تازيون خبرون

Daily Archives: December 3, 2016

هڪ ڀيرو پنهنجي دوست ۽ ٻيو ڀيرو بار جي مالڪ لڄالٽ ڪئي: آمريڪي اداڪاره رچل ووڊ جو انڪشاف

نيويارڪ (شوبز نيوز) آمريڪي اداڪارا ۽ فنڪارا ايون رچل ووڊ انڪشاف ڪيو آهي ته هن کي 2 ڀيرا لڄالٽ جو نشانو بڻايو ويو، هڪ ڀيرو پنهنجي دوست ۽ ٻيو ڀيرو بار جي مالڪ کيس زنا جو شڪار بڻايو. اهو انڪشاف 29 ورهين جي اداڪارا ٽوئيٽر تي هڪ کليل خط ۾ ڪيو. پنهنجي جواني ۾ ئي آپگهات جي ڪوشش، جسماني، نفسياتي ۽ جنسي تشدد جو نشانو بڻائڻ بابت هڪ ميگزين کي ڏنل انٽرويوي کانپوءِ اداڪارا لکيو ته ڪيترائي سال اڳ مٿس حملو ٿيو، ڪيترن ئي عملن مان هڪ لڄالٽ به هو، جيڪو هن کي پنهنجي ئي زندگي جي انت جي ڪوشش تائين وٺي ويو. رچل ووڊ لکيو ته هوءَ ان ڳالهه تي يقين ناهي رکندي ته موجوده دور ۾ انسان گهڻي دير تائين خاموش رهي سگهي ٿو، ڄاڻايل عمل تي ڳالهيون ٿيڻ گهرجن ۽ هوءَ ان کي معمول وانگر قبول نٿي ڪري سگهي، اهو هڪ سنجيده مسئلو آهي، هوءَ اڃا زندهه آهي ۽ پنهنجي موقف تي قائم رهندي، هوءَ خوش ۽ اندر ۾ مضبوط آهي، پر اڃا تائين مطمئن ناهي. هن لکيو ته ”ها سندس لڄالٽ ڪئي وئي، هڪ دوست طرفان جڏهن هو ٻئي گڏ هئا ۽ ٻيو ڀيرو بار جي هڪ مالڪ طرفان.“ اداڪارا اڃا اهو واضح نه ڪيو ته انهن حملن بابت پوليس کي آگاهي ڏني يا نه ۽ ڇا قانون ايڪشن ورتو. اداڪارا لکيو ته پهريون ڀيرو ان عمل کان اڻڄاڻ هئي ته دوست طرفان ڪيل اهڙي حرڪت جو شمار لڄالٽ ۾ ٿئي ٿيو، پر ڄاڻ ملڻ تائين دير ٿي چڪي هئي، مٿس اعتمار به ڪير ڪري ها. ٻيو ڀيرو هن سمجهيو ته سندس غلطي آهي ته هن گهڻو جهيڙو ڪيو ۽ ڊنل آهي.

 

سنجي دت ڀريل محفل ۾ رنبير جي بيعزتي ڪري ڇڏي

ممبئي (شوبز نيوز) بالي ووڊ اداڪار سنجي دت پنهنجي زندگي تي ٺهندڙ فلم ۾ مرڪزي ڪردار ادا ڪندڙ چاڪليٽي هيرو رنبير ڪپور جي ڀريل محفل ۾ بيعزتي ڪئي آهي سنجي دت جي زندگي تي ٺهندڙ فلم ۾ مرڪزي ڪردار ادا ڪندڙ نوجوان اداڪار رنبير ڪپور ۽ هدايتڪار راجڪمار ۽ پروڊيوسر سان گڏ سنجو بابا جي گهر پهتا جتي ملاقات ۾ رنبير ڪپور ۾ فلم بابت هدايتون ڏيندي شراب جي نشي ۾ سنجي دت سڀني جي سامهون رنبير ڪپور جي بيعزتي ڪئي. ڀارتي ميڊيا رپورٽ مطابق سنجي دت گهر ۾ موجود نوجوان اداڪار جي فلمن جي مذاق ڪندي چيو ته مان هڪ فلم ٺاهڻ چاهيان ٿو جنهن جو نالو لڏو هوندو ان کان پوءِ جليبي ۽ پيڙا نالي فلمون به ٺاهيندس جڏهن ته شراب جي نشي ۾ سنجي دت بس نه ڪئي پر ايتري قدر چيو جو مان تازو ئي تنهنجي فلم برفي ڏٺي ان ڪري تون ڇا سوچي ان فلم ۾ ڪم ڪيو آهي ۽ تون منهنجي زندگي تي ٺهندڙ فلم ۾ مرڪزي ڪردار ادا ڪري رهيو آهين پر مون کي خبر نه آهي ته توکي ڪهڙي طرح ڪاسٽ ڪيو ويو. حالانڪه اڃا توکي ڪجهه بهادر نظر ايندڙ فلمن ۾ ڪم ڪرڻ گهرجي.

