تازيون خبرون

Daily Archives: November 25, 2016

سونم ڪپور رنبيرڪپور جي ڪنوار ٿيڻ لاءِ راضي

ممبئي (شوبز نيوز) بالي ووڊ ۾ ڪيريئر جي گڏ شروعات ڪندڙ رنبير ۽ سونم ڪپور هڪ ڀيرو ٻيهر گڏ ڪم ڪندا ۽ سونم ڪپور رنڀير ڪپور جي ڪنوار بڻبي. ڀارتي ميڊيا جي رپورٽن موجب ادڪارا سنجي دت جي زندگي تي ٺهندڙ فلم لاءِ هدايتڪار راج ڪمار رنڀير ڪپور کي ته ڪجهه وقت پهرين ڪاسٽ ڪيو هو. جڏهن ته ڪيتري وقت کان اداڪارا کي ڪاسٽ ڪرڻ لاءِ سوچيو پئي ويو. پر هاڻي فلم ۾ ادڪارا سونم ڪپور پنهنجي اداڪاري جا جوهر ڏيکاريندي. ياد رهي ته اداڪار جي زندگي تي ٺهندڙ فلم جي ڪهاڻي هدايتڪار راج ڪمار ۽ اسڪرپٽ رائيٽر اڀيجيت جوشي لکي آهي. جنهن جي شوٽنگ جو آغاز تمام جلد ڪيو ويندو.

 

لاهور ۾ هٿياربندن جي فائرنگ، اداڪار قسمت بيگ سخت زخمي

لاهور (شوبز نيوز) لاهور ۾ اڻڄاتل  هٿياربندن پاران اسٽيج جي اداڪارا قسمت بيگ ۽ سندس گارڊ تي فائرنگ ڪري فرار ٿي ويا، اداڪارا ۽ سندس گارڊ کي فوري طور تي اسپتال نيو ويو. اداڪارا قسمت بيگ پنهنجي گارڊ سان گڏ پنهنجي گاڏي ۾ بربنس پورا ۾ گهر ڏانهن وڃي رهي هئي. جيئن ئي گهر وٽ پهتي ته اڻڄاتل هٿياربندن سندس گاڏي تي فائرنگ شروع ڪري ڏني، جنهن ۾ اداڪارا ۽ سندس گارڊ سخت زخمي ٿي پيا. اسپتال ۾ ڊاڪٽر اداڪارا قسمت بيگ جي جان بچائڻ جي ڪوشش ڪري رهيا آهن. ياد رهي ته انهي کان اڳ 2 ڀيرا اداڪارا قسمت بيگ تي حملا ٿي چڪا آهن. قسمت بيگ جي ماءُ جو چوڻ آهي ته قسمت بيگ کي ٽارگيٽ ڪري 3 گوليون هنيو ويون.

 

پاڪستان ۽ نيوزيلينڊ ۾ ٻئين ۽ آخري ٽيسٽ اڄ کان هيملٽن ۾ شروع ٿيندي

هيملٽن  (اسپورٽس نيوز) پاڪستان ۽ نيوزيلينڊ وچ ۾ ٻئين  ۽ آخري ٽيسٽ سڀاڻي کان هيملٽن ۾ شروع ٿيندي، ميچ پاڪستاني وقت مطابق خميس ۽ جمعي جي رات اڍائي وڳي شروع ٿيندي، هن دفعي ٽيم جي ڪپتاني مصباح  الحق نه پر محمد رضوان جي حوالي ٿيڻ جو چانس آهي، پاڪستان کي نيوزيلينڊ ۾ 30 سالن کان هڪ به سيريز ۾ شڪست ناهي ٿي، ان سلسلي کي برقرار رکڻ لاءِ هيملٽن ۾ ڪاميابي لازمي آهي، جڏهن ته ڊرا ٿيڻ جي صورت ۾ سيريز ميزبان ٽيم جي نالي ٿي ويندي.

