تازيون خبرون

Daily Archives: February 28, 2017

پريانڪا چوپڙا جي ڪيريئر ۾ اڳتي وڌڻ کان واقف آهيان، منهنجي ڀيٽ ان سان ڪرڻ عجيب ڳالهه آهي: ديپڪا پڊڪون

ممبئي (شوبز نيوز) بالي ووڊ جي نالي واري اداڪاره دپيڪا پڊڪون ۽ اداڪاره پريانڪا چوپڙا ڀارتي فلم انڊسٽري ۾ ڪاميابيون حاصل ڪرڻ کان پوءِ هالي ووڊ ۾ به مشهور ٿيڻ سبب ڀيڻ ڪرڻ لڳيون انٽرويو دوران دپيڪا جي ڀيٽ ڪرڻ تي پريانڪا کان پڇيو ويو ته ان کي اها ڳالهه پسند نه آئي بالي ووڊ فلم ڏسندڙن جي وچ ۾ پردي پويان آهن پر جڏهن انٽرويو دوران دپيڪا جي ڀيٽ پريانڪا سان ڪئي ويئي ته ان کي اها ڳالهه سٺي نه لڳي. اداڪار عوام ۽ ميڊيا جي اڳيان ته هڪٻئي سان ويڙهه يا تڪرار نه ڪندا آهن پر انهن جي بيان مان ڪٿي نه ڪٿي انهن جي وچ ۾ هلندڙ ڪشمڪش سبب راز ظاهر ٿي پوندا آهن. ڀارتي ميڊيا رپورٽ موجب هڪ انٽرويو دوران جڏهن بالي ووڊ اداڪاره دپيڪا پڊڪون جي ڀيٽ ان جي ساٿي اداڪاره پريانڪا چوپڙا سان ڪئي ويئي ته ان جو چوڻ هو ته هو پريانڪا جي پنهنجي ڪيريئر ۾ اڳتي وڌڻ کان واقف آهي پر منهنجو اداڪاره سان ڀيٽ ڪرڻ عجيب لڳي ٿو. هن چيو ته منهنجي ڀيٽ سونم ڪپور انوشڪا شرما ۽ سوناڪشي سنها سان ته ڪري سگهجي ٿي پر پريانڪا چوپڙا جي مون سان ڪابه ڀيٽ نه آهي.

 

 

انوشڪا شرما چاهيندڙن لاءِ واٽس ايپ نمبر جاري ڪري ڇڏيو

ممبئي (شوبز نيوز) بالي ووڊ جي من موهڻي اداڪارا انوشڪا شرما پنهنجي چاهيندڙن لاءِ واٽس ايپ نمبر جاري ڪري ڇڏيو آهي. سندس چوڻ هو ته مان پنهنجي چاهيندڙن کان پري نٿي رهي سگهان، تنهن ڪري مان پنهنجي چاهيندڙن لاءِ اڳ سوشل ميڊيا جو سهارو ته ورتو هو پر هاڻ هڪ قدم اڳتي وڌندي مداحن کي سرپرائز ڏنو آهي. انوشڪا شرما تي پنهنجو نالو شاشي جي نالي سان لکيو آهي، سندس نمبر 9867473178 آهي. اهو هڪ يونيورسل نمبر آهي، ڀارت ۽ پاڪستان سميت سڀني ملڪن جا ماڻهو ان تائين رسائي حاصل ڪري سگهن ٿا.27

 

