تازيون خبرون

Daily Archives: March 16, 2017

پاڪستان ٽن سالن ۾ اهم ڪاميابيون حاصل ڪيون آهن: چوڌري نثار

اسلام آباد(اي پي پي)   وفاقي گهرو وزير چوڌري نثار علي خان چيو آهي ته هٿياربند فوجن، پوليس، سول آرمڊ فورسز ۽ قوم جي جرات مند جدوجهد ۽ قربانين جي نتيجي ۾ پاڪستان ۾ دهشتگردي ۾ تيزي سان گهٽتائي ٿي، ملڪي تاريخ ۾ پهريون ڀيرو حڪومت دهشتگردي جي لعنت خلاف نيشنل ايڪشن پلان پيش ڪيو، اربع ڏينهن هتي پاڪستان ۽ برطانيه جي ٻن ڏينهن واري بين الاقوامي سيمينار جنهن جو موضوع “استحڪام ۽ امن ڪاوشن جي حوالي ان تجربن جي مٽا سٽا”  هو، جي صدارت ڪندي هن چيو ته بين الاقوامي برادري اسلام کي هدف بڻائڻ جي رجحان جي حوصله شڪني ڪري ۽ اسلام فوبيا مان ٻاهر اچي، دنيا ۾ هڪ ارب 20 ڪروڙ مسلمان دهشتگردي جي لعنت سبب سڀ کان وڌيڪ متاثر ٿيا، هن چيو ته بين  الاقوامي برادري پراڻن علائقائي مسئلن کان لا تعلق نه ٿي رهي سگهي، هن چيو ته اسان گذريل ڪيترن ئي ڏهاڪن  کان علائقائي سلامتي کي منهن ڏئي رهيا آهيون، افعنستان تي سويت جي يلغار يا امريڪي ڪارروائي کان بعد جي صورتحال ۾ پاڪستان کي عالمي برادري اڪيلو ڇڏي ڏنو، پاڪستان فرنٽ لائين اسٽيٽ جو ڪردار ادا ڪيو جڏهن ته عالمي برادري ٺلهيون ڳالهيون ڪيون، هن چيو ته ڪا به جنگ کٽڻ لاءِ مڪمل اتحاد جي ضرورت هوندي آهي، سول ۽ عسڪري قيادت وچ ۾  بهتر رابطي ۽ معاشي جي سڀني طبقن جي حمايت عيوض گذريل ساڍن ٽن سالن دوران پاڪستان ڪاميابيون حاصل  ڪيون، پاڪستان آپريش ضرب عضب ۾ وڏي ڪاميابي حاصل ڪئي. عالمي اهڃاڻن مطابق پاڪستان ۾ دهشتگردي جي گراف ۾ تيزي سان گهٽتائي آئي، اسان کي  پنههجن ڪوششن لاءِ عالمي برادري جي حمايت جي ضرورت آهي، هن چيو ته آپريشن ضرب عضب شروع ڪرڻ کان اڳ حڪومت ڳالهين جا سمورا آپشنز استعال ڪيا، ڳالهين جي عمل جي نتيجن پوري تناظر ۽ عوامي راءِ کي تبديل ڪيو، هن چيو ته عالمي برادري آزادي جي جدوجهد ۽ دهشتگردي وچ ۾ فرق واضح ڪري. هن چيو ته دين اسلام کي هدف بڻائڻ ۽ ان دهشتگردي سان ڳنڍڻ غير مناسب ۽ افسوسناڪ آهي،

 

اميد آهي هرد فرد آدم شماري جي قومي فرض ۾ شامل ٿيندو: صدر

ڪراچي( اي پي پي)صدر مملڪت ممنون حسين ڪالهه اربع ڏينهن اسٽيٽ گيسٽ هائوس ڪراچي جي ديوار تي گهر شماري نمبر 1 لکي  ڇهين قومي گهر ۽ آدمشماري جو با ضابطا افتتاح ڪيو . گهر شماري جي افتتاح  کان اڳ ڪمشنر آدمشماري ۽ شماريات جي وفاقي سيڪريٽري، صدر ممنون حسين کي آدمشماري جي حوالي سان ڪيل انتظامن بابت تفصيلي بريفنگ ڏني .  صدر مملڪت ان حوالي سان ڪيل انتظامن تي اطمينان جو اظهار ڪيو ۽ چيو ته قومي ترقي لاءِ درست انگ اکر هجڻ ضروري آهن. هن چيو ته آدم شماري ملڪ جي ترقي لاءِ نهايت اهميت واري آهي  جنهن سان مستقبل جي رٿابندي ۾ مدد ملندي. صدر ممنون حسين مردم شماري جي حوالي سان ڪيل انتظامن ۽ لاڳاپيل عملي جي تربيت جي واکاڻ ڪئي. هن چيو ته مان پر اميد آهيان ته سڄي ملڪ ۾ جاري هن اهم آدم شماري ۾ مختلف کاتن  سان تعلق رکندڙ عملو پنهنجون ذميداريون احسن طريقي سان نڀائيندو.

