تازيون خبرون

Daily Archives: April 20, 2016

وزيراعظم جو احتساب سڀ کان پهريان ٿيڻ گھرجي: اعتزاز احسن/ خورشيد شاهه

اسلام آباد (م.ڊ) قومي اسيمبليءَ ۾ مخالف ڌر اڳواڻ سيد خورشيد احمد شاهه چيو ته پاناما ليڪس مامري ۾ حڪومت چيف جسٽس جي سربراهيءَ ۾ جاچ ڪميشن جوڙڻ جي لاءِ کيس خط لکي. اسلام آباد ۾ پ پ اڳواڻن سيد خورشيد شاهه ۽ سينيٽر اعتزاز احسن مخالف ڌر پارٽين جي سربراهن سان ملاقاتن دوران سيد خورشيد شاهه جو چوڻ هو ته ڪميشن جي ٺهڻ کان پوءِ هو ٽي او آررز پڻ ٺاهيندا. ان موقعي تي سينيٽر اعتزاز احسن جو چون هو ته حڪومت ڌر جا ميمبر پاناما ليڪس مامري تي کين جواب ڏيڻ بدران مٿن حملا پيا ڪن. اعزاز احسن چيو ته وزيراعظم جو احتساب سڀ کان پهريان ٿيڻ گھرجي، جيڪڏهن وزيراعظم پنهنجا سمورا اثاثا ظاهر ڪري ته پوءِ جاچ ڪميشن ٺاهڻ جي ضرورت ئي نه پوندي. اعتزاز احسن چيو ته وزيراعظم نواز شريف پنهنجي خاندان ۽ اتفاق گروپ جا وسيلا، آمدني ۽ ٽئڪس جا تفيصيل قوم اڳيان ظاهر ڪري.

 

ناڻي وزير اسحاق ڊار سان پانامه جي نائب ناڻي وزير جي ملاقات جي خبر ڏيڻ تي پانامه جي حڪومت لکت ۾ معافي وٺي ڇڏي

اسلام آباد  (اين اين آءِ) ناڻي وزير محمد اسحاق ڊار کان پانامه جي نائب ناڻي وزير جي ملاقات جي خبر ڏيڻ تي پانامه جي حڪومت لکت ۾ معافي ورتي اهي تفصيل موجب ڪجهه ڏينهن پانامه جي نائب ناڻي وزير هڪ ٽي وي انٽرويو ۾ چيو هو ته

پانامه ليڪس کان پوءِ اسحاق ڊار ان سان ملاقات جي خبر کان پوءِ پانامه جي ناڻي وزير وضاحت ڪئي ته ان جي پاڪستاني ناڻي وزير سان نه پر ناڻي سيڪريٽري وقار مسعود سان ملاقات ٿي هئي غلط بياني ڪرڻ تي پانامه جي حڪومت وفاقي ناڻي وزير کان اڱاري تي لکت ۾ معافي ورتي آهي پانامه جي حڪومت پاران لکت ۾ ورتل معافي جو پيغام ناڻي وزارت کي ملي ويو آهي.

 

پاڪستان خطي ۾ امن جي بحالي لاءِ دهشتگردي خلاف فيصلائتي جنگ ۾ رڌل آهي:خواجه آصف

اسلام آباد (بيورو) بچاءَ واري وزير خواجه آصف چيو آهي ته پاڪستان خطي ۾ امن جي بحالي لاءِ دهشتگردي خلاف فيصلائتي جنگ ۾ رڌل آهي، اسلام آباد جي قربانين کي سموري دنيا ساراهيو آهي. اسلام آباد ۾ بچاءِ واري وزير خواجا آصف سان برطانوي چيف آف جنرل اسٽاف جنرل نڪولس جي ملاقات ڪئي. ملاقات دوران آپريشن ضرب عضب ۽ خطي جي موجوده صورتحال سميت مختلف معاملن تي ڳالهيون ڪيون ويون. برطانوي فوج جي سربراهه جنرل نڪولسن چيو ته آپريشن ضرب عضب سان نه رڳو پاڪستان پر خطي ۾ امن امان جي صورتحال بهتر ٿي آهي، برطانيا پاڪستان جي قربانين کي دل سان تسليم ڪري ٿو. بچاءَ واري وزير خواجه آصف چيو ته پاڪستان خطي ۾ امن جي بحالي لاءِ دهشتگردي خلاف فيصلائتي جنگ ۾ رڌل آهي، اسلام آباد جي قربانين کي سموري دنيا ساراهيو آهي.

