تازيون خبرون

Daily Archives: November 17, 2016

  محمد رفيع جي پٽ جو ڪرن جوهر کان معافي جو مطالبو

ممبئي(شوبز نيوز) ناليواري ڀارتي ڳائڻي محمد رفيع جي پٽ شاهد رفيع فلم اي دل هي مشڪل ۾ محمد رفيع جي بي عزتي وارا جملا شامل ڪرڻ تي فلم جي ڊائريڪٽر ڪرن جوهر کان معافي جو مطالبو ڪري ڇڏيو آهي. ان سلسلي ۾ شاهد رفيع ڪرن جوهر تي سخت تنقيد ڪندي کيس نان پروفيشنل قرار ڏنو. هن چيو ته ڪرن جوهر پنهنجي فلم ۾ محمد رفيع بابت بي عزتي وارا جملا شامل ڪرڻ تي معافي وٺي ۽ اهي سين پنهنجي فلم مان ڪڍي ڇڏي. ايترو ئي نه محمد رفيع جي پٽ شاهد رفيع معافي نه وٺڻ تي ڪرن جوهر خلاف عدالت ۾ وڃڻ جو اعلان به ڪيو آهي. ڀبارتي رسالي بالي ووڊ منترا جي رپورٽ ۾ ڄاڻايو ويو آهي ته ناليواري ڳائڻي محمد رفيع جي پٽ شاهد رفيع جو چوڻ آهي ته ڪرن جوهر جي فلم اي دل هي مشڪل جو اسڪرپٽ پڙهيو آهي ۽ هڪ سين کي ڪرن جوهر پاڻ فلمايو آهي پر هُن محمد رفيع بابت خراب جملا  نظر انداز ڪري ڇڏيا.

 

اداڪاره نور پاران به شادي جي تصديق، نالو تبديل

لاهور (شوبز نيوز) اداڪارا نور ولي حامد علي خان سان شادي ڪرڻ کان پوءِ پنهنجو نالو بدلائي نور ولي رکي ڇڏيو آهي، اداڪارا نور سوشل ميڊيا تي پنهنجو نالو نور ولي پوسٽ ڪيو آهي، ولي حامد علي خان ميڊيا سان ڳالهائيندي ٻڌايو ته  اسان جي شادي پهريان ئي ٿي چُڪي هئي پر اسان پنهنجي فلم ”عشق پازيٽو“ جي رليز جي ڪري اها ظاهر نه پي ڪئي، پر اسان مناسب وقت جو انتظار ڪري رهيا هئاسين.

 

پاڪ – نيوزيلينڊ وومين ٽيمون سڀاڻي چوٿين ون ڊي ۾ آمهون سامهون

نيلسن (اسپورٽس نيوز) پاڪستان ۽ نيوزيلينڊ جي عورت ڪرڪيٽ ٽيمن وچ ۾ چوٿين ون ڊي ميچ سڀاڻي نيلسن ۾ کيڏي ويندي، ميزبان ٽيم کي پنج ميچن جي سيريز ۾ 0-3 جي فيصلائتي سرسي حاصل آهي. پهرين ميچ ۾ بليڪ ڪيپس 8 وڪيٽن، ٻي ميچ ۾ 60 رنسن ۽ ٽين ميچ ۾ 8 وڪيٽن تان ڪاميابي حاصل ڪئي هئي. ٻنهي ٽيمن وچ ۾ آخري ون ڊي ميچ 19 نومبر تي کيڏي ويندي.

 

ڀارتي ٽينس اسٽار ثانيا مرزا زندگيءَ جون 30 بهارون ڏسي ورتيون

لاهور (اسپورٽس نيوز) ڀارتي ٽينس اسٽار ۽ پاڪستاني ڪرڪيٽ ٽيم جي آل رائونڊر شعيب ملڪ جي گهر واري ثانيا مرزا زندگيءَ جون 30 بهارون ڏسي ورتيون آهن، جنهن تي سندس عزيزن، مائٽن ۽ مداحن پاران نيڪ تمنائن جو اظهار ڪيو ويو آهي. ثانيا مرزا سوشل ميڊيا تي هڪ تصوير اپلوڊ ڪئي آهي، جنهن ۾ هوءَ ڦوڪڻن سان کيڏي رهي آهي ۽ ان سان گڏ هن لکيو آهي ته ”سالگرهه واري صبح، نيڪ خواهشن جو اظهار ڪندڙن جي مهرباني“.