 

يورپي يونين جو اسيمبلين لاءِ پروگرام حوصلو ڏيندڙ آهي: مريم اورنگزيب

اسلام آباد (ويب ڊيسڪ) يورپي يونين جو مضبوط صوبائي اسيمبلين جي لاءِ صوبائي پاڪستان جي منصوبي جي شروعات ڪئي وئي، ان موقعي سُڌ سماءَ بابت مملڪتي وزير مريم اورنگزيب چيو آهي ته جمهوريت سان پارليامينٽ کي طاقت ملندي آهي، يورپي يونين جو هي منصوبو خوشيءَ وارو آهي، اسلام آباد ۾ ”صوبائي پاڪستان“ جي تقريب کي خطاب ڪندي مريم اورنگزيب جو چوڻ هو ته پروگرام سينيٽ، قومي اسيمبلي ۽ صوبائي اسيمبلين ۾ به شروع ڪيو ويو آهي، پروگرام سان صوبائي پارليمان کي وڌيڪ مضبوطي ملندي، يورپي يونين جو پروگرام حوصلو ڏيندڙ آهي، پارليامينٽ مقرر ڪيل هدفن تي صوبائي اسيمبلين ۾ ڪم ٿي رهيو آهي، يورپي يونين جو پروگرام عالمي معيار موجب آهي.36

 

آصف زرداري سان درگاهن جي گادي نشينن جي ملاقات، سيڪيورٽي معاملن تي ڳالهيون

ڪراچي (اين اين آءِ) سنڌ جي مختلف صوفي بزرگن ۽ درويشن جي درگاهن جي گادي نشينن جي هڪ وفد اڄ بلاول هائوس ۾ پاڪستان جي اڳوڻي صدر ۽ پاڪستان پيپلزپارٽي پارليامينٽرين جي صدر آصف علي زرداري ۽ پاڪستان پيپلزپارٽي جي چيئرمين بلاول ڀٽو زرداري سان ملاقات ڪئي ، وفد ۾ درگاه حضرت لال قلندر شهباز جو گادي نشين محمد رضا شاه سبزواري، درگاه حضرت شاه عبداللطيف ڀٽائي جو گادي نشين سيد وقار شاه لطيفي، درگاه حضرت سچل سرمست جو گادي نشين خواجا عبدالحق فاروقي، درگاه مٽياري جو گادي نشين پير غلام مجدد سرهندي، درگاه پير ذاڪر شاه سڪرنڊ جو گادي نشين سيد منير شاه، درگاه ويهڙ شريف جو گادي نشين پير شفيق اشرفي ۽ درگاه راڻيپور جو گادي نشين پير فرزند علي شاه جيلاني شامل هئا، ملاقات دوران گادي نشينن اڳوڻي صدر آصف علي زرداري ۽ چيئرمين بلاول ڀٽو زرداري کي درگاهن جي سيڪيورٽي صورتحال سميت ٻين مسئلن بابت آگاهي ڏني، ان موقعي تي اڳوڻي صدر آشف علي زرداري ۽ چيئرمين  بلاول ڀٽو زرداري چيو ته سنڌ صوفين ۽ درويشن جي ڌرتي آهي جن هميشه انساني رواداري، هم آهنگي، امن ۽ سلامتي جو پيغام ڏنو آهي، اسان ان پيغام کي اڳتي وڌائيندي ملڪ مان انتهاپسندي ۽ دهشتگردي جو خاتمو آڻينداسين.

 

مردم شماري جي لاءِ سڃاڻپ ڪارڊ لازمي ناهي، روزگار جا موقعا وڌائڻ لاءِ آمريڪا سان اقتصادي سهڪار وڌائڻ چاهيون ٿا: اسحاق ڊار

