تازيون خبرون

Daily Archives: October 4, 2016

”شوائي“ ۾ ڪو به پاڪستاني اداڪار ڪم نه پيو ڪري: اجي ديوگن

ممبئي (شوبز نيوز) بالي ووڊ اداڪار اجي ديوگن چيو آهي ته سندس نئين ايندڙ فلم ”شوائي“ ۾ ڪو ٻيو پاڪستاني اداڪار ڪم نه پيو ڪري. رپورٽ موجب پاڪستاني اداڪارا صبا قمر بابت خبرون اچي رهيون هيون ته هوءَ فلم ”شوائي“ جي ڪاسٽ جو حصو آهي پر اڙي واقعي کانپوءِ ڀارت طرفان پاڪستان بابت تڪراري بيان ڏيڻ بعد هندو انتهاپسندن پاڪستاني اداڪارن تي پابندي جو مطالبو ڪيو هو، جنهن دٻاءَ سبب اجي ديوگن به اهڙو بيان ڏيڻ تي مجبور ٿي پيو آهي. ان حوالي سان اجي ديوگن جو چوڻ هو ته منهنجي ايندڙ فلم ”شوائي“ ۾ صبا قمر سميت ڪو به پاڪستاني اداڪار ڪم نه پيو ڪري.

 

ڪرينا ڪپور ٿاڻي پهچي وئي، چوري جو ڪيس داخل

ممبئي (شوبز نيوز) ڪرينا ڪپور جي ماءُ بنجڻ جو وقت ويجهو اچي رهيو آهي، پر روايتي طور آرام ڪرڻ بدران مسلسل فلمي ۽ غير فلمي سرگرمين ۾ مصروف آهي، بهرحال ڪجهه ڏينهن اڳ هن کي هڪ اهڙي پريشاني کي منهن ڏيڻو پيو، جنهن سبب هو پوليس سان رابطو ڪرڻ تي مجبور ٿي پئي. ڀارتي ميڊيا موجب ڪرينا ڪپور ممبئي جي بي ڪي سي پوليس اسٽيشن ۾ سي اي پرڪاش ٺڪر نالي شخص جي معرفت رپورٽ داخل ڪرائي آهي، جنهن ۾ چيو ويو آهي ته ڪنهن هن جي پرميننٽ اڪائونٽ نمبر ۽ ان جي پاس ورڊ کي استعمال ڪندي جعلي انڪم ٽيڪس گوشوارا جمع ڪرايا آهن. رپورٽ ۾ چيو ويو آهي ته پوليس ملڪ جي قانون موجب هن جو پي اي اين اڪائونٽ هيڪ ڪرڻ ۽ ان جو پاس ورڊ چورائڻ ۾ شامل شخصن خلاف قانوني ڪارروائي ڪري.

 

قومي ڊس ايبلڊ ٽيم هلندڙ مهيني 5 ملڪي ون ڊي ڪرڪيٽ چيمپيئن شپ ۾ شامل ٿيندي

اسلام آباد (اسپورٽس نيوز) قومي ڊس ايبلڊ ٽيم هلندڙ مهيني پنج ملڪي ون ڊي ڪرڪيٽ چيمپيئن شپ ۾ شرڪت ڪندي. ايونٽ 18 کان 25 آڪٽوبر تائين دبئي ۾ کيڏيو ويندو. پاڪستان ڊس ايبلڊ ڪرڪيٽ ايسوسيئيشن سيڪريٽري امير الدين انصاري اي عملي سان ڳالهائيندي ٻڌايو ته انٽر نيشنل ڪرڪيٽ ڪائونسل اڪيڊمي چيمپيئن شپ ڪوٺائڻ جو فيصلو ڪيو آهي. جنهن جو مقصد ڪنهن جسماني معذوري جو شڪار رانديگرن جي حوصلا افزائي ڪرڻ آهي. هن ٻڌايو ته چيمپيئن شپ جي تياري جي سلسلي ۾ قومي رانديگرن جو تربيتي ڪيمپ ڪراچي ۾ جاري آهي ۽ حتمي ٽيم جو اعلان ٻن يا ٽن ڏينهن ۾ ڪيو ويندو.