 

انگلش پريئرم ليگ ۾ سڀاڻي 2 ميچون کيڏيون وينديون

لنڊن(اسپورٽس نيوز) انگلش پريميئر ليگ ۾ سڀاڻي 2 ميچون کيڏيون وينديون. پهرين ميچ ۾ ليور پول ۽ بارنموٿ جون ٽيمون آمهون سامهون ٿينديون. ليور پول ليگ ۾ 30 پوائنٽس سان ٻئين نمبر تي آهي. ٻي ميچ مانچسٽر يونائيٽيڊ ۽ ايورٽن وچ ۾ کيڏي ويندي. مانچسٽر يونائيٽيڊ 20 پوائنٽس سان ڇهين نمبر تي آهي.

 

انگلش پريميئر ليگ ۾ چيلسي 31 پوائنٽس سميت پهرين نمبر تي

لنڊن(اسپورٽس نيوز) انگلش پريميئر ليگ ۾ هيستائين ٿيندڙ مقابلن ۾ چيلسي جي ٽيم 31 پوائنٽس سميت پهرئين نمبر تي آهي. ليول پول ٻي ۽ مانچسٽر سٽي ٽئين نمبر تي آهي. تفصيل موجب انگلش پريميئر ليگ جا دلچسپي مقابلا جاري آهن. ليور پول ۽ مانچيسٽر سٽي جا 30-30 پوائنٽس آهن. بهتر گول سبب ليور پول ٻئين ۽ مانچسٽر سٽي ٽئين نمبر تي آهي. آرمنل 28 پوائنٽس سميت چوٿين ۽ ٽوٽنهام 24 پوائنٽس سميت پنجين نمبر تي آهي.

 

جهوني صحافي ۽ ليکڪ پرواني ڀٽي جو لاڏاڻو ’حياتي وئي گذري سفر در سفر‘: نور سنڌي

سنڌ جو شاعر، ليکڪ صحافي ڀٽ ڌڻي جي رسالي جو پارکو پروانو ڀٽي ٻن سالن کا وڌيڪ عرصي کان مختلف بيمارين سان جهيڙيندي 83 سالن جي عمر ۾ پهرين ڊسمبر 2016 تي صبح 9 وڳي دم ڌڻيءَ حوالي ڪيو. پاڻ ڪجهه هفتن کان حيدرآباد جي هڪ اسپتال ۾ موت سان جهيڙيندو رهيو.

پرواني ڀٽي جو شمار سنڌي جي جهونن شاعرن، ليکڪن ۾ هو. سندس اصل نالو ميوو خان ڀٽي، 1934ع ۾ دادو ضلعي جي پيارو خان ڳوٺ ۾ پوليس جي سپاهي گل محمد خان ڀٽي جي گهر ۾ جنم ورتو. سندس تعليم سنڌي فائينل هئي. شاگردي دور ۾ ڪرڪيٽ ۽ والي بال جو بهترين رانديگر رهيو، سندس والد لطيف سائين جو عاشق هو. پروانو پهريون شعر اسڪول جي اسيمبلي ۾ هڪ قومي گيت”پيارو پاڪستان پيارو پاڪستان “ ترنم ۾ ٻڌايو، ان تي اسڪول جي هيڊ ماستر فريد خان چانڊيو کيس انعام ڏنو، شاعري تي سندس استادن، دوستن، مائٽن به همٿ افزائي ڪئي، جنهن منجهن وڌيڪ اتساهه پيدا ڪيو. پاڻ 1948ع کان 1952ع تائين استاد رهيو. حيدرآباد ۾ ٽريننگ دوران محمد عثمان ڏيپلائي سان سندس ملاقات ٿي، جيڪو ان وقت هفتيوار عبرت شايع ڪندو هو. محمد عثمان ڏيپلائي پروانو ڀٽي ۾ ٽيلينٽ ڏسندي کيس اخبار ۾ ڪم ڪرڻ جي آفر ڏني ۽ پاڻ ماستري ڇڏي صحافت شروع ڪئي ۽ اخبار ۾ 30 رپيا پگهار تي سب ايڊيٽر طور مقرر ٿيو، سگهوئي  عبرت اخبار قاضي عبدالمجيد عابد خريد ڪئي ۽ اُها هفتيوار مان روزانه طور شايع ٿيڻ لڳي ۽ پروانو بدستور سب ايڊيٽر طور ڪم ڪندو رهيو. بعد ۾ ڪجهه وقت عبرت ڇڏي روزانه هلال پاڪستان حيدرآباد ۾ سب ايڊيٽر ۽ ايڊيشن انچارج ٿيو. 58ع کان 1980ع تائين عبرت ۾ سب ايڊيٽر طور ڪم ڪيو. شاعري ۾ سندس پهرين ميول تخلص هو، بعد ۾ شاعري ۾ سندس استاد شيخ محمد ابراهيم خليل کيس پرواني جو تخلص ڏنو ۽ هو سنڌ ۾ پروانو ڀٽي جي نالي سان مشهور ٿيو. انهن ڏينهن ۾ عبرت ۾ شيخ عزيز ٻارڙن جي ٻاري صفحو ڪڍندو هو، جنهن سان ٻارن ۾ لکڻ جو اتساهه پيدا ٿيو، بعد ۾ شيخ عزيز اخبار جو ڪم  وڌي وڃڻ ڪري ٻارڙن جي ٻاري صفحو پروانو ڀٽي حوالي ڪيو ته هُن نه صرف ٻارڙن جي ٻاريءَ کي بهترين طور شايع ڪيو پر انهيءَ نالي سان ٻارڙن جي آرگنائيزيشن به قائم ڪئي ۽ ان جون سڄي سنڌ ۾ شاخون قائم ڪري ان پاران سڄي سنڌ ۾ ٻارڙن جا ڪنوينشن، جلسا ڪرائي ٻارڙن ۾ علمي، ادبي سرگرمين ۽ لکڻ جي جاڳرتا ۽ اتساهه پيدا ڪيو. ڪيترن ئي شهرن ۾ لائبريريون قائم ڪرايون. 1955ع ۾ ريڊيو پاڪستان حيدرآباد پاران ٻارن جو پروگرام ٻارڙن جي ٻاري شروع ڪيو، اهو پروگرام مصطفى قريشي، عبدالڪريم بلوچ ۽ پروانو ڀٽي گڏجي هلائيندا هئا.

سندس وايون، غزل، ڪافيون، نظم، ٽيڙو، قطعه عبرت، مهراڻ رسالو، بادل رسالو، نئين زندگي، امرتا، هلال پاڪستان ۽ ٻين رسالن اخبارن ۾ شايع ٿيا آهن. پاڻ ماضي ۾ عبرت ۾ روزانو هڪ قطعو لکندو هو، عبرت ۾ سندس 5 هزارن کان وڌيڪ قطعا شايع، ٿيا جيڪو هڪ رڪارڊ آهي. پروانو ڀٽي پاڻ پنهنجي شاعري نه ريڊيو نه ٽي وي تي رڪارڊ ڪرائي نه وري فنڪارن کي ڳائڻ لاءِ ڏني، بقول سندس ته عابده پروين، سينگار علي سليم، محمد يوسف، وحيد علي، استاد ابراهيم، محمد جمن، وحيد علي ۽ ٻين مشهور فنڪارن هن کان شاعري گهري. سندس چوڻ هو ته اهو شوق سرندي وارن شاعرن جو آهي ته هو فنڪارن کان پنهنجي شاعري ڳارائي پوءِ ڪنڌلوڏين، بقول هُن جي ته اهو سندس جذباتي فيصلو هو. جيڪو صحيح نه هو. ان جو کيس احساس رهيو. پاڻ بهترين شاعر سان گڏ بهترين ليکڪ به هو، عبرت، هلال پاڪستان، خبرون ۽ ٻين اخبارن ۾ سندس مضمون ۽ هفتيوار ڪالم شايع ٿيا آهن. ماضي ۾ 1970ع ڌاري عبرت ۾ هفتيوار ڪلام جاني جي نالي سان ڪيترائي سال لکيو. 1969 ۾ صحافين جي وفد سان ايسٽ پاڪستان جي دوري تي ويو. جتي هن شيخ مجيب الرحمان سان ملاقات ڪئي. هُن ريڊيو پاڪستان حيدرآباد تي 20 کان وڌيڪ ڊرامن ۾ منظور قريشي، مصطفى قريشي، عبدالحق ابڙو، مشتاق مغل، نصرت چنا، نسرين فضل جهڙن ناميارن صداڪارن سان گڏ صداڪاري ڪئي. هُن سنڌي فلم محبوب مٺا ۾ وڏيري جو ڪردار به ادا ڪيو. کيس ان دور ۾ ريڊيو پاڪستان حيدرآباد تي اسڪرپٽ رائيٽر جي نوڪريءَ جي آفر ٿي پر هن قبول نه ڪئي. هُو ان کي به جذباتي غلط فيصلو سمجهندو هو، سندس چوڻ هو ته ان دور ۾ کيس صحافت جو شوق هو، ريڊيو تي نوڪري وٺي پاڻ کي ريڊيو تائين محدود رکڻ نه ٿي چاهيائين. پاڻ بزم خليل، بزم طالب المولى، سنڌي ادبي سنگت، بزم روح رهاڻ ۽ ٻين تنظيمن جو بنيادي ميمبر ۽ مختلف عهدن تي رهي سنڌي ادب جي واڌاري لاءِ نوجوانن ۾ ادبي رجحان پيدا ڪرڻ لاءِ جاکوڙ ڪئي. شاهه لطيف فائونڊيشن جو به بنيادي ميمبر هو ۽ مختلف عهدن تي رهيو آهي. در محمد ڪمال سان گڏجي سنڌ ڪلچرل ڪائونسل به قائم ڪري ان پليٽ فارم تان مختلف شهرن ۾ علمي ادبي ثقافتي شاندار پروگرام ڪرايا. هو لطيف جو پانڌيئڙو هو. لطيف سائينءَ جي ڪلام پيغام کي عام ڪرڻ لاءِ جاکوڙيندو رهيو .1950ع کان لطيف سائين جي عرس جي ادبي ڪانفرنس ۾ شريڪ ٿيندو رهيو ۽ ادبي ڪانفرنسن کي زور وٺرائڻ لاءِ شاندار ڪردار ادا ڪندو رهيو. کيس موسيقي سان به دلچسپي رهي. هُن کي جوانيءَ ۾ راڳ سکڻ جو شوق رهيو ۽ ان دور ۾ کاهي روڊ تي استاد اميد علي خان جي موسيقي جي سکيا واري اسڪول ۾ وڃي راڳ سکيو. بعد ۾ 1953ع ۾ ريڊيو پاڪستان ڪراچي تي فنڪار طور آڊيشن به ڏنو، جيڪو ايم ڊي انصاري ورتو ۽ ان کيس چيو ته اوهان راڳ کي معاف ڪريو. ان بعد هن مٿان فنڪار ٿيڻ جو جنون ختم ٿي ٿيو. پرواني ڀٽي هڪ دفعي ٻڌايو ته  علڻ فقير کي هو ريڊيو پاڪستان تي وٺي آيو ۽ سندس پهريون انٽرويو ڪيو، ان بعد هن کي ريڊيو تي پروگرام وٺرائي ڏنا، جن وسيلي هن سڄي سنڌ ۾ مڃتا ماڻي. سندس اها به دعوا هئي ته مشهور فنڪار ممتاز لاشاري کي 71ع ۾ ريڊيو پاڪستان تي وٺي آيو، هن کيس ميهڙ ۾ شاعر اسحاق راهي جي هڪ پروگرام ۾ ٻڌو هو ۽ سندس ڳائڻ جي انداز کيس متاثر ڪيو. پروانو ڀٽي ريڊيو پاڪستان حيدرآباد تي ڪيترائي پروگرام ڪيا، جن ۾ ٻين کانسواءِ ادبي پروگرام، ساٿ ڌڻي سرواڻ وڏي مقبوليت ماڻي.

