تازيون خبرون

Daily Archives: March 28, 2017

دھشتگردي جي چيلھھ ڀڃي ڇڏي ،ايندڙسال لوڊشيڊنگ جي خاتمي جو ھوندو : نوازشريف

حيدرآباد (اين اين آءِ) وزيراعظم نوازشريف هڪ ڀيرو ٻيهر چيو آيه ته دهشتگردي کي ختم ڪري سڪون جو ساهه کڻنداسين 2013 تائين ملڪ ۾ بيچيني ڦهليل هئي هاڻي هڪ نئون پاڪستان ٺهي رهيو آهي دهشتگردي سبب ڪراچي ۾ ڪوبه پرڏيهي اچڻ لاءِ تيار نه هو هاڻي ٻيهر پرڏيهي سيڙپڪاري ڪراچي ۾ اچي رهي آهي ڪراچي ترقي ڪندو ته پاڪستان ترقي ڪندو سي پيڪ جا فائدا سڄي ملڪ کي پهچي رهيا آهن اهو وقت پري نه آهي جڏهن پاڪستان مان مڪمل طور تي بيرزگاري غربت ۽ جهالت جو خاتمو ٿيندو ملڪ ۾ 18-18 ڪلاڪ لوڊشيڊنگ ٿيندي هئي ملڪ ۾ دهشتگردي عروج تي هئي نوڪريون پئسن تي ڏنيون وينديون هيون عوام کي حڪمرانن سان سوال ڪرڻ گهرجي ته توهان پاڪستان جي ڪهڙي حالت ڪري ڇڏي آهي جيڪڏهن اسان ايمرجنسي قدم نه کڻون ها ته اڄ پاڪستان جو اقتصادي طور تي خراب حالت هجي ها سومر تي مسلم ليگ (ن) جي ورڪرز ڪنوينشن کي خطاب ڪندي وزيراعظم نوازشريف ڪارڪنن کي خطاب ڪندي چيو ته توهان جي جوش ۽ جذبي جي تعريف ڪرڻ لاءِ مون وٽ لفظ نه آهن دل جي گهرائين سان توهان کي سلام پيش ڪيان ٿو منهنجو سلام قبول ڪيو وزيراعظم چيو ته حيدرآباد ايندي رستي ۾ مان ڏٺو ته ڪيترائي نوجوان ۽ منهنجون ڀينرون واپس اچي رهيون هيون ۽ هتي ڪافي ماڻهو گڏ ٿيا هئا ۽ آهستي آهستي واپس وڃي رهيون هيون ۽ هو جوش ۽ جذبي سان هتي آيل آهن جڳهه گهٽ هجڻ سبب انهن کي واپس وڃڻو پيو جنهن تي مان انهن کان معذرت گهران ٿو وزيراعظم چيو ته مان ٻيهر حيدرآباد ايندس ۽ انهن سان ضرور ملندس ۽ دل جون ڳالهيون ڪندس. اهو جوش ۽ جذبو ٺٽو بلوچستان پنجاب ۽ ڪي پي ڪي ۾ به ڏٺو آهي قوم جو جوش ۽ جذبو مثالي آهي جنهن تي حيدرآباد وارن کي مبارڪباد ڏيڻ چاهيان ٿو هن چيو ته پاڪستان تبديل ٿي رهيو آهي ۽ نئون پاڪستان ٺهي رهيو آهي 2013 ۾ پاڪستان جو حال ڀرو هو ۽ هر طرف بيچيني ڦهليل هئي دهشتگردي قدم ڄمايا هئا اسان دهشتگردي جي چيلهه چٻي ڪئي آهي ڪراچي دهشتگردي جو شڪار هو اڄ الله تعاليٰ جي فضل ۽ ڪرم سان ڪراچي ۾ امن ۽ سڪون آهي ۽ ماڻهو ڪراچي ۾ ڪاروبار ڪري رهيا آهن وزيراعظم چيو ته دهشتگردي ڀڄي رهي آهي اسان جو پهه پختو آهي اسان ان کي ختم ڪرڻ بغير سڪون سان نه ويهنداسين هن چيو ته حيدرآباد ۾ موٽر وي ٺهي رهيو آهي اهو موٽر وي پهريان ڇونه ٺاهيو ويو مشرف جي حڪومت جي دور ۾ نه ٺاهيو ويو ۽ پوءِ پيپلزپارٽي جي حڪومت هئي ان زماني ۾ موٽر وي ڇو نه ٺاهيو ويو يونيورسٽي ڇو نه ٺهي هيلٿ ڪارڊ ڇو نه ڏنا ويا هن چيو ته روڊن رستن جي حالت خراب هئي ۽ پيئڻ جو صاف پاڻي به ميسر نه هو اسپتالون به نه هيون هن چيو ته ڪراچي ۾ وڃان ٿو ته گنڌ ڪچري جا ڍير لڳا پيا هوندا آهن صرف دوڙ ئي دوڙ نظر ايندي آهي ڪراچي دنيا مان ڇو ڪٽ ٿي ويو ڪراچي ۾ دهشتگردي عروج تي هئي ڪراچي ۾ هاڻي توهان کي ڪاروباري ماڻهو ملندا هن چيو ته بجلي جي حالت تمام خراب هئي جنهن ۾ نه مزدور سڪون ۾ هو ۽ نه پورهيت ۽ نه آبادگار ٽيوب ويل هلائي سگهندا هئا. هن چيو ته جڏهن ماڻهو ووٽ گهرندا آهن ته پاڪستاني عوام کي پڇڻ گهرجي ته توهان ڪهڙا پاڪستان جا معاملا ٺيڪ ڪيا آهن ان کان پوءِ ووٽ جو فيصلو ڪرڻ گهرجي ووٽ جو حقدار ڪير آهي هن هن چيو ته بجلي جو معاملو اسان ٺيڪ ڪري رهيا آهيون هن چيو ته موٽر وي ڪراچي کان حيدرآباد پهچي رهيو آهي ۽ اهو ڇهن روڊن تي رستو ٺهي رهيو آهي جيڪو پاڪستان جو هڪ بهترين روڊ آهي اهو حيدرآباد کان سکر ويندو ۽ پوءِ سکر کان ملتان ويندو ۽ پوءِ لاهور پهچندو موٽر وي ٺهڻ کان پوءِ ماڻهو صبح جو ناشتو حيدرآباد ۾ ڪندا ۽ منجهند جي چانهه لاهور ۾ پيئندا ۽ کاڌو اسلام آباد ۾ کائيندا جڏهن ته عشا جي نماز پشاور ۾ پڙهندا هن چيو ته بلوچستان ۾ ڪيترائي روڊ ٺهي رهيا آهن ڪوئيٽا کان گوادر پشاور مانسهره ڏانهن رستا ئي رستا ٺهي رهيا آهن پاڪستان جو اندروني نقشو تبديل ٿي رهيو آهي. هن چيو ته حيدرآباد جي مسئلن تان اتفاق آهي الله تعاليٰ جي فضل ۽ ڪرم سان نوازشريف جيڪي ڳالهه ڪندو آهي اها پوري ڪري ڏيکاريندو آهي هن چيو ته توهان کي بجلي ۽ سوئي گئس ملندي حيدرآباد جو ميئر ۽ ڊپٽي ميئر لاءِ 50 ڪروڙ رپيا ڏيڻ جو اعلان ڪيان ٿو ۽ حيدرآباد جي عوام کي هيلٿ ڪارڊ ۽ ميٽرو بس جي خوشخبري ٻڌائي رهيو آهيان هن چيو ته هيلٿ ڪارڊ جو دائرو سڄي ملڪ ۾ ڦهلايو ويو آهي ته جيئن غريبن جي علاج لاءِ انهن کي پنهنجا گهر نه وڪڻڻا پون ۽ هو قرضن ۾ نه ٻڏي سگهن. هن چيو ته جلد هيلٿ ڪارڊ پروگرام جي سربراهه مريم نواز حيدرآباد ايندي ۽ پنهنجن هٿن سان ماڻهن ۾ هيلٿ ڪارڊ ورهائيندي وزيراعظم حيدرآباد ۾ يونيورسٽي جي قيام جو اعلان ڪيو ۽ چيو ته ان جو جلد ئي پيڙهه جو پٿر رکيو ويندو.

