تازيون خبرون

Monthly Archives: January 2017

انگلش ڪرڪيٽ ٽيم ايندڙ مهيني ويسٽ انڊيز ويندي

لنڊن (اسپورٽس نيوز) انگلينڊ جي ڪرڪيٽ ٽيم ايندڙ مهيني ويسٽ انڊيز جي دوري تي ويندي. شيڊيول موجب انگلش ٽيم ٽن ون ڊي ميچن تي ٻڌل سيريز کيڏڻ لاءِ 22 فيبروري تي ويسٽ انڊيز پهچندي. ون ڊي سيريز کان اڳانگلش ٽيم ٻه وارم ميچون کيڏندي، جنهن کانپوءِ انگلينڊ ۽ ويسٽ انڊيز وچ ۾ ون ڊي سيريز جي پهرين ميچ 3 مارچ، ٻي ميچ 5 مارچ، جڏهن ته ٽين ۽ آخري ميچ 9 مارچ تي کيڏي ويندي.

 

ڊونالڊ ٽرمپ صدارتي مدو پورو ڪري سگهندو؟: صاحب خان ڀٽي

آمريڪي صدر ڊونالڊ ٽرمپ چونڊن کان ويندي هن وقت تائين تڪراري بڻيل رهيو آهي  ۽ سندس بيانن سبب دنيا ۾ ٿرٿلو مچي رهيو آهي،  هڪ طرف ڊونالڊ ٽرمپ حڪمن تي صحيحون ڪري رهيو آهي ته ٻي طرف وري عدالتن  انهن تي عمل نه ڪرڻ جي هدايت ڪري رهي آهي،   جڏهن کان آمريڪي صدر ڊونالڊ ٽرمپ آمريڪا ۾ مسلمانن تي پابندي جو اعلان جو ڪيو آهي تنهن ڏينهن کان آمريڪي مسلمانن ۾ بي چيني پيد ا ٿي وئي آهي۽آمريڪي مسلمان ان وقت  تمام گهڻو پريشان ٿي ويا، جڏهن  ٽرمپ جي حامين آمريڪا ۾ هڪ مسجد کي به باهه ڏئي ڏئي، اهڙي عمل جي سڄي دنيا ۾ مذمت  به ڪئي وئي ۽ آمريڪي مسلمانن جو ان تي سخت رد عمل سامهون آيو آهي، گذريل ڏينهن ۾ وائيٽ هائوس ٻاهران هزارين آمريڪي مسلمانن هٿن ۾ پلي ڪارڊ ۽ بينر کڻي ڊونالڊ ٽرمپ خلاف سخت نعريبازي ڪئي ۽ مطالبو ڪيو ته تڪرار اميگريشن کي فوري طور واپس ورتو ورڃي، آمريڪي صدر ڊونالڊ ٽرمپ جي مسلمان کي بي دخل ڪرڻ ۽ 7 ملڪن تي آمريڪا داخلا تي پابندي کان پوءِ آمريڪي عدالت به نوٽيس ورتو آهي، ايتري قدر جو آمريڪي عدالت پرڏيهين جي بي دخليءَ جو عمل روڪي گرفتار پرڏيهين جا تفصيل به گهري ورتا آهن، آمريڪي صدر ڊونالڊٽرمپ جي 7 مسلمان ملڪن جي شهرين جي آمريڪا ۾ داخلا تي پابنديءَ کان پوءِ پرڏيهين خلاف ڪريڪ ڊائون شروع ڪيو ويو آهي، ڪيترن ئي ماڻهن کي حراست ۾ به ورتو ويو آهي. جيڪڏهن ڏٺو وڃي ته هن وقت ساڍا 13 ڪروڙ ماڻهن لاءِ آمريڪا جا دروازا بند ٿي چڪا آهن، ڊونالڊ ٽرمپ انتظاميا طرفان چيو ويو آهي ته گرين ڪارڊ رکندڙن کي پهرين آمريڪي سفرتخانن يا قونصل خانن سان رابطو ڪرڻو پوندو. آمريڪي صدر ڊونالڊ ٽرمپ جي ستن ملڪن جي مسلمانن تي آمريڪا ۾ پابندي لڳائڻ واري اعلان کان پوءِ ايران به آمريڪا کي ڀرپور جواب ڏنو آهي  ته ايران ۾ به آمريڪي سياحن جي اچڻ تي پابندي هوندي ۽ ڪو آمريڪي ايران داخل نه ٿي سگهندو. ايراني عملدارن طرفان چيو ويو آهي ته ايران آمريڪي عوام ۽ آمريڪي حڪومت جي مخالف پاليسين ۾ فرق ڪندو آهي پر جيستائين آمريڪا طرفان ايراني شهرين تان پابندي کنئي نه ويندي تيستائين ايران به جواب ڪارروائي جاري رکندو.

بهرحال هن وقت تائين ته ڊونالڊ ۽ سندس انتظاميه خلاف ڪنهن نوٽيس ته نه ورتو آهي پر آمريڪا ۾ هن وقت به سندس ڪيل هدايتن تي آمريڪي عوام جو سخت رد عمل سامهون اچي رهيا آهن، آمريڪا جي هن وقت به ڪيترين ئي رياستن ۾ ڊونالڊٽرمپ خلاف احتجاج ٿي رهيا آهن ۽ ڪجهه هنڌن تي ته ڊونالڊ ٽرمپ خلاف وال چاڪنگ به ڪئي وئي، آمريڪا ۾ ڪجهه اهڙا به واقعا پيش اچي رهيا آهن جنهن کي ميڊيا ڏيکارڻ کان لنوائي رهي آهي، ڇاڪاڻ ته ڪجهه ڏينهن اڳ ڊونالڊ ٽرمپ ميڊيا جي ماڻهن خلاف گٿا لفظ ڳالهايا، هونءَ ته ڊونالڊ ٽرمپ جي باهه پناهگيرن کان ويندي مسلمانن تائين هئي پر هاڻ هو صحافين کي به نشانو بڻائي رهيو آهي، ٻڌڻ ۾ آيو آهي ته آمريڪي صدر ڊونالڊ ٽرمپ کي سندس ڪجهه اهم دوستن به کيس ميڊيا کي نشانو نه بڻائڻ جي صلاح ڏني آهي تنهن بعد هن ميڊيا تي هلڪو هٿ رکيو آهي پر مسلمانن ملڪن جي ماڻهن جي داخلا تي پابندي واري فيصلي تي هن وقت به قائم آهي. ڊونالڊ ٽرمپ صدارتي چونڊن کان اڳ اعلان به ڪيو هو ته صدر ٿيڻ بعد مسلمانن جي آمريڪا ۾ داخلا تي پابندي لڳائي ڇڏيندو ۽ هن ايندي اهڙا قدم کڻڻ شروع ڪري ڇڏيا آهن، جيڪڏهن ڏٺو وڃي ته ڊونالڊ ٽرمپ صرف مسلمانن تي آمريڪا ۾ داخلا تي پابندي لڳائڻ جو اعلان نه ڪيو هو  پر ٻيا کوڙ سارا به هن پنهنجي قوم آڏو اعلان ۽ وچن ڪيا هئا، جن مان هڪڙو واعدو هو پورو ڪري چڪو آهي. آمريڪي صدر ڊونالڊ ٽرمپ جڏهن کان پنهنجا اختيار استعمال شروع ڪيا آهن تنهن ڏينهن کان آمريڪا ۾ مسلمانن جون ننڊون حرام ٿي ويون آهن ۽ اهو خدشو به ظاهر ڪيو پيو وڃي ته ڊونالڊ ٽرمپ جي صدر ٿيڻ بعد هاڻ صرف دنيا نه پر آمريڪا جو مستقبل به داءُ تي لڳي ويو آهي. ڪجهه ڏينهن اڳ جڏهن ڊونالڊ ٽرمپ پنهنجي عهدي جو حلف کنيو هو ته ان وقت ڪجهه ماڻهو چئي رهيا هئا دنيا بنا سبب جي پريشان ٿي رهي آهي، ڊونالڊ ٽرمپ جيڪو ڪجهه ڪري رهيو آهي، اهو هر هڪ ملڪ جي صدر کي پنهنجي قوم لاءِ ڪرڻ گهرجي، ڪجهه ماڻهو ته اهو به چئي رهيا هئا ته ڊونالڊ ٽرمپ جي مخالفت نه ڪرڻ گهرجي،ڇاڪاڻ ته هو هڪ ڪاروباري شخصيت آهي ۽ دنيا اندر امن قائم ڪرائڻ لاءِ اهم ڪردار ادا ڪندو، بهرحال اها ته سڄي دنيا کي ئي خبر آهي ته ڊونالڊ ٽرمپ هڪ ڪامياب واپاري آهي ۽ هڪ واپاري جي سوچ ڪهڙي هوندي آهي، ان بابت ته هڪ ڪامياب واپاري بهتر ٻڌائي سگهي ٿو پر هڪ ڳالهه سامهون اچي چڪي آهي ته ڊونالڊ ٽرمپ جيڪي به هن وقت تائين قدم کنيا آهن ان سان آمريڪا ۾ دنيا اندر نفرتون پکڙجي رهيون آهن ۽ هر هڪ ملڪ ۾ اهو تاثر وڃي رهيو آهي ته آمريڪا مسلمانن جو دشمن آهي، جيڪي ٽئين جنگ ٿيڻ ڏانهن اشارو وڃي رهيو آهي،