ٽيم ۾ شامل نه ڪيو ويو ته سخت فيصلي تي مجبور ٿيندس: ڪامران اڪمل

دبئي (اسپورٽس نيوز)  ڊوميسٽڪ ڪرڪيٽ ۾ بهترين ڪارڪردگي باوجود قومي سليڪٽرن پاران نظرانداز ڪرڻ واري وڪيٽ ڪيپر ڪامران اڪمل سليڪشن ڪميٽي کان مطالبو ڪيو آهي ته هو ان کي ٽيم مان ٻاهر ڪڍڻ جو سبب ٻڌائين پاڪستان سپر ليگ ۾ لاهور قلندر جي خلاف سٺي راند پيش ڪري پشاور زلمي کي فتح ڏياريندڙ تجربيڪار وڪيٽ ڪيپر سليڪشن ڪميٽي کي سوال ڪيو ته قومي ٽيم ۾ جڳهه ٺاهڻ لاءِ ان کي وڌيڪ ڇا ڪرڻو پوندو ڪامران اڪمل قائداعظم ٽرافي جي گذريل سيزن ۾ سٺي راند پيش ڪئي ۽ ون ڊي ۾ به ان جي ڪارڪردگي سٺي رهي پر ان جي باوجود آسٽريليا جي دوري لاءِ ون ڊي مئچن جي سيريز لاءِ ان کي ٽيم جو حصو نه بڻايو ويو جنهن هن ڳڻتي جو اظهار ڪيو هو.

 

 

 

شاهد آفريدي ۽ سندس گهرواريءَ ۾ سوشل ميڊيا تي دلچسپ ڳالهيون، هڪ ٻئي جي ساراهه

ڪراچي (اسپورٽس نيوز) ڪوئيٽا گليڊيئيٽرز خلاف پشاور زلمي کي يادگار فتح ڏياريندڙ قومي ٽيم جي آل رائونڊر شاهد آفريدي لاءِ سندس گهرواري وڻندڙ پيغام جاري ڪيو آهي، جنهن جي جواب ۾ شاهد آفريدي به پنهنجي گهرواريءَ جي ساراهه ڪئي آهي. شاهد آفريدي ڪوئيٽا گليڊيئيٽرز خلاف ڏکي صورتحال ۾ 27 بالن تي 45 رنسون ٺاهي پنهنجي ٽيم جي ڪاميابيءَ ۾ اهم ڪردار ادا ڪيو، جنهن کانپوءِ سندس گهرواري ناديا آفريدي ٽوئيٽر تي مڙس جي تصوير جاري ڪندي لکيو ته ”الحمد الله! سٺي مڙس تي مون کي ڏاڍو فخر آهي“، جنهن تي شاهد آفريدي به خوشي ۾ نه پئي ماپيو ۽ پنهنجي گهرواريءَ کي جواب ڏيندي چيائين ته ”مون کي به توهان تي فخر آهي، مان سدائين ٻه اننگ کيڏندو آهيان، هڪ پنهنجي مداحن کي خوش ڪرڻ لاءِ ۽ ٻي توهان کي خوش ڪرڻ لاءِ“.27

 

اڄ به ڌمال موجود آ، دهشتگرد ناڪام ٿي ويا!: وينگس

پاڪستان ۾ دهشتگردي جا ڌماڪا نوان ناهن ۽ نه ئي وري حڪمرانن جا بهانا يا بيان ڪي نوان آهن، سڀئي هميشه جيان روايتي انداز سان مذمت ڪندا آيا آهن.16 فيبروري کان پهرين پوري ملڪ ۾ مسلسل دهشتگردي جا ڌماڪا ٿيندا رهيا، ايستائين جو لاهور ۾ اسيمبلي جي سامهون ٿيل ڌماڪو، جنهن بابت اڳواٽ ئي اطلاع هو، ان تي پنجاب حڪومت ڪو به ڌيان نه ڏنو. ان کان پوءِ به پنجاب ۾ ڌماڪو ٿيو، جنهن کي پنجاب حڪومت جنريٽر/گيس پائيپ لائين جي ڌماڪي جو نالو ڏئي ڇڏيو. خير اهو هڪ الڳ بحث آهي ته ان جڳهه تي خود گيس ڪمپني طرفان، اتي ڪا به گيس جي لائين ئي ناهي، پوءِ اتي ڌماڪو ڪيئن ٿو ٿي سگهي. ائين ئي پشاور ۽ ڪوئيٽا ۾ مسلسل ڌماڪا ٿيندا رهيا آهن، ڪوئيٽا وارن پنهنجن ڪلهن تي نه ڄاڻ ڪيترا جنازا کنيا آهن. ڪنهن جو به ڪٿي لاش ڪري، ڌرتي ماتم ڪري ٿي. ائين ئي دهشتگردن هٿان شهيد ٿيل معصوم زندگيون موت جي گهاٽ لاٿيون وڃن ٿيون.