 

4 سال جمهوريت لاءِ مفاهمت ڪري ڏٺي، آخري سال جارحاڻي اننگز کيڏنداسين: آصف زرداري

لاهور (ويب ڊيسڪ/اين اين آءِ)اڳوڻي صدر آصف علي زرداري چيو اهي ته اسان گذريل 4 سال جمهوريت خاطر مصالحت ڪري ڏٺي پر هاڻي آخري سال ۾ جارحاڻي اننگ کيڏنداسين، سندس چوڻ هو ته اسان مفاهمت جي سياست کي مڪمل طور تي خيرباد چئي ڇڏيو آهي ۽ هاڻي مخالفن جي هر حملي جو جواب سياسي انداز ۾ ڏنو ويندو، جڏهن ته ن ليگ ۽ پي ٽي آءِ جو به جارحاڻو مقابلو ڪيو ويندو، هن چيو ته پارٽي قيادت بلاول ئي ڪندو، بلاول ڀٽو جي جواني منهنجو تجربو پارٽي ۾ نئين جان وجهندا، اڳوڻي صدر ۽ پيپلز پارٽي جي ڪو چيئرمين چيو ته ڪارڪن جلد چڪري ۾ جلسي جي تياري ڪن، انهن سان ايندڙ ملاقات چڪري ۾ ٿيندي اڳوڻي صدر آصف علي زرداري چيو آهي ته بلاول ڀٽو مڪمل طور تي بااختيار ۽ پارٽي جي قيادت به ڪري رهيو آهي ڪارڪن ۽ اڳواڻ پارٽي تي حملو ڪندڙن کي جواب ڏيڻ لاءِ بااختيار آهن عملي طور تي ميدان ۾ نڪتا آهيون اهو ئي سبب آهي جو ڪجهه ماڻهن جون ننڊون حرام ٿي ويون آهن اهڙن خيالن جو اظهار هن بلاول هائوس لاهور ۾ راولپنڊي ۽ سرگودا ڊويزن جي ٽڪيٽ هولڊرن ۽ عهديدارن سان جدا جدا اجلاس کي خطاب ڪندي ڪيو ان موقعي تي قمرزمان ڪائره نديم افضل چن ۽ ٻيا موجود هئا. ان موقعي تي پارٽي جي معاملن سميت گڏيل صورتحال ۽ آئينده جي حڪمت عملي تي خيالن جي ڏي وٺ ڪئي ويئي هن چيو ته پ پ پ عوام جي پارٽي آهي ۽ سڀني تي اهو ثابت ڪرڻو آهي عوام ۽ ڪارڪنن سان رابطا وڌايا وڃن پ پ پ پوري طاقت سان ميدان ۾ ايندي. هن چيو ته پ پ پ جي قيادت سڄي پنجاب ۾ جلسا ڪندي. هن چيو ته پارٽي تي جيڪو حملو ڪندو ڪارڪن ۽ اڳواڻ جواب ڏيڻ لاءِ بااختيار آهن پروپيگنڊا ڪرڻ وارن جو ڀرپور جواب ڏنو ويندو.

 

پاڪستان پاران آمريڪا-ڀارت لاجسٽڪ ۽ ميري ٽائم معاھدو خطري جي گھنٽي قرار

اسلام آباد (اين اين آءِ) وزيراعظم نوازشريف جي قومي سلامتي واري صلاحڪار ناصر خان جنجوعا چيو اهي ته اڳوڻي آرمي چيف جنرل راحيل شريف جي سعودي فوجي اتحاد جي سربراهه جي طور تي مقرري مسلم ملڪن لاءِ خوش آئيند ثابت ٿيندي اڳوڻي آڙمي چيف سعودي فوجي اتحاد جو اڳواڻ ٿيندو ته مسلمانن جي اتحاد ۽ ٻڌي کي هٿي وٺرائڻ جو سبب بڻبو اسان کي هر صورت افغانستان سان لاڳاپا بهتر رکڻا پوندا  افغانستان ۾ پائيدار امن سان ئي روس ۽ وچ ايشيائي رياستن کي سي پيڪ مان فائدو ٿيندو آمريڪا جو ڀارت مان لاجسٽڪ ۽ ميري ٽائيم معاهدو خطري جي گهنٽي آهي سومر تي ميري ٽائيم سيڪيورٽي ڪانفرنس جي موقعي تي ميڊيا سان ڳالهائيندي هن چيو ته جيڪڏهن راحيل شريف سعودي فوجي اتحاد جو سربراهه بڻجي ٿو ته هو مسلمانن جي ٻڌي کي هٿي وٺرائڻ جو سبب بڻبو هن چيو ته راحيل شريف پنهنجن تجربن ۽ سوچ سان مسلم ملڪن جي غلط فهمين کي ختم ڪندو جنهن سان ايران سميت اتحاد مخالف ملڪن کي به فائدو ٿيندو هن چيو ته اسان کي هر صورت ۾ افغانستان سان لاڳاپا بهتر رکڻا پوندا. علائقائي منظرنامي ۾ پاڪستان جي اهميت کي اجاگر ڪندي ناصر خان جنجوعا چيو ته پاڪستان خطي جي وڌيڪ ملڪن لاءِ پرڏيهي دنيا تائين رابطن جو گيٽ وي آهي هن چيو ته ڏکڻ چيني سمنڊ جو 90 سيڪڙو واپار ۽ ان علائقي ۾ منتقل ٿي رهيو آهي ان ڪري اسان کي پنهنجي ساموندي سلامتي ۽ انهن سمورن ڪوششن کي ذهن ۾ رکي ان کي تيار ڪرڻو آهي. هن چيو ته پاڪستان نيوي کي خطي ۾ انتهائي باصلاحيت نيوي قرار ڏيندي چيو ته اسان تعاون جي فضا کي ترجيحي ڏبي. هن چيو ته پاڪستان وڏي عرصي کان دهشتگردي جو مظاهرو ڪري رهيو آهي گذريل 38 سالن کان پاڪستان افغانستان ۾ ڇڪتاڻ واري صورتحال کان متاثر آهي.