 

شاهينن جي اوچي اڏام، ويسٽ انڊيز کي ٻئي ون ڊي ۾ به مات

شارجا (اسپورٽس نيوز)  پاڪستان ٻئي هڪ ڏينهن واري ميچ ۾ به ويسٽ انڊيز کي مات ڏئي ٽن ميچن تي ٻڌل سيريز 0-2 تان پنهنجي نالي ڪري ورتي. تفصيل موجب شارجا ڪرڪيٽ اسٽيڊيم ۾ کيڏيل ميچ ۾ ميزبان پاڪستان پهرين بيٽنگ ڪندي مقرره 50 اوورن ۾ 5 وڪيٽن جي نقصان تي 337 رنسون ٺاهيون، جنهن جي جواب ۾ مهمان ويسٽ انڊيز مقرره اوورن ۾ 7 وڪيٽن جي نقصان تي 278 رنسون ٺاهي سگهي. پاڪستان طرفان بابر اعظم 123 رنسون، شعيب ملڪ 90 رنسون ٺاهي آئوٽ ٿيا، جڏهن ته سرفراز احمد 60 رنسون ٺاهي ناٽ آئوٽ رهيو.

 

هاءِ ڙي! انصاف تون ڪٿي آهين؟: وينگس

اسان جي پياري جمهوري ملڪ ۾ ڪيترن ئي ڏهاڪن کان وٺي انصاف لاپتا ٿيل آهي ۽ هي عوام مسلسل ڳولها ڪندو رهي ٿو ته اي انصاف تون ڪٿي آهين؟ پر انصاف آهي جو لڀي ئي نه ٿو، خبر ناهي ڪهڙي ڪنڊ يا غار ۾ ويٺو يا وري غائب ڪيو ويو آهي.

غريب ۽ معصوم عوام جنهن جو سهارو ئي انصاف آهي پر اسان جي پياري جمهوري ملڪ ۾ جتي وزيراعظم کان وٺي وزيرن تائين سڀ موجود آهن، ائين ناهي ته عدالتون ناهن، هتي وڏين عمارتن سان بيٺل عدالتون ۽ ان اندر اکين تي ٻڌل پٽي واري انصاف جي ديوي به رکيل آهي.

عدالت جي در تي آواز ڏيندڙ به موجود آهي، جيڪو آواز ڏئي دانهن ڪندڙ کي عدالت جي ڪمري تائين وڃڻ جو سڏ ڏئي ٿو پر سڀ ڪجهه هوندي به انصاف ناهي. اچوته اڄ انصاف کي ڳولهيون، ڇو جو هن ديس جي ڌرتي تي لڳل گهرا گهاوَ هر روز گهرا ٿيندا وڃن ٿا ۽ ان کي صرف انصاف جي ضرورت آهي.

اي ويد،

تون اسان کي ٻڌاءِ ته

هن (انسان) جا زخم ڪيئن ڀرجن،

ويد،

زخم ڏانهن ڏسندي چيو،

مون وٽ انصاف جي دوا ناهي،

پر اُها توهان کي محل ۾ ويٺلن وٽان ملندي،

توهان کي ان ڏانهن وڃڻ گهرجي،

هن جي زخمن جو علاج مون وٽ بنهه ناهي،

ماءُ ۽ ڌيءَ پيرين پنڌ محل جي چوٽي تي ويون،

۽ انصاف جي دوا جي گهر ڪئي،

پر محل ۾ويٺلن چيو،

ان قسم جي دوا جو تعلق اسان سان ناهي،

توهان ڀليل آهيو،

ڌيءَ، روئيندي ماءُ کي چيو،

امان،

تون ڪيڏانهن آئي آهين،

انهن کي ته انصاف جي خبر ئي ناهي،

هاڻي اسان کي انصاف ڪٿي ملندو؟

محل جي عاليشان در تي ويٺل هڪ پوڙهي،

ٻنهي ماءُ ۽ ڌيءَ کي پاڻ ڏانهن سڏ ڪري چيو،

جنهن جي ڳولها لاءِ توهان نڪتيون آهيو،

اهو ڪيتري عرصي کان وٺي گم ٿيل آ،

پوءِ گهاون جو علاج ڪير ڪندو؟ (نينگريءَ، پوڙهي کان سوال ڪيو)