16 فيبروي تي به هڪ دهشتگرد ڪوشش ڪئي ته اهي ڌرتي جي سيني ۾ موجود صوفي/ڀڳتي روح کي ڌوڏي سگهن. اهو سڀ ڪيترو نه عجيب آهي جو هڪ پاسي دهشتگرد قاتل پير وڌائي رهيو هو ته ٻئي پاسي، امن ۽ پيار جون دليون ڌمال هڻي رهيون هيون، انهن سڀني کي خبر نه هئي ته قاتل گهات هڻي زندگي کي ختم ڪرڻ لاءِ اچي رهيو آهي. مان 18 فيبروري تي قلندر لعل شهباز جي درگاهه تي ٻن ڏينهن لاءِ رپورٽنگ ڪرڻ لاءِ ويس، درگاهه جي اندر داخل ٿيندي مون ڌرتي ديوي ڏانهن ڏسي، پاڻ کان ايترو ئي سوال ڪري سگهيس ته هڪ ڌرتي ديوي جي مٿان ڇا گذريو هوندو، جڏهن ان کي محسوس ٿيو هجي ته قاتل پير وڌي رهيا آهن، معصوم زندگين کي قتل ڪرڻ لاءِ!

دهشتگرد ۽ ڌمال ڪندڙن ٻنهي ۾ وڏو فرق هو، ڌمال ڪندڙ پير، پنهنجي روح ۽ زندگي جي مام کي سمجهڻ چاهين پيا ته دهشتگرد، انهن سڀني جي ڳولها کي خاموش ڪرڻ لاءِ اڳيان وڌي رهيو هو. دهشتگرد تقريبن 100 جي لڳ ڀڳ پانڌيئڙا شهيد ۽ 250 کان مٿي ماڻهو زخمي ڪري ڇڏيا. درگاهه مان زندگي جي هاريل رت کي ڌوتو ويو، پر قاتل ڪيترن ئي گهرن کي تباهه ڪري ڇڏيو. جيڪڏهن دهشتگرد ڪجهه ختم نه ڪري سگهيو ته درگاهه تي ماڻهن جي اچڻ کي، اهو ڌمال جي رقص کي روڪي نه سگهيو. ردگاهه جي فوٽو گرافي ۽ مقامي ماڻهن سان ڳالهائيندي منهنجي ملاقات ڌمال کي سڀناليندڙ سان ٿي، جنهن جو خاندان ستن پيڙهين کان ڌمال جي ذميواري سنڀاليندو پيو اچي. ان ڪنهن سان به ڪا شڪايت نه ڪئي، پر ان جو اکيون ڀرجي ويون، جڏهن ان اهو چيو ته ”مان پنهنجي پوري زندگي ۾ ائين نه ڏٺو، جيڪو ڪجهه خميس جي رات، هتي ٿيو. پهريون ڀيرو هڪ ڪلاڪ واري ڌمال صرف 15 مينٽ ٿي. هن وڌيڪ ٻڌايو ته پوري هفتي ۾ ڌمال 30 منٽن ۽ صرف خميس جي ڏهاڙي ڌمال ڪلاڪ هلندي آهي ۽ ڇنڇر جي ڏينهن اسان وري ڪلاڪ ڌمال هڻنداسين، جيئن اسان ڪندا رهندا آهيون. اسان دهشتگردي جي ٻئي ڏينهن به ڌمال نه روڪي، ان ڏينهن به سوڳ واري ڌمال هنئي وئي.

ها! دهشتگرد ناڪام ٿيو، ڌمال کي بند ڪرڻ ۾، مان پاڻ ڌمال هڻندي هر هڪ کي ڏٺو، جيڪي ڌمال جي ڌن تي پنهنجا پير ڌرتي جي سيني تي هلائي رهيا هيا. سيوهڻ ۾ دهشتگرد ڌماڪي ڪيترن ئي پاسن کان شيون وائکيون ڪيون آهن، هڪ واضح پيغام ته هن ڌرتي جي سيني مان صوفي/ڀڳتي ختم ناهن ٿيڻا ۽ ٻيو سيڪيورٽي ۽ بوگس ڪارڪردگي، جنهن کي درست ڪرڻ ضروري آهي.

