تازيون خبرون

Daily Archives: April 26, 2016

سکڻ لاءِ فلم ”سلطان“ ۾ ڪم ڪيو: سلمان خان

ممبئي (شوبز نيوز) بالي ووڊ اداڪار سلمان خان چيو آهي ته هن سکڻ لاءِ فلم سلطان ۾ ڪم ڪيو آهي. ڀارتي سڌ سماءَ وارن ذريعن موجب سلمان خان اڄ ڪلهه يش راج بينر هيٺ علي عباس ظفر جي هدايت ۾ ٺهندڙ فلم ”سلطان“ ۾ ڪم ڪري رهيو آهي جنهن ۾ هو هڪ پهلوان جو ڪردار ادا ڪري رهيو آهي. هن چيو ته آئون ”سلطان“ رڳو ان ڪري سائن ڪئي آهي ڇو جو مان سکڻ چاهيان ٿو. هن چيو ته ڪو به نئون ڪم سکڻ جو جيڪو مزو آهي، اهو هڪ نئين سطح تائين کڻي ويندو آهي. فلم ۾ سلمان خان کي روبيلا ۽ ماچو انداز ۾ ڏيکاريو ويو آهي جيڪا عيد جي موقعي تي رليز ٿيندي.

 

شوبز سان گڏ مڙس ۽ ٻارن لاءِ به مناسب وقت ڪڍڻو پوندو آهي : متيرا

لاهور (شوبز نيوز)  پاڪستاني ماڊل ۽ اداڪارا متيرا چيو آهي ته شوبز سان گڏ مڙس ۽ ٻارن لاءِ به مناسب وقت ڪڍڻو پوندو آهي، هڪ انٽرويو ۾ متيرا چيو ته ماڊلنگ سولو ڪم ناهي، ڪاميابي لاءِ لڳاءُ لازمي آهي، ڇو ته ڪوبه ڪم سولو ناهي هوندو،هن چيو ته جيڪڏهن انسان ۾ جذبو هجي ته هو هم ڪم سکي سگهي ٿو، سندس چوڻ هو ته مان ذاتي طور تي سفارشي ماڻهن کي پسند ناهيان ڪندي، ڇو ته سفارش هڪ ڀيرو ڪم ايندي آهي، هر ڀيري ڪم ناهي ايندي، متيرا چيو ته مان خوشنصيب آهيان جو ماڊلنگ، ٽي وي ۽ ڳائڻ ۾ پنهنجو ڪم ڪاميابي سان جاري رکيون پئي اچان، جڏهن ته ڪامياب ازدواجي زندگي لاءِ اڻ ڳڻيون قربانيون ڏيڻيون پونديون آهن

 

ويسٽ انڊيز ڪرڪيٽ ٽيم جي ڪپتان ڊيرن سمي کي پاڪستان جي اعزازي شهريت ڏيڻ جي آڇ

پشاور (شوبز نيوز)  خيبرپختونخوا جي وڏي وزير پرويز خٽڪ پاڪستان سپر ليگ ۾ پشاور زلمي طرفان کيڏندڙ بيٽسمين ۽ ويسٽ انڊيز ڪرڪيٽ ٽيم جي ڪپتان ڊيرن سمي کي پاڪستان جي اعزازي شهريت ڏيڻ جي آڇ ڪئي آهي، پرويز خٽڪ سماجي رابطن جي ويب سائيٽ ٽوئٽر تي پنهنجي ٽوئٽ ۾ ڊيرن سمي کي پاڪستان جي اعزازي شهريت ڏيڻ جي آڇي ڪئي ۽ کيس مخاطب ٿيندي پشتو ٻولي ۾ ” پخير راغلي“ به چيو، ڪي پي ڪي جي وڏي وزير جو چوڻ هو ته پشاور زلمي جي مالڪ جاويد آفريدي کيس ڊيرن سمي کي اعزازي شهريت ڏيڻ جي درخواست ڪئي هئي، هوڏانهن دلچسپ ۽ چلولي طبيعت رکندڙ ڊيرن سمي، پرويز خٽڪ جي اهڙي آڇ قبوليندي کيس پشتو ٻولي ۾ ئي جواب ڏنو ۽ چيو ته هو ڪي پي ڪي حڪومت طرفان اعزازي شهريت ڏيڻ واري آڇ دل سان قبول ڪري ٿو،ڊيرن سمي جو چوڻ هو ته پشاور زلمي جي مالڪ جاويد آفريدي کان هن ڪجهه پشتو ٻولي سکي، جيڪا تمام گهڻي مٺي ٻولي آهي ۽ مان هاڻ تقريبن پختون زلمي ٿي چڪو آهيان.

