تازيون خبرون

Monthly Archives: September 2016

اڀرندي سرحد تي نظر آهي، هر طرح جي صورتحال کي منهن ڏيڻ لاءِ تيار آهيون: پاڪ فوج

اسلام آباد/پشاور(اي پي پي)آرمي چيف جنرل راحيل شريف جرمني مان واپسيءَ تي پشاور ۾ هڪ اعليٰ سطح جي اجلاس جي صدارت ئي. پي ٽي وي مطابق جنهن ۾ ملڪ جي مجموعي سيڪيورٽي ڪنٽرول لائن ۽ اوڀر پاسي ۾ آرمي چيف جنرل راحيل شريف صدارت ۾ عسڪري اڳواڻن جو اعليٰ سطحي اجلاس منعقد ٿيو، صدارت ۾ عسڪري اڳواڻن جو اعليٰ سطحي اجلاس منعقد ٿيو، جنهن ڪور ڪمانڊر پشاور جنرل هدايت الله خان، ڊي جي آءِ ايس آءِ ليفٽيننٽ جنرل رضوان اختر ڊي جي آءِ ايس پي آر عاصم باجوا ۽ پاڪ فوج جي ٻين آفيسرن شرڪت ڪئي. آرمي چيف کي سيڪيورٽي صورتحال تي تفصيلي بريفنگ ڏني وئي ان اجلاس ۾ آپريشن ضرب عضب ۽ آپريشن خيبر ٿري ۽ ڪنٽرول لائن جو جائزو ورتو ويو. آءِ ايس پي آر جي ڊائريڪٽر جنرل ليفٽيننٽ جنرل عاصم سليم باجوا چيو آهي ته سيڪيورٽي فورسز اوڀرندي سرحد تي ڪڙي نظر رکيون رهيون آهن ۽ ڪنهن به قسم جي اڳرائيءَ جو جواب ڏيڻ لاءِ هر وقت تيار آهيون. ڪرسچن ڪالوني ورسڪ روڊ تي حملو ڪندڙ دهشتگردن جي سهولتڪارن کي گرفتار ڪيو ويو آهي. اڱاري ڏينهن آرمي چيف جنرل راحيل شريف جي صدارت هيٺ آپريشن ۽ سيڪيورٽي صورتحال جي حوالي سان منعقد ٿيل جائزه اجلاس کانپوءِ آفيسر بيس پشاور ۾ ميڊيا کي بريفنگ ڏيندي جنرل عاصم سليم باجوا چيو ته ڪرسچن ڪالوني حملي جي چئن سهولت ڪارن کي گرفتار ڪيو ويو آهي. هن چيو ته حملي جي رٿابندي افغانستان ۾ ڪئي وئي هئي ۽ گرفتار ڪيل سهولت ڪارن دهشتگردن کي ڪرسچن ڪالوني ۾ پهچڻ ۾ مدد ڏني هئي. هن چيو ته دهشتگردن جو هڪ ساٿي افغانستان ۾ ڪٿي روپوش آهي. هن ٻُڌايو ته مردان جي عدالت تي حملي جي سلسلي ۾ 3 ماڻهن کي گرفتار ڪيو ويو آهي جن وٽان 3 خودڪش جئڪيٽ پڻ هٿ آيون آهن جن کي مردان پوليس لائنز ۽ نيشنل بئنڪ تي حملي دوران استعمال ڪرڻ جي رٿابندي ڪئي وئي هئي. هن چيو ته گرفتار ٿيل سمورن ماڻهن حملي آورن کي پنهنجي ٽارگيٽ تائين پهچڻ ۾ مدد فراهم ڪئي هئي. هن اهو به ٻُڌايو ته دهشتگرديءَ جي ڪاررواين ۾ ملوث عورتن کي پڻ گرفتار ڪيو ويو آهي جن کي قانون مطابق سزا ڏني ويندي. هن چيو ته پشاور ۽ فاٽا ۾ انٽيليجنس رپورٽس جي بنياد تي 1470 آپريشن ڪيا ويا آهن جنهن جي ڪري امن امان جي مجموعي صورتحال ۾ بهتري آئي آهي. هن چيو ته مستقبل ۾ وڌيڪ مربوط ۽ بامقصد آپريشن ڪيا ويندا، ضرب عضب ۽ خيبر ٿري آپريشن ڪاميابيءَ سان مڪمل ڪيا ويا آهن ۽ راجگال جو پهاڙي سلسلو ڪليئر ڪيو ويو آهي. هن چيو ته سمورن هنڌن تي سيڪيورٽي فورسز جا جوان سرحد ۽ علائقي جي نگرانيءَ تي مقرر ڪيا ويا آهن. هن چيو ته ٽي ڊي پيز جي پنهنجي گهرن ڏانهن واپسيءَ وارو سلسلو 76 سيڪڙو مڪمل ٿي ويو آهي ۽ لاڳاپيل ادارن جي سهڪار سان سندن ضروري امداد ڪئي پئي وڃي. پهرين جولاءِ 2016ع کان هيستائين خيبر پختونخوا ۽ فاٽا ۾ دهشتگرديءَ جون 14 ڪارروايون ناڪام بڻايون ويون آهن. سرحد تي انتظام کي وڌيڪ بهتر ڪرڻ جي ڪوشش ڪئي پئي وڃي ۽ جيڪڏهن افغانستان ان حوالي سان پنهنجو ڪردار ادا ڪري ته حالتن ۾ وڌيڪ بهتري ايندي. هن چيو ته نيون چيڪ پوسٽون پڻ قائم ڪيون ويون آهن جن سان ٻنهي ملڪن جي وچ ۾ سرحدن تي حالتون بهتر ٿينديون. هن چيو ته اڀرندي سرحد تي سيڪيورٽي فورسز جي نظر آهي ۽ ڪنهن به قسم جي جارحيت جو جواب ڏيڻ لاءِ فورسز تيار آهن. هن عوام کي پڻ اپيل ڪئي ته اهي پنهنجي لاڳاپيل علائقن ۾ پنهنجي آس پاس ڪڙي نظر رکن ۽ ڪنهن به شڪي شخص جي موجودگيءَ جو اطلاع لاڳاپيل ٿاڻي تي ڏين.