مدرسن ۾ ڪهڙي قسم جون مواد ۽ ڪهڙي تربيت ملي پئي، اها ڪنهن کان ڳجهي ناهي رهي يا جيڪي ان تي پردو رکڻ چاهين ٿا، درحقيقت اهي پنهنجي اصليت وائکي ڪري رهيا آهن ته اهي ڪهڙي پاسي تي بيٺل آهن. سيوهڻ شريف جي رهواسي پنهنجو نالو ظاهر نه ڪرڻ جي صورت ۾ ٻڌايو ته ”2003 کان ديوبندي مدرسا ڪم ڪري رهيا آهن، ايستائين جو اڳوڻو وزيراعليٰ ارباب رحيم به اهڙي قسم جي تبليغ ڪري سيوهڻ ۾ ايندو رهيو. مدرسن اندر اهو چيو ويو ته سيوهڻ ۾ وڌيڪ شرڪ آهي، اتي ڪم ڪرڻ جي ضرورت آهي. توهان کي ظاهري طور تي اهي ڪم ڪندي نظر نه ايندا، پر پردي پٺيان ڪيترائي سرگرم آهن.

سيوهڻ ۾ صحت جون سهولتون ناهن، جيئن هجڻ گهرجن، جتي صحت جي حوالي سان تنقيد ٿئي پئي، اتي اهم سوال ڇو نه ٿا ڪيا وڃن ته مدرسن اندر نفرت جي تعليم ڇو ڏني پئي وڃي. سنڌ حڪومت جي موڪليل 90 کان مٿي مدرسن جي فهرست کي وفاقي حڪومت نظرانداز ڇو ڪيو؟ سيوهڻ شهر کي سيڪيورٽي فراهم ڇو نه ڪئي، جڏهن ملڪ جي ٻين جڳهن تي دهشتگردي جا حملا ٿيا، سيوهڻ جي درگاهه ٽارگيٽ تي هئي، ان جون خبرون به اچي چڪيون هيون ۽ مقامي ماڻهن لوڪل انتظاميا کي شڪايت به ڪئي هئي، پر پوءِ به سيڪيورٽي فراهم نه ڪرڻ جو مطلب ڪهڙو آهي؟

سيوهڻ جنهن جو تاريخي نالو سيوستان آهي، قلندر جي درگاهه ۾ اهم ذميواريون نڀائيندڙ هندو سائين لال داس هو ۽ هاڻي ان جو پٽ گل داس سنڀالي پيو، گل داس جي ماءُ به ان دهشتگردي ڌماڪي ۾ بچي وئي. ”مرشد، منهنجي ماءُ کي بچايو.“ هاڻي اسان جي درگاهه ۾ اها حيثيت ناهي رهي، جيئن پهرين هئي. اسان کي هندو طور تي ڏٺو وڃي ٿو. اسان ڪيئن سيڪيورٽي لاءِ چئي سگهون ٿا، جڏهن اسان جي هٿن ۾ ڪجهه ناهي. هتي ڪرپشن گهڻي آهي، اهڙي ماحول ۾ سيڪيورٽي ڪيئن ڪري سگهندا، گل داس وڌيڪ ٻڌايو ته درگاهه تي پهرين به حملي جون ڌمڪيون هيون ۽ ماضي ۾ هڪ شڪي بس کي پڪڙيو ويو هو، جيڪا اُتر سنڌ کان سفر ڪري هتي آئي هئي. سيوهڻ شريف، جنهن جون پاڙون سيوستان سان جُڙيل آهن، پر ان جي مارڪيٽ ۾ مون کي هندو نظر نه آيا. ڳالهه صرف گادي نشين گل داس جي دانهن تائين محدود ناهي، اها شڪايت گادي نشين ”ولي محمد شاهه به ڪئي ته اوقاف کاتي ۾ ڪرپشن گهڻي آهي، اهي ڪيئن حفاظت تي ڌيان ڏيندا. ان ڳالهه تي به اقرار ڪريو ته ها! هتي ڪجهه اهڙيون قوتون آهن، جيڪي درگاهن جي خلاف ڳالهايون ڪن ٿيون.“

