تازيون خبرون

Daily Archives: September 26, 2016

سي پيڪ رٿا جي مخالفت ڪندڙ پاڻ اڪيلا ٿي ويندا: حڪومت

لاهور (اين اين آءِ) سڌ سماءَ جي وفاقي وزير سينيٽر پرويز رشيد چيو آهي ته ظالم دنيا ۾ اڪيلو هوندو آهي ۽ ڀارت کي اڪيلائي کان بچڻ لاءِ ڪشميرين تي ظلم ۽ بربيت کي بند ڪرڻو پوندو. بلوچستان مان هڪ به اهڙو آواز نه ٿو اچي جيڪو ڀارتي وزيراعظم کي خوش ڪري سگهي بلوچستان مان پاڪستان زنده آباد جا نعرا لڳندا رهندا، ڀارت جيڪڏهن پاڪ چين اقتصادي راهداري منصوبي جي مخالفت ڪندو ته هو دنيا ۾ اڪيلو ٿي ويندو. عمران خان کي سياست جو ٻيڙو ٻوڙڻ ۽ پنهنجي پارٽي کي برباد ڪرڻ جو هنر اچي ٿو ۽ هو صرف انهيءَ ۾ موجود آهي ۽ هو تفريح ڪرڻ لاءِ سڄي ملڪ مان ماڻهن کي رائيونڊِ ۾ گڏ ڪري رهيو آهي پر ان جي ابتڙ وزيراعظم نواز شريف پاڪستان کي کنجراب کان گوادر تائين ملائڻ جي ڪوشش ڪري رهيو آهي اهڙن خيالن جو اظهار هن الحمرا هال ۾ ميڊيا سان ڳالهائيندي ڪيو. هن پي ٽي آءِ جي رائيونڊ جي مارچ جي حوالي سان پڇيل سوال تي چيو ته عمران خان کي سياست جو ٻيڙو ٻوڙڻ ۽ پنهنجي جماعت کي برباد ڪرڻ جو هنر اچي ٿو ۽ هو صرف انهيءَ ۾ مصروف آهي ۽ هو ڪنهن ٻي سياسي جماعت ۽ سياسي اڳواڻ ۾ اهو هنر موجود نه آهي تحريڪ انصاف جو 30 سيپٽمبر تي ميلو ٿيندو ۽ آڪٽومبر ۾ ڪجهه به نه هوندو.

 

ملڪ جو اصل مسئلو ڪرپشن آهي، رائيونڊ مارچ مان ڪجهه به حاصل نه ٿيندو: خورشيد شاهه

سکر (اين اين آءِ) قومي اسيمبلي ۾ مخالف ڌر اڳواڻ سيد خورشيد شاهه چيو آهي ته پاڪستان ۾ احتجاج جو ڪو ئي قدر ناهي رائيونڊ مارچ وارا رستن تي ئي ويٺا هوندا ۽ وزيراعظم مٿان هيليڪاپٽر تي ايندو ۽ ويندو رهندو. ميڊيا سان ڳالهائيندي هن چيو ته ترقي يافته ملڪن ۾ مظاهرين کي پنهنجي احتجاج جو مقصد معلوم هوندو آهي ۽ اهي پنهنجي ملڪ جي حڪومت کي سوچڻ تي مجبور ڪري ڇڏيندا آهن پر پاڪستان ۾ احتجاج جو ڪو ئي قدر ناهي ترقي يافته ملڪن ۾ مظاهرن ۽ احتجاجن جو اثر هوندو آحي هتي پاناما ليڪس هجي يا ڪا ئي ٻي ليڪس ڪوئي به ان کي حقيقت ۾ تبديل ڪرڻ لاءِ تيار ناهي. هن چيو ته پاناما ليڪس ڪرپشن جو کليل ڪتاب آهي پر هر ماڻهو پاناما ليڪس کي نظرانداز ڪري رهيو آحي هن معاملي تي حڪومت جو ضد برقرار آهي جيڪڏهن احتساب نه ٿيو ته پوءِ واضح ٿي ويندو ته دال ۾ ڪجهه ڪارو آحي هن جو چوڻ هو ته ڪرپشن خلاف رائيونڊ مارچ مان ڪجهه به حاصل نه ٿيندو، اپوزيشن ليڊر جو چوڻ هو ته ملڪ ۾ سڀ کان وڏو چئلينج ڪرپشن آهي ڪرپشن ختم ٿي وڃي ته ملڪ مان غربت سولائي سان ختم ٿي ويندي پر هتي ماڻهو صحت جو ڪارڊ ورهائڻ لاءِ تقريبن جو اهتمام ڪن ٿا ۽ اربين رپيا ڪرپشن جي حوالي ٿي وڃن ٿا.