 

ڇا قطر جو شهزادو شاهدي لاءِ پاڪستان ايندو..؟:غلام مصطفيٰ جمالي

تحريڪ انصاف ڌاندلين واري معاملي کان پوءِ پاناما ليڪس واري معاملي تي پاڪستان جي سياست اندر چڱيون خاصيون رڪاوٽون وڌيون آهن ۽ پاناما ليڪس ڪيس پڻ پاڪستان جي اعليٰ عدالت ۾ هلندڙ آهي.۽ عدالتن اندر حڪمرانن سميت سڀني سياستدانن تي ڪرپشن جا لڳل الزام به سئو فيصد سياسي معاملو آهن.جتي سياستدانن کي نااهل قرار به ڏئي سگهجي ٿو.جنهن جي ڪري شايد حڪمران ۽ سياستدان پنهنجي پنهنجي ساک بچائڻ خاطر پارليامينٽ اندر نه پر عدالتن اندر ڊوڙ ڊڪ رهي رهيا آهن.انهي پاناما ليڪس معاملي کي وٺِي ڪري هڪ طرف ته پاڪستان جي لولي لنگهڙي جهموريت لوڏن ۾ آهي ته ٻئي پاسي پاڪستان ۽ چين جي وچ ۾ هلندڙ سي پيڪ منصوبي به مونجهاري ۾ آهي. سي پيڪ منصوبي جي ڪري ڪجهه ڏينهن انهي پاناما ليڪس معاملي ۾ ماٺار ضرور آئي پر هاڻ سي پيڪ منصوبي جو افتتاح به ٿي چڪو آهي.جنهن کان پوءِ وري به پاناما لڪيس وارو ريگنٽ شروع ٿي چڪو آهي.پاناما ليڪس معاملي تي اصل جن ڌرين ۾ جهِيڙو هلي رهيو آهي اهي صرف ٻه ڌريون آهن هڪ ڌر جيڪا هن وقت پاڪستان جي اقتدار جي ڪرسي سنڀاليو ويٺِي آهي يعني حڪومت ڌر ميان نواز شريف.. ۽ ٻئي ڌر جيڪا اقتدار ۾ اچڻ تي چاهي يعني پاڪستان تحريڪ انصاف پارٽي عمران خان صاحب.پاناما لڪيس معاملي تي ڪالهه جيڪو عدالت اندر فيصلو هليو جن ۾ ميان نواز شريف جي خاندان پنهنجي ملڪيت وارا دستاويز جمع ڪرايا جنهن اندر الثاني رئيل اسٽيسٽ مان ٿيل مالي فائدي مان لنڊن وارو فليٽ خريد ڪرڻ جي دعوي ڪئي وئي آهي.

اهڙِي دستايز پيش ٿيڻ ته انهن دستاويزن کي سپريم ڪورٽ حساس قرار ڏئي ڇڏيو آهي.سپريم ڪورٽ انهي مليل خط جنهن ۾ قطر جي اڳوڻي وزيراعظم جو ذڪر ڄاڻايو ويو آهي.انهي مليل جوابي خط کان پوءِ سپريم ڪورٽ انهي خط جي متعلق اهو به چيو ته جيڪڏهن انهي ڳالهه کي مڃي به وٺجي ته مليل خط اندر جيڪو موقف ڄاڻايو ويو آهي اهو سموري سچ آهي ته ڇا عدالت جي سڏ ٿي قطر جو شهزادو پنهنجي خط جي بابت وضاحيت ۽ گواهي ڏيڻ لاءِ پاڪستان ايندو.انهي ڪري مان اهو به سمجهان ٿو ته شايد پاڪستان جي تاريخ جو ڪو اهڙو به ڪيس هجي جنهن جي شاهدي ڏيڻ لاءِ اسلامي ملڪن سميت ڪنهن به ٻئي ملڪ جو موجوده توڙي سابق وزيراعظم پنهنجي گواهي ڏيڻ لاءِ پاڪستان آيو هجي.پر ائين به ناهي پاڪستان جي سياست اندر هن وقت جهڙي ريت پاناما لڪيس معاملي جي شطرنج کيڏي پئي وڃي مان سمجهان ٿو ته مُهرا به اوهڙائي هلايا پيا وڃن.