شڪارپور ۾ امام بارگاهه تي ڌماڪي کان پوءِ مدرسن ۽ ٻاهر کان آيل ماڻهن جي چڪاس نه ڪئي وئي جو هاڻي اهي ڪيترن ئي روپن ۾ اچي چڪا آهن. جنهن جو تازو مثال، گرفتار ڪيل خودڪش دهشتگرد آهي، جيڪو سنڌ جي ٻين شهرن ۾ دهشتگردي ڪرڻ لاءِ تياريون ڪري رهيو هو. ان قسم جا ڪيترائي دهشتگرد، ڪنهن پاڇي ۾ لڪل ويٺا هوندا، حڪومت پهرين انهن مٿان سخت نظر ڇو نٿي رکي، آخر مدرسن اندر جيڪو ڪجهه هلي پيو، حڪومت ڪڏهن انهن جي جاچ ڪندي؟ ڇو جو هتي سوال عوام جي زندگين جو آهي. سيوهڻ ۾ دهشتگردي جي ڌماڪي ڪيترائي سوال اُٿاريا آهن، حڪومت عوام جو تحفظ ڪري، جيتوڻيڪ دهشتگرد ڌمال کي روڪڻ ۾ ناڪام ٿيا، اهي هر وقت هن ڌرتي جي سيني ۾ ساهه کڻندڙ صوفي/ڀڳتي کي مٽائڻ ۾ ناڪام ٿيندا رهندا.

 

صاف پاڻي کان محروم سنڌ  : تحرير. شير محمد سولنگي (اچيورس)

پاڻي انسانيت لاءِ جيئڻ جو اهم وسيلو آهي پاڻي کان سواءِ زندھ رهڻ جي وجود جو تصور ئي نٿو ڪري سگھجي . سنڌ جي ڪافي شهر اهڙا آهن جن ۾ جيڪو ماڻهون پاڻي واپرائيندا آهن . اهو جري ناهي هوندو بلڪ اهو نهري هوندو آهي جنهن کي هٿ سان سرڪار خراب ڪيو آهي  ڇاڪاڻ ته انه کي اهو علم به هيو ته هي پاڻي شهن جا شهر واپرائي رهيا آهن تنهن هوندي به انهن غير زميواري جو بهرحال پيئڻ جي صاف پاڻي جو مسئلو پنهنجي جڳهه تي درست آهي، پر سنڌ جا ٻيا به کوڙ سارا مسئلا آهن، صرف پيئڻ جي صاف پاڻي فراهم نه ٿيڻ تي اهو چوڻ ته سنڌ جا ماڻهو زندهه ڪئين آهن، ناڪافي هوندو، ڇاڪاڻ ته سنڌ جو سڀ کان وڏو مسئلو انڊس ڊيلٽا جو به آهي، ڪجهه عرصو اڳ اهو معاهدو به ڪيو ويو هو ته ڪوٽڙي بئراج ۾ پاڻي ڇوڙ ڪيو ويندو ته جئين هزارين ايڪڙ زمين کي بچائي سگهجي پر هن وقت تائين ان تي به عمل نه ٿي  سگهيو  آهيهڪ طرف سنڌ ڌاري لوڌ جو بار به برداشت ڪري رهي هئي ته مٿان وري سنڌ کي سمورين سهولتن کان به محروم ڪيو ويو آهي، هڪ طرف فيڪٽرين جو زهريلو پاڻي واهن ۽ شاخن ۾ وڌو پيو وڃي ته ٻي طرف وري اهو ئي زهريلو پاڻ شهرين کي فراهم به ڪيو پيو وڃي. جنهن سبب ماڻهو چمڙي سميت پيٽ جي مختلف بيمارين ۾ مبتلا ٿي چڪا آهن. هونءَ ته گذريل ڪيتري ئي عرصي کان سنڌ جي واهن ۽ شاخن ۾ زهريلي پاڻي جي ڇوڙ خلاف احتجاج ٿيندا  رهيا آهن پر هن ڀيري جسٽس اقبال ڪلهوڙي جي جوڙيل ڪميٽي چيو آهي ته سنڌ جي ماڻهن کي صنعت جو زهريلو پاڻي واپرائڻ تي مجبور آهن. صوبائي توڙي وفاقي حڪومت کي اهڙي سنجيده معاملي تي ٿورو سوچڻ گهرجي، سنڌ واسين جي مسئلن تي هٿ پير هڻڻ شروع  ڪري ڇڏين ته جئين سنڌ جا ماڻهو  زنده رهي سگهن. جيڪڏهن زهريلي پاڻي جي ڇوڙ کي واهن شاخن ۾ داخل ٿيڻ کان نه روڪيو ويو ته ان جا ڀيانڪ نيجا نڪرندا..

