تازيون خبرون

Daily Archives: April 4, 2016

سوارا ڀاسڪر ڪردار ۾ حقيقي رنگ ڀرڻ لاءِ جاڳي اکين مٿان ڪارا داغ ڪري ڇڏيا

ممبئي (شوبز نيوز) بالي ووڊ اداڪارا سوارا ڀاسڪر پنهنجي ايندڙ فلم ۾ حقيقي رنگ ڀرڻ لاءِ ننڊ نه ڪئي ۽ سندس اکين مٿان ڪارا داغ ٿي ويا، ڀارتي ميڊيا مطابق فلم” نل بيٽي سناٽا“ جي ڪجهه منظرن ۾ سوارا جي اکين مٿان ڪاراداغ هجڻ لازمي هو ۽ ان کي حقيقي رنگ ڏيڻ لاءِ هدايتڪار ايشوني ليئر کيس گهڻي دير سمهڻ کان روڪي ڇڏيو، هدايتڪار جو چوڻ هو ته فلم ۾ مان سوارا جي ڪردار ۾ ڪجهه موقعن تي ڪارا داغ ڏسڻ پئي چاهيا، هن ٻڌايو ته جڏهن سوارا مونکي پنهنجي شيڊول بابت ٻڌايو ته مون کيس چيو ته جيڪڏهن هوءَ اڌ رات جو ننڊ ڪرڻ بنا منظر فلمائي ته حقيقي لڳندا، جنهن تي هوءَ به راضي ٿي وئي،تنهنڪري فلم ۾ سوارا جي اکين جي مٿان جيڪي ڪارا داغ نظي ايندا، اهي حقيقي هوندا، ان حوالي سان سوارا ڀاسڪر جو چوڻ هو ته فلم انڊسٽري پيشيور ادارو آهي ۽ اتي پنهجي ڪم جي حوالي سان هر ڳالهه مڃڻي پوي ٿي.001

 

عاليا ڀٽ شوٽنگ دوران هدايتڪار جي ڳالهه سمجهه ۾ نه اچڻ تي دانهون ڪندي رهي

ممبئي (شوبز نيوز) بالي ووڊ اداڪارا عاليا ڀٽ پنهنجي ايندڙ فلم جي تياري دوران هدايتڪار جي ڳاله سمجگه ۾ نه اچڻ تي دانهون ڪري سڀني کي پريسان ڪري ڇڏيو، ڀارتي ،ميڊيا مطابق عاليا ڀٽ هن وقت شاهه رخ خان سان ايندڙ فلم جي تياري لاءِ ورڪشاپ ڪري رهي آهي، جيڪا هڪ موقعي تي رڙيون ڪندي رهي، هدايتڪار گوري شنڌي جي ڪم واري اسٽائل کان اڻڄاڻ عاليا ڀٽ جڏهن هڪ منظر دوران سندس ڳالهه بار بار سمجهائڻ کانپوءِ به نه سمجهي ته پريشان ٿي وئي ۽ دانهون ڪندي رهي، جنهن تي اتي موجود ماڻهو به پريشان ٿي ويا،عاليا ڀٽ فلم جو پهريون شيڊول فيبروري ۾  گووا ۾ مڪمل ڪري چڪي آهي ۽ ٻئي شيڊول جي شوٽنگ مئي ۾ رٿيل آهي، ذريعن مطابق فلم جي پهرين شوٽ دوران به عاليا هدايتڪار کي خوش ڪرڻ لاءِ وڏي جاکوڙ ۽ محڻت ڪئي، بهرحال هاڻ هوءَ کيس سمجهي وئي آهي ۽ ايندڙ شيڊول لاءِ ذهني طور تيار آهي،هوڏانهن گوري شنڌي ۽ عاليا ڀٽ به اهڙين خبرن جي ترديد ڪئي آهي.001

 

ٽينس اسٽار وڪٽوريا آذارينڪا ميامي اوپن جو ٽائيٽل پنهنجي نالي ڪري ورتو

ميامي (اسپورٽس نيوز)ٽينس اسٽار وڪٽوريا آذارينڪا جي شاندار ڪارڪردگي جو سلسلو جاري آهي ۽ هن انڊين ويلز کان پوءِ ميامي اوپن جو ٽائيٽل پڻ پنهنجي نالي ڪري ورتو آهي، اهڙي ريت هوءَ هڪ سال ۾ ٻئي ٽورنامينٽ کٽيندڙ دنيا جي ٽين رانديگرياڻي بڻجي وئي آهي. ميامي اوپن ٽينس ٽورنامينٽ جي فائينل ۾ بيلاروس جي وڪٽوريا روسي مخالف رانديگرياڻي کي اسٽريٽ سيٽ ۾ شڪست ڏئي ٽائيٽل پنهنجي نالي ڪيو. سندس ڪاميابي جو اسڪور 3-6 ۽ 6-2 رهيو.

