تازيون خبرون

Daily Archives: December 19, 2016

سجاد علي ۽ حديقا ڪياني ٽي وي ڊرامي لاءِ گيت رڪارڊ ڪرائي ورتو

لاهور (شوبز نيوز) ناليواري ڳائڻي سجاد علي ۽ ڳائڻيحديقا ڪياني جو نئون گيت ٽي وي سيريل جي سونهن بڻجي ويو آهي. اهو پهريون ڀيرو آهي، جو سجاد علي ۽ حديقا ڪياني گڏجي ڪو گيت رڪارڊ ڪرايو هجي. ان حوالي سان سجاد علي جو چوڻ هو ته مان پنهنجي هر گيت تي سخت محنت ڪندو آهيان، جڏهن ته ڳائڻي حديقا ڪياني جو چوڻ هو ته نئين ٽي وي ڊرامي جو گيت هر ٻڌندڙ کي وڻندو.

 

پريانڪا چوپڙا هالي ووڊ جي وڏن نالن کي پوئتي ڇڏي ڏنو

ممبئي (شوبزنيوز) بالي ووڊ ۾ پنهنجي بهترين اداڪاريءَ کانپوءِ هالي ووڊ ۾ به ڪاميابيون ماڻيندڙ خوبصورت اداڪارا پريانڪا چوپڙا ڏينهون ڏينهن شهرت جي ڏاڪن تي چڙهندي پئي وڃي، جيڪا ويجهر ۾ ئي گڏيل قومن جي خيرسگالي بابت خاص سفير مقرر ٿي هئي، جڏهن ته هاڻ هن وڻندڙ اداڪارا جي لحاظ سان هالي ووڊ جي وڏن وڏن نالن کي به پوئتي ڇڏي ڏنو آهي. رپورٽن موجب شوبز جي دنيا ۾ سڀ کان وڏي ۽ معتبر ڊيٽا رکندڙ عالمي ويب سائيٽ انٽرنيٽ مووي ڊيٽا بيس پاران جاري ڪيل فهرست ۾ پريانڪا هالي ووڊ جي وڏن نالن کي پوئتي ڇڏي ڏنو آهي. ان سان گڏوگڏ هوءَ ڄاڻايل فهرست ۾ اڪيلي ڀارتي اداڪارا پڻ بڻجي وئي آهي.

 

برسبين ٽيسٽ دلچسپ مرحلي ۾ داخل، پنجين ۽ آخري ڏينهن پاڪستان کي کٽڻ لاءِ 108 رنسون ۽ آسٽريليا کي 2 وڪيٽون گهربل

برسبين (اسپورٽس نيوز) برسبين ٽيسٽ دلچسپ مرحلي ۾ داخل ٿي ويو آهي، پنجين ۽ آخري ڏينهن پاڪستان کي کٽڻ لاءِ 108 رنسون ۽ آسٽريليا کي 2 وڪيٽون گهربل آهن، 490 رنسن جي تعقب ۾ پاڪستان جي اسد شفيق جي ناقابل شڪست سينچري جي عيوض 8 وڪيٽن جي نقصان تي 382 رنسون ٺاهيون، اظهر علي 71، يونس خان 68 ۽ محمد عامر 48 رنسون ٺاهي آئوٽ ٿي ويا، اسد شفيق 100 رنسن تائين مزاحمت جاري رکي، مچل اسٽارڪ ۽ جيڪسن برڊ 3، 3 وڪيٽون حاصل ڪيون، ٻنهي بيٽسمينن ٽئين وڪيٽ ۾ 41 رنسن جو واڌارو ڪري 145 تائين پهچايو، اظهر علي ٽيون آئوٽ ٿيندڙ رانديگر هو، جنهن 71 رنسن تي مچل اسٽارڪ جي بال تي ميٿوويڊ هٿان ڪيچ آئوٽ ٿيو، مصباح الحق گهڻي دير تائين ڄمي نه سگهيو ۽ 5 رنسن تي جيڪسن برڊ جو نشانو بڻجي ويو، 137 جي مجموعي اسڪور جي پاڪستان جي پنجين وڪيٽ به ڪري پئي، جڏهن يونس خان غير ضروري اسٽروڪ کيڏندي ميٿن لائن جي بال تي اسٽيون سمٿ جي هٿا ڪيچ آئوٽ ٿيو، سرفراز احمد پاڪستان جو ڇهون آئوٽ ٿيندڙ رانديگر هو، جيڪو 24 رنسون ٺاهي مچل اسٽارڪ هٿان آئوٽ ٿي ويو، ان موقعي تي اسد شفيق ۽ محمد عامر شاندار بيٽنگ جو مظاهرو ڪيو ۽ 92 رنسن جي شراڪتداري قائم ڪري ٽيم جو اسڪور 312 تائين پهچايو،

