تازيون خبرون

Daily Archives: April 23, 2016

پاڻ ۽ خاندان کي احتساب لاءِ پيش ڪريان ٿو، الزام ثابت ٿيا ته گهر هليو ويندس: نواز شريف

اسلام آباد (م.ڊ/اين اين آءِ) وزيراعظم محمد نواز شريف الزام لڳائيندڙ کي چيلينج ڪندي چيو آهي ته جيڪڏهن انهن تي الزام ثابت ٿي ويا ته هو وزارت جو عهدو ڇڏي خاموشي سان گهر هليو ويندو، اسان تي الزام لڳائيندڙ وٽ ڪو ثبوت آهي ته پيش ڪن، پاڻ کي ۽ پنهنجي خاندان کي احتساب لاءِ پيش ڪري رهيو آهيان، جوڊيشل ڪميشن جي جاچ لاءِ سپريم ڪورٽ جي چيف جسٽس کي خط لکندس، الزام ثابت نه ٿيا ته ڇا روزانو ڪوڙن الزامن جو بازار گرم ڪندڙ قوم کان معافي وٺندا، عوام باشعور آهي هن هر اليڪشن هن ڪوڙ کي ووٽ جي طاقت سان شڪست ڏني آهي، اسان جي حڪومت شفافيت تي يقين رکي ٿي جن جي خلاف پرڏيهي عدالتون فيصلا جاري ڪيا اهي اسان کي احتساب جو سبق پڙهائي رهيا آهن، ڪنيٽر تي بيهي کٿي زبان ڳالهائي وئي، اسان جي خاندان جي کربين رپين جو نقصان پهتو ان جو حساب ڪير ڏيندو، هو ريڊيو ۽ ٽي وي تي قوم کي خطاب ڪري رهيو هو، هن چيو ته اڄ ڀيرو ٻيهر قوم اڳيان نهايت اهم مسئلو کڻي حاضر ٿيو آهيان، سموري ڄمار کليل ڪتاب آهي، ننڍ پڻ جيڪو هن ئي ملڪ ۾ گذريو، هن ئي ملڪ ۾ تعليم حاصل ڪئي، مون پاڪستان ۾ شادي ڪئي، سڄو خاندان پاڪستان سان دل سان وابسطا آهي، مون کي فخر آهي ته مان هن مٽي مان پيدا ٿيس ۽ ان سان عشق آهي، مون کي سياست جي ڪنڊيدار ويلي ۾ قدم رکي 30 سال ٿي ويا، جلاوطني جو هر لحمو وطن جي ياد ۾ گذاريو، ملڪ کي غير مستحڪم ڪرڻ جي ڪوشش ڪئي پئي وڃي، پاناما ليڪس اڳيان اچڻ تي فوري طور تي قوم کي اعتماد ۾ ورتو، جمهوري وزيراعظم جي ذميواري نڀائيندي ڪميشن قائم ڪرڻ جو اعلان ڪيو، هڪ ڀيرو ٻيهر پنهنجي خاندان کي احتساب لاءِ پيش ڪريان ٿو، منهنجي خلاف اهي ڪيس آهن جن جي جاچ ٿي چڪي آهي، مشرف دور ۾ هڪ پائي جي غير قانوني ٽرانزيڪشن ثابت نه ٿي، پاناما ليڪس کي بنياد بڻائي جيڪي الزام لڳايا پيا وڃن اهي پراڻا آهن، وزيراعظم چيو ته مون سپريم ڪورٽ جي