 

الطاف حسين يونيورسٽين جا نالا تبديل، عبدالستار ۽ فاطمه جناح رکڻ جو اعلان

ڪراچي (ويب ڊيسڪ): متحده قومي موومينٽ (پاڪستان) سنڌ ڪابينا جي منظوري کان پوءِ پاڪستان پيپلز پارٽي طرفان ڪراچي ۽ حيدرآباد ۾ ايم ڪيو ايم جي باني جي نالي ته قائم ڪئي ويندڙ الطاف حسين يونيورسٽي جو نالو تبديل ڪرڻ واري بل جي حمايت ڪري ڇڏي، اسپيڪر اسيمبلي آغا سراج دراني جي صدارت هيٺ ٿيندڙ سنڌ اسيمبلي جي اجلاس ۾ الطاف حسين يونيورسٽين جا نالا تبديل ڪرڻ جو بل پاڪستان پيپلز پارٽي جي سينيئر صوبائي وزير نثار کهڙي پيش ڪيو، ان موقعي تي ايم ڪيو ايم پاڪستان جي اڳواڻ فيصل سبزواري خيالن جو اظهار ڪندي چيو ته اسان کي نهايت افسوس ٿو ٿئي ته اسان جي مضبوط موقف ۽ جدوجهد باوجود 70 سالن ۾ ڪيترائي ڀيرا اسان جي بزرگن ۽ اسان ماڻهن کي شڪ جي نگاهه سان ڏٺو ويو، پر خير اهو اسان جو ملڪ آهي، اسان جي سرزمين آهي، ۽ ان کي ٺاهڻ ۽ هلائڻ اسان جو ڪم آهي، فيصل سبزواري جو چوڻ هو ته سنڌ جي دل حيدرآباد ۾ پيپلز پارٽي جي حڪومت آهي، جنهن وٽ پئسا به آهن، ۽ اختيار به، تنهن ڪري ان کي گهرجي ته هتي پبلڪ يونيورسٽي ٺاهي، گڏوگڏ انهن ڄاڻايل بل جي حمايت ڪندي چيو ته سنڌ پبلڪ سيڪٽر يونيورسٽي جو قيام عمل ۾ آڻي، ان کي ڪنهن به اهڙي فرد جي نالي سان منسوب نه ڪيو وڃي، جيڪو کلي ڪري يا لڪي ڪري پاڪستان جي سالميت خلاف ڳالهائي، ان کان پوءِ سينيئر صوبائي وزير نثار کهڙي چيو ته ڪراچي ۾ بڻائي ويندڙ يونيورسٽي جو نالو”عبدالستار يونيورسٽي“ جي نالي تي رکيو ويندو، ان کان اڳ سنڌ ڪابينا الطاف حسين جي نالي تي قائم ٿيندڙ يونيورسٽي جو نالو تبديل ڪرڻ جو فيصلو ڪيو هو، وزير اعليٰ هائوس کان جاري ٿيندڙ بيان ۾ ترجمان چيو ته هاڻي انهن يونيورسٽين جو نالو فاطمه جناح يونيورسٽي رکيو ويندو، واضح رهي ته ڊسمبر 2014 ۾ سنڌ اسيمبلي ڪراچي ۽ حيدر آباد ۾ متحده قومي موومينٽ جي باني الطاف حسين جي نالي سان هڪ هڪ يونيورسٽي قائم ڪرڻ جي منظوري ڏني هئي.

