن سيد جي ڪردار جي واکاڻ پنھنجي  قلم جي ذريعي نه ڪئي ھجي . سيد بابت مضمون سنڌ جي تاريخ جا اڻ کٽندڙ سلسلا آھن . ائين چئجي ته سيد سنڌ جو آئينو آھي ته غلط نه ٿيندو . ڪنھن ليکڪ ائين به چيو ھيو ته سيد ھر موضوع مذھب،  قوميت،  ٻولي ، آزادي جي جدوجھد  ۽ عشق بابت ايڏو ته جاکوڙيو آھي جو سيد جي ھر ھڪ جاکوڙ تي اڄوڪن شاگردن کي الڳ الڳ مضمون تي ڊاڪٽريٽ جي ڊگري وٺڻ گھرجي . ھي ھڪ حقيقت تي مبني ڳالھ آھي ته ڪنھن به وقت سان تعالق رکندڙ ڪوئي پھاڪو ھجي ، ڪائي چوڻي يا ڪنھن شاعر جي ذھن ۾ جڙندڙ ڪي شاعري جو مصرائون ھجن ، اُھي سڀ ان دؤر جي عڪاسي ھونديون آھن . اسين جئين ته جٿ به شاھ عبدالطيف جي شاعري يا کڻي نالو به ٻڌون ته ھڪدم اسان سميت ٻيا به سمجھي ويندا ته اھو سنڌ سان تعلق رکي ٿو ، اھو سنڌ جو لال لطيف سنڌ ديس کي  پوري عالم  سميت دعا ڪندڙ صوفي بزرگ آھي  . ڌرتي جي پنھنجي  بھادر ۽ بردبار ڪردارن  سان سُڃاڻ  ۽ قومي  ليڊرن  جي وري پنھنجي ڌرتي جي نالي سان  سڃاڻپ ھڪ انتھائي خاص  ۽  لازم ملزوم وارو رشتو  آھي  ،  اھي ھڪٻئي سان سڃاتا وڃن ٿا . جئين اسين مھاتما گانڌي جو نالو ٻڌون ته ھڪدم ھندوستان جو پسمنظر ذھن ۾ جڙڻ لڳندو آھي ،  خميني جو نالو ٻڌنڌي ئي ايران طرف اسانجون خيالي نظرون وينديون آھن . خليل جبران جو نالو ايندي ئي لبنان جا سھڻا منظر ۽ ان جي نيسان واري گُل ٽڙڻ جي موسم دل ودماغ کي معطر ڪرڻ لڳي ويندي آھي .  فيڊرل ڪاسترو ،  لينين ،  نيلسن منڊيلا ، ڪارل مارڪس ،  چي گويرا ۽ نه ڄاڻ ٻيا ڪيترائي اھڙا ڪردار آھن جيڪي اڄ اسان جي وچ ۾ موجود ناھن پر اسين جڏھن به نالو ٻڌون ته اتي جي ملڪ ۽ ڌرتي جو نقشو جڙي پوندو آھي . اسين سنڌ جي نالي اڪثر اھو چوندا رھون ٿا ته اھا شاھ لطيف ، سچل ، قلندر ،  صوفي عنايت شھيد ،  دودي سومري ، راجا ڏاھر ،  ھوشو شيدي  جي ڌرتي آھي . ان جو سادو مطلب اھو آھي ته اھي اھڙيون ته شخصيتون ھيون جن تي ھڙئي سنڌي قوم کي اڄ به فخر آھي . اھڙي طرح مائي بختاور ھجي ، ٿرپارڪر جي مارئي ھجي ،  روپلو ڪولھي ھجي ، سيد صبغت الله شاھ سورھيه بادشاھ ھجي ،  انھن جا نالا کڻندي اسين اندر ۾ اھا خوشي محسوس ڪريون ٿا جيڪا پنھنجائپ جي ھوندي آھي جنھن تي فخر ڪري ڳاٽ اونچو ڪري سگھجي .

17 جنوري 1904ع تي سن  شھر ،  ضلعي دادو سنڌوءَ  جي ساڄي ڪپ تي  سائين جي ايم سيد (غلام مرتضي شاھ سنائي ) جو جنم  ، ان بعد ان جي سحر انگيز شخصيت اڄ به اھڙو ئي فخر ھر سنڌي کي ڏياري ٿي جنھن کي پنھنجي ڌرتي سان لڳاءُ آھي  . ان جي حيثيت اسان وٽ پيغمبر سنڌ واري آھي . اسين ان کي جديد سنڌي قومپرستي جو باني پڻ سمجھون ٿا . سائين جي ايم سيد جو جوش ۽ ولولو ، ان  جي سياسي ڏاھپ ،  ان جي دور انديشي ،  ان جي  ادبي پرک ،  ان جون مذھبن جي ٽڪراءُ بابت سمجھاڻيون ۽ ان جي  گھڻ  رخي شخصيت سنڌ لاء سڀاڳي ئي رھي آھي . اڄ سائين جي ايم سيد جي 22ھين ورسي آھي  . ان کي ھن دنيا مان رخصت ٿئي پورا 22 سال گزري ويا آھن . ان جي رخصتي 91 سالن جي ڄمار ۾ 25 اپريل 1995ع تي ٿي ھئي . سائين جي ايم سيد جو وڇوڙو بيشڪ اسان لاء وڏو ھاڃو آھي ان جي جڳھ ڪير والاري نه سگھندو . سائين جي ايم سيد جي وجود جو رُعب ۽ اثر ئي پنھنجو ھيو جو مخالف به سندن تعريف سوا نه رھي سگھندا ھئا . اڄ به اھا ڳالھ ھر ڪو مڃي ٿو  ته 1944ع ۾ جيڪر سيد صاحب مسلم ليگ سنڌ جو صدر ٿي ، پاڪستان جو بل سنڌ اسيمبلي مان پاس ڪرائڻ لاء ڪوششون نه وٺي ھا ته ، اڄ تائين اھو بل ڪاغذ جو  ٽڪرو ٿيو پيو رُلندو ھجي ھا .