 

آءِ پي ايل جو نائون ايڊيشن 9 اپريل کان شروع ٿيندو، ممبئي انڊينز اعزاز جو دفاع ڪندي

دهلي (اسپورٽس نيوز)انڊين پيريميئر ليگ جو نائون ايڊيشن 9 اپريل کان شروع ٿيندو جنهن ۾ 8 ٽيمون ايڪشن ۾ نظر اينديون. ممبئي انڊينز ٽائيٽل جو دفاع ڪندي. 29 مئي تائين جاري رهندڙ ايونٽ ۾ شرڪت ڪندڙ ٽيمن ۾ ممبئي انڊينز، رائيزنگ پوني، سپر جوائنٽس، ڪولڪته نائيٽ رائيڊرز، دهلي ڊيئر ڊيولز، ڪنگز اليون پنجاب، گجرات لائينز، رائل چيئلينجرز، بنگلور ۽ سن رائيزرس حيدرآباد شامل آهن. ليگ ۾ فائينل سميت 60 ميچون کيڏيون وينديون. شروعاتي ميچ ممبئي انڊينز ۽ رائيزنگ پوني سپر جوائنٽس وچ ۾ کيڏي ويندي. ممبئي انڊينز کي ٻه دفعا ٽائيٽل کٽڻ جو اعزاز حاصل آهي. 22 مئي تي آخري ليگ ميچ کيڏي ويندي جڏهن ته ڪواليفائر ون 24 مئي ايليمينيئرز 25 مئي، 27 مئي تي ڪواليفائر ٽو، جڏهن ته 29 مئي تي ٻن ٽاپ ٽيمن وچ ۾ فائينل ٿيندو.

 

ڀٽو خاندان جو غير طبعي موت: ظهور ڌريجه

ذوالفقار علي ڀٽو کان وٺي محترمه بينظير ڀٽو تائين جهڙي طرح ڀٽو خاندان کي غير طبعي موت جي ذريعي رستي تان هٽايو ويو، دنيا جي ڪنهن به تاريخ ۾ ان جو مثال ملڻ مشڪل آهي، ڀٽو خاندان جي هڪ کان پوءِ ٻئي جو قتل بعد جيڪي اثرات مرتب ٿيا  ان  مان پاڪستاني قوم اڄ تائين ناهي نڪري سگهي، ڀٽو جي قاتل ضياءَ الحق پنهنجو نيڪ نمازي ۽ پارسا جي طور تي ڪرايو ۽ ڀٽو کي پنهنجو محسن چيو، پر انهيءَ پارسا کي جڏهن موقعو مليو ان پنهنجي محسن کي قاتل قرار ڏئي ڦاسي تي چاڙهي ڇڏيو، هڪ فيصلو ضياءَ الحق جي عدالتن ڏنو ۽ هڪ فيصلو عوام جو آهي ته ماڻهو پاڻ کي مومن سڏائيندڙ ضياءَ الحق جي قبر تي نٿا وڃن پر ڀٽو جي قبر تي وڃن ٿا.

پاڪستان پيپلز پارٽي جي سربراهه ذوالفقار علي ڀٽو کي  4  اپريل 1979ع تي نواب محمد احمد خان قصوري جي قتل جي الزام ۾ ڦاسي ڏني وئي،  ان ڪيس ۾ واعده معاف شاهد فيڊرل جو سربراهه مسعود محمود اعتراف ڪيو هو ته ڀٽو ان کي مسٽر قصوري کي قتل ڪرڻ جو حڪم ڏنو هو، لاهور هاءِ ڪورٽ ۾ 18 مارچ  1978ع تي ان مقدمي جو فيصلو  ٻڌائيندي ڀٽو کي سزاءِ موت ۽ 25 هزار ڏنڊ ادا ڪرڻ يا 6 مهينن تائين سخت قيد جي سزا ٻڌائي هئي. ذوالفقار علي ڀٽو  جي وارٿن ڦاسي کي سياسي قتل جو نالو ڏين ٿا. هن جو چوڻ هو ته عدالت جنرل ضياءَ جي حڪم تي ڦاسي تي فيصلو ٻڌايو هو. هو پنهنجي موقف کي صحيح ثابت ڪرڻ لاءِ اها ڳالهه به ڪري ٿو ته هاءِ ڪورٽ جي چيف جسٽس  مولوي مشتاق علي صدر جي هدايت تي براه راست  وصول ڪئي هئي. سپريم ڪورٽ جي 4 ججن  ڦاسي جي حق ۾ جڏهن ته 3 ججن ان جي خلاف فيصلو ٻڌايو هو.