 

مسئلن جي باوجود پاڪستنا جي ترقي تي دنيا حيران آهي: مريم اورنگزيب

اسلام آباد  (اين اين آءِ) سڌسماءُ واري مملڪتي وزير مريم اورنگزيب چيو آهي ته پاڪستان جي ترقي کي ڏسي سڄي دنيا حيران آهي تقريب کي خطاب ڪندي هن چيو ته دهشتگردي خلاف جنگ ۾ 55 هزار ماڻهن پنهنجون جانيون قربان ڪيون موجوده حڪومت ۾ دهشتگردي جو خاتمو ممڪن ٿيو آهي ۽ ڪيترن ئي قربانين کان پوءِ ئي پاڪستان ان حد تائين پهتو آهي ته اڄ پاڪستان ترقي جي رستي تي هلي رهيو آهي. ۽ سڄي دنيا مسئلن جي باوجود پاڪستان جي ترقي تي حيران آهي مريم اورنگزيب چيو ته حڪومت نه صرف لوڊشيڊنگ ۾ وڏي گهٽتائي ڪئي آهي پر گذريل 40 منصوبا نه لڳايا آهن انهن تي به ڪم ڪري رهي آهي ۽ وزيراعظم خود انهن منصوبن جي نگراني ڪري رهيو آهي سي پيڪ کي سڄي دنيا ۾ گيم چينجر سمجهيو وڃي ٿو هن چيو ته جمهوريت کي مضبوط ڪرڻ ۾ ميڊيا اهم ڪردار ادا ڪيو آهي پر ان ميڊيا ۾ اهڙا شرپسند ماڻهو به موجود آهن جيڪي منفي پروپيگنڊا ڪري رهيا آهن.

 

آرمي چيف جي ڏکڻ آفريقا جي بچاءَ واري وزير سان ملاقات، مختلف معاملن تي ڳالهيون

راولپنڊي (اين اين آءِ) پاڪ فوج جي اڳواڻ جنرل قمر جاويد باجوا سان ڏکڻ آفريڪا جي بچاءُ واري وزير ملاقات ڪئي آهي آءِ ايس پي آر موجب چيف آف آرمي اسٽاف جنرل قمر جاويد باجوا سان ڏکڻ آفريڪا جي بچاءُ واري وزير اين اين ماپيسا نڪاڪولا سومر تي جي ايڇ ڪيو ۾ ملاقات ڪئي ملاقات دوران بچاءُ ۽ سيڪيورٽي جي شعبن ۾ تعاون سميت گڏيل دلچسپي جا معاملا غور هيٺ آيا جڏهن ته خطي ۾ سيڪيورٽي جي گڏيل صورتحال تي به ڳالهه ٻولهه ڪئي ويئي ڏکڻ آفريڪا جي وزير پاڪستان مان دهشتگردي جي خاتمي لاءِ پاڪستاني فوج تي ڪاميابين جو انحصار آهي ان کان اڳ جي ايڇ ڪيو اچڻ تي مهمان شهيدن جي يادگار تي گلن جا چاڙهي ۽ پاڪستان جي ڦڙت جتي ان کي گارڊ آف آنر پيش ڪيو.

 

