تازيون خبرون

Daily Archives: April 4, 2016

ڳڙهي خيرو ۾ زميني تڪرار تان رند ۽ سومرا برادري ۾ جهيڙو، 10 ڄڻا مارجي ويا

جيڪب آباد (اين اين آءِ) جيڪب آباد جي علائقي ڳڙهي خيرو ۾ زرعي زمين جي تڪرار تي رند ۽ سومرو برادري وچ ۾ جهيڙي سبب 10 ڄڻا مارجي ويا جڏهن ته ڪيترائي زخمي ٿي پيا آهن انفارميشن صلاحڪار مولابخش چانڊيو جيڪب آباد جي مقامي علائقي ۾ سومرو ۽ رندن وچ ۾ فائرنگ جي نتيجي ۾ ٿيل جاني نقصان جو نوٽس وٺندي پوليس ۽ ضلعي انتظاميه کي صورتحال تي ڪنٽرول ڪرڻ لاءِ هنگامي بنيادن تي قدم کڻڻ جي هدايت ڪئي آهي تفصيل موجب جيڪب آباد جي تعلقي ڳڙهي خيرو جي پنهون ڀٽي ٿاڻي جي حد ڳوٺ باداڻي ۾ رندن ۽ سومرن وچ ۾ 6 سئو ايڪڙ زرعي زمين جي تڪرار تي جهيڙو ٿيو جنهن ۾ سومرن جا ڇهه ۽ رندن جا 10 ڄڻا مارجي ويا جڏهن ته پنج ڄڻا زخمي ٿي پيا آهن رند ۽ سومرن وچ ۾ جهيڙي دوران قتل ٿيلن ۾ مراد علي سومرو، گل جان سومرو، غلام علي سومرو، منظور احمد سومرو، محمد خان سومرو، امير بخش سومرو، جڏهن ته رندن جا عبدالحميد ڏاهاڻي ۽ معشوق ڏاهاڻي شامل آهن زخمين ۾ 8 سالن جو زيب سومرو، شهزادو، شير خان ۽ ٻيا شامل آهن. واقعي کانپوءِ ايس ايس پي جيڪب آباد جي اڳواڻي ۾ مختلف ٿاڻن جي پوليس واقعي واري هنڌ پهتي ۽ فائرنگ جو سلسلو بند ڪرايو. پوليس سڄي علائقي تي ڪڙو چاڙهي علائقي کي سيل ڪري ڇڏيو آهي، قتل ٿيل سومرو برادري جي ڇهن ماڻهن جا لاش ڳڙهي خيرو اسپتال ۾ رکيا ويا آهن جڏهن ته رند برادري جي قتل ٿيل ٻن ڄڻن جا لاش پوسٽ مارٽم کانپوءِ وارثن حوالي ڪيا ويا آهن.

 