 

مڪي آرٿر فاسٽ بالر سهيل خان کي ناڪارا قرار ڏئي ڇڏيو

برسبين (اسپورٽس نيوز) قومي ڪرڪيٽ ٽيم جي هيڊ ڪوچ مڪي آرٿر چيو آهي ته فاسٽ بالر عمران خان کي رڳو گاهه وري پِچ تي کيڏائي سگهون ٿا، جڏهن ته سهيل خان پڻ برسبين جي پِچ تي متاثر ڪندڙ ڪارڪردگي نه ڏيکاري ها. پنهنجي هڪ انٽرويو ۾ مڪي آرٿر چيو ته برسبين ٽيسٽ ۾ ٽي کاٻڙي فاسٽ بالر کيڏائڻ وارو فيصلو درست آهي، عمران خان کي رڳو گاهه واري پِچ تي کيڏائي سگهجي ٿو، جڏهن ته سهيل خان ۾ ڪم بيڪ ڪرڻ جي صلاحيت ناهي. هن چيو ته فاسٽ بالر ٽئين اسپيل کانپوءِ فائديمند ثابت ناهي ٿيندو.27

 

ڇا سيڪريٽري مٽائڻ سان سنڌ جي تعليم بهتر ٿيندي ……؟؟: حسن ناز سومرو

جيئن ته سنڌ جي تعليم کي 20 سالن کان به مٿي واري عرصي دوران تباه ڪيو ويو آهي پر هن مسئلي کي ڪنهن به سڌي طريقي سان حل ڪرڻ جي ڪوشش نه ڪئي ويئي آهي جنهن جي ڪري اڄ ڏينهن تائين سنڌ جي تعليم ۾ ڪنهن به قسم جو سڌارو اچي نه سگھيو آهي ڇاڪاڻ ته جيسيتائين اسان جي سنڌ جي سياستدانن کي سڌي رستي تي نه آندو ويندو تيسيتائين سنڌ جي تعليم جو سڌرڻ ناممڪن آهي. سنڌ حڪومت سنڌ جي تعليم کي سڌارڻ لاءِ فرسوده طريقا استعمال ڪري فقط پنهنجي ڪارڪردگي ڏيکارڻ جي ڪوشش ڪئي آهي پر سنڌ جي عوام کي اهو يقين ڏيارڻ جي ڪوشش ڪئي پيئي وڃي ته سنڌ جا سياستدان سنڌ ۽ سنڌي عوام جا هڏ ڏوکي آهن جڏهن ته حقيقت ان جي ابتڙ آهي.

سنڌ ۾ تعليم جي بهتري لاءِ سنڌ سرڪار جيڪي قدم کنيا آهن انهن ۾ هڪ طريقو بايو مئٽرڪ سسٽم رائج ڪرڻ آهي پر پوءِ به سنڌ جا اسڪول ويران آهن، هڪ اطلاع موجب ته ڪجھ سال اڳ ۾ فوت ٿيل استادن جي به بايو مئٽرڪ ڪري انهن جي پگھار جاري ڪئي ويئي آهي ته پوءِ آخر سنڌ اندر تعليم ۾ بهتري ڪيئن ايندي…..؟؟ سنڌ ۾ روزانو جي بنياد تي بايو مئٽرڪ ذريعي استادن جي حاضري ورتي ٿي وڃي پر پوءِ به استاد اسڪولن کان غائب آهن…….!!

استادن جي موڪل هيڊ آفيس ڪراچي مان منظور ڪئي ويندي آهي پر پوءِ به استاد نه ٿا لڀن ………!! آخر انهن استادن وٽ اهڙي قسم جو ڪهڙو جادو آهي جو سرڪار پاران ايتري سختي هجڻ جي باوجود به استاد پگھارون به کڻن ٿا پر اسڪول جو منهن نه ٿا ڏسن…….!!