صحافت خلاف مارشل لائي حربا استعمال نه ٿيڻ ڏينداسين: خورشيد شاهه

ڪراچي(ويب ڊيسڪ) قومي اسيمبلي ۾ مخالف ڌر اڳواڻ سيد خورشيد شاهه چيو آهي ته اسان صحافت خلاف مارشل لائي حربا استعمال نه ٿيڻ ڏينداسين، وفاقي حڪومت خاموش تماشائي جو ڪردار ادا نه ڪري، ميڊيا سان ڳالهائيندي مخالف ڌر اڳواڻ سيد خورشيد شاهه چيو ته گلگت بلتستان ۾ پرنٽ ميڊيا جي بندش جمهوريت سوز آهي، حڪومت پرنٽ ميڊيا جي بحالي لاءِ فوري قدم کڻي، جڏهن ته اخبارن جي رهتن جي مد ۾ روڪيل رقم به فوري جاري ڪئي وڃي، هن چيو ته اسان گلگت بلتستان ۾ صحافت جو باعزت مقام هر صورت ۾ بحال ڪرائينداسين. خورشيد شاهه چيو آهي ته ڀاڄين جي اگهن ۾ واڌ حڪومتي ناڪامي جو ثبوت آهي، رياست کي حڪومتي پاليسين جي ناڪامي جي ڪري منهن ڏيڻو پيو پوي. ميڊيا سان ڳالهه ٻولهه ڪندي پيپلز پارٽي جي اڳواڻ خورشيد شاهه جو چوڻ هو ته حڪومت هر معاملي مان جان ڇڏائڻ جي ڪوشش ڪري رهي آهي، ن ليگ وارا ناڪامي کي سازش جو نالو ڏيندا آهن. هن چيو ته حڪومت جو هر معاملي کي سازش قرار ڏيڻ سڀ کان وڏي ناڪامي آهي، ڇا هر سازش نواز حڪومت خلاف ئي ٿيندي آهي ۽ حڪومت پنهنجون ناڪاميون لڪائڻ جي ڪوشش نه ڪري.

 

سنڌ ڪابينا الطاف حسين يونيورسٽي ايڪٽ ۾ ترميم ڪري نالو تبديل ڪرڻ جي منظوري ڏئي ڇڏي

