تازيون خبرون

Daily Archives: April 11, 2016

پريانڪا چوپڙاکي “دادا صاحب ڦالڪي ايوارڊ” سان نوازيو ويو

ممبئي (شوبز نيوز)بالي ووڊ اداڪارا پريانڪا چوپڙا جي ڪاميابين جوسلسلو جاري آهي  ۽ سندس ڪيريئر ۾ هڪ ٻيو اعزاز“دادا صاحب ڦالڪي ايوارڊ”جي صورت ۾ مليو آهي.ميڊيا رپورٽ مطابق فلم “باجي رائو مستاني” ۾ پريانڪا چوپڙا جي لاجواب ۽ بهترين اداڪاري سبب کيس ايورارڊن سان نوازيو پيو وڃي.جڏهن ته “دادا صاحب ڦالڪي ايوارڊ”جي تقريب 24 اپريل تي ٿي رهي آهي،جنهن ۾ خاص مهمان به پريانڪا چوپڙا هوندي.003

 

ايشا گپتا مڱڻي جي خبرن جي ترديد ڪري ڇڏي

ممبئي (شوبز نيوز) بالي ووڊ اسٽار ايشا گپتا مڱڻي جي خبرن جي ترديد ڪري ورتي آهي. ڀارتي خابرو اداري مطاب هن اها ترديد سماجي رابطن جي ويب سائيٽ ٽوئيٽر تي جاري ڪيل بيان ۾ ڪئي. مڱڻي جي افواهن سبب ان جي طرفان ٽوئيٽر تي جاري هڪ تصوير هئي جنهن ۾ هن کي هڪ وڏي ڊائمنڊ رنگ پاتل هئي. هن افواهن کي وڌيڪ هٿي ان وقت ملي جڏهن ٽوئيٽر تي ان حوالي سان هڪ مداح جي سوال جي جواب ۾ هن چيو ته ”هن پو چيو ۽ مان ها ڪري ڇڏي“ پنهنجي تازي بيان ۾ ايشا گپتا چيو ته مڱڻي ناهي ٿي.

 

پاڪستان بلائينڊ ٽيم سريلنڪا کي ٽين ون ڊي ميچ ۾ مات ڏئي سيريز کٽي ورتي

لاهور (اسپورٽس نيوز) پاڪستان بلائينڊ ٽيم سريلنڪن بلائينڊ ٽيم کي ٽين ون ڊي ميچ ۾ مات ڏئي سيريز 0.3 تان کٽي ورتي.سريلنڪن ٽيم پهرين کيڏندي 7 وڪيٽن جي نقصان تي 362 رنسون ٺاهيون،جنهن ۾ سريلنڪا پاران روان وسانتا 122 رنسون ٺاهيون.جواب ۾ پاڪستان گهربل ٽارگيٽ رڳو 3 وڪيٽن جي نقصان تي حاصل ڪري ورتو.پاڪستان پاران بدر ڊبل سينچري هڻي ويو ۽ ناٽ آئوٽ رهيو.جڏهن ته ايوب 91 ۽ اياز 50 رنسون ٺاهي نمايان رهيو.

ٽي ٽوئنٽي ڪپ جي آخري اوور ۾ 4 ڇڪا لڳا ته روئي ويٺس ۽ سڄي دنيا لُڏي ويئي:بين اسٽوڪس

لنڊن (اسپورٽس نيوز)برطانوي ٽيم جي فاسٽ بالر بين اسٽوڪس جو چوڻ آهي ته جڏهن ٽي ٽوئنٽي ورلڊ ڪپ جي فائنل ميچ جي آخري اوور ۾ لاڳيتو 4 ڇڪا لڳا ته سڄي دنيا لُڏي وئي ۽ مان روئي ويٺس ۽ ائين لڳو ته منهنجي دنيا ختم ٿي وئي.ويسٽ انڊيز ٽيم جي بيٽسمين ڪارلوس  بريٿويٽ بين اسٽوڪس کي ٽي ٽوئنٽي ڪپ جي آخري اوور ۾ لاڳيتو چار ڇڪا هڻي ميچ ۾ ڪامايابي ماڻي هئي ۽ پنهنجي ٽيم کي ٽرافي سان نوازيوهو.