اصل حقيقت اها آهي ته ڀٽو دراصل آمريڪا جي غضب جو نشانو بڻيو ، ڇو ته هن پاڪستان ۾ ايٽمي پروگرام جو آغاز ڪيو هو ۽  عالم اسلام جي اتحاد جو خير خواهه هو. ڦاسي جي سزا تي عملدرآمد روڪڻ لاءِ ڪيترائي ڀيرا بين الاقوامي  اڳواڻن جنرل ضياءَ الحق تي دٻاءَ وڌو هو پنهنجي فيصلي تي مصر رهيو. ائين ئي 4 اپريل 1979ع تي ملڪي تاريخ ۾ پهريون ڀيرو هڪ وزيراعظم کي ڦاسي جي ڦندي تي چاڙهيو ويو، ڦاسي کانپوءِ پوري ملڪ ۾ هنگاما شروع ٿي ويا، پيپلز پارٽي ان کي عدالتي قرار ڏيندي آهي، ذوالفقار علي ڀٽو پٽن ۾ ننڍو ننڍو پٽ شاهنواز ڀٽو سوئٽزرلينڊ ۾ پڙهي رهيو هو، جڏهن ان جي والد کي ڦاسي جي ڦندي تي چاڙهيو ويو ته هن پنهنجي ڀاءُ مير مرتضيٰ ڀٽو سان گڏ بين الاقوامي ليڊرن سان ملي جنرل ضياءَ کي ڦاسي جي فيصلي کي روڪڻ جي ڀرپور ڪوشش ڪئي پر انهن جون سڀئي  ڪوششون بيڪار ثابت ٿيون.

ان کانپوءِ شاهنواز ڀٽو فرانس ۾ جلاوطني جي زندگي گذارڻ لڳو. 18 جولاءِ 1985ع تي 27 سالا شاهنواز ڀٽو جو پنهنجي فليٽ ۾ تشدد ٿيل لاش هٿ آيو، ان جي موت کي پراسرار قرار ڏنو ويو، ڀٽو خاندان جو چوڻ هو ته ان کي زهر ڏئي ماريو ويو آهي. سندس جي گهر واري ريحانه کي شڪ جي بنياد تي فرانسيسي حڪومت ڪجهه عرصي کان حراست ۾ وٺي ڇڏيو. بعد ۾ ان کي آزاد ڪيو ويو، جڏهن ته هو آمريڪا هلي هئي، شاهنواز ڀٽو جي باري ۾ ٻڌايو ويندو آهي ته هن جنرل ضياءَ الحق حڪومت خلاف “الذوالفقار” منظم ۾ اهم ڪردار ادا ڪيو هو. ان جي ميت جڏهن لاڙڪاڻي آئي هئي ته هتان جي ميونسپل استيڊيم ۾ هڪ وڏو تعداد جنازي نماز ۾ موجود هو، جنهن ۾ لکين ماڻهو شريڪ هئا جيڪي ڀٽو سان محبت جو اظهار ڪري رهيا هئا.

مير مرتضيٰ ڀٽو پاڪستان جي سياسي مقتولن ۾ ان حوالي سان سڀ کان وڌيڪ بدقسمت ڏنو ويندو آهي ته هو پنهنجي حقيقي ڀيڻ بينظير ڀٽو جي وزارت عظميٰ جي دور ۾ ڪراچي ۾ پنهنجي رهائشگاهه 70 ڪلفٽن کان ڪجهه قدم اڳ قتل ڪيو ويو، اهو رات جو وقت هيو، جڏهن ان جي رهائشگاهه جي ٻاهران 70 کان 100 پوليس اهلڪارن آفيسرن کي مقرر ڪيو ويو، گهر جي طرف ايندڙ ويندڙ رستن جون اسٽريٽ لائيٽس انهيءَ رات نامعلوم سبب جي بنياد تي بند ڪيون ويون هيون، جڏهن ته هڪ رات پهرين ان مان هڪ به لائِيٽ خراب نه هئي، چيو ويندو آهي ته ڪجهه پوليس اهلڪارن شهيد مرتضيٰ جي گاڏي کي روڪڻ جو اشارو ڏنو ته گاڏي نه رڪي ۽ اهلڪارن کي معلوم ٿيو ته گاڏي ۾ مير مرتضيٰ ڀٽو موجود آهي ته ان تي هٿيارن جا منهن کولي ڇڏيا، جنهن جي نتيجي ۾ هو پنهنجي 6 ساٿين سميت موقعي تي ئي دم ڏئي ڇڏيو، ٿي سگهي ٿو ته ان ۾ ڪو زنده به بچي سگهي پر 45 منٽن تائين انهن جا جسم انهيءَ طرح پيل رهيا، بعد ۾ صرف مرتضيٰ ڀٽو کي مڊ ايسٽ اسپتال نيو ويو ليڪن ان جي ساٿين کي ڪنهن اسپتال جي ايمرجنسي ۾ پهچائڻ بجاءِ ٻين هنڌن تي منتقل ڪيو ويو، مير مرتضيٰ  ڀٽو جلاوطني جي زندگي گذاري پنهنجي ڀيڻ بينظير ڀٽو جي دور اقتدار ۾ واپس آيو هو. ان کي پنهنجي ڀيڻ مان شڪ هو ته هن پارٽي منشور ۾ والد جي نظرين مطابق ناهي بڻايو. ان کان علاوه  ڀيڻوي آصف علي زرداري جي ڪرپشن جو ذڪر به ڪندو هو. جڏهن ڀيڻ پنهنجي ڀاءُ جي بجاءِ پنهنجي مڙس جي حمايت ڪئي ته مرتضيٰ ڀٽو بينظير جو شديد مخالف بڻجي ويو ۽ آخري دم تائين انهيءَ ضد تي برقرار رهيو.