 

ميان صاحب ڊڪٽيٽر جي هٿن ۾ پلجي وڏو ٿيو کيس ڪهڙي خبر جمهوريت ڇا آهي: عمران خان

پشاور (م.ڊ)  پاڪستان تحريڪ انصاف جي سربراهه عمران خان چيو آهي ته ميان صاحب اوهان ڊڪٽيٽر جي هٿن ۾ پلجي وڏا ٿيا آهيو، اوهان کي ڪهڙي خبر ته جمهوريت ڇا ٿيندي آهي، خابرو ادارن موجب پريس ڪانفرنس کي خطاب ڪندي عمران خان جو چوڻ هو ته ميان صاحب کي کنگهه به ٿيندي آهي ته پرڏيهه وڃي علاج ڪرائيندو آهي، برطانوي وزير اعظم پارليمينٽ ۾ اچي پاڻ تي لڳل الزامن جي وضاحت ڪئي هئي، حڪومت وارا صرف بليڪ ميل ڪرڻ لاءِ ڪرپشن جا الزام هڻندا آهن، نواز شريف مشرف جي ڊڪٽيٽر شپ کان وڌيڪ ظلم ڪيو آهي، مشرف دور ۾ ماڊل ٽائون جيان گوليون نه هنيو ويون هيون، ميان صاحب قوم سان سچ ڳالهائي، توهان اهو ٻڌايو ته پئسو ٻاهر ڪيئن ويو، سندس چوڻ هو ته ڪميشن جي ضرورت نه آهي، ميان صاحب جي ٻارن جي ڪمپنين جا نالا اچي ويا آهن، ميان صاحب وڌ کان وڌ ٽيڪس ساڍا 5 لک رپيا ڏنو هو، اپوزيشن جو ڪم غلط ڪمن جي نشاندهي ڪرڻ ۽ حڪومت جو ڪم پڪرڻ آهي، حڪومت جو ڪم ڪرپٽ ماڻهن کي پڪرڻ آهي بليڪ ميل ڪرڻ نه، عمران خان چيو ته لڳي ٿو ميان صاحب علاج ڪرائڻ نه ڪنهن وڏي مشن لاءِ ويو هو، ڪرپشن بچائڻ لاءِ خيراتي اسپتال تي الزام لڳايا ويا، شوڪت خانم اسپتال ۾ ڪرپشن هئي ته 8 سالن کان حڪومت ايڪشن ڇو نه کنيو، هاڻ چپ ڪري نه ويهنداسين.

 

جهلم ۾ هٿياربندن جو گهر تي حملو، هڪ ئي ڪٽنب جي 3 عورتن سميت 4 ڄڻا قتل

جهلم(م.ڊ) جهلم ۾ هٿياربندن گهر اندر گهڙي فائرنگ ڪري  هڪ ئي ڪٽنب جي 4 ڄڻن کي قتل ڪري ڇڏيو، پوليس ذريعن مطابق جهلم جي ڍوڪ اعواڻ واري علائقي ۾ اڻڄاتل ماڻهن هڪ گهر ۾ گهڙي فائرنگ ڪئي، جنهن جي نتيجي ۾ هڪ ئي ڪٽنب جون 3 عورتون ۽ هڪ مرد مارجي ويا، اطلاع ملندي ئي پوليس واقعي واري هنڌ پهچي چارئي لاش پنهنجي قبضي ۾ وٺي پوسٽ مارٽم لاٰءِ ضلعي هيڊڪوارٽر اسپتال جهلم منتقل ڪري ڇڏيا، پوليس ٻڌايو ته چئني ماڻهن کي 30 بور جي پسٽل سان فائرنگ ڪري قتل ڪيو ويو، جڏهن ته وڌيڪ تفصيلن جي خبر پوسٽ مارٽم رپورٽ اچڻ کانپوءِ پوندي، پوليس جو چوڻ آهي ته واقعي جو اصل ڪارڻ معلوم ناهي ٿي سگهيو ۽ ان سلسلي ۾ جاچ ڪئي پئي وڃي.