 

آءِ پي ايل نائين ايڊيشن: ڪنگز اليون پنجاب جون ٽي هوم ميچون ڌرم شالا منتقل

ڌرم شالا (شوبز نيوز) ممبئي هاءِ ڪورٽ جي حڪم کان پوءِ ڪنگز اليون پنجاب جون ٽي ميچون جيڪي اڳ ۾ ناگپور ۾ شيڊول هيون هاڻي ڌرم شالا م کيڏيون وينديون. گذريل هفتي ممبئي هاءِ ڪورٽ مهاراشٽرا ۾ شديد سوڪهڙي سبب هلندڙ آءِ پي ايل ۾ 30 اپريل کان پوءِ شيڊول ميچن کي ٻين هنڌن تي منتقل ڪرڻ جو حڪم جاري ڪيو هو. ڪنگز اليون پنجاب عدالتي حڪم تي عمل ڪندي پنهنجون ٽي ميچون ناگپور  کان ڌرم شالا منتقل ڪري ڇڏيون. ڪنگز اليون پنجاب جي تيم 7 کان 15 مئي دورنا دهلي ڊيئر ڊيولز، رائل چيلينجرز بنگلور ۽ سن رائزر  حيدرآباد خلاف ميچون کيڏندي. ا

 

دي گريٽ بل فائٽر: وسعت الله خان

نواز شريف حڪومت پاناما ليڪس جي غير جانبدار ۽ شفاف ڇنڊ ڇاڻ ۾ ڪيتري قدر سنجيده آهي، اُن جو اندازو چيف جسٽس آف پاڪستان کي لکيل خط ۾ تجويز ڪيل ڪميشن جي شرطن (ٽرمز آف ريفرنس) کي ڏسي ڪري سگهجي ٿو. يعني ڪميشن بطور عدالت ڪم ڪندي. جاچ جي لاءِ ڪنهن به شهري، عهديدار، مالياتي ماهر يا ڪنهن به اداري کان ڪو به دستاويز گهرائي سگهي ٿي. حتمي رپورٽ مرتب ڪرڻ جي لاءِ ڪميشن پنهنجو مُدو پاڻ طئي ڪندي.

ڪميشن اُنهن سڀني شهرين ۽ سمنڊ پار پاڪستانين جي باري ۾ جاچ جوچ ڪندي، جن جي ڪُٽنب جون آف شور ڪمپنيون هيستائين سامهون آيون آهن. ڪميشن اُنهن سڀني بينڪ قرضن کي به ڦلهوڙيندي، جيڪي سرڪاري عهدن تي فائز اڳوڻن توڻي حاضر شخصيتن يا سندن خاندان جي ڪنهن فرد معاف ڪرايا. ڪميشن پاڪستان کان ٻاهرين مُلڪ منتقل ٿيڻ وارين اُنهن سڀني رقمن جو به پتو لڳائيندي جيڪي بدعنواني، ڪميشن يا رشوت خوري مان حاصل ڪيون ويون. يعني ڪميشن کي ايڏي وڏي دائري ۾ ڌڪيو ويو آهي جو اُن کي ڪنهن حتمي نتيجي تي پهچڻ جي لاءِ لڳ ڀڳ سوا اٺ لک صفحن جي رپورٽ مرتب ڪرڻ جي لاءِ گهٽ ۾ گهٽ ٻه سؤ سال گهربل آهن. حالانڪه اُنهن مان گهڻن مامرن جي ڇنڊ ڇاڻ حڪومت پنهنجي طور تي ڪري سگهي ٿي، پر پوءِ عدالتي ڪميشن ڇا ڪندي؟

حڪومت پاناما ليڪس جي نالي تي ڪميشن جو دائره ڪار اهڙي نموني طئي ڪيو آهي، جهڙي نموني ٿاڻيدار هڪ مڻ ونگو چورائڻ واري ڪنهن ملزم تي سڄي شهر جون چوريون، ڌاڙا، ڌماڪا ۽ دهشتگردي جا واقعا لڳائي ڇڏجن ته جيئن سِر تان بلا ٽري ۽ ملزم به پوري زندگي سُڪ هُجي.

پاناما ليڪس جي راند ۾ منتشر الخيال مخالف ڌر، پي آءِ اي جي اُن مسافر جيان آهي، جيڪو همت ڪري ٽيون ڀيرو پاڻي گهري وٺي ته چڙ مان ايئرهوسٽس سندس اڳيان ڀريل جڳ زور سان اچي ڦهڪائي، ”اچي، پي مر!“

شڪر آهي ٽرمز آف ريفرنس ۾ شام جي خانه جنگي، سعودي امريڪا تعلقات ۾ ڇڪتاڻ، بلوچستان ۾ مبينا ڀارتي مداخلت ۽ ايڪواڊور ۾ آيل زلزلي جي پاناما ليڪس سان تعلق جي تحقيقات جو ڪم شامل ناهي ڪيو ويو. ٽرمز آف ريفرنس ۾ سڀ ڪجهه آهي، سواءِ شريف خاندان تي عائد الزامن جي سڌو سنئون ترجيحاتي ڇنڊ ڇاڻ جي واضح خواهش جي!

اهو ته سڀئي ڄاڻن ٿا ته بل فائٽنگ اسپين ۽ اُن جي اڳوڻي نوآبادي ۾ ڪيتري مقبول راند هُئي. جونيئر بل فائٽر کي توريرو چوندا آهن ۽ استاد بل فائٽر کي ميٽاڊور. ماڻهو پنهنجي ذات ۽ مسئلن ۾ ايتري قدر غرق آهن جو شايد ئي ڪنهن جو ڌيان اُن طرف ويو هوندو ته پاڪستان ۾ بل فائٽنگ جي راند باضابطه طور تي نواز شريف متعارف ڪرائي.

