تازيون خبرون

Daily Archives: March 22, 2017

سوناڪشي سنا جي فلم نور 21 اپريل تي سئنيما گهرن جي زينت بڻجندي

ممبئي (شوبز نيوز)بالي ووڊ جي دبنگ گرل سوناڪشي سنا جلد پنهنجي مداحن کي صحافي جي روپ ۾ نظر ايندي پاڪستاني ليکڪ صبا امتياز جي مشهور ناول ڪراچي يو آر ڪلنگ مي تي ٻڌل بالي ووڊ جي نئين فلم نور جو آفيشل ٽريلر گذريل ڏينهن جاري ڪيو ويو 2014 ۾ شايع ٿيندڙ ناول ڪراچي يو آر ڪل مي جي ڪهاڻي هڪ عورت صحافي تي ٻڌل آهي سنيل سٽي جي هدايتڪاري ۾ ٺهندڙ ڊرامو فلم نور ۾ سوناڪشي سنا نور نالي صحافين جو مک ڪردار ادا ڪندي. جڏهن ته وڌيڪ ڪاسٽ ۾ فورب ڪوهلي ڪانان شيباني ۽ ٻيا شامل آهن. ياد رهي ته نئين ايندڙ فلم نور هلندڙ سال 21 اپريل تي نمائش لاءِ پيش ڪئي ويندي.

 

پابندي ختم، ماريا شيراپووا ايندڙ مهيني ٽينس ڪورٽ ۾ واپسي ڪندي

ماسڪو (اسپورٽس نيوز) روس جي گولڊ گرل ماريا شيراپووا ڊوپٽنگ ڪيس ۾ پابندي ختم ٿيڻ کان پوءِ ايندڙ مهيني ٽينس ڪورٽ ۾ واپسي ڪندي. رشين اسٽار 26 اپريل تي شيڊيول اسٽيٽ گيٽر وومينز ٽورنامينٽ سان ٻيهر انٽرنيشنل ڪيريئر جي شروعات ڪندي. شيراپووا گذريل سال جنوري ۾ ٿيل آسٽريلين اوپن ۾ آخري ڀيرو نظر آئي هئي. مارچ ۾ ڊوپنگ ٽيسٽ هاڪاري اچڻ کانپوءِ مٿس 2 سالن جي پابندي لڳائي وئي هئي. بعد ۾ هن پابندي خلاف اپيل ڪئي هئي ۽ سندس پابندي 9 مهينا گهٽ ڪري 15 مهينن جي ڪئي وئي هئي، جيڪا هلندڙ سال اپريل ۾ ختم ٿي ويندي.

 

اسپاٽ فڪسنگ ۾ ملوث رانديگر قوم جا ڏوهاري آهن انهن تي هميشه لاءِ پابندي لڳائڻ گهرجي: شاهد آفريدي

لاهور (اسپورٽس نيوز)پاڪستان ڪرڪيٽ ٽيم جي اڳوڻي ڪپتان شاهد آفريدي چيو اهي ته اسپاٽ فڪسنگ وڏو جرم آهي ان کي روڪڻ لاءِ ڏوهاري رانديگرن تي تاحيات پابندي هنئي وڃي سلمان بٽ 20 ڪروڙ عوام جو ڪپتان هو هن ڪروڙين پاڪستانين سان غداري ڪئي آهي هڪ انٽرويو ۾ شاهد آفريدي چيو ته اسپاٽ فڪسنگ تي 5 سالن جي سزا ڪافي نه آهي جيڪڏهن هڪ مثال ٺاهيو وڃي ها ته ڪوبه رانديگر اها حرڪت نه ڪري ها رانديگرن کان غلطي ٿي آهي ته ان رابطي جو ڇو نه ٻڌايو انهن ڇوڪرن سبب اسان تي اهڙي نظر رکي وڃي ٿي جيئن اسان سڀ قصوروار هجون 2010 کان پوءِ ڪرڪيٽ ٽيم جي جيڪا حالت ڪئي ويئي هئي ان کي سوچي به نٿو سگهجي اسپاٽ فڪسنگ سان پڙهائي جو تعلق نه پر گهر جي تعليم سڀ کان اهم هوندي آهي. والدين پنهنجي ٻارڙن جي تربيت جو صحيح طريقو اختيار ڪن.