جيڪڏهن ٽئين عالمي جنگ لڳي ته نه ته آمريڪا دنيا جي نقشي ۾ رهي سگهندو ۽ نه ئي ڪو ٻيو ملڪ، ڇاڪاڻ ته اڄ ڪلهه هر هڪ ملڪ سپر پاور  بڻجڻ چاهي رهيو آهي ۽ ڪيترائي ملڪ اهڙا ملڪ آهن جيڪي ايٽمي قوت بڻجي چڪا آهن، ڪجهه ملڪ ته اهڙا به آهن جيڪي ايٽمي ملڪ ته بڻجي چڪا آهن پر اهي دنيا آڏو واضع نه ڪري رهيا آهن، بهرحال آمريڪي صدر ڊونالڊ ٽرمپ عقل کان ڪم نه وٺي رهيو آهي پر هو جذبات ۾ اچي هڙا قدم کڻي رهيو آهي جنهن سان سندس ملڪ هڪ غير محفوظ بڻجڻ طرف وڃي رهيو آهي، هو ته اڳوڻي آمريڪي صدر بارڪ اوباما جي دور ۾ ڪيترائي اهڙا واقعا پيش آيا هئا جنهن سبب آمريڪا ٿڏي ويو هو، هڪ طرف ڪاري نسل جا ماڻهو ان وقت احتجاج ڪري رهيا هئا ته ٻي طرف وري فائرنگ جا واقعا به روز جو معمول بڻيل هئا، ڪاري نسل جا ماڻهو آمريڪي حڪومت تي اهو الزام لڳائي رهيا هئا ته ساڻن سٺو ورتاءُ نه پيو ڪيو وڃي ۽ اهڙو اعتراف بارڪ اوباما ويندي ويندي به ڪيو هو ۽ چيو هو ته کيس وائيٽ هائوس ۾ رهندي نفرتن کي منهن ڏيڻو پيو هو، بهرحال هن وقت جيڪي آمريڪا جي صورتحال بڻجي چڪي آهي، ان مان اهو اندازو لڳائي سگهي  ٿو، جيستائين آمريڪي صدر ڊونالڊ ٽرمپ آمريڪي صدر رهندو، تيستائين آمريڪا ۾  روز ڪٿي نه ڪٿي ڪو مسئلو ضرور پيدا ٿيندو رهندو ۽ هو  صرف آمريڪا لاءِ نه پر دنيا لاءِ به هڪ خطرو بڻجي ويندو،  جيڪڏهن ڊونالڊ ٽرمپ هن وقت به آمريڪا ۾ حالتون تبديل ڪرڻ لاءِ قدم نه کنيا ته پوءِ مستقبل ۾ ان جا خراب نتيجا نڪرڻ جو خدشو آهي. جنهن جون نشانيون هن وقت به نظر اچڻ لڳيون آهن. ڊونالڊ ٽرمپ صدارتي عهدي کان اڳ هڪ بيان ڏنو هو ته آمريڪا کي محفوظ ترين ملڪ بڻائيندو ۽ هن ايندي ئي ميڪسيڪو سرحد وٽ ڀت اڏڻ جو حڪم ڏنو جنهن تي ميڪسيڪو جي صدر اينرڪ پينا سان سندس اختلاف به ٿي ويا ۽ اهي اختلاف ان ڪري ٿيا جو آمريڪي صدر ڊونالڊ ٽرمپ ان تعمير ٿيندڙ ڀت جا پيسا ميڪسڪو کان گهريا هئا ۽ چيو هو ته ان ڀت جي سمورو خرچ ميڪسيڪو ئي ادا ڪندو پر جڏهن ميڪسيڪو جي صدر اهڙي مطالبي کي مڃڻ کان انڪار ڪيو ۽ چيو ته هو ڪنهن  به صورت ۾ ڀت جي تعمير جو خرچ نه ڏيندا. بهرحال هن وقت دونالڊ ٽرمپ انهن ماڻهن کي به نوازي رهيو آهي جن هيلري کي شڪست ڏيارڻ ۾ سندس مدد ڪئي هئي،

آمريڪي صدر ڊونالڊ ٽرمپ ايف بي آءِ ڊائريڪٽر جيمز ڪومي کي به عهدي تي برقرار رکڻ جو فيصلو ڪيو هو، اهو صرف ان ڪري اهو فيصلو ڪيو  ويو جو هيلري جي مقبوليت ۾ اضافو هو ۽ ڊونالڊ ٽرمپ اهو برداشت نه پيو ڪري سگهيو، جيڪڏهن ڏٺو وڃي صدارتي چونڊن دوران دنيا جا اڪثر ماڻهو اهو ئي چئي رهيا هئا ته هيلري جي ڪاميابي جا امڪان وڌيڪ آهي ۽ جيڪا سروي آمريڪا ۾ ڪرائي وئي هئي ان ۾ به هيلري جا امڪان وڌيڪ ظاهر ڪيا هئا پر جڏهن ايف بي آءِ ڊائريڪٽر جيمز ڪومي هيلري جون اي ميلز  پڌريون ڪيون هيون تڏهن کان سندس زوال شروع ٿي ويو هو،  هڪ طرف هيلري جي اي ميلز کيس تمام گهڻو ڌڪ رسايو ته ٻي طرف وري روسي هيڪنگ به رهي صحيح ڪسر پوري ڪري ڇڏي هئي. هونءَ ته آمريڪي صدر ڊونالڊ ٽرمپ ڪيترن ئي مسلمان ملڪن جي ماڻهن جي داخلا تي پابندي لڳائي ڇڏي آهي پر جڏهن ڪنهن صحافي سوال آمريڪي صدر ڊونالڊ ٽرمپ کان ڪيو ته پاڪستانين، افغانين ۽ سعودين جي آمريڪا اچڻ تي پابندي ڇو نه پئي لڳائي وڃي ؟ تنهن جي جواب ڊونالڊ ٽرمپ چيو هو ته هو ڪجھه ملڪن جو جائزو وٺي رهيا آهن، جيڪڏهن ٿورو به مسئلو ٿيو ته اهڙن ملڪن جي شهرين تي به پابندي لڳائڻ ۾ دير نه ڪندا.ڊونالڊ ٽرمپ ته اهو به چيو هو تههي پابندي مسلمانن بدران انهن ملڪن تي آهي، جتي دهشتگردي عروج تي پهتل آهي.جڏهن کان تڪراري آمريڪي اميگريشن  تي آمريڪا ۾ احتجاج شروع ٿيا آهن تنهن ڏينهن کان آمريڪا سميت سڄي دنيا ۾ هڪ خوف واري لهر پکڙجي وئي آهي. اهو صرف ان ڪري ٿي رهيو آهي ته هڪ طرف ڊونالڊ ٽرمپ آمريڪي مسلمانن سميت سڄي دنيا جي مسلمانن لاءِ مسئلا پيدا ڪري رهيو آهي ته ٻي طرف وري دهشتگردي جو شڪار ملڪ به هڪ ڀيرو ٻيهر اهو سوچڻ ته مجبور ٿي رهيا آهن ته آمريڪا جو ساٿ ڏيڻ سندن لاءِ هڪ چيلينج بڻجي رهيو آهي. آمريڪي هو لينڊ سڪيورٽي جي ترجمان طرفان به چيو ويو آيه ته آمريڪا مان مسلمان ملڪن جي رهواسين کي ڪڍڻ واري عمل کي روڪڻ لاءِ عدالتي حڪمن تي عمل ڪيو پيو  وڃي. جيتوڻيڪ ڊونالڊ ٽرمپ هن وقت تائين آمريڪا ٿيل عوامي رد عمل جو نوٽيس ناهي ورتو پر ان جا نتيجا مستقل ۾ سندس صدارتي عهدي لاءِ به هڪ وڏو چيلينج بڻجڻ وارا آهن ۽ ڊونالڊ ٽرمپ اهڙن قدم سان تڪراري بڻجڻ طرف وڃي رهيو آهي، مطلب ته هن وقت ڊونالڊ ٽرمپ تڪراري بڻجي چڪو آهي.