پوڙهي جي اکين ۾ لڙڪ لڙي آيا،

۽ هن چيو هي پورو ديس زخمن سان ڀريل آ،

مان هن عمر تائين انصاف جي ئي ڳولها ۾ آهيان،

جي شل! هو هٿ اچي وڃي ۽ گهاو ڀرجي وڃن. (هلينا)

هلينا جا ٻول ڪجهه وقت کان وٺي دل جي چوکٽ تي دستڪ ڏيندا رهيا پر هر دفعي دل کي خاموش ڪرايو، ڪيستائين خاموش ڪرائجي، ڪيستائين دانهن کي ٻڌي اڻ ٻڌو ڪجي؟ ڪيستائين زخمن سان ڀريل دلين کان منهن موڙي ڇڏجي، ڪڏهن ته اندر به ماتم ڪندي ٻاهر نڪري ايندو. اسان اهو بلڪل به نه چونداسين ته ملڪ ۾ڪجهه به بهتر ناهي، درحقيقت سڀ ڪجهه بهتر آهي جمهوريت جي ڪهڙي ڳالهه ڪجي! ڀل پاناما ليڪس وارا ڪجهه به لکن، پر وزيراعظم نوازشريف کي ڪير روڪي ڏيکاري، هو آرام سان ڪم ڪري رهيو آهي. ڀل آرٽيڪل ڇهه لاڳو ڪري اڳوڻي آمر پرويز مشرف کي ڪٽهڙي ۾ آڻڻ جي ڳالهه ڪريو، پر هڪ ڪوڙي ميڊيڪل رپورٽ سهي ان کي ٻاهر وڃڻ جي اجازت آهي. توهان کي اڃان شڪ هجي ته ٽي وي چينلز هلائي ڏسو سڀ بهتر آهي پر جيڪي ڪجهه رڙيون ڪن پيا، اهي صرف ڪجهه سياستدانن جي خلاف!

باقي ملڪ پوري ترقي جي راهه تي هلي پيو، هاڻي کڻي بلوچستان جوئي مثال وٺو، ميگا پراجيڪٽ هلن پيا ۽ جي اسان اهو لکي ڏنو ته واحد بلوچ ڪراچي کان گم ٿي ويو آهي ۽ اهو ڪنهن ڪيو؟ آخر ان جي ايف آءِ آر 62 ڏينهن کان پوءِ ڇو درج ٿي، پهرين ڇونه ڪئي وئي؟

واحد بلوچ جي ڌيءَ دانهن ڪندي پڇي ٿي، ان جو بابا ڪٿي آهي؟ ان کي انصاف گهرجي؟ هن ڀيري انصاف جي تنظيم (ايڇ آر سي پي) به ڌيءَ جي دانهن کي سڏ ڏنو آهي. پر هيڏن پهاڙن جيڏن ٺيڪن جي باوجود به هڪ ڌيءَ کي انصاف نه ٿو ملي؟ هاڻي بلوچ هڪ واحد ته ناهي، بلوچستان جي اداس ڌرتي جي اکين ۾ڪنهن ڏسڻ جي ڪوشش به ڪئي ته ڪيتريون اکيون پنهنجن گهرن جي چوکٺ تي اڄ به انتظار ۾آهن، انهن جا گم ڪيل پيارا واپس ايندا… ڪيتريون ئي دليون سحرا ۾ پنڌ ڪندي ڳولها ۾ آهن ته انهن جا پيارا ڪٿي آهن؟ انهن سڀني جي گهاون کي صرف انصاف جي دوا جي ڦڙي گهرجي، پرانهن سڀني کي ڪير ٻڌائي ته اسان جي پياري ملڪ ۾ سڀ ڪجهه آهي ايستائين جو ميگا پراجيڪٽ به اچي چڪا آهن پر هڪ انصاف ئي نه ٿو ملي…!

عوام ئي پيرن اگهاڙي ۽ زخمن سان ڀريل هجڻ جي باوجود به انصاف جي ڳولها ۾آهي. انصاف جي اصل گهرج صرف انهن کي ٿيندي آهي، جن سان حڪومت جون بيرحم پاليسيون استحصال ڪن ۽ اهو استحصال صرف اڪثريت رکندڙ گروپ عوام ئي آهي.