 

خيرسگالي طور کليل طور خم سرحد ۽ دهشتگردي: صاحب خان ڀٽي

پاڪستان ۽ افغانستان وچ ۾ ڇڪتاڻ کانپوءِ طورخم کي اڻڄاتل مدي تائين بند ڪيو ويو آهي، جنهن کي گذريل ڏينهن 32 ڏينهن مڪمل ٿيڻ بعد وزيراعظم نوازشريف جي هدايتن تي ٻيهر کوليو ويو آهي، جنهن جي ڪجهه ڌريون واکاڻ به ڪري رهيون آهن پر افسوس ان ڳالهه جو ٿئي ٿو ته افغانستان سرحد وٽان دهشتگرد  پاڪستاني سڪيورٽي اهلڪارن جي چيڪ پوسٽن تي حملا ڪري رهيا آهن جنهن جي نتيجي ۾ هن وقت تائين ڪيترائي جوان شهيد ٿي چڪا آهن ۽ پاڪ فوج جي جوانن جي ڀرپور ڪارروائي سبب  ڪيترن ئي دهشتگردن کي ماريو به ويو  آهي پر ان باوجود افغانستان طرفان ڪا به اڳڀرائي نه ٿي سگهي آهي ۽ نه دهشتگردن جي ور چڙهيل ملڪ افغانستان پاڪستان کي اها ڪا خاص خاطري ڪرائي ته هو انهن دهشتگردن خلاف ڪارروائي ڪندو جيڪي سرحد وٽان پاڪستاني چيڪ پوسٽن تي حملا ڪري رهيا آهن، جيڪڏهن افغان صدر اشرف غني جي بيانن کي ڏٺو وڃي ته اهو هميشه پاڪستان خلاف ئي ڳالهائيندي رهيو آهي جيڪو پاڙيسري ملڪ کي به خوش ڪرڻ ۾ مصرف نظر اچي رهيو آهي، جنهن سبب اهو ڪڏهن به نه ٿو چئي سگهجي ته طورخم بارڊر کلڻ سان افغان صدر اشرف غني جو رويو پاڪستان لاءِ بهتر ٿي سگهندو، هتان جا حڪمران به اهي بيان ڏئي چڪا آهن ته افغان صدر اشرف غني ٻين جي هٿن ۾ کيڏي رهيو آهي پر ان باوجود هن نازڪ حالتن ۾ پاڪ افغان سرحد کولڻ سمجهه کان ٻاهر آهي،  ملڪ ۾ سيوهڻ شهر ۾ دهشتگردن آپگهاتي ڌماڪا ڪيا ۽ پي ايس ايل کي به ناڪام بڻائڻ لاءِ لاهور ۾ دهشتگرد ڪارروايون ڪيون ويون ، ايتري قدر جو پاڪ افغان سرحد تي سڪيورٽي چيڪ پوسٽن تي به حملا ڪيا ويا، ان هوندي به سرحد کي کولڻ  هڪ سواليه نشان بڻجي وڃي ٿو،

هڪ ته دهشتگرد تنظيمون هن ملڪ سرگرم نظر اچي رهيون آهن جن جون ڪهري ڪارروايون به جاري آهن، جيڪي دهشتگرد ملڪ اندر سڪيورٽي ادارن هٿان مري رهيا آهن انهن جو تعلق ڪهڙي نه ڪهڙي ريت افغانستان سان ئي ٻڌايو پيو وڃي، جيڪڏهن  اهڙي صورتحال ۾ خيرسگالي طور خم سرحد کي کوليو ويو آهي ته ان سان دهشتگردن جي ملڪ اندر پاڙو اڃا وڌيڪ مضبوط ٿي سگهن ٿيون، جيتوڻيڪ هن وقت طورخم بارڊر کي مهيني کان پوءِ کوليو ويو آهي ۽ اها دعويٰ به ڪئي پئي وڃي ته جيڪي ماڻهو ملڪ ۾ اچ وڃ ڪري رهيا آهن انهن کي قانوني گهرجون پوريون ڪرڻ بعد ڇڏيو وڃي ٿو پر ڪنهن جي مٿي ته لکيل نه هوندو آهي ته ڪير شريف آهي ۽ ڪير دهشتگرد آهي، هن وقت ملڪ ۾ عوام توڙي سڪيورٽي ادارا دهشتگردن جي نشاني اچي ويا آهن، جنهن سبب هر طرف خوف وارو ماحول آهي، وفاقي حڪومت ملڪ اندر ڪيترو امن ڪرائي سگهي آهي اهو سيوهڻ سانحي مان اندازو لڳائي سگهجي ٿو، اڳ دهشتگرد صرف ڪراچي ۽ ملڪ جي ٻين وڏن شهرن ۾ هوندا هئا پر هاڻ دهشتگردن ڪراچي کانپوءِ شڪارپور، جيڪب آباد ۽ سيوهڻ جو به رخ ڪيو آهي، جنهن سبب هن وقت تائين ڪيترائي معصوم ماڻهو شهيد ٿي چڪا آهن، وزيراعظم نوازشريف  پنهنجي جاري ڪيل بيان ۾ چيو آهي  ته پاڪ افغان طورخم سرحد کي خيرسگالي طور کوليو ويو آهي، جيڪڏهن طورخم سرحد کي نه کوليو وڃي ها ته اهو عوامي ۽ معاشي خلاف هجي ها، بهرحال ملڪ اندر دهشتگردي جي ناسور کي ختم ڪرڻ وفاقي حڪومت ۽ سڪيورٽي ادارن جي ذميواري آهي، جيڪڏهن وزيراعظم نوازشريف افغان صدر اشرف غني جي ڏنل بيانن تي هڪ نظر ثاني ڪري ها ۽ افغان سرحد کان سڪيورٽي ادارن تي ٿيل حملي شهيد ٿيل فوجي جوانن  جون قربانيون ڏسي ها ته شايد ان کي خيرسگالي  بابت سوچڻو نه پئي ها  ۽ اهڙا فيصلا  ڪرڻڻ کان اڳ ضرور سوچي ها،

