تازيون خبرون

Daily Archives: March 29, 2017

آپريشن ”ردالفساد“  پائدارامن ۽ استحڪام آڻيندو: آرمي چيف

بهاولپپور (ويب ڊيسڪ): آرمي چيف جنرل قمر جاويد باجوه بهاولپور گيريزن آفيسرن کي خطاب ڪندي چيو آهي ته دهشتگردي خلاف جنگ پاڪستاني فوج کي دنيا جي بهترين فوج بڻائي ڇڏيو، پاڪ فوج جي سڌ سماءَ بابت ترجمان اداري آءِ ايس پي آر  پنهنجي پڌرائي ۾ ڄاڻايو آهي ته آرمي چيف جنرل قمر جاويد باجوه بهاولپور گيريزن جو دورو ڪيو، جتي کيس آپريشنل تيارين ۽ سڪيورٽي آپريشنز جي بريفنگ ڏني وئي، آءِ ايس پي آر موجب آرمي چيف جنرل قمر جاويد باجوه جوانن کي خطاب ڪندي چيو ته آپريشن ”ردالفساد“ ملڪ ۾ ديرپا امن ۽ استحڪام آڻيندو، هن چيو ته اسان جا جوان پاڪ فوج جي اصل طاقت آهن، آءِ ايس پي آر پنهنجي پڌرائيءَ ۾ وڌيڪ ڄاڻايو آهي ته آرمي چيف جو چوڻ هو ته جوان روايتي جنگ لاءِ بهترين طور تيار آهن، سڪيورٽي آپريشنز دوران نوجوان آفيسرن جي جذبي عيوض امن قائم ٿيو آهي، پاڪ فوج جا جوان آفيسر منهنجو فخر آهن، آرمي چيف جنرل قمر جاويد باجوه انسٽيٽيوٽ ميڊيڪل سائنس جو افتتاح ڪيو ۽ جوانن کي تعليم ۽ صحت جي منصوبي بابت آگاهي ڏني.

 

پ پ جي ق ليگ کي چونڊ اتحاد جي آڇ، پانامه ڪيس بعد سياسي ڪارڊ شو ڪندس: آصف زرداري

لاهور (ويب ڊيسڪ) پيپلز پارٽيءَ مسلم ليگ ق کي چونڊ اتحاد جي آڇ ڪري ڇڏي آهي، آصف علي زرداريءَ پاناما ڪيس جي فيصلي کان پوءِ جي حڪمت عمليءَ جي صف بندي شروع ڪري ڇڏي آهي، اڳوڻي صدر آصف علي زرداريءَ جو چوڻ آهي ته پاناما ڪيس کان پوءِ پنهنجي سياسي ڪارڊ شو ڪندس، ميدان سجندو ته مخالفن کي منهن ٽوڙ جواب ملندو، پيپلز پارتيءَ ۽ ق ليگ جي قيادات وچ ۾ سياسي ويجھڙايون وڌڻ لڳيون آهن، پيپلز پارٽيءَ مسلم ليگ ق جي اڳواڻ ڪام علي آغا پيپلز پارٽيءَ جي آڇ جي تقديق ڪري ڇڏي آهي، ڪامل علي آغا جو چوڻ هو ته آڇ جو پارتي اجلاس ۾ جائزو ورتو ويندو، آصف علي زرداريءَ جي ايندڙ سياسي صف بنديءَ جي لاءِ پارٽي اڳواڻنس ان صلاحون آصف علي زرداري ۽ بلاول ڀٽو زرداري جو صف بنديءَ کي پاناما ليڪس جي فيصلي کان پوءِ آخري شڪل ڏيڻ تي اتفاق ٿيو آهي.36

 