 

 

ڪراچي جو ميئر بي ڏوهي آهي ته کيس عدالتون آزاد ڪنديون: مراد علي شاهه

ڪراچي (اين اين آءِ) سنڌ جي وڏي وزير سيد مراد علي شاهه قومي احتساب بيورو (نيب) کي مشورو ڏنو آهي ته هو سنڌ صوبي جي خلاف وچ هنٽ بند ڪري ڇوته ننڍن ڪيسن جي جانچ پڙتال ڪرڻ انهي جو ڪم نه آهي، بلڪه اهو اينٽي ڪرپشن اسٽيبلشمينٽ جو ڪم آهي. هن اها ڳالهه اڄ شام ڪلفٽن ۾ عبدالله شاهه غازي جي مزار تي عرس جي اختتامي تقريب جي ادائيگي کانپوءِ ميڊيا سان ڳالهه ٻولهه ڪندي چئي. هڪ سوال جي جواب ۾ هن چيو ته مونکي خبر نه آهي ته اسپيڪر سنڌ اسيمبلي آغا سراج دراني جا ثمن جاري ٿيا آهن يا نه، پر آئون نيب کي مشورو ڏيندس ته اهو سنڌ صوبي ۾ وچ هنٽ بند ڪري ۽ اهڙي ريت هراسڻ اسان جي مينڊيٽ جي خلاف آهي. اهو ڪم اينٽي ڪرپشن اسٽيبلشمنٽ (اي سي اي) جو آهي. هن چيو ته اسان جي حڪومت اي سي اي کي وڌيڪ مضبوط ڪري رهي آهي. هڪ ٻئي سوال جي جواب ۾ سيد مراد علي شاهه چيو ته ايم ڪيو ايم جي بيگناهه ڪارڪنن کي آزاد ڪيو ويندو جيڪڏهن انهن کي ڪسٽڊي ۾ ورتو ويو آهي. هن چيو آهي ته اسان انتقام ۽ تشدد تي ڀروسو نٿا رکون ٿا بلڪه اسان هر هڪ جي حقن جو احترام ڪندا آهيون پر انهي جو اهو مطلب هرگز ڪونهي ته اسان ڪنهن کي به قانون هٿ ۾ وٺڻ جي اجازت ڏينداسون. هڪ ٻئي سوال جي جواب ۾ هن چيو ته آئي جي پوليس سنڌ جي بدلي ڪرڻ تي ڪوبه غور نه پيو ڪيو وڃي. ترقياتي منصوبن بابت آگاهي ڏيندي وڏي وزير چيو ته هو ذاتي بنياد تي هلندڙ ڪمن جو معائنو ڪندو ۽ انهي ڳالهه جي بنهه اجازت نه ڏيندو ته ڪنهن به منصوبي جو ڪم فقط ڪاغذن تائين محدود رهي. بلڪه اسان اهو فيصلو ڪيو آهي ته سڀني ترقياتي منصوبن بابت حقيقتن، منصوبي جي منظوري کان وٺي فنڊ ملڻ تائين جي ڄاڻ ويب سائيٽ تي رکنداسين ته جيئن ماڻهن کي پنهنجن علائقن ۾ ٿيڻ وارن ڪمن بابت ڄاڻ حاصل ٿئي. هن چيو ته حڪومت تعليم جي نظام، صحت جي خدمتن ۽ امن امان کي برقرار رکڻ لاءِ سرگرم آهي. هن چيو ته اسان شهر ۾ امن لاءِ وڏي قيمت ادا ڪئي آهي. تنهن ڪري انهي کي لتاڙڻ جي ڪنهن کي به اجازت نه ڏينداسين. ان کانپوءِ سنڌ جي وڏي وزير عبدالله شاهه غازي جي مزار تي گلن جي چادر چڙهائيندي فاتحه خواني ڪندي ٽن ڏهاڙن جي عرس جي پڄاڻي ڪئي. ان کانپوءِ سيد مراد علي شاهه ايم پي اي نصرت خواجه جي گهر ويو ۽ ان سان سندن ڀاءُ وزير علي خواجه جي وفات تي جيڪو هڪ نامور بينڪر هو تعزيت ڪئي.