جيڪو ڪڏهن روڊن تي ته ڪڏهن ڪنهن عدالت ۾ درکڙڪائيندي، اسان کي صرف انصاف گهرجي! هڪ غريب لاءِ ماني جو ٽڪر ئي مهانگو ناهي پر انهن لاءِ انصاف به اڻلڀ آهي، ڳولها ڳولها نه ملي.

21 صدي ۾ داخل ٿيندي به اڃا تائين هي عوام انصاف کي ڳولهي سگهيو ناهي، الاءِ جي انصاف کي عوام جا زخم نه ٿا وڻن يا هو به ان امير ديو جيان ٿي چڪو آهي، جيڪو صرف عوام کي ماتم ۾ ڏسي خوشي حاصل ڪري ٿو، پر ان وٽ درد ۽ افسوس ناهي. جيستائين هي روڊن تي نڪتل عام غريب عوام ان کي ڳولهي لهي ته پوءِ وڃي انصاف کان پڇون، ڀلا ٻڌايو ته غريبن جي نگري مان تون پاڻ هليو وئين يا توکي ڪنهن ڌڪي ٻاهر ڪڍيو؟

اهڙي ئي انصاف جي ڳولها واحد بلوچ جي ڌيءَ هاني بلوچ به ڪري رهي آهي، هڪ ڌيءَ مسلسل پيءُ جي ڳولها ۾آهي، هوءَ ٻيو ڪجهه به نه ٿي چاهي، بس ايتري گذارش امير حڪمرانن کان ڪري پئي ته مون کي بابا واپس ڪري ڏيو! بس! انصاف جي گذارش ڪري رهي آهي. هاڻي هن ننڍڙي کي ڪير سمجهائي ته انصاف هن ديس جي نگري ۾ لاپتا ٿيل آهي. ڪيتري ڊگهي وقت کان وٺي گهاون سان ڀريل ڌرتي جي سيني تي قدم رکي هلون ٿا. پر هر دانهن کي انصاف گهرجي، اهو جيڪو انصاف گم ٿي چڪو آ، اڄ ٻيهر بلوچ جي ڌيءَ انصاف لاءِ پڪاري پئي، هوءَ انصاف جي ڳولها لاءِ نڪتي آهي.

ڪاش! ان کي انصاف ملي وڃي ۽ هوءَ ڏسي سگهي ته انصاف ٿيندو ڪيئن آهي؟

هن عوام جنهن جي جهول ۾ انصاف ڪڏهن به نه پيو، سواءِ انصاف جي انتظار ۾ اڄ به ڪيتريون ئي دليون هر آيل گهر جي در جي دستڪ تي اُميد لڳائين ٿيون ته ان جا پيارا آيا آهن پر هر دستڪ ڪنهن ٻئي جو نڪري ٿو. هن ڀيري جيڪڏهن هاني جي گهر تي ڪير دستڪ ڏئي ته اهو هن جي بابا جو هجي ۽ هوءَ اداس نه پر خوشي جا لڙڪ لاڙي چئي، هاءِ! انصاف بابا جي روپ ۾ هن کي مليو.

اسان جيڪي صرف اُميدن جا ڏيئا جلايون ٿا پر هر اُميد جي جوت کي بيرحم ۽ ناانصافي جون تيز هوائون وسائي ڇڏين ٿيون. هاءِ ڙي! انصاف تون ڪٿي آهين؟ عوام جي زخمن کي صرف انصاف جي دوا گهرجي ڀل سڀ ڪجهه بقول امير حڪمرانن جي ملڪ ۾ هجي پر جيستائين لاپتا ڪيل انصاف کي واپس نه ڪيو ويندو، تيستائين سحرا ۾گهاون سان ورتل روح رولاڪ جيان انصاف کي ڳولهيندا رهندا.

هي ڪهڙي جمهوريت آهي، جتي انصاف لاپتا ۽ عوام ناانصافي جي گهاون ۾ ورتل هجي! جمهوريت انصاف جي بغير هجي اها جمهوريت ڪهڙي هوندي؟ جنهن ملڪ جي روڊن ۽ عدالتن ۾ مائرون ۽ ڌيئرون دانهون ڪندي انصاف جي ڳولها ڪن پر انصاف انهن کي نه ملي. پوءِ به چئو ته هتي جمهوريت ترقي ڪري رهي آهي، پر ڇا ڪنهن غور سان ڏٺو ته جمهوريت ۾ ڪيترن ڏهاڪن کان وٺي انصاف لاپتا ٿيل آهي. پهرين ان کي ڳولهي اچو … پهرين ان کي واپس ڪري اچو!