فوجي عدالتن جي مدي ۾ واڌ: قومي اسيمبلي بعد سينيٽ به بل جي منظوري ڏئي ڇڏي

اسلام آباد (ويب ڊيسڪ): سينيٽ قومي اسيمبلي مان منظور ٿيل فوجي عدالتن جي مدي ۾ ٻن سالن جي واڌ واري بل جي منظوري ڏئي ڇڏي، 28هين ترميم جي حق ۾ 78 ووٽ ۽ مخالفت ۾ 3 ووٽ ڏنا ويا، جمعيت علماءِ اسلام ف ۽ بلوچستان نيشنل پارٽي جي سينيٽرز اجلاس ۾ حصو نه ورتو، پختونخوا ملي عوامي پارٽي جي گل بشريٰ، عثمان ڪاڪڙ ۽ اعظم خان موسيٰ خيل  28هين ترميم جي مخالفت ۾ ووٽ ڏنو، واضح رهي ته سينيٽ جي گذريل اجلاس ۾ آرمي ايڪٽ ۾ ڪيل ترميمن کي اڪثريت راءِ سان منظور ڪيو ويو، جڏهن ته فوجي عدالتن جي قيام واري مدي ۾ ٻن سالن جي واڌ جي منظوري نه ڏني هئي، سينيٽ مان منظوري کانپوءِ 28هين ترميم کي صدر ممنون حسين ڏانهن موڪليو ويندو، جنهن کانپوءِ ان کي ايڪٽ آف پارليامينٽ جو درجو حاصل ٿي ويندو، واضح رهي ته جنوري 2015ع ۾ فوجي عدالتن جي قيام جي حوالي سان 21هين آئيني ترميم پارليامينٽ ۾ منظور ڪئي پئي وئي ته رضا رباني روئڻهارڪو ٿي ويو هو.

 

سنڌ حڪومت وفاق جي گئس منصوبن تي اعتراض واري ڇڏيا، وريراعظم کي خط

ڪراچي (اين اين آءِ) سنڌ حڪومت وفاق پاران پنجاب ۾ گئس لائين بعد جا 97 منصوبا شروع ڪرڻ تي لکت طور تي اعتراض واري ڇڏيا ميڊيا رپورٽ مطابق سنڌ جي وڏي وزير سيد مرادعلي شاهه وزيراعظم نوازشريف کي خط لکيو جنهن ۾ پنجاب ۾ گئس لائين واڌ جا 97 منصوبو شروع ڪرڻ تي لکت طور تي اعتراض واريا ويا مرادعلي شآهه پنهنجي خط ۾ چيو ته اطلاعن مطابق وفاق 37 ارب رپيا گئس منصوبا پنجاب ۾ شروع ڪيا آهن جڏهن ته پنجاب ۾ گئس نيٽ ورڪ جي واڌ آرٽيڪل 198 جي خلاف ورزي آهي ڇو ته ان قسم جي منصوبن ۾ واڌ تي وفاقي حڪومت خود پابندي هنئي آهي جيڪڏهن سنڌ ۾ پابندي آهي ته پنجاب ۾ ڪهڙي طرح گئس ڏني پئي وڃي سياسي بنيادن تي خاص علائقن کي گئس فراهم ڪرڻ سان ناراضگي وڌي ويون آهن مرادعلي شاهه پنهنجي خط ۾ چيو ته پنجاب ملڪ جي ڪل 3 سيڪڙو گئس پيدا ڪري ٿو ۽ 42 سيڪڙو استعمال ڪري ٿو گئس جي پيداوار جي لحاظ کان سڀ کان وڏي صوبي سنڌ کي نظرانداز ڪيو پيو وڃي. سوئي سدرن گئس ڪمپني سنڌ ۾ ڳوٺاڻن شهري علائقن ۾ گئس ڏيڻ کان انڪاري آهي اداري جو چوڻ آهي ته سنڌ ۾ گئس ڏيڻ تي وفاق پابندي مڙهي آهي وزيراعظم گئس جي فراهمي تي هڪ طرفي پابندي کي فوري ختم ڪرائي سمورا رهائشي صنعتي ۽ ڪمرشل سيڪٽرن کي فوري گئس فراهم ڪيو وڃي.