اُن کان پهريان ڪڪڙن جو ميل يا بٽير بازي سان دل وندرائي ويندي هُئي، پر نواز شريف بل فائٽنگ جي تربيت ۽ ميچن جي لاءِ پهريون خصوصي ايرينا چاهه سان ٺهرايو. ايران جو خاص موٽو آهي ”آ بيل مجهي مار…“

ايرينا ۾ چئني پاسي وڏيون وڏيون پينٽنگس لڳل آهن. هڪ ۾ ميٽا ڊور نواز شريف پنهنجي وقت جي چئمپين غلام اسحاق خان کي ڳاڙهو ڪپڙو ڏيکاري رهيو آهي. ٻي پيٽنگ ۾ جهانگير ڪرامت جي ڌڙ تي ننڍا ننڍا نيزا ٽُنبي، فاتح مُرڪ سان ڏسي رهيو آهي، ٽين پيٽنگ ۾ پرويز مشرف نالي طاقتور بُل فائٽر نواز شريف کي سڱن تي کڻي رکيو آهي. چوٿين پينٽنگ ۾ نواز شريف پرويز مشرف کي سڱن کان پڪڙڻ جي ڪوشش ڪري رهيو آهي، پر پير هوا ۾ آهن. پنجين پيٽنگن ۾ مسڪرائيندي نواز شريف ڳاڙهو ڪپڙو کڻي وقت جي طاقتور ڌرين کي للڪاري رهيو آهي، جيڪي ڏانهس نهاري به ناهن رهيا.

هنن ڏينهن ۾ ايرينا جي ڇهين پيٽنگ تي ڪم ٿي رهيو آهي. نڪ مان دونهون ۽ کُرن سان چڻنگون ڪڍندڙ ڍڳو پوري طاقت سان ميٽا ڊور نواز شريف جي طرف وڌي رهيو آهي ۽ نواز شريف اُن کان ڊڄڻ بجاءِ مسڪرائي رهيو آهي. ڍڳي جي هڪ سڱ تي پاناما ۽ ٻي تي ليڪس لکيل آهي. هڪ سُٺي بل فائٽر جي بنيادي خوبي اها ئي آهي ته هُو پاڻ بجاءِ ڍڳي کي ٿڪائڻ جي ڪوشش ڪري ۽ جڏهن ڍڳو ٿڪجي ڪري پئي ته اُن کي سير وجهجي.

پاناما ليڪس جي سانهن سان به اهائي حڪمت عملي اختيار ڪئي پئي وڃي. يعني ڪڏهن يڪطرفه ڪميشن جو رومال ڏيکاريو، ڪڏهن نئين ڪميشن جي يڪطرفه شرطن جي ڳاڙهي ڪپڙي سان مشتعل ڪري پنهنجي پُٺيان ڊوڙايو. ايستائين جو سانهه ٿڪجي ٿاٻڙجڻ لڳن.

کٽي وياسين ته فاتح، لتاڙيا وياسين ته پوءِ مظلوم!

(بي بي سي جي ٿورن سان)

 

تعليم ۾ سڌارو ڪيئن اچي!! : تحرير؛ محمد علي شر/ سانگهڙ

دعوا، پلاننگس، تجويزون پر عملي ڪم نه ڪرڻ جي  ڪري  تعليم ۾ ڪابه  بهتر  اچي سگهي اسان جي تعليمي معيار پهريان کان ئي گهٽ ٿيندو وڃي پيو آخر اسان جو تعيلم جو معيار ڪيئن بهتر ٿيندو؟ سماج سڌارڪن جي لاءِ  هڪ وڏو سواليه نشان؟ حڪومت سنڌ طرفان مقرر ڪيل ڪورس  ناڪارا نه پر ان ۾ سڌاري جي اشد ضرورت آهي ناڪارا مضمون تبديل ڪيا وڃن جيڪي اجايو شاگردن  تي بار آهن جنهن ڪري شاگردن جي  دل آزارين ٿئي ٿي ۽ ڪاپي ڪرڻ تي مجبور ڪري ٿي حڪومت ته هر سال ڪاپي کي روڪڻ جي لاءَ  ظاهري  طور تي تي مختلف پابنديون مڙيندي پر جي انهي جو ڪو خاص رزلٽ اتائين حاصل نه ٿي سگهيو آهي

وقت حڪومت کي گهرجي سالانه امتحان جو سسٽم ختم ڪري سيسمٽرجو سلسلو شروع  ڪيو وڃي. ٿيوري سان گڏو گڏ پريڪٽيل کي لازم ڪيو وڃي  هزارن صفحن تي مشتمل مختلف ڪورس جنهن ۾ گهڻي ڀاڱي غير ضروري مواد شامل آهي جيڪي شاگرد کي مايوس ڪندڙ آهن وري سال مڪمل ٿيڻ کانپوءَ ان بابت امتحان ڏيڻ انهتائي مشڪل ڪم آهي.