جيڪڏهن ميان نواز شريف جي خاندان جي ٻارن پاناما لڪيس معاملي اندر قطر جي شهزادي جو خط گواهي طور پيش  ڪيو آهي ته انکان پهرين انهي خط جي تعلق قطر جي شهزادي کي آگاهه ضرور ڪيو ويو هوندو.شايد انهي ڪري قطر جي شهزادي پنهنجي بيان ۾ اهو به واضع چيو آهي ته شريف خاندان اسانجي ڪاروباري حصيداري مان لنڊن اندر فليٽ خريد ڪيو هوُ.جڏهن ته قطر جي شهزادي اهو به چيو ته سندس والد ۽ ميان نواز شريف جي وچ ۾ تمام گهڻي ويجهڙائپ واري دوستي هئي انهي ڪري هنن ملي ڪري ڪاروبار ڪيو ۽ لنڊن اندر خريد ڪيل فليٽ الثاني سيڙپڪاڪري مان ملندڙ فائدي مان لنڊن فليٽ خريد ڪيو ويو، جنهن جا دستاويز قطر ۾ موجود هئا جيڪي بعد ۾ 2006ع اندر شريف خاندان جي حوالي ڪيا ويا هئا.هڪ طرف پاناما لڪيس معاملي جي سموري ڪڙي اچي قطر جي شهزادي تي ٻيٺِي آهي جنهن مان اهو به صاف ظاهر ٿي ٿو ته نواز خاندان کي بچائڻ ۽ شريف خاندان جي حق ۾ بيان ڏيڻ لاءِ قطر جي شهزادي کي جيڪڏهن پاڪستان اچڻو پيو ته هوُ پاڪستان ضرور ايندو ۽ انهي سان گڏ پاناما لڪيس معاملو به دفن ٿي ويندو.پر اها به اوهان جي ڳالهه ذهن ۾ هجڻ گهرجهي ته جنهن قطر جي شهزادي جو سهارو وٺِي ڪري ميان نواز شريف پنهنجي خاندان جي صفائي بابت جيڪو خط عدالت ۾ جمع ڪرايو آهي انهي قطر جي شهرزادي “حمد بن جاسم “ جو نالو پڻ پاناما لڪيس ۾ شامل آهي شايد انهي ڪري هاڻ هڪ اهم سوال اهو به اڀري ٿو ته ڇا پاڪستان اندر قطر جي شهزادي جي گواهي کي قبول ڪيو ويندو؟.پاڪستان جي سياستدانن ۽ قانوندان جو گهڻي ڀاڱو انهي ڳالهه کي تسليم نه پيو ڪري جڏهن ته اعتراز احسن پنهنجي بيان ۾ اهو به چيو آهي ته جيڪڏهن قطر جو شهزادو پاڪستان آيو به ۽ عدالت اندر ميان نواز شريف جي خاندان جي حق ۾ بيان ڏنو ته عدالتي ڪٽهڙي ۾ سندس ڄنهگون رڦنديون.هڪ پاسي ميان نواز شريف جي خاندان پنهنجي بچاءُ خاطر قطر جي شهزادي جو سهارو ته وٺِي ڇڏيو آهي جيڪو شايد ڪامياب به وڃي پر ٻئي پاسي عمران خان صاحب ميان نواز شريف جي خاندان جي احساسن جي بابت ڄاڻ لاءِ پنهنجي ويجهي دوست زلفي بخاري کي وزيراعظم ميان نواز ۽ حسن نواز تي دٻاءُ وجهڻ لاءِ تهلڪه مچائيندڙ شاهديون گڏ ڪرڻ لاءِ لنڊن اندر هدايت جاري ڪري ڇڏي آهي.