رٽائرڊ جج طور ڪميشن جو اعلان ڪيو، هن چيو ته منهنجو خاندان ان وقت کان ٽيڪس ڏئي رهيا آهيون جڏهن ڪجهه ماڻهن کي ان جي هجي به نه ايندي هئي، اسان پهريون ڀيرو ٽيڪس پيئرز ڊائريڪٽر شايع ڪئي، مان منهنجو خاندان ۽ ڪاروبار صاف آهي، بهتان تهم لڳائيندڙ چيو ته اهي نواز شريف کان وڌيڪ ٽيڪس ڏين ٿا، انهن ماڻهن لاڳيتو ڪوڙ ڳالهايو ته ماڻهو سچ سمجهڻ لڳا، اثاثن جو تفصيل ٻيهر اليڪشن ڪميشن جي ويب سائيٽ تي ڏنو ويو آهي، ويب سائيٽ تان عوامي نمائندن جي اثاثن جو تفيصل ٻڌايو ويو آهي، الزام لڳائيندڙن وٽ ثبوت آهي پيش ڪن، پاناما ليڪس جا الزام سچ ثابت ٿين ٿا ته استعيفيٰ ڏئي گهر هليو ويندس، نواز شريف چيو ته ڪميشن ٺهڻ ۽ جاچ کان اڳ فيصلو به جاري ڪيو پيو وڃي، ميِڊيا کي گذارش آهي ته الزامن جي جاچ ڪري، اسان مڪمل صلاحيت سان الزامن جو جواب ڏينداسين، جمهوريت جي نمائندن کانسواءِ پڇڻ عوام جو حق آهي، ميڊيا جا ڪيترائي ماڻهو ڪوڙن الزامن جو شڪار ٿي وڃن ٿا، سعودي عرب وڃن جو مهڻو ڏيندڙ ٻڌائين ته اسان کي ڇو جلا وطن ڪيو ويو، جمهوريت جي تعريف سمجهائيندڙ ٻڌائين ته آمر جي اڳيان وزارت عظميٰ لاءِ ڪير هٿ ٻڌي بيٺو هو، هن چيو ته قانون تي عمل جي ڳالهه ڪندڙ اهو ٻڌائين ته اسان کي ڇو جلا وطن ڪيو ويو، هن چيو ته اسان ماضي ۾ سمورن سوالن جو جواب ڏنو، هاڻ به ڏينداسين، اسان کي جلا وطن ڪيو ويو ته ان وقت سپريم ڪورٽ کي ڪنهن ڇو نه جاڳايو، تڪليفون ڪاٽيون، نه ڪيل گناهن جو ڪفارو ادا ڪرڻ جي ڪوشش ڪئي، اسان جي گهرن کي تالا لڳايا ويا، هن چيو ته پارليامينٽ تي حملو ڪندڙ اڄ قانون جي بالادستي جو راڳ ڳائي رهيا آهن، اخلاقيات جو سبق پڙهائيندڙ اهو ٻڌائين ته آئين جي ڪهڙي شڪ پڙهي انهن آمريت جي ڳالهه ڪئي، مون تي جهاز هائيجيڪ ڪرڻ جو ڪوڙو ڪيس ٺاهڻ جو ڪير حساب ڏيندو، آئين ٽوڙڻ کان وٺي 17 هين ترميم جي منظوري تائين ساٿ ڏيندڙ جو احتساب ٿيڻ گهرجي، هن چيو ته وزيراعظم جي ڳچي ۾ رسي وجهندڙ اسان کي سبق پڙهائڻ لاءِ اچي ويا آهن، انهن سمورن ڳالهين جي باوجود پاناما ليڪس جي جاچ لاءِ ڪميشن بنائڻ لاءِ تيار آهيون، ڌرڻن دوران ملڪ کي کربين رپين جو نقصان ٿيو، هن ڪميشن ڪنٽينر تي بيهي لڳايل الزامن کي رد ڪيو، هن چيو ته اسان جو خاندان 1972 کان حساب ڏيندو رهيو آهي ۽ اسان جو خاندان هڪ پيسي جو حساب ڏيندو، هڪ ڪميشن 2014 ۾ به ٺهيو هو جنهن ڪنٽينر تي بيهي الزام لڳائيندڙن جي جاچ ڪئي ۽ سمورن الزامن کي غلط ثابت ڪيو، ان ڳالهه جو ڏک آهي ته ملڪ ۽ قوم جو نقصان ڪيو ويو، هن چيو ته حڪومت 5 سال پورا ڪندي، ڇو ته اسان کي پاڪستان جي عوام ميندينٽ ڏنو آهي، حڪومت پنهنجو آئيني مدو پورو ڪندي، وزيراعظم چيو ته ڪاروبار نه ڪري به پرائيويٽ جهازن ۾ گهمندڙن کان حساب ڪير وٺندو، اسان پاڻمرادو هڪ انڪوائري ڪميشن ٺاهڻ جو اعلان ڪيو، ان جي باوجود ڪميشن جي رستي ۾ رنڊڪ وڌي پئي وڃي، هن چيو ته سپريم ڪورٽ جي چيف جسٽس انور ظهير جمالي کي ڪميشن جي قيام لاءِ خط لکندس، چيف جسٽس الزامن جي جاچ لاءِ ڪميشن جوڙي، چيف جسٽس جي سربراهي ۾ ڪميشن جون سفارشون قبول ڪندس، حڪومت ڪرپشن جي خاتمي ۽ گڊ گورننس تي يقين رکي ٿي. ٻئي طرف نجي ٽي وي موجب حڪومت چيف جسٽس آف پاڪستان کي پاناما ليڪس جي تحقيقات جي لاءِ ڪميشن جوڙڻ جي لاءِ خط لکي ڇڏيو، خط وقتي سيڪريٽري قانون جي طرفان رجسٽرار سپريم ڪورٽ کي موڪليو ويو، خط ۾ چيو ويو آهي ته پاناما ليڪس ۾ پاڪستاني شهرين جي آف شور ڪمپنين جي جاچ جي لاءِ ڪميشن جوڙي وڃي، انڪوائري ڪميشن پاڪستان ڪميشن آف انڪوائري ايڪٽ 1956عه جي تحت قائم ڪيو وڃي. خط ۾ چيف جسٽس آف پاڪستان کي درخواست ڪئي وئي آهي ته هو سپريم ڪورٽ جي ججز تي ٻڌل ڪميشن قائم ڪري، جنهن جي سربراهي ترجيحي بنياد تي چيف جسٽس خود پاڻ ڪري، چيف جسٽس کي لکي خط سان گڏ ڪميشن جي ٽرمز آف ريفرنس به منسلڪ آهي، ضابطه ڪار جي موجب ڪميشن پاڪستانين جي پاناما يا ڪنهن به ملڪ ۾ آف شور ڪمپنيون ٺاهڻ جي اطلاعن جي جاچ ڪري، ڪميشن موجوده ۽ اڳوڻي دور ۾ عوامي عهدا رکندڙن جي ملوث هئڻ جي جاچ ڪري، ڪميسن بينڪن جي سياسي اثر و رسوخ سان قرض معاف ڪرئڻ وارن جو به پتو لڳائي..

