تازيون خبرون

Daily Archives: September 24, 2016

ڪو غلط فهمي ۾ نه رهي هر خطري جو مقابلو ڪرڻ ڄاڻون ٿا: جنرل راحيل شريف

راولپنڊي (اين اين آءِ) پاڪ فوج جي سربراهه جنرل راحيل شريف چيو آهي ته ڪنهن کي به شڪ نه هجڻ گهرجي ته اسان جي بهادر هٿياربند فوج ڪنهن به طرح جي خطري جو مقابلو ڪرڻ جي ڀرپور صلاحيت رکي ٿي پوري قوم جي حمايت سان ملڪ جي هڪ هڪ انچ جو دفاع ڪنداسين. ڀلي ان جي ڪهڙي به قيمت ادا ڪرڻي پوي. پاڪستان هڪ ڏهاڪي کان وڌيڪ عرصي تائين دهشتگردي جو شڪار آهي پر پوري قوم جا حوصلا ۽ سيڪيورٽي فورسز جي پيشوراڻي بدولت اسان صورتحال کي تبديل ڪري ڇڏيو آهي. آءِ ايس پي آر موجب چيف آف آرمي اسٽاف جنرل راحيل شريف جمعي تي کاريان ويجهو قومي دهشتگردي خاتمي واري مرڪز جو دورو ڪيو، ۽ انفرااسٽرڪچر کي اپ گريڊ ڪرڻ ۽ جديد ترين سهولتن جي فراهمي جو افتتاح ڪيو. نين سهولتن جو مقصد پرڏيهي ملڪن ۽ پاڪستاني سيڪيورٽي ايجنسين جي وڌندڙ تربيتي ضرورتن کي پورو ڪرڻ آهي. نيون سهولتون فراهم ڪرڻ سان اين سي ٽي سي دهشتگردي خلاف بهترين تربيتي مرڪز بڻجي ويو آهي آرمي چيف کي ڪمانڊر اسٽرائيڪ ڪور ليفٽيننٽ جنرل عمر فاروق دراني پاران قومي دهشتگردي جي خاتمي واري مرڪز جي مختلف پهلوئن جي حوالي سان بريفنگ ڏني. هن آرمي چيف کي ٻڌايو ته هن وقت تائين هٿياربند فوج جا ٻه لک 31 هزار فوجي جڏهن ته پوليس ۽ سول آرمڊ فورسز جا 3 هزار 483 آفيسر ۽ جوان اين سي ٽي سي ۾ تربيت حاصل ڪري چڪا آهن. هن چيو ته دهشتگردي جي خاتمي جي تربيت کان علاوه ان مرڪز تي دوست ملڪن کان پنج گڏيل مشقون به ٿي چڪيون جن ۾ چين، سعودي عرب، بحرين، سريلنڪا، مالديپ ۽ ترڪي شامل آهن. ان موقعي تي مختلف ملڪن جا دفاعي اتاشي به موجود هئا. آرمي چيف قومي دهشتگردي خاتمي جي مرڪز تي تربيت فراهم ڪندڙ سمورن آفيسرن جي ڪارڪردگي جي ساراهه ڪئي جيڪي قانون لاڳو ڪندڙ ادارن کي هٿي ڏيڻ تي توجهه ڏئي رهيا آهن چيف آف آرمي اسٽاف آفيسرن ۽ جوانن کي خطاب ڪندي چيو ته ڪنهن کي به شڪ نه هجڻ گهرجي ته اسان جي بهادر هٿياربند فوج ڪنهن به طرح جي خطري جو ڀرپور مقابلو ڪرڻ جي صلاحيت رکي ٿي.