اسلام آباد(ويب ڊيسڪ) ناڻي واري وفاقي وزير اسحاق ڊار چيو آهي ته يورپ، ايشيا جون مشهور ڪمپنيون پاڪستان ۾ سيڙپڪاري ڪري رهيون آهن، پاڪستان ۾ ڪاروبار ۾ آساني جي لحاظ سان 4 درجا بهتري آئي آهي، هن چيو ته آمريڪي حڪومت پاڪستان ۾ سرمائيداري لاءِ آمريڪي سرمائيدارن جي حوصلا افزائي ڪري، ايندڙ بجيٽ جنهن ۾ اقتصادي ترقي وڌائڻ تي خاص توجهه آهي، گڏيل لاڳاپن کي هٿي وٺرائڻ لاءِ آمريڪا پاڪستان گڏجي ڪم ڪندا، ناڻي واري وفاقي وزير چيو ته روزگار جا موقعا وڌائڻ لاءِ آمريڪا سان اقتصادي سهڪار وڌائڻ چاهيون ٿا. ناڻي واري وفاقي وزير اسحاق ڊار چيو آهي ته جن ماڻهن وٽ ڪمپيوٽرائز سڃاڻپ ڪارڊ ناهن اهي به مردم شماري ۾ شامل ٿي سگهن ٿا، جيڪڏهن ڪنهن خاندان وٽ سڃاڻپ ڪارڊ ناهن ته اهي ڪنهن ٻئي جو به سڃاڻپ ڪارڊ ظاهر ڪري سگهن ٿا. پنهنجي بيان ۾ اسحاق ڊار چيو ته مردم شماري ۾ پاڪ جون خدمتون تعريف جوڳيون آهن ۽ پاڪ فوج جي شموليت سان مردم شماري ۾ شفافيت کي يقيني بڻائڻ ۾ مدد ملندي. هن وڌيڪ چيو ته مردم شماري سئو سيڪڙو شفاف بڻائي ويندي.

 

جوائنٽ پارليامينٽ ڪميشن ٺاهي سڀني معاملن جي جاچ ڪرائي وڃي: خورشيد شاهه

اسلام آباد (ويب ڊيسڪ) قومي اسيمبليءَ جو اجلاس اسپيڪر اياز صادق جي صدارت ۾ جاري آهي، اجلاس دوران مخالف ڌر اڳواڻ سيد خورشيد احمد شاهه وزيراعظم کي ايوان ۾ گھرائڻ جو مطالبو ڪري ڇڏيو، پوائنٽ آف آرڊر تي ڳالهائيندي سيد خورشيد احمد شاهه جو چوڻ هو ته وزيراعظم کي ايوان ۾ اچڻ گھرجي، سڀني معاملن جي جاچ جي لاءِ جوائنٽ پارليامينٽ ڪميشن ٺاهي وڃي، مخالف ڌر اڳواڻ سيد خورشيد احمد شاهه جو چوڻ هو جوائنٽ پارليامينٽ ڪميشن ٺاهي اساما بن لادن سميت هر شئي ۽ واقعي جي جاچ ڪرائي وڃي، سيد خورشيد شاهه چيو ته اسان کي فرينڊلي اپوزيشن جا تعنا ملندا آهن، ها اسان فرينڊلي آهيون، اسان پارليامينٽ ۽ جمهوريت جي لاءِ فرينڊلي آهيون، اسان جمهوريت جي خاطر گولي کائڻ ۽ رت وهائڻ وارن مان آهيون، سيد خورشيد احمد شاهه چيو ته جوائنٽ پارليامينٽ ڪميشن ٺاهي وڃي ته جيئن ابو به واضح ٿئي ته اساما بن لادن سان ڪنهن ڪنهن جا لاڳاپا هئا.36

 

فوجي عدالتن جي معاملي تي حڪومت سان ڳالهين جو امڪان ناهي,قطري يا اماراتي خط سان وزيراعظم جو ڪاروبار اڇو نٿو بڻجي سگھي: اعتزاز احسن

اسلام آباد (ويب ڊيسڪ) فوجي عدالتن جي مدي ۾ واڌ بابت حڪومت ۽ پيپلز پارٽي جو اجلاس بنا نتيجي ختم ٿي ويو، اجلاس بعد ميڊيا سان ڳالهائيندي پيپلز پارٽي اڳواڻ سينيٽر اعتزاز احسن چيو ته اجلاس ۾ فوجي عدالتن جي معاملي تي اڳڀرائي نه ٿي سگهي، هن چيو ته فوجي عدالتن جي معاملي تي حڪومت سان هاڻي وڌيڪ ڳالهين جو امڪان ناهي.پلز پارٽي اڳواڻ ۽ سينيٽر اعتزاز احسن چيو آهي ته عدالت کي وزيراعظم نواز شريف کي طلب ڪرڻ گھرجي ها، نواز شريف جي بزنس کي وائيٽ قرار ڏيڻ سان انارڪي ڦهلجي سگھجي ٿي، اسلام آباد ۾ ميڊيا سان ڳالهائيندي سينيٽر اعتزاز احسن جو چوڻ هو ته وزيراعظم کي طلب نه ڪيو ويو ته گھٽ ۾ گٽ ان جو سمورو رڪارڊ ئي طلب ڪيو وڃي ها،  جيڪڏهن وزيراعظم رڪارڊ پيش نه ڪري ها ته يوسف رضا گيلانيءَ جيان توهين عدالت سزا ئي ڏني وڃي ها، سينيٽر اعتزاز احسن جو وڌيڪ چوڻ هو ته هڪ قطر يا امارتن مان ڪو خط کڻي اچي وڃي ته سڄو بزنس اڇو نٿو ٿي سگھي.36