تازيون خبرون

Daily Archives: March 21, 2017

هديڪا ڪياني سڄي دنيا ۾ ملڪ جا ثقافتي رنگ متعارف ڪرائڻ لاءِ سرگرم ٿي وئي

ڪراچي (شوبز نيوز) هديڪا ڪياني سڄي دني ۾ ملڪ جا ثقافتي رنگ متعارف ڪرائڻ ۾ مصروف آهي هن پهريون ڀيرو 8 ٽريڪ تي صوفياڻي ثقافتي رنگن کي رڪارڊ ڪري پنهنجي سريلي آواز کي وجد جي عنوان سان پيش ڪيو ان ۾ بطور گٽار پهريون ڀيرو هديڪا ڪياني پرفارم ڪيو آهي آڊيو سان گڏ وڊيو البم تيار ڪري هن پنجابي سرائڪي سنڌي بلوچي ۽ پشتو زبان ۾ گاني جا رنگ پيش ڪيا بلوچي ثقافتي روحاني ۽ صوفياڻي رنگ کي تصويري انداز ۾ فلمايو ويو جنهن جو پروڊيوسر عرفان ڪياني ۽ هدايتڪار عبدالله حارث آهن ان حوالي سان حديڪا ڪياني چيو ته وجد آڊيو البم ئي نه پر هڪ ميوزيڪل موسيقي جو سفر اهي جنهن جو مقصد گم ٿيل روايت کي اجاگر ڪري آزادي سان مشرق جي ماڻهو روايتن جي ذميواري قبول ڪرڻ آهي ان جو اڃا هڪ رنگ پيش ڪيو آهي پارٽ ٽو به تيار ڪيو ويندو.

 

شاهه رخ خان جو صحتمند زندگي گذارڻ ۽ ٻارڙن لاءِ تماڪ ۽ شراب ڇڏڻ جو فيصلو

ممبئي (شوبز نيوز) بالي ووڊ جي اسٽار شاهه رخ خان چيو آهي ته ايندڙ 20 کان 25 سال پنهنجي ٻارڙن سان گذرڻ ۽ صحتمند زندگي گذارڻ چاهيان ٿو ٻارڙن جي خاطر مان تماڪ ۽ شراب ڇڏڻ جي منصوبا بندي ڪري رهيو آهيان رپورٽ موجب شاهه رخ خان پنهنجي ٻارڙن کي تمام گهڻو چاهي ٿو ۽ پنهنجي ٻارڙن جي خاطر شراب ۽ تماڪ ڇڏڻ جو فيصلو ڪيو آهي رپورٽ موجب هڪ تقريب دوران شاهه رخ خان انڪشاف ڪيو ته هو پنهنجي ٻارڙن سان وڌيڪ وقت گذارڻ ۽ صحتمند زندگي گذارڻ لاءِ شراب ۽ تماڪ کي ڇڏڻ جي منصوبا بندي ڪري رهيو آهي. هن چيو ته 50 سالن جي عمر ۾ چئن سالن جي پٽ ابراهيم جي موجود هڪ سٺي شئي آهي جنهن مون کي ٻيهر کان زنده ڪيو آهي. شاهه رخ خان جي والدين جو لاڏاڻو ان وقت ٿيو هو جڏهن ان جي عمر 15 سال هئي مان نٿو چاهيان ته منهنجو ٻارڙا اهڙو سوچين ته مان انهن سان گڏ نه آهيان.

 

ويسٽ انڊيز ۽ پاڪستان ۾ 4 ٽي-20 ڪرڪيٽ جي مئچن جي سيريز جي پهرين مئچ 26 مارچ تي کيڏي ويندي