 

وزير اعظم چيني ڪارپوريشنز جي سربراهن کي سيڙپڪاري جي دعوت ڏئي ڇڏي

اسلام آباد(ويب ڊيسڪ) وزير اعظم نواز شريف چيني ڪارپوريشنز جي سربراهن کي سيڙپڪاري جي دعوت ڏيندي چيو آهي ته پاڪستان تسلسل سان لبرلائزيشن، ڊي ريگوليشن ۽ خانگائڻ واري پاليسي تي عمل پيرا آهي ان ڪري پاڪستان جو اقتصادي منظر نامو گذريل چار سالن ۾ تبديل ٿي ويو آهي. وزير اعظم نواز شريف سان چيني ڪارپوريشنز جي سربراهن جي وفد وزير اعظم هائوس ۾ ملاقات ڪئي جنهن ۾ وزير اعظم چيني ڪارپوريشنز جي سربراهن کي پاڪستان ۾ سيڙپڪاري جي دعوت ڏيندي چيو ته پهرين ڏينهن کان معيشت جي بحالي توانائي بحران ۽ سلامتي صورتحال تي ڌيان ڏنو اهو ئي سبب آهي ته پاڪستان جو اقتصادي منظر نامو گذريل چار سالن ۾ بلڪل تبديل ٿي ويو آهي ۽ پاڪستان جي معاشي ڪامبين جو عالمي سطح تي به اعتراف ڪيو پيو وڃي. هن وڌيڪ چيو ته سيڙپڪار پاليسي ۽ واپار جي لاءِ سازگار ماحول ڏئي رهيا آهيون، سيڙپڪارن کي هر قسم جون سهولتون ۽ سيڪيورٽي ڏني پئي وڃي، پاڪستان ۾ سيڙپڪارن جي لاءِ ماحول سازگار آهي ۽ فائدو کڻڻ جي آزادي آهي.

 

نواز شريف کي باقي صوبن جيان سنڌ به عزيز آهي، هو سڄي پاڪستان جو وزيراعظم آهي: مريم اورنگزيب

اسلام آباد (اين اين آءِ) سڌسماءَ واري مملڪتي وزير مريم اڳورنگزيب چيو آهي ته پانامه ڪيس جو فيصلو سپريم ڪورٽ تي ڇڏيو وڃي جيڪو به فيصلو اچي سڀني کي قبول ڪرڻو پوندو سياست ۽ ڪارڪردگي گڏ آهن انهن کي الڳ نٿو ڪري سگهجي وزيراعظم جي قيادت ۾ ملڪ ۾ ترقياتي منصوبن تي ڪم هلندڙ آهي وزيراعظم سمورن منصوبن جي پڄاڻي چاهي ٿو ميڊيا سان ڳالهائيندي مريم اورنگزيب چيو ته محمد نوازشريف ملڪ جو ٽيون ڀيرو چونڊيل وزيراعظم آهي وزيراعظم کي ٻين صوبن وانگر سنڌ به پياري آهي هن چيو ته حڪومت دهشتگردي جي خاتمي اقتصادي ترقي تعليم ۽ صحت لاءِ تاريخي ڪم ڪيا آهن پنجاب جو وڏو وزير صوبي جي ترقي لاءِ ڏينهن رات ڪم ڪري رهيو آهي هن چيو ته مسلم ليگ (ن) جو عزم وزيراعظم جي قيادت ۾ ماڻهن جي خدمت ڪرڻ آهي هن چيو ته پانامه ڪيس جو فيصلو سپريم ڪورٽ تي ڇڏيو وڇي جيڪو به فيصلو اچي سڀني کي قبول ڪرڻو پوندو.

 

گذريل دور ۾ پرڏيهين کي بنا چڪاس اچڻ جي اجازت ڏني وئي، هاڻي ايئن نه ٿيندو: چوڌري نثار