هن وقت سڪيورٽي ادارا توڙي عوام دهشتگردي کي منهن ڏئي رهيا آهن، هڪ طرف پاڙيسري ملڪ ڀارت سرحد وٽ سيز فائر جي ڀڃڪڙي ڪري رهيو آهي ته مٿان وري افغان سرحد کان دهشتگرد پاڪستاني  سڪيورٽي ادارن جي چيڪ پوسٽن تي حملا به ڪري رهيا آهن، جنهن  بابت خبرون روز  اليڪٽرانڪ ميڊيا تي گردش ڪري رهيون آهن. جيتوڻيڪ  گهرو وزير چوڌري نثار علي خان به وڏيون وڏيون دعوائون ڪري رهيو آهي ته هنن دهشتگردن خلاف ڀرپور ڪارروائي ڪئي آهي جنهن سبب ملڪ ۾ دهشتگردي تي ضابطو اچي چڪو آهي ۽ هاڻ دهشتگردن جا نيٽ ورڪ سرحد پار آهن، جن جي سهولتڪارن ۽ مددگارن خلاف به ڪارروائي ڪئي وئي آهي، وفاقي گهرو وزير جي اهڙي بيان تي ڪنهن کي به حيريت نه ٿيندي ۽ نه ئي ان جي بيان کي ڪير غلط چوندو، ڇاڪاڻ ته سڪيورٽي ادارا دهشتگردن خلاف ڪارروائي ۾ مصروف آهن ۽ ضرب عضب کانپوءِ ردالفساد به آپريشن جاري آهي پر وفاقي حڪومت عوامي ڀلائي لاءِ هن وقت ڇا ڪيو آهي ان بابت وفاقي گهرو وزير ڪجهه به نه ٻڌايو ۽ اهو نه ٻڌايو ته سرحد پار کان جيڪي  دهشتگرد حملا ڪري رهيا آهن انهن خلاف افغانستان ڪهڙي ڪارروائي ڪري رهيو آهي، وفاقي گهرو وزير ته اڃا عوام کي اهو به نه  ٻڌائي سگهيو آهي ته نادرا جيڪي جعلي سڃاڻپ ڪارڊ ٺاهيا آهن انهن کي ڪيتري حد تائين بلاڪ ڪيو ويو آهي ۽ انهن خلاف ڪهڙي ڪارروائي ڪئي وئي آهي جيڪي اهڙيون حرڪتون ڪري رهيا آهن.  بهرحال وفاقي گهرو وزير  اهو ضرور چيو آهي ته 3 لک 44 هزار 597 شناختي ڪارڊ بلاڪ ڪيا ويا آهن هاڻ خبر ناهي ته اهي ڪارڊ افغانين جا ڪيا ويا آهن يا وري هتان جي مقامي ماڻهو کي اها سزا ڏني وئي آهي، ڇاڪاڻ ته گذريل ڪيتري ئي عرصي کان ملڪ اندر اهي دانهون ٿي رهيون آهن ته افغان شهرين کي جعلي سڃاڻپ ڪارڊ ٺاهي ڏنا پيا وڃن، جنهن جو انڪشاف پاڻ وفاقي گهرو وزير به ڪري چڪو آهي،