جيڪڏهن امير حڪمرانن کي خبر ناهي ته انصاف ڇا آهي؟ ان لاءِ عوام درد ڀريل اکين ۾ ڏسو جيڪي انصاف جي انتظار ۾ويٺل آهن. هاني بلوچ کي ميگا پراجيڪٽ نه پر صرف انصاف جي دوا گهرجي، جنهن سان هوءَ پنهنجي غم تي مرهم رکي سگهي ها! هوءَ اڄ به ڪنهن راهه ۽ در تي دانهن ڪندي پنهنجي بابا جي ڳولها ۾آهي. هڪ رياست جتي جمهوريت جي پٽي لٽڪيل آهي، پر انصاف ناهي ۽ هي انصاف لاپتا ٿيل آهي، اچوته ان جي ڳولها ڪريون ۽ ديس جي زخمن تي مرهم رکون.

انصاف جيڪو لاپتا ٿيل آهي، ان جي خبر ڏيو ته هن ملڪ مان انصاف لاپتا آهي، ڪنهن کي ملي وڃي ته براءِ مهرباني ڪري واپس ڏنو وڃي.

****

 

 

ڀارتي جارحيت ۽ پارليامينٽ اڳواڻن جو اجلاس…!!!: غلام مصطفيٰ جمالي

والاريل ڪشمير اندر ڀارتي جارحيت تمام گهڻي حد تائين وڌي وئي آهي جنهن اندر ڀارتي فوج مظلوم ڪشميرين مٿان ظلم ستم ڪري رهي آهي،ڪيترن ئي سالن کان آزادي لاءِ تحريڪ هلائيندڙ معصوم ڪشميرين جا هن وقت تائين ڪيترائي معصوم ٻار عورتون وڏا ۽ نوجوان شهيد ڪري چڪي آهي،پر هن وقت اڙِي واقعي  کانپوءِ والاريل ڪشمير اندر معصوم ڪشميرن مٿان ڀارت جي فوجين ظلم جي انتها ڪري ڇڏي آهي،ڀارت حڪومت والايل ڪشمير اندر هن وقت قرفيو لاڳو ڪري ڇڏيو آهي پر انجي باجود به پنهنجي خطي جي آزادي لاءِ جهدوجهد ڪندڙ ڪشمير واسين جا حوصلا بلند آهن. ڀارتي جارحيت هر دور اندر معصوم ڪشميرن کي بيدردي سان شهيد ڪري سندس عورت جي عزت جي تذليل ڪري معصوم ڪشميرين کي پنهنجي آزادي واري مقصد تان هٽائڻ جي ڪيترائي ڀيرا ڪوشش ڪئي آهي پر ڀارت پنهنجي هر ڪوشش ۾ ناڪام ويو آهي،اڙِي واقعي کانپوءِ ڀارت پنهنجي جارحيت ۽ جنونيت جي ڪري مظلوم  ڪشميرن کي بي گناهه شهيد ڪري رهيو آهي تازو هلندڙ آزادي جي نئين تحريڪ اندر ڀارت 86ڏينهن ۾ 126مظلوم ڪشميرن کي شهيد ڪري چڪو آهي جنهن ۾ اڪثريت نوجوانن ۽ معصوم ٻارن جي آهي،پر پوءِ ڀارت پنهنجي جارحيت کام پاسو نه پيو ڪري ۽ پنهنجي بربيت ۽ جارحيت کي والاريل ڪشمير اندر عام ڪري رهيو آهي،ان ڪري ڀارت جي اهڙي ظلم تي ۽ ڪشميرن جي  بيگناهه شهيد ٿيندڙ عوام تي خاموش اقوامي متحده تي ويهي جيترو به افسوس ڪجي اوترو گڏ آهي.ڇو ته هڪ طرف اقوامي متحده انهي ڳالهه کي تسليم به ڪري رهي آهي ته ڪشيمر اندر معصوم ڪشميرن سان جيڪو ڀارت جي فوج ظلم ڪري رهي آهي اهو غلط آهي.ٻئي پاسي اها اقوامي متحد ڀارت کي انهي جارحيت تي تنبهه نه پئي ڪري ته هوُ ڇو معصوم ڪشميرن تي اهڙو ظلم ڪري رهي آهي،اها ڳالهه نهايت ئي افسوس جوڳي آهي ته هڪ طرف اقوامي متحده پوري دنيا اندر ٿيندڙ هر ملڪ جي ظلم جو آوازا دنيا تائين پهچائي رهي آهي نه رڳو آواز پهچائي رهي آهي پر انهي ملڪن جي عوام جي تحفظ لاءِ به پورو ڪم ڪري رهي آهي. پر قوامي متحده جو والاريل ڪشمير جي عوام سان اهڙو ورتاءُ جنهن تي صرف ۽ صرف افسوس ئي ڪري سگهجي ٿو.اقوامي متحده کي اهو سوچڻ ۽ سمجهڻ گهرجي ته ڪشيمر اندر ڀارت جي جارحيت ڪا نئي ناهي جڏهن کان پاڪستان ۽ انڊِيا وجود ۾ آيا آهن انهي ڏينهن کان وٺي ڪشمير جي عوام مٿان ڀارت جي فوج ظلم ڪري رهي آهي جنهن جو انت جو ڪو ڇيڙو نظر نه پيو اچي ٻئي پاسي پاڪستاني پرڏيهي معاملن جي وزير سرتاج عزير چيو آهي ته جيستائين ڪشمير جو مسئلو حل نه ٿيندو ان وقت تائين ڪشمير اندر اها ڇڪتاڻ برقرار رهندي،