سائين جي ايم سيد جو جسماني وڇوڙو ھڪ وڏو قومي ھاڃو آھي ، جنھن جو اسانکي اڳ کان وڌيڪ ھاڻي  احساس آھي . سائين جي ايم سيد جي  جسماني خاموشي بعد ڄڻ اڄ به ان بعد يتيم ٿيل سنڌي قوم اڃا تائين ڪو بلند آواز اٿاري نه پئي سگھي . سيد صاحب پنھنجي پاڻ ۾ ھڪ ھلندڙ ڦرندڙ جدوجھد ھئي ھڪ تحريڪ ھئي  ،  ھڪ ٻرندڙ مشعل ھئي ، ھڪ اميد ھئي . جئين جو سائين جي ايم سيد موڪلاڻي ڪري سَن جي سونھري زمين  تي سنڌو جي ساڄي ڪپ جي ڀر ۾ ،  سنڌ جي پاڪيزه مٽي کي چادر جيان اوڙھي وڃي آرامي ٿيو آھي ، ان بعد ان جي لفظن ۽ ان جي سياسي توڙي اخلاقي تحريڪ ڄڻ ته ماٺيڻي پئجي وئي آھي . جئين جو ڪو وقتائتي طوفان سمنڊ جي ڇولين مان سڪون ڪڍي انھن کي گجگوڙ تي اٿاري ڇڏي ٿو ۽ طوفان جي واپسي بعد ساڳي ئي ساگر  منجھ چپ چاپ ٿي ويندي آھي ، تئين ئي سيد جي موڪلائڻ بعد سنڌ وياڪل ٿي پئي آھي . ڪو به ماڻھو سدا جئيڻو ۽ رھڻو ناھي ۽ اسين به ائين سمجھون ٿا ۽ سيد لاء اھي لفظ پر اميد ٿي چونداسين ته