جيڪڏهن  حساس اداري نادرا ۾ به اهڙا ماڻهو ڀرتي ٿيل هجن جيڪي هن ملڪ ۾ پرڏيهين کي سڃاڻپ ڪارڊ ٺاهي ڏيندا هجن ته پوءِ آخر ڪهڙي ريت هي ملڪ دنيا ۾ ڳاٽ اوچو ڪري سگهندو، ڀلي کڻي وفاقي گهرو وزير اها دعويٰ ڪندو هجي ته ملڪ اندر  نادرا جا جعلي ڪارڊ بلاڪ ڪيا ويا هجن پر جيستائين افعان مهاجرن ۽ پرڏيهين جا سڃاڻپ ڪارڊ رد نٿا ڪيا وڃن  تيستائين ماڻهن ۾ پيدا ٿيل بيچيني ختم نه ٿي ٿي سگهي. وفاقي گهرو وزير جن بلاڪ ٿيل سڃاڻپ ڪارڊ بابت بيان ڏنو آهي، انهن مان 2 لک 17 هزار 7 پشتونن جا، 29 هزار 510 پنجابين جا، 8 هزار 426 بلوچن جا ۽ 7 هزار 37 سنڌين جا ڪارڊ بلاڪ شامل آهن، ايتري قدر جو انهن ۾ 6 هزار 952 ڪارڊ پرڏيهين جا به شامل آهن.جيڪڏهن ڏٺو وڃي ته وزيراعظم طرفان طورخم سرحد کي کولڻ سان ڪنهن کي به اعتراض نه آهي پر گهٽ ۾ گهٽ افغانستان کي ايترو ته مجبور ڪيو وڃي ته جيڪي دهستگرد تنظيمون افغانستان ۾ موجود آهن ۽ اهي پاڪستان ۾ ڪارروايون  ڪري رهيون آهن انهن خلاف ڪاررائي ڪري، جيڪڏهن افغانستان حڪومت به سرحد تي سڪيورٽي سخت ڪري ته شايد دهشتگرد پاڪستان اندر داخل ئي نه ٿي سگهن پر افسوس جو نه ته افغانستان سرحد وٽ دهشتگردن خلاف ڪارروائي ڪي رهيو آهي ۽ نه ئي وري افغانستان ۾ موجود عالمي ادارا انهن دهشتگرد تنظيمن کي چٿڻ لاءِ ڪارروايون ڪري رهيا آهن.بهرحال هاڻ طورخم سرحد کلي چڪي آهي، جتي سڪيورٽي جا انتظام سخت کان سخت ڪرڻ جي ضرورت آهي، جيڪي به ماڻهو اچ وڃ ڪري رهيا آهن انهن تي به ڪڙي نظر رکڻ جي ضرورت آهي ته جئين دهشتگردن کي هن ملڪ ۾ داخل ٿيڻ کان روڪي سگهجي ته جئين ڪو ٻيو خاندان دهشتگردن جي سبب اجڙي نه وڃي.

sahibalisindhi@gmail.com

 

 

موسم جي تبديلي ۽ حڪمت جا رنگ: تحرير. شير محمد سولنگي (اچيورس)