بارباڊوس (اسپورٽس نيوز)ويسٽ انڊيز ۽ پاڪستان جي ڪرڪيٽ ٽيمن ۾ 4 ٽي-20 مئچن تي ٻڌل سيريز جي پهرين مئچ 26 مارچ تي بارباڊوز جي هنڌ تي کيڏي ويندي قومي ڪرڪيٽ ٽيم ويسٽ انڊيز جي دوري دوران 4 ٽي-20 3 ون ڊي ٽي ٽيسٽ مئچن جي سيريز کيڏندي ٽي-20 سيريز جي ٻي مئچ 30 مارچ تي پورٽ آف اسپين ٽرينيڊاڊ جي هنڌ تي کيڏي ويندي ٽين مئچ پهرين اپريل تي ساڳي ئي هنڌ تي کيڏي ويندي ۽ چوٿين مئچ 2 اپريل تي کيڏي ويندي. ٻنهي ٽيمن ۾ ون ڊي سيريز مئچ 7 اپريل تي کيڏي ويندي ٻي ون ڊي مئچ 9 اپريل تي گيانا ۾ کيڏي ويندي جڏهن ته ٽين ۽ آخري مئچ 11 اپريل تي ساڳئي ئي هنڌ تي کيڏي ويندي. ٽن ٽيسٽ مئچن جي سيريز جي پهرين مئچ 22 اپريل تي جميڪا ۾ شروع ٿيندي ٻي ٽيسٽ مئچ 30 اپريل ٽين ۽ آخري ٽيسٽ مئچ 10 مئي کان ڊومينڪا ۾ شروع ٿيندي. ويسٽ انڊيز جي لاءِ ٽي-20 ۽ ون ڊي ٽيمن جي ڪپتاني سرفراز احمد ڪندو. جڏهن ته ٽيسٽ جي ٽيم جو اعلان بعد ۾ ڪيو ويندو جنهن جي ڪپتاني مصباح الحق ڪندو ويسٽ انڊيز جو دورو ڪندڙ 15 رڪني ٽي-20 ٽيم ۾ احمد شهزاد ڪامران اڪمل محمد حفيظ بابر اعظم شعيب ملڪ فخرالزمان سرفراز احمد عماد وسيم شهداد خان محمد نواز حسن علي سهيل تنوير وهاب رياض رومان رئيس ۽ عثمان خان شامل آهن.

 

 پي ايس ايل اسپاٽ فڪسنگ ۾ مطعل رانديگرن جا نالا اي سي ايل ۾ وجهڻ جي منظوري

اسلام آباد(اسپورٽس نيوز) وفاقي گهرو وزير چوڌري نثار علي خان پاڪستان سپر ليگ اسپاٽ فڪسنگ اسڪينڊل ۾ معطل رانديگرن جو نالو ايگزٽ ڪنٽرول لسٽ ۾ وجهڻ جي منظوري ڏئي ڇڏي آهي. وفاقي گهرو وزير چوڌري نثار علي خان جي صدارت هيٺ اجلاس ٿيو. اجلاس ۾ پنجن رانديگرن خالد لطيف، شرجيل خان، محمد عرفان، شاهه زيب حسن ۽ ناصر جمشيد جو نالو اي سي ايل ۾ وجهڻ جي منظوري ڏني وئي آهي. چوڌري نثار چيو ته اسپاٽ فڪسنگ اسڪينڊل جي جاچ جي لاءِ جيڪي به قدم کڻڻا پيا اهي کڻنداسين. هن وڌيڪ چيو ته اسپاٽ فڪسنگ اسڪينڊل جي هر رخ کان شفاف، غير جانبدار جاچ ڪئي ويندي.

 

سفر زندگي جو ويو آ اجھامي: تحرير     ربنواز راز ڄامڙو

سفر زندگي جو ويو آ اجھامي لکڻ جو مون کي تڏهن خيال آيو يا شوق پيدا ٿيو  جڏهن منهنجو من مايوسي ۾ وٺجي ويو هو اهو تڏهن جڏهن مان لطيف يونيورسٽي ۾ ايم فل ۾ داخلا لاءِ ڏنل ٽيسٽ فيل پيس پوءِ ئي مون کي اهو احساس ٿيو  ته مونکي سنڌي ادب سان لڳاءُ هجڻ باوجود ڪجھ ڪونه ٿو اچي ته مان ڪيئن سنڌي شعبي ۾ ليڪچرار ،  پروفيسر يا ڊاڪٽر ٿيندس . اهڙي نموني مان ڪجھ ڪتابن جو مطالٿو ڪرڻ شروع ڪيو هي مختصر پورهيو سهيڙي پنهنجي نوجوان نسل لاءِ راھ هموار ڪئي آهي ڪيترو به ڪو ڪاريگر پنهنجي فن سان تصوير جوڙيندو آهي پر ان ۾ ڏسڻ واري کي ڪافي خاميون نظر اينديون آهن اهڙي نموني جڏهن پڙهندڙ منهنجي هن ڪالم کي باريڪ بيني سان پڙهندا تهکين ڪافي ساريون اوڻايون نظر اينديون انهن جي نشاندهي ڪري هن منهنجي اڻپوري ڪم کي مڪمل ڪرڻ ۾ مدد ڪندا ته اوهانجون نوازشون ٿينديون .  الھبچايو يارمحمد سمي جو جنم1912ع ۾  ٿيو ۽ 1958ع ۾ وفات ڪئي .  شاھ عبدالطيف ڀٽائي جو جنم 1689ع ۾ حافظ عبدالله بسمل جو جنم 1863ع ۾ ٿيو وفات 1950 ۾ ٿي . شاعر صاحبڏنو بکري 1815ع ۾ وفات ڪئي شاعر پير حسن ڪبير 1443ع ۾ وفات ڪئي شاعر وفا پلي جو جنم 1944ع ۾ ٿيو . محمد عثمان ڏيپلائي جو جنم 1908ع ۾ ٿيو شاعر اشرف شاھ جي وفات 1860ع ۾ ٿي . آخوند نوح هالائي جو جنم 911 هجري ۾ آخوند عزيز الله جو جنم 1746ع ۾ 13 رمضان 1240هجري ۾ وصال ڪيو .ميرعبدالحسين خان سانگي 1851ع ۾ ڄائو ۽ 12 جون 1924 ۾ وفات ڪئي .