اسلام آباد (اين اين آءِ) وفاقي گهرو وزير چوڌري نثار چيو آهي ته گذريل حڪومت جي دور ۾ ويزا جاري ڪرڻ جو ڪوبه رڪارڊ موجود نه آهي اسان ملڪ ۾ آن لائين ويزا سسٽم متعارف ڪرائي رهيا آهيون جڏهن به ڪو پاڪستاني ويزا جي لاءِ درخواست ڏيندو ته سمورن ادارن کي ان جي ڄاڻ هوندي ايف آءِ اي کي ايميگريشن کان جدا ڪيو ويندو هاڻي هڪ هڪ ويزا جي درخواست جي مڪمل جاچ ۽ سيڪيورٽي ڪليئرنس ٿيندي آهي ان عمل سان پرڏيهي سفيرن ۽ آفيشلز کي به گذرڻو پوندو آهي سوشل ميڊيا تي توهين واري مواد جي معاملي تي اڳڀرائي ٿي رهي آهي پهريان فيس بوڪ وارا مڃيندا نه هئا هاڻي اهو پنهنجو نمائندو پاڪستان موڪلي رهيا آهن گذريل ڪجهه مهينن ۾ 62 صفحا جڏهن ته گذريل ٽن ڏينهن ۾ 45 ويب سائيٽس کي بلاڪ ڪيو ويو آهي آصف زرداري منهنجي اباڻي ڳوٺ اچي مان ان کي ڀليڪار چوندس پر ايندڙ اليڪشن ۾ ان جي اميدوار جي ضمانت ضبط ٿي ويندي. آصف زرداري سان ڪابه ذاتي دشمني نه آهي سخت سياسي اختلاف آهن مون کي اهو اطمينان ٿيندو ته جن ماڻهن خلاف اربين کربين جي ڪرپشن جا ڪيس آهن اهي چوڌري نثار جو نالو وٺي رڙيون ڪري رهيا آهن گهرو وزير پريس ڪانفرنس ڪندي ويزا جاري ڪنهن به ملڪ لاءِ اهم ۽ حساس مسئلو هوندو آهي جڏهن اها خبر آهي ته ڪنهن ملڪ ۾ ويزا مادر پدر آزاد ڪيا ويا آهن جڏهن مان اپوزيشن ليڊر هيس ته مان اهو مسئلو اٿاريو هو ته بغير سيڪيورٽي چيڪ پرڏيهي هتي اچن ٿا ڪوئيٽا گوادر اسلام آباد ۽ وڌيڪ شهرن جي ناڪن تي پرڏيهي پڪڙيا ويا ۽ پوءِ انهن کي ڇڏيو ويو مان جڏهن به مسئلو اٿاريو ته گذريل دور جي ٻنهي حڪومتن ان جو ڪونه ڪو جواب نه ڏنو بليڪ واٽر جا ماڻهو هتي رهن ٿا اسلام آباد ۾ 400 گهر اهڙا هئا جنهن جي رهواسين جي باري ۾ ڄاڻ نه هئي ته انهن گهرن ۾ ڪير رهن ٿا جڏهن مون کي ڄاڻ پئي ته هڪ سفير کي بغير سيڪيورٽي ادارن جي چيڪ ويزا ڏيڻ جي اجازت ڏني ويئي هئي ان نوٽيفڪيشن کي مان 2014 ۾ رد ڪري ڇڏيو پهريان ماڻهو بغير ويزا ۽ دستاويزن جي پاڪستان ۾ ايندا رهيا پر هاڻي ايئن نه آهي هاڻي ڪابه ايئرلائين بغير ويزا ۽ دستاويزن جي ڪنهن کي پاڪستان واپس نٿي آڻي سگهي ان حوالي سان ايئرلائين کي 9 ڪروڙ رپين جو ڏنڊ به رکيو ويو آهي هن چيو ته وزيراعظم سان اڄ ئي منظوري ورتي آهي جنهن تحت پاڪستان ويزا جي لاءِ درخواستون آن لائين ورتيون وينديون جهڙي طرح وڌيڪ ملڪن ۾ ٿيندو آهي ته جڏهن به ڪوئي پاڪستاني ويزا جي لاءِ درخواست ڏي ته ان جي ڄاڻ سمورن ادارن کي هجڻ گهرجي هن چيو ته آن لائين سروسز جڏهن ڪم شروع ٿيندو ته معاملا وڌيڪ شفاف ٿي ويندا هن چيو ته پهريان جهاز ڀري پرڏيهي مان پاڪستان کي واپس موڪليو ويندو هو پر هاڻي ايئن نه ٿيندو صرف هڪ ڪيس ۾ انساني همدردي تي ڀارت مان هڪ عورت کي بغير دستاويز پاڪستان اچڻ جي اجازت ڏني جيڪا اتي جيل ۾ هئي. ان جي مڪمل تصديق کان پوءِ ان کي وطن واپس آندو ويو هن چيو ته پهريون ڀيرو فيس بوڪ انتظاميه انتهائي سٺو جواب ڏنو آهي گذريل ڏينهن هي خط مون کي مليو آهي جنهن ۾ چيو ويو آهي ته توهين واري مواد بابت اسان توهان جي ڳڻتي کي سمجهون ٿا ۽ گذريل ڪجهه مهينن ۾ 62 صفحن کي بلاڪ ڪيو ويو آهي ۽ گذريل ٽن ڏينهن ۾ 45 ويب سائيٽس بلاڪ ڪيون ويون آهن. پاڪستان سفير اعزاز چوڌري آمريڪي حڪومت ۽ ايف بي آءِ تائين اسان جا خدشا پهچايا آهن هن چيو ته اسان کي ايمان کان وڌيڪ ڪوبه عزيز نه آهي ناموس رسالت کان وڌيڪ ڪابه شئي نه آهي اسان سوشل ميڊيا کي به ان جو پابند بڻائينداسين ته آزادي جي اظهار جي نالي تي مذهب اسلام جي تزهيڪ نه ڪئي وڃي اهو ڏيڍ ارب مسلمانن جي دل آزاري جو سبب بڻجي ٿو هن چيو ته آمريڪا ۾ اڳوڻي پاڪستاني سفير جيڪي ويزا جاري ڪيا انهن جو ڪوبه رڪارڊ نه آهي پر هاڻي ايئن نه ٿيندو جيڪو سسٽم اسان جوڙي رهيا آهيون ان تحت ڪٿان به ايندڙ ويزا درخواست سينٽرل ڊيٽا سسٽم سان جڙيل هوندي ۽ جڏهن ويزا جاري ٿيندي ته ان جو رڪارڊ سمورن کاتن وٽ هوندو ۽ جيڪڏهن ڪنهن ويزا جو رڪارڊ نه هجي ته اهڙي شخص کي ايئرپورٽ کان ئي واپس موڪليو ويندو. اڳوڻي صدر آصف علي زرداري پاران چڪري ۾ جلسي ڪرڻ بابت سوال جي جواب ۾ هن چيو ته چڪري منهنجو اباڻو ڳوٺ آهي ۽ اسان آصف زرداري کي ڀليڪار ڪنداسين مان ان کي پنهنجي گهر ۾ دعوت ڏيندس پر هو ياد رکي ته ايندڙ اليڪشن ۾ آصف زرادري جي اميدوار جي ضمانت ضبط ٿي ويندي. گهرو وزير شرجيل ميمڻ جو نالو کڻڻ بغير چيو ته هو پنج ارب رپين جي ڪرپشن جو حساب ڏي چوڌري نثار چيو ته مون کي اها خوشي ٿيندي ته جنهن جي خلاف اربين کربين جي ڪرپشن ڪيس آهن اهي چوڌري نثار جو نالو وٺي رڙريون ڪري رهيا آهن.