قوم سان خطاب جو شوق پورو ٿيو…!!: غلام مصطفيٰ جمالي

تحريڪ انصاف جي سربراهه عمران خان صاحب بني گالا اندر قوم کي خطاب ڪرڻ وارو شوق آخر پورو ڪري ڇڏيو.ان ڪري آئون وفاقي وزير اطلاعات پرويز رشيد جي انهي موقف کان اتفاق نه ٿو رکان ته قوم کي خطاب ڪرڻ جو حق پي ٽي وي تي صرف ۽ صرف صدر ۽ وزيراعظم جو آهي.جڏهن ته مان سمجهان ٿو ته اهو حق انهي  حمڪران کي حاصل آهي جيڪو ڏنڊي جي زور تي  حڪومت ڪري ڄاڻي ٿو.جڏهن ته اهو سڀني جو سامهون آهي ته هتي ڏنڊي جي زور تي حڪمراني ڪندڙ آمريت  به اهو حق استعمال ڪندي رهي آهي.جڏهن ته اهو حق جيڪڏهن ڪنهن سياسي جماعت جي اڳواڻ پنهنجي قانون جي دائري ۾ رهندي جيڪڏهن حاصل ڪري. ته مان سمجهان ٿو ته انهي ۾ ڪا قيامت نه اچي ويندي.جڏهن ته پي ٽي وي ن ليگ جي قائم ڪيل اسٽيشن ناهي جو انهي تي حق صرف ن ليگ جو ئي آهي.جڏهن ته اها ٻئي ڳالهه آهي ته اهڙي ٽي وي چيئنل تي ويهي قوم سان خطاب ڪرڻ جو مقصد صرف ۽ صرف قوم کي سبق ڏيارڻ هوندي آهي ته خطاب ڪندڙ شخص انهي قوم سان ڪيترو سچو آهي ۽ سندس دل اندر قوم لاءِ ڪيتري سچائي آهي،هو دل اندر قوم جو درد رکندڙ آهي.۽ قوم جي هر ڏک غم ۾ هو سندس مدد ڪرڻ لاءِ هر قدم اڳتي هوندو.پر ڏسجي ته پاڪستان اندر اها سوچ هاڻي بلڪل به نه رهي آهي.

حڪمرانن کان واعداه وسريون وڃن ته عوام پنهنجا ڏک درد هميشه پاڻ سان گڏ کڻي گهمندي رهندي آهي.پي ٽي آءِ اڳواڻ عمران خان صاحب به قوم سان خطاب ڪيو پر ڏسجي ته سندس خطاب اندر ڪا به اهڙي ڳالهه نه هئي جنهن مان قوم جي ڪو سبق ملي.عمران خان صاحب وٽ ته اهي پراڻيون ڳالهيون هنيون جيڪي قوم اسلام آباد اندر لڳل ڌرڻن اندر پنهنجي اکين سان ڏسي چڪي هئي.يعني اهي پراڻيون اليڪشن اندر ڌانڌلين واريون ڳالهيون.جڏهن ته انکان پهرين هو انهي ڌاندلين کي وٺي ڪري وزيراعطم کان استيفيءِ جو مطالبو به ڪري چڪو آهي.جڏهن ته اهڙا بيان عمران خان صاحب ۽ سندس ساٿي ملڪ اندر ٿيندڙ هر دهشگردي جي واقعن کان پوءِ به ڏيندا رهندا آهن.جڏهن ته ان دفعي عمران خان صاحب پنهنجي بيان ۾ تبديلي آڻيندي پامانا ليڪس جي جواز ڄاڻائيندي چيو آهي ته ميان صاحب پنهنجو اخلاقي جواز وڃائي ويٺو آهي،ان ڪري کيس استيفيءَ ڏيڻ گهرجي.عمران خان صاحب چيو ته ميان نواز شريف ڪڏهن ڪنهن بکئي سان پڇا ڪئي ٻه ۽ ٻه گهڻا ٿيندا آهن ته انهي بکئي شخص جواب ڏنو ته صرف چار مانيون.جڏهن ته انهي قوم جي خطاب ڪندي صرف عمران خان صاحب انهي پوڙهي جو مثال به ڏنو جڏهن ته عمران خان صاحب انهي چار مانين واري جواب کي وٺي ڪري هر خطاب اندر وزيراعظم جي استيفيءَ جو مطالبو ڪندو آيو آهي.جڏهن ته ميان نواز شريف هڪ دفعو ٻيهر تحقيقاتي ڪميشن جوڙي ڪري جيڪو پتو هن وقت اڇلايو آهي.اهڙي راند هو عمران خان سان پهرين به ڪري چڪو آهي.جڏهن ته عمران خان صاحب جي اها ضد هئي ته سپريم ڪورٽ آف پاڪستان تي مشتلمل تحقيقاتي ڪميشن  جڙي پر اتي ن ليگ حڪومت هڪ درست موقف اختيار ڪيو ته عوام کيس اقتدار جي پنج  سالن چونڊيو آهي.۽ انهي دوران جيڪڏهن انهي خلاف کين ڪو مسئلو پيش اچي ٿو ته هو عدالتن کان رجوع ڪري سگهن ٿا. پر مينڊيٽ جي نفي نه ٿا ڪري سگهن.