آخر سنڌ جي تعليم کي ڪهڙي طريقي سان سڌارجي……..؟؟ ان سوال جو جواب ته آسان آهي پر جيئن ڪوئن صلاح ڪئي ته يار روزانو ٻلي اسان جي ڪوئن کي ماري وڃي ٿي سو اهڙو ڪو طريقو اختيار ڪجي جو ٻلي جي اچڻ جي خبر اسان کي اڳواٽ ئي ملي وڃي ته جيئن اسين ٻلي جي پهچڻ کان اڳ ۾ ئي ٻرن ۾ هليا وڃون…..!! سو هڪڙي ڏاهي ڪوئي مشورو ڏنو ته ان لاءِ بهتر ڪم اهو آهي ته ٻلي جي ڳچي ۾ ڪا گھنٽي ٻڌي ڇڏجي سو جيئن ئي ٻلي اسان ڏانهن ايندي ته گھنٽي وڄندي ۽ اسين سمورا ڪوئا ٻرن ۾ لڪي وينداسين سو اها صلاح سمورن ڪوئن کي پسند آئي پر جڏهن صبح ٿي ته ڪوئن کي اها ڳاله بعد ۾ سمجھ ۾ آئي ته آخر ٻلي کي گھنٽي وجھندو ڪير ……….!!

سو سائين اسين به سرڪار کي مشورا ته جام ڏينداسين پر انهن تي عمل ڪير ڪرائيندو ڇاڪاڻ ته سنڌ جي تعليم جي بهتري لاءِ ڪم ڪندڙ خود ئي تعليم جي تباهي جا ذميوار آهن، جن ماڻهن تعليم جو ٻيڙو هٿ سان ٻوڙيو ۽ هينئر چون ٿا ته اسان جو ته ڪو قصور ئي ڪونه آهي.

اسين جڏهن غور سان سنڌ جي تباهي لاءِ سوچينداسين ته سڀ کان پهريان سنڌ جي تباهي پاڪستان پيپلز پارٽي ڪرائي، جنهن پنهنجو پاڻ کي سنڌ جي نمائنده جماعت سڏرائي نه فقط سنڌ جو پر سنڌ جي تعليم جو به ٻيڙو ٻوڙي ڇڏيو…………!!

پاڪستان پيپلز پارٽي جڏهن به اقتدار ۾ آئي آهي ته هتي ٻيا کاتا ته وڃي کڏ ۾ پون پر جيڪا جٺ تعليم کاتي سان ڪئي ويئي آهي ان تي جيترو افسوس ڪجي سو گھٽ آهي.، پاڪستان پيپلز پارٽِي اقتدار ۾ ايندي ئي ٻيون نوڪريون ڇڏيو پر تعليم کاتي ۾ ايتريون ته ڀرتيون ڪندي آهي جيئن ڪا نڌڻڪي شيءِ هٿ آئي هجين، سنڌ جي ايم پي ايز ۽ ايم اين ايز کي ماستري جي ڪوٽا ڏني ويندي آهي پوءِ ان ڪوٽا تحت جنهن کي وڻين تنهن کي نوڪريون ڏيڻ ۽ پوءِ جيڪي ننڍا ننڍا جيالا هوندا آهن انهن کي فقط ماستري نوڪري ڏيئي راضي ڪيو ويندو آهي ۽ پوءِ ان جيالي کي ڀلجان الف بي پڙهڻ نه ايندي هجي پر ان کي ماستري واري نوڪري ضرور ڏيندا آهن ڇاڪاڻ ته هن قربانيون جو ڏنيون آهن باقي جيڪا عوام آهي ۽ انهن ۾ پڙهيل لکيل نوجوان آهن اهي ڀلي در در جا ڌڪا کائن ان سان پيپلز پارٽي کي ڪوبه فرق نه ٿو پوي، ۽ وري جڏهن تعليم سڌارڻ جي ڳاله ڪئي ويندي آهي اهي ئي ماسترن مهانڊي جيالا هٿ ۾ جھنڊا کڻي نعرن جا هوڪرا لائي ڏيندا پر انهن کي اها خبر ڪونه ٿي پوي ته جيڪي هو اڄ تعليم سان ويڌن ڪري رهيا آهن ان جو نتيجو سڀاڻي سڄي قوم کي ڀوڳڻو پوندو ۽ اڄ ڀوڳيون پيا. سنڌ ۾ تعليم کاتي جهڙي طريقي سان پير مظهر تباهيون ڪيون ۽ 6 هزار استاد ڀرتي ڪرڻ واري هنڌ تي 13 هزار استاد ڀرتي ڪري ڇڏيا پر اڄ ڏينهن تائين ان جي ڇنڊ ڇاڻ ٿي نه سگھي آهي ۽ پوءِ به پيپلا چون ٿا ته اسين قوم کي روزگار ڏيندا آهيون جڏهن ته مسلم ليگ وارا ماڻهن کي بيروزگار ڪندا آهن ته سائين منهنجا جيڪڏهن 6 هزار نوڪرين جي جاءِ تي 13 هزار ماڻهو کڻندو ته ته آخر پوءِ ڇنڊ ڇاڻ ته ٿيڻ کپي يا نه ….؟؟ پر پوءِ به پي پي پي وارا نعرا هڻي اهڙن نااهل ماڻهن کي برقرار رهڻ لاءِ مختلف حربا استعمال ڪري ڪامياب ٿي ويندا آهن.