انهي ڳالهه ۾ ڪو شڪ ناهي ته عمران خان صاحب به پاناما لڪيس معاملي بابت تمام ڄاڻو قانوندانن جو سهارو وٺِي رهيو آهي.پر اتي عمران خان صاحب تي به ڪيترائي سوال اٿن ٿا ته جيڪڏهن عمران خان صاحب سچو آهي ته سندس لڳايل الزام به سچا آهن ته پوءِ عمران خان آخر پارليامينٽ ۾ ٿيڻ واري اجلاس اندر ڇو ڪون پيو جڏهن اڄ ٿيڻ واري پارميامينٽ واري اجلاس ۾ پڻ عمران خان صاحب اچڻ کان صاف انڪار ڪري ڇڏيو آهي.اهڙي ماحول ۾ اهو به چيو پيو وڃي ته جيڪڏهن جيڪا معاملا عمران خان صاحب پاڪستان جي اعليٰ عدالت اندر هلائي رهيو آهي جيڪڏهن اهوئي مسئلو اچي پارليامنيٽ اندر اٿاري ته ان سان ميان نواز شريف جي تمام گهڻو دٻاءُ پوندو. ڇو ته اتي ميان نواز شريف کي قومي اسيمبلي جي اسپيڪر ۽ عوام  جي سامهون عمران خان جي سوالن جا جواب ڏيڻا پوندا پر عمران خان صاحب ائين نه ڪري رهيو آهي ڇو نه ڪري رهيو آهي ۽ انهي جي وجهه ڪهڙي آهي اها عمران خان صاحب ئي ڄاڻي ٿو پر جيڪڏهن عمران خان صاحب پاليامينٽ اندر اچي ويهي مسئلا اٿاري ته وڌيڪ بهتر ٿيندو ،

 

 

 

 

 

 