 

سنڌ حڪومت پاران شهيد پوليس اهلڪارن جو معاوضو 20 مان وڌائي 60 لک ڪرڻ جو اعلان

ڪراچي (اسٽآف رپورٽر) سنڌ جي وڏي وزير سيد قائم علي شاهه شهيد پوليس اهلڪارن جو معاوضو 20 لکن مان وڌائي 60 لک رپيا ڪرڻ جو فيصلو ڪيو آهي. هن چيو ته انساني جان انمول آهي جنهن جي ڪابه قيمت نه آهي پر اسانجي ڪوشش آهي ته اسان پنهنجي بهادر پوليس اهلڪارن جيڪي پنهنجي ملڪ ۽ عوام لاءِ شهادت ماڻيندا آهن سندن وارثن جي وڌ کان وڌ مالي مدد ڪري سگهجي. هن اها ڳالهه اڄ جعمي ڏينهن وزيراعليٰ هائوس ۾ پوليس جي ڀرتين ۽ معاوضي بابت منعقد اجلاس جي صدارت ڪندي ڪئي. اجلاس ۾ چيف سيڪريٽري سنڌ محمد صديق ميمڻ، آءِ جي پوليس سنڌ اي ڊي خواجه، وڏي وزير جي پرنسپل سيڪريٽري علم الدين بلو ۽ ٻين شرڪت ڪئي. وڏي وزير چيو ته پوليس اهلڪار جيڪي پنهنجي ڊيوٽي دوران شهيد ٿي ويندا آهن انهن جي وارثن کي ڏنا ويندڙ 20 لک رپيا وارو معاوضو گهٽ آهي انڪري مان 20 لک رپين مان وڌائي 60 لک رپيا ڪرڻ جو فيصلو ڪيو آهي. هن آءِ جي پوليس سنڌ اي ڊي خواجه کي هدايت ڪئي ته هُو ان مقصد لاءِ سمري موڪلن. آءِ جي پوليس سنڌ چيو ته وڏي وزير جي شهيدن جي وارثن لاءِ مالي معاوضي ۾ واڌ سان پوليس فورس جي وڏي حوصلي افزائي ٿيندي. هن چيو ته وڏي وزير جي ذاتي طور تي سپورٽ ڪرڻ تي سندس شڪريو ادا ڪندي چيو ته هُو فوري سمري موو ڪندو.

 

حڪومت مخالف ڌر جو مطالبو مڃي ورتو، چيف جسٽس کي خط لکڻ جو فيصلو

اسلام آباد (بيورو) حڪومت، پاناماليڪس معاملي جي عدالتي جاچ لاءِ سپريم ڪورٽ جي چيف جسٽس کي خط لکڻ جو باضابطا فيصلو ڪري ورتو آهي، اسحاق ڊار چيو آهي ته وفاقي سرڪار  اپوزيشن جا مطالبا تسليم ڪري ورتا آهن، پاناماليڪس معاملي جي شفاف جاچ ڪرائي ويندي، جڏهن ته اپوزيشن پاران به سپريم ڪورٽ جي چيف جسٽس کي خط لکڻ جو فيصلو ڪيو ويو آهي. ناڻي واري وفاقي وزير اسحاق ڊار قومي اسيمبلي ۾ اپوزيشن ليڊر خورشيد شاهه سان فون تي رابطو ڪيو،جنهن دوران پاناماليڪس اسڪينڊل سميت مختلف معاملن ڳالهيون ڪيون ويون.اسحاق ڊار چيو ته حڪومت پاناماليڪس معاملي جي جاچ لاءِ سپريم ڪورٽ جي چيف جسٽس کي خط لکڻ بابت اپويشن جو مطالبو تسليم ڪري ورتو آهي. ناڻي وزير چيو ته حڪومت پاران اپوزيشن جي مطالبي تحت ڪميشن جي قيام بابت چيف جسٽس، جسٽس انور ظهير جمالي کي خط لکيو ويندو. ٻئي پاسي اپوزيشن پاناماليڪس اسڪينڊل جي جاچ لاءِ عدالتي ڪميشن جي قيام بابت سپريم ڪورٽ جي چيف جسٽس کي خط لکڻ جو فيصلو ڪيو آهي،  ان حوالي سان اپوزيشن مشاورت به شروع ڪري ڇڏي آهي. قومي اسميبلي ۾ اپوزيشن ليڊر خورشيد شاهه تحريڪ انصاف جي مرڪزي اڳواڻ شاهه محمود قريشي ۽ جماعت اسلامي جي امير سراج الحق سان فون تي رابطو ڪري پاناماليڪس معاملي جي جاچ لاءِ عدالتي ڪميشن جي قيام بابت سپريم ڪورٽ جي چيف جسٽس کي خط لکڻ بابت مشاورت ڪئي. جماعت اسلامي جي امير سراج الحق چيو آهي ته پاناماليڪس اسڪينڊل عالمي مسئلو بڻجي چڪو آهي، سپريم ڪورٽ کي ملڪ کي اهڙي مسئلي مان ڪڍي سگهي ٿو. هن چيو ته سپريم ڪورٽ جي چيف جسٽس، جسٽس انور ظهير جمالي کي پاناماليڪس معاملي جي شفاف جاچ ڪري قوم ۾ پيدا ٿيل مايوسي کي خط ڪرڻ گهرجي. تحريڪ انصاف جي مرڪزي اڳواڻ شاهه محمود قريشي چيو آهي ته سپريم ڪورٽ بار ايسوسيئيشن پاران پاناماليڪس معاملي جي جاچ لاءِ ڪميشن جوڙڻ جو مطالبو سٺو سنوڻ آهي. هن چيو ته پاناماليڪس معاملو اپوزيشن جي سازش نه پر عالمي مسئلو آهي، وڪيل برادري اپوزيشن جماعتن جي موقف جي حمايت ڪئي آهي. شاهه محمود قريشي چيو ته اپوزيشن ليڊر خورشيد شاهه ٻڌايو ته حڪومت چيف جسٽس کي خط لکڻ جي خاطري ڪرائي آهي، جڏهن ته خورشيد شاهه پاران چيف جسٽس کي خط لکڻ بابت به اعتماد ۾ ورتو ويو آهي.