سيءُ هجي يا گرمي هر موسم ۾ ناريل جو تيل وارن لاءِ استعمال ڪيو ويندو آهي پر جيڪڏهن صحيح طريقي سان ان جو استعمال ڪيو وڃي ته خشڪي جو يقيني خاتمو ممڪن آهي. وار ڪرڻ ۽ خشڪي کان ڇوٽڪارو ڏيارڻ لاءِ ناريل جو تيل استعمال ڪرڻ جو صحيح طريقوڏنو هيٺ وڃي ٿو: وار ڪِرڻ جو علاج: ناريل جو تيل هلڪو گرم ڪريو ۽ پنهنجي وارن کي هلڪي گرم پاڻي سان پسايو پر پاڻي وارن ۾ ڇڻي نه. 3 منٽ تائين وارن جي پاڙن ۾ ناريل جي  تيل سان مالش ڪريو ۽ پوءِ پنهنجي مٿي کي ڪنهن ڪپڙي سان ڍڪي ڇڏيو پوءِ وارن کي 30 منٽن تائين ڇڏي ڏيو ان کان پوءِ وارن کي ڪنهن سٺي شيمپو سان ڌووئو جنهن ۾ سلفيٽ ۽ ڪنڊيشنز نه هجي ان عمل سان توهان جا وار ڪرڻ به بند ٿيندا آهي ۽ خشڪي به ختم ٿي ويندي.خراب وارن کي صحت مند ڪرڻ لاءِ ناريل جو تيل: وارن کي صحت مند رکڻ ۽ وڏو ڪرڻ لاءِ هڪ چمچو چانهه جو ناريل جو تيل هڪ پيالي پاڻي ۾ ملايو ۽ پوءِ ان کي هلڪي باهه تي ايترو گرم ڪريو ته پاڻي ۽ ناريل جو تيل ملي وڃي. آسٽريلوي ماهرن ثابت ڪيو آهي ته نيوزيلينڊ جي انوڪا ماکي هرقسم جي جراثيمن (بيڪٽريا) کي ماري سگهي ٿي ۽ ان ۾ اهڙا بيڪٽريا شامل آهن جيڪي ڪنهن به اينٽي بايوٽڪ دوا سان ختم ناهن ٿيندا. ماهرن پاران جاري ڪيل رپورٽ ۾ چيو آهي ته انوڪا ماکي ۾ قدرتي طور تي جراثيم کي مارڻ جي صلاحيت موجود هوندي آهي جيڪا”ايم آر ايس اي“ جهڙي خطرناڪ جراثيمن کي به آساني سان ماري سگهي ٿي. پنهنجي مزاحمت تحت بيڪٽريا هن وقت عالمي طب جي اهم ترين ۾ مسئلن ۾ شامل ٿي چڪا آهن ۽ انوڪا ماکي ان جراثيمن کي آساني سان ماري ڇڏيندي آهي. ماهرن جو وڌيڪ چوڻ آهي ته هن ۾ اهڙي (اينزائمز) جي نالي سان خامي موجود هوندي آهي جيڪا جراثيمون کي مارڻ ۾ اهم ڪردار اداڪندي آهن.

جيرو اسان جي جسم جو اهم ترين عضوو آهي جنهن کي“ويئر هائوس“چوندا آهن ۽ ان عضوي کي توهان ڪشمش جي پاڻي سان وڌيڪ محفوظ ڪري سگهو ٿا. ماهرن جو چوڻ آهي ته جيري جو خيال نه رکڻ جي صورت ۾ اهو ڪمزور ٿي ويندو آهي جنهن جو نتيجو هي نڪرندو آهي ته ننڍيون بيماريون خطرناڪ ٿي وينديون آهن. جڏهن ته جيري کي مضبوط ڪرڻ لاءِ روس ۾ صدين کان ڪشمش جو پاڻي استعمال ڪيو ويندو آهي جنهن مان هاڻ به ڪروڙين ماڻهو فائدو وٺي رهيا آهن. ڪشمش جو پاڻي نه رڳو جيري کي خراب مادن کان بچائيندو آهي پر ان جي قدرتي صلاحتيون کي بهتر ڪندو آهي جنهن جو اثر اسان جي پوري جسم تي پوندو آهي. ڪشمش جو پاڻي تيار ڪرڻ جو اسان طريقو هي آهي ته سڀ کان پهريان اڌ پيالو پاڻي ۽ تقريبن 170گرام ڪشمش کي اوتري ئي هلڪي گرم پاڻي ۾ وجهي 15 منٽ لاءِ ڇڏي ڏيو جنهن کان پوءِ ان کي سادي پاڻي سان ڌوئي ڇڏيو. هاڻي ٿورو پاڻي صحيح طرح سان اُوٻاري ان کي ٿڌو ڪيو ۽ صرف ايتري مقدار ڪشمش واري پيالي ۾ وجهو جنهن ۾ ڪشمش سٺي نموني ٻڏي وڃي. ان کي 24 ڪلاڪن لاءِ ڪنهن شئي سان ڍڪي رکي ڇڏيو. ان کي استعمال ڪرڻ لاءِ 24 ڪلاڪ گذري وڃڻ کان پوءِ ان پاڻي کي کلن کان الڳ ڪريو ۽ پوءِ اهو پاڻي خالي پيٽ پي ڇڏيو  ۽ ان سان گڏ هي ڪشمش به کائي ڇڏيو، توهان هن عمل کي هفتي ۾ هڪ ڀيرو ۽ رڳو چار هفتا جاري رکو ان کان پوءِ توهان کي پاڻ فرق محسوس ٿجيڪڏهن توهان جا وار اڇا آهن ته پريشان ٿيڻ جي ڳالهه ناهي توهان پنهنجا وار پٽاٽن سان ڪارا ڪري سگهو ٿا. وارن کي ڪارو ڪرڻ لاءِ پٽاٽن جو استعمال ڪئين ڪجي، پهريان توهان 5 عدد پٽاٽن کي ڇليو ۽ پوءِ  انهن جي کلن کي هڪ پيالي ۾ گڏ ڪري پوءِ  انهن کلن ۾ ٿورو ٿڌو پاڻي ملايو. ان کان پوءِ  انهن کلن کي هلڪي باهه تي 5 منٽن تائين گرم ڪيو ۽ ڪجهه دير کان پوءِ ان پاڻي کي کلن ڌار ڪريو ۽ ان پاڻي ۾ روزميري ۽ ليونڊر جي تيل جا ڪجهه ڦڙا ملائيو ۽  ان پاڻي کي ڪنهن بوتل ۾ وجهي ان جو ڍڪڻ بند ڪري ڇڏيو، ۽ پوءِ وار شيمپو سان ڌوئڻ کان پوءِ ان تيل سان پنهنجن وارن ڌوئو ۽ ان عمل کي ڪجهه عرصي تائين جاري رکو ان سان توهان جا وار پاڻ ئي ڪارا ٿيڻ شروع ٿي ويندا. سياري جي موسم ايندي ئي هر هنڌ سرنهن جا پَنَ نظر ايندا آهن، جيڪي ماڻهو انهن جي اهميت ڄاڻن ٿا، اهي سڄو سيارو انهن مان فائدو وٺندا آهن. سرنهن جو ٻِج، تيل ۽ پَنَ نه رڳو مختلف بيمارين ۽ تڪليفن، جهڙوڪ: چرٻيءَ ۾ واڌ، سنڌن جي سُور، هوڙن جي سوڄ ۽ ڏندن جي سور ۾ آرام ڏيندا آهن پر سُونهن ۾ پڻ اضافو ڪندا آهن.