ڪراچي( اي پي پي )سنڌ جي وڏي وزير جي صدارت هيٺ سنڌ ڪابينا جو اجلاس سومر ڏينهن سنڌ سيڪريٽريٽ ۾ منعقد ٿيو. اجلاس ۾ مختلف بلن تي غور ويچار ڪيو ويو جنهن ۾ الطاف حسين يونيورسٽي ايڪٽ 2014 ۾ ترميم لاءِ تجويز پيش ڪئي وئي ۽ الطاف حسين يونيورسٽي ڪراچي جو نالو تبديل ڪري عبدالستار ايڌي يونيورسٽي ڪراچي ۽ الطاف حسين يونيورسٽي حيدرآباد جو نالو تبديل ڪري محترمه فاطمه جناح يونيورسٽي حيدرآباد رکيو ويو آهي. اجلاس ۾ صوبائي وزير سميت چيف سيڪريٽري سنڌ رضوان ميمڻ، آءِ جي سنڌ پوليس اي ڊي خواجه، وڏي وزير جي پرنپسل سيڪريٽري نويد ڪامران بلوچ ۽ ٻين اعليٰ عملدارن شرڪت ڪئي. اجلاس ۾ مختلف بلن تي غور ويچار پڻ ڪيو ويو، جنهن ۾ (1) سنڌ شهيد رڪگنيشن اينڊ ڪمپنسيشن ايڪٽ 2014، (2) دهشتگردي ٽوڙ بل 2016، (3) سنڌ ڪرائي داري بل 2017، (4) شهيد بينظير ڀٽو هيومن ريسورس ۽ ريسرچ اينڊ ڊيولپمينٽ بورڊ بل 2013، (4) جيڪب آباد ميڊيڪل انسٽيٽيوٽ آف سائنس ايڪٽ 2013، (5) سنڌ روينيو بورڊ ايڪٽ 2010 وغيره شامل آهن. اجلاس ۾ سنڌ شهيد رڪگنيشن ۽ ڪمپنسيشن ايڪٽ 2014 ۾ ترميم لاءِ تجويز پيش ڪئي وئي. جنهن ۾ شهيد پوليس اهلڪار کي معاوضي ڏيڻ سان گڏوگڏ ٻن قانوني وارثن کي پڻ ڀرتي ڪيو ويندو. قانوني وارثن کي ڀرتي ڪرڻ لاءِ سندن عمر، قابليت کي پرکيو ويندو جنهن تي وڏي وزير چيو ته پنهنجي صوبي جي ماڻهن کي تحفظ لاءِ پنهنجو پاڻ کي قربان ڪندڙ جي گهروارن جو تحفظ هئڻ گهرجي. ان وچ ۾ محمد علي ملڪاڻي اجلاس ۾ تجويز پيش ڪندي چيو ته شهيد اهلڪارن لاءِ معاوضي کان علاوه قانوني وارثن کي پڻ ڀرتي ڪيو ويندو. جنهن تي وڏي وزير آئي جي سنڌ پوليس اي ڊي خواجه کي سمري موڪلڻ لاءِ هدايت ڪئي. ان کانپوءِ اجلاس ۾ دهشتگردي ٽوڙ ايڪٽ 2016 ۾ ترميم جي تجويز پيش ڪئي وئي. تجويز ۾ لفظ ڊيفينڊنٽ جو لفظ اڪيوزڊ ۾ تبديل ڪرڻ تي غور ڪيو ويو. ان کان علاوه ججن، قونصلن ۽ پراسيڪيوٽرن جي تحفظ لاءِ ڪيمرائن جي هوندي ڪيس کي هلائڻ، گواهه جي سڃاڻپ ۽ نالي کي راز ۾ رکڻ وغيره شامل آهن. جنهن تي وڏي وزير ڊاڪٽر سڪندر مينڌرو، قانون کاتي جي سيڪريٽري ۽ ٻين کي لاڳاپيل ترميم تي پنهنجون سفارشون ڏيڻ جون هدايتون ڏنيون. ان کانپوءِ اجلاس ۾ سنڌ مسواڙي بل 2017 ۾ ترميم لاءِ تجويز پيش ڪئي وئي. اجلاس کي ٻڌايو ويو ته