 

صدر سان وزيراعظم جي ملاقات،بدعنواني جي معاملي تي حڪومت جو رويو عدم برداشت وارو آهي:نواز شريف

اسلام آباد(بيورو) صدر ممنون حسين سان وزيراعظم نواز شريف ملاقات ڪري ملڪ جي سياسي صورتحال ۽ ترقياتي رٿائن جي حوالي سان خيالن جي ڏي وٺ ڪئي.، ملاقات دوران  ملڪ جي سيڪيورٽي واري صورتحال، پاڪ – چين معاشي لنگهه رٿا ۽ توانائي توڙي بنيادي ڍانچي وارين رٿائن تي پڻ غور ڪيو ويو، ذريعن مطابق وزيراعظم نواز شريف ملاقات دوران صدر ممنون حسين کي مختلف معاملن تي حڪومتي فيصلن بابت ٻڌايو، ان موقعي تي وزيراعظم نواز شريف جو چوڻ هو ته بدعنواني جي معاملي تي حڪومت جو رويو عدم برداشت وارو آهي، جڏهن ته ملڪي استحڪام ۽ ترقي لاءِ سڀني کي حڪومت جو ساٿ ڏيڻ گهرجي، سندس چوڻ هو ته ملڪ ۾ شفافيت ۽ قوم جي پئسي جو صحيح استعمال يقيني بڻايو پيو وڃي، ملاقات دوران آپريشن ضرب عضب ۾ مليل ڪاميابين تي اطمينان جو اظهار ڪندي اتفاق ڪيو ويو ته آخري دهشتگرد جي خاتمي تائين آپريشن جاري رهندو.

 

نيب چيئرمين سپريم ڪورٽ ۾ ڪارڪردگي رپورٽ پيش ڪري ڇڏي

اسلام آباد  (اين اين آءِ) چيئرمين نيب قمرزمان چوڌري چيف جسٽس سپريم ڪورٽ آف پاڪستان انور ظهير جمالي سان ملاقات ڪئي آهي جمعي تي چيئرمين نيب قمرزمان سپريم ڪورٽ آيو ۽ چيف جسٽس انور ظهير جمالي سان سندس چيمبر ۾ ملاقات ڪئي ملاقات ۾ جسٽس انور ظهير کي سالياني ڪارڪردگي رپورٽ پيش ڪئي چيئرمين نيب کيس نيب جي ڪارڪردگي کان آگاهه ڪيو ان موقعي تي ڪرپشن ڪيسن بابت اهم معاملن تي خيالن جي ڏي وٺ به ڪئي ويئي خانگي ٽي وي ذريعن موجب ملاقات دوران نيب ۾ قائم ڪيسن بابت ڳالهه ٻولهه ڪئي ويئي ٻئي پاسي سپريم ڪورٽ پهچڻ جي موقعي تي چيئرمين نيب صحافين جي سوالن جي جواب تي کلندي لنگهي ويو ۽ چيو ته جمعي جي نماز جو وقت آهي اچو ته نماز پڙهون.