وٺي ھر ھر جنم وربو مٺا مھراڻ ۾ ملبو

پر ان جي باوجود به سيد جي نظريي کي ڪو اھڙو جانشين نه پيو ملي جيڪو ان کي اڳتي ھلي کڻي سگھي ، اھا ڳالھ صبر ڪرڻ کان گھڻو مٿي چڙھيل آھي . سيد جي خاموشي بعد سيد جي پوئلڳن سان ٿيل نانصافين جو ازالو ذري برابر به نه پيو  ٿئي . ھر سنڌي جي اندر ۾ ھڪ آتش فشان پيو ٻري پر اڃا تائين صرف خاموشي سان ٻري پيو ڦاٽڻ جي ھمت ڌاري ئي نه پيو سگھي . اھو سيد ئي ھيو جنھن  شروعاتي حمايت  ته ڪئي پر پوء ، پاڪستان جي 1947ع ۾ آزادي بعد سيد صاحب  جلد ئي ان ڪمزور  ٻه قومي نظرئي تي جڙيل  ٺھراءُ جي سخت مخالفت ڪرڻ لڳو . ڇوته ان ڄاڻي ورتو ته سنڌ جي بقا کي پاڪستان مان سخت  خطرو آھي . ھن ڄاڻي ورتو ته  سنڌ جي شاندار تھذيب ، ان جي جدا آزاد روايتن ،  ان جي اھنسا واري پراڻي ريتن کي  ختم ڪرڻ جي سازش پاڪستان  جي نالي تي ڪئي ويندي . سائين جي ايم سيد بنگال جي 1971ع  ۾ آزادي بعد ڄاڻي ورتو ته سنڌي ، بلوچي ۽ پٺاڻ قومن سان  ھڪ مفاد تحت ٺڳي ڪري پنجابي سرمائيدارن کي نوازيو ويو آھي .  جنھن سبب سائين جي ايم سيد سڌو الڳ رستو ٺاھي پنھنجي قوم جي آزادي لاء ڄڻ ته سر عام جنگ جو طبلو وڄائي ڇڏيو  . 1972ع ۾  قومپرست جماعت جئي سنڌ قومي محاذ  جو بنياد  وڌائين ، جنھن جو متن سنڌي قوم جي ٻڌي ۽ ان جو سياسي روح سنڌين جو ھڪ جڳھ تي گڏجي سنڌ جي مقصدن لاء وڙھڻ ھيو ،  اُھا اڄ ڀاڱن ۾ ورھائجي وئي آھي .  سنڌ کي الڳ وطن ڪرڻ جي نعري ھيٺ سنڌوديش جي تحريڪ ھلائي وئي ،  جيڪا ھاڻي پنھنجو اصل زور وڃائي رھي آھي شايد ان ڪري جو اسان وچ ۾ رھنمائي ڪرڻ وارو سائين جي ايم سيد ڪونھي .  ان جا ڇڏيل پيغام، تقريرون ،  ڪتاب ۽ ان جو ٺاھيل سنڌوديش بابت فڪري ڍانچو اسان لاء ايڏو خاص ناھي رھيو . سيد سان گڏ رھندڙ ان جا سڀئي پوئلڳ ڌار ڌار رستا ڪري پنھنجي اوليتن تي مفادن خاطر وڙھي رھيا آھن  ، جنھن سبب گھڻي ڀاڱي اختلاف پيدا ٿي رھيا  ۽  تحريڪ ۾ اڳوڻو زور ٽٽي ويو آھي . سائين جي ايم سيد جي زندگي دوران ھن  پنھنجي سياسي بصيرت ذريعي سنڌ کي ھڪ اھڙي امن گاھ ٺاھڻ جي ڪوشش ڪئي جنھن جي آزادي تي ڪو مصلحت نه ٿي سگھي .  سائين جي ايم سيد عشق ۽ محبت جي فلسفي کي پڻ ڏاڍو ڳايو آھي . ھن مزاجي کان ويندي حقيقي عشق کي پنھنجي سمجھ موجب سمجھائڻ جي وڏي ڪوشش ڪئي ھئي . سائين جي ايم سيد موجب جڏھن عشق جي ٻالڪپڻ ۽ جواني ھجي ٿي ته اھو ھڪ فرد تائين ھوندو آھي ،  پر بلوغت بعد عشق فرد نه بلڪه قوم ۽ قوم جي مجموعي مفادن سان منسلڪ ٿي وڃي ٿو  . پوء عشق ڌرتي،  پنھنجي ماڻھن ۽ پنھنجي قومي ورثي ۽ ٻولي سان ٿي ويندو آھي . سائين جي ايم سيد انھن موضوعن تي وڏي تحقيق ڪري بحث ڇيڙيا جن تي اڄ اسين لفظ ڳالھائڻ کان به ڊڄي ٿا پئون . سائين جي ايم سيد  سنڌ ۾ وسيلن جي ڦرلُٽ ، ڌارين جي آبادڪاري ،  مڪمل خودمختياري ، ٻولي جي اصل اھميت ،   ڪلچر ، پاڻي چوري جو تحفظ سميت ھن سنڌ جي ھر ان مسئلي تي کُلي ڳالھايو به ۽ جدوجھد به ڪئي جيڪي ان وقت ۾ پيش آيا پئي . ھڪ ليڊر ۽ رھنما پنھنجي ايندڙ ڪئي نسلن لاء مشعل راھ ڇڏي وڃي ٿو ۽ اھي ھدايتون ڇڏي وڃي ٿو جيڪي صدين تائين پيون سبق ڏينديون آھن . اڄ سنڌ جي قومپرست سياست ۽ ان جو جماعتون جيڪي  گھڻيون تڻيون سائين جي ايم سيد جي نظرئي ھيٺ ٺھي ان کي پنھنجو سياسي ابو تسليم ڪري رھيو آھن ، اڄ انھن جو پاڻ ۾ تضاد ۽ ھڪ مسئلي تي گڏ ٿي نه بيھڻ ھڪ پريشان ڪندڙ ڳالھ آھي.اڄوڪي دور ۾ ائين پيو ڏسجي ته ڪا به تحريڪ ايڏي زور آور ناھي جو نئي طريقي سان پنھنجي مقصد خاطر وڙھي . بلڪه اڄ اُھي سڀ پنھنجي ئي سنڌ ۽ سنڌين کي بس بچائڻ ۾ پورا آھن . ڇا اھا ھڪ قسم جي  ڪمزوري نه چئبي ؟ قومپرست ڪارڪن روز مختلف جڳھين تان کنڀجيو وڃن ٿا ۽ سڄي جدوجھد ان ۾ ھوندي آھي ته شل جئيرو انھن کي واپس موٽائي سگھون . خفيه ايجنسيون ۽ سنڌ دشمن قوتون ڪنھن ۾ به ھٿ وجھڻ کان ڪيٻائين ئي نٿيون ۽ پنھنجي مَن مستي تحت انھن جا  مزاڪ جاري آھن. ڪيترائي قومپرست ڪارڪن چيچري ماريا وڃن ٿا ، گھٽين ڳلين تان بلڪه تعليمي درسگاھن تان اُھي گُم ڪيا پيا وڃن پر سندن ڪير واھر وسيلو پڇاڻي وارو ناھي . جيڪا سنڌ گئس ڪمائي  وفاق ڏي آمدني  اماڻي ٿي ان وٽ نه گئس آھي ،  نه پاڻي ، نه ئي بجلي . سنڌ ته پوئين دور ۾ به ايڏي ڏکي نه ھئي جيتري ھاڻ آھي . اسين اڄ ايڏا مجبور آھيون جو پنھنجي ترقي جي نا ، بلڪه بقا جي،  پنھنجي قوميت جي جنگ انھن ڌارين سان پيا وڙھون جيڪي ھتان جا ڪڏھن ھئا ئي نه ،  پر چالاڪين سان ھاڻ سنڌ ۾ بادشاھت پيا ڪن . اسين ايڏا بي وس آھيون جو پنھنجي قوميت کي بچائڻ لاء اڄ اعلان ۽ ميڙاڪا پيا ڪريون ته مھرباني ڪري آدمشماري ۾ پاڻ کي سنڌي لکرايو ، ان جو مطلب ڇا ٿيو؟ اھو ئي ته اسان کي اھو خطرو آھي ته ڪٿي اقليت ۾ تبديل نه ٿي وڃون . اسانکي کٽڪو آھي ته  اردو ڳالھائيندڙ مھاجر ۽ ٻيا افغاني پٺاڻ ايترا وڌي ويا آھن جو سنڌ ڌرتي تي انھن جي اڪثريت ٿي وئي ھوندي. سائين جي ايم سيد پنھنجي جاکوڙ جيڪا شروعاتي طور مسلمانن جي قوم جي آزادي جي جدوجھد ھئي . جنھن ۾ سائين جن شريڪ ٿيو پر وقت ان کي سڀئي سبق پڙھائي ڇڏيا ته ڪئين آزادي بعد پنجابي سامراج سنڌ ۽ سنڌ جي ھر حق مٿان مسلط ٿيل آھي . سائين جي ايم سيد وڏو خدشو ظاھر ڪيو ھيو ته جيڪي اوھان اڄ انھن طالبانن کي پناھون ڏئي گھرايو پيا سي سڀاڻي وڏا نانگ بڻجي اوھان جا ٻچا پڻ کائي ويندا . سچ پچ ته اھي وڏا نانگ ٿي سنڌ ۾ ڦھلجي سنڌ جي امن کي وڏو ڇيھو رسائي رھيا آھن .  پنھنجي ڦڻن جي زھر سان ڪڏھن شڪارپور ، ڪڏھن جيڪب آباد ،  ته ڪڏھن سيوھڻ ۾ قلندر جي نگري  کي ڏنگي رت ھاڻو ڳاڙھو پيا ڪن  ۔   دشمنن  جي ھڪ ڌماڪي سان اسانجي صوفي ڌرتي رت ۾ رنگجي ماتم ڪرڻ لڳي وڃي ٿي . اڄ سنڌ جا ڌڻي ھوندي به سنڌي ٻين جي رحم وڪرم تي محتاج آھن  . سنڌ جي روايت اپنائيندي جڏھن صوفي راڳن تي رقص ڪيو پئي ويو ته سيوھڻ اندر ٿيل ڌماڪي 80 کان مٿي ماڻھن کي کاڄ بڻائي ڇڏيو ۽ دشمنن اھو واضح ڪيو ته سنڌ کي اسين پنھنجي دھشت ۾ پورو جڪڙي چڪا آھيون . سنڌ اندر ذوالفقار آباد ۽ بحريه ٽائون نالي اھڙا رھائشي علائقا جڙجي رھيا آھن جن ۾ سنڌين جي مخالف ويھي موجون ڪندا . سنڌو جو پاڻي جنھن تي اڳ ئي اھڙي رٿابندي ڪيل آھي جو پاڻي سنڌ جي حصي ۾ صفا گھٽ اچي ٿو ۽ وچ واٽ تي چوري ٿيو وڃي ان تي ڪالاباغ وٽ ڊئم اڏي ، سنڌ کي سڪائڻ جي سازش پٺي پويان جاري آھي . اين ايف سي ايوارڊ ذريعي  رڳو مفاد پنجاب جي حصي ۾ آھي . سي پيڪ جي اھم راھداري منصوبي تحت به سنڌ کي ڪو خاص فائدو نه ڏنو ويندو . وفاق ۽ وفاقي ادارن ۾ سنڌ جي اڌ کان گھٽ نمائندگي موجب به ان جون مخصوص سيٽون به انھن کي ناھن مليل ۽ ھو پنھنجي حق کان به محروم آھن .  انھن سڀني مسئلن تي  اڄ احتجاج  ته ٿئي پيو ڌرڻا ۽ نعرا ته لڳن پيا پر ڪو به مسئلو نيست نابود ٿي راھ تان ھٽجي نه سگھيو آھي .