ميان نواز شريف سپريم ڪورٽ جي سابق جج تي مشتمل هڪ تحقيقاتي ڪاميٽي جوڙڻ جو اعلان ته ڪيو پر ٻئي طرف ڪو به جج چاهي اهو سابق ئي ڇو نه هجي پر سياستدانن جي وچ ۾ پنهنجي عزت جو جي نيلامي ڪڏهن به نه چاهيندو.جيڪڏهن عمران خان جي ساٿين سپريم ڪورٽ آف پاڪستان جي فيصلي جي تسليم ڪندي گذريل اليڪشن اندر ڌاندلين جي الزامن کي واپس ورتو هجي ها ته انهن کي قوم سان گڏ لڳايل ڌرڻڻ جي به معافي وٺڻي پوي  ها.ان ڪري ڇا ڪو جج اهو رسڪ کڻي ها.؟جڏهن ته اهو ديوار تي لکيو پيو آهي ته عمران خان ۽ سندس ساٿي ڪهڙي به صورت ۾ ڌاندلين جي لڳايل الزامن کي واپس نه وٺندا.جڏهن ته عمران خان بار بار جوڊيشن ڪيمشن جي ڳالهه ڪندو آهي.انهي مان اها ڳالهه ته واضع ۽ صاف ظاهر آهي ته اها پارليامينٽ جي وجود ڪرادر جي نفي ٿي ڪري.پر ٻئي طرف مونکي معذرت سان چوڻو ٿو پوي ته وزيراعظم ميان نواز شريف ۽ سندس ساٿي به پارليامينٽ ان جي قوت ۽ ان جي فيصلن تي ڪجهه گهڻو يقين نه ٿا رکن.جڏهن ته هي اهو پارليامينٽ آهي جتي متحد ٿي عمران خان جي ڌرڻڻ کي ناڪام بڻايو ويو هو.جن قوتون آئيني،جهموري،۽ پارليامينٽي،بنيادن تي وزيراعظم ميان نواز شريف جو ساٿ ڏنو هو.انهن رائيونڊ جي ياترا ڪرڻ ۾ ڪوبه حرج نه سمجهيو هو.جڏهن ته سندن ڳلن کي دٻايو پئي ويو ان وقت ايوان اندر وزيراعظم ميان نواز شريف هڪ طوطي جيان نظرون ڦيرايون هنيون.نواز شريف آصف علي زرداري سان ملاقات ڪرڻ لاءِ تيار نه هو.جڏهن ته هو انهي مامعلن کي بهتر بنائڻ ۾ پنهنجو ڪرادار ادا ڪري ٿي سگهيو.اقتدار جي خاطر پنهنجو وزن اسٽيبلشمينٽ جي سائمي ۾ وجهڻ هڪ وقتي مفاداتي فيصلي کان اعلاو هڪ ٻيو اندازو اهو به آهي.! جڏهن ته ميان نواز شريف جي اصل طاقت پارليامينٽ هجڻ گهرجي ها.پر افسوس جو هو  ٻيهر پارليامينٽ کي مسلسل نطراندار ڪري رهيو آهي .جڏهن ته  اهو صاف ظاهر آهي جنهن جي شايد عمران خان کي به خبر نه هجي پر عمران خان کي اهو ضرور سوچڻ گهرجي ته سندس مدد صرف ۽ صرف سپريم ڪورٽ ئي ڪري سگهي ٿي

a.پامانا ليڪس جي تحقيقات واقعي هڪ مشقل امر آهي.جنهن اندر فزانزڪ تجربن کان وٺي تمام گهڻا ٻيا معاملا ڏسڻ جي ضروت پوندي.مونکي پورو يقين آهي ته عمران خان ۽ انجا ساٿي زبان ڪلامي الزام لڳائڻ کان سواءِ ڪي  به ثبوت مهيا ڪرڻ ۾ ناڪام رهندا.۽ ٻئي طرف تحقيقاتي ڪميشن جي ٽرمز آف ريفرنس اندر وزيراعظم ناهي بلڪه سڀ جا سڀ سياستدان ۽  سياستدانن،ججن،صعنتڪارن،۽ ڪمپنين جا معاملا شامل ڪيا ويا آهن.جڏهن ته اها به ڳالهه واضع آهي ته ان اندر شوڪت خانم اسپتال وارو معاملو ضرور ڌڪيو ويو هوندو.جڏهن ته ائين نه ٿي جو عمران خان کي پنهنجي ڳالهه ڳچي ۾ پئجي وڃي.نواز شريف عمران خان جي اصرار تي پهرين جيڪا تحقيقاتي ڪميشن جوڙي هئي اها خد ميان صاحب جي غلطي هئي.عمران خان ڪنهن جو مشورو مڃڻ لاءِ تيار ناهي ڇو ته عمران خان مشورن جي موسم کي نه ٿو سڃاڻي.جڏهن ته ڳالهه ميان  نواز شريف جي باري ۾ به ڪري سگهجي ٿي پر ٻنهي ۾ اندر هڪ فرق ضرور آهي.ڇو ته عمران خان نه ڪنهن جي ٻڌند آهي ۽ نه ئي ڪنهن کي صلاح وٺندو آهي.پر اتي ميان صاحب ضرور سياست اندر ڪجهه ماڻهن جي ضرور ٻڌندو آهي.پر اهين هاڻ نه ٿي جو ميان صاحب به عمران واري طعبيت جو مالڪ بڻجي وڃِي.عمران خان اهو چئي رهيو آهي ته هو رائيونڊ اندر شريف ڀائرن جي گهرن تي گهيراءُ ڪندو.جڏهن ته اسانجي معاشري اندر باقي اها تهذيب رهيل آهي.جڏهن ته مان سمجهان ٿو ته ويڙه ڪيتري به وڏي هجي پر ڪنهن جي گهر تائين وڃڻ نه گهرجي.ان ڪري عمران خان کي سياسي لڙائي سياسي ميدان ۾ ڪرڻ گهرجي..