بيدل سائين 12 مارچ 1814ع ۾ روهڙي ۾ ڄائو 15 مئي 1872ع تي راھ رباني ورتائون . شاعر ڀائي خان چين راءِ المعروف سامي 1743ع ۾ هاٿي در شڪار پور ۾ جنم ورتو هڪ اندازي موجب 1849ع ۾ لاڏاڻو ڪري ويو. مرزا قليچ بيگ 8 آڪٽومبر1853ع  ۾ جنم ورتو ۽ 1929ع ۾ وفات ڪري ويو . ميان سرفراز خان عباسي 1751ع ۾ حيدر آباد ۾ ڄائو قيد جي حالت ۾ 1777ع ۾ قتل ڪيو ويو . مير علي شير ناقع 28 جون 1727ع ۾ پيدا ٿيو. سيد ثابت علي شاھ 8 نومبر 1740ع ۾ پيدا ٿيو ۽ 19 ڊسمبر 1810ع ۾ رحلت ڪئي . خليفو گل محمد هلائي پهرين اپريل 1774ع تي جنم ورتو ۽ 1856ع ۾ رب پاڪ کي پيارو ٿي ويو. مخدوم ابو الحسن ٺٽوي 1661ع ۾ پيدا ٿيو ۽ 1751ع ۾ گذاري ويو مخدوم ضياءُ الدين 1688ع ڌاري جنم ورتو ۽ 1757ع تي انتقال ڪري ويو . مخدوم عبدالرئوف ڀٽي 1682ع ۾ پراڻن هالن ۾ تولد ٿيو ۽ 1752 ع ۾ رحلت ڪيائين .