سائين جي ايم سيد پنھنجي حياتي دوران قومي تحريڪ ۾ انھن ان وقت  جيڪي مسئلا موجود ھيا ان   مسئلن تي کلي ڳالھيائين ۽ جڏھن ڏٺائين ته پنجابين کان سواء دوکي جو ڪجھ نه ورندو ته نيٺ پوء سنڌو ديش جي تحريڪ شروع ڪيائين جنھن ۾ سڄو خاڪو ٺاھي ،  سڄي رٿابندي ٿيل ھئي ته سنڌي ڇو ۽ ڇا لاء پنھنجي سنڌ کي الڳ وطن ڪري ڌارين بدران ڌرتي ڌڻين جي حڪمراني چاھين ٿا . سائين موجب “سنڌ جي غلامي جو باعث پاڪستان جو نظريو آھي . انھي دوکي کان ٻاھر نڪري سنڌي قوم کي ضرورت آھي ته پاڻ کي قومپرستي جي رنگ ۾ رڱي ڇڏين “ . پر اھو سائين جي ايم سيد جو ڏٺل خواب ۽ اھا پرجوش تحريڪ اڄ ماٺيڻي آھي . اڄ اھا تحريڪ ڄڻ ڪو ڪنھن موسمي لٽ اندر دٻجي وئي آھي .  ڪنھن تيز ھوا جي جھونڪي بعد اجھامندڙ وسامندڙ ان ڏيئي جھڙي آھي ، جيڪا اھا ڪوشش نٿي ڪري ته ڪو پنھنجي شعلن سان دشمنن کي ساڙجي ، پر اھا  ئي ان جي جدوجھد ھوندي آھي ته بس پاڻ بچائي سگھان ، پنھنجو جئيندان قائم رکي سگھان . ڪيڏي نه ڏک جي ڳالھ چئبي جو سنڌ جي نياڻي ڊاڪٽري پڙھندڙ نورين لغاري تي اڄ دشمنن جا زھر ڀريا لفظ ايڏو اثر ڪري ويا جو ھو پاڻمرادو انھن سان شامل ٿيڻ لاء نڪري پئي آھي ۽ ھو بي ڏوھ انسانن کي مارڻ لاء جتن ڪندي ٿي وتي  . سائين جي ايم سيد بعد  سيڪيولر سنڌ ھڪ طرف ان جھڙي عظيم ھستي کي ڳولھي پئي ٻي طرف بلڪل ماٺيڻي ۽ ھنسا جي ھيٺ جبر ۽ انتھاپسندي ڀوڳي پئي. اڄ  ورسي سنڌ جي سيد کي بس ايترو ئي پيغام ڏينداسين  ته تو پڄاڻا سپرين  سنڌ سوکي نه آھي .

mahamsindhi05@gmail.com

 

سنڌ ۾ لوڊشيدنگ ۽ پ پ جو احتجاج…!