ڪيترن ئي مسئلن ۾ گهيريل سنڌ جو عوام:دادو محمد رفيق چنه

سنڌ ڌرتي هزارين سالن جي تاريخ رکندڙ آهي صوفين جي سرزمين سنڌ جي سونهن ۽ ثقافت مهمان نوازي هنرن ۾ سڄي دنيا ۾ مشهور آهي سنڌ  بهادرن ڏاهن دانشورن اديبن عالمن اوليائن جي ڌرتي آهي، قدرتي وسيلن سان مالا مال سنڌ پنهنجن سان پيار ڪندڙن جو ديس آهي پيرن فقيرن اوليائن جي سڏجندڙ سنڌ ڌرتي جنهن جي ننڍن وڏن شهرن ڳوٺن ۾ الله پاڪ جي ولين، برزگن جا روضا موجود آهن جيڪي انسان ذات جي ڀلائي خدمت جو سبق ڏيندا رهيا آهن  سنڌ جو عوام  ڪيترن ئي مسئلن ۾ گهيريل آهي سنڌ ۾ ڪو هڪ مسئلو نه آهي بلڪي سڄي سنڌ  مسئلن جي ور چڙهيل آهي قدرتي  وسلين  تيل گئس ۽ ٻين وسيلن سان  مالا مال  آهي جيڪا  ڪنهن  به  تعارف جي  محتاج  نه  آهي  سنڌ  ۾  حالات   عوام کي  ايترو ته  مجبور  ڪن  ٿا  جو  عوام  پنهنجي جائز حقن  جي  حاصلات  لاءِ  سنڌ جي ننڍن وڏن شهرن جي پريس ڪلبن شهر جي مک چوراهن ٽي احتجاج ڪرڻ   تي مجبور ٿي  وڃي  ٿي  هر  وقت  جي  سرڪار  سدائين  عوام  جي  حقي  حقن جي حاصلات لاءِ ٿيندڙ احتجاجن کي  ڀلي  ٻڌو  اڻ  ٻڌو ڪري  پر  احتجاج  ڪندڙ عوام  سرڪاري  ملازمن  کي  اهو  يقين  هوندو  آهي ته سندن جائز مسئلن لاءِ ٿيندڙ احتجاجن  کي  ملڪ جي آئين ۾ايتري  اهميت  ضرور مليل  آهي جو هر وقت جي سرڪار  جائز  مسئلي  جي  حل  لاءِ  ضرور  ڪوشش وٺندي  سنڌ  حڪومت  نوٽيفڪيشن  جاري  ڪري  باضابطا  طور  نوڪرين  تان  پابندي  هٽائي  ڇڏي  آهي ۽ جاري ٿيل  نوٽيفڪيشن  موجب  سنڌ سرڪار جي ماتحت سمورن کاتن کي  لکيو   ويو  آهي  ته  ٽن  مهينن اندر تعليم، صحت،  زراعت،  زڪوات،  گهرو، روينيو،  رٿابندي، ٽرانسپورٽ،  ۽  ثقافت   کاتي  سميت  ٻين  کاتن  ۾   خالي  پيل  جايون   ڀرڻ  وارو  عمل  مڪمل  ڪيو  وڃي  ته سنڌ جي تعليم يافته نوجوانن کي روزگار ملي سگهي ملڪ جي وڏي پارٽي پاڪستان پيپلز  پارٽي  اقتدار  دوران   هميشه  بيروزگاري  گهٽ  ڪرڻ  لاءِ بيروزگار نوجوانن کي نوڪريون  فراهم  ڪرڻ  واري  روايت  کي  تاحال برقرار رکندي آئي  آهي  ماضي  ۾  سياسي  انتقامي  نشانو بڻجندڙ  هزارين  ماڻهن  کي  ٻيهر  نوڪرين  تي  بحال  ڪرڻ  سميت  ٻاهرين  ملڪن   ۾  پڻ  پنهنجي اقتدار جي مختلف  دورن ۾  هزارين   ماڻهن  کي  روزگار  جا  ذريعا  مهيا  ڪيا  آهن پاڪستان   پيپلز  پارٽي  جي  حڪومت  جيڪي  ملڪ  ۽  سنڌ جي   عوام  سان  واعدا  ڪيا  هئا  انهن  ۾  هڪ  واعدو  تعليم يافته بيروزگار نوجوانن کي پڪي  روزگار  وارو  به  واعدو هو  جيڪو  گهڻي  حد  تائين  ڪامياب ڪرائي  سگهي  آهي  