 

 

پاناما جا انڪشاف ۽ آيل نوان بحران ….! : جاويد احمد چانڊيو

پاناما جي پر اسرار ٿيندڙ انڪشافن دنيان ۾ هڪ نئون زوردار ٿرٿلو مچائي ڇڏيو آهي. دنيا جي ٽاپ ليول تي دولت مند پارٽيون وڏي مشڪلاتن ڏکيائن آزمائشن ۽ بحرانن کي منهن ڏيئي رهيون آهن.حق سچ هميشه قائم دائم رهندو آهي.حق سچ جي هميشه جيت ٿيندي آهي حق سچ کي ڪو به لهر لوڏو نه هوندو آهي.ڪوڙ فريب دوکي بازي جي دنيا گهڻو وقت هلي نه سگندي آهي.پاناما ليڪس جي انڪشافن جي معاملي دنيا جي حالاتن جا رخ موڙي ڇڏيا آهن.پاناما ليڪس جي انڪشاف دنيان جي ڪنهن به سياسي توڙي دولت مند پارٽين تي سياسي حملو نه ٿو چئي سگهجي .نه ئي وري ڪنهن جي سازش  ۽ان کي سياسي مفادن جي جنگ به نه ٿو چئي سگهجي.پاناما سچ ۽ حقيقتن جو پردو کنيو آهي پاناما ته اهو الزام نه لڳايو آهي ته دولتمند پارٽين جا اثاثا۽ ڪاروبار  جائز توڙي ناجائز هلي رهيا آهن. پاناما رڳو نشاهدي ڪئي آهي ته ڪنهن وٽ ڪيتري دولت ۽ اثاثا قيمتي مالدار  منافع بخش ڪمپنيون ڪٿي هلي رهيون آهن. انهن جو تفصيلي ذڪر ڪيو ويو آهي. ۽ دنيا جي سطح تي معاملو  هڪ اهم اشو بڻجي ويو آهي. جنهن ڪري عوام ۾ نئون بحث به ڇيڙي وڌو آهي.پاناماليڪس جي انڪشافن جي زد ۾ دنيا جون ٽاپ تي دولت مند پارٽين کي وائکو ڪيو ويو آهي.جڏهن ته پاڪستان جي ٽاپ دولت مند پارٽين جا نالا به اچي چڪا آهن جنهن ۾ موجوده وزير اعظم ميان محمد نواز شريف جو خاندان.اڳوڻو وفاقي وزير چوڌري شجاعت حسين جو خاندان.اڳوڻي وزير اعظم محترمه بينظير ڀٽو.سيف الله خاندان.تهمينه دراني خاندان.پ پ جو سينيٽر رحمان ملڪ.صدرالدين هاشواڻي.جاويد پاشا.لڪي مروت جو معروف صيف الله خاندان مان سينيٽر عثمان صيف الله،انور صيف الله سليم صيف الله،همايو صيف الله ۽ انهن جا ٻيا ڀائر به شامل آهن انهن ڪمپنين جا هانگ ڪانگ،سينگاپور،آرلينڊ ۽ ٻين ملڪن م بنئڪ اڪائونٽس آهن جتان لين دين  هلي ٿي.