ڀارت ڪشميرن مٿان ظلم ڪري رهي آهي اها پوري دنيا ڄاڻي ٿي پر انهي ئي حل لاءِ پاڪستان کان سواءِ ڪو به اهڙو ملڪ ناهي جيڪو انهي معاملي ٿي سنجيدا نظر اچي پاڪستان جي ڪشميرن سان همدري کي ڏسي ڪري ڀارت ڀوکلائجي ويو آهي ان ڪري پاڪستان هڪ چال وڙهندِي ڪشمير اندر هٿ سان ٺاهيل اڙي ڊارمو پيش ڪيو جنهن اندر ڀارت جا 18 فوجي مارجي ويا ۽ ڪيترائي زخمي ٿي پيا،انهي هٿ سان ٺهيل ڊارمي جو سمورو ناٽڪ پاڪستان جي مٿان مڙِي ڪري پاڪستان خلاف اهڙا الزام لڳايا جيڪي بي بنياد ۽ هٿ ٺوڪيا هئا ڀارت پاڪستان مٿان اهو الزام لڳايو ته اڙي واقعي اندر پاڪستاني فوج ملوث آهي جنهن جو ڀارت وٽ ڪو ثبوت به موجود ناهي،انهي اڙي واقعي کي وٺِي ڪري ڀارت به رڳو پاڪستان خلاف الزام بازيون ڪيون پر سرجيڪل اسٽرائيڪ جهڙا بي بنياد الزام پڻ هنيا،پر انهن الزامن کي عالمي ميڊِيا پڻ رد ڪري انڊيا کي ڪوڙو ظاهر ڪيو،عالمي ميڊيا اها ڳالهه عام طور تي دنيا جي سامهون پيش ڪئي ته پاڪستاني سرحدن اندر ڪوبه سرجيڪل اسٽرائيڪ ناهي ٿيو ڀارت پاران جاري ڪيل  بيان بي بنياد ۽ ڪوڙو آهي نه رڳو ڀارت پاڪستان مٿان سرجيل اسٽرائيڪ جو ڪوڙو الزام لڳايو پر ٿوري وقت لاءِ سمجهوته ايڪسپريس جي اچ وڃ تي پڻ پابندي لڳائي ڇڏي ۽ پاڪستان جي بچاءُ واري وزير خواجه آصف پڻ انهي معاملي تي اهو بيان ڏنو آهي ته سمجهوته ايڪسپريس ۽ سرجيڪل اسٽرائيڪ ڀارت جو رچايل هڪ ڊارمو آهي جنهن ۾ ڪابه صداقت ناهي ڀارت جي ڳجها ادرا اهڙي طرف جي واقعن کي جنريٽ ڪندا رهندا آهن پر ڀارت پاران جاري ڪيل سمورا بيان بي بنياد آهن ڪوڙا آهن، پر ڀارت صرف اتي دنگ نه ڪيو ڀارت جي جنويت ۽ جارحيت ايتري حد تائين وڌي وئي جو هن مظلوم ڪشميرين مٿان ته ظلم ڪرايا ۽  سنڌطاس معاهدي جي ڀڃڪڙي ڪندي پاڪستان جو پاڻي بند ڪرڻ جون ڌمڪيون ڏنيون جن مان ڪجهه ائين لڳي رهيو ته انڊيا  سنڌطاس معاهدي جي خلاف ورزي ڪندي پاڪستان کي ڪشميرين جو ساٿ نه ڏيڻ جو ساٿ نه جو ڊٻاءُ وجهڻ ٿو چاهي،جڏهن ته ڀارت پاڪستان جي خلاف جنگ جون ڌمڪيون پڻ ڏئي رهيو آهي ايتري حد تائين جو آلائين آف ڪنٽرول جي خلاف ورزي ڪندي ٻن پاڪستان آرمي جي جوانن کي شهيد ڪيو پر جواب ۾ پاڪستان آرمي به ڀارت جي ڇهن فوجين کي ماري  وڌو ۽ هڪ فوجي کي زندهه پڪڙِي ورتو پر ڀارت ۽ ڀارت جي ميڊيا پنهنجي ناڪامي کي لڪائڻ لاءِ نه انهن مارجي ويل فوجين جي وارث ٿيا ۽ نه قيد ڀارتي فوجي لاءِ ڪي ڳالهيون ڪيون، پر افسوس جي انهي ورڪنگ بائونڊري تي ٿيندڙ فائرنگ جي مارجي ويل ڀارتي فوجين کان ڀارت لاتعلق بڻيو،،پر اڃان به انڊيا کي ڪا مت ناهي آئي..انڊيا شايد اهو سوچي رهيو آهي ته پاڪستان سندس ڀڀڪين تي ڪشمير مسئلي کان پاسو ڪري ويندو پر انڊيا کي اها به خبر هجڻ گهرجي ته پاڪستان وٽ پاڪستاني دلير فوج موجود آهي جيڪا پاڪستاني جي ٻاڙي ٻاڙي جو تحفظ ڪرڻ ڄاڻي ٿي.۽ پاڪستاني عوام به پنهنجي ملڪ ۽ ديس لاءِ جانيون قربان ڪرڻ کان ڪٻائيندي ناهي،جڏهن ته پاڪستان آرمي هر وقت پنهنجي ملڪ جي تحفظ لاءِ تيار آهي،پر انهي سان پاڪستاني حڪومت به هڪ بهتر قدم کنيو آهي جيڪو هڪ بهترين عمل آهي