مرتضيٰ ڀٽو جي قتل بعد بينظير ڀٽو جي ملڪ ۾ مقبوليت ۾ زبردست گهٽتائي واقع ٿي، 1996ع ۾ حڪومت جي برطرفي تي ماسٽر آصف علي زرداري تي مرتضيٰ ڀٽو جي قتل جو ڪيس به هلايو ويو  پر شاهد نه ملڻ جي بنياد تي ڪيس کي ختم ڪيو ويو، پيپلز پارٽي جي ڪجهه ذريعن جو چوڻ آهي ته مرتضيٰ کي قتل ڪرڻ ۾ پراسرار هٿ اهڙي طرح طاقتور هئا جو انهن سڀني شاهدن کي گم ڪري ڇڏيو. هي پنهنجي نوعيت جو حيرت انگيز قتل ۽ ڀٽڙو خاندان جي صفحه هستي کي هٽائڻ جي هڪ ڪڙي هئي. ذوالفقار علي ڀٽو پنهنجي خاندان جي چوٿون فرد هو جنهن کي قتل ڪيو ويو، پيپلز پارٽي جي سربراهه ۽ ٻيهر وزارت عظميٰ جي عهدي تي فائز رهندڙ  بينظير ڀٽو پاڪستان ۾  هاڻي تائين  ٿيندڙ آخري سياسي قتل آهي. جڏهن ته پاڪستاني حڪومت ان قتل جي ذميواري القاعده ۽ طالبان تي عائد ڪري رهي آهي. اسين پيپلز پارٽي جي ذريعن کان اهي ڳالهيون تسليم ڪرڻ لاءِ تيار ناهيون. بينظير ڀٽو تي پهريون حملو به خودڪش هو جيڪو 18 آڪٽوبر 2007 تي ڪراچي ۾ ٿيو هو. هوءَ انهيءَ ڏينهن جلاوطني جي زندگي ختم ڪري وطن واپس موٽي هئي. ان حملي ۾ گهٽ ۾ گهٽ 136 ماڻهو قتل ۽ 450 زخمي ٿيا هئا. جڏهن ته بينظير ڀٽو مڪمل طور تي محفوظ رهي هئي. بينظير ڀٽو ان حملي بعد چيو هو ته ڪجهه ماڻهو مون کي قتل ڪرڻ چاهين ٿا. هن ان ڏس ۾ حڪومت کي هڪ خط به لکيو هو.

خاندان جي مزاحمتي تاريخ تي نظر وجهو ته قربانيون ڏيندڙ انسانن جي المناڪ داستانن ۾ هي داستان به سر فهرست نظر ايندو. ڀٽو خاندان جا تمام گهڻا ماڻهو مسئلن ۾ ڦاٿل رهيا، انهن کي اسان نه ڏٺو، پر ذوالفقار علي ڀٽو کان وٺي محترمه بينظير ڀٽو  تائين قربانين جا ته اسين خود شاهد آهيون، پر هڪ لمحي لاءِ چشم تصور سان خيال ڪريون ته ڀٽو خاندان جي قربانين ڪنهن ديو مالائي قصي جو حصو نظر اچي ٿو ۽ گمان ٿيندو آهي ته ائين ٿي ئي نٿو سگهي. پر اهو سچ آهي ته ۽ سئو سيڪڙو سچ آهي ته ذوالفقار علي ڀٽو جنهن وٽ ڪنهن شيءَ جي گهٽتائي نه هئي بزدلي اختيار نه ڪئي، اصول تي موت کي ترجيح ڏني ۽ اهڙي طرح سڄو زمانو بينظير ڀٽو کي چوندو رهيو ته پاڪستان  ۾ موت آهي، نه وڃجو، نه وڃجو، اهي توهان کي ماري ڇڏيندس، پر هن چيو ته ويندس ضرور، مان پنهنجي وطن جي جنت ۾ ضرور ويندس، مون کي جيل جي ڪوٺڙين مان منهنجي عظيم والد ذوالفقار علي ڀٽو  آخري خط لکيو هو ته “الله جي جنت توهان جي ماءُ جي پيرن هيٺان آهي ۽ توهان جي جنت عوام جي قدمن جي هيٺان آهي”  بينظير ڀٽو جي 25هين سالگرهه جي موقعي تي 21 جون 1978ع تي ڊسٽرڪٽ جيل پنڊي مان انهيءَ خط ۾ ذوالفقار علي ڀٽو بينظير ڀٽو کي لکيو ته منهنجي هن وقت 50  سال عمر آهي ۽ توهان جي ان کان گهٽ، جڏهن ته منهنجي عمر ۾ پهچندو ته توهان کي عوام لاءِ ان کان وڌيڪ ڪاميابي حاصل ڪرڻ گهرجي. بينظير ڀٽو پنهنجي والد جي نصيحت کي ڪيئن پورو ڪيو؟ ان جو فيصلو پاڪستان جي 16 ڪروڙ عوام سان گڏ سڄي دنيا جي 6 ارب انسانن ڏنو ته بينظير ڀٽو  پنهنجي والد جي وصيعت کي ڪيئن پورو ڪيو.