ماضي ۾ سئنيما تي فلمون هلڻ کان اڳ اطلاعات کاتي پاران حڪومت جي ڪارڪردگي تي سڌ سماءُ پروگرام هلندو هو، سنڌي ۾ اهڙي پروگرام جي ڪمپيئرنگ پروانو ڀٽي ڪندو هو. اطلاعات کاتي پاران سنڌ صدين کان، سٽي سکر دستاويزي فلمون جي بيڪ گرائونڊ ۾ پروانو ڀٽي جو خوبصورت آواز هو. پاڻ 16 سال پبلڪ اسڪول حيدرآباد جو ڪانٽريڪٽ تي پبلڪ رليشن  آفيسر به رهيو. اتي ايڪسٽرا طور استاد جا فرض به ادا ڪيا. پاڻ انيس حسن اسڪول حيدرآباد ۾ به استاد رهيو اتي سندس اهو به ڪارنامو رهيو ته صبح جو اسيمبلي ۾ قرآن شريف جي آيت، حديث شريف سان گڏ شاهه لطيف جو شعر ٻارن کان ترنم ۾ پڙهائڻ شروع ڪيو ۽ پاڻ ان جو اردو ۾ ترجمو ڪندو هو. پاڻ   ادب پاران حيدرآباد ۾ شام لطيف جي حوالي سان سلسلو شروع ڪيو. هُن زندگيءَ ۾ 6 سئو کان وڌيڪ مشاعرن ۾ شعر پڙهيا. 400 کان وڌيڪ ادبي ڪانفرنسن، شاعرن سان رهاڻين، ورسين جنم ڏينهن جي پروگرامن ۾ مقالا پڙهيا آهن.پروانو ڀٽي کي 3 فرزند، 4 نياڻيون آهن. سندس جيون ساٿياڻي 2012ع ۾ انتقال ڪري وئي. سندس هڪ  جوان فرزند گل ڀٽي جيڪو قومپرست پارٽي جو ڪارڪن هو، ان کي دهشتگردن حيدرآباد ۾ گوليون هڻي ماري ڇڏيو. گلاب جي خوشبوء جهڙي نوجوان پٽ جي اهڙي درد ڀرئي موت سندس اندر کي اڌ ڪري ڇڏيو. سندس زندگي جو اهو وڏي کان  وڏو ڏک هو، پروانو ڀٽي جو هيٺيون شعر سندس زندگي جي عڪاسي ڪري ٿو.