هن وقت به بدين، ٺٽي جي زمين کي سمنڊ ڳڙڪائي رهيو آهي، پر وفاقي حڪومت توڙي صوبائي حڪومت ڪو به نوٽيس نه ورتو آهي، جيڪڏهن هن وقت به حڪومت سجاڳ نه ٿي ته پوءِ سمنڊ لکين ايڪڙ زمين ڳڙڪائي ويندو ۽ ان جو نقصان صرف سنڌ کي ئي ٿيندو. سنڌ جو ٻيو به سڀ کان وڏو مسئلو ڌارين جي لوڌ وارو آهي، هن وقت سنڌ جي ڪامورن جي آشيروارد سان لکين پناهگير سنڌ ۾ ترسيل آهن ۽ آدمشماري به تمام گهڻو ويجهو اچي چڪي آهي، هاڻ اهي ئي ڪامورا جيڪي عوام جي ووٽ ذريعي اسيمبلين ۾ ويٺل آهن، اهي اهي دانهون ڪري رهيا آهن ته آدمشماري سنڌين جي زندگي ۽ موت جو مسئلو آهي، پر اهي ئي ڪامورا ان وقت خاموش هئا جنهن وقت سنڌ جو عوام رت جا ڳوڙها ڳاڙي رهيو هو،مظاهرو ڪندي شهرن جي گترن ج پاڻي واهن ۾ ڇوڙ ڪيو آهي جڏهن اهو معاملو ،ميڊيا تي اٿاريو ويو تسنڌ هاءِ ڪورٽ جي جسٽس محمد اقبال ڪلهوڙي جي سربراهي ۾ جوڙيل ڪميشن سنڌ ۾ پيئڻ جي صاف پاڻي ۽ صفائي سٿرائي بابت ڳالهائيندي چيو  آهي ته سنڌ جا ماڻهو زهريلو پاڻي پيئن پيا، کيس سمجهه ۾ نه پيو اچي ته سنڌ جا ماڻهو زندهه ڪئين آهن، جوڙيل ڪميشن صنعتي زون جي زهريلي پاڻي تي به ڳڻتي ظاهر ڪئي آهي، ڪميشن جي اهڙي بيان مان اهو هاڻ ظاهر ٿي ويو آهي ته ڪراچي سميت سڄي سنڌ ۾ جيڪي به صاف پاڻي جي لاءِ احتجاج ٿي رهيا هئا، ان تي  صوبائي توڙي وفاقي حڪومت ڪو به ڌيان نه ڏئي رهي آهي، هن وقت به سنڌجو ڪو اهڙو شهر نه بچيو هوندو، جتي زهريلو پاڻي ماڻهن کي فراهم نه ٿيندو هجي، هونءَ ته سنڌ جي ٻهراڙين وارن علائقن ۾ جر جو صاف پاڻي استعمال ڪيو ويندو آهي پر شهري علائقن ۾ جر جو پاڻي کارو نڪري ٿو، جيڪو پيئڻ جي لائق نه هوندوآهي، جنهن سبب شهرن ۾ ماڻهو مٺي پاڻي جا ٽينڪر لهرائيندا آهن، يا وري واٽر سپلاءِ جو پاڻي استعمال ڪندا آهن، جيڪڏهن ڏٺو وڃي ته حڪومت طرفان صرف اهڙن علائقن کي مٺو پاڻي فراهم ڪيو ويندو آهي، جن علائقن ۾ ڪو بااثر رهندو هجي يا وري جتي وري ڪنهن ڪاموري جو گهر هجي، انهن علائقن ۾ نه بجلي بند ٿيندي آهي ۽ نه ئي وري اتي ڪو پيئڻ جي صاف پاڻي جو مسئلو پيدا ٿيندو  آهي،

