تازيون خبرون

Daily Archives: October 7, 2016

شان جي فلم “اپريشن 021” ٻيهر نماءُ لاءِ لڳائي وينديڪراچي (شوبز نيوز) 2014ع ۾ لڳائي ويندڙ اداڪار شان جي فلم آپريشن 021 ٻيهر نماءُ لاءِ لڳائي ويندي.فلم آپريشن 021 تمام گهڻو ڪمايو هو،ان ڪري فلمي تنقيدي ماهرن ان فلم کي گهڻو ساراهيو ۽ سٺي فلم قرار ڏنو/ڏسو صفحو 3 بقايا نمبر 01 .ڪهاڻي ڪجهه ڌار ۽ اداڪارن فلم سان سٺو انصاف ڪيو،فلمساز جامي فلم جي بيهر نماءُ تي خوشي جو اظهار ڪيو.ز

ڪراچي (شوبز نيوز) 2014ع ۾ لڳائي ويندڙ اداڪار شان جي فلم آپريشن 021 ٻيهر نماءُ لاءِ لڳائي ويندي.فلم آپريشن 021 تمام گهڻو ڪمايو هو،ان ڪري فلمي تنقيدي ماهرن ان فلم کي گهڻو ساراهيو ۽ سٺي فلم قرار ڏنو ڪهاڻي ڪجهه ڌار ۽ اداڪارن فلم سان سٺو انصاف ڪيو،فلمساز جامي فلم جي بيهر نماءُ تي خوشي جو اظهار ڪيو.

 

“دي اسپيس بِٽوين اس” جو نئون ٽريلر اچي ويو

آمريڪا (شوبز نيوز) ڇرڪائيندڙ واقعن سان ڀريل نئين هالي ووڊ سائنس فڪشن فلم“دي اسپيس بِٽوين اس” جو نئون ٽريلر اچي ويو آهي.فلم جي ڪهاڻي اهڙي نوجوان تي ٻڌل آهي ،جنهن جو ڄم مريخ تي ٿيو آهي،ان ڪري هوائي ۾ اڏامندڙ پيءُ ماءُ جي مريخ تي رهڻ جي ڪري هو زمين تي نٿو ڏسي سگهي.ان ئي دوران مريخ مان انٽرنيٽ استعمال ڪندي هن جي سنگت هڪ اسڪول جي ساگرد سان ٿئي ٿي،جنهن کانپوءِ هي ڇوڪرو زمين تي وڃڻ جو پڪو ارادو ڪري ٿو.

 

پاڪستان پهريون ڀيرو ويمنز ايشيا ڪپ ڪواليفائيز جي سيمي فائينل ۾ پهچي ويو

بينڪاڪ (اسپورٽس نيوز) ڪرڪيٽ کانپوءِ هاڻي هاڪي جي ميدان ۾ به سٺي خبر اچي وئي، ويمنز ايشيا ڪپ ڪواليفائيز ۾ پاڪستان پهريون ڀيرو سيمي فائينل ۾ پهچي ويو.ذريعن مطابق اڄ پاڪستان ۽ سنگاپور جي ٽيمن وچ ۾ ميچ کيڏيو ويو،جيڪو هڪ هڪ گول سان برابر رهيو هو،پوائنٽس جي بنياد تي ٿيندڙ فيصلي پاڪستان کي سيمي فائينل تائين پهچايو.پاڪستان پاران اڪيلو گول افشان نورين ڪيو.

 

ڏکڻ آفريڪا آسٽريليا کي ٽئين ون ڊي ۾ مات ڏئي سيريز کٽي ورتي

ڊربن (اسپورٽس نيوز) ڏکڻ آفريڪا آسٽريليا کي ٽئين هڪ ڏينهن واري ميچ ۾ مات ڏئي 5 ميچن تي ٻڌل سيريز 0-3 تان پنهنجي نالي ڪري ورتي. ڊربن جي ڪنگز ميڊ اسٽيڊيم ۾ کيڏيل ميچ ۾ مهمان آسٽريليا پهريان بيٽنگ ڪندي ڏنل50 اوورن ۾ 6 وڪيٽن جي نقصان تي 371 رنسون ٺاهيون، جڏهن ته پروٽيز ڊيوڊ ملر جي بنا آئوٽ ٿيڻ جي تيز سينچري سبب مليل هدف 6 وڪيٽن تي حاصل ڪري ورتو.