حياتي وئي گذري سفر در سفر،

ڪٿي ڪين ٺاهي سگهيس پنهنجو گهر،

اهو پڻ اوهان جي عدم جو مثال،

في هڪ سان ٿا ڪريون درگذر.

 

 

ڇا پاڪستان ۾ جهموريت مظبوط ٿيندي..؟؟؟: غلام مصطفيٰ جمالي

اسان جي ملڪ اندر جهموريت هلڻ مشڪل ئي نه پر ناممڪن نظر اچي آهي،اها هن وقت پاڪستان اندر جيڪي  حالتون پيدا ٿيون آهن اها ڪا نئي ڳالهه ناهي،جت جت وقت جهموريت جي پيرن ۾ زنجيرون هڻي کيس قيد ڪرڻ جي ڪوشش ڪئي آهي اتي جهموريت انهي وقت اڳيان مجبور تي ڪري پنهنجا گوڏا کوڙي ڇڏيا هئا. ائين به کڻي چئجي ته پاڪستان اندر جهموريت کليل عام فضا ۾ ڪڏهن به سک جو ساهه ناهي کنيو،جنهن جا ڪيترائي مثال آهي،اسانجي سامهون آهن،محمد خان جوڻيجو جو جهموري دور ختم ڪرڻ کان ويندي شهيد ذوالفقار علي ڀٽو جنهن پيپلز پارٽي کي پاڪستان جي سڀ سان وڏي سياسي پارٽي طور سامهون آندو،جناب شيهد ذوالفقار علي ڀٽي 30نومبر1967۾ لاهور اندر انهي پارٽي جو بنياد وڌو جنهن جو نعرو هو ته اٽو،لٽو ۽ اجهو،مان سمجهان ٿو ته اڄ جي پ پ جيڪو ميوو کائي رهي آهي اهو انهي نعري جي بدولت آهي،شهيد ذولفقار علي ڀٽي جي جهموريت دور کي آمريت پنهنجي روز تي ختم ڪيو، جنرل ضياءُ  هڪ سازشي عدالت هلائي ڪري 4اپريل 1979ع ۾ ڀٽي جي جهموريت جو تختو اوندو ڪري ۽ کيس ڦاسي جي چاڙهي ڪري سندس جهموريت کي ختم ڪري ڇڏيو،ضياءُ الحق جي موت کان پوءِ ملڪ ۾ وري ٻيهر چونڊن جو سلسلو جاري ٿيو ۽ 1988ع واري چونڊ ۾ پيپلز پارٽي قومي اسيمبلي جي 207 سيٽن مان 92 سيٽون کڻي ڪاميابي حاصل ڪئي ۽ -بينظير ڀٽو شهيد اسلامي دنيا جي پهرين عورت وزيراعظم طور حلف کنيو، پر هميشه جيان ان حڪومت کي به مدو پورو ڪرڻ نه ڏنو ويو ۽ 6 آگسٽ 1990ع تي صدر اسحاق خان چونڊيل حڪومت کي ختم ڪري ڇڏيو.آڪٽوبر 1990ع واري اليڪشن ۾ پي پي پي، تحريڪ- استقلال ۽ تحريڪ نفاذ فقه جعفريه جي گڏيل اتحاد سان”پاڪستان ڊيموڪريٽڪ الائينس“ (PDA) جي نالي سان چونڊن ۾ حصو ورتو، جنهن ۾ قومي اسيمبليءَ جي 107 سيٽن مان 46 سيٽون حاصل ڪري سگهي ۽ ”اسلامي جمهوري اتحاد“ (IJI) جنهن جو اڳواڻ نواز هو، اهو اتحاد اڪثريت سان ڪامياب ٿيو ۽ مسلم ليگ (نواز) حڪومت ٺاهي ۽ نواز شريف وزيراعظم ٿيو، جيڪو به گهڻو وقت نه هلي سگهيو. 1993ع وارين چونڊن جي نتيجي ۾ پ پ کي وري اقتدار مليو، تڏهن به پ پ حڪومت کي ڪمزور ڪرڻ جي سازش ڪئي وئي، سيپٽمبر 1996ع ۾ بينظير ڀٽو جي بهادر ڀاءُ  مير مرتضيٰ ڀُٽي کي شهيد ڪيو ويو ۽ ان وقت مخالفن پاران بينظير حڪومت ۽ خاص ڪري سابق ملڪي صدر آصف علي زرداريءَ تي بدعنوانين جا الزام لڳايا ويا، نتيجي ۾ پارٽيءَ جي ئي چونڊيل صدر فاروق لغاريءَ، 5 نومبر 1996ع تي چونڊيل اسيمبليون ٽوڙي پ پ پ جي حڪومت ختم ڪري ڇڏي..