 

دهشتگردن جي مالي مدد ڪندڙن جا 2 هزار کان وڌيڪ اڪائونٽ سيل

ڪراچي (م.ڊ)  نيڪٽا جي هدايت تي عمل ڪندي خانگي بينڪن شيڊول فور ۾ شامل پابندي پيل تنظيمن ۽ انهن جي سهولتڪارن جا 2 هزار 21 بينڪ اڪائونٽ فريز ڪري ڇڏيا آهن. ميڊيا رپورٽن موجب شيڊول 4 ۾ شامل 2021 ماڻهن جا خانگي ۽ سرڪاري بينڪن ۾ اڪائونٽ فريز ڪيا ويا آهن، اسٽيٽ بينڪ پاڪستان خانگي بينڪن کي شيڊول 4 ۾ شامل شڪي ماڻهن جا نالا ۽ سڃاڻپ ڪارڊ جون فهرستون ڏنيون هيون ۽ 15 ڏينهن اڳ هدايت جاري ڪئي هئي ته شيڊول 4 ۾ شامل سمورين پابندي پيل تنظيمن ۽ انهن جي سهولتڪارن جا بينڪ اڪائونٽ فريز ڪيا ويندا. اسٽيٽ بينڪ جي هدايت تي عمل ڪندي سڄي ملڪ ۾ قائم خانگي بينڪن پنجاب کان هڪ هزار 443، سنڌ مان 226، بلوچستان مان 193 ۽ گلگت بلتستان مان 106، آزاد ڪشمير مان 26 جڏهن ته وفاقي گادي واري هنڌ مان 27 ماڻهن جا اڪائونٽ فريز ڪيا ويا آهن.

 

ڀارتي ظلمن تان سمورن عالمي فورمن تي پڙدو کنيو ويندو: مليحا لوڌي

نيويارڪ (م.ڊ)  پرڏيهي نشرياتي اداري کي انٽرويو ڏيندي گڏيل قومن ۾ پاڪستان جي سفير مليحا لوڌي جو چوڻ هو ته پاڪستان ڀارت کي هميشا ڳالهين جي نينڍ ڏني ۽ ڳالهين ذريعي ئي ٻنهي ملڪن ۾ هلندڙ ڇڪتاڻ ۽ ڪشمير مسئلي کي حل ڪرڻ جي ڪوشش ڪئي پر ڀارت ڳالهين جا دروازا هميشا بند رکيا.ڊاڪٽر مليحا لوڌي چيو ته  ڀارت والاريل ڪشمير جي حالتن ۽ حقيقتن ڄاڻڻ واري انساني حقن جي عالمي تنطيمن کي پهچ ڏيڻ کان انڪار ڪيو ۽ ڪشميري عوام جي حقن واري تحريڪ کي دهشتگردي سان جوڙڻ جي هر ممڪن ڪوشش ڪري رهيو آهي پر پاڪستان سڀني عالمي فورمن تي ڀارتي ظلمن تان پڙدو کڻندو ۽ ان سلسلي ۾ سفارتي ڪوششون وڌيڪ وڌايون وينديون.سندس چوڻ هو ته عالمي اڳواڻن سوڌو گڏيل قومن جي جنرل سيڪريٽري بان ڪي مون کي ڏنل دستاويز ۽ تصويري ثبوتن ۾ انساني حقن جي سخت ڀڃڪڙين جون حقيقتون به شامل آهن،عالمي اڳواڻن به دهشتگردي جي خلاف پاڪستان جي قربانين جي واکاڻ ڪئي.