 

ڀارت اسان جو پاڻي روڪيو ته چين کي به جواز ملي ويندو: پاڪستان

اسلام آباد/گڏيل قومون (اي پي پي/م.ڊ/اين اين آءِ) گڏيل قومن جي اداري ۾ پاڪستان جي مستقل نمائنده ڊاڪٽر مليحه لوڌي چيو آهي ته ڀارت ڊگهي وقت کان رياستي دهشتگردي جي سرپرستي ڪري رهيو آهي. گڏيل قومن جي جنرل اسيمبلي ۾ ڀارتي پرڏيهي وزير جي خطاب تي جواب جو حق استعمال ڪندي پاڪستاني نمائنده چيو ته ڄمون ۽ ڪشمير ڪڏهن به  ڀارت جو اڻ ٽٽ حصو نه رهيو ۽ نه ئي اڳتي ٿي سگهي ٿو. هن چيو ته ڀارتي پرڏيهي وزير سشما سوراج جي ڪوڙن ۽ بي بنياد دعوائن جو پول پڌرو ڪندي چيو ته ڀارتي پرڏيهي وزير جنرل اسيمبلي جي خطاب ۾ بلوچستان جو مسئلو اٿاري گڏيل قومن جي چارٽر ۾ لکيل اصولن جي کليل خلاف ورزي ڪئي آهي. هن پاڪستان کي عالمي برادري ۾ اڪيلو ڪرڻ جي ڀارتي مطالبي کي خود فريبي قرار ڏيندي چيو ته والاريل ڪشمير ۽ ٻين علائقن ۾ جنگي ڏوهه ڪرڻ ۽ جنگ جي خواهش جي بنياد تي ڀارت پاڻ عالمي  برادري ۾ اڪيلو ٿي رهيو آهي. گذريل اڌ صدي دوران ڀارت پنهنجن سمورن پاڙيسري ملڪن خلاف نه رڳو جارحيت اختيار ڪئي پر انهن خلاف دهشتگردي جي سرپرستي به ڪئي. مليحه لوڌي چيو ته گذريل ڪجهه ڏينهن دوران 100 کان وڌيڪ ڪشميرين کي شهيد ڪيو ويو آهي، سوين اکين جي نور کان محروم ٿي چڪا آهن ۽ عورتن ۽ ٻارن سميت هزارين ماڻهو زخمي آهن.  اها رياستي دهشتگردي جي بدترين شڪل ۽ جنگي ڏوهه آهي، اسان ڀارت کان مطالبو ڪريون ٿا ته اهو گڏيل قومن جي اداري جي انساني هقن بابت هاءِ ڪمشنر جي تجويز ي قبول ڪندي  والاريل ڪشمير ۾ انساني حقن جي خلاف ورزين جي جاچ جي اجازت ڏئي. گڏيل قومن جي سلامتي ڪائونسل سان گڏوگڏ ڀارت ۽ پاڪستان ڪشميرين جي خود اراديت جي حق کي تسليم ۽ انهن کي اهو حق ڏيڻ جو واعدو ڪري ڇڏيو آهي.   گذريل 70 سالن کان ڀارت طاقت ۽ ڌوکيبازي سان ڪشميرين کي گڏيل قومن جي نگراني هيٺ راءِ شماري ذريعي خود اراديت جي حق جي اظهار ۽ پنهنجي مقدر جو فيصلو ڪرڻ جي اجازت نه پيو ڏئي. خود اراديت جي حق لاءِ  ڪشميرين جي جدوجهد جائز آهي ۽ عالمي برادري  طرفان ان جدوجهد جي اخلاقي ۽ سفارتي حمايت ڪشميرين جو حق آهي. هن چيو ته ڀارت اڙي واقعي کي به پاڪستان خلاف الزام