هونءَ ته حڪومت طرفان ڪراچي سميت سنڌجي ننڍن وڏن شهرن ۾ ڪيترائي پيئڻ جي پاڻي جا پلانٽ لڳايا ويا آهن پر ان باوجود ڪيترائي پلانٽ بند پيل آهن يا وري اهي پلانٽ اهڙن علائقن ۾ لڳايا ويا آهن جتي غريبب ماڻهو نه رهندا ۽ اهي پلانٽ گهٽ به استعمال ٿيندا آهن پر ان باوجود حڪومت ڪو به نوٽيس نه وٺندي آهيه ان کان پوءِ ان معاملي ۾ سپريم ڪورٽ نوٽيس ورتو ھ ججن جي هڪ ٽيم مقرر ڪئي جنهن کي پاڻي پاڪائي ۽ ڇوڙ ٿيندڙ گٽرن جو پاڻي بابت رپورٽ گھري هئي نيٺ اها رپورٽ سپريم ڪورٽ ۾ اها انڪواائري تي ٻڌل رپورٽ ٻڌل هئي ، سا جمع ٿي وئي جنهن کان پوءِ  سپريم ڪورٽ جي حڪم تي سنڌ ۾ پيئڻ جي صاف پاڻي جي فراهمي ۽ گندي پاڻي جي نيڪالي لاءِ انڪوائري ڪميشن رپورٽ مڪمل ڪري جمع ڪرائي ڇڏي آهي ،سپريم ڪورٽ جي حڪم تي سنڌ هاءِ ڪورٽ جي جسٽس محمد اقبال ڪلهوڙي جي سربراهي ۾ پاڻي ڪميشن هڪ سئو 80 صفحن تي ٻڌل رپورٽ ۾ ڄاڻايو آهي ته سنڌ ۾ ڪٿي به ڊبليو  ايڇ او جي معيار موجب پاڻي فراهم نه پيو ڪيو وڃي.جڏهن ته سنڌ سرڪار پاران پيش ڪرايل ڪاغذن کي به رپورٽ جو حصو ٺاهيو ويو آهي .ذريعن موجب رپورٽ ۾ ڄاڻايو ويو آهي ته صاف پاڻي جي فراهمي ۽ گندي پاڻي جي نيڪال ۾ انتظامي نا اهلي ۽ غفلت شامل آهي.ذريعن موجب رپورٽ ۾ ڄاڻايو ويو آهي ته سنڌ حڪومت اعتراف ڪري چڪي آهي ته سنڌ ۾ 87 سيڪڙو زير زمين پاڻي کارو ٿي چڪو آهي.  4 سئو 14 جگهن تي سنڌو درياهه ۽ ان جي واهن ۾ نيڪال جو گندو پاڻي ڇوڙ ڪيو ويندو آهي .رپورٽ ۾ پاڻي کي بنا ٽريٽمينٽ جي سنڌو درياهه ۾ ڇوڙ ڪيو ويندو آهي. ڪميشن جي آڏو پاڻي جي نيڪال جو سنڌ حڪومت اعتراف ڪري ڇڏيو آهي .ذريعن جي موجب آراو پلانٽس جي منصوبن ۾ بدانتظامي ۽ ڪرپشن جي نشاندهي ٿي آهي .پاڻي ڪميشن جي قيام جو سبب بڻجندڙ پٽيشنر شهاب اوستي ڳالهائيندي چيو ته سنڌو درياهه ۾ مختلف هنڌن تان فيڪٽرين جو زهريلو پاڻي ڇوڙ ڪيو پيو وڃي، جيڪو پاڻي ڪراچي واسين کي پيئڻ لاءِ فراهم ڪيو پيو وڃي.شهاب اوستي جو چوڻ هو ته سنڌ ۾ گندي پاڻي جي استعمال سبب هزارين ماڻهو مختلف بيمارين ۾ مبتلا ٿي ويا آهن.هن چيو ته ڪميشن جي رپورٽ تمام گهڻي ڇرڪائيندڙ آهي جنهن ۾ سنڌ حڪومت جي نا اهلي ۽ بد انتظامي شامل آهي.

 

 

رد النثار ۽ رد الفساد جا ٻول….!!