 

سنگين غداري ڪيس: پرويز مشرف کي ٻاهر وڃڻ جي اجازت ڏيئي حڪومت خود سهولتڪار بڻي: خاص عدالت

اسلام آباد (اين اين آءِ) پرويز مشرف خلاف سنگين غداري ڪيس جي ٻڌڻي ڪندڙ خاص عدالت ريمارڪس ڏنا ته پرويز مشرف کي ٻاهرين ملڪ وڃڻ جي اجازت ڏيئي حڪومت پاڻ سهولتڪار بڻي جڏهن ته پرويز مشرف بيان رڪارڊ ڪرائي ٻيهر به ٻاهر وڃي سگهي ٿو اـاري تي جسٽس مظهرعالم ميان خيل جي سربراهي ۾ خاص عدالت ۾ پرويز مشرف جي خلاف سنگين غداري ڪيس جي ٻڌڻي ٿي ٻڌڻي دوران جوائنٽ گهرو سيڪريٽري مبارڪ علي گهرو سيڪريٽري پاران لکت ۾ جواب جمع ڪرايو عدالت مبارڪ علي کان پڇاڻو ڪيو ته گهرو سيڪريٽري کي گهرايو هو هو پاڻ ڇو نه يو مبارڪ علي جواب ڏنو ته هو موڪل تي آهي خاص عدالت گهرو سيڪريٽري پاران جمع ڪرايل جواب رد ڪري ڇڏيو جسٽس مظهرعلي ميان خيل گهرو سيڪريٽري جي رويي تي ڪاوڙ جو اظهار ڪندي ريمارڪس ڏنا ته هي ڪوئي طريقو نه آهي جيڪو گهرو سيڪريٽري اختيار ڪيو آهي گهرو سيڪريٽري خود شڪايت ڪندڙ آهي سندس هي رويو سمجهه کان باهر آهي هي اهڙو ڪيس نه آهي جو گهرو سيڪريتري سيڪشن آفيسر ذريعي جواب جمع ڪرائي جسٽس مظهرعالم ميان خيل وڪيل استغاثا اڪرم شيخ کان سوال ڪيو ته پرويز مشرف جي ٻاهرين ملڪ وڃڻ تي گهرو سيڪريٽري کي ذميوار قرار ڏيئي سگهجي ٿو جنهن تي اڪرم شيخ چيو ته عدالت 31 مارچ تي پرويز مشرف کي زاتي حيثيت ۾ طلب ڪيو هو پرويز مشرف جي خاص عدالت ۾ طلب ڪرڻ سان نه صرف جوابدار پر وفاق کي به علم هو گهرو سيڪريٽري سمجهيو ته خاص عدالت پرويز مشرف جو نالو اي سي ايل ۾ وجهڻ جو ناهي چيو پرويز مشرف جو اسڪائپ يا وڊيو لنڪ تي بيان وٺي سگهجي وڪيل استغاثا جي دليل تي جسٽس مظهر عالم ميان خيل ريمارڪس ڏنا ته دهشتگردي ٽوڙ ڪيس ۾ شاهدن جا بيان وڊيو لنڪ تي وٺي سگهجن ٿا هتي پرويز مشرف شاهد نه آهي پر جوابدار آهي ٻڌني دوران پرويز مشرف جي وڪيل احمد رضا قصوري چيو ته پرويز مشرف جي ٻاهرين ملڪ وڃڻ جو ذميوار خود گهرو وزارت اهي 31 مارچ 2016 تي عدالت پرويز مشرف کي حاضري کان استثنيٰ ڏيئي چڪي آهي.

