تازيون خبرون

Daily Archives: November 10, 2016

ايشوريا جي نئين تڪراري تصوير سوشل ميڊيا تي ڌوم مچائي ڇڏي

ممبئي (شوبز نيوز) ڀارتي اداڪارا ايشوريا راءِ جي نئين تڪراري فوٽو شوٽ ”اي دل هي مشڪل“ جي تصويرن کي به پوئتي ڌڪيندي سوشل ميڊيا تي ڌم مچائي ڇڏي آهي. ڌيءَ جي پيدائش کانپوءِ فلمي دنيا ۾ واپسي ڪرڻ واري بالي ووڊ اداڪارا ايشوريا راءِ بچن ڪيترين ئي فلمن ۾ اداڪاري جا جوهر ڏيکاريا آهن، جڏهن ته اداڪارا فلمن ۾ پنهنجي ڪردار ۾ حقيقت جو رنگ ڀرڻ لاءِ مشهور آهي ۽ حال ۾ ئي ڪرن جوهر جي فلم ”اي دل هي مشڪل“ ۾ رنبير ڪپور سان بي باڪ منظرن سبب هن تي نه صرف نندا ڪئي پئي وڃي پر سينسر بورڊ به فلم مان رنبير ڪپور ۽ ايشوريا راءِ بچن جا اعتراض  جوڳا منظر ڪٽي ڇڏيا هئا.

 

ڀارتي ڊسٽري بيوٽرن جو پاڪستاني امپورٽرن کي فلمون ڏيڻ کان انڪار، لکين رپيا نقصان

لاهور (شوبز نيوز) ڀارتي فلمن کي سيڙپڪاري ڪندڙ ڪيترنئي پروڊيوسرن ۽ ڊسٽري بيوٽرن جو پيسو ضايع ٿي ويو. ڀارت جي فلم ڊسٽري بيوٽرن پاڪستاني امپورٽرن کان لکين رپيا ايڊوانس ته وٺي ڇڏيا پر پاڪستان ۾ ڀارتي فلمن جي نمائش تي پابندي سبب امپورٽرن کي فلمون ڏيڻ کان انڪار ڪري ڇڏيو. گذريل هفتي ڀارتي فلم ”اي دل هي مشڪل“ ۽ شيوي جي نمائش پاڪستان جي سينيمائن ۾ ٿيڻي هئي، اهي ٻئي فلمون ڀارتي سپر اسٽار شاهه رخ خان ۽ اجي ديوگن جون هيون،انهن فلمن کي پاڪستان ۾ رليز ڪرڻ لاءِ وڏي رقم ڀارتي پروڊيوسرن ورتي هئي. جڏهن ته ٻنهي ملڪن جي وچ ۾ خراب حالتن ۽ هندو انتها پسندن سبب ٻنهي ملڪن نه رڳو هڪ ٻئي جي فلمن جي نمائش روڪي ڇڏي پر پاڪستاني فنڪارن جي ڀارتي فلمن ۾ ڪم ڪرڻ جي حوالي سان مسئلا وڌي ويا. ٻنهي وڏين فلمن جي نمائش ۽ نئين ڀارتي فلمن جي نمائش بند ٿيڻ سان پاڪستاني امپورٽرن ۽ جديد سينيمائن جا مالڪ پريشان ٿي ويا آهن.

 

پاڪستان تائيڪوانڊو فيڊريشن پاران ورلڊ جونيئر چيمپيئن شپ لاءِ قومي ٽيم جو اعلان

اسلام آباد (اسپورٽس نيوز) پاڪستان تائيڪوانڊو فيڊريشن ورلڊ جونيئر تائيڪوانڊو چيمپيئن شپ لاءِ قومي ٽيم جو اعلان ڪري ڇڏيو آهي، پاڪستان تائيڪوانڊو فيڊريشن جي صدر ڪرنل رٽائرڊ وسيم احمد جنجوعه مطابق ورلڊ جونيئر تائيڪوانڊو چيمپيئن شپ 15 کان 20 نومبر تائين ڪينيڊا ۾ کيڏي ويندي. ان ۾ آمريڪا ۾ سکيا حاصل ڪندڙ 3 رانديگرن نرما، واصف ۽ ماه نور پاڪستان جي نمائندگي ڪندا، هن چيو ته رانديگر 14 ڊسمبر تي ڪينيڊا روانا ٿيندا ۽ ايونٽ ۾ ملڪ جي نمائندگي ڪندا. هن چيو ته ورلڊ جونيئر تائيڪوانڊو چيمپيئن شپ جي تياري لاءِ قومي رانديگرن جو تربيتي ڪيمپ پاڪستان اسپورٽس ڪامپليڪس اسلام آباد ۾ آهي، ويزا نه ملڻ جي ڪري ڪو به رانديگر ايونٽ ۾ شامل نٿو ٿي سگهي.