 

ٽيسٽ ۾ پهريون نمبر ٿيڻ جي خواهش ٽيم ۾ موجود آهي:مڪي آرٿر

هيملٽن (اسپورٽس نيوز) پاڪستاني ٽيم جي ڪوچ مڪي آرٿر چيو آهي ته ٽيسٽ رينڪنگ ۾ نمبر هڪ پوزيشن ملڻ هڪ وڏو  اعزاز  آهي، پر اسان ڪنهن خوش فهمي  جو شڪار ٿيڻ نٿا چاهيون. گذريل ميچ ۾ نيوزيلينڊ جي ٽيم غير يقيني ڪارڪردگي جو مظاهرو ڪيو، ٻئي ٽيسٽ ۾ هن کي شڪست ڏيڻ لاءِ پوري طاقت سان ميدان ۾ لهنداسين، جنهن کانپوءِ اسان کي آسٽريليا  جو سفر ڪرڻو آهي، جيڪا پنهنجي هوم ڪنڊيشنز ۾ ڪافي سخت ٽيم ثابت ٿيندي آهي. ان هوندي به نمبر هڪ ٽيم ٿيڻ جي خواهش رانديگرن ۾ موجود آهي. هڪ سوال جي جواب ۾ آرٿر چيو ته اسان ٽيم کي ايشيائي ڪنڊيشنز کان ٻاهر وڌ کان وڌ بهتر ڪرڻ جي ڪوشش ڪري رهيا آهيون، خاص طور تي فاسٽ وڪيٽن تي انهن جي شارٽ بالن خلاف خامين کي ختم ڪرڻ تي ڌيان ۽ ان حوالي سان جلد بهتري جي اميد آهي.

 

استاد، شاگرد ۽ تشدد جي راهه: دادو محمد رفيق چنه

ٻار امن جا پيامبر سڏيا وڃن ٿا جيڪي بنا ڪنهن رنگ نسل ذات پاڪ مذهب جي ڪائنات جي سونهن آهن مگر افسوس سنڌ جي تعليمي درسگاهون جيڪي اتي استاد ٻارڙن کي پڙهائڻ سان گڏ تربيت ڏيڻ واري ڪم کي دين اسلام ۾ جهڙوڪ پيغمبري پيشي جو نالو ڏنو ويو آهي پر ياد رهي ته الائي ڇو سنڌ اندر هن پيغمبري پيشي جي لڄ کي ڀت سان لڳائڻ ۾ استاد طبقي جو وڏو هٿ نظر اچي رهيو آهي تعليم ڏيڻ ته سنڌ جي ٻارن کي ڏيڻي نه آهي ڇو ته