ان بعد فيبروري 1997ع دوران نواز ليگ چونڊن کٽڻ بعد حڪومت ٺاهي، وري 12 آڪٽوبر 1999ع ۾ جنرل پرويز مشرف نوازشريف حڪومت جو تختو اونڌو ڪري اقتدار تي قابض ٿيو ۽ 2002ع ۾ عام چونڊون ڪرائي 2007ع تائين اقتدار ۾ رهيو  پرويز مشرف) ۽ -پاڪستان مسلم ليگ (ق) نالي جماعت ٺهرائي ۽ پنهنجي حمايت ۾ ان کي استعمال ڪيائين. اهو سمورو عرصو پ پ پ قيادت مخدوم امين فهيم جي هٿ هيٺ ڪم ڪيو، ڇاڪاڻ ته بينظير ڀٽو خود ساخته جلاوطن ٿي دبئيءَ ۾ وڃي رهي هئي ۽ سندس وَر آصف علي زرداري 2005ع تائين جيل ۾ رهيو.2007ع ۾ اعلانيل عام چونڊن ۾ پيپلز پارٽيءَ چونڊن ۾ بيهڻ جو اعلان ڪيو ۽ بينظير ڀُٽو ڏيهه موٽڻ جو فيصلو ڪيو، سندس زندگيءَ کي جيتوڻيڪ خطرا هئا، پر هن آڪٽوبر 2007ع ۾ دبئيءَ ۾ هڪ پريس ڪانفرنس ۾ واضح اعلان ڪيو ته: ”آئون پنهنجي عوام وٽ ضرور وينديس ۽ جمهوريت لاءِ جدوجهد جاري رکنديس“. ان اعلان بعد پيپلز پارٽيءَ جي ڪارڪنن ۾ ولولو پيدا ٿيو. 18 آڪٽوبر 2007ع تي ڪراچيءَ ۾ محترمه جو لکين ماڻهن استقبال ڪيو، ان موقعي تي دهشتگردن خودڪش بم حملو ڪيو، جنهن ۾ 150 کان وڌيڪ ڪارڪن ۽ عام ماڻهو شهيد ٿيا، پر محترمه بينظير پوءِ به همٿ جو مظاهرو ڪندي چونڊن جا جلسا هر وڏي ننڍي شهر ۾ ڪيا، سندس راولپنڊيءَ وارو جلسو هن جي شهادت جو باعث بڻيو، جتي قاتلن هڪ منصوبي تحت محترمه تي فائر ۽ ڌماڪا ڪري کيس شهيد ڪيو، ان ردعمل ۾ لکين ڪارڪن اٿلي پيا. مسلسل (3) ٽِن ڏينهن تائين هلندڙ احتجاج سبب ملڪي معيشيت تي به برو اثر ٿيو، ان سانحي بعد پيپلز پارٽيءَ جي مرڪزي ڪاميٽيءَ جي فيصلي تحت بلاول ڀُٽي زرداريءَ کي پارٽيءَ جو چيئرمئن ۽ آصف علي زرداريءَ کي پيپلز پارٽيءَ جي شريڪ چيئرمئن طور چونڊيو ويو. محترمه بينظير ڀٽو جي شهادت سبب ملتوي ٿيل چونڊون فيبروري 2008ع ۾ ٿيون، جنهن ۾ پيپلز پارٽي وڏي اڪثريت سان چونڊون کٽي آئي ۽ مختلف پارٽين سان گڏجي حڪومت ٺاهيائين. ڪجهه عرصي کان پوءِ نواز ليگ ڪجهه اختلافن سبب وفاقي ڪابينا مان ڌار ٿي، مارچ 2008ع کان پ پ پ اقتدار ۾ آهي ۽ آصف علي زرداري ملڪ جو چونڊيل صدر ۽ يوسف رضا گيلاني وزيراعظم جي عهدي شايد پاڪستان جي جهموري جي دور جا ڏينهن بهتر نموني پوري ڪيا،پر انهي گذريل پ پ واري دور اندر به جيڪا ڪرپشن ٿي انهي ڪرپشن جي ڪري اڄ تائين ملڪ هڪ بهتر ماحول ٺاهي نه سگهيو آهي.