سماج سڌارڪ انهن تعليمي دشمنن گهوسٽ ٽيچرز جي ڪهڙو لا عمل اختيار ڪرڻ کپي پر ان کان اڳ  ورتل سڀئي تحرڪ اڃا تائين ناڪارا بڻيل آهي ۽ انهي خلاف  اڄ تائين ڪوبه عملي ڪم يا ڪاروائي  نه ٿي سگهيو اهي گهوسٽ ٽيچر به پنهنجي ذاتي مصروفيات ۾ مصروف آهن وقت حڪومت نااهل قوم دشمنن جي خلاف ڪا ڪاروائي ڪري سگهي نه وري اڃا تائين ان کي گهر ڀيڙو ڪري سگهي  انهن اڳيان انتظاميه  بي وس بڻيل سنڌ جي هزارين استاد اڄ مفت جا ٽڪر ٽوري رهيا  جنن کي پنهنجي اپائمنٽ جي خبر نه آهي پر اهي جا معاشري ۾ ماستر ضرور سڃاتا وڃن انهن پنهنجي جي کان  ڊيوٽي کان ضرور بي خبر آهن پر پنهنجي پگهار کڻن کان نه ! هڪ وڏو سواليه نشان بڻيل آهي  پر وقت حڪومت، وزير تعليم بي خبري واري ننڍ ستل آهن! اسان جا  حڪمران ٺڳ صحافي سودي باز ۾ پنهنجي پنهنجي مفاد لاءِ  وڏا دعوا ڪندا پر حقيقت انهي  هٽ ڌرمي اسان جو جي تعليم نوجوان نسل جو مستقبل تباه و برباد ڪري رهيا آهن .

بائيو ميٽرڪ سسٽم؛

وفاقي ۽ صوبائي حڪومت جا رٿيل منصوبا  به عوام اڳيان ته بلڪل ناڪام ٿي ويا آهن استادن صاحبان جي کي ٽيوٽي جو پابند ڪرڻ جي لاءِ بائيوميٽرڪ سسٽم پڻ شروع ڪيو ويو آهي پر ان جي باوجود  اڃا تائين فيئر رزلٽ نه اچي سگهي آهي بائيو ميٽرڪ سسٽم  نالو وڏو شهر سڃو جو مثال آهي اڄ  به هزارين ماستر اسڪول ئي ڪو نه وڃن جيڪي صرف پگهارون کڻي رهيا آهن سنڌ صوبي جي تعليم بهتر ڪرڻ لاءَ هڪ هر هڪ فرد کي پنهنجو پنهنجو ڪردار  ادا ڪرڻو پوندو ته جيئن تعليم جهڙي زيور کان سنڌ واسين کي مرحوم نه رکيو وڃي

تعليمي بورڊن جو ڪردار .

پراڻي دور ۾ بورڊن جو سلو اميج هوندو هو ۽اهي چڱي نموني امتحان وٺندا هئا پر هاڻي ته ٻڌڻ ۾ اچي ٿو ته گريڊ پيسن تي وڪرو ٿي رهيا آهن جنهن ڪري ٽيوشن ڏيندڙن ۽ڪاپي ڪرائيندڙ جي ڌنڌي کي ڌڪ لڳو آهي. بورڊ  اندر رشوت جي بازار گرم هجڻ جي ڪري محنتي  غريب شاگرد جي سخت مايوس ٿين ٿا جيڪي پورو سال محنت ڪري اسڪول پڙهندا آهن پر انهن ڀيٽ ۾ نتيجو تمام خراب ملندو

ٽيوشن جو آزار

اڳي استاد بنا ڪنهن فرق جي پوري ڪلاس جي ٻارن کي وڏي چاهه سان پڙهائيندا هئا ۽ سٺي رزلٽ تي خوشي ۽ بري رزلٽ تي شرمساري محسوس ڪندا هئا پرهاڻي ته استاد ڪلاس پڙهائڻ ته ڇا پر اسڪول ئي ڪونه ٿا وڃن گهر ويٺي پگهارون کڻڻ ٿا ڪافي ڪاليجن ۾ ته ڪلاسون ئي ڪونه ٿيون ته پريڪٽيڪل  ڪونه ٿا ڪرائين صرف  ٽيوشن تي مارو مار آ ٽيوشن نه پڙهندڙ ٻار تعليم کان مرحوم رهجي وڃي ٿو اهڙيون زنده مثالون آئون اڄ به اسان جي معاشري ۾ موجود آهن ڪاليج ٽائيم جي دوران اسان جا قابل عزت ۽ معتبر استاد صاحب ڪاري ڌن جي لالچ ۾ اچي پنهنجي  فرض کان کوتائي ڪندي ڪاليج ٽائيم جي دوران ڪجهه پئسن جي لاچ جي لاءِ  ٽيوشن سينٽر هلائي  رهيا آهن پر بيوروڪيٽس ۽ انتظاميه صرف تماشائي بڻيل!!