پر  ساڳي  جاءِ تي  اڃا تائين  ڪجهه  اهڙا  سرڪاري کاتن جا سرڪاري ملازم  جيڪي   پڪا  ٿي  نه  سگهيا  آهن  جن ۾ سنڌ زڪوات عشر کاتي ۾ ڪانٽريٽ تي ڀرتي ٿيل ملازم جيڪي  گذريل  28  سالن  کان  وٺي   احتجاج  مظاهره ڌرڻا هڻندا  اچن  ٿا  ته کين پڪو روزگار ڏئي سندن مان بيچيني ختم ڪئي وڃي ڪانٽريڪٽي سرڪاري ملازمن وقت به وقت بينر پلي ڪارڊ کڻي شهيد  محترم بينظر پٽو   جي  مزار  اڳيان  سراپا احتجاج  ڪرڻ  سيمت  ايم پي  اي  ايم  اين اي،  وزيرن  مشيرن  جي  اڳيا  وڃي  پڪي  روزگار  لاءِ  منٿون  ايلاز  ڪري  سدائون  هڻندا  رهن  ٿا  1988 واري  پ پ جي حڪومت   ۾  سنڌ  جي عظيم  ليڊر اهي شهيد محترمه  بينظر  ڀٽو  جي  حڪومت  ۾ عشر زڪوات  کاتي  جي  830 ملازم جن ۾  آڊيٽ آفيسر  آڊيٽر اسٽسٽ آڊيٽر عامل  ڪلارڪ  جيڪي سنڌ  جي  مختلف  ضلعن  دادو  لاڙڪاڻو  سانگهڙ  بدين  نوشهرو  فيروز جيڪب آباد ڪراچي  ڪنڌڪوٽ  حيدرآباد  سکر  ۽  ٻين سنڌ جي شهرن  ۾  ڪانٽريڪٽي ملازمن جي سنڌ جي  اڳواڻ يونس  باقري  سيڪريٽري  جنرل  در محمد  ٽانوري،  قاضي   منصور،  عبدالمجيد پنهور،  پپو ٿهيم،  عبدالحميد چارڻ ،رمضان  پنهور، زاهد  لغاري،  علام محمد  عباسي،  حفيظ  شيخ  ۽  ٻيا  سوين  ملازم   مسلسل  احتجاج  ڪري   مطالبو   ڪري  رهيا  آهن عشر زڪوات کاتي جي ڪانٽريڪٽي ملازم  جيڪي  830  خاندانن  جي   پيٽ جي  بک  اجهائڻ  جا   واحد  ذريعا آهن  جن  مٿان   لٽڪندڙ   ڪانٽريڪٽي   تلوار  هٽائڻ  لاءِ   ٻاڪاريندا  رهن ٿا   پر  افسوس  جو سنڌ ۾ عوامي  حڪومت  ۾  به  عشر زڪوات  کاتي جي 830  ڪانٽريڪٽي ملازمن سان  هن وقت تائين انصاف   نٿو  ڪيو   وڃي جيڪا  سنڌ جي ڪانٽريڪٽي ملازمن سان سراسر  زيادتي ۽ ناانصافي آهي  هنن پرنٽ ۽ اليڪٽرانڪ ميڊيا اڳيان وقت به وقت احتجاج  ڪري  شهيد محترمه بينظير ڀٽو جي فرزند پ پ  چيئرمين   بلاول ڀٽو  زرداري کي عرض  ڪندي  دانهيو آهي ته منهنجا  سائين  توهان  جي  پاڪستان پيپلز پارٽي  شهيدن  جي  پارٽي  آهي  شهيد محترمه  بينظر  ڀٽو جا  توهان  فرزند  آهيو  جنهن  عوام  جي حقن لاءِ  پنهنجي  جان قربان  ڪري ڇڏي  اسان  جو  اوهان  کان  مطالبو  آهي  ته   عشره  زڪوات  کاتي  جي  830 ملازمن  جيڪي  28  سالن  کان   ڪانٽريڪٽي  تي  آهن جن  کي  شهيد  راڻي  جي   صدقي  ريگيولر  ڪرڻ  جو بنا دير  اعلان  ڪري  سندن  خاندانن  مان  بيچيني  ۽  خوف  واري  ڪيفيت  ختم  ڪئي  وڃي ته  830 ملازم  ڪو  سک  جو ساهه  کڻي  سگهن ته جيئن پ.پ.پ سرڪار جي کنيل عوامي ڀلائي بهتري واري قدمن جي هميشه لاءِ ساراهه ٿي سگهي