سنڌ ۾ بجليءَ جي بدترين لوڊشيڊنگ، پاڻي ۽ گئس جي کوٽ خلاف پيپلز پارٽي جي سڏ تي سنڌ جي مختلف شهرن ۾ جيالا روڊن تي نڪري آيا، احتجاجي ريليون ڪڍي ڌرڻا هنيا. صوبائي سڏ تي ملير ۾ پيپلزپارٽي جي ڪارڪنن گلشن حديد کان صوبائي وزير مرتضيٰ بلوچ، ساجد جوکيو ۽ ٻين جي اڳواڻي ۾ ريلي ڪڍي پريس ڪلب پهتي، جنهن دوران ڪارڪنن قومي شاهراهه تي ڌرڻو هنيو، جنهن سبب ايندڙ ويندڙ ٽريفڪ معطل ٿي وئي. پ پ ضلعي حيدرآباد پاران بجلي جي لوڊشيڊنگ، پاڻي جي هٿرادو کوٽ ۽ گئس جي بندش خلاف حيسڪو چيف جي آفيس سامهون احتجاجي مظاهرو ڪري ڌرڻو هنيو ويو، ڌرڻي جي قيادت پ پ اڳواڻ مولابخش چانڊيو، پ پ ضلعي حيدرآباد جي صدر صغير قريشي، علي محمد سهتو، احسان ابڙو، سيد فياض شاهه، حيدر شاهاڻي، صنم ٽالپر، ساجده بلوچ ۽ ٻين ڪئي، ڌرڻي ۾ مولابخش چانڊيو ڪارڪنن کان چورن جي سرڪار کي، پاناما جي چورن جي سرڪار کي ۽ ڪوڙن جي سرڪار کي هڪ ڌڪو ٻيو ڏيو جهڙا نعرا هڻايا، ڌرڻي ۾ پ پ ڪارڪنن وڏي انگ ۾ شرڪت ڪئي. ٽنڊوالهيار ۾ پيپلز پارٽي ضلعي قيادت ۽ ضلعي جي چونڊيل نمائيندن پي پي ورڪر جو پاران ڪيريا شاخ حيدرآباد ميرپورخاص روڊ تي نواز سرڪار خلاف بجلي جي 18 کان 20 ڪلاڪ تائين غير اعلانيه لوڊشينڊنگ گئس جي لوڊشيڊنگ ۽ پاڻي جي شديد کوٽ خلاف هزارين ماڻهن جو احتجاجي مظاهرو ڌرڻو روڊ بلاڪ سوين گاڏين جون قطارون لڳي ويون مظاهرين جي هٿن ۾ بينر ۽ پلي ڪارڊ هئا جن تي گو نواز گو جا نعره لکيل هئا، ٽنڊو محمد خان ۾ پ پ جي سوين ڪارڪنن وفاق پاران سنڌ اندر بجلي جي وڌندڙ لوڊشيڊنگ جي آزار، گئس ۽ واهن ۾ پاڻي سميت سنڌ سان زيادتين خلاف بخاري هائوس کان حيدرآباد بدين روڊ تائين احتجاجي ريلي ڪڍي ٽائر ساڙي طويل ڌرڻو هنيو ويو. ڌرڻي جي قيادت پ پ ايم پي اي ۽ ضلعي صدر اعجاز شاهه بخاري، ايم پي اي عبدالڪريم سومرو ۽ ٻين ڪئي. مٽياري ۾ پاڪستان پيپلز پارٽي طرفان ضلعي صدر سيد علي حسين شاهه ڄاموٽ، ايم اين اي شگفته جماڻي ۽ ٻين جي اڳواڻي ۾ وفاقي حڪومت طرفان سنڌ صوبي سان ٿيندڙ زيادتين ۽ ناانصافين، سنڌ اندر بجليءَ جي اڻ اعلانيل لوڊشيڊنگ، گيس جي کوٽ ۽ غير منصفانه پاڻيءَ کي بند ڪرڻ خلاف مٽياري پريس ڪلب اڳيان سوين ماڻهن جو احتجاجي مظاهرو، ڌرڻو ويومٺي جي ميونسپل ڪاميٽي  گرائونڊ  تي  وفاقي حڪومت خلاف  4 ڪلاڪ ٿر جي ڪنڊڪڙڇ  مان آيل  ڳوٺاڻن شھرين  چونڊيل نمائيندن  پ پ ضلعي صدر سينيٽر انجنيئر گيان چند  ، پ پ ڊويزنل جنرل سيڪريٽري ايم پي اي مهيش ڪمار ملاڻي  ، صوبائي صلاحڪار ڊاڪٽر کٽو مل جيوڻ ،  پ پ ايم اين اي فقير شير محمد بلالاڻي ،  پ پ ايم پي اي دوست محمد راهمون  ، بلاول هائوس ميڊيا سيل انچارج سريندر ولاسائي ،  پونجو مل ڀيل ،  نندلال مالهي ۽ ٻين پ پ اڳواڻن جي اڳواڻي ۾ ڌرڻو هڻي گو نواز گو ،گلي گلي ۾ شور  آ نواز شريف چور  آ جا  زودار نعرا هنيا، ڪنڌ ڪوٽ پيپلزپارٽي جي مرڪزي سڏ تي شهر جي دل گهنٽا گهر چوڪ تي سوين پيپلزپارٽي جي ڪارڪنن جيالن  ضلعي صدر مير گل محمد جکراڻي، ميونسپل ڪاميٽي جي چيئرمين مير راشد خان سندراڻي، الطاف احمد کوسو، مير صادق گولاٽو،  سردار حيدر علي جکراڻي ، شبانه ملڪ، قربان بنگوار،مشتاق چاچڙ، آفتاب ڍال جکراڻي، ڏاڏو جکراڻي، مير واقف علي باجڪاڻي، شمن علي سميت ٻين اڳواڻن جي اڳواڻي ۾ وفاقي حڪومت پاران سنڌ سان ناانصافي ۽ زيادتيون ڪرڻ واري عمل جي خلاف 4 ڪلاڪ احتجاجي ڌرڻو هڻي شهر جي اهم روڊ کي بند ڪري ڇڏيو

 