پيپلز پارٽي  جي سيڪريٽري اطلاعات مولا بخش چانڊيو چيو ته وفاقي حڪومت دهشتگردي جي خاتمي لاءِ پنهنجيون پاليسون درست ڪري، وفاقي گهرو وزير چوڌري نثار کي پوري ملڪ جو گهرو وزير بڻجڻ گهرجي، هن وقت حالت اها آهي ته وفاقي حڪومت جا ماڻهو جيڪو  وڻي اهو  ڳالهائين پيا پر کين ڪير به چوڻ وارو نه آهي،  اڳ ۾ سياسي ڪارڪنن جي ڳالهين ۾ علم هوندو هو پر هاڻ سياسي ڪارڪنن ۽ شاگردن جي هٿن ۾ ڪتاب بجاءِ هٿيار اچي ويا آهن، جيڪا روايت جلد ختم ٿيڻ واري آهي، ڪتاب ڪهڙو به هجي پر ڪتابن سان ئي زمانا بدلجندا آهن ڪنهن انسان کي قتل ڪرڻ جو ڪنهن کي به  حق ناهي، دهشتگرن خلاف سمورين قوتن کي گڏ ٿيڻو پوندو. دهشتگردن سامهون هٿيار کڻڻ بجاءِ دهشتگردي جي سببن تي غور ڪيو وڃي ته حل ڪڍي سگهجي ٿو، هڪ صوبي جا وزير ڪڏهن لڪل ته ڪڏهن اعلانيه طور دهشتگردن جي حمايت ڪن ٿا، جنهن ملڪ ۾ حڪمران ئي دهشتگردن جي پٺڀرائي ڪندا هجن اتي ڪارروائين کي ڪئين روڪي سگهجي ٿو  سڌ حڪومت ۽ پوليس صوبي ۾ امن قائم ڪرڻ لاءِ وڏيون قربانيون ڏنيون آهن، رينجرز جي ڪردار کي به فراموش نٿو ڪري سگهجي، پاڪستان پيپلز پارٽي جي اڳواڻڻ ۽ عوام جون قربانيون به وسارڻ جوڳيون ناهن، ردالفساد جي ڀرپور حمايت ڪريون ٿا، نواز شريف سان نه پر سندس پاليسن سان اختلاف آهن، کيس ننڍن صوبن جو ڪوبه خيال نه آهي، هڪ هٽي واري پاليسي سان ملڪ ۾ ڏڦيڙ پکڙجندو سيوهڻ ۾ درگاهه قلندر شهباز جي مزار آڏو ٿيل آپگهاتي ڌماڪي ۾ بيگناهه انساني جانيون ضيع ٿيڻ تي صوبي جا  لکين ماڻهو غمگين آهن، پر وزير اعظم سيوهڻ اچڻ باوجود درگاهه تي نه ويو ۽ شهيدن لاءِ ڪوبه اعلان نه ڪيو وفاقي حڪومت جو جو فيصلو هڪڙو ۽ عمل ٻيو هوندو اهي، فيصلن سان اوهان جي نيت ظاهر ٿئي ٿي، لاحول شيطان کي ڀڄائڻ لاءِ پڙهندا آهيون پر پهرين پاڻ کي شيطان جي چنبي مان آزاد ڪرڻو پوندو، آصف زرداري منهنجو محسن آهي، جنهن مونکي گمنامي واري زندگي کان بچايو،  چوڌري نثار عليءَ جي گجڻ ۽ وسڻ جي ڪا پرواهه نه آهي، چوڌري نثار پنهنجي ڪاميابيءَ تي جھمريون هڻندو ٿو وتي پر اصل ۾ هن ڪجھه به ناهي ڪيو، رد النثار ڪيو وڃي ها ته رد الفساد جي ضرورت نه پوي ها،  الله سائين سڄي پاڪستان ۾ امن امان ڪري، امن جو گهوارو بڻائي، پاڪستان ۾ سياست ڪندو آهيان صوبائيت جي ڳالهه ناهيان ڪندو، وفاقي پارٽي ڪجھه به ڪندي ۽ چوندي وتي ان کي روڪڻ وارو ڪير به ڪونهي.