پرائيوٽ اسڪول

ٽيهه چاليهه سال اڳ تعليم کي عبادت جي حيثيت حاصل هئي پر هاڻي اها صنعت بڻجي چڪي آهي پرائيوٽ اسڪولن جو فيشن ته ايتري قدر وڌي ويو آهي جو سرڪاري اسڪولن ۾ ڪم ڪندڙ استاد به پنهنجا ٻار پرائيوٽ اسڪول ۾ پڙهائيندا آهن جن ۾ ڪم ڪندڙ ٽيچر مشڪل سان انٽر يا بي اي پاس هوندا آهن جڏهن ته انهن کي ڪابه  خاص ٽريننگ نه ڏنل هوندي آهي جن جي مانيٽرنگ جو به مناسب بندوبست نه ٿيل هوندو آهي گهڻي پاڱي اهو ئي ڏسڻ ۾ آيو آهي ته پرائيوٽ اسڪولن ۾ حڪومت سنڌ طرفان ڪورس جي بجائي ٻين ڪورسن کي ترجيع ڏيندا آهن جهڙو ڪي (آڪسفورڊ،بابا جنهن ۾ اسان جي ملڪ باري ۾ تو ڪو ذڪر ئي نه ٿيل آهي پرائيوٽ اسڪول پنهنجي اميج وڌائڻ جي چڪر ۾ ۽ انهن تنظيمنن کان ذاتي  مفاد حاصل ڪندي تعليمي معيار کي وڌيڪ بدتر بڻائي رهيا آهي اڄ اگر توهان نظر ڊوڙائيندو ته اوهان کي هر واهڻ، وستي،گهٽي ڪالوني ۾ بيشمار پرائيوٽ اسڪولز ملندا پر اهي تعلميي ڪاروبار بڻائي ويٺا آهن اهي پنهنجي انهن شاگردن جي رزلٽ سو ڪوبه سروڪار نه.
حڪومت کي گهرجي اهي سرڪاري ماسترن جي  ٻارن به سرڪاري اسڪولن ۾ پڙهائڻ جو پابند ڪن جيئن سندن دلچسپي پيدا ٿئي جيئن مزدورن جا ٻار به تعليم جي زيور کان محروم نه رهي سگهن .

تعليم جي تباهي جا سبب

استادن  هڪ پيغمبري پيشو

نبي سڳورا ماڻهن کي هدايت ڪرڻ يعني سٺين ڳالهين  جي تعليم ڏيڻ جي لاءِ موڪليا ويا جنهن ڪري تعليم کي پيغمبري پيشو سمجهو وڃي ٿو  چاليهه پنجاهه سال اڳ استادن کي ان ڳالهه جو چڱي طرح احساس هيو جنهن ڪري نه رڳو  سٺي نموني پڙهائيندا هئا پر سندس لباس به منفرد رکندا هئا جنهن ڪري پري کان خبر پوندي هئي ته استاد ٿو اچي ته سڀ ئي ادب مان اُٿي بيهندا هئا  پر اڄڪلهه جي ممي ڊيڊي دور جا شاگرد انهن جي عزت ڪرڻ جي انهن جون ٽهلون ڪندا آهن

سنڌ  جي تعليم بهتر ڪرڻ لاءِ استاد  کي انتهائي اهم ڪردار ادا  ڪرڻو پوندو. اسان جي صوبي جي تعليم جي صورتحال ايتري ته بدتر ٿي وئي اگر جيڪڏهن اسان جي معاشري جي هر فرد پنهنجو ڪردار سچائي ،ايماندار  سان ادا ڪيو ته انشاءِ الله اسان جي تعليم بهتر ٿي سگهي ٿي.

واڪا ڪرڻ وس مون

ٻڌڻ ڪم ٻروچ جو

(شاهه)

 

 

اوڳاڙين جي مد ۾ 70 ارب جو خسارو…..

سنڌ اسيمبلي جي اجلاس ۾ پارلياماني معاملن واري وزير نثار احمد کهڙو هلندڙ مالي سال 16- 2015ع جي ٽين ٽه ماهي جنوري کان مارچ لاءِ سنڌ جي آمدني ۽ خرچن جي رپورٽ پيش ڪئي.  ناڻي واري سينئر وزير سيد مراد علي شاهه ان رپورٽ جي بنيادي نقطن جي وضاحت ڪندي چيو ته هلندڙ مالي سال لاءِ سنڌ جي آمدني جو ڪاٿو 726 ارب رپيا لڳايو ويو هو، جنهن مان 494 ارب رپيا وفاقي حڪومت کان ملڻا هئا. 9 مهينن ۾ وفاقي حڪومت طرفان 370 ارب رپيا ملڻ گهرجن ها پر هيل تائين 310 ارب رپيا مليا آهن. اهڙي طرح 9 مهينن ۾ وفاقي حڪومت طرفان سنڌ کي 60 ارب رپيا گهٽ مليا آهن. اميد آهي ته وفاقي حڪومت ايندڙ ٻه کان ٽن مهينن ۾ سموري رقم جاري ڪري ڇڏيندي.

صوبائي آمدني جو ڪاٿو 6. 124 ارب رپيا لڳايو ويو هو جنهن مان خدمتن تي جي ايس ٽي جي لاڳت 61 ارب رپيا ۽ ٻين صوبائي ٽيڪسن جو ڪاٿو 63.6 ارب رپيا لڳايو ويو هو، هينئر تائين 9 مهينن ۾ 83.8 ارب رپيا وصول ٿيا آهن جڏهن ته 93 ارب رپيا وصول ٿيڻ گهربا هئا، اهڙي طرح صوبائي وصولين ۾ به 10 ارب رپيا گهٽ آهن. مجموعي طور تي 70 رپين جون گهٽ وصوليون ٿيون آهن. سنڌ جي روينيو خرچن جو ڪاٿو 503.3 ارب رپيا لڳايو ويو هو جنهن مان 9 مهينن دوران 395.3 ارب رپيا جاري ڪيا ويا آهن ۽ ان رقم مان 285.2 ارب رپيا خرچ ٿي چڪا آهن. هلندڙ مالي سال جي بجيٽ لاءِ 162 ارب رپيا سالياني ترقياتي پروگرام يعني اي ڊي پي لاءِ مختص ڪيا ويا هئا. سنڌ جو اي ڊي پي 142 اربر پيا آهي جڏهن ته ضلعن جو اي ڊي پي 20 ارب رپيا آهي. صوبائي اي ڊي پي جا 142 ارب رپين مان هينئر تائين 88.4 ارب رپيا جاري ڪيا ويا آهن ان مان 61.4 ارب رپيا خرچ ٿي چڪا آهن، اهڙي طرح ضلعن جا 120 اربر پيا اي ڊي پي مان 2.8 ارب رپيا جاري ٿي چڪا آهن.