 

والاريل ڪشمير ۾ ڀارتي رياستي سرپرستي ۾ ظلمن جي پاليسين کي بند ڪرايو وڃي: سرتاج عزيز

اسلام آباد(اي پي پي)  وزيراعظم جي پرڏيهي  معاملن بابت صلاحڪار سرتاج عزيز عالمي برادري کان مطالبو ڪيو آهي ته اها والاريل ڪشمير ۾ ڀارتي رياستي سرپرستي ۾ ظلمن جي پاليسين کي بند ڪرائي. ڪشميرين جا بنيادي حق بحال ڪيا وڃن. گڏيل قومن جي سلامتي ڪائونسل جي ٺهرائن مطابق ڪشميرين کي انهن جو بنيادي حق ڏياريو وڃي. هتي وصول ٿيل پريس پڌرائي مطابق هو آچر تي گڏيل قومن جي جنرل اسيمبلي جي اجلاس جي موقعي تي او آءِ سي ڪائونسل آف فارين منسٽرز جي سالياني رابطه اجلاس ۾ خيالن جو اظهار ڪري رهيو هو جنهن جي صدارت ڪويت جو پرڏيهي وزير شيخ صبا الخالد الصبا ڪري رهيو هو. سرتاج عزيز اجلاس ۾ پاڪستاني وفد جي قيادت ڪئي. ان موقعي تي هن مسلمان امت کي درپيش چئلينجن ۽ والاريل ڪشمير ۾ ڀارت طرفان انساني حقن جي سنگين خلاف ورزين بابت اجلاس کي آگاهه ڪيو. هن ان عزم جو ورجاءُ ڪيو ته وچ اوڀر ۽ افغانستان ۾ امن ۽ استحڪام جي بحالي ۽ فلسطينين جي ڪاز جي پاڪستان مڪمل حمايت ڪري ٿو. اجلاس دوران پر تشدد انتها پسندي ۽ دهشتگردي جي خاتمي لاءِ او آءِ سي ميمبر ملڪن وچ ۾ وسيع تر سهڪار جي ضرورت  تي زور ڏنو ويو جڏهن ته انهن ملڪن وچ ۾ بين المذاهب ۽ بين الثقافتي ضرورت تي به زور  ڏنو ويو. اجلاس دوران ڄمون ۽ ڪشمير تي ڪانٽيڪٽ گروپ جي رپورٽ جي منظوري ڏيندي خود مختيار انساني حقن جي ڪميشن کي چيو ويو ته والاريل ڪشمير ۾ انساني حقن  جي صورتحال کي مانيٽر ڪري ۽ ڪائونسل جي پرڏيهي وزيرن جي ايندڙ اجلاس ۾ اها رپورٽ پيش ڪئي وڃي. ان موقعي تي ڪشميرين جي حقيقي نمائندن جي وفد به خيالن جو اظهار ڪندي والاريل ڪشمير جي تازي صورتحال بابت کيس آگاهه ڪيو ۽ ڪشميرين جي جائز ڪاز جي حمايت ڪرڻ تي او آءِسي جو شڪريو ادا ڪيو.

