تازيون خبرون

Daily Archives: March 8, 2017

نيڪ نيتي سان جيترو ٿي سگھي ڪم ڪيو، تنقيد ڪندڙ بهانو ڳولي وٺندا آهن: نواز شريف

لاهور (ويب ڊيسڪ) وزيراعظم نواز شريف چيو آهي ته نيڪ نيتي سان جيترو ٿي سگھي ڪم ڪيو، تنقيد ڪندڙ بهانو ڳولي وٺندا آهن، مخالف اڳ ئي چوندا هئا ته ميچ ٿيڻ گھرجي ۽ پوءِ چيو ته نه ٿيڻ گھرجي، وزيراعظم ڪويت ۾ ايوان صنعت ۽ واپاري جي وفد سان ملاقات ڪئي ۽ کين پاڪستان ۾ سيڙپڪاري جي دعوت ڏني، وزيراعظم نالو کڻڻ کان سواءِ مخالفن تي تنقيدي ڪئي، سندس چوڻ هو ته پي ايس ايل فائنل ۾ خيبرپختون خواهه ۽ بلوچستان وچ ۾ مقابلو هو، جيڪڏهن ڪراچي ۽ لاهور وچ ۾ ميچ هجي ها ته  چون ها ته ميچ به پاڻ ۾ کيڏي پئي وڃي، نواز شريف چيو ته نيڪ نيتيءَ سان جيتري مرضي ٿئي ڪم ڪيو تنقيد ڪندڙ ڪو نه ڪو بهانو ڳولي وٺندا آهن، وزيراعظم ڪويت جي واپاري وفد کي دعوت ڏني ته هو پاڪستان ۾ سيڙپڪاري جي موقعن مان فائدو وٺن.36

 

شهيدن جون قربانيون ضايه نه وينديون، دهشتگردن کي ختم ڪري دم پٽينداسين: آرمي چيف

راولپنڊي (اين اين آءِ)سيڪيورٽي فورسز پاران صوابي ۾ انٽيليجنس جي بنياد تي آپريشن ردالفساد دوران فائرنگ جي ڏي وٺ ۾ پاڪ فوج جي هڪ ڪئپٽن سميت ٻه اهلڪار شهيد ٿي ويا جڏهن ته سيڪيورٽي فورسز جي ڪارروائي ۾ پنج دهشتگرد مارجي ويا آرمي چيف جنرل قمر جاويد باجوا دهشتگردن کي قانون جي ڪٽهڙي تائين پهچائڻ جي عزم جو اظهار ڪندي چيو ته اسان جي شهيدن جون قربانيون رائيگان نه وينديون آءِ ايس پي آر موجب آپريشن ردالفساد تحت ملڪ آباد صوابي ۾ انٽيليجنس جي بنياد تي ڪيل آپريشن دوران فائرنگ جي ڏي وٺ ۾ ڪئپٽن جنيد ۽ سپاهي امجد شهيد ٿي ويا. سيڪيورٽي فورسز علائقي کي گهيري ۾ وٺي ڇڏيو اهڙي طرح فائرنگ جي ڏي وٺ ٿي جنهن ۾ پنج دهشتگرد مارجي ويا چيف آف آرمي اسٽاف چيو آهي ته اسان جي شهيدن جون قربانيون رائيگان نه وينديون.  آرمي چيف جنرل قمر جاويد باجوا صوابي آپريشن ۾ دهشتگردن سان مقابلي دوران شهيد ٿيندڙ ڪيپٽن ۽ سپاهي جي شهادت تي افسوس جو اطهار ڪندي چيو آهي ته شهيدن جو رت رائيگان نه ويندو، پاڪ فوج جي سڌ سماءَ بابت شعبي آءِ ايس پي موجب آرمي چيف جنرل قمر جاويد باجوا چيو ته دهشتگردن کي ختم ڪري دم پٽيداسين، هن چيو ته دهشتگردن کي سندن پاران برپا ڪيل ڏڦيڙن جو حساب ڏيڻو پوندو. ياد رهي ته صوابيءَ ۾ ملڪ آباد جي علائقي ۾ دهشتگردن سان فائرنگ جي ڏي وٺ دوران ڪيپٽن جنيد ۽ سپاهي امجد شهيد ٿي ويا آهن. پاڪ فوج جي سڌ سماءَ بابت شعبي آءِ ايس پي آر چيو آهي ته سڄي ملڪ ۾ آپريشن رد الفساد جاري آهي، صوابي آپريشن ۾ 5 دهشتگرد مارجي ويا آهن، پنهنجي شهيدن جون قربانيون زيان نه وينديون، آءِ ايس پي آر پاران جاري بيان ۾ چيو ويو آهي ته دهشتگرد پنهنجي انجام تي پهچندا، دهشتگردن کي ڏڦيڙ ڦهلائڻ جو حساب ڏيڻو پوندو .