هونءَ ته آمريڪي صدر ڊونالڊ ٽرمپ جي مسلمانن خلاف ويزا پاليسيءَ خلاف سڄي دنيا ۾ رد عمل سامهون اچي رهيو آهي پر ڊونالڊ ٽرمپ اهڙن احتجاجن ۽ مظاهرن جو ڪو به نوٽيس نه وٺي رهيو آهي.  تڪراري اميگريشن آرڊر خلاف وائيٽ هائوس ٻاهران ٿيل احتجاج تي به ڊونالڊ ٽرمپ جي ڪن تي جونءَ نه چري آهي. جڏهن وائيٽ هائوس ٻاهران هزارين مسلمان تڪراري آرڊر خلاف احتجاج ڪري رهيا هئا تڏهن آمريڪي صدر ڊونالڊٽرمپ سعودي بادشاهه شاهه سلمان بن عبدالعزيز سان به فون تي رابطو ڪيو ۽ مختلف معاملن تي ڳالهيون ڪيون. ڪينيڊا ته ٽرمپ جي ايگزيڪٽيو آرڊر جا متاثر ماڻهن کي پنهنجي ملڪ ۾ عارضي طور رهائڻ جو به اعلان ڪري ڇڏيو آهي. ٻي طرف وري برطانيا ۾ ڊونالڊ ٽرمپ جي سرڪاري دوري کي ملتوي ڪرائڻ لاءِ به برطانوي شهرين آن پٽيشن داخل ڪرائي ڇڏي آهي، جنهن تحت هڪ لک کان و ڌيڪ ماڻهن جي صحيحن بعد پٽيشن تي پارليامينٽ ۾ بحث ڪيو ويندو ۽ هن وقت ڊونالڊ ٽرمپ خلاف آن داخل ڪرايل پٽيشن تي ڪافي ماڻهن صحيحون ڪري ڇڏيون آهن ۽ برطانوي ميڊيا ته اها دعويٰ به ڪري رهي آهي ته هن وقت لک کان وڌيڪ ماڻهن آن لائن پٽيشن تي صحيحون ڪري ڇڏيون آهن. بهرحال هن وقت سوڊان جي پرڏيهي آفيس به پنهنجو احتجاج آمريڪي سفير آڏو رڪارڊ ڪرائي ڇڏيو آهي ۽ ايران  ته آمريڪا تي ساڳيو ئي وار ڪيو آهي، جيڪو به هڪ سٺو سنوڻ آهي ۽ اهو بيان  اسان جي ملڪ ۾ هڪ سياسي پارٽي جو سربراهه به ڏئي چڪو آهي ته جيڪڏهن ڊونالڊ ٽرمپ پاڪستانين جي آمريڪا ۾ داخلا تي پابندي لڳائيندو ته هو به ان تي پابندي لڳائيندا. جيڪڏهن ڏٺو وڃي جهڙي ريت ڊونالڊ ٽرمپ آمريڪا کي هلائي رهيو آهي اهڙي ريت مستقبل ۾ آمريڪا محفوظ نه پر غير محفوظ بڻجي ويندو، پوءِ ڀلي ڊونالڊ ٽرمپ سرحدن تي ڀتون قائم ڪرائي يا وري سمورن مسلمانن کي آمريڪا مان کڻي بي دخل ڪري، ڇاڪاڻ ته آمريڪا ۾ ڪاري نسل جا ماڻهو به ڊونالڊ ٽرمپ خلاف احتجاج ڪري رهيا آهن ۽ ڪجهه اهڙا آمريڪي شهري به آهن جيڪي آمريڪا جا جهنڊا ساڙي رهيا آهن.

sahibalisindhi@gmail.com

 

 

 

تنهنجي ياد جي وري آ وير……………..!گهڻ رخي شخصيت جو مالڪ رستم جتوئي: شهاب الدين جتوئي

دنيا جو وجود آئي کانپوءِ ڪيترائي ماڻهون آيا ۽ ويا، پر ڪي اهڙا به شخصيت هن دنيا ۾ پنهنجا نانءُ ڪمائي ويا، پر جيڪي ڪڏهن به مرڻا ناهن، اهي اڄ به ماڻهن جي دلين ۾ زندهه رهندا اچن پيا، هڪ ته ادب، اخلاف، پيار، محبت ۽ ٻيون ان جون عوامي، سياسي، سماجي، يونين برادري لاءِ ڏنل قربانيون، خدمتون وسارڻ جوڳيون ناهن هونديون، عظيم انسانن مان کل، مکڻو يار وس دوستن جودوستن رستم جتوئي به هڪ هو، جيڪو وڇڙيو آهي، مگر وسريو ناهي، جيڪي اچانڪ دوستن رستم جتوئي يونين اڳواڻ ان سان گڏ دوستن انور چنو۽ وزير تاريخ ۾ موجود هئا، جيڪي ٽئي ڏوڪري کان ٽنڊو ڄام ويندي روڊ حادثي ۾ 31 جنوري 2016ع دوران شهيد ٿي ويا هئا، جنهن جي خدمت، قربانين، محبت کان تازو ڪرڻ لاءِ 31 جنوري کي سارنگ يار يونين پاران رائيس ريسرچ انسٽيوٽ ڏوڪري ۾ پهرين ورسي ملهائي پئي وڃي، جڏهن ته دوستن جي محتلف آفيسن، هوٽلن، شهرن ڳوٺن ۾ يار ويس رستم جتوئي سان گهاريل گهڙيون ياد اينديون آهن ته کوٽ محسوس ٿيندي آهي، رستم جتوئي ته اسان سان گڏ آهي، ڇو ته ان ڪڏهن به دوستن کي وساريو نه هيو، سهارو ڏيئي هميشه ٻانهن ٻيلي ٿيندو رهيو، ۽ يارن دوستن جا مسئلا حل ڪرڻ توڙي دوستن کي ٺاهڻ ۽ دوستن جي حقن لاءِ انتظاميه توڙي ميڊيا فورم تي آواز اٿاريندي پاڻ ملهايو، ۽ ان جون يادون اندر کي ڪپن عورن ٿيون ، ان کان سواءِ روشني به اونداهه نظر ايندي محسوس ٿيندي رهي ٿي،

جئين ڀٽائي سرڪار چيو ته……!