 

اقتصادي رابطا ڪميٽي 2 لک ميٽرڪ ٽن کنڊ گهرائڻ جي منظوري ڏئي ڇڏي

اسلام آباد (اين اين آءِ) ڪابينه جي اقتادي رابطا ڪميٽي 2 لک ميٽرڪ ٽن کنڊ جي وڌيڪ برآمد جي اجازت ۽ پاڪستان اسٽيل ملز ڪراچي جي ملازمن جي هڪ مهيني جي پگهار ڊسمبر 2016 جي لاءِ 38 ڪروڙ رپين جي فراهمي جي به منظوري ڏني آهي ڪابينه جي اقتصادي رابطا ڪميٽي جو اجلاس ناڻي واري وزير اسحاق ڊار جي صدارت ۾ اڱاري جي صبح وزيراعظم آفيس ۾ ڪوٺايو ويو. اي سي سي نان فائلرز کي بئنڪاري وهنوار تي گهٽ ڪيل شرح جو 0.4 سيڪڙو جي وڌ هولڊنگ ٽيڪس جي مدي ۾ 30 جون 2017 تائين واڌ جي منظوري ڏني ڪميٽي ڪڻڪ جي سرڪاري شعبي جي خريداري لاءِ تقريبن 70 لک ٽن جي حدف جي به منظوري ڏني.