 

ڀارت ۾ نوجوان ڇوڪري سان ٻن سالن ۾ 100 ماڻهن جو ريپ، ناري پوليس وٽ پهتي

پوني (اين اين آءِ) ڀارت جي شهر بوني ۾ نوجوان چوڪري کي نوڪري جو دلاسو ڏيئي ٻن سالن تائين جنسي ڌنڌو ڪرايو ويو ۽ ان عرصي ۾ ڇوڪري کي 100 کان وڌيڪ ماڻهن ريپ ڪيو ڀارتي اخباري رپورٽ موجب هڪ 16 سالن جي ڇوڪري الزام مڙهيو ته کيس نوڪري ڏيارڻ جو ڌوڪو ڏيئي اولهه بنگال مان پوني آندو ويو ۽ ان کان جنسي ڌنڌو ڪرايو ويو جنهن دوران ان کي ٻن پوليس اهلڪارن سميت 100 کان وڌيڪ ماڻهن ريپ ڪيو گذريل مهيني وحشين جي چنڀي مان ڀڄي نئين دهلي پهتي متاثر پوليس ۾ شڪايت داخل ڪرائي جن کي پوني پوليس منتقل ڪيو ويو ۽ 113 ماڻهن جي خلاف ايف آءِ آر داخل ڪرائي ويئي ڄاڻايل ڪيس ۾ اڳڀرائي ڪندي ويمانتل پوليس اسٽيشن 26 ورهين جي عورت کي گرفتار ڪيو ويما نتل پوليس اسٽيشن جي انچارج سينيئر پوليس انسپيڪٽر سنجي ٻڌايو آهي ته متاثر ڇوڪري جي دهلي ۾ ميڊيڪل ٽيسٽ ڪرايا ويا آهن ۽ ڇوڪري ميٽروپوليٽين ميجسٽريٽ آڏو بيان رڪارڊ ڪرايو آهي ڇوڪري جو تعلق نيپال سان لاڳاپيل ڀارتي سرحدي علائقي سيل گوري سان آهي متاثر ڇوڪري جي ڏاڍي چانهه جو ڪم ڪندي آهي جتي گرفتار ٿيل ڏوهاري اڪثر ايندا هئا متاثر ڇوڪري کي پوني ۾ بيوٽي پارلر ۾ نوڪري جو واعدو ڪيو ويو هو ۽ ان کي جنوري 2014 ۾ هتي منتقل ڪيو ويو هو.

 

دپيڪا ،سلمان سان گڏ فلم ۾ ڪم ڪرڻ لاءِ شرط رکي ڇڏيا

ممبئي (شوبز نيوز) بالي ووڊ اداڪارا دپيڪا پدوڪون پهرين نمبر جي اداڪارا بڻجڻ کانپوءِ فلمن جي چونڊ ۾ پنهنجي پسند ناپسند جو خاص خيال رکڻ لڳي آهي، ڀارتي ميڊيا جي رپورٽن مطابق دپيڪا جي ان فيصلي جو هڪ مثال ان مهل سامهون آيو، جڏهن هن سپر اسٽار سلمان خان سان گڏ فلم ۾ ڪم ڪرڻ لاءِ هدايتڪار ڪبير خان جي سامهون پنهنجا ڪجهه شرط رکي ڇڏيا، ذريعن مطابق دپيڪا، هدايتڪار ڪبير خان کي چٽن لفظن ۾ چيو آهي ته جيڪڏهن هو سلمان خان سان گڏ کيس فلم ۾ ڪاسٽ ڪرڻ چاهي ٿو ته ان ۾ سندس ڪردار مرڪزي ۽ اهم هجڻ گهرجي، اداڪارا جو چوڻ هو ته هوءَ ڪمزور ڪردار هجڻ جي صورت ۾ فلم سائن نه ڪندي.001