1: چهري جا چُٽا  :سرنهن جا پَنَ پيسي جسم تي مَلڻ سان مير، ڪارنهن ۽ چهري جا چُٽا صاف ٿين ٿا. توهان سرنهن کي ابٽن ۾ به شامل ڪري سگهو ٿا، جنهن سان چهرو صاف ٿي پوي ٿو.

2: خارش سان ٿيندڙ نشان ؛ سرنهن جي پَنَن ۾ جيوڙن جي خاتمي (اينٽي بيڪٽيريل) جون خاصيتون به هونديون آهن. خارش جا نشان ختم ڪرڻ لاءِ سرنهن جي پَنَن کي پيسي ان جاءِ تي لڳايو ۽ ڪجهه منٽن کانپوءِ گرم پاڻي سان ڌوئي ڇڏيو، جيڪڏهن نشان رهجي وڃن ته سرنهن جو پيسٽ استعمال ڪيو.

3: موهيڙا ؛ سرنهن ۾ وٽامن اي گهڻي مقدار ۾ هوندي آهي، جيڪا سڻڀ کي روڪي ٿي، جنهن سان موهيڙا ناهن ٿيندا. پَنَن ۾ موجود وٽامن چهري جي ٽشوز کي مضبوط بڻائي ٿي. موهيڙا ختم ڪرڻ لاءِ سرنهن جي پَنَن جو جوس ٺاهي به پي سگهجي ٿو ۽ ماسڪ ٺاهي به چهري تي لڳائي سگهجي ٿو.

 