سنڌي قوم کان

تعليم جهڙي زيور

جي خوبصورتي کسڻ

جي انتهائي ڪوششون

ٿي رهيون آهن ڇو ته

شهري اسڪولن ۾ ٻارن

کي پڙهائڻ سان گڏ ٽيوشن به ڏيڻي ٿي  پوي ۽ امتحانن دوران سينٽرن تي اهو  ڏٺو ويو آهي ته ٻار سان گڏ والدين به سينٽر  ٻاهران ڪاپي ڪرائڻ لاءِ جتن ڪندا رهيا آهن  ڄڻ ته امتحان  والدين کي ڏيڻو هوندو آهي  الله جو شڪر آهي ته سنڌ جي ٻهراڙي واري علائقن ۾ غريب ۽ پيرن اگهاڙن وارن جو اولاد تعليم جي جهڙي زيور جي خوبصورتي حاصل ڪرڻ ۾ شهري ٻارن کان گو کڻي وڃڻ ۾ ڪامياب نظر اچي رهيو آهي اهو به ته استادن جو ڪمال آهي ته غريب جي ٻار کي ٽيوشن به نه آهي پر ٻار جو پنهنجو شوق ولولو جدوجهد جي ڪري اتان جا شاگرد ذهين هوشيار جنهن جو مثال تازو ڪيڊٽ ڪاليج لاڙڪاڻي جي شاگرد محمد احمد حسين مشوري جنهن جي پڙهائي ۽ ذهانت جا قصا هر طرف گونجي رهيا آهن پر اهڙن ذهين ۽ هوشيار شاگردن سان ڪيڊٽ ڪاليج لاڙڪاڻي جي استاد جو تشدد واري رويي جي ڪري جيڪا حالت هن وقت هن جي آهي ۽ جنهن ڪيفيت مان هو گذري رهيو آهي جڏهن ته ڪيڊٽ ڪاليج لاڙڪاڻي جي تعليم مفت ۾ نه پر انهن جي والدين کان ڳري ۾ ڳريون فيسون حاصل ڪيون وڃن ٿيون ۽ والدين کي اهو اطمينان ڏياريو وڃي ٿو ته اوهان جي ٻار جي تعليم ۽ جان مال جي ضمانت ڏيون ٿا پوءِ به اتي تعليم حاصل ڪندڙ شاگردن سان جيڪو ورتاءُ پيو ٿئي اهو سڀني جي سامهون آهي جيڪڏهن الله کي حاضر ناظر ڄاڻي انهن ڪيڊٽ ڪاليجن جي انڪوائريون ٿينديون ۽ فوجي ۽ سول ادارن جا ايماندار ۽ سٺي ساک رکندڙ آفيسر جانچ ڪندا ته محمد احمد حسين جهڙا ڪيئي واقعا سامهون ايندا. پر تاريخ گواهه آهي ته اسان جي وفاقي حڪومت کان وٺي صوبائي حڪومتن تائين ملڪ ۾ ڪيڏو به وڏو واقعو ٿئي ته ان جو ازالو يا ته ڪميشن يا ته ڪميٽي مقرر ڪري پنهنجي ذميواري کان هو آجا ٿي وڃن ٿا ۽ اڄ تائين انهن انڪوائري ۽ ڪميشن انهن جي اڄ تائين ڪا خاطر خواه نتيجا سامهون نه اچي سگهيا آهن هلا ڪي ٿيڻ ائين گهرجي ته اهڙن واقعن کي ٻونجي ڏيڻ لاءِ ذميوار ماڻهن کي سخت کان سخت سزا ملڻ گهرجي ته جيئن اهڙا واقعا آئنده نه ٿيڻ گهرجن اهڙي واقعي تي جماعت اهلسنت القاسميه درگاهه عاليه مشوري شريف جي مريدن پوري سنڌ ۾ ميڊيا جي آڏو آواز اٿاريو سنڌ جي مريدن احتجاجي مظاهرا ۽ دانهون ڪيون تڏهن اسان جي حڪمرانن نوٽيس ورتو ۽ نينگر سان ٿيل تشدد بابت بورڊ ويهاري ۽ انصاف ڪيو ويندو مگر افسوس لاڙڪاڻي جي ڪيڊٽ ڪاليج جي استاد جي تشدد ٿيل شاگرد محمد احمد حسين مشوري اڄ به ڪراچي جي خانگي اسپتال ۾ ڳالهائڻ جي سگهه نٿو ڪري ۽ ذهني صلاحيت وڃائي ويٺو آهي سندس اڃا تائين طبعيت ۾ بهتري نه آئي آهي نينگر جي والد ميڊيا جي اڳيان روئيندو رهيو آهي مگر اڃا تائين انهي واقعي جي ڪا اهم اڳڀرائي نه ٿي آهي مشورين واري سائين جي نينگر تي ٿيل تشدد تي سڄي سنڌ ۾ خاص طور تي مريدن ۾ غم  ۽ ڏک ڇانيل آهي هڪ معصوم گلن جهڙي ٻارڙي يعني پوزيشن هولڊر شاگرد ۽ مذهبي گهراڻي سان تعلق رکندڙ شريف شاگرد اڄ هڪ خانگي اسپتال ۾ داخل آهي جيڪو محمد احمد حسين مشوري نه رهيو آهي محمد احمد حسين مشوري جا ڪي خواب هئا ته مان وڏو ٿي هن ملڪ جي عوام جي خدمت ڪندس ۽ مان هڪ اداري مان پڙهي ڊاڪٽر، آفيسر ٿي هنن غريب ۽ بي پهچ باقراڻي، ڏوڪري، لاڙڪاڻي جي عوام جي خدمت ڪندس ها مان شهيد بينظير ڀٽو جي لاڙڪاڻي جي عوام لاءِ خدمتون ڪريان ها مگر هڪ استاد جي تشدد محمد احمد حسين مشوري جي والدين جا خواب ٽوڙي ڇڏيا پٽ جي روشن مستقبل جا خواب سانڀيا نه ٿيا مگر اڄ انصاف لاءِ سائين محمد راشد مشوري صاحب ميڊيا جي اڳيان اکين مان لڙڪ هاريندو رهي ٿو ذميوارين جي خلاف اڃا تائين ڪابه ڪاروائي نه ٿي آهي وزير اعلى سنڌ سيد مراد علي شاهه ۽ سيڪريٽري تعليم فضل الله پيچوهو الائي ڇو بيوس بڻيل آهن ذميوارين جي خلاف ڪاروائي نٿا ڪن معصوم محمد احمد حسين مشوري هن وقت زندگي ۽ موت جي ٻه واٽي تي آهي اهڙي ورتاءُ تي سڄي سنڌ جا مريد ۽ والدين حڪمرانن کان انصاف ٿا گهرن پر افسوس جهڙي ريت ڪيڊٽ ڪاليج جي شاگرد سان جيڪو ورتاءُ ڪيو اهڙو تاريخ ۾ نه ملندو اهڙو تشدد ڪيو ويو جو نينگر جي ذهني صلاحيت نه رهي آهي.