جڏهن ته آخرڪار وري به 2013ع اندر پاڪستان اندر وري به جهموريت جو نظام پاڪستان اندر قائم ٿيو ۽ مسلم ليگ جي پارٽي جي چونڊيل ميان نواز شريف پاڪستان جو وزيراعظم بڻيو،جڏهن ته 2013ع ۾ پاڪستان اندر قائم ڪيل جهموريت جي لوڙي لنگڙي جهموريت سامهون آئي جيڪا پاڪستان جي عوام کي ڪو به رليف ڏئي نه سگهي ۽ اها جهموريت به ڪڏهن ڌرڻن جي ور چڙهي ته ڪڏهن اپوزيشن جي تنقيدن جي ور چڙهي،ڪڏهن ڪرپشن جي ڪري ته ڪڏهن پاناما لڪيس معاملي تي.. مطلب ته جهموريت رڳو نالي جي آهي،جيڪا ظاهري طور جي جهموريت ڏسڻ ۾ اچي رهي آهي پر اها جهموريت نه پر هڪ لولي لنگهڙي جهموريت آهي جيڪا صرف ۽ صرف ڏسڻ جي حد تائين جهموريت آهي ۽ سندس بقا ڪٿي به ٿيندي نظر نه پئي اچي،هن وقت جي جهموريت جو جهڙو حال آهي انهي کي ڏسي ڪري جهموريت جي لکڻ لاءِ ته کڻو ڪجهه آهي ڇو ته هن جهموريت کي پنهنجو اڃان هڪ سال ڪجهه مهينا گاوڏ هلائڻو آهي انهي گاڏي کي روڪڻ لاءِ هڪ طرف ته عمران خان آهي ته ٻئي پاسي بلاول ڀٽو جيڪو مست قلندر جو نعرو هڻي اچي ميدان ۾ لٿو آهي. جيڪڏهن پاڪستان اندر جهوريت سٺي نموني هلندي آهي ۽ عوام کي رليف ملڻ شروع ٿي ويندو آهي جيڪڏهن انهي جهموريت کي هلڻ ناهي ڏيندو.عوام کي تمام گهڻو نقصان ٿيندو آهي،جڏهن ته انهي ڳالهه ۾ به ڪو شڪ ناهي ته پاڪستان اندر هيمشه سياسي جهموريت هڪ ڪمزو انسان جيان ئي رهي آهي.اهو انسان جنهن انسان اندر ايتري سگهه نه هجي ۽ هو هلڻ ڦرڻ کان لاچار هجي. انڪري حڪومت وفاق ڪو به ڪم نه ڪري رهي آهي ڇو جو وٺس هڪ بهانو آهي ته وفاق کي هلڻ نه پيو ڏنو وڃي.انڪري وفاق ٻيڻو عوام کي آزار ۾ وجهي ڇڏيو آهي، انهي ڪري عوام کي به پورو پورو رليف نه ملي رهيو آهي.اها سڀني کي خبر آهي ته ملڪي سياست اندر عوام جو ڪير ڪيترو خيرخواه آهي، انهي ڪري پ پ پنهنجا پنج سال پورا ڪري عوام کي ڇا ڏنو.سنڌ جيڪا سندس ساڄِي ٻانهن آهي، پ پ ته انهي کي به کائي کائي ختم ڪري ڇڏيو.پ پ پنهنجي پنج سالن اندر رڳو پنهنجن جا گهر ڀريا. ۽ اهو به ثبوت آهي ته پ پ جيڪڏهن پنهنجن جي خيرخواه هجي ها ته سندس اڳواڻ هن وقت لنڊن نه پر عوام سان گڏ هجن ها.جڏهن ته وفاق حڪومت ۾ آئي ته انهي به ڪي سونا تاج ناهن پارايا. انهي به عوام سان اهڙو ئي ورتاءُ ڪيو آهي،پر هن وقت وفاق سان جيڪو گذري رهيو آهي اهو سندس ڪيل ڪارنامن جي سزا آهي،ڪري هاڻ لڳي ائين رهيو آهي ته ملڪ مان ڪرپشن جو خاتمو ۽ جهموريت جي بقا لاءِ عدليه کي اهم ڪردار ادا ڪرڻو پوندو.هن وقت هڪ اهڙي مشڪل گهڙي اچي بيٺي آهي جو جهموريت جي گاڏي زري گهٽ پٽڙي تان لهڻ واري آهي.جنهن کي سهارو ڏيڻ لاءِ عدليه کي هڪ وڏو ڪرادر ادا ڪرڻو پوندو..جيڪڏهن عدليه سمورا معاملا سنڀالي ورتا ته پوءِ جهموريت بچي ويندي.