مخدوم هاشم ٺٽوي 1713ع ۾ ڄائو ۽  12 فيبر وري 1774ع ۾ وفات ڪري ويو . حمل فقير جي جو جنم ڏڻ 1800ع آهي ۽ وفات 1878ع ۾ ٿي . مشهور شاعر فتاح ملڪ 1939ع ۾ ڄائو . ليکڪ لال چند امر ڏنو جڳتياڻي جو جنم 1885ع ۾ ٿيو۽ وفات 1954ع ۾ وفات ڪئي . حافظ حامد ٽکڙيائي جو جنم 1832ع ۾ ٿيو . صوفي شاعر غلام علي “ مسرور ”  شڪارپوري 1893ع ۾ پيدا ٿيو ۽ 1953ع ۾ فوت ٿي ويو. شاعر نارائڻ شيام جو جنم 1920ع ۾ ٿيو . شاعر تنوير عباسي 1934ع ۾ پيدا ٿيو۽ 1999ع ۾ لاڏاڻو ڪري ويو . شاعر مير حسن علي خان 1909 ۾ وفات ڪئي . علامه آءِ آءِ قاضي جو جنم 1886ع ۾ ٿيو شاعر پير علي گوهر “ اصغر ” 1816ع ۾ ڄائو 1847ع ۾ وفات ڪري ويوشاعر اسد الله شاھ فدا 1946ع ۾ وفات ڪئي شاعر نواز علي جعفري 1959ع ۾ گذاري ويو . محمد بخش واصف 1892ع ۾ ڄائو.  شاعر ابراهيم منشي جي پيدائش 1934 ۾ ٿي . شاعر مراد علي ڪاظم جي وفات 1953ع ۾  ٿي حيدر بخش جتوئي جو جنم 1901ع ۾ ٿيو . محمد عثمان ڏيپلائي 1908ع ۾ پيدا ٿيو . شاعر محمد خان غني 1979ع ۾ وفات ڪئي . شاعر  محمد هاشم مخلص 1860ع ۾ ڄائو . مير علي نواز ناز 1935ع ۾ وفات ڪئي شاھ عنايت شهيد 1718ع ۾ شهيد ٿيو . حفيظ شيخ 1971ع ۾ گذاري ويو. شاعر اميد علي شاھ 1864ع ۾ فوت ٿيو . شاعر غلام احمد نظاماڻي جو جنم 1895ع ۾ ٿيو . مصري شاھ جو جنم 1828ع ۾ ٿيو . مخدوم طالب المولا 1919ع ۾ ڄائو . ڊاڪٽر هوت چند گربخشاڻي 8 مارچ 1884ع ۾ پيدا ٿيو ۽ 11 فيبروري 1947ع ۾ ٿي . حڪيم فتح محمد سيوهاڻي جو جنم 1882ع ۾ ٿيو ۽ 1946 ۾ وفات ڪيائين . شيخ عبدلرزاق راز 29 جنوري 1919 ۾ پيدا ٿيو شمس العلماءُ عمر الدين دائود پوٽو 1897ع ۾ ٽلٽي ۾ پيدا ٿيو ۽ 22 نومبر 1957ع ۾ وفات ڪئي عبدلقيوم صائب 27 جولا۽ 1927 تي حيدر آباد ۾ جنم ورتو ۽  .قاضي قاضن جي پيدائش 1484ع ۾ ڄائو ۽ 1551ع ۾ وفات ڪري ويو . شاھ عنايت الله رضوي 1624ع ۾ ڄائو ۽ 1714ع ۾ وفات ڪري ويو . مخدوم عبدالرحيم گروهڙي 1739ع ۾ جنم ورتو ۽ 1192ع ۾ شهيد ٿيو . سچل سرمست 1739ع ۾ ڄائو۽ 1829ع ۾ وفات ڪري ويو . شاھ عبدلڪريم 1536ع ۾ پيدا ٿيو ۽ 1621ع ۾ لاڏاڻو ڪري ويو. پروفيسر ڪريم بخش چنه 1916ع ۾ پيدا ٿيو . فقير خير محمد هيسباڻي جي وفات 1871ع ۾ ٿي . جمع خان غريب جوجنم 1885ع ۾ ٿيو . مخدوم نوح رحه جو جنم 1505ع ۾ ٿيو  ۽ وفات 1590ع ۾ ٿي . مخدوم هاشم ٺٽوي جي پيدائش 1690ع ۾ ٿي ۽ سندس وفات 1761ع ٿي . شاعر محمود فقير کٽياڻ 1907ع ۾ وفات ڪئي . ليکڪ هيم ناگواڻي 1985ع ۾ وفات ڪئي .  شاعر هدايت علي نجفي جو جنم 1860ع ۾ ٿيو . عثمان علي انصاري 21 آڪٽومبر 1901ع ۾ شڪار پور ۾ ڄائو . استاد بخاري 16 جنوري 1930ع ۾ ڄائو ۽ 9 آڪٽومبر 1996ع ۾ گذاري ويو.  اگر اهڙا ڪي جنم جا ڏڻ يا وصال جا ڏينهن اديبن جا رهجي ويا هجن ته انهن جي سهيڙ ۾ منهنجو ساٿ ضرور ڏيندا ڇاڪاڻ ته اهڙا ڪم نوجوان نسل جي لاءِ راهون هموار ڪندا آهن هي ڪو وڏو ڪم ناهي پر پاڻي سمنڊ ۾ ڪڪري اڇلائي لهر پيدا ڪرڻ جي برابر آهي ۽ نوجوان قلمڪارن کي جذبو ڏيارڻو آهي ڪجھ سن اهڙا به آهن جيڪي مختلف ڪتابن مختلف لکيل آهن پر مون ڪوشش ڪئي ته جيڪي درسي ڪتابن ۾ ڏنل آهن يا درسي ڪتابن مان مليا آهن انهن کي هن مضمون جو حصو بڻايو آهي اميد ته لاڀ ضرور ڏيندو مون انهن اديبن جي نالن کي هن مضمون جو حصو بڻايو آهي جن ڪجھ نه ڪجھ ادبي دنيا ۾ پنهنجو حصو پتي ڳڻايو آهي ان شا الله هي مضمون  سفر زندگي جو ويو آ اجھامي شاگردن جي معيار تي پورو لهندو ۽ شاگرد به مستفيد ٿيندا .