اڄ پڻ اکڙين سڄڻ پنهنجا ساريا

ڳلن تان ڳوڙ هن جون بوندون بس نه ڪن

سني سڪ پرين جي لوءِ ڏٺي نه لهي

وچڙي ويس ته ورسي آهيان

جڏهن ته اسان جي سماج ۾سدائين بهترين ڪردار رکندڙن عظيم انسانن کي ياد رکندا آهيون، ڇو ته ڀلي اهي ڪهڙي شعبي ۾ ڇو نه پنهنجون خدمتون ڪارناما، قربانيون ڏئي ويا هجن، جيئن ته استاد بخاري چوي ٿو ته…!

جو قوم جيئاري اهو جيئدنو رهندو

جو عام اجاري اهو جيئندو رهندو

مون کي تاريخ تقدير ڏني پڪ آهي

جو سنڌ جيئاري اهو جيئندو رهندو…..!

جڏهن ته زندگي جي سفر سان گڏ محبتن توڙي جدوجهد جو سفر جاري رکڻ دوران عوامي حقن لاءِ جاکوڙ جاري نظر ايندي آهي، ته ڀلي منزل ڪيڏي ڇو نه ڏور هجي حقن خاطر وڪڻ جهڪڻ واريون لالچون سڀ ذهن مان ٿڏي ڇڏيون آهن، ته منزل ضرور ماڻينديون جڏهن ته يونين اڳواڻ رستم ۽ ان جا دوست ويا پر ان جو ٻاريل مشعل راهه کي هموار ڪرڻ لاءِ ان جا دوست ان جون سالگرهيون يا ورسيون ملهائي سدائين ياد کي تازو ڪري رهيا آهن،

جيئن شاعر چوي ٿو ته …..!

اسان جي مئاسين سفر او ساٿي

ماڻينداسين منزل پنهنجي ڍول ڍاٿي

۽ جڏهن به ماضي ورق کي اٿلائبو آهي ته انسانن جي لازوال خدمتون ڪندڙ عظيم رستم جتوئي جهڙا انسان وساري نه سگهنداسون،

شاعر چوي ٿو ته

ماڻهو سڀ نه سهڻا پکي سڀ نه هجن

ڪنهن ڪنهن ماڻهوءِ منجهه اچي بوءِ بهار جي

جڏهن مڙس مانجهي مهمان جون ڪچهريون ياد اينديون آهن، ۽ سماج کي بگارڻ بدران سڌاڻ لاءِ ۽ ڏنل عظيم قربانيون ياد اينديون آهن، ته اتي رستم جتوئي جهڙي محنتي جاکوڙي محنتي   مانهن جون يادون جي ءَ کي جهوري وجهنديون آهن، ۽ دل ۾ الائي ڇو بي انتها کوٽ محسوس ٿيندي اٿم….!

جيئن ته شاعر چوي ٿو ته….!

تو کان ٿيندي ڌار

کلندي لکندي يار

لڙڪ لڙي پيا لار ڪري

هونئن به هن دنيا ۾ انسان اڌارو آيو آهي، هڪ ڏينهن وڃڻو آهي، تنهن ڪري رستم جتوئي ۽ ان جي دوستن وانگر اهڙا ته عظيم انسان بڻجو ۽ بي انتها انسانن جي ڪم اچون، جيئن اسان کي به دوستن وسارڻ بدران دلين ۾ هميشه قيامت کائين ياد رکندا اچن، جيئن ته شاعر چيو آهي ته

سپت ڀريا سپريم ڪپت ڪين ڪريو

ٿوري گهڻي ڳالهه تي ماڻهو وڃن مريو

تيسي قرب ڪريو، جيسي جيئرا آهيون جهان ۾ ….!

 

 

آمريڪي عدالت جو فيصلو ۽ عمران خان جي دعا

آمريڪي عدالت پرڏيهين جي بي دخليءَ جو عمل روڪي ڇڏيو آهي، عدالت گرفتار پرڏيهين جا تفصيل گھري ورتا، آمريڪي صدر ڊونلڊ ٽرمپ جي 7 مسلمان ملڪن جي شهرين جي آمريڪا ۾ داخلا تي پابنديءَ کان پوءِ آمريڪي ايئرپورٽن تي درجنين مسافر ڦاسي پيا آهن، 100 کان وڌيڪ ماڻهن کي ڪريڪ ڊائون دوران گرفتار ڪيو ويو، پابنديءَ جي ڪري ساڍا 13 ڪروڙ ماڻهن تي آمريڪا جا دروازا بند ٿي ويا آهن، ٽرمپ انتظاميا مطابق گرين ڪارڊ رکندڙن کي پهريان آمريڪي سفارتخانن يا قونصل خانن سان رابطو ڪرڻو پوندو، ٽرمپ جي ايگزيڪيوٽو آرڊر جو مطلب اهو نه آهي ته مسلمانن تي پابندي آهي، پابنديءَ جو شڪار ملڪن ۾ پاڪستان، افغانستان، تيونس، اومان، ترڪي شامل نه آهن. آمريڪي هوم لينڊ سڪيورٽي جي ترجمان موجب ته آمريڪا مان مسلمان ملڪن جي رهاڪن کي ڪڍڻ واري عمل کي روڪڻ جي لاءِ عدالتي حڪمن تي عمل ڪيو پيو وڃي، پرڏيهين کي آمريڪي اميگريشن قانونن، عدالتي حڪمن وسيلي واپس پنهنجي وطن موڪليو ويندو، آمريڪي صدر ڊونالڊ ٽرمپ جي ستن مسلمان ملڪن جي رهاڪن تي آمريڪا ۾ پابنديءَ کان پوءِ هزارين مسافر مختلف ايئرپورٽ تي ڦاٿل آهن، جڏهن ته آمريڪا انتظاميا پاران ڪيترن ئي مسافرن کي گرفتار پڻ ڪيو ويو آهي، جنهن کان پوءِ آمريڪي عدالت صدارتي قدمن کي رد ڪري ڇڏيو هو. ان کانپوءِ آمريڪي هوم لينڊ پاران مسلمان شهرين تي لاڳو پابنديءَ بابت عدالتي حڪمن تي عمل ڪرڻ جو اعلان ڪيو آهي.