گذريل چئن سالن کان سنڌ ۾ تعليم جي بهتري لاءِ تعليم جو سيڪريٽري اڳوڻي صدر آصف علي جو ڀيڻيئو فضل الله پيچوهو کي مقرر ڪيو ويو هو جنهن پنهنجون ماهراڻيون صلاحيتون استعمال ڪندي تعليم جي بهتري لاءِ ڪجھ سٺا ۽ اثرائتا قدم کنيا پر پيچوهو صاحب جو چوڻ هو ته مان بااختيار هوندي به بي اختيار آهيان ڇاڪاڻ ته ٻه سال اڳ ۾ جڏهن فضل الله پيچوهو صاحب خود وڃي مختلف اسڪولن تي ڇاپا هڻي ايڪشن وٺندو پر اهي متاثر استاد ڪي گھٽ ڪونه هئا سو انهن ۾ کوڙ سارا ته سياسي شخصيتن جا ڇاڙتا هئا سو پوءِ فضل الله پيچوهو جو ايڪشن ڇا ڪري سگھندو هو پر پوءِ به پيچوهو صاحب مختلف طريقا استعمال ڪري تعليم جي بهتري جون ڪوششون ڪندو رهيو.

فضل الله پيچو صاحب سيڪريٽري تعليم هوندي ٽِي ڀيرا تعليم جا منسٽر تبديل ڪيا ويا پر پوءِ به فضل الله پيچوهو صاحب همت نه هاري ۽ پنهنجو ڪم دل ۽ جان سان ڪندو رهيو، پر چوندا آهن ته سمنڊ ۾ رهي مانگر مڇ سان وير رکڻ تمام ڏکيو هوندو آهي سو فضل الله پيچوهو صاحب به واڳن وچ ۾ ويهي تعليم جي بهتري لاءِ سوچي رهيو هو جيڪو ڪم شايد وس کان گھڻو مٿي هوس، پر پوءِ به اڳوڻي تعليم واري سيڪريٽري فضل الله پيچوهو کي هٽائڻ جو فيصلو ڪيو ويو آهي، تمام باخبر ذريعن جو چوڻ آهي ته هن وقت سنڌ نوڪريون ڏيڻ جو وقت اچي ويو آهي سو فضل الله پيچوهو صاحب سخت قسم جو ماڻهو آهي سو اهو نوڪرين جي ورهاست ۾ ضرور ٽنگ اڙائيندو سو حڪومت سسنڌ سوچيو ته ڇونه فضل الله پيچوهو کي هٽائي من پسند ماڻهن کي نوڪريون ڏيئي اندڙ اليڪشن ۾ عوام کان ووٽ وٺي سگھجي سو اهو خيال ذهن ۾ رکي فضل الله پيچوهو کي هٽائي ان جي جاءِ ته هاڻوڪي چيف منسٽر سيد مرادعلي شاه صاحب جي ڀيڻيوي آصف حيدر شاه کي سيڪرِيٽري تعليم مقرر ڪيو ويو آهي سو هاڻي ڏسڻو اهو آهي ته جهڙي طريقي سان فضل الله پيچوهو تعليم جي بهتري لاءِ ڪم ڪيو پر هو ڪامياب ٿي نه سگھيو پر هاڻي ڏسڻو اهو آهي ته ڇا آصف حيدرشاه سنڌ جي تعليم بهتر ڪري سگھندو يا وري هو به پاڪستان پيپلز پارٽي جي کنيل قدمن جي حمايت ڪري سنڌ جي تعليم جيڪا اڳ ۾ ئي تباه حال آهي ان کي وڌيڪ ڇوٽ ڏيئي انهن گوسڙو ماسترن کي ٽي وي تي ڪم ڪرڻ يا اخباري دنيا ۾ صحافت وارو ڪردار ادا ڪرڻ يا انهن ڀاڳورن ماسترن کي ذاتي ڪاروبار ڪندڙ جي کليل ڇوٽ ڏني ويندي ۽ سنڌ جي تعليم کي هميشه جي لاءِ تباه ڪري ۽ سنڌ قوم جون پاڙون کوکليون ڪري سنڌي قوم کي اقليت ۾ آڻي هميشه جي لاءِ اپاهچ بڻايو ويندو، سو هاڻي ان ڳاله جو فيصلو عوام جي عدالت ۾ ڇڏيو ويندو جيڪو سنڌ جي تعليم تي سويبازي ڪندو تنهن کي سنڌ ۽ سنڌي ماڻهو ڪڏهن به معاف نه ڪندا ۽ ان لاءِ سنڌ جي عوام کي سخت فيصلا ڪرڻا پوندا ڇاڪاڻ ته ان ۾ ئي سنڌ ۽ سنڌي ماڻهن جي ڀلائي ۽ بقاء آهي.