 

 

 

 

 

 

 

پاڪستان جو هارٽ آف ايشيا ڪانفرنس ۾ شرڪت جو فيصلو،،،،

پرڏيهي کاتي تصديق ڪئي آهي ته هارٽ آف ايشيا ڪانفرنس ۾ پاڪستاني وفد پرڏيهي صلاحڪار سرتاج عزيز جي سربراهي ۾ شرڪت ڪندو، ڀارت سارڪ اجلاس ۾ شرڪت کان انڪار ڪيو هو پر ان جي باوجود پاڪستان هارٽ آف ايشيا ڪانفرنس ۾ شرڪت ڪندو، ڇو ته اها ڪانفرنس افغانستان ۾ پائيدار امن قائم ڪرڻ لاءِ منعقد ٿي رهي آهي، ان کان پهرين نئين دهلي ۾ پاڪستاني هاءِ ڪمشنر عبدالباسط پڻ چيو هو ته پاڪستان ڀارت سان غير مشروط ڳالهين لاءِ تيار آهي، افغانستان ۾ امن جي لاءِ چار ملڪي مصالحتي گروپ جي ميمبر جي حيثيت سان جڏهن به پاڪستان کي چيو ويو ته هو پنهنجو ڪردار ضرور ادا ڪندو، افغانستان جي چيف ايگزيڪيوٽو عبدالله عبدالله جي پاڪستان جي دوري جي به تصديق ڪئي وئي آهي، سندس آمد جي حتمي تاريخ جو اعلان اڃان بعد ۾ ڪيو ويندو، پاڪستان پهرين ئي موقف اختيار ڪيو آهي ته افغانستان ۾ امن قائم ڪرڻ جي لاءِ هو هر فورم تي پنهنجو ڪردار ادا ڪندو رهندو. هارٽ آف ايشيا ڪانفرنس ۾ ڀارت سميت ڪنهن به ملڪ جي وفد سان سائيڊ لائين ملاقاتون طئي ناهن ٿيون، اسان سدائين ڀارت سان مسئلا ڳالهين وسيلي حل ڪرڻ جي خواهش ڏيکاري آهي، پاڪستان طرفان آمريڪا جي نئين چونڊيل صدر ڊونلڊ ٽرمپ پاران ڪشمير مسئلي جي حل لاءِ ڪردار ادا ڪرڻ جي آڇ جي به آجيان ڪئي آهي، پاڪستان جو اهو ئي موقف رهيو آهي ته ڪشمير جي معاملي تي ڳالهه ٻولهه ڪئي وڃي، اسان ڊونلڊ ٽرمپ جي آڇ جي آجيان ڪريون ٿا، وزيراعظم نواز شريف خيرسگالي جي جذبي تحت نئين چونڊيل آمريڪي صدر کي فون ڪئي ۽ هن ڊونلڊ ٽرمپ کي ڪاميابي تي مبارڪباد ڏني، ڊونلڊ ٽرمپ جي پاڪستان جي دوري جي ڀرپور آجيان ڪئي ويندي، پاڪستان آمريڪا سان لاڳاپن کي اهميت ڏي ٿو ۽ آمريڪا سان گڏيل لاڳاپن کي وڌيڪ مضبوط ڪرڻ چاهي ٿو، پاڪ آمريڪا لاڳاپن کي تاريخي پس منظر ۾ ڏسڻ گهرجي. پاڪستان ۽ روس پنهنجي لاڳاپن کي وڌيڪ بهتر ۽ پرامن بڻائڻ جون ڪوششون ڪري رهيا آهن ۽ ڪيترن ئي ملڪ پاڪ چين اقتصادي لنگهه منصوبي ۾ شرڪت جي خواهش جو اظهار ڪيو آهي، پاڪستان فلسطين مسئلي جي حل جي به سدائين حمايت ڪئي آهي، فلسطينن جي بحالي جي معاملي تي عربن سان گڏ آهيون، اسان اڃان تائين اسرائيل سان لاڳاپا قائم ناهن ڪيا. ميڊيا رپورٽون آهن ته وزيراعظم نواز شريف سان پرڏيهي معاملن واري صلاحڪار سرتاج عزيز ”هارٽ آف ايشيا“ ڪانفرنس ۾ شرڪت جي لاءِ ڀارت جي دوري کان اڳ ملاقات ڪئي. سرتاج عزيز افغانستان ۾ امن جي بهتري ۽ مفاهمتي عمل جي ڏس ۾ هارٽ آف ايشيا ڪانفرنس جي باري ۾ وزيراعظم کان رهنمائي حاصل ڪئي. هي ڪانفرنس 3 ۽ 4 ڊسمبر تي ڀارت جي شهر امرتسر ۾ منعقد ٿي رهي آهي.