 

محترمه بينظير ڀٽو کي اسان تي اعتماد هو ۽ مون کي پاڻ تي اعتماد آهي: بلاول ڀٽو زرداري

اسلام آباد (اين اين آءِ) پ پ پ جي چيئرمين بلاول ڀٽو زرداري چيو آهي ته نوجوانن جي اعليٰ تعليم شهيد محترمه بينظير ڀٽو جو خواب هو نوجوان عملي زندگي ۾ ملڪ ۽ قوم جي ترقي ۾ پنهنجو حصو وجهن هو اڱاري تي شهيد ذوالفقارعلي ڀٽو انسٽيٽيوٽ آف سائنس اينڊ ٽيڪنالوجي زيبسٽ جي ڪانوڪينشن کي خطاب ڪري رهيو هو هن ان موقعي تي تعليم مڪمل ڪندڙ شاگردن انهن جي والدين ۽ استادن کي مبارڪباد ڏني هن چيو ته سکڻ جو عمل سڄي زندگي هلندو آهي نوجوانن کي اڳتي اچي ملڪ ۽ قوم جي ترقي ۾ پنهنجو ڪردار ادا ڪرڻو پوندو هن چيو ته شهيد محترمه بينظير ڀٽو نوجوانن جي تعليم کي وڏي اهميت ڏيندي هئي نوجوانن جي اعليٰ تعليم ان جو خواب هو هن چيو ته تعليم مڪمل ڪندڙ شاگرد ملڪ جي ترقي ۾ پنهنجو ڪردار ادا ڪن ملڪ کي نوجوان ۽ ذهين ماڻهن جي ضرورت آهي هن چيو ته توهان هن قوم جي ذوالفقارعلي ڀٽو ۽ بينظير ڀٽو آيو منهنجو خاندان دهشتگردي سان منهن ڏنو مان ڄاڻان ٿو ته اهو ڏک ڇا هوندو آهي منهنجي امڙ آمريت جي خلاف هميشه آواز اٿاريو اسان کي نااميد نه ٿيڻ ڏنو ويو اڄ اهو خواب پورو ٿيندو ڏسي رهيو آحيان جيڪو منهنجي امڙ ڏٺو هو ان موقعي تي هن تعليم مڪمل ڪندڙ شآگردن ۾ ڊگريون ورهايون.

 

سعد رفيق کي عوام کان وڌيڪ ڏوهاري وزيراعظم جي ڦرمار بچائڻ جو فڪر آهي: عمران خان

اسلام آباد (اين اين آءِ) پي ٽي آءِ جي چيئرمين عمران خان چيو آهي ته ريلوي واري وزير جو پنهنجي وزارت جي معاملن سان ڪوبه لين دين نه آهي روزانو ٽرين حادثن تي حڪومتي رويو انتهائي شرم جو مقام آهي ٽوئٽر اڪائونٽ تي جاري ڪيل بيان ۾ عمران خان چيو ته جيڪا حڪومت صرف ريلوي ڪراسنگ پوائنٽ محفوظ نه ڪري سگهي ان کان ڪنهن قسم جي ڪارڪردگي جي توقعه ڪري سگهجي ٿي ريلوي واري وزير کي سخت تنقيد جو نشآنو بڻائيندي پي ٽي آءِ جي چيئرمين چيو ته ريلوي وارو وزير پنهنجي وزارت سان ڪابه دلچسپي نٿو رکي انهن کي صرف شريفن جي غلامي نظر اچي رهي آهي هن چيو ته ماڻهن جي زندگي بچائڻ کان وڌيڪ ريلوي واري وزير کي وزيراعظم ۽ ان جي خاندان جي ڦرلٽ بچائڻ جو فڪر آهي. خمين جي صحتيابي لاءِ نيڪ خواهشن جو اظهار ڪندي عمران خان چيو ته هادثي جي ذميواري ڪنهن ننڍي ملازم تي وجهي وڏن ڏوهن کي بچائڻ جي ڪوشش قبول نه ڪئي ويندي.