 

افغانستان سان لاڳاپن جي بحالي لاءِ پارليامينٽ جو جرڳو موڪليو وڃي: قومي اسيمبلي

اسلام آباد (اين اين آءِ) قومي اسيمبلي جي ميمبرن چيو آهي ته پرڏيهي پاليسي تي نظرثاني جي ضرورت آهي افغانستان سان لاڳاپن جي بحالي لاءِ پارليامينٽ جو جرڳو موڪليو وڃي ۽ بارڊر بند ڪرڻ سان مسئلا حل نه ٿيندا ڀارت ۽ افغانستان جي سرحدن جي مئنجمينٽ جي حوالي سان هوم ورڪ واضح ڪرڻو پوندو پاڪستان جو اميج بهتر بنائڻ لاءِ پاڙيسرين سميت سڄي دنيا سان سڄا لاڳاپا رکڻا پوندا جڏهن ته وفاقي وزير عبدالقادر بلوچ چيو آهي ته اسان لاش به کنيا آهن ۽ معافي به گهرون اهو نٿو ٿي سگهي ٻن جنگين ۾ افغانستان ڀارت جي حمايت ڪئي افغانستان ڀارت جي ڊڪٽيشن تي اسان سان لاڳاپا چاهي ٿو جيڪي اسان کي ڪنهن به صورت منظور ناهن ايوان سمجهي ٿو ته اسان جي پرڏيهي پاليسي ناڪامي جو شڪار آهي ته اسان کي تجويزون ڏي ۽ جائزو وٺي پرڏيهي پاليسي تي نظرثاني ڪنداسين اڱاري تي قومي اسيمبلي ۾ شاهده رحماني پاران پيش ڪيل رٽ تي بحث ۾ حصو وٺندي پي ٽي آءِ جي اڳواڻ ڊاڪٽر شيرين مزاري چيو آهي ته ڀارت لائين آف ڪنٽرول جون روزانو خلاف ورزي ڪري رهيو آهي هن چيو ته پاڪ افغان سرحد بند ڪرڻ سان دهشتگردي کي نٿو روڪي سگهجي شاهده رحماني چيو ته پاڪستان کي پاڙيسرين سان لاڳاپا بهتر بنائڻ تي ڌيان ڏيڻو پوندو جماعت اسلامي جي صاحبزاده طارق الله چيو آهي ته پرڏيهي پاليسي تي ايوان ۾ بحث وقت جو اهم تقاضو آهي دهشتگردي سان منهن ڏيڻ ۾ پرڏيهي پاليسي جو اهم ڪردار آهي. نعيمه ڪشور خان چيو ته افغانستان سان گڏجي مسئلن تي ڳالهه ڪرڻ جي ضرورت آهي بارڊر بند ڪرڻ سان مسئلا حل نه ٿيندا. حاجي شاهه جي گل آفريدي چيو اهي ته اسان کي افغانستان کي وڌ کان وڌ سهولتون ڏيڻ گهرجن ته جيئن هو اسان جي بندرگاهن ذريعي واپار ڪري محمد عزيز ملڪ چيو ته وزيراعظم جي موثر قدمن سبب ڪامياب اي سي او سمٽ جو انعقاد ممڪن ٿيو جنهن سان رڪن ملڪن سان گڏ سفارتي ۽ تجارتي لاڳاپا مضبوط ٿيندا شازيه مري بين الاقوامي سطح تي پرڏيهي معاملن کي بهتر انداز ۾ اڳتي وڌائڻ جي ضرورت تي زور ڀريو سيد علي رضا عابدي چيو ته ڀارت ۽ افغانستان جي سرحدن جي مئنجمينٽ جي حوالي سان هوم ورڪ واضح ڪرڻو پوندو. هن چيو ته هي تاثر صحيح نه آهي ته ملڪ جي پرڏيهي پاليسي ناڪامي جو شڪار آهي بدقسمتي سان افغانستان سان ڪڏهن به لاڳاپا سٺا نه رهيا اسان کي افغانستان تي حملو يا اندر وڃي فوجي ڪارروايون نٿا ڪري سگهون صرف بارڊر بند ڪري پنهنجو تحفظ ڪري سگهون ٿا. هن چيو ته سرتاج عزيز بطور پرڏيهي صلاحڪار سٺي انداز ۾ ڪم ڪري رهيو آهي هو پنهنجي معاملن کي بهتر انداز ۾ هلائي رهيو آهي اسان صلاحڪار رکون يا پرڏيهي وزير اها اسان جي حڪومت جي پاليسي آهي هن اسيمبلي ميمبرن کي چيو ته جيڪڏهن ايوان سمجهي ٿو ته اسان جي پرڏيهي پاليسي ناڪامي جو شڪار آهي ته اسان کي تجويزون ڏنيون وڃن اسان انهن جو جائزو وٺي پرڏيهي پاليسي تي نظرثاني ڪنداسين امڪان آهي ته افغانستان سان لاڳاپا معمول تي اچي ويندا.