 

بلاول ڀٽو زرداري ڀارتي وزير اعظم کي ڪاسائي جو لقب ڏئي ڇڏيو، عالمي برادري کي ڪشمير ظلم روڪڻ جي اپيل

ڪراچي(م.ڊ)  پاڪستاني پيپلز پارٽي جي چئيرمين بلاول ڀٽو زرداري ڀارتي وزيراعظم نريندر مودي کي ڇتي تنقيد جو نشانو بڻائيندي مودي کي ڪشمير جو ڪاسائي قرار ڏئي ڇڏيو آهي. بلاول ڀٽو زرداري جو سماجي رابطن واري ويب سائيٽ ٽوئٽر تي پنهن جي نياپي ۾ والاريل ڪشمير ۾ ڀارت پاران ٿيندڙ تشدد ۽ چڪرين تي نريندر مودي کي ڇتي تنقيد جو نشانو بڻائيندي چيو ته گجرات ۾ رتو ڇاڻ ڪندڙ ڪاسائي هاڻي ڪشمير جو به ڪاسائي بڻجي چڪو آهي ۽ وري مٿان اسان کي ٿو دهشتگردي تي سمجهاڻيون ڏئي.

 

ڪراچي سياست جو اهم مرڪز آهي، متحده دهشتگردن ۽ باني کان الڳ آهي: عمران خان

ڪراچي (اين اين آءِ) پي ٽي آءِ جي چيئرمين عمران خان چيو آهي ته سمورن ڪامياب ملڪن ۾ احتساب مٿان کان شروع ٿئي ٿو جڏهن ته پاڪستان ۾ وزيراعظم ادارن کي ڪرپشن سان تباهه ڪري مال ميڙي ٿو جڏهن پنهنجي سياسي جماعت ٺاهي ته سڀ کان پهريان پنهنجا اثاثا ظاهر ڪيا رياستي ادارن کان انصاف نه ملڻ تي اسان کي صرف هاڻي احتجاج جو رستو آهي پاناما ليڪس ادارا ٺيڪ ڪرڻ جو موقعو فراهم ڪري ڇڏيو آهي ڪراچي ۾ ميڊيا سان ڳالهائيندي عمران خان چيو ته جڏهن پنهنجي سياسي جماعت ٺاهي ته سڀ کان اڳ پنهنجا اثاثا ظاهر ڪيا ڇو ته سمورين ڪامياب رياستن ۾ احتساب هميشه مٿان کان شروع ٿئي ٿو پر هتي وزيراعظم ادارن کي ڪرپشن سان تباهه ڪري مال گڏ ڪري ٿو هن چي ته رياستي ادارا انصاف فراهم ڪرڻ بدران سندس پٺڀرائي ڪري رهيا آهن هن چيو ته رياستي ادارا انصاف نه ڏيندا ته اسان وٽ صرف احتجاج جو رستو ئي موجود هوندو آهي هن بلاول ڀٽو زرداري کي مخاطب ٿيندي چيو ته پاڪستان ۾ نئون دور آڻڻ جو موقعو اچي ويو آهي هن چيو ته پاناما ليڪس ادارا ٺيڪ ڪرڻ جو موقعو فراهم ڪيو آهي هن چيو ته ڪراچي سياست جو مرڪز آهي ۽ ان ۾ پڙهيل لکيل ماڻحن جو انگ ٻين شهرن جي ڀيٽ ۾ گهڻو آهي جڏهن کان ايم ڪيو ايم پاڪستان پنهنجي قائد کان الڳ ٿي آهي ان وقت کان ڪراچي جي حالت ۽ سياست مختلف ٿي وئي آهي هاڻِي ايم يڪو ايم پننجي باني ۽ دهشتگردي کان پري ٿي وئي آحي ڪراچي مان دهشتگردي واري سياست کي ختم ٿيڻ گهرجي.