هڻڻ ۽ والاريل ڪشمير ۾ ظلمن تان دنيا جو ڌيان هٽائڻ لاءِ استعمال ڪري رهيو آهي. هن چيو ته جيڪڏهن ڀارت پاڪستان کي عدم استحڪام جو شڪار ڪرڻ جي ڪوششن بدران پنهنجن اندروني مسئلن خاص طور تي  12 کان وڌيڪ وڳوڙن تي ضابطو آڻڻ تي ڌيان  ڏئي ته اهو ان جي حق ۾ بهتر ٿيندو. هن ڀارتي پرڏيهي وزير جي ان دعويٰ کي به ڪوڙو قرار ڏنو ته ڀارت پاڪستان سان ڳالهين لاءِ ڪا شرط لاڳو نه ڪيو آهي، ڀارت پاڪستان سان ڳالهيون هڪ سال اڳ معطل ڪري ڇڏيون هيون ۽ پاڪستان طرفان هر هر آڇ ۽ عالمي برادري جي مشورن باوجود انهن ڳالهين کي بحال ڪرڻ کان انڪاري آهي. وزيراعظم  ۾ محمد نواز شريف ڀارت کي ڳالهين جي تازي آڇ گڏيل قومن جي جنرل اسيمبلي ۾ تازو پنهنجي خطاب ۾ ڪئي آهي، هتي هڪ ڳالهه واضح ڪرڻ ضروري آهي ۽ اها هيءَ آهي ته ڳالهيون رڳو پاڪستان نه پر ٻنهي ملڪن ۽ انهن جي عوام جي مفاد ۾ آهن.  وزيراعظم جي پرڏيهي معاملن واري صلاحڪار سرتاج عزيز چيو آهي ته ڀارت سنڌ طاس معاهدو معطل ڪرڻ جي ڪوشش ڪئي ته پاڪستان ان تي ڀرپور احتجاج ڪندو ۽ ان معاملي کي عالمي بينڪ ۽ بين الاقوامي عدالت ۾ کڻي وڃبو، گذريل ڏينهن قومي اسيمبلي ۾ ڌيان طلب نوٽيس جو جواب ڏيندي هن چيو ته ڀارت خلاف ٿيندڙ جنگيون ۽ ڪارگل واقعي کانپوءِ به سنڌ طاس معاهدو معطل نه ڪيو ويو هو، هن قومي اسيمبلي کي ٻڌايو ته عالمي بينڪ سنڌ طاس معاهدي ۾ نه صرف سهولتڪار هو پر ان معاهدي جي ضامن به هئي ۽ ڀارت هڪ طرفي طور تي ان معاملي تي فيصلو نٿو ڪري سگهي، هن چيو ته ڀارت سنڌ طاس معاهدي کي اٿاري پاڪستان تي دٻاءُ وجهڻ جي ڪوشش ڪري رهيو آهي، جڏهن ته پاڪستان ڪنهن به قسم جو ڀارتي دٻاءُ قبول نه ڪندو. ڀارتي پرڏيهي وزارت پاڪستاني هاءِ ڪمشنر عبدالباسط کي طلب ڪري اڙي حملي جون شاهديون پيش ڪيون آهن جنهن کي پاڪستان رد ڪري ڇڏيو آهي. ڀارتي ميڊيا دعويٰ ڪئي آهي ته ڀارتي پرڏيهي وزارت عبدالباسط کي طلب ڪري اڙي حملي ۾ پاڪستان جي ملوث هجڻ جون شاهديون پيش ڪيون. پاڪستاني هاءِ ڪمشنر عبدالباسط ڀارتي الزامن کي رد ڪندي چيو ته پاڪستان ذميوار ملڪ آهي، اڙي حملي سان اسان جو ڪو لاڳاپو ناهي. هن وڌيڪ چيو ته ڀارت پڪن ثبوتن کان سواءِ پاڪستان تي الزام هڻڻ بند ڪري.