 

پاڪ چين لاڳاپا ٻنهي قومن جي عوام جي امنگن تي ٻڌل آهن: پرويز رشيد

اسلام آباد  (اين اين آءِ) سڌسماءَ جي وفاقي وزير سينيٽر پرويز رشيد چيو آهي ته چين پاڪستان اقتصادي راهداري شاهراه ريشم سان تعمير ڪئي پئي وڃي جنهن سان پاڪ چين لاڳاپن کي وڌيڪ ٺوس اقتصادي بنياد فراهم ٿيندا ٻنهي ملڪن وچ ۾ لاڳاپا هاڻي ڪارپوريٽ ۽ ڪلچر ٻنهي پهلوئن ۾ تبديل ٿي سگهندا پاڪ چين لاڳاپا ٻنهي قومن جي عوام جي امنگن تي ٻڌل آهن ۽ اهڙيون نمائشون ٻنهي ملڪن جي عوام کي وڌيڪ ويجهو آڻينديون جمعي تي پرويز رشيد نمل يونيورسٽي اسلام آباد ۾ مسلمانن جي رسمن ۽ رواج جي عڪاسي تي ٻڌل ون بيلٽ ون روڊ تصويري فن پارن جي نمائش جو افتتاح ڪيو نمائش جو احتمام پاڪستان ۾ عوامي جمهوريه چين جي سفارتخاني ۽ نينگسيا اسلامڪ فرينڊلي ڪائونسل نمل يونيورسٽي جي سهڪار سان هتي يونيورسٽي ڪئمپس ۾ ڪيو ان موقعي تي چيني سفارتخاني تي چاولي جيان ۽ نينگيسيا اسلامڪ فرينڊلي ڪائونسل جو سربراهي ليانگ جي به موجود هو نمائ.ش جي افتتاح جي موقعي تي صحافين سان ڳالهائيندي پرويز رشيد چيو ته اسلام اباد ۾ هن نمائش جو اهتمام پاڪستان ۽ چين جي عوام وچ ۾ ثقافتي گهاٽا ڀاراڻا لاڳاپا چين جي حڪومت جي نسلي مساوات ۽ مذهبي آزادي جي پاليسي جنهن سان چين ۾ مسلمان هڪ مساوي حقن مان فائدو وٺي رهيا آهن جو عڪاس آهي هن چيو ته اسان پاڪستان ۽ چين وچ ۾ سفارتي لاڳاپا قائم ڪرڻ جي 65هين ساليه تقريب ملهائي رهيا آهيون ۽ هي نمائش ان سلسلي جي هڪ ڪڙي آهي.

 

خورشيد شاهه جو سراج الحق ۽ شاهه محمود قريشي سان فون تي رابطو، جاچ ڪميشن جوڙڻ تي ڳالهيون