 

امام حسين عليه السلام جي عظمت ۽ سوره ڪوثر:  اعجاز ممنائي

قرآن مجيد جي سوره الڪوثر جي باري ۾ مفسرين مختلف راءِ پيش ڪئي آهي ڪي چون ٿا ته ڪوثر مان مراد حوض ڪوثر آهي اها راءِ سڀ کان وڌيڪ مشهور آهي ان جو ڪافي جيّد علمائن پڻ ذڪر ڪيو آهي ليڪن جيڪڏهن اسان حوض ڪوثر جي باري ۾ آيل آيتن جو مطالعو ڪريون ته تقريبن مڙني روايتن ۾ حوضِ ڪوثر جو لفظ استعمال ٿيو آهي ڪٿي به ڪوثر لفظ نه آيو آهي ان ڳالهه کي مدِنظر رکندي چئي سگھجي ٿو ته هن آيت ۾ ڪوثر مان مراد ڪا ٻي شيءِ آهي جيڪا الله تعاليٰ محمّد وآل محمّد عليهم السّلام کي عطا ڪئي آهي اهڙي طرح تحقيقي مطالعي ۾ عربي گرامر جي اعتبار کان حوض الڪوثر ۾ حوض مضاف آهي ۽ الڪوثر مضاف اليه آهي ۽ ڪوثر جي حوض جي ذريعي سان تفسير ڪرڻ مضاف اليه جي تفسير مضاف سان ڪرڻ آهي ۽ اهو عربي گرامر جي لحاظ کان عجيب ۽ نادر آهي ها باقي عربي گرامر ۾ مضاف جي تفسير ۽ تعين مضاف اليه سان ڪئي وڃي ٿي اهڙي طرح اهو چوڻ به غلط نه آهي انا اعطيناڪ الڪوثر ۾ لفظ ڪوثر کان اڳ حوض محذوف ۽ مقدر آهي ڇوته ڪنهن شيءِ جو مقدور ۽ محذوف قرار ڏيڻ ڪنهن اهڙي علامت جو محتاج آهي جيڪو ان جي مقدور ۽ محذوف تي دلالت ڪري جڏهن ته هن سوره ۾ ڪابه اهڙي علامت ناهي جيڪا ان ڳالهه تي دلالت ڪري ته هتي الڪوثر مان مراد حوض ڪوثر آهي ٻي راءِ اها آهي ته هن سوره ڪوثر مان مراد ذريت رسول خدا آهي ان جو دليل اهو آهي ته هن سوره جي پهرين آيت ۾ آهي انا اعطينٰڪ الڪوثر يعني بيشڪ اسان توکي ڪوثر عطا ڪئي ۽ آخري آيت ۾ آهي ته انّ شانئڪ هوالابتر يعني بيشڪ تنهنجو نسل بي نسل آهي ان راءِ جي تائيد ۽ تصديق اهي اقوال ڪن ٿا جن ۾ چيو ويو ته هن سوره جي نازل ٿيڻ جو سبب اهو آهي ته رسول خدا صه جن جي فرزند کان پوءِ يا فرزند جي وفات کان اڳ هڪ ملعون کين بي نسل سڏيو جنهن تي خداوند ڪريم کي جلال اچي ويو ۽ هيء سوره نازل فرمائي ۽ گستاخ رسول کي بي نسل ۽ رسول خدا کي ڪثير اولاد جي خوشخبري ڏني .ٽين راءِ مطابق ڪوثر مان مراد تمام گھڻيون نيڪيون ڪرڻ وارو ۽ زياده عطا ڪرڻ وارو آهي بس معنيٰ جي اعتبار ڪوثر مان مراد ڪا اهڙي مخصوص ۽ معين شخصيت آهي جنهن جي باري ۾ رسول خدا صه جن کي الله تعاليٰ مخاطب ٿي فرمائي رهيو آهي ”بيشڪ اسان توکي ڪوثر عطا ڪيو آهي “ڪوثر جي تشريح ۽ تفسير ۾ وارد هجڻ وارين راين ۾ هيء روايتون مشهور هيون جن جو ذڪر مٿي ڪيو ويو آهي جڏهن ته ڪجهه رايتن ۾ ملي ٿو ته حضرت امام حسن عليه السلام جي شهادت کان پوءِ تمام گھڻي جود و سخا ۽ ڪرم