 

پاڪستان واپڊا جي طرفان فٽنيس ۽ فيلڊنگ ”ڪرڪيٽ“ لاءِ واپڊا اسپورٽس بورڊ جو انقلابي قدم، 200 ڇوڪرن ٽرائلز ڏنا

حيدرآباد (اسپورٽس نيوز) پاڪستان واپڊا جي طرفان فٽنيس ۽ فيلڊنگ ”ڪرڪيٽ“ لاءِ واپڊا اسپورٽس بورڊ جو انقلابي قدم نوجوانن جا ٽرائل جاري آهن جڏهن ته 16 سال کان 19 سال تائين جي ڇوڪرن لاءِ ڪرڪيٽ ڪيمپ لڳايو ويو جنهن ڪيمپ ۾ اسلام آباد راولپنڊي ڪراچي ۽ ٻين شهرن جي ڪوچز جي زير نگراني ۾ رانديگرن کان ٽرائل ورتا پيا وڃن، ، 200 ڇوڪرن ٽرائلز ڏنا واپڊا حيسڪو گرائونڊ 200 ڇوڪرن ٽرائلز ڏنا جنهن مان 40 ڄڻن ڪواليفاءِ ڪيو ڪواليفاءِ ڪندڙن کي ڊي جي ايڊمن اينڊ ايڇ آر حيسڪو عمران علي عسڪري پاران واپڊا ڪرڪيٽ ڪٽ ڏني، رانديگرن کي 5 هزار مهينو اعزازيه ڏنو ويندو

 

هيري کي شڪت ڏيندڙ ڊونلڊ ٽرمپ ڪير آهي..!!!: غلام مصطفيٰ جمالي

آمريڪي شهري جنهن کي هن وقت آمريڪي صدارت جو تاج ملي چڪو آهي جنهن کي پوري دنيا ڊونلڊ ٽرمپ جي نالي سان سڃاڻندي هئي ۽ دنيا جو سموريون اڳڪٿون ڪوڙيون نڪتون ۽ دنيا جي سموري تجزيڪارن جا تجزيه به غلط ثابت ٿيا ۽ پوري دنيا جي سوچ هڪ طرف ۽ آمريڪي عوام جي سوچ ٻئي پاسي ٿي وئي ۽  آمريڪا ۾ ايندڙ اليڪشن جي آخري نتيجن پوري دنيا کي حيران ڪري ڇڏيو. جڏهن ميڊِيا تي آخري نتجيه پهتا ته آمريڪا صدارتي اليڪشن ۾ ٻيٺل اميدوارن مان هيري جي مقصدر ۾ هار نصيب ٿي چڪي هئي  ۽ سندس مخالف  دنيا  جي لاءِ دهشت جي علامت بڻيل ڊونلڊ ٽرمپ کي فتح نصيب ٿي چڪي هئي .انڪري انهي ڏسڻو آهي ته ڊونلڊ ٽرمپ جي جيت ۽ هيري تي هار تي پاڪستان سميت دنيا جي ٻين مسلمان ملڪن تي ڪهڙا اثر پوندا.جڏهن ته اها سڀني کي خبر آهي ته ٽرمپ مسلمانن ۽ پاڪستان لاءِ هڪ اتنهاپسندي سوچ رکندڙ انسان آهي ۽ انهي سوچ جي ڀيٽ ۾ هوُ انڊيا جي حق ۾ پڻ آهي.۽ اها ڳالهه به واضع آهي ته رڳو ڊونلڊ ٽرمپ نه پر ريپبلڪن پارٽي جي هر اميدارو هيمشه پاڪستان ۽ مسلمان جي خلاف تمام گهڻو سخت نظريو اختيار ڪيو آهي.جڏهن ته پاڪستان لاءِ ڪيترائي سال پريشانيون پيدا ڪندڙ ظالم صفت انسان چارج بش ڪنهن کان ڳجهو ناهي ۽ ڊونلڊ ٽرمپ جي نالي اهو به چيو پيو وڃِي ته هوُ انهي کان وڌيڪ زهريلي سوچ رکندڙ انسان آهي. ۽ سندس سوچ صرف پاڪستان لاءِ به پر پوري دنيا لاءِ تشويش آهي..جڏهن ته پاڪستان جي سياست سان به ريپبليڪن پارٽِي جا تعلقات همِيشه خراب ئي رهيا آهن ڇو ته سندس جنگي ايجنڊا ۽ نيوورلڊ آرڊر کي پاڪستان اندر هيمشه هڪ ڊڪٽيٽر موزون رهيو آهي.جڏهن ته دنيا جي ڪمروز ملڪن تي ڪاهه ڪري انهي معيشت تي قبضو ڪري ۽ انهي قوم کي غلام بڻائي ڪري انهي عوام تي حڪمراني ڪرڻ هميشه ريپبليڪن پارٽي جو منشور آهي.