 

ڄام نواز علي ۾ لڱ ڪانڊاريندڙ روڊ حادثو، ۲ عورتن سوڌو ۴ ڄڻا فوت

ڄام نواز علي(رپورٽر)  ڄام نواز علي ڀرسان لڱ ڪانڊاريندڙ روڊ حادثو، بس جو اسڪوٽر کي ٽڪر، ٻن عورتن سوڌو ۴ ڄڻا فوت، گهرن ۾ ڪهرام مچي ويو، علائقي ۾ سوڳ، پوليس بس تحويل ۾ وٺي ڇڏي، ڊرائيور فرار، ڪيس داخل نه ٿيو، تفصيل مطابق ڄام نواز علي_نئون آباد روڊ ڀرسان مرزو سولنگي موري وٽ بس ۽ موٽرسائيڪل وچ ۾ ٽڪر ٿي پيو، جنهن جي نتيجي ۾ ٻه عورتون، هڪ مرد ۽ هڪ معصوم ٻارڙي فوت ٿي وئي، فوتين ۾ ڳوٺ شفيع محمد بروهي واسي علي شير بروهي پٽ الهه رکيو بروهي، سندس زال مسمات هزاري، عورت شهزادي زال فريد ۽ ۱۴ مهينن جي زينت ڌيءُ فريد شامل آهن، حادثي جو اطلاع ملڻ تي نئون آباد پوليس پهتي، جن حادثي ۾ فوت ٿيندڙن جا لاش نئون آباد اسپتال آڻڻ کانپوءِ ٽنڊو آدم تعلقي اسپتال موڪليا، جتان ضروري ڪارروائي کانپوءِ لاش وارثن حوالي ڪيا ويا. ٻئي پاسي لاش ڳوٺ شفيع محمد بروهي پهچڻ تي علائقي ۾ سوڳ وارو ماحول ڇانئجي ويو، جڏهن ته فوتين جي گهرن ۾ ڪهرام مچي ويو. نئون آباد پوليس بس کي تحويل ۾ وٺي ڇڏيو آهي، جڏهن ته ڊرائيور فرار ٿيڻ ۾ ڪامياب ٿي ويو. واقعي جو ڪيس اڃا تائين داخل نه ٿي سگهيو آهي.

 

