تازيون خبرون

Daily Archives: May 7, 2016

سڌارا ۽ پائيدار پاليسين سبب پاڪستاني معيشت تيزي سان اڳتي وڌي رهي آهي: اسحاق ڊار

فرنڪفرٽ (اين اين آءِ) ناڻي وفاقي وزير اسحاق ڊار چيو آهي ته سڌارن ۽ پائيدار پاليسين جي بدولت ملڪي معيشت ترقي جي دڳ تي هلي رهي آهي هن اهڙن خيالن جو اظهار ايشائي ترقياتي بئنڪ جي بورڊ آف گورنرس جي سالياني اجلاس ۾ خطاب ڪندي ڪيو. ناڻي واري وزير مختلف ملڪن جي وزيرن جي سوالن جا جواب ڏيندي چيو آهي ته ملڪي معيشت جي بحالي لاءِ موجوده حڪومت طرفان گذريل ٽن سالن دوران ڪيترائي قدم کنيا آهن هن چيو ته پاڪستان معاشي استحڪام وارا قدم حاصل ڪيا آهن جنهن سبب ملڪي معيشت بهتري طرف سفر ڪري رهي آهي هڪ سوال جي جواب ۾ هن چيو ته برطانيا جي ماڻهن کي حق آهي ته اهي يورپ سان پنهنجي مستقبل جي لاڳاپن جو فيصلو ڪن.

 

اهو ممڪن ناهي ته وزيراعظم پنهنجي احتساب لاءِ پاڻ ٽي او آرز طئه ڪري: اعتزاز احسن

لاهور(اين اين آءِ) پاڪستان پيپلز پارٽي جي اڳواڻ سينيٽر اعتزاز احسن چيو آهي ته وزيراعظم جو احتساب پهريان ٿيندو، جڏهن ته هڪ اهڙي شخص تي ڪرپشن جا الزام آهن ۽ اهو ئي ضابطا اخلاق طئه ڪري اهو ممڪن ناهي، اپوزيشن طرفان ڏنل ٽي او آرز جو حڪومت پاڻ جائزو وٺي،ميڊيا سان ڳالهائيندي هن چيو ته حڪومتي ٽي او آرز متفقه طور تي رد ڪري چڪا آهيون، ڇاڪاڻ ته حڪومت جا ٽي او آرز جي جاچ 1947 کان شروع ٿي رهي هئي، حڪومت پنهنجي ٽي او آرز تي اسرار ڪري ٿي ته اپوزيشن جو اسرار وڌندو ويندو، هن چيو ته حڪومت پاناما ليڪس جاچ جي حوالي سان سنجيده نه آهي، جڏهن ته اپوزيشن طرفان ڏنل ٽي او آرز جو حڪومت پاڻ جائزو وٺي، وزيراعظم ج احتساب پهريان ٿيندو ڇاڪاڻ ته هڪ اهڙي شخص تي ڪرپشن جا الزام آهن ۽ اهو ئي ضابطڪار طئه ڪري اهو ممڪن ناهي، پهريان نواز شريف ۽ ان کانپوءِ ٻين سياستدانن جو احتساب ٿيڻ گهرجي، انهن تمام ماڻهن جو احتساب ٿيڻ گهرجي جن جا نالا پاناما پيپز ۾ آيا آهن.

 

ايم ڪيو ايم جو 15 مئي تي شيڊو بجيٽ پيش ڪرڻ جو اعلان، سنڌ ۾ پاڻي مسئلو حل نه ٿيو ته جهيڙا ٿيندا: خواجه اظهار

ڪراچي (اين اين آءِ) ايم ڪيو ايم 15 مئي تي شيڊو بجيٽ پيش ڪرڻ جو اعلان ڪيو آهي، سنڌ اسيمبلي ۾ اپوزيشن ليڊر خواجه اظهار الحسن چيو آهي ته سنڌ ۾ پاڻي جو مسئلو حل نه ٿيو ته جهيڙا ٿيندا، سنڌ ۾ هڪ وڏو وزير ناهي پر ڪيترائي وڏا وزير آهن، خورشيد شاهه وزيراعظم کان جيڪو گهري رهيو آهي، ان جو جواب وڏو وزير ڪڏهن وٺندو، گذريل ڏينهن سنڌ اسيمبلي بلڊنگ ۾  پريس ڪانفرنس ڪندي خواجه اظهار الحسن چيو ته ايم ڪيو ايم سنڌ جي ٻي ۽ ڪراچي شهر جي سڀ کان وڏي چونڊيل جماعت آهي، گذريل سال انهن ڏينهن ۾ پاڻِي جو بحران هو جيڪو اڄ به آهي، هن وقت ڪراچي ڪربلا جو منظر پيش ڪري رهي آهي ۽ سنڌ سرڪار پاڻي فراهم ڪرڻ ۾ ناڪام ٿي وئي آهي، هن چيو ته ٽينڪر ذريعي پاڻي فراهمي واري اسڪيم به ڪرپشن جو ذريعو هئي، سنڌ حڪومت ساڍا 6 سئو ارب رپيا خرچ ڪري چڪي آهي پر ان باوجود شهرين کي پاڻي ميسر نه ٿي سگهيو آهي، اها ئي صورتحال رهي ته ڪراچي ۾ جهيڙا ڪر کڻندا، هن چيو ته ميڊيا گواهه رهي ته اسان ان حوالي سان سي ايم سنڌ کي خط لکيو آهي، هن چيو ته هو جڏهن به وڏي وزير سان ملڻ لاءِ ويا آهن ته کين سرڪاري چانهن پيارڻ کانپوءِ رخصت ڪيو وڃي ٿو، خط لکون ٿا ته ان جو به جواب نٿو ڏنو وڃي، هن چيو ته اسڪولن ۾ امتحان هلي رهيا آهن پر اتي نه پاڻي آهي ۽ نه ئي باٿروم جي سهولت آهي. هن چيو ته پاڻي واري معاملي ۾ 2 سئو ارب رپين جي ڪرپشن جو ڇا ٿيو، پاڻي ڪرپشن بابت جي آءِ ٽي جو ڇا ٿيو، آخر اهي سڀ ادارا خاموش آهن ۽ جاچ کان نٽايو پيو وڃي، ان موقعي تي سيد سردار احمد ۽ ٻيا ايم ڪيو ايم جا اڳواڻ موجود هئا.