*********

 

 

ذوالفقار علي ڀٽو خلاف ٿيل سازشون: اڳوڻي ايم پي اي نسرين چانڊيو

قائدِ عوام جي سياسي بصيرت، آزاد پرڏيهي پاليسي ۽ مثالي ملڪي خدمتن سبب سامراجي قوتن ۽ ان جي پگهاردار پٺن کي سٺي طرح خبر پئجي چڪي هئي ته قائدِ عوام هڪ اهڙو جهدوجهد جو آغاز ڪيو آهي جنهن سان غيرملڪي آقائن ۽ استحصالي قوتن جو خاتمو ٿيندو، جنهن ۾ عوام کي طاقت جو سرچشمو هجڻ جو احساس اڀريو آهي، حقن جي حاصلات جي لاءِ حوصلو مليو اهي، سرمايه دار، جاگيردار ۽ افسر شاهي جي ظلم ۽ زيادتين، اقرباپروري جي خاتمي جي شروعات ٿي چڪي آهي، ملڪي دفاع مضبوط ٿي رهيو آهي ۽ غيرملڪي تسلط ۽ اجاره داري جو خاتمو ٿيڻ وارو آهي ان لاءِ ذوالفقار علي ڀٽو جي حڪومت جي خلاف اندروني ۽ ٻاهرين سازشيون شروع ٿي ويون، جڳهه جڳهه اهو پروپئگنڊه شروع ٿي ويو ته امير اشرافيه تي وڏو ظلم ٿي رهيو آهي ننڍن ماڻهن کي عزت ڏني پئي وڃي ڪالهه جنهن کان ڪوئي پڇندو به نه هيو اهو ليڊر بڻايو پيو وڃي، ڀٽو مزدورن، هارين ۽ شاگردن جو دماغ خراب ڪري ڇڏيو آهي ٻن ٽڪن جا ماڻهو امير اشرافيه ۽ افسر شاهي سان اکين ۾ اکيون ملائي ڳالهائي رهيا آهن، دنيا جي انقلابن جي تاريخ شاهد آهي ته جتي به محڪوم عوام پنهنجي اتحاد سان ظالم حڪمرانن تي فتح حاصل ڪري پنهنجي ساٿ ڏيڻ وارن ظلمن ۽ زيادتين جو حساب وٺڻ جي ڪوشش ڪئي آهي اتي ان قسم جي سازشن ۽ پروپئگنڊه ٿيندي رهي آهي، باوجود ان جي ذوالفقار علي ڀٽو جيڪو ملڪي ۽ عوامي خدمتون انجام ڏنيون جنهن جو مٿي ذڪر ٿي چڪو آهي، پاڪستان جي تاريخ ۾ ان جو مثال نٿو ملي.

انتهاپسند مذهبي جنون رکندڙ ملن کي به محسوس ٿيو ته قائدِ عوام جي فڪر سان ان جي اجاره داري ۽ ڪاروبار بند ٿي ويندو، هوئن به ان فتويٰ باز ملن کي دين سان نه ڊالر سان سروڪار هيو، ملن ۽ استحصالي قوتن جي ڀٽو صاحب ۽ ان جي حڪومت مخالف جو سبب اهو به هو ته ڪمزور زور آور ٿيندو پيو وڃي ۽ محڪوم حڪومت ڪرڻ جو حق حاصل ڪري رهيو هو کلي ميدانن ۾ عوام سامهون فيصلا ڪيا پيا وڃن.