پاڪستان جو ائيني ڍانچو اهڙو آهي جنهن ۾ گهڻو ڪري ٽيڪسن جي وصولي وفاقي حڪومت ڪندي آهي تنهن ڪري صوبن کي وفاق فرف ڏسڻو پوندو آهي جيڪڏهن اها وصولي صوبن کي ڏني وڃي ته اسان کي وفاق طرف ڏسڻ جي ضرورت نه هجي. ه سنڌ ٽيڪسن جي وصولي ۾ نمبر ون آهي. وفاق ۽ ٽنهي صوبن کان اڳتي آهي. اسان جي ٽيڪسن جي وصولي جو تناسب سڀني کان بهتر آهي. سنڌ حڪومت ڪنهن سياسي جماعت کي نه پهريان ”پراسڪيوٽ“ ڪيو آهي ۽ نه ئي آئنده ڪندي، صرف ڏوهاري ماڻهن کي پراسيڪيوٽ ڪيو ويندو آهي

 

اسان جي سياست غربت جي خاتمي لاءِ آهي، 2 سالن ۾ دهشتگردي ختم ڪنداسين: نواز شريف

ڪوٽلي ستيان (م.ڊ)  وزيراعظم محمد نواز شريف ملڪ جي ترقي، خوشحالي ۽ عوام جي ڀلائي کي پنهنجي سياست جو محور قرار ڏيندي چيو آهي ته پاڪستان مسلم ليگ (ن) جي سياست ترقي، خوشحالي ۽ ملڪ مان غربت جي خاتمي جي سياست آهي، اسان ڌرڻي، تباهي ۽ ڪوڙ ڳالهائڻ جي سياست نه ٿا ڪريون، عوام سان ڪيل سمورا واعدا پورا ڪنداسين. هن اها ڳالهه ڪالهه سومر ڏينهن هتي برساتن ۽ لينڊ سلائيڊنگ سبب متاثر ماڻهن ۾ امدادي رقم ورهائڻ جي موقعي تي هڪ وڏي عوامي ميڙ کي خطاب ڪندي چئي. اها امداد برساتن سبب متاثر ماڻهن جي لاءِ خصوصي پئڪيج جو حصو آهي جنهن جو اعلان وزيراعظم راولپنڊي ضلعي جي برساتن سبب متاثر علائقن جي لاءِ ڪيو هو، ڪوٽلي ستيان ۽ مري جا تعلقا برساتن سبب وڌيڪ متاثر ٿيون. ڪوٽلي ستيان ۾ 229 ملڪيتن کي نقصان پهتو ۽ 70 مڪمل طور تي تباهه ٿيا. ڪوٽلي ستيان ۾ متاثرين جي لاءِ 4 ڪروڙ 94 لک رپين جي امدادي رقم ورهائڻ سميت  راولپنڊي ضلعي جي چئن تعلقن جي لاءِ 21 ڪروڙ 63 لک رپيا ورهايا ويندا. وزيراعظم ڪوٽلي ستيان ۾ بهترين ۽ جديد ترين اسپتال ٺاهڻ جو پڻ اعلان ڪيو. هن علائقي جي سمورن وڏن رستن جي مڪمل مرمت ۽ ڪارپيٽنگ جي هدايت ڪئي. وزيراعظم لاڳاپيل عملدارن کي هدايت ڪئي ته برساتن ۽ لينڊ سلائيڊنگ جي جن متاثرين کي چيڪ ناهن مليا انهن کي ايندڙ 24 ڪلاڪن ۾ سندن گهرن تي چيڪ پهچايا وڃن ۽ ان بابت کيس آگاهه ڪيو وڃي وزيراعظم نواز شريف جلسي کي خطاب ڪندي چيو ته آئون هتي برساتن ۽ لينڊ سلائيڊنگ سبب متاثر ماڻهن ۾ چيڪ ورهائڻ جي لاءِ آيو هئس پر هتي جلسي جو اهتمام به ڪيو ويو آهي جيڪو توهان ماڻهن جي مون سان مثبت جو ثبوت آهي. هن چيو ته تازين برساتن ۽ لينڊ سلائيڊنگ سبب هن علائقي ۾ وڏي تباهي ٿي جنهن کانپوءِ مون پاڻ هتي اچي ماڻهن جي خيريت معلوم ڪرڻ جو فيصلو ڪيو. هن چيو ته هو ان کان اڳ 1990ع ۾ هتي آيو هو ۽ اڄ 2016ع ۾ 26 سالن کانپوءِ ٻيهر هتي آيو آهي، انهن 26 سالن ۾ تمام گهڻا لاها چاڙها ڏٺا آهن، مون کي 8 سال ملڪ کان ٻاهر جلاوطن رهڻو پيو، 14 مهينا جيل ۾ ڪال ڪوٺري ۾ گذاريا پر اڄ ٻيهر توهان آڏو حاضر آهيان. وزيراعظم چيو ته هو هتي ڪنهن جي ڪردارڪشيءَ ڪرڻ ناهي آيو ۽ نه ئي ڪنهن جي خلاف پنهنجي زبان استعمال ڪرڻ آيو آهي. هن چيو ته آئون پاڪستان جي ڳالهه ڪرڻ آيو آهيان، ڪوٽلي ستيان جا ماڻهو جيتري محبت مون سان ڪن ٿا آئون ان کان تمام گهڻي انهن سان ڪريان ٿو. وزيراعظم نواز شريف چيو ته سندس خواهش آهي ته مظفرآباد کان ميرپور تائين بهترين موٽروي