تازيون خبرون

Monthly Archives: February 2017

اڳوڻي ڪمشنر ڪراچي سميت 118 آفيسرن ۽ ڏوهارين خلاف ڪارروائي جو فيصلو

ڪراچي (اين اين آءِ) ڪراچي جي احتساب عدالت زمينن ۾ ملوث ڪي ايم سي آفيسرن سميت 118 جوابدارن خلاف ريفرنس داخل ڪرايو ويو آهي ، عدالت ريفرنس ٻڌڻي لاءِ منظور ڪندي ايندڙ ٻڌڻي تي شاهدن کي طلب ڪري ورتو آهي. تفصيل موجب جمعي تي ڪراچي جي احتساب عدالت ۾ نيب اختيارن پاران ڪراچي جي مختلف علائقن ۾ زمينن ۾ ملوث ڪي ايم سي آفيسرن سميت 118 جوابدارن خلاف ريفرنس داخل ڪيو ويو، ريفرنس ۾ اڳوڻو ڪراچي جو ڪمشنر سميت محمد شهزاد، صبا اسلام، محسن، محمد شڪور، سيف عباسي ۽ سهيل يار خان سميت وڌيڪ کي نامزد ڪيو ويو آهي ان کانپوءِ عدالت ريفرنس ٻڌڻي لاءِ منظور ڪندي ايندڙ ٻڌڻي تي شاهدن کي طلب ڪري ورتو آهي.

 

ڪور ڪمانڊر ڪراچي جي وڏي وزير سان ملاقات، امن امان جي صورتحال تي ڳالهيون

ڪراچي (اسٽاف رپورٽر) سنڌ جي وڏي وزير سيد مراد علي شاهه سان ڪورڪمانڊر ڪراچي ليفٽننٽ جنرل شاهد بيگ مرزا اڄ وزيراعليٰ هائوس ۾ ملاقات ڪئي. ملاقات ۾ ملڪ ۾ دهشتگردي جي جاري لهر، سيوهڻ ڌماڪي ۽ ضوبي ۾ نئون بڻايل سڪيورٽي پلان تي خيالن جي ڏي وٺ ڪئي وئي.

 

پوري قوم دهشتگردي خلاف هٿياربند فوج سان گڏ آهي: اسحاق ڊار

راولپنڊي (ويب ڊيسڪ): ناڻي واري وفاقي وزير اسحاق ڊار جوائنٽ اسٽاف هيڊڪوارٽر چڪلالا ۾ چيئرمين جوائنٽ چيفس آف اسٽاف ڪميٽي ۽ پاڪ هوائي فوج جي سربراهه سان ملاقات ڪئي، ملاقات دوران ڳالهائيندي اسحاق ڊار چيو ته پوري قوم دهشتگردي جي لعنت کان ڇوٽڪارو حاصل ڪرڻ لاءِ عزم ڪري رکيو آهي، هن چيو ته پوري قوم دهشتگردي خلاف هٿياربند فوج سان گڏ آهي، اسحاق ڊار چيو ته هٿياربند فوج جي ترقياتي ضرورتن کي ترجيحي بنيادن تي پورو ڪيو ويندو.

 

ايندڙ عام چونڊن ۾ پاڪستان پيپلزپارٽي ڪراچي شهر ۾ سوئيپ ڪندي: بلاول ڀٽو زرداري

ڪراچي( 24 فيبروري) پاڪستان پيپلزپارٽي جي چيئرمين بلاول ڀٽو زرداري چيو آهي ته ايندڙ عام چونڊن ۾ پاڪستان پيپلزپارٽي ڪراچي شهر ۾ سوئيپ ڪندي، جيالا اُن عظيم الشان ڪاميابي لاءِ تياريون ڪن،پاڪستان پيپلزپارٽي جي چيئرمين بلاول ڀٽو زرداري اڄ بلاول هائوس  ۾ ڪراچي ڊويزن جي سمورن 6 ضلعن جي عهدن لاءِ خواهشمند اميدوارن کان انٽرويوز ورتا، ان موقعي تي پارٽي جا سينئر اڳواڻ سيد خورشيد احمد شاه، فريال ٽالپر، سينيٽر شيري رحمان، سيد قائم علي شاه، سنڌ جو وڏو وزير سيد مراد علي شاه، نثار احمد کهڙو، وقار مهدي، سينيٽر عاجز ڌامراه، سينيٽر سعيد غني، راشد رباني، ڊپٽي اسپيڪر شهلا رضا ۽ ٻيا اڳواڻ به موجود هئا،سنڌ جي 6 ڊويزنن ۽ 30 ضلعن جي نون عهديدارن جي چونڊ لاءِ اميدوارن کان انٽرويوز وٺڻ جو اڄ مسلسل ٽيون ڏينهن هو، گذريل سال اپريل ۾ پاڪستان پيپلزپارٽي جي چيئرمين سموريون صوبائي تنظيمون تحليل ڪيون هيون ۽ نون عهديدارن لاءِ ضلعي سطح تي ڪارڪنن کان سندن تجويزون ۽ رايا وٺڻ لاءِ صوبائي ڪوآرڊينيشن ڪاميٽيون جوڙيون هيون.