 

سنڌ ۾ 60 لک شاگرد تعليم کان محروم آهن: مراد علي شاهه

ڪراچي (اسٽاف رپورٽر) وزيراعليٰ سنڌ سيد مراد علي شاهه چيو آهي ته صوبي ۾ 60 لک کان وڌيڪ ٻار اسڪولن کان ٻاهر آهن. تعليمي ادارن ۾ شاگردن جي داخلائن لاءِ ڀرپور  قدم کنيا پيا وڃن. تعليم جي مسئلن تي ڪوٺايل سيمينار کي خطاب ڪندي وڏي وزير سيد مراد علي شاهه چيو ته تعليم جي معيار کي ڏسي صوبي ۾ تعليمي  ايمرجنسي لاڳو  ڪئي وئي آهي. تعليم جي بهتري لاءِ تعليم کاتي جي وزير کي مڪمل اختيار ڏنل آهن. هن وڌيڪ چيو ته هر ٻار کي تعليم ڏيڻ اسان جو فرض آهي. سنڌ حڪومت هن مسئلي کي حل ڪرڻ پهرين ترجيح سمجهي ٿي. هن چيو ته هر ٻار کي تعليم ڏيڻ لاءِ بجيٽ جو وڏو حصو تعليم لاءِ رکيو ويو آهي. ۽ هر اسڪول ۾ تعليم جي معيار کي بهتر ڪرڻ لاءِ ڀرپور ڪوششون ورتيون پيو وڃن. ٻي طرف  وزيراعليٰ  سنڌ جي صدارت هيٺ صوبي ۾ تعليم جي بهتري لاءِ  اجلاس ٿيو، جنهن ۾ تعليم کي بهتر ڪرڻ لاءِ غور ڪيو ويو، اجلاس ۾ تعليم کاتي جي وزير ڄام مهتاب ڏهر، سيڪريٽري فضل الله پيچوهي ۽ ٻين شرڪت ڪئي، ان موقعي تي تعليم کي بهتر ڪرڻ لاءِ بحث ڪيو ويو، صوبائي وزير اجلاس ۾ چيو ته تعليم لاءِ سنجيده آهيون، 5 سال پروگرام جا 2 سال گذري ويا آهن. تعليم کاتي جي بهتري لاءِ عملي سهڪار جاري آهي. ڄام مهتاب ڏهر چيو ته ملازمن ۽ استادن تي نظر رکڻ لاءِ 200 کان وڌيڪ مانيٽرنگ اسسٽنٽ مقرر ڪيا ويا آهن. جڏهن ته قديم اسڪولن جي عمارتن جو مرمتي ڪم پڻ جاري آهي. سيڪريٽري تعليم فضل الله پيچوهو چيو ته سرڪاري اسڪولن ۾ شاگردن جي داخلائن لاءِ  هر ممڪن قدم کنيو پيو وڃي.