انهن هميشه ملڪن کي ڪمزور ڪري انهن مان فائده وٺڻ جي ڪوشش ڪئي آهي.جهڙي ريت انهن پروزيرمشرف ۽ جنرل ضياءُ جي دور اندر فائدو ورتو.جڏهن ته ٽرمپ جي کٽڻ کانپوءِ پاڪستان کي ملندڙ فنڊ  پڻ بند ٿيڻ جا امڪان صاف ۽ چٽا بنجي ويا آهن..۽ ٽرمپ جي پاليسي ۽ انڊيا جي پالسي سان گڏ اسرائيل جي پاليسي پڻ پاڪستان لاءِ مسئلا پيدا ڪري سگهي ٿي.۽ اهو صاف ظاهر آهي ته ريبپليڪن پارٽي مان ڪابه سٺائي جي اميد نٿي رکي سگهجي. هُو صرف ۽ صرف پاڪستان لاءِ مشڪلاتون پيدا ئي ڪري سگهي ٿي.پر رڳو پاڪستان نه پر خد آمريڪا جي وڏي تعداد اندر آمريڪي عوام ٽرمپ جي اليڪشن کٽڻ جي ڪري پريشان حال نظر اچي رهي آهي ۽ ڪيترن ته آمريڪي ڇڏڻ جو تياريون به ڪري ورتيون آهن.انڪري آمريڪي صدر ڊونلڊ پرمپ جنهن جي باري ۾ شايد ئي ڪنهن کي ڄاڻ هجي ته ڊونلڊ ٽرمٽ اصل ۾ ڪير آهي ۽ هوُ ماضي ۾ ڇا ڪندو هوُ،14جون1946 ۾ نيويارڪ شهر جي ۾ پيدا ٿيندڙ ڊونلڊ ٽرمپ جيڪو ننڍڙي هوندي کان تعليم سان وابستسه رهيون.جنهن 1968اندر يونيورسٽي آف پينسلوانيا مان اڪنامس اندر گريجوشن ڪئي.جڏهن ته سندس تربيت جمائڪا اسٽيئس جي امير ترين گهر ۾ ٿي. هوُ ريئل اسٽيٽس جي تعمير ۽ ترقي سان پڻ وابسته رهيو.هيمشه سندس رويو حاڪمن وارو رهيو.جڏهن ته 1970ع جي ڏهاڙي اندر کاتي انصاف اندر(ٽرمپ) تي آرگنائيزِشن تي فئير هائوسنگ ايڪٽ جي خلاف وزري ڪرڻ جو الزام پڻ لڳو.جنهن جي ذريعي اقليت کي سندس جايون ڪرائي تي وٺڻ کان پڻ روڪي ڇڏيو هوُ.جڏهن ته اهڙي عدالتي فيصلي کان پوءِ ٽرمپ عدالت کان ٻاهر اهو فيصلو طعه ڪيو جنهن کانپوءِ ٽرمپ(سينٽرل اسٽيشن) مان ملي ڪري هڪ هوٽل خريد ڪئي.جيڪا ديواليه قرار ڏني وئي هئي.تنهن کانپوءِ ان ست ڪروڙ ڊالر اڌار کئنين ۽ پوءِ نيويارڪ سٽي کان ٽيڪس گهريو. انهي جي تعمير ٿي ته ٽرمپ انهي هوٽل جو نالو(گرينڊ هائٽ هوٽل) رکيو.۽ 1971ع ۾ ان پنهنجي والد فريڊ ٽرمپ جي رئيل اسٽيس ۽ ڪنسٽرڪشن ڪمپني جو ڪنٽرول سنڀاليو جنهن جو نالو بعد ۾ تبديل دي ٽرمپ آرگنائيزيشن رکيو.