اسلام آباد  (اين اين آءِ) اپوزيشن اڳواڻ خورشيد شاهه سراج الحق ۽ شاهه محمود قريشي سان فون تي رابطو ڪيو ۽ جاچ ڪميشن جوڙڻ تي ڳالهيون ڪيون سراج الحق اپوزيشن پاران پانامه ليڪس جي معاملي تي سپريم ڪورٽ کي خط لکڻ جي تجويز ڏني خورشيد شاهه ۽ سراج الحق وچ ۾ ٽيليفونڪ رابطي ۾ ملڪي صورتحال ۽ پانامه ليڪس جو معاملو غور هيٺ آيو خورشيد شاهه سان ڳالهائيندي سراج الحق تجويز ڏني ته حڪومت وانگر اپوزيشن به سپريم ڪورٽ کي خط لکي ۽ سپريم ڪورٽ کي اپيل ڪئي وڃي ته هو پانامه ليڪس جي جاچ ڪري سراج الحق چيو ته سپريم ڪورٽ تي قوم کي اعتماد آهي ۽ اها ئي مسئلي جو حل ڪڍي سگهي ٿي خورشيد شاهه شاهه محمود قريشي کي فون ڪري حڪومتي فيصلي تي اعتماد ۾ ورتو خورشيد شاهه شاهه محمود قريشي کي ٻڌايو ته حڪومت جاچ ڪميشن لاءِ چيف جسٽس کي خط لکڻ لاءِ تيار آهي شاهه محمود قريشي خورشيد شاهه تي واضح ڪري ڇڏيو ته پي ٽي آءِ پهريان خط جو متن ڏسندي ان کان پوءِ فيصلو ڪيو ويندو شاهه محمود قريشي چيو ته اپوزيشن پارٽيون مختلف وڪيلن سان رابطا ڪري رهيون آهن جڏهن ته حڪومت پاران خط لکڻ کان پوءِ اپوزيشن جماعتون خط جي متن جو جائزو وٺنديون.

 

چوڌري نثارعلي جي سريلنڪا جي گهرو وزير سان ملاقات، پاڪستان جي دوري جي دعوت

نيويارڪ (اين اين آءِ) وفاقي گهرو وزير چوڌري نثارعلي خان سريلنڪا جي گهرو زوير سدالا رتنا نائيڪي سان ملاقات ڪئي جنهن ۾ کيس پاڪستان جي دوري جي دعوت ڏني آهي. پاڪستان ۽ سريلنڪا جي گهرو وزير جي اهم ملاقات اقوام متحده جي جنرل اسيمبلي جي خاص اجلاس جي موقعي تي ٿي اجلاس ۾ پاڪستان جي نمائندگي چوڌري نثارعلي خان جي قيادت ۾ هڪ ست رڪني وفد ڪئي جنهن ۾ گڏيل قومن ۾ پاڪستان جي خصوصي نمائنده ڊاڪٽر مليحه لوڌي وفاقي سيڪريٽري منشيات روڪٿام ڊويزن اعجاز علي شاهه، ڊائريڪٽر جنرل اينٽي نارڪوٽڪس فورس ميجر جنرل ناصر دلاور ۽ ٻيا شامل آهن اقوام متحده ۾ پاڪستاني مشن پاران جاري بيان مطابق سريلنڪن گهرو وزير چوڌري نثارعلي خان سان پنهنجي ملاقات دوران کيس سريلنڪن حڪومت پاران پاڪستان لاءِ نيڪ خواهشن جو پيغام ڏنو ۽ ٻنهي ملڪن وچ ۾ ڀائراڻن لاڳاپن تي هٿي وٺڻ تي زور ڏنو ملاقات ۾ چوڌري نثارعلي خان پنهنجي سريلنڪن هم منصب سان ٻنهي ملڪن وچ ۾ منشيات روڪٿام جي تعاون لاءِ گڏيل پاليسي جوڙڻ ۽ قدمن تي زور ڀريو گڏيل قومن جي جنرل اسيمبلي جي هن خاص اجلاس ۾ تقرير ڪندي چوڌري نثار منشيات جي خاتمي لاءِ پاڪستان جي حڪمت عملي بابت پاليسي بيان ڏنو ۽ وفد جي ٻين ميمبرن ٻين عالمي وفدن سان هن موضوع تي عام ملاقاتون ڪيون.