 

سنڌ اسيمبلي ۾ سنڌي کي قومي ٻولي قرار ڏيڻ لاءِ قرارداد منظور، ايم ڪيو ايم جي مخالفت

ڪراچي (اسٽاف رپورٽر) سنڌ اسيمبلي ۾ سنڌي ٻولي کي قومي ٻولي قرار ڏيڻ لاءِ قرارداد منظور ڪئي وئي آهي، سنڌ اسيمبلي جو اجلاس ڊپٽي اسپيڪر شهلا رضا جي صدارت هيٺ ٿيو، جنهن دوران فنڪشنل ليگ جي ميمبر نند ڪمار پاران سنڌي ٻولي کي قومي ٻولي قرار ڏيڻ لاءِ ٺهراءُ پيش ڪيو ويو، جنهن کي اڪثريت راءِ سان منظور ڪيو ويو، جڏهن ته ايم ڪيو ايم پاران اهڙي ٺهراءُ جي مخالفت ڪئي وئي. ان موقعي تي ايم ڪيو ايم جي سيد سردار احمد چيو ته سنڌي ٻولي کي قومي ٻولي جي حيثيت نٿي ڏئي سگهجي، ڇو ته قائد اعظم واضح ڪيو هو ته صرف اردو ٻولي ئي قومي ٻولي هوندي، ان موقعي تي سينئر وزير نثار احمد کهڙي به ٺهراءُ تي اعتراض ڪندي چيو ته سنڌي کي قومي ٻولي جي حيثيت ڏيڻ  سان ٻين ٻولين جو ڇا ٿيندو؟ جڏهن ته اسيمبلي کي خطاب ڪندي ثقافت واري وزير سيد سردار شاهه، سيد سردار احمد جي مخالفت کي رد ڪندي چيو ته انگريزن به سنڌي ٻولي کي دفتري ٻولي طور لاڳو ڪيو هو، اردو تي ڪوبه اعتراض ناهي، پر هزارين سالن جي پراڻي ٻولي کي اهميت ڏيڻ گهرجي.