جي ڪري امام حسين عليه السلام کي ماڻهو الڪوثر جي لقب سان ياد ڪندا هئا انهن روايتن کي مدنظر جيڪڏهن سوره الڪوثر مان مرد امام حسين عليه السلام کي ورتو وڃي ته غلط نه هوندو خاص طور تي ان سلسلي ۾ جن اقوالن ۽ مشهور روايتن جو اسان ذڪر ڪيو آهي اهي سڀ جو سڀ امام حسين عليه السلام طرف واپس اچن ٿيون ۽ انهن مڙني روايتن جو محور به امام حسين عليه السلام جن جي ذات ۽ شخصيت ئي آهي چاهي ڪوثر مان مراد حوض ڪوثر ورتي وڃي يا ڪوثر مان مراد ڪثرت ذريت ورتي وڃي يا ڪوثر مان مراد زياده نيڪي ڪرڻ وارا  ۽ تمام گھڻو عطا ڪرڻ يا بخشش وارو ورتو وڃي اهي تمام معنائون امام حسين عليه السلام جي ذات اقدس جي مناسبت سان تعلق رکن ٿيون جيڪڏهن ڪوثر مان مراد ڪثرت ذريت آهي ته رسول الله جي ڪثرت اولاد ۽ ذريت امام حسين عليه اسلام جي صلب مان آهي اگر ڪوثر مان مراد ڪثريت خير ۽ ڪثرت عطا آهي ته امام حسين عليه السلام جي جود و سخا ۽ اعمال خير ونيڪي جي روايتن سان ڀري پئي آهي اهڙي طرح جيڪڏهن ڪوثر مان مراد حوض ڪوثر آهي ته به ان ۾ ڪو شڪ نه آهي ته امام حسين عليه السلام پنهنجي مقدس انقلاب ذريعي تمام مسلمانن بلڪه عالم انسانيت لاءِ حوض ڪوثر تي پهچڻ جو رستو نهايت آسان ۽ وسيع ڪري ڇڏيو آهي ۽ ان ۾ به ڪوئي شڪ نه آهي ته  ساقيانِ ڪوثر ۾ امام حسين عليه السلام به شامل آهن بس اهي تمام معنائن جو مرڪز ۽ محور امام حسين عليه السلام جن آهن ڇوته امام حسين عليه السلام پنهنجي مقدس انقلاب جي ذريعي ڪوثر جي تمام معنائن ۾ هر ڀلائي جا مصداق آهن اها امام حسين عليه السلام جن ذات مقدس ئي آهي جن اسلام جي بقا ۽ دين جي احياءَ جي لاءِ هر طرح جي قرباني ڏئي قيامت تائين اهڙو انقلاب برپا ڪري ڇڏيو جنهن جو مثال ملڻ مشڪل آهي هيءُ انقلاب اهڙي دور ۾ برپا ٿيو جڏهن بني اميه ۽ ان جي نمڪ خوار دين اسلام کي ختم ڪرڻ لاءِ تمام تر وسائلن کلي ختم ڪرڻ کان پوءِ اهو گمان ڪرڻ لڳا هئا ته انهن دين اسلام ۽ رسول اڪرم صه جي ڏنل تمام تعليمات کي ختم ڪري ڇڏيو آهي ۽ حالات اتي وڃي پهتا ته يزيد ابن معاويه ملعون اعلانيه طور تي ڪفر ۽ شرڪ جو هن لفظن ۾ اعلان ڪرڻ لڳو ته” بني هاشم حڪومت خاطر ڊرامو ڪيو آهي نه ئي ڪا خبر آئي آهي نه ئي ڪو وحي نازل ٿيو آهي “ يزيد ملعون اهو سمجهيو هو ته شايد ان جي اها زبان ڳالهائڻ سان خدا جي دين ۽ رسالت جو خاتمو اچي ويندو لهٰذا ان اعلانيه طور تي سرعام رسالت ۽ وحيءَ جو انڪار شروع  ڪري ڇڏيو ۽ واقعه ڪربلا کان پوءِ ابن زبعري جي يوم احد وارو هيءُ شعر پڙهڻ لڳو:

ليت اشياخي ببدر شهدوا

جزع الخزرج من وقع الاسل

يعني : ڪاش جنگ بدر ۾ مرڻ وارا منهنجا بزرگ ڏسن ته نيزن تي سوار (جنگ احد) ۾ قبيله خزرج کي ڪيئن شڪست ملي آهي تاريخ جي ڪتابن ۾ يزيد ملعون جا ان کان سواءِ به ڪيترا ئي ڪفر آميز شعر ملن ٿا جن مان مشهور هنن ڪتابن ۾ آهن 1:سيرت النبويته مولف ابن هشام جلد 3 صفحه 143، مقتل الخوازمي جلد 2 صفحه 58، الفتوح جلد 2 صفحه 182، مناقب لا بن شهر آشوب جلد 4 صفحه 144 وغيره

يزيد اهو سمجھندو هو ته هن اسلام جو خاتمو آڻي ڇڏيو آهي پر اسلام اڄ ڏينهن تائين پنهنجي تعليمات سان گڏ باقي آهي ۽ قيامت تائين باقي رهندو دنيا جو ڪوبه اهڙو شهر، ڳوٺ ،واهڻ يا وستي ناهي جتي اشهد ان لا الٰه الا الله ۽ اشهد ان محمد الرسول الله جو ذڪر نه ٿيندو هجي ڇوته فتح اها ناهي ته انسان ويڙهه جي ميدان مان محفوظ واپس موٽي اچي يا پنهنجي مخالف کي قتل ڪري اچي پر فتح اها آهي ته پنهنجي مقصد کي اڳتي وڌائي ۽ دشمن کي سندس مقصد حاصل ٿيڻ نه ڏئي جيئن مولا اميرالمومنين امام علي عليه السلام جن نهج البلاغه ۾ فرمايو ته ”جنهن تي گناهه فتح حاصل ڪئي اهو فاتح ناهي ۽ برائيءَ ذريعي فاتح حقيقتن ۾ هارايل آهي “ انڪري امام حسين عليه السلام ۽ سندسن ساٿي هڪ خوني ويڙهه ۾ شهادت جي عظيم نور تائين پهتا ۽ ان سان گڏوگڏ پنهنجو مقدس حدف هر طرح سان ان شهادت ذريعي حاصل ڪيائون سندن مقصد هي هو ته پنهنجي ذميواري ادا ڪن ۽ بني اميه جي اسلام دشمن ۽ دور جاهليت مطابق هلندڙ حڪومت جا وکا پڌرا ٿين ۽ مسلمانن جي عام سوچ جاڳي پئي امام حسين عليه السلام ۽ ان جا ساٿي ان مقصد ۾ مڪمل طور ڪامياب ٿي ويا اموي سردارن ۽ قاتلانِ امام جي ذلت ان حد تائين وڃي پهتي جو آخر ڪجهه سالن گذرڻ بني اميه جي ماڻهن جي اها جرئت نه رهي جو پنهنجو تعارف ڪرائي پر سندن مردن جا لاش قبرن مان ٻاهر ڪڍي ساڙيا ويا ڪربلا جي واقعي کان اڳ جهڙي طرح ان خبيث خاندان کي امت ۾ عروج ٿي مليو ڪربلا جي واقعي کان پوءِ جلد ئي ابوسفيان جي خاندان جا تختا نڪري ويا پروفيسر نيڪلسن تاريخ سياسي اسلام جلد 1 ۾ لکي ٿو ته ڪربلا جو حادثو خود بني اميه لاءِ پريشاني ۽ پشيمانيءَ جو سبب بڻجي ويو سڀ حق جا پيروڪار امام حسين عليه السلام جي انتقام لاءِ هم زبان ٿي ويا ڇوته امام حسين عليه هڪ جسم جو نالو نه پر هڪ مڪتب جو نالو آهي جيڪو سر ڪٽجڻ کان وڌيڪ سربلند ٿيو ڪربلا جي ميدان تي امام حسين عليه السلام جو بدن خون سان رنگين ٿيو ۽ سندس حق ٻوليندڙ زبان خاموش ڪئي ويئي پر حقيقت ۾ امام حسين عليه السلام اڳ کان به وڌيڪ دنيا ۾ گونجندو رهيو ان عظيم انسان پنهنجي شهادت ذريعي تاريخ ۾ هلچل ۽ زبردست انقلاب برپا ڪري ڇڏيو جنهن يزيد ۽ يزيديت کي ذليل ۽ خوار ڪري ڇڏيو جيئن ڪنهن شاعر خوب چيو آهي :

حسان، حسين به ظاهر اگرچه شد مغلوب ، شڪست اوست ڪه در گرزمانه پيروزاست

زخون سرخ قلبت نوري جهيدن گرفت ، ڪه ظلمت جهل را، صاعقه آسا برد

اي حسان ، ظاهر ۾ حسين شڪست کاڌي پر سندس ئي شجست آهي جيڪا هر دور ۾ فاتح آهي پنهنجي دل جي ريٽي رت مان نوري لاٽ ٻري جنهن جهالت جي اونداهه کي چمڪاٽ وانگر ٽوڙيو.