جيڪڏهن مسواڙي 60 ڏينهن تائين مسواڙ نه ڏئي ته مالڪ مڪان کي پنهنجي ملڪيت واپس وٺڻ جو اختيار هوندو. انهيءَ بل تحت مالڪ مڪان کي لاڳاپيل ترميم ذريعي تحفظ ڏنو ويو آهي. اجلاس ۾ غور ويچار ڪيو ويو ته تجويز هيٺ جيڪڏهن مسواڙي چئي ٿو ته هن گهر/ملڪيت خريد ڪيو آهي ۽ مالڪ مڪان انهيءَ کي نٿو مڃي تڏهن به هو مسواڙ ڏيندو رهندو جيستائين ڪيس جو فيصلو ٿئي. جنهن تي اجلاس ۾ صلاح مشوري کانپوءِ وڏي وزير ڊاڪٽر سڪندر مينڌرو جي چيئرمين شپ هيٺ هڪ ڪميٽي جوڙڻ جون هدايتون ڪيون. ان کانپوءِ اجلاس ۾ بينظير ڀٽو شهيد هيومن ريسورس، ريسرچ ۽ ڊيولپمينٽ بورڊ ايڪٽ 2013 ۾ ترميم لاءِ تجويز پيش ڪئي وئي. بورڊ ۾ 6 مستقل ميمبرن جي مقرري لاءِ سفارش ڪئي وئي. ان کانپوءِ اجلاس ۾ جيڪب آباد انسٽيٽيوٽ آف ميڊيڪل سائنس ايڪٽ 2013 ع جي ترميم لاءِ تجويز پيش ڪئي وئي. ترميم ۾ جيڪب آباد انسٽيٽيوٽ آف ميڊيڪل سائنس جي 12 ميمبرن تي ٻڌل بورڊ جو فيصلو ٿيو جنهن ۾ 2 ميمبر ايم پي ايز هوندا. جنهن تي وڏي وزير هدايت ڪئي ته بورڊ ٽن مهينن ۾ هڪ ڀيرو اجلاس ضرور ڪندو. جيڪب آباد انسٽيٽيوٽ آف ميڊيڪل سائنس جو آئوٽ سورس جو به پرووين رکيو ويو آهي. ان کانپوءِ اجلاس ۾ سنڌ روينيو بورڊ ايڪٽ 2010 ۾ ترميم لاءِ تجويز پيش ڪئي وئي. تجويز ۾ وقتي چيئرمين جي گنجائش ڪرڻ سان گڏوگڏ چيئرمين سنڌ روينيو بورڊ، چيئرمين ايگزيڪٽو آفيسر ۽ پرنسپل اڪائونٽنگ آفيسر ٺاهڻ تي غور ويچار ڪيو ويو. چيئرمين ۽ ميمبرن جي ملازمت جو عرصو ٽن کان ٻن سالن تائين وڌائڻ جي تجويز پڻ ڪئي وئي. جنهن تي وڏي وزير چيو ته اها حڪومت جي جوابداري هوندي جيڪڏهن هو ٻن سالن جي ملازمت واري عرصي ۾ واڌ ڪري. ان کانپوءِ دي الطاف حسين يونيورسٽي ايڪٽ 2014 ۾ ترميم لاءِ تجويز پيش ڪئي وئي. الطاف حسين يونيورسٽي ڪراچي جو نالو تبديل ڪري عبدالستار ايڌي يونيورسٽي ڪراچي ۽ الطاف حسين يونيورسٽي حيدرآباد جو جو نالو تبديل ڪري محترمه فاطمه جناح يونيورسٽي حيدرآباد رکيو ويو. نهن جي سنڌ ڪابينا پڻ منظوري ڏئي ڇڏي آهي. ان کانپوءِ اجلاس ۾ سنڌ ڪول اٿارٽي ايڪٽ 1993ع ۾ ترميم لاءِ تجويز پيش ڪئي وئي. جنهن ۾ رٽائر ملازمن کي پينشن ڏيڻ جي سفارش سان گڏوگڏ توانائي کاتي جي صوبائي وزير کي ڪول اٿارٽي جو چيئرمين مقرر ڪرڻ جي تجويز پيش ڪئي وئي.