 

رياست جي رٽ بحال ڪري ڇڏي آهي، 2018 لوڊشيڊنگ جي خاتمي جو سال هوندو: نواز شريف

نيويارڪ (اين اين آءِ) وزيراعظم نوازشريف چيو آهي ته پاڪستان جي معيشت هڪ سٺي وقت ۾ هلي رهي آهي 2017 جي پڄاڻي تائين بجلي بحران جو مڪمل خاتمو ڪيو ويندو الله جي فضل ۽ ڪرم سان رياست جي رٽ بحال ڪرڻ جي قابل ٿي ويا آهيون پنهنجي جاگرافيائي حدن جي هر انچ تي اسان جي عملداري آهي پاڪستان ۾ سلامتي جي بهتر صورتحال سان سيڙپڪارن جو اعتماد ۽ دلچسپي ۾اضافو ٿيو آهي جم اولن آف گولڊ مين ساڪس پاڪستان کي 11 معيشتن جي گروپ اين اليون ۾ شامل ڪيو ويو آهي. دنيا جي بهترين عالمي ڪريڊٽ ريٽنگ ايجنسين جي عالمي مالياتي ادارن اقتصادي ماهرن پاڪستان جي معيشت کي بهتر بنائڻ لاءِ ساڍن ٽن سالن دوران حاصل ٿيندڙ ڪاميابين کي ساراهيو 20 ڪروڙ نوجوان ۽ فعال آبادي صارفين جي وڌندڙ گهرج مستحڪم معيشت ۽ سلامتي جي بهتر صورتحال ۾ پاڪستان منافعه بخش سيڙپڪاري ۽ واپار لاءِ شاندار موقعن جي پيشڪش ڪري ٿو پاڪستان ۽ آمريڪا وچ ۾ ٻطرفو واپار کي هٿي ڏيڻ لاءِ آمريڪي منڊين تائين تجارت پهچائي وڃي ته جيئن پاڪستان ۽ آمريڪا جي ڪاروباري ماڻهن کي هڪٻئي سان ڪاروبار ڪرڻ جا شفاف موقعا حاصل ٿي سگهن ٻطرفو واپار کي هٿي ڏيڻ لاءِ اهڙي طرح جو انتظام ضروري آهي وزيراعظم اهڙن خيالن جو اظهار آمريڪا پاڪستان بزنس ڪائونسل ۽ آمريڪي ايوان صنعت ۽ تجارت پاران گڏيل طور تي ڏنل مانجهاندي کي خطاب ڪندي ڪيو. هن چيو ته اسان جون معاشي ڪاميابيون خاص طور تي تعريف جوڳيون آهن ڇو ته اهي ڪاميابيون اسان اهڙي وقت ۾ حاصل ڪيون آهن جڏهن اسان دهشتگردي جي خاتمي لاءِ اهم آپريشن ۾ مصروف آهيون. اهو آپريشن سڄي ملڪ ۾ دهشتگردن جي خاتمي لاءِ شروع ڪيا ويا آهن. وزيراعظم چيو ته ٽيڪس ٽو جي ڊي پي جي شرح 12.5 سيڪڙو تائين پهچي ويئي آهي جڏهن ته موجوده حڪومت کي جڏهن ورثي ۾ تباهه ٿيل معيشت ملي ته ان جي شرح 9 سيڪڙو هئي هن چيو ته ان شرح ۾ وڌيڪ بهتري جي گنجائش موجود آهي جنهن کي حاصل ڪرڻ لاءِ اسان پرعزم آهيون هن چيو ته فوربز اعتراف ڪيو آهيت ه پاڪستان ۾ عالمي سطح تي اقتصادي لحاظ کان هڪ ڪامياب جڳهه حاصل ڪرڻ جي صلاحيت آهي. هن چيو ته بلونگ برگ پاڪستان کي 2014 ۾ بهترين ڪارڪردگي جي حامل 10منڊين ۾ ٽئين نمبر تي ۽ 2016 ۾ ممڪنه سيڙپڪاري جي بهترين ملڪن ۾ 14 نمبر تي شمار ڪيو هو وزيراعظم چيو ته دنيا جي بهترين بين الاقوامي ڪريڊٽ ريٽنگ ايجنسي ۾ بين القوامي مالياتي ادارن ۽ بين الاقوامي اقتصادي ماهرن سميت تمام پاڪستان جي گذريل ساڍن ٽن سالن دوران معيشت کي بهتر بنائڻ لاءِ حاصل ٿيندڙ ڪاميابين کي ساراهيو آهي. هن چيو ته اڄ هتي آمريڪي واپارين ۽ سيڙپڪارن سان ملي تمام گهڻي خوشي ٿي آهي.