 

نواز شريف جلسن بدران پاڻ کي احتساب لاءِ پيش ڪري: سراج الحق

پشاور (اين اين آءِ) جماعت اسلامي جي امير سينيٽر سراج الحق چيو آهي ته نواز شريف جلسا ڪرڻ بدران دل وڏي ڪري پنهنجو پاڻ کي احتساب لاءِ پيش ڪري، چوڌري نثار اپوزيشن جي ٽي او آرز کي پڙهڻ کانسواءِ ان کي رد ڪري هٺ ڌرمي جو مظاهرو ڪيو، هن چيو ته جماعت اسلامي جي ڪرپشن فري پاڪستان تحريڪ هاڻ فيصلا ڪن مرحلي ۾ داخل ٿي چڪي آهي ۽ هي تحريڪ ۽ احتساب هاڻ هر شهري جو نعرو بڻجي چڪو آهي، هن چيو ته احتساب جو مطالبو پاناما ليڪس تائين محدود نه پر گذريل حڪومتن ۾ جن ماڻهن ملڪي خزاني کي لٽيو آهي ۽ رقم پرڏيهه منتقل ڪئي انهن سڀني جي احتساب جو وقت اچي ويو آهي، پريس ڪانفرنس ڪندي هن چيو ته وزيراعظم ۽ حڪمران ٽولو حقيقي ۽ نظر ايندڙ احتساب جي حق ۾ ناهي، جيڪڏهن اهي احتساب جي حق ۾ هجن ها ته اڳوڻيون حڪومتن کان شروع ڪرڻ کان بدران پنهنجو پاڻ کان احتساب جو عمل شروع ڪن ها، هن چيو ته حڪومت سڄو معاملو پاڻ الجهايو آهي، هن چيو ته اسان ڪرپشن ان تحريڪ کي وڌيڪ موثر بڻائڻ چاهيون ٿا ۽ اسان جي تحريڪ مالياتي ڪرپشن، اخلاقي ۽ انتخابي ڪرپشن جي خلاف آهي ۽ عدالتي نظام ۾ به سڌارا چاهيون ٿا.

 

پي ٽي آءِ سان لاڳاپيل ماڻهو سوشل ميڊيا تي مخالفت جو دليل سان جواب ڏين: عمران خان

لاهور (اين اين آءِ) تحريڪ انصاف جي سربراهه عمران خان چيو ته پارٽي جي آفيشل پيج کان علاوه سوشل ميڊيا تي مختلف ويب سائيٽس تي اڳواڻن يا ڪارڪنن جي موقف ۽ قدمن کان لاتعلقي ظاهر ڪندي چيو آهي ته پي ٽي آءِ سان لاڳاپيل ماڻهو مخالفت جو دليل سان جواب ڏين سوشل ميڊيا تي جاري ڪيل پيغام ۾ عمران خان چيو ته پي ٽي آءِ جا جيترا به آن لائين سپورٽرز آهن مان انهن سان ٻه ڳالهيون ڪرڻ چاهيان ٿو پهريان ته جيڪو پي ٽي آءِ جو اسپيشل پيج آهي اسان صرف ان جا ذميوار آهيون ۽ ٻيو پي ٽي آءِ جي نالي سان جيڪي به شيون اچن ٿيون اسان ان جا به ذميوار نه آهيون مان چوڻ چاهيان ٿو ته جيڪي به پي ٽي آءِ جا سپورٽرس آهن ان لاءِ جيڪڏهن ڪوبه اينڪرز جرنلسٽس جا ڪالمسٽ اسان جي خلاف ڪا ڳالهه ڪري ٿو ته براءِ مهرباني ان کي عقلمندي سان جواب ڏنو وڃي. ڪابه بري زبان استعمال نه ڪئي وڃي ڇاڪاڻ ته ان سان تحريڪ انصاف جي اميج کي نقصان پهچي ٿو. ڪارڪنن کي چوندس ته سوشل ميڊيا تي مخالفن سان تهذيب جي اندر پيش اچڻ گهرجي.