پيپلز پارٽي عورتن سان تعصب ڪرڻ جي اجازت ڪنهن کي نه ڏيندي: آصف زرداري

اسلام آباد (اين اين آءِ) اڳوڻي صدر آصف زرداري عورتن جي عالمي ڏهاڙي جي موقعي تي پنهنجي پيغام ۾ مطالبو ڪيو آهي ته عورتن کي بااختيار بڻائڻ لاءِ هڪ قومي منصوبو جوڙيو وڃي ۽ ان سان گڏ نيشنل ڪميشن آف دي اسٽيٽس آف وومين کي مضبوط ڪيو وڃي ته جيئن عورتون اهڙين روايتي قيد مان آزادي ٿي سگهن ۽ انهن جي خلاف تعصب ختم ٿي وڃي، پنهنجي بيان ۾ هن چيو ته عورتن لاءِ برابر جا حق سڀ کان بنيادي انساني حق آهن ۽ پارٽي ڪڏهن به عورتن سان تعصب ڪرڻ جي اجازت نه ڏيندي، اسان جي ليڊر شهيد محترمه بينظير ڀٽو عورتن جي حقن جي جدوجهد جي قيادت ڪئي ۽ پارٽي پاڪستان جي عورتن کي ان ڳالهه جي خاطري ڪرائي ٿي ته تعصب جي خاتمي لاءِ انهن جي هر جدوجهد جي حمايت ڪندي. اڳوڻي صدر سمورن عورتن ۽ مردن کي ان جي حمت واري جدوجهد تي سلام پيش ڪيو جيڪي عورتن جي آزادي لاءِ جدوجهد ڪري رهيون آهن، هن چيو ته هاڻ گڏيل قومن ۾ انهن ڪنويشن تي عملدرآمد جي رپورٽ جمع ڪرائڻ جو وقت اچي ويو آهي، هن چيو ته جيڪڏهن 2017 ۾ نيشنل وومينٽ ان پاور پلان بڻائڻ جو سال بڻايو وڃي ته اها ڳالهه وڏي مناسب هوندي.

 

چيف جسٽس آف پاڪستان غير ضروري نظرثاني درخواستن تي ڏنڊ هڻڻ جو اشارو ڏئي ڇڏيو

اسلام آباد (اين اين آءِ) چيف جسٽس آف پاڪستان ميان ثاقب نثار غير ضروري نظرثاني درخواستن تي جرمانو لاڳو ڪرڻ جو عنديو ڏيئي ڇڏيو آهي ميڊيا رپورٽ مطابق سپريم ڪورٽ ۾ مختلف ڪيسن جي ٻڌڻي دوران چيف جسٽس ثاقب نثار غير ضروري نظرثاني درخواستن تي ڪاوڙ جو اظهار ڪيو هن ريمارڪس ڏنا ته اسان التوا هيٺ ڪيس اڪلائڻ چاهيون ٿا پهريان ئي نظرثاني درخواستون ڇا گهٽ آهن جو هاڻي ٻين ڪيسن ۾ ان قسم جون درخواستون داخل ڪيون وڃن ٿيون اسان هاڻي احتياط سان ڪم وٺي رهيا آهيون ۽ جرمانو نه هڻي رهيا آهيون جڏهن ته مستقبل ۾ غير ضروري نظرثاني درخواستن تي جرمانو به ٿي سگهي ٿو واضح رهي ته چيف جسٽس ثاقب نثار جڏهن پنهنجي عهدي جو حلف کنيو هو ته سڀ کان پهريان هن وڪيلن پاران ڪيسن جي التوا سميت وڌيڪ غير ضروري درخواستن جي سدباب تي زور ڀريو هو.

 

مزارن جي چوڌاري فقيرن کي هٽائڻ جي هدايت، مزارن اندر ۽ ٻاهر ڪو فقير نه هئڻ گهرجن: مراد علي شاهه