 

هندن لاءِ شادي جو سرٽيفڪيٽ لازمي قرار، ملڪ ۾ هندو ميرج قانون لاڳو ٿي ويو

صدر ممنون حسين هندو ميرج بل تي صحيح ڪري ڇڏي، جنهن کان پوءِ هاڻي هندو ميرج بل کي قانوني شڪل ملي وئي، ميڊيا موجب وزير اعظم نواز شريف جي تجويز تي صدر ممنون حسين هندو ميرج بل تي صحيح ڪري ڇڏي، هاڻي هندو ميرج بل کي قانوني شڪل ملي چڪي آهي، وزير اعظم جو چوڻ آهي ته اقليتي برادري هڪ جهڙي ئي محب وطن آهي ۽ انهن جي حقن جو تحفظ رياست جي ذميواري آهي، حڪومت هندو آبادي وارن علائقن ۾ شادي رجسٽرار مقرر ڪندي. وزيراعظم نوازشريف جو چوڻ آهي ته پاڪستان ۾ رهندڙ اقليتي برادري کي برابر حق حاصل آهن، حڪومت پاڪستان جي هر شهري لاءِ هميشه برابر حقن ڏيڻ تي ڌيان ڏنو آهي، انهن جي حقن جو تحفظ ڪرڻ رياست جي ذميواري آهي. حڪومت هندو آبادي وارن علائقن ۾ شادين کي رجسٽر ڪرڻ لاءِ رجسٽرار مقرر ڪندي، اهو قانون هندو برادري کي شادي ۽ عليحدگي بابت حق فراهم ڪندو، جڏهن ته زال ۽ ٻارن کي به مالي تحفظ فراهم ڪيو ويندو، اهو قانون هندو برادري ۾ ٿيندڙ شادين ۽ ٻين خانداني معاملن ۾ قانوني تحفظ فراهم ڪندو،

27 سيپٽمبر 2016ع تي هندو ميرج بل 2017 انساني حقن واري وفاقي وزير ڪامران مائيڪل قومي اسيمبلي ۾ پيش ڪيو هو، جنهن کي متفقه طور تي منظور ڪيو ويو هو. ان کانپوءِ 18 فيبروري 2017ع تي اهو بل سينيٽ ۾ وزير قانون زاهد حامد طرفان پيش ڪيو ويو هو، جنهن تي معمولي اعتراض اٿاريا ويا هئا ۽ ڪجهه ترميمن سان ان کي منظور ڪيو ويو هو. سينيٽ طرفان ڪيل ترميمن جي قومي اسميبلي مان منظوري لاءِ ترميم ٿيل هندو ميرج بل 2016ع کي 9 مارچ 2016 تي هڪ ڀيرو ٻيهر قومي اسيمبلي ۾ اماڻيو ويو هو ۽ ايوان ان جي منظوري ڏني هئي، جنهن بعد صدر جي صحيح باقي رهيل هئي، جيڪا ڪري صدر ان بل کي قانون جو درجو ڏئي ڇڏيو آهي. بل ۾ عليحدگي اختيار ڪندڙ هندو جوڙن کي ٻيهر شادي جي اجازت ڏني وئي آهي، بل جي شق 17 موجب هندو بيواهه عورتن کي پنهنجي مرضي سان ٻيهر شادي ڪرڻ جو حق حاصل هوندو، تنهن هوندي به ضروري آهي ته انهن جي مڙسن جي فوت ٿيڻ کي گهٽ ۾ گهٽ 6 مهينا گذري چڪا هوندا. قانون جي خلاف ورزي تي ڏوهن جو به ذڪر ڪيو ويو آهي، جنهن جي ڪري هاڻي هندو خاندان لاءِ شادي جو سرٽيفڪيٽ شادي پرت رکڻ لازمي هوندو، ڇوته هندو برادري ۾ شادي کي ڪنهن قانوني دستاويز سان ثابت نه پيو ڪري سگهجي. اهو هندو ڪميونٽي لاءِ ملڪ جو پهريون قانون آهي، جيڪو پنجاب، بلوچستان ۽ ڪي ڪي پي ۾ قابل عمل هوندو، ڇوته سنڌ اسيمبلي ان کان اڳ ئي هندو ميرج جو ڌار قانون متعارف ڪرائي چڪي آهي.