،ڊونلڊ ٽرمپ(دي ٽرمپ آرگنائيشن جي صدر ۽ چيئرمين به آهي.جڏهن ته ڊونلڊ ٽرمپ جي ذاتي ملڪيت جو اندازو 4ارب ڊالر تائين لڳايو وڃِي پيو..جڏهن ته هوُ مختلف ڪئپپمنين جي تعميراتي ڪمن ۽ منصوبن جي اشتهارن مهم اندر پنهنجو نالو استعمال ڪرڻ جو پڻ معاضو وٺندو آيو آهي.،جڏهن ته ٽرمپ ٽاور نالي عمارت به ڊونلڊ ٽرمپ جي هڪ سڃاڻپ آهي. جيڪا ويهه ڪروڙ ڊالر جي ملڪيت آهي جيڪا اپارٽمينٽ ۽ جي ٻين ڪاروبار لاءِ استعال ڪئي ويندي آهي..جنهن جي تعمير لاءِ گلابي رنگ جي سنگ مر مر جو استعال ڪيو ويو آهي،جيڪا 58منزلن تي مشتمل آهي.انکان علاوا  آمريڪا ۾ هلندڙ ڪيترن ئي ڪيسنو جو مالڪ هجڻ ڪري به ڊونلڊ ٽرمپ گهڻو مشهور آهي.پر اهڙو به سندس زندگي موڙ آهي جڏهن سندس ملڪيت اندر 1990اندر ڪرِيش ٿي.ان وقت سندس ملڪيت اندر1.7ارب ڊالر ڪري وئي هئي.۽ سندس ملڪيت صرف ۽ صرف 50ڪروڙ ڊالر باقي رهي هئي.۽ اهڙي ماحول اندر ڊونلڊ ٽرمپ تي اهو به وقت آيو جڏهن کيس پئسا اڌارا کڻڻا پيا ۽ نئي سر سرمائيڪاري شروع ڪرڻي پئي.پر انهي ماحول اندر ٽرمپ جي گهرولي زندگي ۽ تمام گهڻا خراب تاثر ڪرايا ۽ سندس گهر واري ۽ ٽرمپ جي وچ ۾ هلندڙ زندگي اچي طلاق تائين پهتي ۽ ٽرمپ جي گهر واري ٽرمپ کان طلاق ورتو.۽ پوءِ 2005ع اندر سلووينا سان تعلق رکندڙ هڪ مشهور ماڊل (ملانيا) سان شادي ڪئي،۽ انکان پوءِ ٽرمپ مختلف شو ڪرڻ لڳو جنهن ۾ کيس سٺِي آمدني ٿي ۽ اها آمدني وڌي اچي 20ڪروڙ ڊالر تي پهچي.ڊونلڊ ٽرمپ،1988ع2004ع2013ع اندر صدارتي الڪيشن جي ڊوڙ ۾ حصو ورتو۽ 2006ع ۾ کيس نيويارڪ اسٽيٽس اندر گورنر شپ جو عهدو مليو.۽ ڊونلڊ ٽرمپ 1995ع کان وٺي مس يونيورس ۽ مس يو ايس اي جا مقابلا پڻ ڪري رهيو آهي،ڊونلڊ ٽرمپ جي نالي عورتن سان تمام گهڻيون فحاشي ڳاليهون پڻ منظر عام تي آيون،جڏهن ته اليڪشن دوران ٽرمپ مسلمانن ۽ اسلام بابت به تمام گهڻو زهر اوڳاڙيو هوُ.