پاڪستان جي ڪيترن سياستدانن صنتعڪارن.حاضر سروس ۽ رٽائرڊ ججن ۽ ڪامورن جا ٻاهرين ملڪن ۾ ڪاروبار هلي رهيا آهن جڏهن ته ان معاملي ۾ روز نوان سوشل ميڊيا تي سياسي رنگ ڀرجي رهيا آهن.زندگي جي مختلف شعبن سان تعلق رکندڙ سينئر تجزيا نگار  پنهنجي خيالن جو کلي طرح اظهار ڪري رهيا آهن. حڪومت ۽ مخالف ڌريون به گرما گرمي بحث ڪري رهيون آهن. مسلم ليگ (ن) سرڪار خلاف سياسي مخالف ڌرين به هڪ صف ۾ بيهڻ شروع ڪري ڏنو آهي.جڏهن ته حڪومت مخالف ڌرين هڪ ٻئي سان رابطه ۽ ويجهڙائپ ٿيڻ لڳي آهي.مستقبل ۾ ڇا ٿيڻو آهي ان جو ته ايندڙ وقت پاڻ ثابت ڪندو هلڻ بازي شور شرابا هڪ ٻئي تي سنگين قسم جا الزام لڳائڻ هڪ ڪلچر بڻجي ويو آهي تحريڪ انصاف جو سربراهه عمران خان پ پ جو پارلياميٽ ليڊر سيد خورشيد شاهه .جي يو آءِ جي مولانا فضل الرحمان. جماعت اسلامي جو امير سراج الحق.مسلم ليگ (ض) جي اعجاز الحق ۽ ٻيا ڪيترائي سياستدان پنهنجو موقف بيان ڪري چڪا آهن.حالات جي موقعي جا سياسي کلاڙي وڏي گيم جو سهارو وٺي رهيا آهن .۽ وڌيڪ سرگرم ٿي ويا آهن ڏسجي ته انهن جو زور ڪٿي دنگ ڪندو.هن وقت سوشل ميڊيا پاناما جي انڪشافن جو وڏو موضوع بڻيل آهي.سچ ۽ ڪوڙ  جي پرک به ضرور ٿيڻي آهي.وڏا قيمتي اثاثا ۽ وڏي ماليت جو قيمتي ڪاروباري ڪمپنيون دنيا جي مختلف شخصيتن جون ظاهر ٿيون آهن.دنيا جي دولت مند طاقتور ڌرين جااثاثا ۽ ڪاروبار هن وقت هلندڙ آهن پاناما جي انڪشافن کان پوءِ حڪومت ۽ مخالف ڌريون به هڪ ٻئي خلاف الزامن لڳائڻ ۾ تيز ٿي ويون آهن.الزام لڳائڻ کان سواءِ سياسي مات ڏيڻ لاءِ هڪ ٻئي کي سوڙهون رکڻ لاءِ جتن ٿي رهيا آهن.وزير اعظم ميان محمد نواز شريف قوم کي اعتماد وٺڻ لاءِ  خصوصي خطاب دوران پنهنجي خاندان جو ذڪر ۽ ڪاروبار جو تفصيل ظاهر ڪيو  ۽منافعو ۽نقصان جي ڄاڻ به ڏني.مخالف ڌر جي اڪثر جماعتن وزير اعظم ميان محمد نواز شريف جي بيان ٿيل حقائت کي رد ڪري ڇڏيو.جنهن کان پوءِ معاملو گرم ٿيندي نظر آيو.وفاقي حڪومت سان لاڳاپيل  اڪثر ڪابينا حڪومت جي تحفظ ۽ خدشا ختم ڪرڻ لاءِ سرگرم مصروف آهن. وفاقي حڪومت سان لاڳاپيل وزير پرويز رشيد، دانيا عزيز ۽ ٻيا مسلم ليگ (ن) اڳواڻ به وزير اعظم ميان محمد نواز شريف جا ظاهر ٿيل قيمتي اثاثا لڳل الزامن جو ڀرپور طريقي سان دفاع ڪري رهيا آهن.

عوامي مسلم ليگ جي سربراهه شيخ رشيد احمد به ميدان خالي ناهي ڇڏيو هن جو چوڻ آهي ته جلد شريف برادران جابدعنواني جا تمام ٻيا ثبوت به ظاهر ٿيندا ڪرپٽ حڪمرانن جي وڃڻ جو وقت ويجهو پهتو آهي. انهن کي عوامي لٽيل دولت جو حساب ڏيڻو پوندو.هو هاڻي احتساب کان بچي نه ٿا سگهن.حڪومت ۽ مخالف ڌرين جون سياسي جهڙپون ٿيڻ معمول بڻجي چڪيون آهن.تحريڪ انصاف جي سربراهه عمران خان صاف شفاف تحقياتي ۽ هر قسم جي احتساب جي شروعات لاءِ پاڻ کي رضاڪارانه طور پيش ڪري ڇڏيو آهي.جيڪو نهايت بهترين قدم جي شروعات آهي صاف شفاف آزاد تحقيات حق آهي.بغير ڪنهن تڪراري جي شروعات هجڻ نهايت ضروري آهي.ڇوته انهي عمل سان انتشار پکڙڻ جو رستو رڪجي سگهي ٿو.صاف شفاف آزاد بغير ڪنهن جي دٻاءُ احتساب تي عمل ڪرڻ سان عوام جو اعتماد ۽ ساک بحال ٿيندي آهي.ڏٺو وڃي ته تحريڪ انصاف جو سربراهه عمران خان تمام وڌيڪ زور ڏنو آهي ته صاف شفاف تحقيات عالمي ادارن کان به مدد وٺڻ سان معاملو بهتر انداز ۾ حل ٿي سگهي ٿو. هن شعيب سڊل تي اعتماد جو اظهار ڪيو آهي. وفاقي وزير داخلا چوڌري نثارعلي خان تحريڪ انصاف جي سربراهه عمران خان جو شرط قبول ڪري ورتو آهي. شريف برادران جي مرضي واري تحقيات سان خدشا ۽ شڪ جنم وٺي سگهن ٿا.تحقياتي ادارا شريف برادران جي فردن کان بيروني ملڪيتن اثاثن ڪمپنين بابت مڪمل ڄاڻ ورتي پئي وڃي. جنهن جا بيان ۽ صفايون به سو شل ميڊيا تي اچڻ شروع ٿي ويون آهن.بيانن ۽ صفائي جي روشني ۾  مخالف ڌر وڏو تضاد ڏيکاري رهي آهي. تحريڪ انصاف جي سربراهه عمران خان جو اهو به چوڻ آهي ته عوام نڪرڻ لاءِ تيار آهي هن دفعي اسلام آباد جي ڊي چوڪ بجاءِ عوامي ڌرڻو لاهور جي رائيونڊ ۾ لڳندو.سياسي وڌندڙ ڇڪتاڻ سان ڪيترائي وڏا بحران جنم وٺي سگهن ٿا .پاناما ليڪس جي انڪشافن کان پوءِ ڪنهن مخصوص ڌر کي سياسي انقامي نشانو بنائڻ غلط هوندو .جيڪي دولتمند پارٽين وائکيون ٿيون آهن انصاف برابري جي بنيادن تي صاف شفاف ۽ آزاد احتساب ٿيڻ ۾ ڪو هرج نه آهي پاناما ليڪس جن گروپن کي کولي ڇڏيو ان سلسلي ۾ مختلف آل پارٽيز  جي موقف جي اهميت کي به نظر انداز نه ڪيو وڃي. ميان محمد نواز شريف سرڪار کي به سنجيدگي ڏيکارڻ ضروري آهي .