شريفن نه بجلي ڏني نه پاڻي، قرض ٻيڻو ڪري ڇڏيو، پنجاب جو قلعو فتح ڪبو: آصف زرداري

جهنگ (اين اين آءِ) اڳوڻي صدر آصف علي زرداري چيو  آهي جهڙي طرح پرويز مشرف کي گهر موڪليو ويو اهڙي طرح نواز شريف کي به موڪلينداسين ميان صاحب توهان گهر نه ويندو پر ڪنهن ٻئي گهر ويندو، مديني هليا وڃو يا وري توهان کي لانڍي جيل ۾ ٻيهر کاڌو پهچائڻ لاءِ تيار آهيون پنجاب، بلوچستان، سنڌ ۽ ڪي پي ڪي کي شريف ڀائرن کان ڇوٽڪارو ڏيارينداسين جيستائين شريف ڀائرن کي نالو نشان نه مٽائينداسين انهن جي پويان لڳل رهنداسين. جمعي تي شاهه جيواڻي ۾ جلسي کي خطاب ڪندي آصف علي زرداري چيو ته اسان مخدوم فيصل صالح حيات کي ٻيهر پ پ ۽ پنهنجي خاندان ۾ واپس اچڻ تي ڀليڪار چئون ٿا ۽ مبارڪون ڏيون ٿا اسان جي فيصل صالح حيات کي درخواست تي آهي ته هو اسان جي وائيس چيئرمين شپ منظور ڪري ۽ اسان سان گڏ هلي. آصف علي زرداري چيو ته هن ڀيري اسان پنجاب جو قلعو فتح ڪنداسين. هن چيو ته آر اوز اليڪشن کي ظاهر ڪيو مخدوم فيصل صالح حيات اليڪشن اسان جي نه هئي ۽ کيس آر اوز هارايو جڏهن ته اسان کي به آر اوز هارايو آهي. هن چيو ته آر اوز ڌرتي ۽ قوم سان ڇا ڪيو آهي؟ هتي نه پاڻي آهي ۽ نه وري بجلي، قرض ٻيڻو ٿي چڪو آهي. هن عوام سان توهان ڇا ڪيو آهي؟ عوام خاطر اسان کي جيئڻو به آهي ۽ مرڻو به آهي هن چيو ته پ پ هزارن شهيدن جي غم کي سيني کان لڳائي کپي کپي پاڪستان کپي جو نعرو لڳايو اسان شهيد ذوالفقار علي ڀٽو کي به دفن ڪيو آهي شاهنواز شهيد کي به دفن ڪيو آهي مرتضيٰ ڀٽو کي به دفن ڪيو آهي ب ب شهيد کي به دفن ڪيو آهي ان جي باوجود اسان اچيو آهي ته پاڪستان کپي، اسان پاڪستاني آهيون ۽ اسان کي ئي پاڪستان کي هلائڻو آهي. هن چيو ته سنڌ اسيمبلي گو نواز گو جو ٺهراءُ منظور ڪيو آهي، آصف علي زرداري چيو ته شاهه جيوانا جي ڌرتي تي چئي رهيو آهيان ته پنجاب، بلوچستان، سنڌ ۽ ڪي پي ڪي کي ميان صاحب کان نجات گهرجي، ميان صاحب توهان کي ڪم نه ٿو ٿئي توهان مديني هليا وڃو يا وري توهان لانڍي جيل ۾ ٻيهر کاڌي کائڻ لاءِ تيار ٿي وڃو. پاناما ڪيس جي فيصلي تي آصف علي زرداري چيو ته پاناما جو ائين ئي ڪرڻو هو ته اها هڪ هفتي جي ڳالهه هئي ايتري دير ڇو ڪئي وئي، ميان صاحب اسان هر طرف کان توهان جي پويان لڳل آهيون، جيستائين توهان جو نالو نشان نه مٽائينداسين توهان جو پيڇو نه ڇڏينداسين، ميان صاحب توهان جي خلاف هي منهنجو پهريون جلسو آهي. ابهي تو ابتداءِ عشق هي آگي ديڪهين هوتا هي ڪيا .

 

جي آءِ ٽي کي رد ڪرڻ توهين عدالت آهي، مخالفن ملڪ کي اونداهي ۾ ڌڪيو: مريم اورنگزيب

اسلام آباد (اين اين آءِ) سڌ سماءَ جي مملڪتي وزير مريم اورنگزيب چيو آهي ته پي ٽي آءِ کي جي آءِ ٽي تي اعتماد ڪرڻ گهرجي، معاملي تي ڏڦيڙ واري سياست کان پاسو ڪيو وڃي. عمران خان جو وزيراعظم نواز شريف کان استعيفيٰ وٺڻ جو بيان عدالتي فيصلي جي ابتڙ آهي عوامي مينڊيٽ وزيراعظم وٽ امانت آهي انشاءَ الله وزيراعظم ايندڙ مرحلي ۾ به ڪامياب ٿي ويندو. هن چيو ته پي آءِ ٽي جو چيئرمين عمران خان جو وزيراعظم نواز شريف کان استعيفيٰ وٺڻ جو بيان عدالتي فيصلي جي برعڪس آهي يوٽرن وٺڻ عمران خان جي عادت آهي جڏهن ته عدالتي فيصلي کانپوءِ اها ڳالهه چٽي ٿي وئي آهي ته اسان جي سياسي مخالفن جو وزيراعظم نواز شريف کان استعيفيٰ وٺڻ جو مطالبو ڪري رهيا هئا ان کي عدالت رد ڪري ڇڏيو آهي. ملڪي قانون ۽ آئين موجب عدالت جو پاناما جي حوالي سان جيڪو فيصلو آيو آهي ان ۾ وزيراعظم نواز شريف کي نااهل قرار نه ڏنو ويو آهي. پي ٽي آءِ کي اگر مگر ڇڏڻ گهرجي ۽ جي آءِ ٽي کي پنهنجو ڪم ڪرڻ ڏيڻ گهرجي.

