تازيون خبرون

Monthly Archives: January 2017

فيصلا چوڪن تي نه پر پارليامينٽ ۾ ٿيڻ گھرجن، قوم کي اتحاد ۽ اتفاق طرف وٺي وڃڻو آهي: چوڌري نثار

اسلام آباد (م.ڊ) وفاقي گھرو وزير چوڌري نثار علي خان چيو آهي ته سول ۽ هٿياربند سهڪار کان سواءِ هر شعبي ۾ بهتري ايندي، سول ۽ عسڪري سهڪارن سان امن امان جي صورتحال بهتر ٿي، انٽرچينگ سان سڄي علائقي کي فائدو ٿيندو، نيشنل هاءِ وي اٿارٽي جي تقريب کي خطاب ڪندي چوڌري نثار جو چوڻ هو ته رابطا جيترا مضبوط هوندا ملڪ جو مستقبل ايترو ئي محفوظ هوندو، ماڻهن جي زندگي سولي ڪرڻ سان ئي ملڪ جو مستقبل بهتر ٿيندو، پاڪستان جو مستقبل گار گند ۽ ڀتيون ٺاهڻ۾ نه آهي، ملڪ ڪيترن ئي چئليجن کي منهن ڏئي رهيو آهي، پاڪستان تاريخ جي ڏکئي ترين دور مان گذري رهيو آهي، پاڪستان ۾ اڪثريت سٺن ماڻهن جي آهي، انهن کي اڳتي اچڻ گھرجي، فيصلا چوڪن تي نه پر پارليامينٽ ۾ ٿيڻ گھرجن، قوم کي اتحاد ۽ اتفاق طرف وٺي وڃڻو آهي، ورهاست ۽ گھرو انتشار سان موقون ترقي ناهن ڪري سگھنديون، ترقي يافتا قومن جا فيصلا روڊن تي ناهن ٿيندا، ملڪ ترقيءَ طرف وڌي رهيو آهي، ماڻهو مون کان ناراض آهن پر اهوئي سچ آهي، ڪرپشن جي خاتمي جي لاءِ ڪير به سنجيده نه آهي، ڪرپشن جي ڳالهه ته سڀڪو ڪندو آهي پر ان تي اعمل ڪير به ناهي ڪندو. ملڪ جا سٺا ماڻهو خاموش نه ويهن پر آواز اٿارن، اسان جي قول ۽ فعل ۾ تضاد هجڻ نه گھرجي.36

 

آرمي چيف جنرل قمر جاويد باجوا سان جرمن سفير جي ملاقات، دهشتگرديءَ خلاف جنگ ۾ پاڪ فوج جي واکاڻ

راولپنڊي (اين اين آءِ)جرمن سفير دهشتگردي خلاف جنگ ۾ پاڪ فوج جي ڪاميابين جو اعتراف ڪندي خطي ۾ امن ۽ استحقام لاءِ ان جي مسلسل ڪوششن جي تعريف ڪئي آهي آءِ ايس پي آر موجب چيف آف آرمي اسٽاف سان پاڪستان ۾ سرمني جي سفير ايناليپل جمعي تي جي ايڇ ڪيو ۾ ملاقات ڪئي ملاقات دوران خطي جي سيڪيورٽي سميت گڏيل دلچسپي جي معاملن تي ڳالهه ٻولهه ڪئي ويئي جرمن جي سفير دهشتگردي خلاف جنگ ۾ پاڪ فوج جي قربانين جي تعريف ڪندي خطي ۾ استحڪام لاءِ ان جي مسلسل ڪوششن کي ساراهيو.

 

شاهه محمود ۽ عمران منهنجي ريڊار تي هوندا، شينهن جو مقابلو ڪرڻ لاءِ تيار ٿيو: عابد شير عليءَ جو ٽوئيٽ