تحريڪ انصاف جي سربراهه عمران خان پاڪستانين جي لاءِ آمريڪي ويزائن تي پابنديءَ جي خواهش جو اظهار ڪندي چيو ته جيڪڏهن ڊونلڊ ٽرمپ پاڪستانين جي لاءِ آمريڪي ويزا بند ڪري ڇڏيا ته اسان پاڪستان کي ٺيڪ ڪري وٺنداسين، ڊونلڊ ٽرمپ ستن اسلامي ملڪن جي شهرين کي آمريڪي ويزا ڏيڻ تي پابندي لڳائي ڇڏي آهي جنهن ۾ ايران به شامل آهي جنهن جي بدلي ۾ آمريڪي شهرين تي پابندي لڳائڻ جي ڳالهه آهي ڇو ته هو هڪ خوددار ملڪ آهي، ٿي سگھي ٿو ته ايندڙ مرحلي ۾ آمريڪي صدر پاڪستانين جي ويزا تي پابندي لاڳو ڪري ۽ منهنجي دعا آهي ته آمريڪي صدر حقيقي معنيٰ ۾ اسان جا ويزا روڪي ڇو ته جيڪڏهن ائين ٿيو ته اسان ملڪ کي ٺاهي وٺنداسين،  هڪ ملڪ جو وزيراعظم هتان پيسا کڻي وڃي اربين رپين جي ملڪيت خريد ٿو ڪري، وزيراعظم پاڪستان جو آهي پر چيڪ اپ جي لاءِ پرڏيهه ويندو آهي، اسان کي سسٽم کي ٺيڪ ڪرڻو پوندو، هارين جي اهڙي مدد ڪيون جيئن ڀارت جي حڪومت ڪندي آهي، هن ملڪ جو مسئلو حڪمرانن جي ڪرپشن آهي، جن جي ڪري اسان جي بيعزتي ٿي رهي آهي، ڇا ماڻهو خيرات پنندڙن جي عزت ڪندا آهن. حڪمرانن جي ڪرپشن ملڪ کي تباهه ڪري رهي آهي، سپريم ڪورٽ ۾ خط پيش ڪندڙ قطري شهزادو نواز شريف جو بزنس پارٽنر آهي، جيڪي قومون ٻين آڏو هٿ ٽنگينديون آهن انهن کي ڪڏهن به عزت ناهي ملندي، پاڪستان جو سڀ کان وڏو مسئلو حڪمرانن جي ڪرپشن آهي.

 

آرمي چيف مردم شماري ۾ امن و امان جي پلان جي منظوري ڏئي ڇڏي

اسلام آباد(م.ڊ) آرمي چيف مردم شماري ۾ امن و امان جي پلان جي منظوري ڏئي ڇڏي، آئي ايس پي آر طرفان جاري ڪيل بيان موجب آرمي چيف جنرل قمر جاويد باجوه ملڪ ۾ ٿيندڙ مردم شماري ۾ امن امان جي پلان جي منظوري ڏئي ڇڏي آهي، پاڪ فوج جا 2 لک جوان مردم شماري ۽ آدم شماري ۾ ٽيمن سان گڏ فرض انجام ڏيندا جنهن جي جنرل قمر جاويد باجوه منظوري ڏئي ڇڏي آهي، واضح رهي ته پاڪستان ۾ آخري ڀيرو آدم شماري ۽ مردم شماري 1998 م ڪئي وئي هئي، ڊگهي وقت بعد سپريم ڪورٽ نوٽيس وٺندي حڪومت کي آدمشماري جو حڪم ڏنو، هڪ محتاط اندازي موجب پاڪستان جي آبادي هن وقت 20 ڪروڙ کان وڌيڪ ٿي چڪي آهي، مردم شماري جي شروعات 15 مارچ 2017 کان ڪي ويندي، جيڪا مرحليوار هوندي.

 

ماڻهن جي خواهشن جي تابع ناهيون، انصاف جي فراهمي تائين ڪيس ٻڌندا رهنداسين: سپريم ڪورٽ

اسلام آباد (اين اين آءِ)سپريم ڪورٽ پانامه ليڪس جي معاملي تي درخواستن جي ٻڌڻي دوران وزيراعظم جي وڪيل کي ملڪيت جا تفصيل جمع ڪرائڻ لاءِ سومر تائين مهلت ڏيندي پراسيڪيوٽر جنرل نيب کان حديبيه پيپر مل ريفرنس ۾ اسحاق ڊار جي اعترافي بيان موجب رڪارڊ طلب ڪري ورتو جڏهن ته وفاقي ناڻي واري وزير جي وڪيل شاهد حامد دليل ڏيندي چيو ته ان جي مئوڪل مخالفن پاران ثبوت قرار ڏنل اعترافي بيان جي ترديد ڪري ٿو جمعي تي جسٽس آصف سعيد کوسي جي اڳواڻي ۾ سپريم ڪورٽ جي پنج رڪني لارجر بئنچ ٻڌڻي جي شروعات ڪئي ته وزيراعظم جي وڪيل مخدوم علي خان عدالت کان ملڪيت ۽ تحفن جي ورڇ بابت تفصيل جمع ڪرائڻ لاءِ سومر تائين وقت گهري ورتو جسٽس آصف سعيد کوسي مخدوم علي خان پاران وقت گهرڻ تي اعتراض ڪندي چيو ته ٽي وي چينلن تي رپورٽون نشر ٿين ٿيون ته توهان سمورا تفصيل پيش ڪري ڇڏيا آهن. ان لاءِ توهان کي هدايت ڏني ويئي هئي ته جيڪي تفصيل اسان وٽ موجود نه آهن اهي جمع ڪرايو. جنهن تي مخدوم علي خان چيو ته منهنجي مئوڪل جو چوڻ آهي ته تفصيل جمع ڪرائينداسين جڏهن ته ان لاءِ ڪجهه وقت گهرجي جنهن تي عدالت وزيراعظم جي وڪيل کي ملڪيت جا تفصيل جمع ڪرائڻ لاءِ سومر تائين مهلت ڏيئي ڇڏي. عدالت اڳيان اسحاق ڊار جي وڪيل پنهنجا دليل ڏيندي عدالت کي ٻڌايو ته الزام هنيو وڃي ٿو ته ان جي مئوڪل اسحاق ڊار 25 اپريل 2000 تي مئجسٽريٽ اڳيان اعترافي بيان ڏنو ۽ 14.866 ملين ڊالر جي مني لانڊرنگ جو اعتراف ڪيو ۽ اهي الزام به سامهون آيا آهن ته سڪندر مسعود قاضي ۽ طلعت مسعود قاضي جي نالي سان وزيراعظم جي ڀاءُ لاءِ اڪائونٽ کولرايا هئا عدالت شاهد حامد کان پڇا ڪئي ته ڇا اسحاق ڊار پنهنجي بيان