 

 

 

ڀارت جا ڪنٽرول لائين تي حملا ۽ پاڪستان جو صبر سان ڀريل پيمانو.!!!: غلام مصطفيٰ جمالي

هڪ دفعو ٻيهر ڀارت پاران پاڪستان جي سرحدن جي ڀڃڪڙي ڪندي پاڪستان جي سرحدن اندر فائرنگ ڪري پاڪستاني پاڪ فوج جي نوجوانن  13 پاڪستاني شهرين کي فائرنگ جو نشانو بڻائي ڪري شهيد ڪري ڇڏيو. پاڪستان جي سرحدن جي ڀڃڪڙي ڪرڻ اسانجي پاڙيسري ملڪ لاءِ ڪا نئي ڳالهه ناهي ۽ نئي هي سندس آخري سرحدي ڀڃڪڙي هوندي.!ڇو ته اها اکين ڏٺي آهي ڳالهه آهي ته آخر ڀارت پاڪستان سان ئي ڇو وڙهي رهيو.جڏهن ته پاڪستان کان اعلاوا به سندس ڪيترائي پاڙيسري ملڪ آهن جن سان سندس رويو دوستاڻو رهيو آهي.پر انهي پاڙيسرين واري ملڪن واري لسٽ اندر ڀارت جو رويو پاڪستان سان هڪ دوست نه پر هميشه دشمن جهڙو رهيو آهي ڇو.؟انهي ڇو اندر ڪيتريون ئي ڳاليهون آهن جن ۾ ڀلي پاڪ چين اقتصادي منصوبو هجي جنهن اندر پاڪستان ۽ چين جي دوستي سان هلندڙ واپار اندر پاڪستان جي معيشت ٿيندڙ مظبوطي هجي.جئين مظبوطي اندر مستقبل ۾ انڊيا پاڪستان جي ڀيٽ ۾ ائين ٿي ويندو جئين پاڪستان جي ڀيٽ ۾ هن وقت (ڀوٽان) ملڪ آهي.جڏهن ته انکان اعلاو هڪ اهو به سبب آهي ته ڀارت جي حڪومت جو واڳون هڪ اهڙي انهاپسند انسان وٽ آهن.جنهن جو نشانو هيمشه پاڪستان ئي رهيو آهي ۽ اقتدار اچڻ کانپوءِ انهي حسد ساڙ ۾ وڌيڪ اضافو ٿي ويو آهي جنهن جي ڪري هو پاڪستان جي سرحدن جون مسلسل ڀڃڪڙيون ڪندو پيو اچي ۽  هڪ سبب اهو به ٿي سگهو ٿو ته صدين کان ايندڙ پاڪ چين دوستي جيڪا هن وقت  پاڪستان لاءِ معيشت جي اعتبار سان پاڪستان کي تمام گهڻي هٿي ڏيندي. ان ڪري انڊيا اهو نه ٿو چاهي ته هڪ پاڙيسري ملڪ ايتري ترقي ڪري.! ڇو ته انڊيا شايد اهو سوچيندو آهي ته جيڪڏهن پاڪستان ترقي ڪئي ۽ سندس معيشت مظبوط ٿي ۽ پاڪستان اندر امن رهيو ته هوُ پاڪستان سان ڪهڙِي به بنيادي اعتبار سان مقابلو نه ٿو ڪري سگهي.ٻئي پاڪستان ۽ ڀارت جي وچ ۾ هيمشه ڪشمير جي مسئلي کي وٺي ڪري به ڪنٽرول لائين تي فائرنگ جا واقعا پيش ايندا رهيا آهن.ڪالهه پاڪستان جي سموري ميڊيا جو مطالو ڪري ته نه سگهيائين پر سواءِ ڪجهه اردو ۽ انگريزي چيئنل توڙي سنڌي اخبارن کان اعلاوا ڪٿان به اها خبر پڙهڻ لاءِ نه ملي ته  ڀارت پاڪستان جي ڪهڙي طرف جي ڪنٽرول لائين کان فائرنگ ڪئي آهي ۽ پاڪستان سرحد جي ڪيتري حد تائين ڀڃڪڙي ڪئي آهي.