اسلام آباد (م.ڊ) سپريم ڪورٽ ۽ قومي اسيمبليءَ جي ويڙهه سوشل ميڊيا تي به پهچي وئي آهي، عابد شير عليءَ ٽوئٽر تي عمران خان ۽ شاهه محمود قريشيءَ کي ڌمڪي ڏئي ڇڏي، عابد شير عليءَ پنهنجي ٽوئٽر اڪائونٽ تي شاهه محمود قريشيءَ کي مخاطب ٿيندي چيو ته قومي اسيمبليءَ ۾ اوهان ۽ عمران خان منهنجي ريڊار تي هوندا، هن سوشل ميڊيا وسيلي پي ٽي آءِ تياري ڪرڻ جو پيغام ڏيندي ن ليگ جي شينهن سان ويڙهه جي تياري ڪيو. ٻئي طرف تحريڪ انصاف عابد شير عليءَ جي ٽوئيٽ جو سختيءَ سان نوٽيس وٺندي رد عمل جو اظهار ڪيو ته عابد شير عليءَ طرفان جاري بيان جي مذمت ڪيون ٿا، مسلم ليگ ن جو تشدد ۽ بدتميزي تي لهي اچڻ شرم جوڳو آهي، پي ٽي آءِ ترجمان نعيم الحق جو چوڻ هو ته پاناما ليڪس مسلم ليگ ن جي ڪرپش ئي نه پر ان اندر لڪل سفاڪ آمرن کي به بي نقاب ڪيو آهي. ن ليگ هر هنڌ انصاف جا دروازا بند ڪيا ويا آهن، هن عابد شير عليءَ جي ٽوئيٽ جو جواب ڏيندي چيو ته اسان هنن جي مقابليءَ جي لاءِ تيار آهيون، تحريڪ انصاف پاڪستان جي سڀ کان وڏي سياسي طاقت آهي، عمران خان پنهنجي سپاهين سان گڏ ميدا ۾ لٿل آهي، جمهوريت ۽ پارليامينٽ کي گندگيءَ کان صاف ڪري دم پٽينداسين.

 

اسحاق ڊار مني لانڊرنگ جو اعتراف ڪيو، ان جي بيان ۾ سڀ ڪجهه واضح آهي: عمران خان

اسلام آباد (م.ڊ) تحريڪ انصاف جي سربراهه عمران خان چيو ايه ته ڪڏهن به ڪنهن ليڊر جي اهڙيءَ طرح جھڙتي ناهي ورتي وئي، هي پهريون ڀيرو ٿي رهيو آهي ته سپريم ڪورٽ حڪمرانن جي جھڙتي وٺي رهي آهي، سپمري ڪورٽ ٻاهران پاناما ڪيس جي ٻڌڻيءَ کان پوءِ ميڊيا سان ڳالهائيندي عمران خان چيو ته اڄ اصل مني ٽريل سامهون آيو ته 2-1 ارب رپين جي مني لانڊرنگ ٿي. اسحاق ڊار مني لانڊرنگ جو اعتراف ڪيو آهي ۽ اسحاق ڊار جي بيان ۾ سڀ ڪجهه واضح آهي، ن ليگ ماڻهن جي اکين ۾ ڌوڙ وجھي رهي آهي، خوشي آهي ته اڄ سڀ ڪجھه سامهون اچي رهيو آهي، هِن ڪيس جو جيڪو به نتيجو نڪتو ان سان پاڪستان جي تاريخ بدلجي ويندي.حديبيه پيپر مل وسيلي اربين رپيا لُٽيا ويا، پهريان مشرف اين آڙ او ٺاهيو پوءِ زرداريءَ به ڪرپشن کي پڪڙڻ جي لاءِ ڪجھه نه ڪيو ڇو ته هِنن وچ ۾ ميثاق جمهوريت وسيلي ڏي وٺ ٿي.36

 

52 ڪروڙ جا تحفا ڏنا ۽ ورتا ويا، ڇا حلال جي مال مان ڪو اهڙا تحفا ڏيندو آهي: سراج الحق

اسلام آباد (م.ڊ) جماعت اسلاميءَ جي امير سراج الحق چيو آهي ته ممتاز قادريءَ جي شهادت تي ملندڙ بد دعائون حڪمرانن کي لڳڻ شروع ٿي ويون آهن، سپريم ڪورٽ ٻاهران ميڊيا سان ڳالهائيندي سراج الحق جو چوڻ هو ته پاناما اسڪيڊل حڪمران خاندان جي لاءِ اهڙي ڌُٻڻ ثابت ٿي ره ياهي جنهن مان سندن نڪرڻ ناممڪن آهي، اسان ٻڌي رهيا آهيون ته 52 ڪروڙ جا تحفا ڏنا ۽ ورتا ويا، ڇا حلال جي مال مان ڪو اهڙا تحفا ڏيندو آهي، پر جتي مال مفت جو هجي اتي دل بي رحم هوندي آهي، مان سمجھان ٿو ته حڪومت وڏي ڪوشش ڪئي ته ”ڌوڙ وجھو“ پاليسيءَ تي عمل ٿئي پر اسان کي عدالت تي يقين آهي اها سچائي ۽ حقيقت تي پهچي ويندي ۽ جيڪو به ان ڪرپشن ۽ پاناما اسڪينڊل ۾ ملوث آهي ان کي سزا ملندي. هن چيو ته اڄ عدالت هڪ ڀيرو ٻيهر حديبيه ملڪ بابت رمارڪس ڏنا. هن ڪيس ۾ ٻيهر جاچ جي ضرورت آهي ۽ اڄ اسان جي ان موقف کي طاقت ملي رهي آهي ته جڏهن نئب جي چيئرمين جي مقرريءَ ۾ مخالف ڌر ليڊر ۽ وزيراعظم ئي فيصلائتو ڪردار ادا ڪن ۽ سندن مرضيءَ سان مقرري ٿئي ته تاريخ ثابت ڪيو ته هو حڪمرانن جو احتساب نه ٿا ڪري سگھن، ان ڪري ان تجويز کي دهرائڻ چاهيندس ته نئب جي چيئرمين جي مقرري 100 سيڪڙو غير سياسي هجي ۽ چيف جسٽس آف پاڪستان، اسلام آباد هاءِ ڪورٽ جو چيف جسٽس، ۽ چئني صوبن جي هاءِ ڪورٽ جا چيف جسٽس ان جي مقرري ڪن جيئن سموري قوم اهو سمجھي ته 100 سيڪڙو غيرجانبدار، عدل ۽ انصاف کي يقيني بڻايو وڃي.