ٺاهي وڃي ۽ ڪوٽلي ستيان کي ان موٽروي سان ڳنڍيو وڃي، ان جي سروي ٿي رهي آهي ۽ ڪيترن ئي مهينن کان ان تي ڪم جاري آهي، اهو وڏو منصوبو آهي ۽ ان جي لاءِ وڏي رقم خرچ ٿيندي. وزيراعظم چيو ته اڄ کان ٽي سال اڳ ملڪ ۾ 18، 18 ۽ 20، 20 ڪلاڪ لوڊشيڊنگ ٿيندي هئي ۽ ان جي خلاف مظاهرا ٿي رهيا هئا. وزيراعظم چيو ته آئون پڇان ٿو ته پاڪستان ۾ اونداهيون ڪنهن پيدا ڪيون، اسان ته روشني جي ڳالهه ڪريون ٿا، اڄ لوشيڊنگ تمام گهٽ ٿي وئي آهي ۽ يقين ڏياريان ٿو ته ان کي سدائين جي لاءِ ختم ڪيو ويندو، اسان هڪ هڪ گهر ۾ بجلي پهچائينداسين جتي گئس نه آهي اتي گئس به پهچائينداسين. 2018ع جي چونڊن کان اڳ عوام آڏو حاضر ٿينداسين ۽ هٿ مٿي ڪري پڇنداسين ته اسان واعدا پورا ڪيا آهن يا نه. وزيراعظم چيو ته ملڪ کي ٻيو وڏو چئلينج دهشتگردي جو خاتمو هو، اڄ دهشتگردي به تمام گهٽ ٿي وئي آهي، فوج، پوليس ۽ پاڪستان جي عوام کي سلام پيش ڪريان ٿو جن ڄمي ان جو مقابلو ڪيو، توهان ڏسندا ته هڪ ٻن سالن ۾ دهشتگردي کان به ڇوٽڪارو ملي ويندو. وزيراعظم چيو ته ڪراچي ۾ ٽي سال اڳ ڪهڙيون حالتون هيون، اڄ اتي امن آهي، ڪاروبار ٿي رهيو آهي، اڄ جو ڪراچي ٽي سال اڳ جي ڪراچي کان ڪيترائي ڀيرا وڌيڪ روشن آهي. وزيراعظم چيو ته پاڪ چين اقتصادي لنگهه منصوبي تي ڪم ٿي رهيو آهي. بجلي جي رڳو ٽن وڏن منصوبن مان مجموعي طور تي هڪ سئو ارب رپين جي بچت ڪئي وئي آهي جڏهن ته ٻيا منصوبا ان کانسواءِ آهن. وزيراظم ان موقعي تي علائقي جي سمورن وڏن رستن جي مڪمل مرمت ۽ ڪارپيٽنگ جي هدايت ڪئي. هن چيو ته رستن جا سمورا وڏا منصوبا اسان جي حڪومت شروع ڪيا ۽ مڪمل ڪيا آهن، لاهور کان ڪراچي موٽروي شروع ٿيڻ وارو آهي، پوري ڪوشش هوندي ته مظفرآباد کان ميرپور موٽروي پڻ جلد مڪمل ٿئي، علائقي ۾ سياحت کي هٿي ڏني وڃي جنهن سان روزگار پيدا ٿيندو. هن چيو ته اسان ماڻهن کي انهن جي درن تي صحت جو بهترين خدمتون فراهم ڪرڻ جي لاءِ پرعزم آهيون. ان کان اڳ پيٽروليم ۽ قدرتي وسيلن جي وفاقي وزير شاهد خاقان عباسي جلسي کي خطاب ڪندي چيو ته هن علائقي جي تاريخ ۾ پهريون ڀيرو ملڪ جو ڪو وزيراعظم ڪوٽلي ستيان آيو آهي. هن چيو ته هي اهو ئي وزيراعظم آهي جنهن ڪوٽلي ستيان کي تعلقي جو درجو ڏنو هو، اڄ هي هڪ ترقي يافته علائقو آهي. هن چيو ته مسلم ليگ (ن) نواز شريف سبب اڄ 2 ڊگري ڪاليج، تعلقي هيڊڪوارٽر اسپتال موجود آهن. وزيراعظم جي ڪوششن جي ڪري ڪوٽلي ستيان جي علائقي ۾ 90 سيڪڙو بجلي دستياب آهي، وزيراعظم پنهنجا خصوصي فنڊ برساتن جي متاثرين جي لاءِ امداد ڏني آهي. ان کان اڳ وزيراعظم ڪوٽلي ستيان جي برساتن ۽ لينڊ سلائيڊنگ سبب متاثر ماڻهن ۾ امدادي رقم جا چيڪ ورهايا. وزيراعظم جلسي ۾ پهتو ته اتي موجود ماڻهن جي وڏي انگ اٿي بيهي وزيراعظم جو شاندار استقبال ڪيو ۽ نعرا هنيا، وزيراعظم هٿ مٿي ڪري انهن جو جواب ڏنو. وزيراعظم پنهنجي تقرير جي پڄاڻي پاڪستان زندهه آباد جي نعري سان ڪئي جنهن جو جلسي ۾ موجود ماڻهن شاندار انداز ۾ جواب ڏنو. تقريب ۾ اڳوڻو ايم پي اي شاهد رياض ستي ۽ صوبائي اسيمبلي ميمبر ثوبيه ستي ۽ مسلم ليگ (ن) جا ٻيا عهديدار پڻ موجود هئا.