 

 

ٽرمپ ڪامياب، هيلري شڪست مڃي ورتي: حسن ناز سومرو، حيدرآباد

سياست به هڪ اهڙي راند آهي جنهن ۾ ڪنهن جي هار ته ڪنهن جي جيت  ٿيندي آهي پر اهو نتيجو قبولڻ لاءِ به دل ۽ گردي جي ضرورت هوندي آهي، سو ڪيترن ئي ڏينهن کان آمريڪا ۾ به اليڪشن جون سرگرميون تمام تيزي سان

جاري هيون، هن مقابلي ۾ٻه وڏا اميدوار شريڪ ٿيا جنهن ۾ ريپبلڪن اميدوار ڊونلڊ ٽرمپ ۽ ٻئي طرف ڊيموڪريٽ اميدوار هيلري ڪلنٽن مد مقابل هئا. ظاهر آهي ته اليڪشن ۾ بيهندڙ هر اميدوار کي اها اميد هوندي آهي ته هو اهو مقابلو کٽي ويندو پر جمهوري ملڪن ۾ان جو فيصلو عوام ڪندو آهي ۽ پوءِ اهو فيصلو هر اميدوار کي قبول ڪرڻو پوندو آهي، اهڙي طرح اليڪشن ۾ حصو وٺندڙ اميدوار پنهنجن ڪيل غلطين جي معافي به وٺندا آهن سو اهڙي طرح ڊونلڊ ٽرمپ به ڪجھ وقت اڳ ۾ عورتن جي باري ۾ ڳالهايل گٿن لفظن جي معافي وٺي عوام جي دلين ۾ گھر ڪري ورتو.

سو ڪاله جهڙي طريقي سان اليڪشن جا نتيجا سامهون اچڻ لڳا ته ٻنهي ڌرين جو جوش ۽ جذبو وڌي رهيو هو پرانهن مقابلو ڪندڙن جي قسمت جو فيصلو عوام جي هٿ ۾ هو، سو ڪاله جڏهن سمورا نتيجا سامهون آيا ته ريپبليڪن اميدوار ڊونلڊ ٽرمپ 276 اليڪٽرول ووٽ حاصل ڪري سرسي حاصل ڪري ورتي، جڏهن ته ڊيموڪريٽ جي اميدوار هيلري ڪلنٽن 218  اليڪٽرول ووٽ حاصل ڪري ٻئي نمبر تي رهي.

اليڪشن کٽيندڙ ڊونلڊ ٽرمپ آمريڪا جو 45 نئون صدر چونڊجي ويو آهي جنهن تي هيلري ڪلنٽن پڻ مبارڪون پڻ ڏنيون آهن جڏهن ته ڊونلڊ ٽرمپ به هيلري ڪلنٽن جي تعريف ڪندي چيو ته هيلري ڪلنٽن به آمريڪا لاءِ تمام وڏو ڪم ڪيو آهي.

ڊونلڊ ٽرمپ 1946ع ۾ ڪوئنس ۾ پيدا ٿيو هو ۽ هو ٽرمپ آرگنائيزيشن جو اڳواڻ ۽ صدر پڻ آهي، ڊونلڊ ٽرمپ 1980ع واري ڏهاڪي ۾ سياست ۾ پير پاتو هو ۽ رفان پارٽي ۾ شامل ٿيو.  ڊونلڊ ٽرپ ڊيموڪريٽ پارٽي ۾ به شامل ٿيو هو پر تنهن کان بعد ۾ هو آزاد سياست ڪرڻ لڳو هو، ڊونلڊ ٽرمپ 2012ع ۾ ريپبليڪن ٿيو ۽ ان ڳاله کي ٻيهر ورجھايو ته هو آمريڪا کي عظيم تر بڻائيندو.  هوڏانهن ڊونلڊ ٽرمپ جا حامي سندس ڪاميابي تي جشن ملهائي رهيا آهن جڏهن ته ڊونلڊ پنهنجي حامين کي خطاب ڪندي چيو ته هو سندس ڪامياب ڪرائڻ ۾ حامين جو نهايت ئي ٿورائتو آهيان سو هو رنگ ۽ نسل کان مٿانهون ٿي ڪم ڪندو،  هن چيو ته هن لاءِ آمريڪا جا مفاد سندس اهم آهن سو هو دنيا جي انهن ملڪن کي به گڏ کڻي هلندو جيڪي امن قائم ڪرڻ لاءِ سندس مدد ڪندا.