****

موبائيل نمبر؛ 03133160003

m.hassannazsoomro@gmail.com جي ميل؛ ا

 

هر هڪ جي اميد سرڪاري نوڪري!!!!: محمد علي شر /سانگهڙ

تازو ئي سنڌ حڪومت طرفان سنڌ جي اداران ۾ ملازمت ڏيڻ جي اعلان مختلف اخبارن جي زينت بڻيل آهن جنهن جي اميداور ته سڀ آهن .مگر اهي نوڪريون ملنديون ڪنهن کي؟ ڪنهن جاگيردار جي پٽ؟ ڪنهن سياسي ڀوتار جي من پسند کي؟ يا وري جيڪي وڃي قائدا اعظم جي ساوا،ڳاڙا،نيرا فوٽو جمع ڪرائيندو ڇو ته اها ته ڪيتري ئي عرصي کان پاڪستان،توڙي سنڌ  ۾ هڪ روايت وڌي وئي آهي ته سرڪاري نوڪري جو صرف اهو حقدار آهي جيڪو ڪنهن سياسي ڀوتار جو من پسند هوندو ،يا جنهن وٽ قائد اعظم جي  کوٽ نه هجي ،باقي مڊل ڪلاس ۽ غريب  طبقي جي اها نوڪريون نصيب ۾ ئي نه آهي نوڪري ته ملي سا ملي پر ڪجهه ڪمايل پونجي به ان نوڪري جي چڪر ۾ مڊل ڪلاس ۽ غريب طبقو به وڃائي ويهن ٿا،نوڪري حاصل ڪرڻ لاءَ گهرجون

هڪ عد د سي وي

تمام تعليم دستاويز جو سيٽ

ٻه کان چار عدد پاسپورٽ سائز رنگين فوٽو

هڪ عدد بينڪ چالان ( پي آڊر)

هڪ کان ٻه عدد شناختي ڪارڊ جون ڪاپيون

نوٽ؛ اهي تمام اوٿ ڪمشنر يا سترنهن گريڊ جي آفيسر کان اسٽيڊڊ ٿيل لازمي آهن

انهي تمام مٿين شرطن کان ٽيسٽ، يا انٽرويو ورتو ويندو انهي تمام مرحلن کان گزرندي  اهي مڊل ڪلاس ۽ غريب طبقو نوڪري نه ملي سگهندي آهي گڏ ٿيل پونجي ضرور وڃائي وهندو آهي

سنڌ ۾ ته هي هن سال جي ڪهاڻي آهي پر پاڪستان ۾ ٻارنهن ئي مهينا اهڙا ڀيانڪ منظر ڏٺا ويندا آهن. هر سال هزارين نوجوان پنهنجي ڊگري پوري ڪرڻ کانپوءِ فوٽو اسٽيٽ جي ٻاهران لڳل بورڊ تي سرڪار طرفان آيل جايون ڏسن ٿا ۽ وڏين اميدن ۽ مشڪلاتن کي منهن ڏيندي انهن خالي جاين لاءَ پنهنجي قسمت آزمائيندا آهن پر انڌهيرا نگري چرٻٽ راجا واري مثال وانگر اسان جي معاشري جي پڙهيل لکيل قابل نوجوان وري به ساڳئي جيان، ڪنهن دڪان تي معمولي اجرت تي پگهر وهائيندي  ۽ نوڪري ڀوتان جي من پسندن يا ڪنهن پارٽي جيالي نالي ٿي ويندي آهي اها خبر هجڻ باوجود به ته سندن  ڊگري ڪنهن ٻئي شعبي ۾ نوڪريون ڪنهن ٻئي شعبي ۾ آهن پر ان لاءِ اپلاءِ ڪرڻ فرض آهي. اصل ۾ اها ڪيريئر پلاننگ جي کوٽ آهي، ان ڪري مڙئي ڪوشش ڪرڻي آهي وارو فارمولو اختيار ڪيو ويندو آهي. اصل ۾ سرڪاري نوڪري ته هڪ بهانو آهي پر دراصل اهو سڄو سلسلو ڀريل گهر ڀرڻ جو هوندو آهي. ان لاءِ فوٽو ڪاپيءَ کان وٺي ڊاڪيومينٽس جمع ڪرائڻ تائين هزارين رپين جو خرچ هن طرح ٿئي ٿو. سڀ کان پهريان گهربل ڊاڪيومينٽس مان جيڪڏهن ڪو سرٽيفڪٽ يا مارڪشيٽ کٽل آهي ته اسڪول ۾ ڪنهن استاد کي ڳاڙا نوٽ ڏئي حاصل ڪجي ٿي يا وري بورڊ ۽ يونيورسٽي ۾ مقرر رقم جو چالان پياري حاصل ڪئي وڃي ٿي.