ڪراچي (اسٽاف رپورٽر) سنڌ جي وڏي وزير سيد مراد علي شاهه سموري صوبي ۾ مختلف درگاهن جي سڪيورٽي انتظامن بابت فيصلو ڪيو آهي ته فول پروف سڪيورٽي پلان جوڙيو وڃي، جنهن ۾ ڪانسٽيبلز جي ڀرتي ۽ اڏاوتن جو خاتمو شامل آهي. ان سلسلي ۾ اڄ هڪ اعليٰ سطحي اجلاس وزيراعليٰ هائوس ۾ منعقد ٿيو. اجلاس ۾ ٽرانسپورٽ ۽ زڪوات وارو صوبائي وزير ناصر حسين شاهه، چيف سيڪريٽري سنڌ رضوان ميمڻ، آءِ جي پوليس اي ڊي خواجا، ايڊيشنل آءِ جي (سي ٽي ڊي) ثناءُ الله عباسي، گهرو سيڪريٽري قاضي شاهد پرويز، سيڪريٽري ورڪس اعجاز ميمڻ، سيڪريٽري زڪوات ۽ اوقاف رياض حسين سومرو، ڊي آءِ جي (آر آر ايف) ۽ ٻيا شامل هئا. وڏي وزير سيد مراد علي شاهه کي ٻڌايو ويو ته سندس هدايتن تي سڪيورٽي ٽيم درگاهه داتا درٻار لاهور جو دورو ڪيو هو ۽ اتي سڪيورٽي جي انتظامن جو جائزو ورتو هو، جيڪي تمام حساس درگاهون آهن انهن لاءِ هڪ سڪيورٽي پلان جوڙيو ويو آهي. واضح هجي ته 14 حساس قرار ڏنل درگاهون ۽ مزار آهن، انهن ۾ درگاهه عبدالله شاهه غازي (ڪراچي)، درگاهه منگهوپير بابا (ڪراچي)، درگاهه حضرت سخي عبدالوهاب شاهه جيلاني (حيدرآباد)، درگاهه لعل شهباز قلندر (سيوهڻ)، درگاهه سعيدي موساڻي، درگاهه شاهه عبداللطيف ڀٽائي (هالا)، درگاهه عبدالله شاهه اصحابي (ٺٽو)، درگاهه شاهه عقيق، درگاهه سچل سرمست (خيرپور)، گاجي شاهه (دادو)، درگاهه عاليا حسين آباد (شهدادڪوٽ)، درگاهه شاهه عنايت، درگاهه اُڏيرو لال، شهيد ذوالفقار علي ڀٽو (لاڙڪاڻو) شامل آهن. وڏي وزير کي ٻڌايو ويو ته 2010ع ۾ درگاهه داتا درٻار لاهور ۾ ٿيل ڌماڪي بعد مزار جو سڪيورٽي آڊٽ ٿيو هو ۽ درگاهن جي سڪيورٽي بابت اي، بي، سي درجابندي ڪئي وئي هئي، پنجاب حڪومت 15 درگاهن کي اي ڪيٽگريءَ ۾ رکيو هو ۽ مزارن جي ڀرپاسي ۾ اڏاوتن جو خاتمي آندو ويو هو. وڏي وزير پاليسي فيصلو ڪندي چيو ته حساس قرار ڏنل سمورين درگاهن کي ترجيحي بنيادن تي سڪيورٽي ڏني وڃي. هن ايڊيشنل آءِ جي اسپيشل برانچ (ڪنوينئر)، ڊي آءِ جي (آر آر ايف)، چيف ايڊمنسٽرير اوقاف، سپريٽينڊنٽ انجنيئر حيدرآباد ڊويزن، لاڳاپيل ڊپٽي ڪمشنرز، ايس ايس پيز ۽ لاڳاپيل چيئرمين لوڪل ڪونسل تي ٻڌل هڪ ڪميٽي تشڪيل ڏني. اها ڪميٽي هر هڪ درگاهه خاص طور تي لعل شهباز قلندر، عبدالله شاهه غازي، شاهه عبداللطيف ڀٽائي، شاهه عقيق ۽ منگهوپير بابا درگاهن جو دورو ڪري انهن جو آڊٽ ڪندي ۽ ڪميٽي آڊٽ جي ترت بعد پنهنجو سڪيورٽي پلان، تعميراتي ڪمن، اڏاوتن جو خاتمو ۽ سڪيورٽي ۽ سرچ جو طريقو واضح ڪندي. وڏي وزير چيف سيڪريٽري سنڌ کي هدايت ڪئي ته هُو سمورن مزارن لاءِ ضروري هدايتون جاري ڪري ته اتان کان پينو فقيرن کي هٽايو وڃي. هن آءِ جي پوليس کي هدايت ڪئي ته هُو مقامي مرد ۽ عورت ڪانسٽيبل مقرر ڪري ۽ انهن کي سرچ ۽ سڪيورٽي جي خاص تربيت ڏني وڃي ۽ ان بعد انهن کي مقامي درگاهن تي مقرر ڪيو وڃي. وڏي وزير چيو ته درگاهن کي بين المذاهب يڪجهتي جي حوالي سان تمام گهڻي اهميت حاصل آهي. هن چيو ته مختلف مذهبن، فرقن سان واسطو رکندڙ ماڻهو اتي گڏ ٿيندا آهن. هن چيو ته مان انهن سمورن ماڻهن کي مڪمل سڪيورٽي ۽ تحفظ فراهم ڪرڻ چاهيان ٿو. هن چيو ته جتي گهرج آهي اتي چوديواري تعمير ڪئي وڃي ۽ سي سي ٽي وي ڪئميرا لڳايا وڃن ۽ اهم درگاهن تي سي سي ٽي وي ڪيئميرا مڪمل ڪمانڊ ۽ ڪنٽرول روم سان گڏ لڳايا وڃن. وڏي وزير گهرو کاتي کي هدايت ڪئي ته اهي پنهنجي ٽرمز آف ريفرنس تحت ڪميٽي کي تشڪيل ڏين ته جيئن هُو پنهنجو ڪم خميس کان شروع ڪري سگهن.