انڪري اوهانکي ٻڌائيندو هلان ته نيلم ۽ جهلم کان ٽي يا چار ڪلومٽر کانپوءِ جبلن جي اوٽ مان هڪ رستو هلندو آهي ۽ ان سان گڏو گڏ درياءُ جي ٻئي پاسي ڀارتي ڪنٽرول لائين موجود آهي،انڪري انهي ڪنٽرول لائين کي درياءِ نيلم ڪنٽرول لائين به چئي سگهجي ٿو، ۽ جڏهن ته انهي جاءِ جي براءِ راست فائرنگ جو سلسلو شروع ٿيندو آهي ته اهو علائقو سڌي ريت فائرنگ واري رينج ۾ اچي ويندو آهي.انڪري انهي جاءِ ته پاڪ فوج جي چيڪنگ تمام گهڻي سخت آهي.۽  ڪيشدگي ناهي هوندي ته عوامي زندگي به معمول تي اچي ويندي آهي ۽ اهي حسين  منظر وڻندڙ لڳندا آهن،پر جئين ئي انهي علائقي اندر ڪيشدگي وڌندي آهي ته ماحول مايوسي ۾ تبديل ٿي ويندو آهي ۽ ماڻهو خوف ۽ حراس وچان گهرن تائين محدود ٿي ويندا آهن.اهو به اوهانکي ٻڌائيندو هلان ته انهي طرف کان جڏهن به ڪيشدگي وڌي آهي ۽ ڀارت ڪنٽرول لائين جون ڀڃڪڙِيون ڪيون آهن ته انهي فائرنگ اندر هيمشه عوام ئي سندس ڳولين جو نشانو بڻي آهي.۽ هن دفعي به ڀارت جي فوجين جيڪا فائرنگ ڪئي انهي اندر ٽن فوجين جوانن سميت 13پاڪستاني شهري به شامل آهن،جڏهن ته پاڪستان جي بهادر فوجين جوابي فائرنگ ڪندي انڊين فوجي چوڪي کي مڪمل طور تباه ڪري ڇڏيو. جنهن مان اهو به اندازو لڳائي سهگجي ٿو ته انڊيا جي طرف کان به ڀارتي فوج پاڪستاني فوجين جي ڳولين جو نشانو ضرور بڻيا هوندا.پر ڀارت اها ڳالهه تسليم تمام گهڻي گهٽ ڪندو آهي جهڙي ريت هن حماليه جي فائرنگ اندر ڀارتي فوج جي مارجي ويل فوجين جو انگ ٽي ٻڌايو هو ۽ مارجي ويلن جو انگ وڏي تعداد ۾ شامل هوُ.پر انهي جي ڀيٽ اندر پاڪستان جي فوج (آءِ ايس پي آر) بهتر پاليسي اختيار ڪئي آهي جنهن اندر جڏهن به پاڪستاني جوان يا شهري شهيد ٿيندا آهن ته انهن سان انگ اگر واضع ۽ سهي نموني ملڪ توڙي دنيا جي سامهون پيش ڪيا ويندا آهن.