 

 

 

ڪراچي مان هٿ آيل هٿيارن جي کيپ…

ڪراچي پوليس جي تاريخ ۾ سڀ کان وڏي هٿيار هٿ ڪرڻ جي ڪارروائي، محرم الحرام جي دهشتگردي جي منصوبي کي ناڪام بڻائي ڇڏيو.  ايڊيشنل آءِ جي ڪراچي پوليس مشتاق احمد مهر نائن زيرو ۽ ڀرپاسي مان نيٽو جا هٿيار هٿ اچڻ کانپوءِ چيو آهي ته ڪارروائي ۾ نائن زيرو جو نالو اچڻ کانپوءِ ان ۾ ملوث پارٽي جو نالو وٺڻ جي ضرورت ناهي. هٿ آيل هٿيارن ۾ نيٽو جا هٿيار به شامل آهن، جن ۾ اينٽي ايئرڪرافٽ گنون به هٿ ڪيون ويون آهن،  هٿيار هڪ سياسي پارٽي جي آفيسن مان هٿ آيا آهن. ڪارروائي ۾ هٿ آيل نيٽو هٿيارن جي خريداري ۾ وڏن وڏن ماڻهن جا نالا اچي رهيا آهن. ڪارروائي دوران هٿ آيل هٿيارن ۾ بلٽ پروف جيڪيٽون ۽ هيلميٽ به شامل آهن. سياسي پارٽي جي ڪارڪن جي نشاندهي تي ڪارروائي ڪئي وئي آهي. هٿيار محرم الحرام دوران استعمال ٿيڻا هئا. اي آءِ جي هٿ آيل هٿيارن جا تفصيل ٻڌائيندي چيو ته اربع جي ڏينهن صبح جو 5 وڳي عزيز آباد ۾ گهر تي ڇاپو لڳايو ويو، جتي پاڻي جي ٽينڪي مان هٿيار هٿ ڪيا ويا آهن، هٿيارن ۾ 84 آر پي جي راڪيٽس، 85 آر پي جي فيوز، 10 هزار رائيفل گرنيڊ، 200 هينڊ گرنيڊ، 10 جي ٿري، 11 سيون ايم ايم، هڪ ايم 16، 39 ايل ايم جيز، 9 آر پي جيز سيون، 82 ايس ايم جيز، 11 اينٽي ايئرڪرافڪٽ گنز، ٽي  7.12 ايم ايم گنز ۽ مختلف قسمن جي ساڍا 6 لک گوليون شامل آهن، جن کي 9 ۽ 10 محرم تي دهشتگردي جي لاءِ استعمال ڪرڻو هو. هوڏانهن آءِ جي سنڌ پوليس اي ڊي خواجه پاران هٿيار هٿ ڪندڙ پوليس پارٽي لاءِ 10 لک رپيا انعام جو اعلان ڪيو آهي.  پوليس جو چوڻ آهي ته جنهن گهر مان هٿيار هٿ آيا آهن، اها شهر جي تاريخ ۾ هن وقت تائين ڪنهن به ڪارروائي ۾ نه هٿ آيا آهن، هٿ آيل هٿيارن جي کيپ کي ٽن ٽرڪن ۽ پوليس موبائيلن ۾ منتقل ڪيو ويو آهي، جنهن گهر مان هٿيار هٿ آيا آهن اهو گهر شيخ نعيم الله شخص جي نالي تي آهي، گذريل ٻن سالن کان بجلي جو بل ادا ناهي ڪيو ويو، گهر جي هڪ مٽيءَ سان ڀريل ڪمري ۾ ڪلينڊر به لڳل آهي، جنهن  سان اندازو ٿئي ته گهر ۾ جنوري 2015ع کان اڳ ڪنهن خاندان جي رهائش هئي۔.

 