 

عمران جي هر ڳالهه پاڪستان خلاف هوندي آهي، ماڻهوءَ جي جھڙي سوچ هوندي اهو ايئن کي ڳالهائيندو: مريم اورنگزيب

اسلام آباد (اين اين آءِ)سڌسماءَ واري مملڪتي وزير مريم اورنگزيب چيو آهي ته عمران خان صاحب جو مهمان رانديگرن جي باري ۾ بيان ان جي فٽيچر  غلط سوچ جي عڪاسي ڪري ٿو پي ٽي آءِ جي چيئرمين سياست ۾ پنهنجي عزت کي تباهه ڪري ڇڏيو آهي ۽ هاڻي راند جي ميدان ۾ به بچل عزت کي تباهه ڪرڻ جي پويان آهي حڪومت پرڏيهه مان آيل سمورن رانديگرن کي ڀليڪار ۽ ان جي انتهائي شڪر گذار آهي وزيراعظم جي قيادت ۾ ترقي يافته خوشحالي ۽ دهشتگردي کان پاڪ پاڪستان اڳتي کڻي وڌي رهيا آهيون ميڊيا سان ڳالهائيندي هن چيو ته عالمي اداري ٽيڪنالوجي جي استعمال ۽ سيڪيورٽي کي فول پروف بنائڻ ۾ مدد فراهم ڪري رهيا آهيون اسان انهن جا ٿورائتا آهن هن چيو ته لاهور ۾ پي ايس ايل جي فائينل جي انعقاد تي سڄي قوم مبارڪباد جي حقدار آهي هن چيو ته عمران خان تاريخي ايونٽ ۾ پنهنجي موجودگي جو اظهار نه ڪيو هن چيو ته جيڪڏهن پي ايس ايل جو فائينل چريائپ هئي ته قوم دهشتگردي خلاف اهڙي چريائپ ڪندي رهندي. هن چيو ته عمران خان آءِ پي ايل ۾ ڪامينٽري به ڪري ٿو ۽ اسٽيج تي به بيهي ٿو هن چيو ته اظهار جي آزادي هر انسان جو بنيادي حق آهي هڪ جملي سان ڪنهن جي دل آزاري ڏک جهڙي ڳالهه آهي اهڙن بيانن کان پاسو ڪيو وڃي هن چيو ته وزيراعظم جي قيادت ۾ ملڪ کي ترقي ۽ خوشحالي سان اڳتي وڌائي رهيا آهيون.

 

پي سي بيءَ ۾ سنڌ جي رانديگرن جو حق ڦٻايو پيو وڃي، سنڌ جو پنهنجو ڪرڪيٽ بورڊ ٺاهڻ جي تياري ۾ آهيون: حڪومتي ميمبر