 

پيپلز پارٽي جو لاهور ڪسان اتحاد جي مظاهري ۾ شرڪت جو اعلان

ڪراچي (م.ڊ) سنڌ جي وڏي وزير سيد مراد علي شاهه بلاول هائوس ۾ پ پ چيئرمين بلاول ڀُٽو زرداريءَ سان ملاقات ڪئي آهي، ٻنهي اڳواڻن ۾ ملاقات دوران سنڌ سرڪار جي ڪارڪردگي ۽ موجوده سياسي صورتحال تي خيالن جي ڏي وٺ ڪئي وئي آهي، ان موقعي تي وڏي وزير سيد مراد علي شاهه پاران پ پ چيئرمين بلاول ڀُٽي زرداريءَ جي ملير جي ڪامياب دوري تي کيس واڌايون پيش ڪيون ويون آهن. ٻئي طرف پيپلز پارٽي پاران لاهور ڪسان اتحاد جي مظاهري ۾ شرڪت جو پڻ اعلان ڪيو ويو آهي. ان موقعي تي پيپلز پارٽي جي چيئرمين چيو ته پ پ عوامي طاقت جو نالو آهي، عوام جي هر ڏس سک ۾ گڏ هونداسين، اسان  شهيدن جا وارث آهيون، هن وڏي وزير کي چيو ته عوام کي درن تائين سهولتون پهچايون وڃن.

 

قانون سان ٽڪراءُ جوڳي شئي کي ڪالعدم قرار ڏئي سگهجي ٿو: سپريم ڪورٽ

اسلام آباد(م.ڊ) سپريم ڪورٽ نيب ۾ غيرقانوني ڀرتين  خلاف پاڻمرادو نوٽيس واري ڪيس ۾ نيب کان سمورن آفيسرز جي مقرري ۽ ترقي جو رڪارڊ طلب ڪري ورتو آهي،جسٽس امير هاني مسلم رمارڪس ڏيندي چيو آهي ته نيب ۾ چيئرمين جي صوابديد تي سڀ ڪجهه ٿي رهيو آهي، قانون سان ٽڪراءُ جوڳي شئي کي ڪالعدم قرار ڏئي سگهجي ٿو. اسلام آباد ۾ سپريم ڪورٽ جي بئنچ نيب ۾ ڀرتين بابت پاڻمرادي نوٽيس تي ٻڌڻي ڪئي، عدالت اٽارني جنرل طلب ڪري کيسعدالت جي معاونت ڪرڻ جي هدايت ڪئي. ٻڌڻي دوران عدالت رمارڪس ڏيندي چيو ته ايترا اختيار ته پبلڪ سروس ڪميشن وٽ به ناهن جيترا نيب وٽ آهن، نيب ۾ ڊيپوٽيشن آفيسرز جي ضم ٿيڻ جو جائزو ورتو ويندو. جسٽس امير هاني مسلم رمارڪس ڏيندي چيو ته نيب قومي خزاني مان پگهارون کڻي ٿي يا پرائيويٽ ڪمپني کان؟  نيب ۾ ڊيپوٽيشن تي مقرر ملازم ضم ڪيئن ٿا ٿي سگهن.

 

دنيا ۾ ڪٿي به ڪا جنگ محدود نه آهي پاڪ ڀارت جنگ ڪنهن جي به حق ۾ نه هونديو: خورشيد شاهه

سکر (اين اين آءِ) قومي اسيمبلي ۾ مخالف ڌر جي اڳواڻ سيد خورشيد شآهه چيو اهي ته دنيا ۾ ڪٿي به ڪا جنگ محدود نه آهي پاڪستان ۽ ڀارت جي جنگ ڪنهن جي به حق ۾ نه هوندو. اهڙي عمل ذريعي ڀارت ڪنهن وڏي اينڊا تي عمل ڪري رهيو آهي برهمداغ کي پناهه ڏيڻ پاڪستان ۾ ڀارتي مداخلت جو ثبوت آهي سکر ۾ ميڊيا سان ڳالهائيندي قومي اسيمبلي ۾ مخالف ڌر جي اڳواڻ خورشيد شاهه چيو ته مودي سرڪار جهڙيون 10 طاقتون به اچي وڃن ته پاڪستان کي ڪوبه خوف نه آهي. جنگ ٿي ته اها ٿرڊ ورلڊ وار ۾ تبديل ٿي ويندي. هن چيو ته وزيراعظم ڪشمير جو مسئلو موثر انداز ۾ اٿاريو پاڪستان ۾ ڀارتي مداخلت جو ذڪر به ڪرڻ گهرجي هن چيو ته آرمي چيف جي مدي ۾ واڌ جي ضرورت نه آهي.