ميان نواز شريف پارليامينٽ جي سمورن ميمبرن جو اجلاس ڪوٺائي ڪري سياست کان پهرين ملڪ جي دفاع واري موضع تي جيڪي ڪجهه ڳالهيون اهو به واقعي ساراهه جوڳيون آهن،ڇو ته پاڻ ۾ ڀلي ڪيترائي اختلاف ڇو نه هجن پر  ڳالهه جڏهن پنهنجي ملڪ پنهنجي وطن پاڪستان جي سلامتي جي هجي ته انهي وقت سمورين پارٽين کي هڪ ٿيڻ جي ضرورت هوندي ،ڀارتي جارحيت ۽ ورڪنگ بائونڊي تي ڀارت پاران ڪيل فائرنگ کي نظر رکندي ميان نواز شريف پارليامنيٽ جي ميبمبرن جي اجلاس ڪوٺايو،جنهن ۾ پ پ پاران بلاول ڀٽو،تحريڪ انصاف پاران شاهه محمود قريشي،جعميت علماءِ اسلام پاران مولانا فضل الرحمان،ايم ڪيو ايم پاران فاروق ستار، اي ين پي پاران غلام احمد بلور،۽ ٻين ۾ خورِشيد شاهه ااعتراز احسن،قمرالزمان ڪائره،فرحت الله بابر ۽ شيري رحمان ۽ ٻين شرڪت ڪئي مان سمجهان ٿو ته انهي اجلاس مان ڀارت تمام گهڻو ڪجهه سکي ورتو هوندو ته هاڻ سندس پاڪستان ۾ ڪا به سازش ڪامياب نه ويندي پاڪستان سندس سمورين ناڪام ڪوششن جي پاڙ پٽي ڇڏي آهي،تنهن ڪري ڀارت کي پنهنجي ملڪ تي ڌيان ڏيڻ گهرجي جيڪو ملڪ خد ڀارت لاءِ خطرو آهي ۽ اقوامي متحده کي گهرجي ڪشمير ۾ ٿيندڙ ڀارتي جارحيت کي بند ڪري ۽ انڊيا خلاف ڪاروائي ڪري