ياد رهي ته ڊونلڊ ٽرمپ اهو شخص هيو جنهن جي مٿان يارنهن کان وڌيڪ عورتن کي حراسان ڪرڻ جا الزام هئا جڏهن ته هن لاءِ اهو به چيو پئي ويو ته هن آمريڪا جي عورتن لاءِ گندا لفظ پڻ استعمال ڪيا هئا جنهن تي هو معافي به وٺي چڪو آهي.    اليڪشن کٽڻ کان ڊونلڊ ٽرپ وائيٽ هائوس هليو ويو آهي جتي هو مختلف ماڻهن سان ملاقاتون ڪري رهيو آهي.    آمريڪا جي اليڪشن ۽ اسان جي پاڪستان اليڪشن ۾ ڏينهن رات جو فرق آهي آمريڪا ۾ اليڪشن هڪ منصفاڻي طريقي سان چونڊ ڪئي ويندي آهي جڏهن ته اسان جي ملڪ ۾ اليڪشن جو طريقو ئي نرالو آهي. ٻئي طرف آمريڪا ۾ چونڊيل صدر کي هارايل اڳواڻ پڻ مبارڪون ڏيندا آهن پر هتي اسان وٽ هارايل اميدوار کٽيندڙ اميدوار کي هميشه جي لاءِ دشمن قرار ڏيئي ڇڏيندا آهن.

سو آمريڪا ۾ ٿيل چونڊن ۾اتان جي عوام ۽ مخالف ڌر پاران صبر ۽ تحمل جو مظاهرو ڪيو ويو آهي جڏهن ته چونڊيل صدر به مخالف ڌر وارن کي گڏ کڻي هلڻ جو وچن ورجھائي رهيو آهي.  ڊونلڊ ٽرمپ جو آمريڪي صدر ٿيڻ سندس لاءِ ته هڪ وڏو اعزاز آهي هاڻي سوچڻ جي ڳاله هي آهي ته ڇا آمريڪي نئين صدر جو حلف کڻڻ کان پوءِ پاڪستان لاءِ سندس ڪهڙا خيال هوندا……؟؟

هونئن ته آمريڪا جو ٿيندڙ هر صدر پاڪستان جي زباني حمايت ته ضرور ڪندو آهي پر دلي طرح سان هو هندستان جا ڀرجھلو ٿي هوندا آهن جڏهن ته پاڪستان جي حڪومت هميشه آمريڪا کي اهو تاثر ڏيڻ جي ڪوشش ڪندي رهندي آهي ته هو آمريڪا جا همدرد ۽ هڏ ڏوکي آهن پر آمريڪا وارا پاڪستان جي ڪيل ڳالهين ۽ واعدن کي ٻڌيون اڻ ٻڌيون ڪري ڇڏيندا آهن جنهن جي ڪري پاڪستان به آمريڪا جو اونڌو جواب ٻڌي چائنا سان دوستي وڌائڻ جي ڳاله ڪندو آهي جيڪ پڻ آمريڪا کي تمام ڏکي لڳندي آهي جنهن جي موٽ ۾ آمريڪا پاڪستان سان سٺا نه صحيح پر خراب تعلقات به رکڻ ناهين چاهيندو.   آمريڪا جو صدر بش هجي يا بل ڪلنٽن هجي، بارڪ اوباما هجي يا ڊونلڊ ٽرمپ هجي پر انهن جي پاليسي اها ئي آهي جيڪا آمريڪا جي دستور ۾ لکيل آهي يعني پاڪستان سان هميشه ٻٽي پاليسي هلڻ گھرجي…….!!

هن وقت ڊونلڊ ٽرمپ آمريڪا جو پنجيتاليهون صدر مقرر ٿيو آهي، پر هن جي پاليسي به اڳوڻن صدرن جيان ساڳي ئي رهندي ته هندستان دل تي باقي پاڪستان هل تي (هل معنيٰ  پهاڙي ) سو آمريڪا جي اها ٻٽي پاليسي پاڪستان لاءِ بهتر ڪونه آهي پر پوءِ به پاڪستان جي حڪومت آمريڪا جي چونڊيل نئين صدر مان سٺيون اميدون رکي رهي آهي ته آمريڪا  پاڪستان جي دهشتگردي ۽ ڪرپشن جي خاتمي لاءِ ڀرپور مدد ڪندو.