 

هِن سال 60 هزار ڪوڙن سڃاڻپ ڪارڊن جي نشاندهي ٿي چڪي آهي: چوڌري نثار

اسلام آباد (م.ڊ) وفاقي گھرو وزير چوڌري نثار علي خان چيو آهي ته هِن سال 60 هزار ڪوڙن سڃاڻپ ڪارڊن جي نشاندهي ٿي چڪي آهي، ساڍا 10 ڪروڙن مان ساڍا 8 ڪروڙ سڃاڻپ ڪارڊن جي تصديق ٿي چُڪي آهي، هن چيو ته ٻيهر تصديق ۾ 60 هزار سڃاڻپ ڪارڊ جعلي نڪتا، 50 هزار سڃاڻپ ڪارڊ بلاڪ ڪيا ويا آهن. چوڌري نثار علي خان جو وڌيڪ چوڻ هو ته پيپلز پارٽيءَ جي  دور کان اڳ جي حڪومت ۾ ڪو سڃاڻپ ڪارڊ بلاڪ نه ٿيو، پيپلز پارٽي جي دور ۾ لڳ ڀڳ 500 سڃاڻپ ڪارد بلاڪ ٿيا. 10 هزار سڃاڻپ ڪارڊن جي تصديق ايجنسيون ڪري رهيون آهن، چوڌري نثار عليءَ جو چوڻ هو اسان 50 هزار سڃاڻپ ڪارڊ بلاڪ ڪيا آهن. سفارتي ۽ آفيسرن جا 2 هزار کان وڌيڪ پاسپورٽ به رد ڪيا، اسان گذريل ٻن سالن ۾ ڪوڙن پاسپورٽن خلاف ڪريڪ ڊائون به ڪيو، وفاقي گھرو وزير وڌيڪ چيو ته پرڏيهين وٽ به پاڪستاني سڃاڻپ ڪارڊ هئا. سوين ملازم به ڪڍيا ويا آهن، جيڪي ملوث هئا انهن خلاف ڪارروائي ڪئي، اڳوڻين حڪومتن جو اُن طرف ڌيان نه هو، 29 هزار پاسپورٽ پرڏيهين کي مليل آهن، بدقسمتيءَ جي ڳالهه آهي، آفيشل پاسپورٽ انساني اسمگلنگ ۾ به استعمال ٿيا. چوڌري نثار وڌيڪ چيو ته ڪجھه ملازم گرفتار به ٿيا، ڪجھه مقرر آهن جلد گرفتار ڪنداسين، جيستائين دنيا آهي تيستائين ڪرپشن ۽ چوري چڪاري به جاري رهندي. هن چيو ته نوي جي ڏهاڪي کان انڌير نگري متل آهي. ايندڙ ٻن ٽن مهينن ۾ نادرا ۾ ڪريڪ ڊائون ڪنداسين، انهن ماڻهن هِن رياست سان غداري ڪئي آهي، هنن پيسا وٺي ملڪي پاسپورٽ جاري ڪيا، ملڪ سان غداري ڪئي وڃي اهو برداشت نه ڪنداسين، 2 هزار کان وڌيڪ پرڏيهين قانوني ڪارروائيءَ کان بچڻ جي لاءِ پاسپورٽ واپس ڪيا، ڪارروائي کي جاري رکنداسين، نادرا ۽ پاسپورٽ آفيسن ۾ صفائيءَ جو عمل جاري رهندو، چوڌري نثار چيو ته ڪوڙن سڃاڻپ ڪارڊ، پاسپورٽ جاري ڪندڙ 18 ماڻهن خلاف ڪارروائي هلي رهي آهي، بلاڪ ڪيل سڃاڻپ ڪارڊن جي لاءِ جلد وقت جو اعلان ڪنداسين. ايف آءِ اي ۽ ايجنسين جي ذميواري آهي ته هو ان بابت ڪردار ادا ڪن. ڪراچي لاهور، گوجرانوالا، پشاور ۽ ڪوئيٽا ۾سهولتون ڏينداسين. نادرا جي سٺن اهلڪارن جون پگھارون وڌائينداسين. ڪارروائي ۾ پاڪستانين جا ڪارڊ به بلاڪ ٿي ويا هوندا.