ڪراچي (ويب ڊيسڪ) سنڌ اسيمبليءَ جو اجلاس اسپيڪر آغا سراج درانيءَ جي صدارت ۾ جاري آهي، جنهن دوران سنڌ ۾ پي سي بيءَ جي انتظام هيٺ ڪرڪيٽ ميدانن ۽ ملڪي ٽيم ۾ سنڌي ڪرڪيٽرن جي ڪردار تي بحث ڪيو ويو، جنهن دوران اسپيڪر جو چوڻ هو ته محمد علي شاهه مرحوم جي دور ۾ اسان به ڪرڪيٽ کيڏنداسين، اسپيڪر اسيمبلي ميمبر فياض بٽ سان ڳالهائيندي چيو ته توهان ڪنهن جي مٿي ۾ بال نه هڻجو، ان موقعي تي سيد ناصر شاهه جو چوڻ هو ته پي سي بيءَ ۾ سنڌ جي رانديگرن جو حق ڦٻايو پيو وڃي، اسان سنڌ جو پنهنجو هڪ ڪرڪيٽ بورڊ ٺاهڻ جي تياري ڪري رهيا آهيون، 18 هين ترميم کان پوءِ سنڌ ڪرڪيٽ بورڊ ٺاهڻ جي ڪوشش ڪري رهيا آهيون، پي سي بي جي گرائونڊ کي سنڌ حڪومت پاڻ پنهنجي تحويل ۾ وٺڻ جي ڪوشش ڪري رهي آهي، اتي ايم ڪيو ايم اڳواڻ محمد زبير جو چوڻ هو ته پي سي بيءَ گرائونڊن کي تالا هڻي ڇڏيا آهن، ايم ڪيو ايم جي ئي ميمبر  وقار شاهه جو چوڻ هو ته سنڌ جي اسٽيڊيمن تي ڪو ڌيان نه پيو ڏئي، هي اسٽيڊيم پنجاب ۾ هجن ها ته گل گلزار بڻايا وڃن ها، سيد ناصر شاهه چيو ته مڪلي ڪرڪيٽ اسٽيڊيم پي سي بي ۽ وفاقي حڪومت وٽ آهي، ان تي اسپيڪر جو چوڻ هو ته ڇو نه سنڌ اسيمبليءَ جي ميمبرن وچ ۾ ڪرڪيٽ ميچ ڪرائي وڃي، ميچ ۾ عورتون ۽ مرد ميمبر حصو وٺندا،  سيما ضياءَ کي ڪرڪيٽ ٽيم جو ڪپتان بڻائينداسين، ان تي پي ٽي آءِ ميمبر سيما ضياءَ جو چوڻ هو ته مان ڊرماٽولوجسٽ آهيان ڪرڪيٽ نٿي کيڏي سگھان، اسپيڪر چيو ته ڊاڪٽر محمد علي شاهه جيئرو هجيها ته سنڌ اسيمبليءَ جي عورتن جي ٽيم ٺهي وڃي ها.36

 

عمران خان پي ايس ايل فائنل ۾ شامل پرڏيهي رانديگرن کي ڦٽيچر قرار ڏئي ڇڏيو

اسلام آباد (اين اين آءِ) پي ٽي آءِ جي چيئرمين عمران خان پاڪستان سپر ليگ جو فائينل لاهور ۾ ڪرائڻ جي مخالفت کان پوءِ ڪروڙين پاڪستانين شوقينن جي دل کٽيندڙ پرڏيهي رانديگرن کي فٽيچر چيو آهي ميڊيا رپورٽ مطابق عمران خان جي هڪ وڊيو سوشل ميڊيا تي گردش ڪري رهي آهي جنهن ۾ هو پي ايس ايل فائينل ۾ شريڪ پرڏيهي رانديگرن جي حوالي سان ڳالهائيندي نظر آيو عمران خان چيو ته ٻن يا ٽن رانديگرن کي نه اچڻو هو باقي جيڪي فٽيچر رانديگر آهن انهن کي ته هونئن به اچڻو هو مان ته ڪنهن جو نالو به نٿو ڄاڻان جيڪي پرڏيهي رانديگر هتي آيا عمران خان پي ايس ايل چيئرمين نجم سيٺي ۽ انتظاميه تي تنقيد ڪندي چيو ته مون کي لڳي ٿو ته اهي ڪٿان پڪڙي آيا هئا. ڪنهن کي آفريڪا کان وٺي آيا ته ڪنهن کي ڪٿان ۽ اسان کي خبر نه آهي ته اهي ڪير هئا پشاور ظلمي جي ڪپتان ڊيرن سيمي به فائنل ۾ شرڪت جي لاءِ لاهور اچڻ تي ڪريڊٽ ڏيڻ جي سوال تي عمران خان چيو ته جهڙي طرح جا پرڏيهي رانديگر هتي آيا اهي ته هونئن به اتي اچن وڃن ٿا توهان انهن کي پئسا ڏيو ته هو ڊيميسٽڪ ڪرڪيٽ لاءِ به ايندا جيڪي وڏا ماڻهو آهن جيڪي وڏا نالا آهن اهي نه آيا ياد رهي ته گذريل مهيني ملڪ جي مختلف شهرن خاص طور تي لاهور جي مال روڊ تي آپگهاتي حملي کان پوءِ صوبي جي گادي واري هنڌ ۾ پي ايس ايل 2017 جو فائينل مشڪل ٿيندي نظر اچي رهيو هو.