 

انٽرپول ايم ڪيو ايم باني جا ريڊ وارنٽ جاري ڪرڻ کان انڪار ڪري ڇڏيو، پاڪستان کان وضاحت طلب

اسلام آباد(ويب ڊيسڪ) انٽرپول ايم ڪيو ايم باني جا ريڊ وارنٽ جاري ڪرڻ کان انڪار ڪري ڇڏيو آهي. ايف آئي اي  انٽرپول کي ايم ڪيو ايم باني جا ريد وارنٽ جاري ڪرڻ جي درخواست ڏني هئي جنهن جو انٽرپول جواب ڏنو ته ڪراچي ۾ داخل ڪيل ڪيس سياسي نوعيت جو لڳي رهيو آهي جڏهن ته انٽرپول ايف آئي اي کان ڪجهه سوالن جا جواب به گهري ورتا آهن. ياد رهي ته گذريل سال ايم ڪيو ايم باني خلاف چڙ ڏياريندڙ تقرير ڪرڻ تي ڪيس داخل ڪيو هو ۽ انٽرپول هيڊ ڪواٽر فرانس کي ريڊوارنٽ لاءِ درخواست ڏني هئي.

 

پاڪستان ۽ افغانستان وچ ۾ نفرت پيدا ڪندڙ اسان جا دشمن آهن: سراج الحق

پشاور (اين اين آءِ) جماعت اسلامي جي امير  سينيٽر سراج الحق چيو آهي ته خطي جي پائيدار امن ۽ ترقي ۽ خوشحالي لاءِ پاڪ افغان ۽ دوستاڻا لاڳاپا لازمي آهن، پاڪ افغانستان وٽ دوستي کان سواءِ ٻيو ڪو به رستو ناهي. اهڙن خيالن جو اظهار هن المرڪز اسلامي پشاور ۾ افغان مهاجرين ۽ واپارين جي نمائنده وفد کي خطاب دوران ڪيو. وفد جي اڳواڻي بريالي ميان خيل عبدالحميد جليلي، ملڪ علي خان ۽ ٻين ڪئي. جڏهن ته ان موقعي تي جنرل سيڪريٽري ڪي پي ڪي عبدالواسط ۽ سينيٽر سراج الحق افغان معاملن بابت صلاحڪار شبير علي خان به ساڻس گڏ هو. سينيٽر سراج الحق افغان واپارين، شاگردن، صحافين ۽ مهاجرين کي پيش ايندڙ مسئلن جي حل لاءِ صوبائي وزير عنايت الله خان، مظفر سيد، عبدالواسي ۽ امان الله نصرت تي ٻڌل ڪميٽيون جوڙيون، سراج الحق چيو ته پاڪستان ۽ افغانستان ۾ جيڪي طاقتون نفرت پيدا ڪرڻ جون ڪوششون ڪري رهيون آهن اهي ٻنهي ملڪن جون دشمن آهن. هن چيو ته جڏهن به ڪو واقعو ٿيندو آهي ته بارڊر بند ڪيو ويندو آهي اهو مسئلي جو حل ناهي ۽ اها منفي پاليسي آهي ٻنهي ملڪن کي گهرجي ته سٺي طريقي سان ان قسم جي مسئلي جو حل ڳولين. هن وفد کي خاطري ڪرائي ته وفاقي حڪومت سان به ان حوالي سان ڳالهائيندو.