 

ڀارت ڪشمير ۾ شڪست جي خوف کان پاڪستان کي ڌمڪيون پيو ڏئي: سراج الحق

لاهور (اين اين آءِ) جماعت اسلامي جي امير سينيٽر سراج الحق چيو آهي ته ڀارت ڪشمير ۾ شڪست جي خوف کان پاڪستان کي ڌمڪيون ڏئي رهيو آهي مودي جو رويو شروع کان ئي جنگ جو آهي. ڀارت ۾ غربت، اقليتن جي بي اعتمادي ۽ عوام کي بنيادي سهولتن جي فراهميءَ ۾ ناڪامي کي لڪائڻ لاءِ مودي سرڪار پاڪستان مٿان زهر هاري رهي آهي. قومي مسئلن ۾ اختلافن باوجود ڀارت جي مقابلي ۾ پوري قوم مضبوط ڀت وانگر گڏ آهي. پاڪستان هاڻي 65 يا 71 وارو ناهي پر هڪ تسليم ڪيل ايٽمي قوت آهي ڀارت کي اهو ذهن ۾ رکڻ گهرجي ته جنگ جي صورت ۾ وڏي ملڪ کي وڏو نقصان کائڻو پوندو. خطي ۾ امن جي قيام لاءِ ڀارت کي ڪشمير مسئلي تي مقصد واريون ڳالهين طرف اچڻو پوندو. وزيراعظم گڏيل قومن جي اسيمبلي ۾ قوم جي ترجماني ڪئي جيڪو تاريخ جوڳو عمل آهي. اهڙن خيالن جو اظهار هن منصوره ۾ جاري مرڪزي شورا جي ٽن ڏينهن واري اجلاس جي افتتاحي سيشن کي خطاب ۽ ان کانپوءِ ميڊيا سان ڳالهائيندي ڪيو. سينيٽر سراج الحق چيو ته ڀارت کي ڪنهن به غلط فهمي ۾ نه رهڻ گهرجي جيڪي هن دفعي ڪا غلطي ڪئي ته ان کي سواءِ تباهي جي ڪجهه به نه ملندو. ڀارت جي لاءِ بهتر اهو آهي ته هو ڪشمير تي پاڪستان سان بامقصد ڳالهيون ڪري ۽ انهن ڳالهين ۾ ڪشميري قيادت کي به شامل ڪيو وڃي.

 

ڀارت پاڪستان جي معاشي ۽ سياسي عدم استعحڪام جي سازشن ۾ ملوث آهي: راجا محمد فارق حيدرخان