 

ججز نظربندي ڪيس ۾ پرويز مشرف پاران جعلي ميڊيڪل رپورٽ پيش ڪرڻ جو انڪشاف

اسلام آباد (اين اين آءِ) ججز نظربندي ڪيس ۾ اڳوني صدر پرويز مشرف پاران جعلي ميڊيڪل رپورٽ پيش ڪرڻ جوا نڪشاف ٿيو آهي جڏهن ته عدالت ان جي حاضري کان استثنيٰ جي درخواست رد ڪندي هڪ دفعو ٻيهر ضمانت نه ٿيڻ جوڳا گرفتاري وارنٽ جاري ڪري ڇڏيا جمعي تي اڳوڻي صدر جنرل رٽائرڊ پرويز مشرف خلاف ججز نظربندي ڪيس جي ٻڌڻي دهشتگردي ٽوڙ عدالت جي جج سهيل اڪرام ڪئي ٻڌڻي جي موقعي تي پرويز مشرف جي وڪيل پاران حاضري کان عارضي استثنيٰ جي درخواست ڏيندي ان جي ميڊيڪل رپورٽ جمع ڪرائي ويئي عدالت ميڊيڪل رپورٽ کي جعلي قرار ڏيندي ڪاوڙ جو اظهار ڪيو ۽ چيو ته پرويز مشرف مارچ ۾ ٻاهرين ملڪ ويو ته اپريل جو ميڊيڪل عدالت ۾ ڪيئن پيش ڪيو ويو دهشتگردي ٽوڙ جي عدالت جي جج پنهنجي ريمارڪس ۾ چيو ته جوابدار ٻن سالن کان عدالت ۾ پيش نه ٿيو جوابدار ڪنهن به عدالت کان اجازت بنا ٻاهرين ملڪ ڇو ويو جنهن تي مشرف جي وڪيل چيو ته جيڪڏهن ڊآڪٽر اجازت ڏي ۽ سيڪيورٽي ڏني وڃي ته منهنجو مئوڪل عدالت ۾ پيش ٿيندو جنهن تي عدالت چيو ته جوابدار ڏيڍ مهيني کان پيش نه پيو ٿئي پوليس عملدارن پاران رپورٽ پيش ڪيئي جنهن ۾ موقف اختيار ڪيو ويو ته اڳوني صدر جي ضمانت نه ٿيڻ جوڳا گرفتاري وارنٽ تي عمل ناهي ٿي سگهيو اڳوڻو صدر ٻه سال اڳ ڪراچي ويو ۽ پوءِ گذريل مهيني دبئي هليو ويو عدالت اڳوني صدر جي حاضري کانا ستثنيٰ جي درخواست رد ڪندي هڪ دفعو ٻيهر ان جا ضمانت نه ٿيڻ جوڳا گرفتاري وارنٽ جاري ڪري ڇڏيا ۽ پوليس کي حڪم ڏنو ته جوابدار کي گرفتار ڪري 20 مئي تي پيش ڪيو وڃي.

 

ايندڙ 10 ڏينهن صوبي لاءِ نهايت اهم آهن، آرمي چيف جي واکاڻ ڪندڙ به نه بچندا: منظور وساڻ

ڪراچي (اين اين آءِ) پ پ پ جي اڳواڻ منظور وساڻ چيو آهي ته ايندڙ 10 ڏينهن صوبي لاءِ نهايت اهم آهن آرمي چيف جي واکاڻ ڪندڙ به احتساب جي عمل کان نه بچي سگهندا جمعي تي سنڌ اسيمبلي ٻاهران ميڊيا سان ڳالهائيندي منطور وساڻ چيو ته ايندڙ 10 ڏينهن
صوبي لاءِ اهم آهن وڏن مانگر مڇن تي هٿ وجهڻ جي تياري مڪمل ڪئي ويئي آهي ڪجهه ماڻهو جيل ويندا ڪجهه باهر ويندا ۽ گهڻن کي ٻاهران آندو ويندو هن چيو ته جيڪي ماڻهو آرمي چيف جي ساراهه ڪري رهيا آهن اهي به احتساب جي عمل کان نه بچندا هن چيو ته پ پ پ به احتسابي عمل کان نه بچندي پر اسان ان لاءِ تيار آهيون.