 

ملڪ ۾ امن جي لاءِ هڪ پيج تي آهيون، پ پ جي موقف تي حيرت آهي: مولانا فضل الرحمان

اسلام آباد(ويب ڊيسڪ) جميعت علماءِ اسلام جي سربراهه مولانا فضل الرحمان چيو آهي ته ملڪ ۾ امن جي لاءِ هڪ پيج تي آهيون. ميڊيا سان ڳالهه ٻولهه ڪندي فضل الرحمان چيو ته سموريون مذهبي پارٽيون ۽ مدرسا پاڪستان جي قانون، آئين ۽ جمهوريت سان گڏ آهن، فوجي عدالتن جي ضرورت وڌي رهي آهي. دهشتگردي جي خاتمي جي لاءِ فوجي عدالتن جي ضرورت آهي. هن چيو ته آصف زرداري سان بائيڪاٽ ختم ڪرڻ جي لاءِ رابطو ڪيو، مذهب ۽ سياست کي مقابلي ۾ آڻڻ ملڪ جي مفاد ۾ ناهي. هن وڌيڪ چيو ته ڪنهن به تڪراري لفظ کي قانون جو حصو نه بڻائڻ گهرجي جڏهن ته مون کي پيپلز پارٽي جي موقف تي حيرت آهي.

 

قوم جون نظرون پاناما ڪيس جي فيصلي تي آهن: شيخ رشيد

اسلام آباد(ويب ڊيسڪ) عوامي مسلم ليگ جي سربراهه شيخ رشيد چيو آهي ته سڄي قوم جون نظرون پانام ڪيس جي فيصلي تي آهن، سپريم ڪورٽ مان ان ڪيس جو تاريخي فيصلو ايندو جنهن جا وڏا اثر هوندا. شيخ رشيد چيو ته 126 ڏينهن جي ڌرڻي ۾ حڪومت کي ايترو نقصان نه پهتو هو جيترو پاناما ڪيس مان پهتو آهي. هن چيو ته قطري خط نڪري وڃي ته عمارت زمين تي اچي ويندي، ججن 371 سوال ڪيا پر حڪومتي وڪيلن انهن مان هڪ سوال جو به جواب نه ڏنو. هن وڌيڪ چيو ته پاناما ڪيس جو جيڪو به فيصلو ايندو اهو قبول هوندو، ڌرين سميت سڄي قوم کي ججن تي اعتماد آهي. سياسي، سماجي ۽ عوام جي تڪ ۾ اسان ڪيس کٽي ورتو آهي، قانوني فيصلو اچڻ اڃان باقي آهي.

 

ڀارتي سينسر بورڊ فلم ”لپ اسٽڪ انڊر ماءِ برقعا“ کي رد ڪري ڇڏيو

ممبئي (شوبز نيوز) ڀارتي سينسر بورڊ فلم ”لپ اسٽڪ انڊر ماءِ برقعا“ کي رد ڪري ڇڏيو آهي. فلم ”لپ اسٽڪ انڊر ماءِ برقعا“ هڪ اهڙي ڪهاڻي آهي، جيڪا چئن عورتن جي چوڌاري گهمي ٿي. فلم ۾ چئني عورتن کي جنسي هراسان ڪندي ڏيکاريو ويو آهي، جنهن کانپوءِ متاثر عورتون پاڻ سان پيش ايندڙ ڏکيائين ۽ ڪهڙي طريقي سان معاشري جو مقابلو ڪنديون آهن، اهو به ڏيکاريو ويو آهي پر ڀارتي سينسر بورڊ فلم کي رليز سرٽيفڪيٽ ڏيڻ ۽ نشر ڪرڻ کان انڪار ڪري ڇڏيو آهي. سينسر بورڊ موجب جنسي موضوع جو حد کان وڌيڪ استعمال ڪيو ويو آهي ۽ حياتيءَ کي ڪِريل ڏيکاريو ويو آهي،  جيڪو معاشرتي قدرن جي خلاف آهي.27

 

اسان وٽ ناڪاري تنقيد جو رواج پئجي ويو آهي، اجائي تنقيد ڪندڙ اڳ پنهنجي اندر ۾ جهاتي پائن: نيلم منير

لاهور (شوبز نيوز) پاڪستان جي خوبصورت اداڪارا نيلم منير چيو آهي ته اسان وٽ ناڪاري تنقيد رواج بڻجي وئي آهي، جيڪو به اداڪار ڪاميابيون ماڻيندو آهي، ان جا پير ڪڍڻ جي ڪوشش ڪئي ويندي آهي. پنهنجي هڪ بيان ۾ من موهڻي اداڪارا نيلم منير جو چوڻ هو ته شوبز جي دنيا ۾ جتي منهنجا ڪيترائي دوست آهن، اتي ساڙ ڪندڙن جي به ڪا کوٽ ناهي. هن چيو ته جيڪي منهنجي شهرت کي ڪنهن نه ڪنهن طريقي سان نقصان پهچائڻ جي ڪوشش ڪندا آهن، مون کي انهن جي ڪا پرواهه ناهي.27