ان لاءِ انقلاب، جمهوريت ۽ انساني آزادي جا دشمن پاڻ ۾ گڏ ٿي قائدِ عوام جي انقلابي پروگرام کي روڪڻ جي لاءِ منظم ٿي ڪري سازشون شروع ڪيون، انهن سازشن ۾ بين الاقوامي آقائن ڀرپور مدد ڪئي ۽ ظالماڻه نظام کي جاري رکڻ جي لاءِ ملڪي اسٽيبلشمنٽ ڀرپور ڪردار ادا ڪيو، آخرڪار 5 جولاءِ 1977 تي عوام جي منتخب پهرين وزيراعظم پاڪستان ۾ پهرين انقلابي دور جي موجد ذوالفقار علي ڀٽو کي رات جي تاريڪي ۾ بندوق جي نوڪ تي غيرآئيني طريقي سان اقتدار تان هٽائي قيد ڪيو ويو ۽ ملڪ ۾ مارشل لاءِ لاڳو ڪيو ويو، 5 جولاءِ کانپوءِ غاصب فوجي حڪمران جنرل ضياءُالحق 90 ڏينهن جي اندر عام چونڊون ڪرائڻ جو وعدو ڪيو، ضياءُ آمر اهڙو وعدو بيت الله ۽ اقوام متحده سامهون جمهوري ملڪن سان ڪيو پر ان تمام وعدن کي انحراف ڪندي پنهنجي ظالماڻي حڪومت کي واڌارو ڏيڻ جي ڪوشش جاري رکي. ضياءُالحق جي ظالماڻي دور جي مثال شايد ئي دنيا ۾ ڪٿي ملي ان دور ۾ پيپلز پارٽي جي ڪارڪنن کي 80 هزار جي جي لڳ ڀڳ ڪوڙا هنيا ويا، ڪوڙا ڪيس قائم ڪري جيلن ۾ بند ڪري انسانيت سوز تشدد ڪيو ويو ۽ ڦاهيون ڏنيون ويون.

غاصب حڪمرانن ۽ ان جي عوام دشمن حمايتن وڏيون ڪوششون ڪيون ته پاڪستان پيپلز پارٽي کي ختم ڪيو وڃي ۽ عوام جي دلن ۾ موجوده ذوالفقار ڀٽو جي اثر کي ختم ڪيو وڃي، پر ان عقل جي انڌن کي تمام حيلا وسيلا بيڪار ٿيا، غاصب فوجي حڪمرانن جهڙا آمر ۽ قاتل قرار ڏئي رهيا هئا ۽ عوام کيس پنهنجو محبوب ۽ نجات ڏيندڙ اڳواڻ سمجهي رهيو هيو، ظالم حڪمران جڏهن هر طرح سان مايوس ٿيا ته هنن قائدِ عوام کي جسماني طور تي ختم ڪرڻ کانسواءِ ٻي ڪا صورت نظر نه آئي ته هنن هاڻي محمد احمد خان جي قتل جي ڪوڙي ڪيس ۾ 4 اپريل 1979 تي ڦاهي ڏئي ڇڏي، ان تمام ڳالهين جو مطالعو ۽ تجزيو ڪرڻ سان اها ڳالهه سامهون آئي ته شهيد ڀتو جي موت جو سبب سياسي عوامي مقبوليت، بي مثال ملڪي خدمتون، خاص طور ملڪ کي ايٽمي ٽيڪنالاجي سان ليس ڪرڻ، سامراجين خلاف بين الاقوامي اتحاد بڻائڻ جي ڪوشش، اسلامي رياستن کي دنيا ۾ حيثيت کي مڃائڻ جي لاءِ اسلامي بلاڪ جو تصور ڏيڻ هيو.

ڀٽو صاحب انهن اصولن جي خاطر ڦاهي کي قبول ڪيو پر آمر جي سامهون سر نه جهڪايو، ان عظيم انسان جي قتل تي لکين انسانن احتجاج ڪيو ۽ آپگهات ڪيو، دنيا جي مهذب قومن رحم جي نالي تي اپيلون ڪيون پر هو بي سود ثابت ٿيون، هڪ عظيم ۽ بي گناهه انسان کي انسان دوستي جي ڏوهه ۾ ڦاهي ڏني وئي، پر قائدِ عوام جا قاتل ۽ اقتدار جي هوس ۾ انڌا جنرل ۽ ان جي غيرملڪي آقائن، سرمايه دار، جاگيدار ۽ دين فروش ملا شايد اها ڳالهه نه سمجهي سگهيا ته ڀٽو صاحب مئو ناهي پر نظريو بڻجي چڪو آهي ۽ نظريا ڪڏهن ناهن مرندا. بقول شهيد ذوالفقار علي ڀٽو جي ”همت جو زوال، تهذيب جي زوال جي پهرين علامت آهي، ماڻهو ناڪام ٿي سگهن ٿا، اصول نه“