جو انڪاري آهي جنهن تي شاهد حامد چيو ته اسحاق ڊار پنهنجي بيان جي مڪمل ترديد ڪري ٿو ان موجب فوجي بغاوت کان پوءِ پهريان ان کي گهر ۾ نظربند رکيو ويو ۽ تعاون ڪرڻ تي حڪومت ۾ شموليت جي پيشڪش ڪئي ويئي جڏهن ته هڪ پهريان کان لکيل بيان تي زوري صحيحون به ڪرايون ويون اسحاق ڊار جي وڪيل چيو ته ان بيان کان پوءِ اسحاق ڊار کي ٻيهر حراست ۾ ورتو ويو جڏهن ته 2001 تائين ان کي فوج جي تحويل ۾ رکيو ويو شاهد حامد موجب ان جي مئوڪل آزادي کان پوءِ تفصيلي انٽرويو ۾ پنهنجي بيان جي ترديد ڪئي هئي جسٽس اعجاز افضل ريمارڪس ڏنا ته جيڪڏهن بيان رڪارڊ ڪرڻ وارو مئجسٽريٽ ان بيان جي تصديق نٿو ڪري ته ان جي حيثيت ڪاغذ جي ٽڪري کان وڌيڪ ڪجهه نه آهي جڏهن ته اسحاق ڊار جو اعترافي بيان عدالت پهريان ئي رد ڪري چڪي آهي شاهد حامد عدالت کي ٻڌايو ته 15 آڪٽوبر 1999 تي اسحاق ڊار کي حراست ۾ ورتو ويو هو جنهن تي جسٽس اعجاز افضل چيو آهي ته عدالت رٽ پٽيشن ۾ اهڙو فيصلو ڪيئن ڏيئي سگهي ٿي شاهد حامد اسحاق خان جي بيان کي صرف ڪاغذ جو ٽڪر قرار ڏنو جنهن تي جسٽس آصف سعيد کوسي چيو ته اهو ڪاغذ جو ٽڪرو نه آهي پر شاهدين جو حصو آهي جنهن تي ڪڏهن به ڪارروائي نه ٿي هئي. جسٽس آصف سعيد کوسي چيو ته اسحاق ڊار جي خلاف ڪيس ۾ ٻن ججن انٽراڪورٽ اپيل ٻڌي ۽ 5 جج ان اپيل جي ٻڌڻي ڪن ٿا وڪيل چيو ته 1992 جي تحفظ جي قانون تحت هڪ الزام ۾ آزاد ٿيڻ تي ٻيهر ڪارروائي نٿي ڪري سگهجي. جسٽس آصف سعيد کوسي چيو ته جڏهن تحفظ جو قانون ٺهيو ته نوازشريف وزيراعظم ۽ اسحاق ڊار ناڻي وارو وزير هو وڪيل عدالت کي ٻڌايو ته ان دور ۾ اسحاق ڊار ناڻي وارو وزير نه هو ۽ نه ئي قومي اسيمبلي جو ميمبر هو اعجاز افضل چيو ته اسحاق ڊار مني لانڊرنگ ڪيس ۾ نيب جي چيئرمين کي سپريم ڪورٽ ۾ اپيل داخل ڪرڻ گهرجي ها جيڪڏهن نيب جو چيئرمين اپيل تي سپريم ڪورٽ اچي ها ته اسان ٻيهر جاچ ڪرڻ جو حڪم ڏيون ها. جسٽس اعجاز افضل چيو ته شريف فئملي جي خلاف 1994 جي ايف آءِ آر ۽ 2000 جي ايف آءِ آر ۾ ڪوبه تعلق نه آهي ۽ اسحاق ڊار جي اعترافي بيان جو شريف فئملي جي مالي ڏوهن سان به ڪوئي تعلق نه آهي جج وڪيل کان سوال ڪيو ته ان قانون مطابق پرڏيهي اڪائونٽس تي به تحفظ حاصل هو جنهن تي وڪيل ٻڌايو ته اهو تحفظ صرف ملڪ ۾ اڪائونٽس کي حاصل هو جنهن تي جج چيو ته ريفارمز مان پاڪستان ۾ فارين ڪرنسي اڪائونٽس کي تحفظ ڏنو ويو آهي جج وڪيل کي ٻڌايو ته پاڪستان تحريڪ انصاف جي وڪيل نعيم بخاري چيو هو ته بيان حلفي ڪيس ۾ نيب اپيل نه ڪئي آهي جج اسحاق ڊار جي وڪيل کان پڇيو ته اسحاق ڊار کي بيان کان اڳ واعدو معافي گواهه بڻايو ويو هو يا بعد ۾ وڪيل ٻڌايو ته اسحاق ڊار کي اعترافي بيان ڏيڻ کان اڳ واعدا معاف گواهه بڻايو ويو هو. جسٽس آصف سعيد کوسي پڇا ڪئي ته ڇا اسحاق ڊار کي معافي ڏني ويئي هئي ڇو ته جيڪڏهن ان کي معافي نه ڏني ويئي هئي ته اهو هڪ جوابدار جو بيان آهي ۽ واعده معافي گواه کي معافي فراهم ڪرڻ کان پوءِ ان جو بيان رڪارڊ ڪيو ويندو آهي عدالت چيو ته اهڙي طرح جي معاملي ۾ جوابدار کي معافي جي پيش ڪش ڪئي ويندي آهي ۽ معافي قبول ڪرڻ کان پوءِ اهڙو بيان ڏيئي سگهجي ٿو عدالت ان معاملي کي اهم قرار ڏيندي پراسيڪيوٽر جنرل نيب کان حديبيه پيپرز ملز ريفرنس ۾ اسحاق خان جي اعترافي بيان بابت رڪارڊ طلب ڪري ورتو. جج چيو ته پراسيڪيوٽر جنرل نيب اهو ٻڌايو ته نيب جي سيڪشن 26 اي جي تحت ٻن طرح جي معافي هوندي آهي اها معافي يا ته شرطن تي هوندي آهي يا بنا شرطن جي عدالت پراسيڪيوٽر جنرل نيب کان پڇا ڪئي ته ڇا هو عدالت کي ان ڳالهه کان آگاهه ڪندو. ته اسحاق ڊار جو بيان معافي ڏيڻ کان پوءِ رڪارڊ ڪيو ويو يا پهريان وڪيل عدالت کي ٻڌايو ته اعترافي بيان واجود ان جي مئوڪل کي آڪٽوبر 1999 کان 2000 تائين 17 مهينا حراست هيٺ رکيو ويو. آصف سعيد کوسي چيو ته معافي ملڻ کانپ وءِ اسحاق ڊار جوابدار نه رهيو هو ان ڪري ان جو اعترافي بيان بطور ڏوهاري قرار نٿو ڏيئي سگهجي جنهن کان پوءِ ڪيس جي ٻڌڻي سومر تائين ملتوي ڪئي ويئي.