4: رنگ صاف ؛ سرنهن جي ٻِجن کي تَئي تي ڀُڃي پيسي ڇڏيو. انهن ۾ سرنهن جي پَنَن جي رَس ملائي پيسٽ ٺاهي چهري تي لڳايو ۽ هٿ سان هلڪو مساج ڪيو، پوءِ هلڪي گرم پاڻي سان مُنهن ڌوئي ڇڏيو. اهو عمل توهان جي چهري کي چمڪائي ڇڏيندو. اڪثر ڪيترن ئي ماڻهن جي چهري تي موهيڙا ٿيندا آهن، جنهن ڪري هو تمام گهڻا پريشان نظر ايندا آهن. ڪجهه ماڻهو اهڙا به هوندا آهن جيڪي انهن موهيڙن کي نظر انداز ڪري ڇڏيندا آهن ۽ ڪي وري  انهن موهيڙن مان پريشان ٿي هو ڊاڪٽرن جو سهارو وٺڻ لڳندا آهن، ڪيترائي پئسا خرچ ڪرڻ باوجود سندن ڪو فرق ناهي پوندو جنهن ڪري هو تمام گهڻا پريشان ٿي ذهني دٻاءُ جا شڪار بڻجي ويندا آهن، موهيڙن مان پريشان ماڻهو ڊاڪٽرن سان صلاح مشهورو ڪرڻ باوجود کاڌ خوراڪ تي ڪو ڪنٽرو ناهن ڪندا جنهن ڪري سندن چهري تي موهيڙن جو انگ وڌي ويندو آهي، جيڪڏهن اوهان کي ان موهيڙن مان ڇوٽڪارو کپي ته اسان اوهان کي ڪجهه اهڙيون شيون ٻڌائينداسين جنهن تي ڪنٽرو ڪرڻ سان اوهان ان موهيڙن مان آزاد ٿي سگهو ٿا.

(1) ان صورت ۾ بيضن جو استعمال نه ڪيو، (2) گوشت جو استعمال اوهان کي ان ۾ وڌيڪ مبتلا ڪري سگهي ٿو، (3) ڳاڙن مرچن کان پرهيز ڪيو، (4) موهيڙن کان ڇٽڪاري لاءِ گرم مصالي جو استعمال نه ڪيو. قدرتي هر شي ۾ انسانذات لاءِ سموريون گھرجون سمايل آهن جيڪي روزانو  گھني کان گھڻيون استعمال ڪرڻ گھرجن .

 

وفاقي گهرو وزير جي وضاحت….!