بين الاقوامي مبصرن سچ چيو هيو ته ماريو ويل ڀٽو، زنده ڀٽو کان وڌيڪ طاقتور آهي ڇو ته شهيد ڀٽو هڪ فڪر بڻجي چڪو آهي، جنهن کي ظلم جي طاقت سان ختم نٿو ڪري سگهجي، فڪر پنهنجي سچائي جي دم سان هميشه زنده رهندو آهي ان سان عوام جي رهنمائي ٿيندي آهي، تاريخ پنهنجي پاڻ کي دهرايو، انسان جو پيار ۽ عقيدو مظلوم جي حصو ۾ آيو اڄ ملڪ جو تمام باشعور، انسان دوست ۽ ظلم جي خلاف جنگ ڪرڻ وارو قاعدِ عوام سان عقيدت جو اظهار ڪري رهيو آهي، شهيد ڀتو جي نظريه جي تڪميل جو عهد ڪري رهيا آهن، اڄ ڀٽو شهيد جي ان وقت جي مخالفن به ان کي ڦاهي ڏيڻ جي نه رڳو مذمت ڪندا آهن پر ان آمراڻي عمل کي ملڪ جي لاءِ ناقابلِ تلافي نقصان قرار ڏئي رهيا آهن، اڄ به هن ملڪ ۾ قائدِ عوام ملڪي ۽ عوامي خدمتون ۽ عوام جي رهنمائي ڪري رهيون آهن، قائد عوام چيو ”مان اوهان جي دلين ۾ رهڻ چاهيان ٿو، مان اوهان کي دوکو نه ڏيندس، مان عوام سان رهندس، اسان ملڪي خوشحالي ۽  وڏي پاڪستان طرف وڌنداسين“  پاڪستان پيپلز پارٽي قائدِ عوام جي امانت آهي، ۽ عوام دوست، جمهوريت پسند عوام جي ڪاميابي جي ضمانت آهي، قائدِ عوام ان جي خاندان ۽ عوام جي بي پناهه قربانين جو ثمر آهي، قائدِ عوام ۽ ان جي خاندان جي عوام سان بي مثال، لازوال محبت ۽ وابستگي جي داستان آهي، ”مان ايترو گوجندس جو صدين تائين ٻڌو ويندس“ 37 سال گذري وڃڻ بعد به ان جي گونج ٻڌڻ ۾ اچي رهي آهي ۽ اڄ ان جا چاهيندڙ ڳڙهي خدا بخش ڀٽو ۾ ان عظيم اڳواڻ جي 37هين ورسي ملهائي رهيا آهن.

4 اپريل 1979 تي سياست جي دنيا جي روشن ستاري کي وسايو ويو، ذوالفقار علي ڀٽو ڦاهي چڙهي قرباني جو اهڙو رستو اختيار ڪيو جيڪو اڄ تائين ان جي اولاد به قربانيون ئي قربانيون ڏئي رهي آهي، مير مرتضيٰ ڀٽو ۽ شاهنواز ڀٽو کي بيدرسي سان قتل ڪيو ويو، ان جي ڌيءُ ۽ ايشياءُ جي ناليواري عورت سياستدان محترمه بينظير ڀٽو مسلسل اذيتن مان گذرندي رهي ۽ سڀ ڪجهه ملڪ ۽ عوام تي نڇاور ڪرڻ بعد پنهنجي به واري ڇڏيائين. پيپلز پارٽي جي تاحيات چيئر پرسن محترمه بي نظير ڀٽو هڪ طرف پنهنجي بيمار ماءُ نصرت ڀٽو جي وجهه سان پريشان رهي جنهن ماءُ کي 20هين صدي جي پاڪستان ڏکن کانسواءِ ڪجهه نه ڏنو، پٽن کانپوءِ بهادر بيباڪ ڌيءُ شهيد راڻي بينظير ڀٽو جي جدائي قذافي اسٽيڊيم لاهور ۾ ڏنڊا کائڻ واري بهادر بيگم نصرت ڀٽو کي زندگي موت جي ٻه واٽي تي بيهاري ڇڏيو ۽ آخر ڪار 23 آڪٽوبر 2011 تي مادر جمهوريت پنهنجي خالق حقيقي سان وڃي ملي.