لاهور (اين اين آءِ) وزيراعظم آزاد ۽ ڄمون ڪشمير راجا محمد فاروق حيدرخان چيو آهي ته پاڪستان جي معاشي عدم استحڪام جي سازشن ۾ ملوث آهي ڀارت سي پيڪ منصوبي کي ناڪام ڪرڻ لاءِ منفي پروپيگنڊا ڪري رهيو آهي پر ڀارت جي تمام ناپاڪ ارادن کي ناڪام بڻايو ويندو مودي جنگي جنون ۾ مبتلا آهي ڀارتي حڪمرانن جي جارحاڻي بيانن ان نيوڪليئر خطي جي امن کي داءُ تي لڳايو آهي سي پيڪ منصوبو پاڪستان جي معاشي ترقي ۽ خوشحالي ۾ گيم چينجر جي حيثيت رکي ٿو وزيراعظم جي قيادت ۾ پاڪستان معاشي ترقي ۽ خوشحالي جون منزلون طئي ڪندو مضبوط مستحڪم ۽ جمهوري پاڪستان ڪشميرين جي بهتر انداز ۾ وڪالت ڪري سگهي ٿو وزيراعظم نوازشريف کي لائين آف ڪنٽرول جي ٻنهي پاسن کان ڪشميري جنرل اسيمبلي ۾ ڪشمير اشو کي موثر انداز ۾ اجاگر ڪرڻ لاءِ خراج تحسين پيش ڪيون ٿا پاڪستان ڪشميرين جي منزل آهي والاريل ڪشمير ۾ جاري تحريڪ دراصل تحريڪ تڪميل پاڪستان آهي. ان تحريڪ لاءِ 6 لکن کان وڌيڪ ڪشميرين پنهنجي جان جو نذرانو پيش ڪيو آهي. ڀارت جي قابض حڪمران هاڻي وڌيڪ عرصو ان تحريڪ جو رستو نٿا روڪي سگهن. هن چيو ته پرنٽ ۽ اليڪترانڪ ميڊيا جا ٿورائتا آهيون جو والاريل ڪشمير ۾ ڀارتي ظلم کي اجاگر ڪري رهي آهي. وزيراعظم ان موقعي تي پاڪستان ۽ آزاد ڪشمير جي سڄي قيادت کي اپيل ڪئي ته هو تحريڪ آزادي جي ان مرحلي ۾ والاريل ڄمون ۽ ڪشمير جي عوام جي تحريڪ جي ڪاميابي لاءِ پنهنجو ڀرپور ڪردار ادا ڪن.

 

ڪراچي جي ميئر وسيم اختر سميت تمام بيگناهه سياسي قيدين کي آزاد ڪيو وڃي: ايم ڪيو ايم

ڪراچي (اين اين آءِ) ايم ڪيو ايم جمعي تي سنڌ اسيمبلي ۾ سنڌ حڪومت کي اپيل ڪئي آهي ته هو رڪاچي جي ميئر وسيم اختر سميت سمورن بيگناهه سياسي قيدين کي آزاد ڪيو وڃي ايم ڪيو ايم جي ميمبر رئوف صديقي ڪجهه نقطن تي اعترفاض واريندي چيو ته سينترل جيل ۾ قيدين مان روزانو ڄاڻ ملندي آهي ۽ ملاقاتون به ٿينديون آهن جيل ۾ قيدين کي ڏکيائين جو ٻڌي اسان پنهنجو غم وساري ويهندا آهيون هن چيو ته جن ماڻهن ڏوهه ڪيو آهي انهن کي سزا ملڻ گهرجي ليڪن بيگناهه سياسي قيدين کي آزادي ملڻ گهرجي. مان قيدين جو هڪ خط سنڌ جي وڏي وزير ۽ اسپيڪر جي نالي آندو آهي ته جيئن انهن جي داد رسي ٿي سگهي ۽ ڪنور نويد جميل وسيم اختر شيراز وحيد قمر منصور جهڙن سياسي قيدين کي آزاد ڪيو وڃي. اپوزيشن ليڊر خواجه اظهارالحسن چيو ته سياسي قيدين جو انگ سوين نه پر هزارن ۾ آهي هو پنهنجا ڪيس ختم ٿيڻ جي انتظار ۾ آهن. حڪومت کي وڏا فيصلا ڪرڻا پوندا.

 

ڀارت ڪشمير ۾ جيترو فوج جو اسعتمال ڪندو، ان خلاف اوتري نفرت وڌندي: عمران خان

ٽيڪسيلا (م.ڊ) پي ٽي آءِ سربراهه عمران خان چيو آهي ته ڪشميري عوام ڀارتي فوج جو مقابلو ڪري رهيو آهي، ڀارت ڪشمير ۾ جيترو فوج جو اسعتمال ڪندو، ان خلاف اوتري نفرت وڌندي، ٽيڪسيلا ۾ جلسي کي خطاب ڪندي/ڏسو صفحو 3  بقايا نمبر 49