 

چيف جسٽس، جسٽس انور ظهير جمالي سان سارڪ اينٽي ڪرپشن ايجنسين جي سربراهن جي ملاقات

اسلام آباد (م.ڊ) چيف جسٽس، جسٽس انور ظهير جماليءَ چيو آهي ته ڪرپشن عام مسئلو بڻجي چڪي آهي ۽ ان جي ڪري معاشي ترقي مفلوج ٿي وئي آهي. چيف جسٽس سان سارڪ اينٽي ڪرپشن ايجنسين جي سربراهن ملاقات ڪئي آهي، جنهن دوران ڪرپشن بابت معاملن تي ڳالهيون ڪيون ويون. ان موقعي تي چيف جسٽس جو چوڻ هو ته ڪرپشن عام مسئلو بڻجي چڪي آهي ۽ اها معاشي ترقيءَ کي مفلوج ڪري رهي آهي. هن چيو ته ٽين دنيا جي ملڪن کي ڪرپشن، مني لانڊرنگ جھڙن مسئلن سان منهن پيا ڏيون، اينٽي ڪرپشن سيمينار جي ڪري سارڪ ملڪن ۾ سهڪار وڌندو.

 

حڪومت 30 سيپٽمبر جي احتجاج ۾ ڪا به رڪاوٽ نه وجهندي: پرويز رشيد

لاهور (اين اين آءِ) سڌ سماءَ جي وفاقي وزير پرويز رشيد چيو آهي ته حڪومت 30 سيپٽمبر جي احتجاج ۾ ڪا به رڪاوٽ نه وجهندي عوام پاڻ ئي عمران خان جي سڏ جو بائيڪاٽ ڪندو، هن چيو ته پاناما ليڪس ۾ نالو نه هجڻ باوجود وزيراعظم پاڻ کي احتساب لاءِ پيش ڪيو، الزام لڳائيندڙ عمران خان احتساب ۾ سنجينده نه آهي، هن چيو ته 30 سيپٽمبر جي رائيونڊ مارچ ۾ هڪ ڀيرو ٻيهر عمران خان ظاهر ٿي ويندو، عوام انتشار جي سياست جو حصو نه ٿيندو.

 

ڪشمير مسئلو وڏي اهميت اختيار ڪري رهيو آهي، ڀارت پاڪستان تي دٻاءُ وڌائي رهيو آهي: خورشيد شاهه

اسلام آباد (اين اين آءِ) مخالف ڌر جي اڳواڻ سيد خورشيد شاهه ڀارتي پرڏيهي وزير جي بيان تي سومر کان گڏيل اجلاس گهرائڻ جو مطالبو ڪندي چيو آهي ته ڪشمير مسئلو وڏي اهميت اختيار ڪري رهيو آهي ڀارت ڪيترن ئي طريقن سان پاڪستان تي دٻاءُ وڌائي رهيو آهي گڏيل اجلاس ۾ اسان کلي بحث ڪري سگهون ٿا اڱاري تي قومي اسيمبلي جي اجلاس ۾ مخالف ڌر جي اڳواڻ چيو ته ڪشمير جو مسئلو تمام گهڻي اهميت اختيار ڪندو پيو وڃي عالمي سطح تي ۽ سفارتي سطح تي ان حوالي سان ڳڻتي وڌي رهي آهي گذريل ڏينهن ڀارتي پرڏيهي وزير بيان ڏنو آهي هن چيو ته سومر کان گڏيل اجلاس طلب ڪيو وڃي ته اسان کلي بحث ڪري سگهون ٿا اهو پاڪستان ۽ اسان جي بقا جو مسئلو آهي.

 