******

 

 

 

ڊونلڊ ٽرمپ آمريڪا جو 45 هون صدر

ري پبلڪن پارٽي جو ڊونلڊ ٽرمپ آمريڪا جو 45 هون صدر چونڊجي ويو آهي. واشنگٽن پوسٽ موجب ڊونلڊ ٽرمپ صدر جي عهدي جي لاءِ 276 ووٽ اليڪٽورل کنيا جڏهن ته عهدي لاءِ 270 ووٽ اليڪٽورل گهربل هئا. ٻئي پاسي ڊيموڪريٽڪ پارٽي جي هيلري ڪلنٽن شڪست قبولي ورتي آهي. ۽هيلري ڪلنٽن شسڪت حاصل ٿيڻ بعد ميڊيا سان ڳالهه ٻولهه به نه ڪندي.  هيلڪري ڪلنٽن جي حمايت به شڪست قبولي ورتي آهي جڏهن ته شڪست بعد هيلري خطاب لاءِ نه پهتي، جنهن بعد حامي مايوس ٿي واپس موٽي ويا.هيلري ڪلنٽن ڊولنڊ ٽرمپ کي ٽيليفون ڪري چونڊن ۾ شڪست تسليم ڪئي ۽ ان کي مبارڪباد ڏني ان فتح کان پوءِ 70 سالن جو ڊونلڊ ٽرمپ وائيٽ هائوس ۾ ويندڙ آمريڪي صدر بڻجي ويو.

نئين چونڊيل آمريڪي صدر ڊونلڊ ٽرمپ چيو آهي ته رڳو ري پبلڪن جو نه پر ڊيموڪريٽڪ ۽ سمورن آمريڪين جو صدر آهيان، صدر چونڊجڻ جي لاءِ آمريڪي عوام جو ٿورائتو آهيان. دنيا ڄاڻي ڇڏي ته آمريڪي مفاد پهرين ترجيح هوندي، تنهن هوندي جيڪي قومون گڏ هلڻ چاهن انهن کي گڏ کڻي هلنداسين. چونڊن ۾ ڪاميابي کان پوءِ ٽرمپ هيڊڪوارٽر ۾ پهرين خطاب ۾ ڊونلڊ ٽرمپ چيو ته آمريڪا جي عظيم روايت کي اڳتي وڌائينداسين ۽ سڀني کي اڳتي کڻي هلنداسين.  آمريڪي ترقي جي لاءِ معاشي پيداورا به کي ٻيڻو ڪيو ويندو. عوام جي حمايت ۽ راءِ سان اڳتي وڌنداسين ۽ رنگ ۽ نسل کان هٽي آمريڪي عوام جي خدمت ڪنداسين. زبردست مقابلو ڪرڻ تي ڊيموڪريٽڪ اميدوار هيلري ڪلنٽن کي ڀيٽا پيش ڪيان ٿو.

ڊونلڊ ٽرمپ آمريڪا جو نئون صدر چونڊجڻ کانپوءِ هيلري ڪلنٽن جا حامي روڊن تي اچي ويا آهن، جن ڊونلڊ ٽرمپ خلاف نعريبازي ڪئي آهي، جڏهن ته پوليس ڪيترن ئي مظاهرو ڪندڙن کي گرفتار ڪري ورتو آهي. رپورٽن موجب آمريڪي صدارتي چونڊن ۾ ڊونلڊ ٽرمپ جي ڪاميابي کانپوءِ واشنگٽن، ڪيليفورنيا ۽ ٻين رياستن ۾ هيلري ڪلنٽن جي حامين احتجاجي مظاهرا شروع ڪري ڇڏيا آهن. واشنگٽن ڊي سي ۾ احتجاج ڪندڙن روڊ تي بيهي ٽريفڪ کي روڪي ڇڏيو ۽ ٽرمپ خلاف نعريبازي ڪندا رهيا، جڏهن ته ڪجهه ماڻهن وائيٽ هائوس ۾ داخل ٿيڻ جي پڻ ڪوشش ڪئي پر پوليس انهن کي روڪي ورتو. مظاهرو ڪندڙ ”نو مور ٽرمپ“ جا نعرا هڻي رهيا هئا، جڏهن ته انهن ٽرمپ جي پتلي کي پڻ باهه ڏئي ڇڏي. پرڏيهي ميڊيائي رپورٽن موجب لاس اينجلس، سان فرانسسڪو، سان ڊياگو ۽ ٻين رياستن ۾ پڻ ٽرمپ خلاف احتجاج ڪيو ويو.