اڳوڻو صدر ۽ وزير به ڪالعدم تنظيمن جي اڳواڻن سان ملندا هئا پر ان وقت ڪنهن ٻڙڪ ٻاهر نه ڪڍي، مونتي اتفاقي ملاقات تي اجائي تنقيد ڪئي وڃي ٿي، دهشتگردي جا نيٽ ورڪ هاڻي سرحد پار آهن، انهن جي سهولتڪارن ۽ مددگارن خلاف به ڪارروائي ڪئي وئي آهي ۽ هزارين ماڻهن کي گرفتار ڪيو ويو آهي انهن جي خلاف ڪيس داخل ڪيا ويا آهن، فرقيواراڻي سرگرمين ۾ ملوث ڪالعدم تنظيمن جي پيروڪارن ۽ ڪارڪنن خلاف ڪارروائي نٿا ڪري سگهون ان لاءِ قانونسازي جي ضرورت آهي، سيڪيورٽي جي مسئلي تي سياست نه هجڻ گهرجي، صوبائي حڪومتن تي ڪڏهن به تنقيد ناهي ڪئي، سينيٽ جي اجلاس ۾ سينيٽر سحر ڪامران ۽ ٻين ميمبرن جي رٿ تي بحث سهيڙيندي گهرو وزير چوڌري نثار چيو ته هن ايوان ۾ ڏنل منهنجي گذريل بيان کانپوءِ هن بيان کي ايوان جي ٻاهر نيون نيون معنائون ڏنيون ويون، جنهن ڏينهن مون هي بيان ڏنو هو بهتر هو انهي ڏينهن وضاحت گهري وٺن ها، آئون سينيٽ چيئرمين کي چوان ٿو ته اسان کي حقيقتن ۽ دليلن سان گڏوگڏ سچ ڳالهائڻ گهرجي، ايوان ۾ جيڪا ڳالهه ٿئي ان جو ايوان ۾ جواب اچڻ گهرجي، پنهنجي بيان جي وضاحت ڪرڻ چاهيان ٿو ان جي لاءِ پاڻ ايوان ۾ آيو آهيان. منهنجي اڳوڻي بيان جي ڪاپي هن ايوان ۾ ورهائي وڃي جيڪڏهن مون هي چيو آهي ته دهشتگردن سان نرمي ڪئي وڃي ته آئون جوابده آهيان، مون ڪنهن کي گهٽ دهشتگرد ناهي چيو، انهن سينيٽرن جو ٿورو ادا ڪريان ٿو جنهن هوش ۽ حقيقتن سان دليلن سان ڳالهه ڪئي، اڄ اسان ڪالعدم تنظيمن جي باري ۾ ٻنهي ايوانن ۾ ڳالهه ڪندا آهيون، ان معاملي تي ميڊيا ۾ به ڳالهه ٿيندي آهي، مون ٻنهي ايوانن ۾ کلي ڪري چيو ته سيڪيورٽي گڏيل ذميداري آهي، ڪراچي جي صورتحال جي حوالي سان 28 آگسٽ 2013ع جي اخبار ڪڍي وٺو، ڊاڪٽر فاروق ستار ڪهڙو مطالبو ڪيو، ان کانپوءِ مون سنڌ جي وڏي وزير کي ڪپتان چيو، رينجرز هيڊڪوارٽر، گورنر، سينئر سياسي اڳواڻن ۽ وڏي وزير سميت سڀني سان ملاقاتون ڪيون، مون سي ايم کي چيو ته هي صوبائي مسئلو آهي، سڀ ڪريڊٽ توهان جو آهي، توهان صورتحال کي بهتر ڪريو، مون سدائين چيو آهي ته شيئرڊ ريسپانسيبلٽي آهي، قائم علي شاهه تي تمام گهڻو دٻاءُ هو پر هن عمده ڪم ڪيو، فيصلو وفاقي حڪومت ڪيو، گهرو وزارت جو بنيادي ڪردار هو پر فوج پاڪستان، سول آرمڊ فورسز، انٽيلي جنس ايجنسيون، عوام، پوليس ۽ صوبائي حڪومتون سڀ گڏ نه هجن ها ته صورتحال بهتر نه ٿئي ها، پنج کان 6 ڌماڪا روزانو ٿيندا هئا، ڌماڪو نه ٿيڻ وڏي خبر هوندي آهي، هاڻي مهينن، هفتن ۾ ڌماڪا نٿا ٿين، شمالي وزيرستان مان دهشتگرد حملا ٿيندا هئا، ڇو ڪنهن ڪارروائي نه ڪئي، دهشتگردي جا نيٽ ورڪ هاڻي سرحد پار آهن، انهن جي سهولتڪارن ۽ هيلپرز جي خلاف به ڪارروائي ٿيڻ گهرجي، هزارين کي پڪڙيو ويو، ڪيترن جي خلاف ڪيس ٺاهيا، ڪيترن تي اسان جي نظر آهي، سيڪيورٽي جي صورتحال ۾ بهتري آئي آهي، ڪنهن دهشتگرد تنظيم کي پاڪستان ۾ ڪم ڪرڻ جي اجازت نه آهي، جيڪو به دهشتگردي ۾ ملوث آهي ان کي پڪڙيو ويندو يا ختم ڪيو ويندو.  ڪنهن دهشتگرد تنظيم جو هيڊڪوارٽر هاڻي پاڪستان ۾ نه آهي، پهرين اتر وزيرستان ۾ انهن جا هيڊڪوارٽرز هئا، فرقيواراڻي سرگرمي ۾ ملوث تنظيمن جا اڳواڻن ڪالعدم ٿي وڃن ٿا ته هو به اهڙي طرح ڪيس ڀوڳيندا جهڙي طرح دهشٽگرد پر انهن جي ورڪرز ۽ پيروڪارن جن تي الزام ناهي هوندو انهن جي خلاف ڪارروائي جي لاءِ قانون نه آهي ڇو ته هو دهشتگردي ۾ ملوث ناهن هوندا. هتي چيو ويو آهي ته پارٽين سان ملان ٿو جنهن سان آئون مليو اهي جي يو آئي (ف)، جي يو آءِ (س) ۽ جماعت اسلامي جي اڳواڻن سان گڏ آيا، اڳوڻي حڪومتن جي وزيرن سان جڏهن هو ملندا رهيا تڏهن گوڙ نه ٿيو. ان وقت جي صدر سان به هڪ صاحب مليو ان جون تصويرن به موجود آهن تڏهن ته ڪنهن ڳالهه نه ڪئي، هڪ صاحب قومي اسيمبلي جي چونڊ وڙهيو تڏهن ڪنهن ڪارروائي نه ڪئي، هو پي ايم ايل (ن) جو اميدوار کان هارائي ويو، ان کانپوءِ اسان جي اميدوار کي ڊي سيٽ ڪيو ويو تڏهن ته ڪير نه ڳالهايو. سپريم ڪورٽ، هاءِ ڪورٽس ۾ هو ڦرندو رهيو تڏهن به جيڪڏهن هي گوڙ ڪن ها ته مون کي سٺو لڳي ها، هڪ غير ارادي ملاقات ۾ جيڪڏهن هو اچي ويا ۽ خاموش ويٺا رهيا ان تي شور ڪيو ويو.