جڏھن گهربل ڊاڪيومينٽس جو هڪ سيٽ پورو ٿي وڃي ٿو ته ان جو نقل سيٽ ڪرائڻ لاءِ فوٽو اسٽيٽ واري کي پئسا ڏيڻا پون ٿا. هي سلسلو اڃا اتي ختم نٿو ٿئي فارم لاءِ گهربل فوٽوز حاصل ڪرڻ لاءِ به ڪجھ رقم ادا ڪرڻي پوي ٿي. آخر ٽيسٽ کان هڪ مهيني کانپوءِ خبر پوي ٿي ته نوڪريون ڪنهن ڊاڪٽر، وڪيل، جج ۽ پروفيسر ،سياسي ڀوتار، ايم پي اي،ايم اين اي، وزير ،مشير ،جي پٽ کي لکين رپين جي معاوضي تي ڏنيون ويون. ائين هزارن جو خرچ هڪ ناڪام ڪوشش ۾ لڳي وڃي ٿو ۽ شاگرد اهو سکي ٿو ته قابليت کان وڌيڪ پئسي جي عزت آهي، پئسي سان هر شيءِ ممڪن آهي ۽ پاڪستان ۾ اهڙا هزارين شاگرد موجود آهن، جيڪي سٺين مارڪن سان ڊگري حاصل ڪرڻ باوجود به دڪانن ۽ هوٽلن تي ڪم ڪندي نظر اچن ٿا. ان نوجوان جي نوڪري ڪرڻ واري آس رهجي وڃي ٿي.اهي مايوسي واري زندگي بسر ڪرڻ تي مجبور ٿي وڃن ٿا ،اهي وجه آهي جو اسان جي ادارا تباهي ڪناري پهتل آهي جيئن ته اسان جي اسڪول ،ڪاليج آهن جي تعليمي معيار بهتر نه هئڻ جي سبب نوڪريون سياسي بينادن  ۽ پئسن عيوض ڏيڻ جي ڪري، سنڌ جي تعليمي اڄ تباهي ڪناري پهتل آهي سنڌ جا هزاري نوجوان جيڪي پنهنجي پاڻ کي پڙهيل لکيل جي چون ٿا پر حقيقت ۾ا هي پڙهيل لکيل نه آهي ڇو ته اهي يا پسئن عيوض ڊگري هولڊر آهن يا ته وري ڪاپي ڪلچر جي ڪري،اسان جي استاد گهڻي ڀاڱي اسان جي سياسي وڏيرن جي اوطاقن تي حاضري ڀرڻ ۾ پورا آهن اسان جي نوجوان نسل کي تعليم کان محروم رکيو پيو.