سنڌ جا چونڊيل نمائنده ۽ مسئلا:شاهد علي راڄپر

دنيا ۾ يا ته سنڌ جهڙا حڪمران نه آهن يا وري سنڌ ۾ دنيا جي ٻين ملڪن جهڙا حڪمران نه آهن، شايد ئي ڪو اهڙو ملڪ يا رياست هوندي جتي جو عوام عذابن ۾ هوندو، باقي ترقي يافتا ملڪن جا سربراھ عوام سان اهڙا ته سچا آهن جيئن پنهنجو پيءُ ۽ ماءُ پنهنجن ٻچن سان سچو هجي، جيڪي پنهنجي ملڪ ۽ قوم لاءِ جاکوڙيندا آهن، ٻين ملڪن کي يا رياستن کي ته ڇڏجي ٿو پر اسان جي پياري پاڪستان ۾ مڙني صوبن ۾ طرز حڪمراني الڳ الڳ آهي، سنڌ جي بنسبت ڏٺو وڃي ته پنجاب جي طرز حڪمراني بهتر آهي جتي وزير اعيٰ هر اشو تي ايڪشن وٺي ٿو، ٻڌو آهي ته هو اوچتو اوچتو ڪڏهن ٿاڻن تي ته ڪڏهن اسپتالن ۾ ته ڪڏهن اسڪولن ۾ سائيڪل يا اسڪوٽر تي چڙهي ڇاپا هڻي ٿو ۽ ڪوتاهي ڪندڙن کي وقت تي سزا به ڏئي ٿو، پر سنڌ جا حڪمران اگھور ننڊ ستل آهن نئين سنڌ جي وزير اعليٰ مان کوڙ ساريون اميدون هنيون ۽ آهن پر هن مهل تائين شاھ صاحب سيمينارن ۽ اجلاسن ۽ گڏجاڻين ۾ سکڻن اعلانن کان سواءِ ڪو به تعريف لائق ڪم نه ڪيو آهي، سنڌ ۾ ڪو به اهڙو ڏينهن نه آهي جنهن ڏينهن سنڌ جي عوام پنهنجي حقن لاءِ احتجاج يا مظاهرا نه ڪيا هجن، ڏٺو وڃي ته سنڌ جي وڏي وزير ملازمن کي ته بحال ڪيو پر انهن کي اعلان کان سواءِ ڪجھ به نه مليو آهي، پ پ پ جي گذريل دور ۾ تعليم کاتي ۾ پير مظهر جي تعليم واري وزارتي دور ۾ 2011 ۾ تعليم کاتي ۾ سنڌ ۾ مختلف ڊويزنن ۾ ڪاليجز سائيڊ ۾ ملازم ڀرتي ڪيا جڏهن ته سکر ڊويزن کان سواءِ مڙني ڊويزنن جا ڪاليجز سائيڊ جا ملازم پگھارون کڻي رهيا رهيا آهن پر سکر ڊويزن جا ملازم پگھارن کان محروم آهن ۽ لڳاتار پنجن سالن کان پگھارون نه ملڻ جو دانهون ڪري رهيا آهن پر ڪو به سندن داد رسائي ڪرڻ وارو نه آهي ۽ لڳي ٿو ته سنڌ جو هاڻوڪو وڏو وزير اخبارون ته مرڳو ئي ڪونه پڙهندو آهي جو ڪري ايڪشن وٺي انهن ملازمن جي داد رسائي ڪري جيڪي پنجن سالن کان نه عيدن ڪري رهيا آهن نه ئي ڪا خوشي ملهائي رهيا آهن لڳي ٿو ته انهن کي پ پ پ گورنمينٽ ان ڳالھ جي سزا ڏئي رهي آهي ته هنن پنهنجو قيمتي ووٽ پ پ پ کي ڏئي ڪامياب ڪرايو، هي ته هڪڙا وڏا چيلنجز آهن جن کي اگر سنڌ جو وڏو وزير حل ڪري ٿو ته پوري سنڌ جو هيرو ٿي ويندو، پر وزير اعليٰ صاحب ته شايد اخبارون ئي نه ٿو پڙهي جو هن کي سنڌ جي مسئلن جي ڄاڻ ملي ۽ هو حل ڪري، ٺاروشاھ شهر ساهتي پرڳڻي جو سهڻو ۽ نوشهرو فيروز ضلعي جو زراعت ۽ ڪاروبار جي حيثيت سان ڪرنگھي جي حيثيت رکندڙ شهر آهي، هن شهر جا ته کوڙ سارا مسئلا آهن جن کي وقت سر پيش ڪيو ويندو پر هيلٿ جو مسئلو سنگين مسئلو آهي، ٺاروشاھ شهر کي آبادي جي لحاظ سان تعلقو بڻايو وڃي ته ڏاڍو ڀلو پر رڳو ٽائون جون سهولتون ڏنيون وڃن ته به ٺاروشاھ واسين لاءِ ڪافي آهن، ٺاروشاھ شهر کي رورل هيلٿ سينٽر 1884ع ۾ ڏنو ويو جنهن تقريبن 34 سال گذري ويا آهن پر هن اسپتال کي ٽائون جون سهولتون نه ملي سگھيون آهن، جڏهن ته اسپتال جون ديوارون ٽٽل آهن ۽ ڀرسان ئي گندي پاڻي جو وڏو تلاءُ آهي جنهن جي بدبوءِ سڄي اسپتال ۾ پکڙيل آهي جنهن سبب اسپتال ۾ ايندڙ مريضن توڙي رهندڙ عملي کي پڻ شديد تڪليف کي منهن ڏيڻو ٿو پوي جڏهن ته ٽٽل ديوارن جي ڪري گندگي جا پڻ ڍير اسپتال ۾ آهن ان سان گڏ رورل هيلٿ سينٽر شهر جي رولو ڪتن ۽ گڏهن جي پڻ آرام گاھ بڻيل آهي، ٺاروشاھ جي اسپتال ۾ ڊاڪٽرن جي پڻ کوٽ آهي ۽ جن ڊاڪٽرن ۽ ڊاڪٽرياڻي جي ڊيوٽي اسپتال ۾ لڳل آهن اهي هڪ ته اسپتال ايندا نه آهن اگر ايندا آهن ته مسٽرول تي حاضري ڀري وري روانا ٿي ويندا آهن.