 

ڊانس سان عشق ڪندڙ ريچا چڍا ڪوريوگرافر به بڻجي وئي

ممبئي (شوبز نيوز)  بالي ووڊ جي ورسٽائيل اداڪارا ريچا چڍا پنهنجي ڪيريئر ۾ هڪ وڌيڪ تارو سجائيندي ڪوريوگرافر به بڻجي وئي آهي، ڀارتي ميڊيا مطابق ڊانس سان چاهه رکندڙ ريچا چڍا پنهنجي ايندڙ فلم سربجيت جي گاني ”ٽنگ لڪ، ٽنگ لڪ“ جي ڊانس جي ڪجهه اسٽيپس جي ڪوريوگرافي پڻ ڪئي آهي، هڪ انٽرويو ۾ ريچا ٻڌايو ته مونکي ڊانس سان عشق آهي،پوءِ اها ڀلي ڪهڙي به فارم ۾ ڇو نه هجي، مونکي پنجابي ڊانس خاص طور تي ڀنگڙا ناچ وڌيڪ وڻندو آهي، هن چيو ته مان جڏهن سربجيت جو گانو ٽنگ لڪ پهريون ڀيرو ٻڌو ته اهو تمام گهڻو وڻيو ۽ مان ان جي شوٽ جو بي چيني سان انتظار ڪرڻ لڳيس،هن ٻڌايو ته گاني جي شوٽنگ شروع ٿي ته مونکي سڄو ماحول وڻي ويو، جنهن کانپوءِ مان ڪجهه اسٽيپس جي پاڻ به ڪوريوگرافي ڪئي،مون لاءِ حيرت ۾ وجهندڙ ڳالهه اها هئي ته ڪوريوگرافر کي به اهي ڊانس اسٽيپ پسند آيا ۽ هن اهي گاني ۾ شامل ڪرڻ جو فيصلو ڪيو،ذريعن مطابق رڳو ايترو ئي نه پر ريچا فلم جي هيرو رنديپ هوڊا کي به ڊانس جا ڪجههه اسٽيپ سيکارڻ ۾ مدد ڪئي، جيڪي کيس ڏکيا لڳي رهيا هئا، سربجيت ۾ ايشوريا رائي بچن به مک ڪردار ادا ڪري رهي آهي، اها فلم هلندڙ سال 20 مئي تي رليز ٿيندي.

 

غيريقيني صورتحال ختم،ڀارتي ڪرڪيٽ ٽيم هلندڙ سال ٽيسٽ سيريز لاءِ ويسٽ انڊيز جو دورو ڪندي

ڪنگسٽن(اسپورٽس نيوز)ويسٽ انڊيز هلندڙ سال جولاءِ ۽ آگسٽ ۾ ڀارت جي خلاف چئين ٽيسٽ مئچن جي ميزباني ڪندو،ويسٽ انڊيز بورڊ ڊبليو آئي سي بي طرفانان اعلان کانپوءِ ٻنهي ملڪن جي وچ ۾ گڏيک سيريز جي حوالي سان غير يقيني صورتحال هئي،اها به ختم ٿي وئي، 2014 ۾ ويسٽ انڊيز ٽيم بورڊ سان مالي معاوضي  جي تڪرار سبب ڀارت جو دورو اڌ ۾ ڇڏي وطن واپس هلي وئي هئي،جنهن کانپوءِ ڀارتي بورڊ ويسٽ انڊيز سان گڏيل سيريز کيڏڻ تي پابندي هڻي ڇڏي هئي، ڊبليو آئي سي بي جي صدر ڊيوڊ ڪيمرون ڀارت خلاف سيريز جي تصديق ڪندي چيو آهي ته اسان کي سيريز جي هنڌن جي رصديق جو انتظار آهي،جنهن کانپوءِ اسان سيريز جي شيڊول جو اعلان ڪنداسين.001