هن چيو ته  پاڪستاني قوم فوج سان گڏ بيٺل آهي، ڪشميري ڀارتي فوج جي سامهون شيهي جي ڀت ثابت ٿي رهيا آهن، ڪشميري عوام ڀارتي فوج جو ڃمي مقابلو ڪري رهيو آهي، والاريل ڪشمير جا شهري ڀارت کان آزادي چاهين ٿا، عمران خان چيو ته اسان جا اختلاف هڪ طرف، مسئلن جي حل جي لاءِ گڏ آهيون، دعا آهي ته جلد ئي اهو ڏينهن ايندو جڏهن هو پنهنجي تقدير جو فيصلو ڪري سگھندا، والاريل ڪشمير جي عوام جي جدوجهد تي کين ڀيٽا پيش ڪريان ٿو، ڪشميري ڀارتي فوج جي سامهون آزاديءَ جي لاءِ وڙهي رهيو آهي، والاريل ڪشمير جي ماڻهن کي داد ڏيڻ چاهيان ٿو، پي ٽي آءِ سربراهه چيو ته ٻاهرين مسئلن جي حل جي لاءِ سموري قوم متحد آهي، ملڪ ۾ هارين جي ڀلائيءَ لاءِ ڪو قدم نه پيو کنيو وڃي، شريف ڀائرن هارين کي تباهه ڪري ڇڏيو آهي، موديءَ کي چوان ٿو ته فوج جي زور تي قومن کي غلام نه ٿو بڻائي سگھجي، فوج جو اسعتمال ڪرڻ سان نفرتن ۾ واڌ ٿي رهي آهي، پاڪستان ۾ فوج جي حمايت تي قوم ۾ ڪو اختلاف نه آهي، ملڪ ۾ انصاف جي نظام کي بهتر ڪرڻ جي ضرورت آهي، ادارا مضبوط هجن ته قوم مضبوط ٿيندي آهي. عمران خان وڌيڪ چيو ته قوم وسيلن سان مضبوط ٿيندي آهي، ادارن جي مضبوطيءَ سان ٿيندي آهي، غربت ڪرپشن جي ڪري ٿي، پرڏيهه ۾ ڪاروبار آهي، انصاف آهي، غربت ۽ بيروزگاري گھٽ آهي، ملڪ ۾ تاريخ جي بدترين بيروزگاري آهي، حڪمرانن خلاف عدالت ۾ وياسي، انصاف نه مليو، ڪو وزير چوري ڪري ٿو ته ان جا سيڪريٽري به چوري ڪندا آهن، نواز شريف نيب جو سربراهه پنهنجي غلام کي لڳائي ڇڏيو آهي، نيب جو سربراهه نواز شريف کي گرفتار نه ٿو ڪري، ايف بي آر، نئب ۽ ايف آءِ اي سڀ ئي تباهه حال آهن، عمران خان وڌيڪ چيو ته اڄ جيڪڏهن اوهان ڪمزور آهيو ته ڪو به ناجائز ڪم ڪري سگھي ٿو، وزيراعظم نه ئي ادارن کي نه ئي ڪرپشن روڪي سگھي ٿو، مارچ ۾ ڪجھه به ٿيو ته رڍن ٻڪرين جيان مار نه کائينداسين، ن ليگ جا گُلو پنجاب پوليس کان سواءِ ڪجھه نه ٿا ڪري سگھن، پنجاب پوليس سان ئي گُلو بٽ به گڏ بيٺو رهيو، گجرانوالا ۾ به پوليس جي موبائيل تي چڙهي اسان تي حملو ڪيو ويو، سندس چوڻ هو ته حب تائين احتساب نه ٿيو ته ماڻهن کي ڪرپشن وسارڻ نه ڏينداسين، نه عدالتون انصاف ٿيون ڪن نه ئي اسپيڪر اسان جي پُڪار ٿو ٻڌي، مون کي ريفرنس موڪليو ويو، گھٽ ۾ گھٽ نواز شريف کي به موڪليو وڃي ها، هِن ڀيري پوليس يا گلو ڪجھه به ڪيو ته مار نه کائينداسي، پر امن احتجاج جو حق حاصل آهي، ان کي خراب ڪيو ويو ته نقصان جا ذميوار حڪمران هوندا.