 

 

پاڪ ڀارت ڇڪتاڻ ۽ مودي جو يو ٽرن

وزيراعظم جي مشير طارق فاطمي ۽ سرتاج عزيز چيو آهي ته اسان کي يقين آهي ته اڙي حملو ڀارت پاڻ ڪرايو آهي. ڀارت ڪشمير تي ظلمن تان ڌيان هٽائڻ چاهي ٿو. ڀارتي قيادت بوکلاهٽ جو شڪار آهي.  نجي ٽي وي سان ڳالهائيندي هنن چيو ته سنڌ طاس معاهدي ۾ آمريڪا جو به ڪردار آهي. اهو معاهدو ختم ٿيو ته ڪنهن به حد تي وڃڻ لاءِ تيار آهيون. ايران سان لاڳاپن تي پريشاني نه هئڻ گهرجي. ان سان سٺا لاڳاپا آهن. ڪابل جا پنهنجا اندريان مسئلا آهن. ڀارت ڪشمير مسئلي تان ڌيان هٽائڻ چاهي ٿو. ڪشمير مسئلو حل ٿيڻ تائين ٻنهي ملڪن جي لاڳاپن ۾ ڇڪتاڻ جا پاڇا برقرار رهندا. ڀارت ڪشمير ۾ آزادي تحريڪ کي ختم ڪرڻ لاءِ ڪريل حرڪت تي لهي آيو آهي. ايل او سي تي حالتون معمول تي آڻڻ چاهيون ٿا. ڪشمير تي نئين قومي پاليسي ٺهڻ ضروري آهي. ڀارت طرفان پيغام آيو آهي ته ڇڪتاڻ گهٽائڻ چاهيون ٿا.

دفاع واري وفاقي وزير خواجا آصف چيو آهي ته ڀارتر نام نهاد سرجيڪل اسٽرائيڪ جو ڊرامو رچايو. ڀارتي ڳجها ادارا پاڻ اهڙا واقعا ڪندا  آهن. برهان واني جي شهادت کانپوءِ به ڪشمير ۾ ڪرفيو لاڳو آهي. سيالڪوٽ ۾ ڳالهيون ڪندي ڪشمير جي آزادي واري تحريڪ ڪشمير فتح ڪرڻ سان همڪنار ٿيندي. سي پيڪ کي دنيا جي ڪابه طاقت روڪي نه ٿي سگهي. افغانستان اسان جي دشمن سان گڏ ٿيو آهي ته ڪا ڳالهه ناهي. اسان به پنهنجي رويي تي نظرثاني ڪري سگهون ٿا.

هوڏانهن وري ڀارتي وزيراعظم نريندر مودي چيو آهي ته ڀارت نه ڪڏهن ٻئي ملڪ تي حملو ڪيو آهي ۽ نه ئي ڪنهن ملڪ جي زمين جو بکيو آهي. ڀارت ٻين جي مفاد لاءِ قربانيون ڏنيون آهن. ٻن عالمي جنگين ۾ مفاد نه هجڻ باوجود ڏيڍ لک ڀارتي فوجين قربانيون ڏنيون، مودي چيو ته پرڏيهه ۾ رهندڙ ڀارتي به ٻين برادرين سان گڏجي رهن ٿا. قربانين باوجود دنيا ڀارت جو قدر نه ڪيو.