*******

 

پانامه ليڪس معاملي ۾ نئون پينڊورا باڪس

گذريل ڏينهن چيف جسٽس انور ظهير جمالي جي سربراهي ۾ 5 رڪني لارجر بئنچ ڪيس جي ٻڌڻي شروع ڪئي ته مريم، حسين ۽ حسن نواز جي نئين وڪيل اڪرم شيخ عدالت کي ٻڌايو ته هو هڪ اهڙو خط پيش ڪرڻ چاهي ٿو جيڪو صرف عدالت جي لاءِ آهي. جيڪڏهن عدالت مناسب سمجهي ته ان کي عام نه ڪيو وڃي جڏهن ته عدالت ۾ رکيل خط ۾ چيو ويو آهي ته سندس والد جا مرحوم ميان محمد شريف سان پراڻا ڪاروباري لاڳاپا هئا جيڪي سندس وڏي ڀاءُ وسيلي هلايا پئي ويا ۽ ٻنهي خاندانن ۾ اڄ به ذاتي لاڳاپا آهن، محمد بن جاسم چيو آهي ته 1980ع ۾ ميان شريف الثاني خاندان جي قطر ۾ جائيداد جي ڪاروبار ۾ سيڙپڪاري جي خواهش ظاهر ڪئي، منهنجي ڄاڻ موجب ان وقت دبئي ۾ ڪاروبار جي وڪري سان هڪ ڪروڙ 20 لک ڌرم کيس مليا جنهن مان لنڊن جا 4 فليٽ خريد ڪيا ويا جنهن تي چيف جسٽس چيو ته هي خط رڪارڊ تي ايندو ته پاڻمرادو عام ٿي ويندو. ڇا قطر جي اها شخصيت گواهه طور عدالت ۾ پيش ٿيندي؟، اڪرم شيخ  جواب ۾ چيو ته هو ان بابت ڪجهه نه ٿو چئي سگهي، جسٽس آصف سعيد کوسا چيو ته هن ۾ ته سڀ ٻڌل ڳالهيون آهن ته منهنجي پيءُ سان تعلق آهي مون ٻڌو آهي وغيره جنهن تي اڪرم شيخ کان سوال ڪيو ته ان کانسواءِ توهان وٽ ٻيو ڪجهه آهي ڇا، توهان جو مني ٽريل ڪٿي آهي، چيف جسٽس چيو ته جڏهن ان ڪيس جي باقاعده ٻڌڻي ٿيندي ته هن خط جي صحت جي باري ۾ فيصلو ان وقت ڪيو ويندو، هي دستاويز في الحال وقت کان اڳ جو آهي. بئنچ چيو ته هي خط ٻڌل ٻڌايل ڳالهين تي آهي ۽ خط رڪارڊ جو حصو بڻجڻ کانپوءِ توهان پاڻ ڦاسي ويندا، قطر جي شهزادي وڌيڪ چيو  آهي ته پارڪ لين لنڊن ۾ ايون فيلڊ هائوس ۾ فليٽ نمبر 17 ۽ 17 اي، فليٽ 16 ۽ 16 اي ٻه آف شور ڪمپنين جي نالي سان رجسٽرڊ هئا ۽ انهن جا سرٽيفڪيٽ قطر ۾ رکيا ويا هئا ۽ هن چيو ته مون کي ياد آهي ته پنهنجي زندگي دوران ميان  محمد شريف وصيت ڪئي هئي ته سندس سيڙپڪاري ۽ جائيداد جي ڪاروبار جو منافعو سندس پوٽي حسين نواز شريف کي ملي. جڏهن ته محمد بن جاسم چيو آهي ته 2006ع ۾ الثاني گروپ ۽ حسين نواز جي وچ ۾ اڪائونٽس کي حتمي شڪل ڏني وئي جنهن کانپوءِ انهن فليٽن جا سرٽيفڪيٽ حسين نواز جي حوالي ڪيا ويا، جنهن بابت دوحه ۾ رڪارڊ موجود آهي. جڏهن ته مريم نواز شريف پاران وڌيڪ دستاويز جمع ڪرايا ويا آهن جنهن ۾ وزيراعظم نواز شريف جي ٽيڪس ادائيگين سميت زمين ۽ فيڪٽرين بابت تفصيل شامل آهن جڏهن ته زمينن جا انتقال ناما به دستاويزن ۾ شامل آهن، ٻڌڻي دوران طارق اسد وڪيل عدالت کي چيو ته هي اهم ڪيس آهي ۽ تيز رفتاري سان هلائڻ ۾ انصاف جون گهرجون پوريون نه ٿينديون، آف شور ڪمپنين جي مالڪ سمورن پارلياماني ميمبرن جي خلاف جاچ ٿيڻ گهرجي، جنهن تي چيف جسٽس چيو ته ڪرپشن جي جاچ سپريم ڪورٽ جو ڪم نه آهي، ڪنهن اي بي سي ڪرپشن ڪئي آهي ته هيٺيون عدالتون موجود آهن. ڇا توهان عدالتي ڪارروائي کي پٽڙي تان لاهڻ چاهيو ٿا، لڳي ائين ٿو ته توهان درخواستگذار نه پر نواز شريف جا وڪيل آهيو ۽ توهان جي ڳالهين مان لڳي ٿو ته توهان ڪيس جو فيصلو نه ٿا چاهيو، اهو اسان جو ڪم آهي، انصاف جون گهرجون پوريون ڪنداسين. جسٽس شيخ عظمت سعيد تحريڪ انصاف جي وڪيل حامد خان کان پڇيو ته درخواستگذار سچ کي پاڻ ئي دفن ڪري ڇڏيو آهي، پي ٽي آءِ جي دستاويزن ۾ اخباري خبرون به شامل آهن ۽ اخباري خبرون ثبوت ناهن هونديون، پي ٽي آءِ جي انهن دستاويزن جو ڪيس سان ڪو به تعلق نه آهي، اخبار هڪڙي ڏينهن جي لاءِ هوندي آهي ٻئي ڏينهن تي ان ۾ پڪوڙا وڪرو ٿيندا آهن، ڇا اخبار ۾ اچي ته الله ڏتي الله رکئي کي قتل ڪري ڇڏيو آهي ۽ اسان ان خبر تي الله ڏتي کي ڦاسي ڏئي ڇڏيون؟ اهي اخباري خبرون ته الف ليليٰ جون ڪهاڻيون آهن،