صاف شفاف تحقيات جي مڪمل رپورٽ اچڻ تائين ملڪ جي تمام سياسي ڌرين کي ڏاهپ دانشمندي صبر برادشت اتحاد اتفاق ڀائيچاري جي فضا ۽ جمهوريت جي روايتن کي وسارڻ نه گهرجي.جمهوريت جو به پنهنجي حقيقي پٽڙي تي هلڻ ضروري آهي.ڇڪتاڻ ضد هٺ ڌرمي سان هميشه جمهوريت ڪلچر جو خون ٿيو آهي.۽ ان سان مارشلاجي اچڻ جا امڪان موجود رهن ٿا.دنيا جي ٻين ملڪن ۾ به مختلف قسم جا اشو نڪري ايندا آهن جنهن کي تمام بهتر انداز ۽ بغير ڪنهن نقصان ۽ بغير ڪنهن تڪرار جي حل ڪيا ويندا آهي.اقتدار ۽ احتساب جي اصل طاقت عوام هوندو آهي.اقتدار عوام جي امانت آهي.خيانت وڏو سنگين ڏوهه آهي. برابري انصاف ٿيڻ سان معاشري ۾ ترقي خوشحالي امن سڪون جي فضا قائم ٿيندي آهي.برطانيه جي وزير اعظم ڊيوڊ ڪيمرون تي بدعنواني ظاهر ٿيڻ تي عوامي دٻاءُ تحت استيفيٰ ڏيڻ جو اصولي فيصلو ڪري ورتو آهي.جڏهن ته پاناما جو ٻيون مرحلي وار قسطو به ن اچي رهيون آهن وڌيڪ تفصيل حقيقتون اچڻ کان پوءِ وڌيڪ احتساب جو عمل به شروع ٿيڻ وارو آهي.پاناماجو هلندڙ سلسلو رڪجي نه ٿو سگهجي.ڪرپشن. بدعنواني ڪرڻ وطن سان غداري آهي.لٽيرن جو احتساب حقيقي انقلاب جي شروعات آهي.

 

 

هن ڀيري رائيونڊ….؟

بني گالا ۾ قوم سان خطاب ڪندي عمران خان چيو ته امپائر جي آڱر مٿي کڄي چُڪي آهي، اسان هاڻي فيصلائتي مرحلي ۾ پهچي چڪا آهيون، جيڪڏهن اسان هن وقت جدوجهد نه ڪئي ته ملڪ تباهه ٿي ويندو، اسان سڀ گڏجي وڃون ته ملڪ جي تقدير تبديل ٿي سگهي ٿي، پاڪستان کي بچائڻ اسان جي ذميواري آهي، پاناما ليڪس جا انڪشاف ٻڌي ڪري لڳي ٿو ته الله سوموٽو ايڪشن وٺي ڇڏيو آهي، ن ليگ جي وزيرن کي منهنجي ڪرپشن جو ڪوبه ثبوت نه مليو ته انهن خيراتي اداري شوڪت خانم کي بدنام ڪرڻ جي ڪوشش ڪئي، نوازشريف تي ڪرپشن، پئسو لڪائڻ، اثاثا ظاهر نه ڪرڻ ۽ مني لانڊرنگ جا الزام آهن، انهن مان ڪو هڪ به الزام ڊيوڊ ڪيمرون تي هجي ها ته جيل هليو وڃي ها، ڇا نيب، ايف آءِ اي ۽ احتساب جي ٻين ادارن جي ڪا ذميواري ناهي، اسحاق ڊار نوازشريف لاءِ مني لانڊرنگ جو حلفيه بيان ڏنو آهي، هڪ ٻيو شخص، جنهن نوازشريف لاءِ مني لانڊرنگ ڪئي، اهو هن وقت اسٽيٽ بئنڪ جي ٻئي نمبر جي پوزيشن تي آهي،