مريضن يا زخمين جي سهولت لاءُ ڏنل ايمبولينس پڻ عوام بجاءِ اسپتال جي سونهن وڌائڻ لاءِ هوندي آهي ۽ ڊرائور هميشه غيرحاضر هوندو آهي زريعن وٽان معلوم ٿيو آهي ته ايمبولينس ڊرائيور زخمين يا ايمرجنسي جي مريضن اهو چئي موٽائي ڇڏيندو آهي ته مان پاڻ بيمار آهيان ۽ مٿو ڦري ٿو ، جڏهن ته اسپتال جي اهڙي عملي ۽ ناقص انتظامن خلاف سياسي تو سماجي تنظيمن بار بار احتجاج ڪيا آهن پر هن مسئلي طرف ڪنهن به ڌيان نه ڏنو آهي ،ٺاروشاھ جي اسپتال ۾ ٺاروشاھ کان سواءِ آسپاس اڇي مسجد، ڳوٺ حسين ڪلهوڙو، سومر چنڙ، کاھ جاگير، ڳوٺ الهرکيو راڄپر، پير بخش اڄڻ، جمال اڄڻ، لونگ راڄپر، ڳوٺ نظير راڄپر، مولهڻ، ڀورٽي، مڃٺ، نيو مڃٺ، تڳر، درٻيلو ۽ ٻين علائقن مان ماڻهون ايمرجنسي جي صورت ۾ ايندا آهن، پر اڪثر ڪري ٺاروشاھ رورل هيلٿ سينٽر ۾ اسٽور ڪيپر شعبان تنيو ۽ ايڪسري ٽيڪنيشن ٻاٽ کان علاوه ڊاڪٽر به غير حاضر هوندا آهن، ۽ پرچي تي اصغر ابڙو ويٺو هوندو آهي ۽ وڏي ايمرجنسي ۾ لوڪل ڊاڪٽر سليمان خانزادو کي گھرايو ويندو آهي جيڪو ڏسڻ سان ئي معلوم ٿيندو آهي ته ڪو مريض آهي يا وري ڪو مينٽل آهي جنهن کي نه عورتن سان ڳالهائڻ ايندو آهي نه ئي وري معصوم ٻارن سان جڏهن ته اڄ جمعي جي ڏنهن عورتن احتجاج پئي اسپتال جي سامهون رڪارڊ ڪرايو ته ڊاڪٽر سليمان عورتن کي دڙڪا ڏئي چوڻ لڳو ته ميڊيا وارا آهن ڇا ۽ ڪير ٿيندا آهن؟، جڏهن ته ڊاڪٽر سليمان جي اهڙي رويي خلاف زبيدا سولنگي، ضميران سولنگي، رابيعا پٺاڻ ۽ ٻين عورتن چيو ته اسان سنڌ جي وڏي وزير، صحت واري وزير سميت اعليٰ اختيارين ۽ سيڪريٽري صحت کي اپيل ٿيون ڪريون ته ڊاڪٽر سليمان خانزاده کي هٽائي يا بدلي ڪري هن جي جاءِ ٻيو ڪو ڊاڪٽر رکي ڊاڪٽر سليمان جو ميڊيڪل ڪرايو وڃي ته هي مينٽل ڊاڪٽر واقعي مينٽل آهي يا چريو ٿيڻ جو ڍونگ ڪري رهيو آهي، جڏهن ته آبادي جي لحاظ سان ٺاروشاھ رورل هيلٿ سينٽر کي اپگريٽ ڪري سول هاسپيٽل ڪرڻ جي ضرورت آهي، هن اسپتال ۾ هڪ ايڪسري ٽيڪنيشن آهي جنهن کان الٽراسائونڊ جو ڪم به ورتو وڃي ٿو، جڏهن ته ٺاروشاھ اسپتال ۾ عورتن جي چيڪپ لاءِ پڻ ڪا عورت ٽيڪنيشن موجود نه آهي ۽ عورتن جو ايڪسري ۽ الٽرا پڻ مرد کان ڪرايو وڃي