 

ملڪ جي لاءِ گهڻو ڪجهه ڪري پئي سگهيم پر حڪمرانن روڪيو: ڊاڪٽر عبدالقدير

اسلام آباد(ويب ڊيسڪ) ڊاڪٽر عبدالقدير خان چيو آهي ته ملڪ جي لاءِ گهڻو ڪجهه ڪري پئي سگهيس پر حڪمرانن روڪي ڇڏيو جڏهن ته ايٽمي قوت جو ڪريڊٽ ذوالفقار علي ڀٽي ڏانهن وڃي ٿو. اسلام آباد ۾ تقريب کي خطاب ڪندي ڊاڪٽر عبدالقدير خان جو چوڻ هو ته ذوالفقار علي ڀٽو ڏاڍو وڏو محب وطن هو، ايٽمي قوم جو ڪريڊٽ ذوالفقار علي ڀٽي ڏانهن وڃي ٿو جنهن مون جهڙي نوجوان تي ڀروسو ڪيو. اسان ايٽم بم تي 1974ع ۾ ۽ ميزائل ٽيڪنالاجي تي ڪم بينظير ڀٽو جي دور ۾ شروع ڪيو ۽ گهٽ وسيلن جي باوجود ملڪ کي ايٽمي ۽ ميزال قوت بڻايو. هن چيو ته جنرل ضيا الحق ۽ پوءِ صدر غلام اسحاق خان کي لکت طور تي ٻڌايو ته اسان هفتي جي نوٽيس تي ايٽمي بم جو تجربو به ڪري سگهون ٿا جڏهن ته ڀارت ايٽمي ڌماڪي ڪيا ته حڪمرانن تي واضع ڪري ڇڏيو ته برابر جو جواب ڏيڻ ضروري آهي. هن وڌيڪ چيو ته ملڪ جي گهڻو ڪجهه ڪري پئي سگهيس پر حڪمرانن روڪي ڇڏيو، مون حڪومت کي سسٽي آٽو موبائيل انڊسٽري لڳائڻ جي آڇ ڪئي پر ان کي رد ڪيو ويو.

 

سپريم ڪورٽ جو فيصلو پاناما اسڪينڊل ۾ ملوث ماڻهن خلاف هجڻ گهرجي: سراج الحق

پشاور(ويب ڊيسڪ) جماعت اسلامي جي امير سراج الحق چيو آهي ته سپريم ڪورٽ جو فيصلو پاناما اسڪينڊل ۾ ملوث ماڻهن خلاف هجڻ گهرجي، حسين حقاني جي انڪشافن جي جاچ لاءِ ڪميشن جوڙي وڃي. پشاور ۾ ميڊيا سان ڳالهائيندي سراج الحق چيو ته ملڪ جي 5 کان 6 هزار اشرافيه کي هٿن ۾ هٿڪڙيون هڻي اڊياله جيل ۾ بند ڪرڻ گهرجي. هن چيو ته ملڪ کي جاگيردارن ۽ سرمائيدارن کان آزاد ڪرائڻ لاءِ عالمن کي ڪردار ادا ڪرڻو پوندو. سراج الحق وڌيڪ چيو ته حڪومت ٻڌائي مدرسن لاءِ بجيٽ ۾ ڪيتري رقم رکي وڃي ٿي، 40 سال گذرڻ باوجود حڪومت وياج خلاف قانون تي عمل ڪرائي نه سگهي آهي.