پر ڀارت اهڙيون پاليسون ڇو رکيون آهن جن اندر مارجي ويل ڀارتي فوجين جي انگ اکرن کي پوري نموني ناهي ٻڌايو ويندو انهي ڳالهه ۾ به وڏو راز رکيل آهي،ڀارت پاران پاڪستان جي ورڪنگ بائونڊي جي خلاف ورزي ڪري  پنهنجون بزدلاڻيون ڪاروايون ڪرڻ ۽  اهو سڀ انهي لاءِ ڪري رهيو آهي ته پاڪستان سري عام ڪشمير جي حمايت ڪرڻ ڇڏي ڏئي،۽ ڪشمير اندر هن وقت جيڪا انڊيا جي خلاف تحريڪ هلي رهي آهي انهي تحريڪ کي به ڪمزور ڪري ڪشميرين کي خاموش ڪرڻ آهي،اها روايت ڀارت جي هن وقت جي ناهي جڏهن ته انهي روايت جي منصوبابندي 1965ع واري جنگ جي دوران ڪئي وئي هئي،65ڊسمبر جي رات جڏهن ڀارت جا فوجي هڪ چورن جي طرح هڪ بينل اقوامي سرحد تي حملو ڪيو،ته پاڪستان جي فوجين کين اُتي روڪي ڇڏيو ۽ اڳتي وڌڻ نه ڏنو،جنهن سبب ڀارت جا خواب اڌوار رهجي ويا.پر شايد هاڻ ڀارت اهي پنهنجا اوڌورا خواب مڪمل ڪرڻ جون ڀارت مسلسل ڪوششون ڪري رهيو آهي.جن ۾ کيس مسلسل شڪت ملي رهي آهي،نيلم وادي تي ٿيل ڀارتي فائرنگ جي معتلق وزيراعظم ميان نواز شريف جي زيرصدارت هڪ اعليٰ ڪوٺايو،جنهن اندر پرڏيهي معاملن جي وزير سرتاج عزير،ڊي جي آءِ ايس آءِ لفٽيننٽ جنرل رضوان اختر،وزيراعظم ميان نواز شريف کي ورڪنگ بائونڊري تي وڌندڙ ڪيشدگي جي بريفنگ ڏني،جن ٻڌايو ته ڀارت سوچي سمجهي هڪ سازش تحت مسافر بس کي نشانو بڻايو،جنهن بريفنگ کانپوءِ ميان نواز شريف توڙي پاڪ فوج جو جيڪو بيان سامهون آيو آهي انهي مان اهو صاف ظاهر آهي ته هاڻ پاڪستاني جي صبر جو پيمانو ڀرجي چڪو آهي،۽ هاڻ پاڪستان برداشت جو سموريون حدون ٽوڙِي ڇڏيون آهن،۽ ڀارت ڪنٽرول لائين تي فائرنگ کان پاسو نه پيو ڪري جنهن ڪري ٻنهي ملڪن جي عوام پريشان حال نظر اچي رهي آهي،جڏهن ته ڀارت جا ڪجهه انهتاپسند ماڻهو ڇڏي ڪري باقي سموري عوام اهوئي چاهي ٿي ته پاڪستان ۽ ڀارت جي وچ ۾ دوستاڻا تعلقات بڻيل هجن،جنهن جو مثال اهو آهي ته ڪافي عرصي کان پاڪستان جا ڪيترائي گلوڪار توڙِي فنڪار انڊيا ۾ پنهنجي فن جو مظاهرو ڏيکاري رهيا آهن ۽ انڊين گلوڪار پاڪستان اندر ڪم ڪري رهيا آهن جنهن ڳالهه مان اهو ته تاثر ضرور نڪري ٿو ته انڊيا جي چڱي خاصي عوام جنگ نه پئي چاهي،جڏهن ته انهي جي ڀيٽ اندر پاڪستان جي عوام به اهو ئي چاهي ٿي ته ٻنهي ملڪن جا تعلقات بهتر رهن پر ڀارتي جي موجوده وزيراعظم جيڪو منصوبو ٺاهيو آهي اهو انڊيا کي هڪ وڏي تباهي جي طرف وٺي وڃي رهيو آهي جيڪا انڊيا جي عوام برداشت ڪري نه سگهندي