 

پل ٺهڻ سان پئسا وٺي هيوي ٽريفڪ ڇڏيندڙن کي تڪليف ضرور ٿيندي: وڏو وزير

سجاول(رپورٽر) سنڌ جي وڏي وزير سيد مراد علي شاهه چيو آهي ته سنڌو درياهه تي نئين اڏاوت ڪل پُل ٺٽو ۽ سجاول ضلعن کي ٻيهر گڏ ڪري ڇڏيو آهي ۽ ان پل جي وسيلي ڪراچي پورٽ کان ٿرپارڪر ۾ ڪوئلي مان هلندڙ پاور پلانٽس لڳائڻ لاءِ ڳري مشينري جي چرپر ۾ به آساني ٿيندي. هن اها ڳالهه اڄ سنڌو درياهه تي نئين اڏاوت ڪيل ٺٽي-سجاول پل جي افتتاح واري تقريب کي خطاب ڪندي ڪيو. هن چيو ته پراڻو ٺٽو-سجاول پل اٽڪل 50 کان 54 ورهيا اڳ اڏيو ويو هو ۽ ان ۾ ڏار پئجي ويا هئا انڪري انتظاميا کي پراڻي پل تان هيوي ٽريفڪ جي روانيءَ جي حوالي سان ڏکيائين منهن ڏئي رهي هئي ۽ سڀ کان وڏو مسئلو ٿر ۾ ڪوئلي مان هلندڙ پاور پلانٽ جي ڳري مشنري جي چُرپُر جو هو. وڏي وزير سيد مراد علي شاهه چيو ته پاڪستان پيپلز پارٽي جي حڪومت جون ترقياتي رٿائون به ان پل جي ڪري متاثر ٿي رهيون هيون. وڏي وزير چيو ته نئين پل جي هنگامي ضرورتن کي سامهون رکندي سندس حڪومت سنڌو درياهه تي پنهنجي وسيلن تحت نئين پل جي اڏاوت جو فيصلو ڪيو. هن چيو ته اهو سنڌو درياهه تي پهريون پل آهي جنهن جي اڏاوت ڪنهن صوبائي حڪومت پنهنجي وسيلن مان ڪئي آهي نه ته اهو ڪم وفاقي حڪومت جو آهي. وڏي وزير چيو ته اهو پل 19 مهينن جي عرصي ۾ 2.9 بلين رپين جي لاڳت سان تعمير ٿيو آهي. وڏي وزير ٿرڪول اٿارٽي جيڪا پل جي ايگزيڪيوٽنگ ايجنسي آهي جي ڪارڪردگيءَ جي ساراهه ڪندي چيو ته لاڳاپيل آفيسرن ۽ ٺيڪيدارن تعريفي خطن ڏنا ويندا. وڏي وزير سيد مراد علي شاهه چيو ته هن پل سان ٺٽي ۽ سجاول ضلعن جي انتظاميا جيڪا ويجهڙائي واري عرصي ۾ ورهائي وئي آهي کي ملائيندو. هن چيو ته ٻنهي ضلعن جي ماڻهن ۽ نمائندن ٺٽي ۽ سجاول جي انتظامي ڊويزن جي حمايت ڪندا، نه ته مان انهن کي ٻيهر هڪ ڪري ڇڏيندس جيئن هن پل جي ذريعي اهي پاڻ ۾ ڳنڍجي ويا آهن، هن اها ڳالهه خوشگورا موڊ ۾ ڪئي. هن چيو ته مون کي خبر آهي ته ڪجهه ماڻهو ان نئين اڏاوت ڪيل پل مان خوش نه آهن ڇاڪاڻ ته پراڻي پل مان پئسا وٺي ٽرڪن ۽ هيوي ٽريفڪ کي ڇڏيندا هئا پر هاڻي ان نيئن پل جي اڏاوت سان انهن جو اهو ڌنڌو بند ٿي ويندو، اها ڳالهه هڪ ڀيرو وري خوشگوار موڊ م ڪئي. سيد مراد علي شاهه چيو ته ان نئين پل جي اڏاوت سان علائقي ۽ ٿر جي ريگستان ۾ ترقي ۽ خوشحالي جي هڪ نئين دور جي شروعات ٿيندي ۽ ٿر جي ڪاري سون ذريعي سموري ملڪ کي بجليءَ جي فراهمي ممڪن ٿيندي. هن چيو ته ان پل جون چار لائينون آهن. پراڻي پل جون ٻه لائينون هيون ۽ اهي به ٽريفڪ لاءِ استعمال ٿيندو. هن چيو ته مان ضلعي انتظاميا کي صلاح ڏيندس ته پراڻي پل کي لائيٽ ٽريفڪ بشمول موٽرسائيڪلن لاءِ استعمال ڪري. وڏي وزير سيد مراد علي شاهه سنڌو درياهه تي ذوالفقار آباد ۽ ڪنڌڪوٽ-گهوٽڪي تي وڌيڪ ٻه نوان پل اڏڻ جو اعلان ڪيو. هن چيو ته اسان اڳئي جهرڪ – ملان ڪاتيار تي هڪ پل جي اڏاوت ڪئي آهي ۽ مان جلد ان جو افتتاح ڪري رهيو آهيان. انهيءَ کان اڳ جڏهن وڏو وزير سيد مراد علي شاهه پل تي لٿو ته صوبائي وزير محمد علي ملڪاڻي، پيپلز پارٽي محمد صديق ميمڻ ۽ ٻيا سينئر اڳواڻ جهڙوڪ ايڊيشنل چيف سيڪريٽري (ترقيات) محمد وسيم، ڪمشنر حيدرآباد قاضي شاهد پرويز آجيان ڪئي. ان موقعي تي جيئي ڀٽو ۽ جيئي مراد علي شاهه جا زوردار نعرا لڳايا ويا ۽ وڏي وزير تي گل نڇارو ڪيا ويا. وڏي وزير کي توانائي کاتي واري سيڪريٽري آغا واصف منصوبي بابت بريفنگ پڻ ڏني.

 

پاڪستان کي مضبوط بڻائڻ لاءِ ڪوشان آهيون پوئتي نه هٽنداسين: نثار کهڙو

ڪراچي (اين اين آءِ) سنڌ جي وڏي وزير سيد مراد علي شاهه ۽ پاڪستان پيپلز پارٽي سنڌ جي صدر نثار احمد کهڙو جي اڳواڻي ۾ وزيراعليٰ هائوس ۾ اهم تقريب ٿي، جنهن ۾ پاڪستان پيپلز پارٽي جي اڳواڻ صوبائي وزير ۽ ايم پي اي امتياز احمد شيخ جي سربراهي ۾ مختلف پارٽن جي صوبائي عهديدارن، صوبائي اسيمبلي جي اڳواڻن ميمبرن، ضلعي صدرن، ليڊيز ونگ جي صوبائي ۽ ضلعي عهديدارن، يوٿ ونگ ۽ ليبر ونگ پاڪستان پيپلز پارٽي جي قيادت چيئرمين پاڪستان پيپلز پارٽي بلاول ڀٽو زرداري، ڪوچيئرمين آصف علي زرداري تي مڪمل اعتماد ڪندي پاڪستان پيپلز پارٽي ۾ شموليت جو اعلان ڪيو آهي، جنهن ۾ 150 کان وڌيڪ پاڪستان مسلم ليگ (فنڪشنل)، پاڪستان پيپلز پارٽي (شهيد ڀٽو)، پاڪستان مسلم ليگ (نواز)، پاڪستان مسلم ليگ (ق) جي اڳواڻن، عهديدارن ۽ ڪارڪنن وڏي انگ ۾ پاڪستان پيپلز پارٽي ۾ شموليت ڪئي آهي. ان موقعي تي وڏي وزير سيد مراد علي شاهه چيو ته اڄ مختلف پارٽين کان پاڪستان پيپلز پارٽي ۾ شامل ٿيندڙن کي ڀليڪار چوان ٿو. هن چيو ته پاڪستان جي عوام جي بهتريءَ لاءِ صرف هڪ جماعت پاڪستان پيپلز پارٽي آهي جيڪا عوام جي خدمت تي يقين رکندي آهي. هن چيو ته قومي اسيمبليءَ ۾ جيڪو واقعو ٿيو آهي ان سان انهن پارٽين جو چهرو واضح ٿيو آهي. هن چيو ته جيترو تائين سنڌ صوبي جي تعلق آهي هتي رڳو پيپلز پارٽي آهي ۽ ڪا ٻي جماعت نه آهي. وڏي وزير سيد مراد علي شاهه چيو ته اڳوڻي پاڪستان جي صدر آصف علي زرداري ۽ چيئرمين بلاول ڀٽو زرداري جي اڳواڻيءَ ۾ پاڪستان پيپلز پارٽي اڳتي وڌنڌي. هن چيو ته پاڪستان پيپلز پارٽي عوام جي دلين ۾ راڄ ڪندي آهي ۽ ان کي عوام جي دلين ما ڪوبه ٻاهر نه ٿو ڪڍي سگهي. هن چيو ته اسان سڀني کي گڏجي ڪم ڪرڻو آهي ۽ ڀٽو ازم ذريعي مشن کي اڳتي وڌائڻو آهي. تقريب کان پاڪستان پيپلز پارٽي سنڌ کي صدر نثار احمد کهڙي خطاب ڪندي چيو ته جن پارٽين جي دوستن پاڪستان پيپلز پارٽي ۾ شموليت جو اعلان ڪيو آهي ان سان پيپلز پارٽيءَ جي حوصلا افزائي ڏانهن هڪ قدم آهي ۽ ان سان پارٽيءَ کي مضبوطي ۽ تقويت ملندي. هن چيو ته پيپلز پارٽيءَ جي قيادت ۽ ڪارڪنن عوام لاءِ قربانيون ڏنيون آهن ۽ سالميت کي اڳتي وڌايو آهي. هن چيو ته شهيد محترمه بينظير ڀٽو ثابت ڪيو ته اسان عوام سان گڏ آهيون. هن چيو ته اسان پارٽي کي وڌيڪ مضبوط ڪرڻ جي ڪوشش ڪري رهيا آهيون ۽ اسان پاڪستان جي زنجير بڻجنداسين چاهي ڪجهه به ٿي پئي. نثار کهڙي چيو ته پاڪستان کي مضبوط کان مضبوط بڻائڻ لاءِ ڪوشش ڪري رهيا آهيون ۽ اسان پوئتي نه هٽنداسين. هن وڌيڪ چيو ته مختلف سياسي، سماجي تنظيمن سميت وڪيل برادريءَ جي 150 کان وڌيڪ اڳواڻن پاڪستان پيپلز پارٽيءَ ۾ شامل تي ڪري اسان جو جوش وڌايو آهي. پاڪستان پيپلز پارٽي سنڌ جي صدر نثار کهڙي چيو ته اسان جيالن جي مدد سان ئي اڳتي وڌنڌاسين. پاڪستان پيپلز پارٽي ۾ شامل ٿيندڙن ۾ پاڪستان مسلم ليگ (ف) جي صوبائي نائب صدر پير سجاد جان سرهندي، اڳوڻو صلاحڪار عامر عابدي، اڳوڻو ميمبر صوبائي اسيملي رئيس مظفر لغاري، فنڪشنل ليگ اڳواڻ زبير ميمڻ، اعجاز سومرو، ضلعي صدر جاويد کتري، مير اعجاز باچڪاڻي، پير نديم شاهه جيلاني، مير عبدالهادي ٽالپر، مير غلام عباس ٽالپر، نيڪ محمد مرکنڊ، ڊاڪٽر تاج محمد، پاڪستان محبان وطن پارٽي جو چيئرمين حاجي حنيف سمون، ٽمبر مارڪيٽ ايسوسيئيشن ڪراچي جو صدر محمد سليمان سومرو، سهيل جمالي، شريف ميمڻ ڏيپلائي، ايڊووڪيٽ نوشاد ٻٻر، ايڊووڪيٽ طارق بگٽي، جاويد حاجاڻو، فنڪشنل ليڊيز ونگ جون صوبائي اڳواڻ شهناز جميل، غلام سڪينا ڪلر، انجنيئر غلام شبير ميمڻ، مسلم ليگ نواز جي اڳواڻ ڊاڪٽر آغا شمشاد علي، صابر علي لاشاري، گلشير علي پالاري سميت مختلف پارٽين جي اهم اڳواڻن ۽ ڪارڪنن پاڪستان پيپلز پارٽيءَ ۾ شموليت جو اعلان ڪيو آهي. جن کان سنڌ جي وڏي وزير سيد مراد علي شاهه ۽ پاڪستان پيپلز پارٽي سنڌ جي صدر نثار احمد کهڙي وفاداريءَ جو حلف ورتو.