اسان کي ملڪ ۾ ڪرپشن کي روڪڻو آهي ۽ ٽئڪس گڏ ڪرڻو آهي، غريب ماڻهو پرڏيهه ۾ محنت ڪري پاڪستان ۾ ساليانو 19 ڪروڙ ڊالر موڪلين ٿا، پر ڪرپٽ ماڻهو غريبن جي محنت جو پئسو لٽي ٻاهرين ملڪ کڻي وڃن ٿا، اسحاق ڊار جو دبئي ۾ هڪ ڪروڙ کان به وڌيڪ ماليت جو گهر آهي، اسان نوازشريف جو عدالتي ڪميشن نٿا مڃون، سپريم ڪورٽ جي چيف جسٽس جي سربراهي ۾ ڪميشن ٺاهي وڃي، جنهن ۾ وائٽ ڪالر ڪرائيم جي جاچ ڪرڻ جا ماهر هجن، جيڪي بين الاقوامي آڊٽ فرم جي مدد سان نوازشريف جي ڪرپشن جي جاچ ڪري،

24 اپريل تي تحريڪ انصاف جو يوم تاسيس آهي، جنهن کي اسلام آباد ۾ وڏي ڌام ڌوم سان ملهايو ويندو، ان ۾ اسان رائيونڊ وڃي احتجاج ڪرڻ جي حڪمت عملي جوڙينداسين، جيستائين آزاد احتساب ڪميشن نٿي ٺاهي وڃي، تيستائين اسان جو احتجاج جاري رهندو. آئيس لينڊ جو عوام پنهنجي حڪمرانن خلاف رستن تي نڪري آيو آهي، جهالت، ظلم ۽ ناانصافي آڏو بيهڻو آهي، پاڪستانين کي پنهنجي پئسن ۽ حقن جي حفاظت ڪرڻي پوندي، ڪو به سپر پاور پاڪستانين جي مدد نه ڪندو، آئون اپوزيشن ليڊر آهيان، پي ٽي وي تي خطاب جو موقعو ملڻ کپي ها، قوم کي پنهنجو رستو تبديل ڪرڻ جو موقعو مليو آهي. وزيراعظم نوازشريف پي ٽي وي تي قوم کي خطاب ۾ ڪوڙ ڳالهايو، آف شور ڪمپنين ذريعي پئسا لڪائيندڙ ظاهر ٿي ويا آهن، نواز شريف قوم لاءِ نه پر پنهنجي ٻارن لاءِ خطاب ڪيو.

 

ذاتي گهرن ۾ وڃڻ جو ڳالهيون نه ٿيڻ گهرجن نه ته ڪنهن جو به گهر محفوظ نه رهندو: پرويز رشيد

اسلام آباد (مانيٽرنگ ڊيسڪ) سڌ سماءَ جي وفاقي وزير پرويز رشيد چيو آهي ته انڪوائري ڪميشن مڪمل بااختيار هوندو پنهنجي مرضي سان جنهن کي چاهي طلب ڪري سگهندو عمران خان سنجيدگيءَ جو مظاهرو ڪري، ذاتي گهرن ۾ وڃڻ جون ڳالهيون نه ٿيڻ گهرجن ائين ٿيندو ته پوءِ ڪنهن جو به گهر محفوظ نه رهندو عوام ايندڙ چونڊن ۾ الزامن جي سياست کي رد ڪري ڇڏيندو انٽرويو ۾ پرويز رشيد چيو ته پاناما ليڪس جي انڪشافن کانپُوءِ حڪومت پاران جوڙيل انڪوائري ڪميشن مڪمل بااختيار هوندو. عمران خان جي پي ٽي وي تي خطاب جي خواهش تي پرويز رشيد چيو ته عمران خان ته 126 ڏينهن خالي ڪرسين کي به خطاب ڪندو رهيو آهي ۽ هو گهر ۾ ويهي سندس مرضي ڪجهه به ڪري پرويز رشيد چيو ته ذاتي گهرن ۾ وڃڻ جون ڳالهيون نه ٿيڻ گهرجن جيڪڏهن ائين ٿيندو ته پوءِ ڪنهن جو به گهر محفوظ نه رهندو. راءِ ونڊ مسلم ليگ (ن) جي قيادت جي ذاتي رهائشگاهه آهي ۽ ڪنهن کي به بدامني ڦهلائڻ لاءِ ان طرف مارچ ڪرڻ جي ڌمڪي نه ڏيڻ گهرجي.  ٻئي طرف بچاءُ بابت وفاقي وزير خواجه آصف عمران خان کان شوڪت خانم اسپتال جو چندو ڪاروبار ۾ لڳائڻ ۽ آف شور ڪاروبار جو حساب گھري ورتو آهي، سندس چوڻ آهي ته احتساب بنا فرق جي ٿيڻ گھرجي. پنهنجي هڪ بيان ۾ وفاقي وزير خواجه آصف چيو ته عمران خان به آف شو سيڙپڪاري جو حساب ڏئي. هن چيو ته آف شور ڪمپنين ۾ چندي جي رقم استعمال ٿيڻ جي جاچ ٿيڻ گھرجي، جاچ ڪرڻ گھرجي ته شوڪت خانم اسپتال جي چندي جي ڪيتري رقم مان آف شور ڪاروبار ڪيو ويو.