 

گڏيل قومن ۾ وزير اعظم سڄي قوم جي جذبن جي ترجماني ڪئي: سراج الحق

لاهور (اين اين آءِ) امير جماعت اسلامي سينيٽر سراج الحق چيو آهي ته جنرل اسيمبلي ۾ هڪ زبردست تقرير کانپوءِ وزيراعظم خاموشي سان ويهجي ويو آهي ڪشميرين کي سندن حق ڏيارڻ لاءِ جن عملي قدمن جي ضرورت هئي اهي نه ڪيا ويا ڪشمير بابت وزيراعظم جي تقرير بيشڪ قومي امنگن جي ترجمان هئي جنهن جي سڀني ساراهه ڪئي آهي پر هن پنهنجي خطاب ۾ بلوچستان ۾ ڀارتي مداخلت، ڪل ڀوشن سميت را جو نيٽ ورڪ، بنگلاديش ۾ 1974 جي ٽه ڌرئي معاهدي جي خلاف ورزي ڪندي بنگلاديشي حڪومت پاران محب پاڪستان ماڻهن کي ڦاهيون ۽ ڊاڪٽر عافيه صديقي جي رهائي وارو معاملو گڏيل قومن ۾ نه کڻي قوم کي مايوس ڪيو آهي اوباما جي تقرير ۾ ڪشمير ۽ بنگلاديش ۾ بيگناهه ماڻهن کي ڏني ويندڙ ڦاهين جو ذڪر نه هجڻ اسان جي پرڏيهي پاليسي جي ناڪامي آهي ڀارت خلاف پوري قوم ۽ فوج هڪ پچ تي آهي ڀارت جنگ شروع ڪرڻ جي غلطي ڪئي ته پنهنجو وجود وڃائي ويهندو ۽ ڀارت ۾ ڪيترائي نوان پاڪستان ٺهندا جماعت اسلامي 30 سيپٽمبر تي فيصل آباد ۾ ڪرپشن جي خلاف ڀرپور احتجاجي مظاهرو ڪندي اهڙن خيالن جو اظهار هن منصوره ۾ مرڪزي مجلس شورا جي اجلاس جي پڄاڻي کانپوءِ پريس ڪانفرنس کي خطاب ڪندي ڪيو.

 

اعتزاز احسن ۽ ڪائرا سٺا ماڻهو آهن پر سندن وس نه پيو هلي: شيخ رشيد

ڪراچي (م.ڊ) عوامي مسلم ليگ جي سربراهه شيخ رشيد احمد چيو آهي ته مسلم ليگ ق اسان جي ڌرڻي ۾ ضرور شامل ٿيندي، اي اين پي ۽ فضل الرحمان حڪومت جي ترجماني ڪري رهيا آهن، خانگي ٽي وي چينل جي پروگرام سان ڳالهائيندي عوامي مسلم ليگ سربراهه جو وڌيڪ چوڻ هو ته آصف زرداريءَ جيڪي 6 مطالبا موڪليا اهي قبول ڪرڻ لائق نه آهن، اعتزاز احسن ۽ ڪائرا سٺا ماڻهو آهن پر سندن وس نه پيو هلي، شيخ رشيد جو وڌيڪ چوڻ هو ته بلاول ڀُٽو زرداري جي لاءِ بهتر ٿيندو ته هو ناني ۽ ماءُ جي سياست کي فالو ڪري، وزيراعظم بي فڪر ٿي لنڊن ۾ آرام فرمائي رهيو آهي، سندس چوڻ هو ته ملڪ جون حالتون جيڪڏهن خوفناڪ ۽ خطرناڪ آهن ته وزيراعظم واپس اچي قوم کي ٻڌائي، شيخ رشيد چيو ته اسان جاتي امرا کي ايئن سمجھيو آهي جيئن اتي ڪنهن بزرگ جي مزار هجي.