 

ٿر ۾ ڏڪار جا ذميوار صوبائي کاتا قرار، ٿر کي آفت سٽيل قرار ڏيڻ جي سفارش

ڪراچي (اين اين آءِ) سنڌ سرڪار پاران ٿر ۾ ڏڪار سبب ٻارڙن جي موت جا سبب ڄاڻن لاءِ قائم ڪيل ٿر ڪميشن ڏڪار جو ذميوار مختلف صوبائي کاتن کي قرار ڏئي ڇڏيو آهي، ٿر ڪميشن جو اجلاس گذريل ڏينهن ڪنوينر عبدالفتاح ملڪ جي سربراهي ۾ ٿيو، اجلاس ۾ چيف سيڪريٽري سنڌ دير سان پهچڻ تي ڪميشن جي ميمبرن مٿس ڪاوڙ جو اظهار ڪيو، اجلاس ۾ ٿر ڪميشن 3 سئو صفحن تي ترتيب ڏنل رپورٽ چيف سيڪريٽري حوالي ڪئي، چيف سيڪريٽري جي حوالي ڪيل رپورٽ ۾ ڏڪار جو ذميوار سنڌ جي صوبائي کاتن صحت، تعليم، آبپاشي، لائيو اسٽاڪ، بهبودي آبادي، روينيو، سياحت ۽ جنگي جيوت کي ڏنو ويو آهي، رپورٽ ۾ چيو ويو آهي ته ٿر ۾ گورننس جي صورتحال انتهائي خراب آهي، 3 سالن دوران 6 ڊي سيز جون بدليون ۽ مقرريون ڪيون ويون ۽ ترقين ۾ به ميرٽ جي لتاڙ ڪئي وئي. رپورٽ مطابق ٿر جي اسپتالن ۾ ڊاڪٽرن جي کوٽ ۽ جيڪي موجود آهن ان جون پگهارون گهٽ هجن جي نشاندهي ڪئي وئي، رپورٽ ۾ اهو به ڄاڻايو ويو آهي ته علائقي ۾ چائلڊ ميرج بل تي به عمل نه ڪيو ويو آهي، گهٽ عمر ڇوڪرين جون شاديون ڪرايون وڃن ٿيون جيڪي ٻارڙن جي فوت ٿيڻ جو بنيادي سبب آهي، ٿر ۾ تعليم جي حالتن انتهائي خراب آهي ۽ سياحت لاءِ ٿر ۾ ڪا به ترقي نه ٿي سگهي آهي، زراعت کاتي ۽ لائيو اسٽاڪ کاتي ٿر ۾ ڪو به ڪم نه ڪيو آهي، بهبودي آبادي کاتي جي ڪارڪردگي ٻڙي کان وڌيڪ نه آهي، رپورٽ ۾ سفارش ڪئي وئي ته ٿر کي فوري طور تي آفت سٽيل قرار ڏنو وڃي، ٿر ڊولپمينٽ اٿارٽي جو قيام فوري طور عمل ۾ آندو وڃي. ٿر ۾ مقرر ڊاڪٽرن جي پگهار گهٽ ۾ گهٽ 4 لک رپيا ڪئي وڃي.

 

حڪومت جو عمران خان ۽ پرويز مشرف خلاف پاناما ليڪس ڪميشن ۾ ثبوت کڻي وڃڻ جو اعلان

اسلام آباد(بيورو) بچاءُ بابت وفاقي وزير خواجه آصف عمران خان ۽ پرويز مشرف خلاف عدالتي ڪميشن ۾ وڃڻ جو اعلان ڪري ڇڏيو آهي. ميڊيا سان ڳاهائيندي وفاقي وزير خواجه آصف چيو ته عمران خلاف شوڪت خانم جي آف شور اڪائونٽس جا ثبوت موجود آهن. جيڪي پاناما ڪميشن ۾ ڏيندس. هن چيو ته  2014ع جي ڌرڻي وارا امپائر گھر وڃي چڪا آهن. 2018ع واريون چونڊون هٿن مان نڪري ويون ته ايندڙ چونڊون 2023ع ۾ ٿينديون. خواجه آصف چيو ته پرويز مشرف خلاف به آف شور ڪمپنين جا ثبوت موجود آهن، جيڪي پڻ عدالتي ڪميشن م پيش ڪندس. خواجه آصف موجب عمران خان مايوس آهي ۽ هاڻ هو ڊينٽنگ ۽ پينٽنگ مان گذارو ڪري رهيو آهي.