 

پيپلزپارٽي پاران پاناماليڪس بابت حڪومت خلاف ميدان ۾ لهڻ جو فيصلو

اسلام آباد(بيورو) پاڪستان پيپلز پارٽي پاناماليڪس معاملي تي کليل نموني حڪومت خلاف ميدان ۾ اچڻ جو فيصلو ڪيو آهي، جنهن لاءِ پ پ چيئرمين بلاول ڀٽو زرداري پارٽي جي اعليٰ قيادت کي اسلام آباد گهرائي ورتو آهي، ذريعن مطابق بلاول ڀٽو زرداري هن وقت دبئي ۾ آهي پر هو ايندڙ ٻن ڏينهن دوران اسلام آباد پهچندو،جتي هن پارٽي جو اعليٰ سطحي اجلاس گهرائي ورتو آهي، ذريعن ٻڌايو ته اجلاس ۾ شامل ٿيڻ لاءِ پيپلز پارٽي جي سڀني مرڪزي اڳواڻن کي اسلام آباد پهچڻ جي هدايت ڪئي وئي آهي. بلاول ڀٽو زرداري جي صدارت هيٺ ٿينڊڙ اجلاس ۾ پاناماليڪس کانپوءِ پيدا ٿيل صورتحال غور هيٺ ايندي، پ پ ذريعن مطابق اجلاس دوران بلاول ڀٽو زرداري جي آزاد ڪشمير ۾ رٿيل جلسن واري شيڊول کي به آخري شڪل ڏني ويندي.

 

نواز شريف لاءِ اسان گو نواز گو نه ٿا چئون پر ھو پنھنجين پاليسين جي ڪري پاڻ گھر ڀيڙو ٿيندو: خورشيد شاهه

نوشھروفيروز (نمائندو) قومي اسيمبلي ۾ مخالف ڌر جي اڳواڻ سيد خورشيد شاھ نوشھروفيروز ۾ ڀرٽ ھائوس تي ميڊيا سان ڳالھائيندي چيو ته وزير اعظم نواز شريف وارو پناما  ليڪ اسڪينڊل عالمي ميڊيا اٿاريو آھي نه ڪي اپوزيشن اٿاريو آھي. وزير اعظم نواز شريف چيف جسٽس پاڪستان جي سربراھي ۾ ڪميشن جوڙي جنھن لاءِ شعيب سڊل جون پڻ خدمتون وٺي سگھجن ٿيون ھن چيو ته  ايف آءِ اي ۽ نيب وزير داخلا جي ماتحت ادارا آھن ۽ عالمي سطع تي آيل ھن اسڪينڊل سندن پت کي به وائکو ڪري ڇڏيو آھي ۽ اھي ٻئي ادارا ھاڻي ڇو خاموش آھن.ھن چيو ته وزير اعظم نواز شريف قوم کي خطاب ڪندي پٽن جي ملڪيت ٻاھر ھجڻ جو اعتراف ڪيو آھي  ھن جي پٽ حسين نواز چيو آھي ته اھا دولت اسان ڏکئي وقت لاءِ ٻاھر رکي آھي اھو پيسو ڪٿان ۽ ڪيئن آيو نواز شريف  پاڻ دنيا جي واپارين ۽ پاڪستانين کي پنھنجي دولت پاڪستان ۾ آڻي سيڙپ ڪرڻ لاءِ منٿون ڪندو آھي ۽ پنھنجي دولت ٻاھر رکي ويٺو آھي ھن چيو ته نواز شريف لاءِ اسان گو نواز گو نه ٿا چئون پر ھو پنھنجين پاليسين جي ڪري پاڻ گھر ڀيڙو ٿيندو.ھن چيو ته ذاتي وضاحت لاءِ لائيو پاڪستان کي خطاب ڪيو مونکي ۽ عمران خان کي به لائيو قوم کي ڏيکارڻ کپي ھا. سنڌ ۾ بارداڻي جي کوٽ بابت ھن چيو ته سنڌ جي ننڍن ھارين ۽ آبادگارن کي ڪڻڪ جي سرڪاري قيمت ملڻ گھرجي انلاءِ وزير خوراڪ کي پان تحرڪ وٺڻ گھرجي ھن چيو ته ٻين صوبن ۾ حڪومتون پنھنجن ڪمن جي تشريح بھتر انداز م ڪنديون آھن پر سنڌ حڪومت پنھنجن ڪمن جي تسلي بخش تشريح نه ڪري سگھي آھي ان موقعي تي اڳوڻو صوبائي وزير ۽ پيپلز پارٽي جو ضلعي صدر عبدالحق ڀرٽ سميت ٻيا موجود ھئا.