انهي صورت حال کي ڏسندي پرائيوٽ سيڪٽرن کي هڪ ڪاروبار سجهي ويو انهن سوچيو ته ڇو نه اسان پرائيوٽ اسڪولي کولي انهي ڳوبلي عوام کان پئسو ڳڍهون اگر اوهان پنهنجي بستي ،واهڻ،محلي ،گلي ۾ نظر ڊوڙائيندو ته اوهان کي اهڙا کوڙا سارا بورڊ لڳل ملندا ته اوهان جي ٻارن انگريزي تعليم ،سٺي تعليمي حاصل ڪرڻ جي لاءَ مختلف قسمن جي بورڊ نصب ٿيل نظر ايندا پر ان جي حيقيقت هي آهي ته اهي صرف  سنڌ جي تعليم سان ڪاربارو ڪري رهيا آهين سرڪاري اسڪولن کان بدتر حالت آهي اتي  ڇو ته يقين نه ڪندو اتي تعليم ڏيارڻ وارا گهڻي ڀاڱي پاڻ ئي اڻ پورائتا آهن اهي جا استاد ڪرام انڊر گريجوئيڊ ڇوڪرا ،ڇوڪريون آهن جيڪي انٽر کانپو  اڳتي تعليم حاصل نه ٿا ڪري سگهن اهي شاگرد  انهن مختلف پرائيوٽ اسڪولن ۾ ٽيچرز لڳا پيا آهن سنڌ حڪومت گهرجي ته اها تمام اداران جي بهتري جي لاءَ ميرٽ جي بنياد جي ڀرتيون ڪري جيئن سنڌ جو هر گهراڻو خوش هجي ۽ ملڪ و قوم جي ڀلائي لاءَ ڪم ڪري سگهي  قائم ٿيل هڪ روايت کي ختم ڪيو وڃي جنهن سان هڪ ،ٻه يا ٽي پر هزارن خاندان ڪمپرسي واري زندگين گذارڻ تي مجبور آهن سنڌ وفاق حڪومت  اداران کي وڌيڪ تباهه ٿيڻ کان نه بچايو ته ايندڙ وقت ۾ ادارا ناڪارا ٿي ويندا

 

ڪوئيٽا سانحي جي رپورٽ چئلينج ٿيندي….!

گذريل ڏينهن وفاقي گهرو وزير چوڌري نثار پريس ڪانفرنس ڪندي چيو ته ملڪ جي سيڪيورٽي انتهائي حساس آهي، ڪجهه شيون رپورٽ ۾ آيون جن کي ڪوٽ ڪيو ويو آهي. رپورٽ ۾ سرڪاري نه پر ذاتي الزام هنيا ويا آهن جنهن تي مون وزيراعظم کي چيو ته مون کي پريس ڪانفرنس ڪرڻ جي اجازت ڏني وڃي ۽ جي نه ٿي ڏني وڃي ته پوءِ آئون استعيفيٰ ڏئي ڇڏيندس جنهن کانپوءِ مون کي اجازت ملي آهي. ان کان اڳ ۾ جيڪي به فيصلا آيا آهن اهي مون سدائين تسليم ڪيا آهن پر هينئر جيڪو مون کي نقصان پهچايو ويو آهي اهو منهنجي لاءِ ناقابل برداشت آهي، منهنجا مخالف جيڪو منهن ۾ اچي ٿو چئي ڇڏين ٿا. آئون ڪجهه ڏينهن ۾ سپريم ڪورٽ ۾ ۽ پارليامينٽ ۾ پنهنجو ۽ گهرو وزارت جو موقف پيش ڪندس. آئون 5 ڀيرا نيشنل ايڪشن پلان کي قومي اسيمبلي ۾ پيش ڪري چڪو آهيان، مون کي موقعو مليو آهي آئون پنهنجو موقف هر جاءِ تي پيش ڪندس. نيشنل ايڪشن پلان تي جنهن کي خبر ئي نه آهي اهو به خيالن جو اظهار ڪري ٿو.