شروعات ۾ ڪم کي سنجيدگيءَ سان نه ورتو، رڳو پئسا ڪمائڻ لاءِ فلمون ڪندو هئس: اڪشي ڪمار

ممبئي(شوبز نيوز) بالي ووڊ جي مشهور اداڪار اڪشي ڪمار چيو آهي ته هو هڪ جنوني اداڪار آهي. ڀارتي سڌ سماءَ وارن ذريعن موجب اڪشي ڪمار کي فلم انڊسٽريءَ ۾ ٻن ڏهاڪن کان وڌيڪ جو وقت ٿي ويو آهي. هن جو چوڻ آهي ته هن اداڪاري جي پيشي کي رڳو پئسا ڪمائڻ لاءِ چونڊيو هو، پر هن جو چوڻ آهي ته وقت سان گڏوگڏ هن پاڻ کي جنوني اداڪار بڻايو ۽ اها تبديلي سندس زندگيءَ ۾ 1999ع جي فلم ”سنگهرش“ سان آئي ۽ هن پنهنجي ڪم سان محبت ڪرڻ شروع ڪئي ۽ هاڻي هو هڪ جنوني اداڪار آهي. اڪشي چيو ته ايمانداري سان چوان ته آئون پاڻ کي خوش قسمت ٿو سمجهان جو آئون ان انڊسٽريءَ جو حصو آهيان. هن چيو ته ڪيريئر جي شروعات ۾ آئون پنهنجي ڪم کي سنجيدگيءَ سان نه وٺندو هوس، جڏهن هڪ سٺو بئنڪ بيلنس ٺاهي ورتو ان کان پوءِ خطرا کڻڻ شروع ڪري ڇڏيم. جيڪڏهن آئون پنهنجي ڪيريئر تي نظر وجهان ته فلم سنگهرش هڪ اداڪار طور منهنجو نظريو تبديل ڪري ڇڏيو.

 

مون کي شيطان جي نظر لڳي آهي: ماهرا خان

ڪراچي(شوبز نيوز) پاڪستان جي خوبصورت اداڪارا ماهرا خان چيو آهي ته شاهه رخ خان جي نئين فلم رئيس جي پاڪستان ۾ رليز نه ٿيڻ تي ڏک پهتو آهي، منهنجي شهرت کي شيطان جي نظر لڳي وئي آهي. ماهرا خان وڌيڪ چيو ته منهنجي رئيس پوري دنيا ۾ رليز ڪئي وئي آهي ۽ ان کي پسند ڪيو پيو وڃي، آئون پاڪستان جي پهرين اداڪارا آهيان، جنهن بالي ووڊ جي ڪنگ سان گڏ مرڪزي ڪردار ادا ڪرڻ جو موقعو مليو آهي.

آسٽريليا خلاف سيريز لاءِبهترين رانديگر چونڊيا، ڪنهن جو نالو نه وٺندس پر ٽيم ۾ وڏو بدلاءُ اچڻ گھرجي: انضمام الحق

لاهور (اسپورٽس نيوز) ملڪي ٽيم جي سليڪشن ڪميٽيءَ جي چيئرمين انضمام الحق چيو آهي ته سيريز دوران ڪنهن کي ڪابه صلاح نه ٿو ڏئي سگھان، اڃا ڪپتان بدلائڻ بابت لاءِ ڪا به صلاح ناهي ڏني، ٽنهي فارميٽن جو ڪپتان هڪ ئي هجڻ گھرجي، لاهور ۾ ميڊيا سان ڳالهائيندي سندس چوڻ هو مان مصباح کي چيف سليڪٽر جي حيثيت سان چئي سگھان ٿو، مصباح سمجھد وارو آهي، پنهنجو فيصلو پاڻ ڪندو، سڀن جي صلاح ۽ ڪارڪردگيءَ جي ڏڍ تي ٽيم چونڊي ويندي آهي، آسٽريليا خلاف سيريز جي لاءِ بهترين رانديگرن جي چونڊ ڪئي هئي، رانديگرن ۾ فٽنس ليول جي کوٽ آهي، سٺي پرفارمنس ڏيندڙ رانديگرن کي ٽيم ۾ شامل ڪيو ويندو، جنهن فرسٽ ڪلاس ۾ پرفارمنس ڏيکاري ان کي ٽيم ۾ شامل ڪيو ويو، ڪنهن جو نالو نه وٺندس پر ٽيم ۾ وڏا بدلاءَ ٿيڻ گھرجي.