 

قوم جو آصف زرداري کي ايمانداري جو ليڪچر ۽ سرٽيفڪيٽ ڏيڻ قيامت جي نشاني آهي: چوڌري نثار

ٽيڪسلا (اين اين آءِ) وفاقي گهرو وزير چوڌري نثار علي خان چيو آهي ته آصف علي زرداري پاران قوم کي ايمانداري تي ليڪچر ۽ ماڻهن کي 62، 63 تي سرٽيفڪيٽ ورهائڻ قيامت جون نشانيون آهن عجب ڪرپشن جي غذب ڪهاڻي وارا ماڻهو وزيراعظم کي استعيفيٰ ڏيڻ جو چئي رهيا آهن عدالتي فيصلي کي سياست جي ور نه چاڙهڻ گهرجي، سومر يا اڱاري تي باقاعده طور تي ڊان ليڪس جي رپورٽ ملي ويندي انهيءَ رپورٽ وزيراعظم نواز شريف کي پيش ڪندس، ميڊيا سان ڳالهائيندي گهرو وزير چيو ته عدالتي فيصلي تي به عدالتون لڳي رهيون آهن پر جيڪڏهن ان کي سٺي انداز سان ڏٺو وڃي ته اهو هڪ گڏيل فيصلو آهي، چوڌري نثار چيو ته چيو ٿو وڃي ته ٽي جج هڪ طرف ۽ ٻه جج هڪ طرف هئا پر اهو درست نه آهي. جيتري قدر مان ڄاڻان ٿو ته ٻن ججن پنهنجي راءِ جو اظهار ضرور ڪيو آهي پر جي آءِ ٽي ٺاهڻ لاءِ سمورن ججن جون صحيحون موجود آهن. ڪو ئي به عدالتي فيصلو ڪنهن جي خواهش موجب ناهي، قانون ۽ آئين مطابق ٿيندو آهي چوڌري نثار چيو ته وزيراعظم سختي سان هدايت ڪئي آهي ته ٻن يا ٽن جي ڳالهه نه ڪئي وڃي ۽ نه ئي ججن جي باري ۾ ڪا ڳالهه ڪئي وڃي اسان وٽ سٺن کان وڌيڪ بري ڪم جي تعريف وڌيڪ ٿئي ٿي. گهرو وزير چيو ته معاملو اڃا به عدالت ۾ آهي ۽ ان ئي عدالت تي ئي ڇڏڻ گهرجي. الزام هڻڻ وارن وٽ جيڪڏهن شاهديون موجود ناهن نواز شريف جي خلاف ابتي گنگا وهائي پئي وڃي ۽ چيو پيو وڃي ته ثبوت به پاڻ ڏئي. مخالف ڌر ڦڏو چاهين ٿا پ پ جي شريڪ چيئرمين آصف علي زرداري تي تنقيد چيو ته آصف علي زرداري پاران قوم کي ايمانداري تي ليڪچر ۽ ماڻهن کي 62، 63 تي سرٽيفڪيٽ ورهائڻ قيامت جون نشانيون آهن عجب ڪرپشن جي غذب ڪهاڻي وارا ماڻهو وزيراعظم کي استعيفيٰ ڏيڻ جو چئي رهيا آهن عدالتي فيصلي کي سياست جي ور نه چاڙهڻ گهرجي. هن چيو ته مان صرف الله تعاليٰ آڏو جوابده آهيان نواز شريف يا ڪنهن عدالت جي آڏو نه. هن وڌيڪ چيو ته عدالتي فيصلي کانپوءِ ته ڪيلين کي پري لڳي ويا آهن جيڪي پنهنجي خواهش موجب فيصلي چاهين ٿا.

 

پاڪستان 30 لک کان وڌيڪ مهاجرن جو بار برداشت ڪندو رهيو آهي: اسحاق ڊار

واشنگٽن (ويب ڊيسڪ): ناڻي واري وفاقي وزير اسحاق ڊار چيو آهي ته پاڪستان 30 لک کان وڌيڪ مهاجرن جو بار برداشت ڪندو رهيو آهي، هن چيو ته خطي ۾ امن ۽ پاڙيسري ملڪن سان دوستاڻن لاڳاپن جي پاليسي تي عمل ڪري رهيا آهيون، پاڪستان نئين آمريڪي انتظاميا سان گڏجي ڪم ڪرڻ لاءِ تيار آهي، پاڪستان ۽ آمريڪا وچ ۾ ڏهاڪن تي مشتمل ڀائيواري آهي، ناڻي واري وفاقي وزير چيو ته آپريشن بعد 75 سيڪڙو ماڻهو واپس وڃي چڪا آهن، فاٽا آپريشن سبب 13 لک ماڻهن لڏپلاڻ ڪئي، هن چيو ته آمريڪا سان دفاع ۽ معيشت سميت مختلف شعبن ۾ لاڳاپن جا خواهشمند آهيون، پاڪستان ۾ سرمائيدارن کي مڪمل تحفظ حاصل آهي.

 

حڪومت حاجي سڳورن کي بهتريون سهولتون فراهم ڪرڻ تي خاص ڌيان ڏئي رهي آهي: وزيراعظم

اسلام آباد (اين اين آءِ) وزيراعظم نواز شريف چيو آهي ته حڪومت حاجي سڳورن کي بهتر سهولتون فراهم ڪرڻ تي خاص ڌيان ڏئي رهي آحي پاڪستان ۽ سعودي عرب وچ ۾ بهترين ۽ ڀائپي وارا لاڳاپا قائم آهن وڏي انگ ۾ پاڪستاني ڪارڪن سعودي عرب ۾ روزگار حاصل ڪري رهيا آهن جن کي هر طرح جون سهولتون ملڻ گهرجن جمعي تي سعودي عرب لاءِ مقرر ڪيل سفير وائيس ايڊمرل ريٽائرڊ خام هشام سان ڳالهائيندي وزيراعظم وڌيڪ چيو ته حج دوران پاڪستاني حاجين کي وڌ کان وڌ سهولتون فراهم لاءِ به چيو ۽ هدايت ڪئي ته مقرر سفير حاجي سڳورن کي ڏنل سهولتن جي پاڻ نگراني ڪري. هن چيو ته پاڪستان جي عوام سعودي عرب سان جذباتي لاڳاپا رکي ٿو. وزيراعظم چيو ته سعودي عرب ۾ رهندڙ پاڪستاني برادري جي ڀلائي ۽ خاص طور تي ان لاءِ قونصلر سروس ڏيڻ تي خاص ڌيان ڏنو پيو وڃي. هن سفير کي چيو ته هو پرڏيهي پاڪستانين جي ڀلائي لاءِ دل کولي ڪم ڪري  ۽ خاص ڪري انهن جي ٻارڙن جي تعليم تي ڌيان ڏئي.