ڪوئيٽا ڌماڪي تي ڪميٽي ٺهڻ کانپوءِ مون کي هڪ خط مليو جنهن ۾ مون کان سوال ڪيا ويا هئا ۽ پڇيو ويو ته آئون اهلسنت والجماعت جي وفد جنهن جي سربراهي مولانا لڌيانوي ڪئي ان سان ڇو مليس جنهن جي جواب ۾ مون چيو ته اها ڳالهه ٺيڪ نه آهي، آئون اهڙي ڪنهن به وفد سان ناهيان مليو. ٻيو سوال هو ته اهلسنت والجماعت کي اسلام آباد ۾ جلسي جي اجازت ڇو ڏني وئي جنهن جي جواب ۾ مون لکيو ته جلسي جي اجازت ڏيڻ يا نه ڏيڻ منهنجي نه پر ضلعي انتظاميا جو اختيار آهي ۽ جڏهن مون ان بابت پڇيو ته مون کي ٻڌايو ويو ته اهلسنت والجماعت جلسي جي اجازت نه گهري هئي ۽ نه ئي وري ان کي ڏني وئي. ٽيون سوال ته نيڪٽا جي ايگزيڪيوٽو ڪميٽي جي چيئرمين جي حيثيت سان ٻڌايو ته نيڪٽا جو اجلاس ڇو ناهي ٿيو جنهن جي جواب ۾ مون چيو ته اها ڳالهه درست نه آهي نيڪٽا جو آخري اجلاس 2014ع ۾ ٿيو هو بعد ۾ تعطل جو سبب نيڪٽا ايڪٽ قانون تحت نيڪٽا جو ڪم بورڊ آف گورنرز جي فيصلن تي عملدرآمد ڪرائڻ يا انهن جي معاملن کي سرانجام ڏيڻ آهي جيڪو بورڊ آف گورنرز جي ذمي آهي ان لاءِ اجلاس ناهي ٿيو. چوٿون سوال هو ته بورڊ آف گورنرز جو اجلاس ڪڏهن به ناهي ٿيو جنهن جواب ۾ مون چيو ته اهو سوال وزيراعظم هائوس بابت آهي ۽ ان کان ئي پڇيو وڃي. پنجون سوال هو ته گهرو وزارت ۾ گهرو سيڪريٽري کانسواءِ اسپيشل سيڪريٽري به موجود آهن اهو ڇو جنهن جي جواب ۾ مون چيو ته اسپيشل گهرو سيڪريٽري جي مقرري قانون موجب ڪئي وئي آهي ۽ ان جي قانون ۾ واضح گنجائش آهي ۽ مون اهو به چيو ته اسپيشل سيڪريٽري اتي مقرر ڪيا وڃن ٿا جتي ڪم گهڻو هجي.

مون ميڊيا ۾ پڙهيو ته مون ڪالعدم پارٽين سان ملاقات ڪئي آهي، دفاع پاڪستان ڪائونسل ڪالعدم پارٽي نه آهي، ان ۾ (ق) ليگ به شامل آهي. جڏهن دفاع پاڪستان ڪائونسل جو 8 رڪني وفد آيو ته مون کي خبر نه هئي ته مولانا لڌيانوي به ان وفد ۾ شامل آهي ۽ ڇا اچڻ کانپوءِ آئون مولانا لڌيانوي کي چوان ها ته توهان ٻاهر هليا وڃو. مولانا لڌيانوي چونڊ وڙهي ايم اين اي بڻجي ته ڪنهن کي به اعتراض نه آهي، اهو جماعت اسلامي کان پڇيو وڃي ته هو مولانا لڌيانوي کي ڇو وٺي آئي. فورٿ شيڊيول ۾ شامل ڪنهن به شخص جي شهريت ختم نه ٿا ڪري سگهون. ڪراچي ايئرپورٽ تي حملي کان پهرين آگاهه ڪيو ويو هو ۽ مختلف واقعن کان اڳ ۾ اطلاع ڪيو ويو هو پر مون ڪڏهن به ڪنهن جو پٽڪو ناهي لاٿو. منهنجي لاءِ وزارت نه پر عزت اهم آهي ۽ سپريم ڪورٽ جي جج کي به اهو سمجهڻ گهرجي ته جيڪو سندن سامهون پيش ٿي رهيو آهي انهن جي به عزت آهي. سپريم ڪورٽ توهين ڪندڙ ادارو ٿيندو ته آئون خاموش نه ويهندس. هاڻي آئون ٻڌائيندس ته نيشنل ايڪشن پلان ڇا آهي مون ڪا به آف شور ڪمپني ناهي ٺاهي، مون ڪا به ايل اين جي ڪوٽا ناهي ورتي ۽ نه ئي وري ڪا فيڪٽري لڳائي آهي، ڊاڪٽر عاصم جي گرفتاري تي ڊي جي رينجرز ان وقت جي آرمي چيف سان ڳالهايو هو، ايان علي ۽ ڊاڪٽر عاصم حسين جي ڪيس جا الزام مون تي هنيا وڃن ٿا پر جڏهن ڊاڪٽر عاصم حسين گرفتار ٿيو ان وقت ته آئون لنڊن ۾ هئس. مون سياست کي پئسي جو ذريعو ناهي بڻايو. مون کان جيڪي سوال پڇيا ويا انهن ۾ ڪوئيٽا جو ته نالو ئي نه هو، پوءِ مون ڪيئن غلط بياني ڪئي. آئون سپريم ڪورٽ کي چوان ٿو ته مون کي جلد کان جلد ٻڌو وڃي ۽ پوءِ جيڪو وڻي سو فيصلو ڪيو وڃي، عهدو عزت کانسواءِ لعنت وانگر آهي.