ٿو، جڏهن ته ايمرجنسي جي صورت ۾ آيل مريضن کي فرسٽ ايڊ ڏيڻ کان سواءِ ئي نوشهروفيروز ريفر ڪيو وڃي ٿو جن مان جن جي رڳن ۾ ڪجھ ساھ آهي ته نوشهروفيروز اسپتال پهچي وڃن ٿا باقي ڪافي قيمتي جانيون ته رستي تي ئي تڙپي تڙپي مريو وڃن ٿيون، جڏهن ٺاروشاھ رورل هيلٿ سينٽر ۾ روڊ ايڪسيڊنٽ جوزخمي اچي ٿو ته ان کي روڊ جي انجيڪشن ٻاهران وٺي اچڻ جو چيو وڃي ٿو جڏهن زخمي جا واث احتجاج ڪن ٿا ته انهن کي اهو چئي چپ ڪرايو ٿو وڃي ته ڊي ايڇ او دوائون نه ٿو ڏئي ان خلاف احتجاج ڪريو اسان وٽ روڊ ايڪسيڊنٽ نه پر ڪتن جي ڏاڙهڻ کان هڻڻ واري انجيڪشن موجود آهي ۽ وري جڏهن ڪتي جو چڪيل ڪو زخمي اچي ٿو ته ان کي وري اهو چئي مطمئن ڪري روانو ڪيو وڃي ٿو ته اسان وٽ ڪتي جي نه پر نانگ جي ڪکڻ واري انجيڪشن آهي اهڙي ريت ٺاروشاھ ۽ آسپاس جي رهواسين کي بيوقوف بڻائي مامو ڪيو وڃي ٿو، جڏهن ته ٺاروشاھ شهرين جي شڪايتن تي جڏهن ميڊيا جي ٽيم رورل هيلٿ سينٽر تي وئي ته اتي موجود ڊاڪٽر کان پڇيو ويو ته اسپتال جو ايم ايس ڪاٿي آهي ته ان وراڻيو ته ايم ايس مان آهيان ۽ اسپتال جو مالڪ به مان آهيان اهو ڪو ٻيو نه پر ڊاڪٽر سليمان خانزادو هو جنهن جي نالي عورتون احتجاج ڪري رهيون هيون، ان کان پڇيو سين ته اسپتال ۾ ڊاڪٽر ۽ ليڊي ڊاڪٽرز گھڻا آهن ته ان چيو ته ڊاڪٽرن يا ليڊي ڊاڪٽرز جي ڊيوٽي مان ڪريان ٿو مان هتي جو پراڻو ڊاڪٽر آهيان مون نه هتان جو ايم اين اي ڪجھ ڪري سگھي ٿو نه ئي ايم پي اي هنن گھڻيون ڪوششون ڪيون پر ناڪام ويا، مان ايم ڪيو ايم جو خاص آهيان جنهن کان ڊي ايڇ او ته ڇا پر سنڌ حڪومت به تڪڙ نه ڪندي آهي مون کي ڪنهن جي به پرواھ نه آهي، جڏهن هن جون اهڙيون ڳالهيون ٻڌيون ته اسان به خاموش رهياسين، اهڙو ماڻهون جنهن کي اها خبر نه آهي ڇا ڳالهائڻو آهي ۽ ڪاٿي ڳالهائڻو آهي جي خبر نه آهي ان کي انسانن جي زندگين سان کيڏڻ لاءِ ٺاروشاھ جي اسپتال سونپي وئي آهي اها ڏسي واقعي به محسوس ٿئي ٿو ته سنڌ جا حڪمران ۽ ڪامورا ڪيڏا نه عوام سان سچا آهن جن اهڙا ماڻهون رکي عوام جي خدمت ته نه ٿا ڪن پر عوام کي وڌيڪ عذاب ڀوڳڻ تي مجبور ڪيو پيو وڃي، خبر نه آهي ته سنڌ سان گڏ ٺاروشاھ جي حالت ڪڏهن سڌرندي.؟