 

اهو نٿا چئون ته حڪومت ختم ڪيو پر وزير اعظم کي استعيفيٰ ڏيڻ گهرجي: خورشيد شاهه

اسلام آباد(ويب ڊيسڪ) مخالف ڌر جي اڳواڻ خورشيد شاهه چيو آهي ته اسان اهو نٿا چئون ته حڪومت ختم ڪيو پر وزير اعظم کي استعيفيٰ ڏيڻ گهرجي، وزير اعظم فيصلو ڪري ته ادارن کي بچائڻ چاهي ٿو يا پنهنجي اقتدار جي ويڙهه وڙهڻ چاهي ٿو. ميڊيا سان ڳالهائيندي خورشيد شاهه چيو ته پارليامينٽ ۽ جمهوريت جڏهن ڪمزور ٿي رهي هئي، ان وقت پيپلز پارٽي نواز شريف سان گڏ هئي، ان وقت اسان جو موقف جمهوري هو، جنهن تي اسان اڄ به قائم آهيون، اسان هميشه مثبت سياست ڪئي آهي. هن وڌيڪ چيو ته اسان کي فرينڊلي مخالف ڌر جو طعنو ڏنو ويو پر اسان هميشه جمهوريت کي سهارو ڏنو.

 

اهڙي پاڪستان جي جدوجهد پيا ڪريون، جنهن ۾ امير ۽ غريب لاءِ هڪ ئي قانون هجي: بلاول ڀٽو

جهنگ (اين اين آءِ) جمعي تي شاهه جيواڻي ۾ عوامي ميڙ کي خطاب ڪندي پيپلز پارٽي جي چيئرمين بلاول ڀٽو زرداري چيو آهي ته پاناما ڪيس جي فيصلي مان ثابت ٿي ويو آهي ته هڪ فيصلو شريفن لاءِ آهي ۽ ٻيو ملڪ جي عوام لاءِ آهي. هڪ قانون شريفن لاءِ آهي ۽ ٻيو قانون غريب عوام لاءِ آهي. اهي ماڻهو ماڊل ٽائون ۾ ماڻهن کي گوليون هڻي قتل ڪري ڇڏين پر انهن کي ڏوهاري چوڻ لاءِ ڪو به تيار ناهي پر شهيد بي بي جي حڪومت کي آئين جي هڪ ئي آرٽيڪل تحت ختم ڪيو وڃي ٿو ڪيستائين ملڪ ۾ اهي ٻئي قانون هلندا. هن چيو ته هي سپريم ڪورٽ تي حملو ڪن ٿا پوءِ به بچي وڃن ٿا ۽ هڪ خط نه لکڻ تي گيلاني کي گهر موڪليو وڃي ٿو. عوام ۽ نوجوانن کان پڇان ٿو ته ڇا توهان انهن ٻنهي قانونن کي مڃو ٿا؟ هن چيو ته نئين اسان کي ٻه پاڪستان گهرجن ۽ نه ئي وري ٻه قانون گهرجن اسان کي هڪ پاڪستان ۽ هڪ قانون گهرجي، اسان اهڙي پاڪستان جي جدوجهد ڪري رهيا آهيون جنهن ۾ امير، غريب طاقتور ۽ ڪمزور لاءِ هڪ ئي قانون هجي. بلاول ڀٽو زرداري وزيراعظم کي مخاطب ٿيندي چيو ته ميان صاحب توهان مڪمل طور تي آزاد نه ٿيا آهيو ٻن ججن توهان کي نااهل قرار ڏنو آهي، توهان جي خلاف عوام جي عدالت به پاناما ۽ لوڊشيڊنگ تي فيصلو ڏئي ڇڏيو آهي بلاول ڀٽو پنهنجي خطاب جي آخر ۾ گو نواز گو جا نعرا هنيا ۽ چيو ته تنهنجو شو ختم ٿي ويو گو نواز گو.

 

جج پاڻ چئي چڪا آهن ته وزير اعظم صادق امين ناهي رهيو: نثار کهڙو

ڪراچي(ويب ڊيسڪ) پيپلز پارٽي جي سينيئر اڳواڻ نثار کهڙي چيو آهي ته ججن به چيو ته وزير اعظم صادق امين ناهي رهيو، ماڊل ٽائون سانحي تي بڻايل جي آءِ ٽي جو ڪهڙو نتيجو نڪتو. ڪراچي ۾ پريس ڪانفرنس ڪندي نثار کهڙي چيو ته وزير اعظم فوري طور استعفيٰ ڏئي، پهرين دور ۾ به نواز شريف تي ڪرپشن جو الزام مڙهي کيس عهدي تان  هٽايو ويو هو، سپريم ڪورٽ جي فيصلي قوم جي اميدن تي پاڻي ڦيريو آهي. سپريم ڪورٽ جا سوال نواز شريف خلاف چارٽ شيٽ آهن. هن وڌيڪ چيو ته نواز شريف استعفيٰ ڏئي جي آءِ ٽي جي سامهون پيش ٿئي جڏهن ته سنڌ اسيمبلي ۾ وزير اعظم جي استعفيٰ جو گڏيل مطالبو ڪيو ويو آهي.