آسٽريلين اوپن ٽينس هنري ڪونڪٽينن ۽ جوهن پيرز مينز ڊبلز جي فائنل ۾ پهچي ويا

ميلبورن(اسپورٽس نيوز) فن لينڊ جو هنري ڪونٽينن ۽ سندس آسٽريلين جوڙي دار جوهن پيرز پنهنجون ڪاميابيون برقرار رکندي آسٽريلين اوپن ٽينس ٽورنامينٽ مينز ڊبلز جي فائنل ۾ پهچي ويا، جڏهن ته مارڪ پولمينز ۽ اينڊريو ويٽنٽن تي ٻڌل آسٽريلي جوڙي سيمي فائنل ۾ شڪست کانپوءِ ميگا ايونٽ کان ٻاهر ٿي ويا. آسٽريليا ۾ جاري سال جي پهرين گرينڊ سلم ۾ کيڏيل مينز ڊبلز ايونٽ جي ٻئي سيمي فائنل ۾ فن لينڊ جو هنري ڪونٽينن ۽ سندس آسٽريلين جوڙي دار جوهن پيرز شاندار ڪارڪردگيءَ جو مظاهرو ڪندي مارڪ پوليمنز ۽ اينڊريو وينٽنٽن تي ٻڌل آسٽريلوي جوڙي کي اسٽريٽ سيشن ۾ 4-6، 4-6 تان هارائي ميگا ايونٽ لاءِ ڪواليفاءِ ڪيو.

 

لنڊن ۾ چئن فليٽن مان ڪنهن هڪ جو به بينيفشل مالڪ نه آهيان: وزير اعظم جواب ڏئي ڇڏيو

اسلام آباد(م.ڊ) وزيراعظم نواز شريف جماعت اسلاميءَ جي درخواست تي سپريم ڪورٽ ۾لکت ۾ جواب جمع ڪرائي ڇڏيو، وزيراعظم جماعت اسلاميءَ طرفان سپريم ڪورٽ ۾ نااهلي لاءِ داخ درخواست تي لکت ۾ جواب جمعڪرايو جنهن ۾ چيو ويو آهي ته هن قومي اسيمبليءَ ۾ پنهنجي تقرير دوران ڪا غلط بياني ناهي ڪئي ۽ نه ئي پنهنجي حلف جي ڀڃڪڙي ڪئي آهي. وزيراعظم پنهنجي لکت واري جواب ۾ دعويٰ ڪئي آهي ته هو لنڊن ۾ چئکن فليٽن مان ڪنهن هڪ جو به بينيفشل مالڪ نه آهي. مون پنهنجي آمدنيءَ جا گوشوارا ۽ انڪم ٽئڪس ريٽرن ۾ سموري تفصيل داخل ڪئي آهي ۽ آئين جي آرٽيڪل 248 تحت ڇوٽ جو مطالبو ناهي ڪيو، جواب ۾ وڌيڪ چيو ويو آهي ته هر ميمبر پارليامينٽ ۾ خيالن جي اظهار جو حق رکي ٿو.وزير اعظم نوا زشريف جي پيءُ ميان شريف جي گلف اسٽيل مل جي خريدار عبدالرحمان محمد عبدالله جو به حلفي بيان سپريم ڪورٽ ۾ جمع ڪرايو ويو آهي. گڏيل عرب امارتن جي شهري عبدالرحمان محمد عبدالله آهلي اسٽيل مل جو ايم ڊي آهي، جنهن جو گلف اسٽيل مل جي خريداري بابت حلفي بيان شريف خاندان جي وڪيل سلمان اڪرم راجا عدالت ۾ جمع ڪرايو. حلفي بيان انگريزي ۽ اردو ٻنهي ٻولين ۾ لکيل آهي. بيان ۾ عبدالرحان محمد عبدالله چيو آهي ته قسم کڻي چوان ٿو ته گلف اسٽيل مل ميان محمد شريف کان مون خريد ڪئي. گلف اسٽيل مل جي ڪُل قيمت 33 ملين 375 هزار درهم ادا ڪئي وئي. چوڏهن اپريل 1980ع ۾ خريداري جو عمل مڪمل ٿيو.