سوال اهو پيدا ٿئي ٿو ته جيڪڏهن ذوالفقار علي ڀٽو کي شهيد نه ڪيو وڃي ها ته اڄ پاڪستان ۾ جمهوريت 37 سال جي جوان هجي ها. ان کي ڪنهن آمر جي آمريت جو خطرو نه هجي ٿا، پاڪستان نه رڳو ايشيا پر دنيا جي ملڪن ۾ پنهنجي عزت، شهرت، وقار ۽ ترقي يافته قوم بڻجي چڪو هجي ٿا. اڄ جيان اڪيلو ڪنڊ ۾ بيٺل نظر نه اچي ها، ملڪ ۾ بيروزگاري جي شرح گهٽ کان گهٽ هجي ها، شهيد ذوالفقار علي ڀٽو هجي ها ته اڄ پاڪستان کي بنياد پرستن جي ملڪ بجاءِ دنيا ۾ لبرل، ترقي يافته ملڪ جي نالي سان سڃاتو وڃي ها ۽ جيڪي ماڻهو چاهين نٿا ته ملڪ ۾ فڪر قائدِ عوام ناظم ٿئي ته انهن تي لازم آهي ته اهي پارٽي ۽ قيادت جي حفاظت ڪن.

 

 

 

ڪاري آنڌي تاريخ رقم ڪري ڇڏي

ويسٽ انڊيز جي ڪرڪيٽ ٽيم ورلڊ ٽي ٽوئنٽي ڪپ جي فائنل ۾ انگلينڊ کي چئن وڪيٽن تان شڪست ڏئي ٻيو ڀيرو ورلڊ چيمپئن بڻجي وئي آهي. ڀارتي شهر ڪلڪتي  ايڊن گارڊن ڪرڪيٽ گرائونڊ تي کيڏيل ميچ ۾ انگلينڊ پهريان بيٽنگ ڪندي 155 رنسون ٺاهيون، ويسٽ انڊيز جي ٽيم آخري اوور ۾ 6 وڪيٽن جي نقصان تي ٽارگيٽ پورو ڪري ورتو. ويسٽ انڊيز جي بريٿ ويٽ آخري اوور جي چئن بالن تي چار ڇڪا هڻي ٽيم کي ڪاميابي ڏيارڻ ۾ اهم ڪردار ادا ڪيو. ميچ لاءِ ٽاس ويسٽ انڊيز جي ڪپتان ڊيرن سمي کٽيو ۽ پهريان فيلڊنگ جو فيصلو ڪيو. انگلينڊ جي ٽيم پهريان بيٽنگ ڪندي 20 اوورن ۾ 9 وڪيٽن جي نقصان تي 155 رنسون ٺاهيون. انگلينڊ جي بيٽنگ جي شروعات سٺي نه هئي. انگلينڊ جو پهريون بيٽسمين ٻڙيءَ تي آئوٽ ٿيو. انگلينڊ پاران رُوٽ سڀ کان وڌيڪ 54 رنسون ٺاهيون، جڏهن ته بٽلر 36، ويلي 21 رنسن سان نمايان رهيا. ويسٽ انڊيز جي بالرن ۾ ڊين براوو ۽ بريٿ وايٽ 3_3 وڪيٽون ورتيون. جڏهن ته بيدري 2، اينڊريو رسل 1 وڪيٽ ورتي. بعد ۾ ويسٽ انڊيز جي ٽيم بيٽنگ لاءِ آئي ته   انگلينڊ جيان ويسٽ انڊيز جي شروعات به خراب ٿي، ويسٽ انڊيز جي پهرين وڪيٽ صرف هڪ رنس تي ڪري پئي 11رنسن تي ويسٽ انڊيز جون 2 وڪيٽون ڪري چڪيون هيون ڪرس گيل ۽ هيلس  آئوٽ ٿيا. ڪرس گيل 4 رنسون ٺاهيون،  چارلس هڪ، سائمنس ٻڙي تي آئوٽ ٿيو. بعد ۾ براوو ۽ سيموئلز ٽيم کي سنڀالي ورتو. ڊين براوو 25 رنسون ٺاهيون، ان کانپوءِ آندري رسل به 1 رنس ٺاهي آئوٽ ٿي ويو ۽  ڪپتان ڊيرن سمي 2 رنسون ٺاهيون. ويسٽ انڊيز جي بيٽنگ دوران لاها چاڙها ايندا رهيا. آخري اوور ۾ ويسٽ انڊيز کي 19 رنسونگھربل هيون ۽ هڪ لمحي لاءِ لڳي رهيو هو ته ويسٽ انڊيز هي فائنل ميچ هارائي ويندو پر بريٿ ويٽ آخري اوور جي شروعاتي چئن بالن تي چار ڇڪا هڻي انگلينڊ جي بالر اسٽوڪس کي رت جا ڳوڙها رئاري ڇڏيا. بريٿ 10 بالن تي 34 رنسون ٺاهيون. ويسٽ انڊيز جي سيموئلز شاندار بيٽنگ ڪئي. جنهن 85 رنسون ٺاهيون ۽ ناٽ آئوٽ رهيو. انگلينڊ پاران ويلي 3 وڪيٽون ورتيون، روٽ 2 ۽ راشد هڪ وڪيٽ ورتي.