پاڪستان او اي سي ڊي ملٽي ليٽرل ڪنوينشن جو 104 هون ميمبر بڻجي ويو آهي: اسحاق ڊار

اسلام آباد(بيورو)  ناڻي واري وفاقي وزير اسحاق ڊار قومي اسيمبلي کي ٻڌايو ته پاڪستان او اي سي ڊي ملٽي ليٽرل ڪنوينشن جو 104 هون ميمبر بڻجي ويو آهي، ايندڙ سال جي آخر تائين اسان کي ٽيڪس لڪائڻ جي باري ۾ معلومات ملي سگهندي. قومي اسيمبلي ۾ ناڻي واري وفاقي وزير اسحاق ڊار چيو ته اسان اقتدار ۾ اچي سوئٽزرلينڊ کان ٽيڪس جي حوالي سان ڄاڻ جي لاءِ ٺاهه تي ڪم شروع ڪيو آهي، ان پاران ايم او ايف ۽ ٽيڪس ڇوٽ جي ڊمانڊ هئي، هيستائين ان تي اڳڀرائي ٿي رهي آهي، پارليامينٽ مان منظوري ورتي ويندي آهي، اسان ڪابينا مان منظوري ڏني آهي، 2017ع جي وچ ڌاري ان تي صحيحن جا امڪان آهن، پاڪستان ملٽي ليٽرل ڪنوينشن جي ميمبرشپ ورتي آهي، ان جا 103 ميمبر آهن، 14 سيپٽمبر تي اسان ان تي صحيحون ڪنداسين، پاڪستان او اي سي ڊي جو 104 هون ملڪ آهي، هن چيو ته اميد آهي ته ايندڙ سال جي آخر تائين هي آپريشنل ٿي ويندي ته پوءِ اسان کي ٽيڪس لڪائڻ جي بابت ڄاڻ ملي سگهندي، هي آڇ 2011ع کان هئي، تنهن هوندي به هي ڪريڊٽ اسان جي حڪومت ڏانهن وڃي ٿو.

 

قوم ڪرپشن جو خاتمو ۽ حڪمران پنهنجو اقتدار بچائڻ چاهين ٿا: سراج الحق

لاهور (م.ڊ) جماعت اسلاميءَ جي امير سراج الحق چيو آهي ته قوم ڪرپشن جو خاتمو ۽ حڪمران پنهنجو اقتدار بچائڻ چاهين ٿا، احتساب کان ڀڄندڙ حڪمرانن وٽ حڪومت ۾ رهڻ جو ڪو جواز ناهي، لاهور ۾ ميڊيا سان ڳالهائيندي سراج الحق جو چوڻ هو ته وزيراعظم پاڻ کي احتساب جي لاءِ پيش ڪري ته ٻين جو احتساب به شروع ٿي ويندو، هن چيو ته ڀارتي جنگي ارادن تي حڪومت ۽ مخالف ڌر جو گڏيل اجلاس ٿيڻ گھرجي، ڀارت خلاف هر سطح تي ڀرپور تياريءَ جي ضرورت آهي، ڪشمير ڀارت جي هٿان نڪرندو پيو وڃي جنهن تي هو سخت ڪاوڙ ۽ گھٻراهٽ جو شڪار آهي، سراج الحق جو چوڻ هو ته ڪرپشن خلاف فيصل آباد، رائيونڊ جا ڌرڻا ڪامياب ٿيندا، وزيراعظم جنرل اسيمبليءَ ۾ سٺي تقرير ڪئي جنهن کان پوءِ هُو بلڪل چُپ آهي. ڪشمير ۾ ڀارتي ظلمن خلاف عالمي سطح تي آواز اٿارڻ گھرجي.

 

پاڪستان جي اوڀر واري دنگ تي صورتحال ڇڪتاڻ واري آهي، وزير اعظم لنڊن ۾ خريداري پيو ڪري:عمران خان

اسلام آباد (م.ڊ) پاڪستان تحريڪ انصاف جي سربراهه عمران خان چيو آهي ته لائن آف ڪنٽرول تي صورتحال تمام گهڻي ڇڪتاڻ واري آهي ۽ وزير اعظم لنڊن ۾ خريداري ڪرڻ ۾ رڌل آهي. سماجي رابطن واري ويب سائٽ ٽوئٽر تي پنهنجي پيغام ۾ عمران خان جو چوڻ هو ته ڪنٽرول لائن ۽ پاڪستان جي اوڀر واري دگ تي صورتحال ڇڪتاڻ واري آهي، پر وزير اعظم نواز شريف اڄ ڪلهه موڪلن جا مزا ماڻي رهيو آهي ۽ لنڊن ۾ خريداري ۾ مصروف آهي.