 

منهنجي ذميواري آهي ته قوم جي ٻارن کي جديد تعليم ڏياريان جيئن روشن پاڪستان جي تعبير ٿئي: نواز شريف

اسلام آباد (اين اين آءِ) وزيراعظم نوازشريف چيو آهي ته جديد علم تي ڌيان نه ڏنو ته اسان دنيا جو مقابلو نه ڪري سگهنداسين سڄي ملڪ جي تعليمي ادارن کي جديد سهولتون ۽ شاگردن کي جديد علم سان سينگهاريو ويندو اسان کي پنهنجي ٻارڙن لاءِ لائحه عمل جوڙڻو آهي غفلت جو مظاهرو ڪيو ته تاريخ اسان کي ڪڏهن به معاف نه ڪندي. سياسي مصلحتن کان مٿانهون ٿي رياضي ۽ سائنس جهڙن مضمونن جي تعليم جو معيار بلند ڪرڻ لاءِ گڏجي ڪم ڪرڻو پوندو. هو جمعي تي وزيراعظم آفيس ۾ 21هين صدي جي لاءِ پاڪستان جي تياري جي موضوع تي تقريب ۾ ڳالهائي رهيو هو تقريب جو اهتمام پاڪستان الائينس فار ميٿ اينڊ سائنس ڪيو هو ۽ ان ۾ وفاقي پيٽروليم ۽ قدرتي وسيلن واري وزير شاهد خاقان عباسي وفاقي فوڊ سيڪيورٽي جو وزير سڪندر حيات بوسن پرڏيهي معاملن واري صلاحڪار طارق فاطمي اسيمبلي جا ميمبر تعليم جا ماهر ۽ ٻين وڏي انگ ۾ شرڪت ڪئي وزيراعظم نوازشريف چيو ته تعليم جو موضوع انتهائي اهميت وارو آهي رياضي ۽ سائسنس اسان جي لاءِ انجنبي اصلاحتون نه آهن ان علم جون پاڙون وڏيون گهريون آهن مستقبل جو دارومدار انهيءَ علم تي مهارت ۾ آهي هن چيو ته اسان اهڙي خطي ۾ رهون ٿا جنهن جي تهذيب ۽ ورثو صديون پراڻو آهي ۽ اها تهذيب مختلف علم ۾ مهارت واري هئي هن چيو ته دنيا مان جهالت جي اونداهي ختم ڪرڻ لاءِ نبي ڪريم صلعم جو ظهور ٿيو تب، رياضي سميت مختلف شعبن ۾ بوعلي سينا البيروني جابر بن حيان جهڙن سائنسدانن سائنسي فڪر جو بنياد رکيو اسلامي تهذِب ۾ انهن ماهرن جو وڏو ڪردار رهيو آهي هن چيو ته برصغير جي مسلمانن جي سياسي بيداري ۾ به علمي اڳواڻن جو اهم ڪردار آهي سر سيد احمد خان کان وٺي قائداعظم تائين سڀني علمي ۽ سياسي ميدان ۾ مسلمانن کي بيدار ڪيو وزيراعظم چيو ته اسان جي مستقبل جو دارومدار سائنس ۽ رياضي جي تعليم تي اهي هن چيو ته وفاقي گادي واري هنڌ جي سمورن اسڪولن ۾ جديد سهولتن جي فراهمي کي يقيني بڻايو ويو آهي هن ڪيڊ واري وزارت ۽ صوبائي حڪومتن کي هدايت ڪئي ته رياضي ۽ سائنس جي تعليم جي حوالي سان اڄ پيش ٿيندڙ رپورٽ جو جائزو وٺن ۽ ان جي سفارش کي جاچڻ ۽ ان تي عمل ڪرڻ لاءِ حڪمت عملي جوڙين.

 

پارليامينٽ جي هنگامي ۾ عمران جي سوچ آهي، هڪ ماڻهوءَ جي ذهني حالت تي افسوس ئي ڪري سگھجي ٿو: مريم اورنگزيب

اسلام آباد (اين اين آءِ) سڌسماءَ واري مملڪتي وزير مريم اورنگزيب چيو آهي ته پاليامينٽ ۾ هنگامه آرائي جي پويان عمران خان جي انتشار واري سوچ آهي پوري سچائي سان چئي رهي آهيان ته عمران خان سپريم ڪورٽ کان ڀڄڻ جون تياريون ڪري رهيو آهي تحريڪ انصاف مريم نواز کان خوفزده آهي جمعي تي ميڊيا سان ڳالهائيندي هن چيو ته هڪ وقت اهڙو هو ته عمران خان پارليامينٽ کان ٻاهر حملو ڪيو ۽ هڪ ڏينهن اڳ هن پارليامينٽ ۾ حملو ڪيو هو سڀ ان جي لاءِ ڪري رهيو آهي ڇو ته هو عدالت ۾ پنهنجو پاڻ کي هارايل ڏسي رهيو آهي پوري يقين سان چوان ٿي ته هو سپريم ڪورٽ کان ڀڄڻ جي تياري ڪري رهيو آهي. عمران خان نوازشريف جي ڪنهن ڪرپشن ڪيس کي سامهون آڻي ان کي کليل چئلينج آهي هن چيو ته عمران خان ته پنهنجو جواب نه ڏيئي رهيو آهي ڪي پي اي احتساب ڪميشن کي تالو هڻي ڪرپشن ڪندڙن کي سهولت ڏيڻ لاءِ مثال قائم ڪري رهيو آهي اسان سچائي تي ٻڌل سياست ڪري رهيا آهيون ۽ ڪوڙ واري سياست دفن ٿي چڪي آهي.