********

 

 

اڻ اعلانيل ڀارتي جنگ وڌيڪ 12 جانيون ڳڙڪائي وئي

ڀارتي جارحيت جاري، مسافر بس ۽ ايمبولينس تي گولاباري، ايل او سي تي فائرنگ، 3 جوانن سوڌو 12 ڄڻا شهيد، جواب ۾ 7 ڀارتي فوجي مارجي ويا، جنگي جنون ۾ مبتلا ڀارتي فوج سرحدن تي اڳرائين ۽ شهري آبادين تي حملن بعد مسافر بسن کي به نشانو بڻائڻ جو سلسلو شروع ڪري ڇڏيو آهي، آءِ ايس پي آر موجب ڀارتي فوج پاران بـَٽل، ڪيريلا، شاهه ڪوٽ، باگسر، تته پاڻي ۽ باغ سيڪٽر تي فائرنگ ڪئي وئي، جنهن ۾ ڀارتي فوج مارٽر گولا فائر ڪري مقامي آبادي کي به نشانو بڻايو. وادي نيلم ۾ مسافر بس تي ڀارت جي راڪيٽ حملن ۽ فائرنگ ۾ 9 مسافر شهيد  ڪيترائي زخمي ٿي پيا، پاڪ فوج پاران ڀارتي اڳرائين جو ڀرپور جواب ڏنو ويو، جنهن ۾ 7 ڀارتي فوجي مارجي ويا. ڀارتي فوج جنگي جنون ۾ ايتري انڌي ٿي وئي آهي جو مقامي آبادي کانپوءِ مسافر بسن کي به نشانو بڻائڻ جو سلسلو شروع ڪيو ويو آهي، وادي نيلم ۾ ڀارتي فوج مسافر بس تي فائرنگ ڪئي راڪيٽ سان حملو ڪري ڏنو. ڀارتي فوج جي فائرنگ ۾ ايس ايس پي نيلم پاران 9 ڄڻن جي شهادت جي تصديق ڪئي وئي آهي، جڏهن ته حملي ۾ 7 ڄڻا زخمي ٿي پيا آهن، جن کي اسپتال ۾ منتقل ڪيو ويو آهي. وادي نيلم ۾ ڀارتي فائرنگ بعد تعليمي ادارا پڻ بند ڪرايا ويا آهن، جڏهن ته شهيدن جا لاش اباڻن علائقن ڏانهن منتقل ڪيا ويا آهن. ان کان علاوه ڀارتي فوج پاران لائين آف ڪنٽرول جي مختلف سيڪٽرز تي رهندڙ شهري آبادي تي مسلسل گوليباري ۽ فائرنگ جو سلسلو جاري آهي، ڪيريلا سيڪٽر تي قائم هڪ گهر تي گولو فائر ٿيڻ سبب هڪ ڄڻو شهيد ۽ پنج ڄڻن جي زخمي ٿيڻ جا اطلاع آهن. ڀارتي فوج پاران فائر ڪيل 3 مارٽر گولا تعلقي هيڊڪوارٽر جي اسپتال تته پاڻي ويجهو ڪِريا، جنهن جي نتيجي ۾ طفيل شاهه نالي هڪ شخص زخمي ٿي  پيو. ڀارتي اڳرائين جو پاڪ فوج پاران منهن ٽوڙ جواب ڏنو پيو وڃي، پاڪ آرمي ڀارتي فوج جي مورچن کي نشانو بڻائي رهي آهي، جنهن ۾ دشمن جي وڏي جاني نقصان جا اطلاع پڻ سامهون آيا آهن، 7 ڀارتي فوجي مارجڻ جي تصديق ڪئي وئي آهي.

ڀارت ڪجهه مهينن دوران 230 ڀيرا جنگبندي معاهدي جي ڀڃڪڙي ڪري چڪو آهي، ورڪنگ بائونڊري تي 38 ڀيرا معاهدي جي ڀڃڪڙي ڪئي وئي، ڀارتي فوج پاران لائين آف ڪنٽرول تي مسلسل فائرنگ ۽ گوليباري سبب ڪيترائي بيگناهه شهيد ٿي چڪا آهن. پاڪستان ڀارتي ڊپٽي هاءِ ڪمشنر کي پرڏيهي آفيس طلب ڪري واقعي تي سخت احتجاج ڪيو آهي ۽ احتجاجي خط ڊپٽي هاءِ ڪمشنر جي حوالي ڪيو ويو. پرڏيهي کاتي جي ترجمان چيو آهي ته ڀارت ايل او سي تي جنگبندي جي معاهدي جي پاسداري ڪري ۽ معصوم شهرين کي نشانو بڻائڻ کان پاسو ڪري.