14 پارٽين جو گرينڊ الائنس پ پ جو مينڊيٽ خراب ڪرڻ ٿو چاهي: وڏو وزير

لاڙڪاڻو/نئون ديرو(نمائندن وٽان)سنڌ جي وڏي وزير سيد قائم علي شاهه چيو آهي ته شهيد ذوالفقار علي ڀٽو جي 37 هين ورسيءَ جي موقعي ۾ شرڪت لاءِ هن ڀيري ڳڻپ کان وڌيڪ ماڻهو ايندا. اوهان ڏسي رهيا آهيون ته ماڻهن ۾ جوش ۽ جذبو آهي سنڌ سميت پنجاب، بلوچستان ۽ خيبر پختونخواهه کان ماڻهن جا قافلا مزار تي پهچي ويا آهن. ماڻهو پ پ چيئرمين بلاول ڀٽو زرداريءَ جو خطاب ٻڌڻ چاهين ٿا ۽ ان کي ٻڌڻ لاءِ ضرور ايندا. سنڌ جي وڏي وزير سيد قائم علي شاهه ڳڙهي خدابخش ڀٽو ۾ ورسي انتظامن جو جائزو وٺڻ دوران ميڊيا سان ڳالهائيندي وڌيڪ چيو ته بلاول ڀٽو پارٽي پاليسي بابت ڳالهائيندو ۽ پاڪستان جي سياست تي به ڳالهائيندو. هڪ نجي ٽي وي چئنل پاران غلط خبر هلائي آهي ته جلسو ڳڙهي خدابخش ڀٽو ۾ نه پر نئون ديرو هائوس اندر ٿيندو جنهن ۾ ڪا به صداقت نه آهي جلسو ڳڙهي خدابخش ڀٽو ۾ ئي ٿيندو چاهي موسم ڪهڙي به هجي پ پ جا جيالا موسمن جو فڪر نه ڪندا آهن. هن چيو ته شهيد محترمه بينظير ڀٽو جي جلسي کان پوءِ عمرڪوٽ جو اهو گرائونڊ ٻيهر ڪڏهن به ناهي ڀرجي سگهيو، جيڪو پ پ مخالف 14 پارٽين جي الائنس ۾ ان جلسي گاهه ۾ چوٿون حصو به ماڻهو نه هيا. پ پ چيئرمين بلاول ڀٽو زرداري ماڻهن سان ملڻ چاهي ٿو،خاص طور تي غريب ۽ بي پهچ ماڻهن سان ملڻ گهري ٿو ۽ انهن جي ڏک سور ۾ شامل ٿيڻ چاهي ٿو. ڀٽو صاحب جو به اهو ئي عمل هوندو هو ته هو غريب ۽ پورهيتن جي وچ ۾ ويهي ڪچهريون ڪندو هو. هن چيو ته پ پ جو شريڪ چيئرمين آصف علي زرداري طبيعت ناساز هجڻ ڪري جلسي ۾ شريڪ نه ٿيندو، ڇاڪاڻ جو هن جو لنڊن ۾ علاج هلي رهيو آهي. هن چيو ته جمهوريت جو باني شهيد ذوالفقار علي ڀٽو ۽ پيپلز پارٽي آهي. پاڪستان ٺهڻ جي 25 سالن کانپوءِ آئين ٺهيو جيڪو هن وقت تائين قابل قبول آهي. گرينڊ الائنس ۾ شامل 14 پارٽيون پيپلز پارٽيءَ جو مينڊيٽ خراب ڪرڻ چاهن ٿيون، اهي 2013ع واري اليڪشن ۾ به پ پ مخالفت ۾ بيٺيون جن کي 4 يا 5 هزارن کان وڌيڪ ووٽ نه ملي سگهيا. پيپلز پارٽيءَ کي عوام جو مينڊيٽ حاصل آهي جيڪو آئيني آهي. انهن کي اليڪشن جو انتظار ڪرڻو گهرجي يا جيڪڏهن هنن وٽ ثبوت آهن ته هو ڪورٽن ۾ هليا وڃن.اهي ڪرپشن جي ڳالهه ڪري رهيا آهن پهريان اهي پنهنجو حساب سڌو ڪن پوءِ اسان تي آڱريون کڻن. سنڌ اسيمبليءَ جي اسپيڪر آغا سراج دراني چيو ته ڳڙهي خدابخش ڀٽو ۾ جڏهن به ڀٽو خاندان جو ڪو به فرد ايندو آهي ته ٿريٽ موجود هوندا آهن ۽ مخالفن پاران شوشا ڇڏيا ويندا آهن ته جئين جلسو ملتوي ٿئي. پر عوام کي خبر آهي ته ڀٽو خاندان ڪيترو بهادر آهي جيڪي ملڪ ۽ قوم لاءِ جانين جا نظرانا ڏيڻ لاءِ تيار هوندا آهن ۽ هنن پنهنجو خون ڏئي ملڪ ۽ جمهوريت کي بچايو آهي. هن چيو ته پ پ چيئرمين بلاول ڀٽو زرداري ضرور ايندو ۽ جلسي کي خطاب ڪندو. ورسيءَ جا انتظام اڳي کان وڌيڪ بهتر طريقي سان مڪمل ڪيا ويا آهن. پ پ جي شريڪ چيئرمين آصف علي زرداريءَ جو علاج هلي رهيو آهي جيستائين ڊاڪٽر کيس اجازت نه ڏيندا ته هو نه ايندو ۽ هن کي اچڻ به نه گهرجي. باقي پارٽيءَ جي اڳواڻي بلاول ڀٽو زرداري ڪري رهيو آهي. هن چيو ته سائوٿ پنجاب ۾ جيڪو پارٽيءَ جو جلسو ٿيو جنهن سان مخالف بوکلائجي ويا آهن جنهن ڪري مختلف قسمن جا حربا استعمال ڪري رهيا آهن شايد انهن کي خبر ناهي ته پ پ جا جيالا ڪنهن به ناهن ڊڄندا. گرينڊ الائنس ۾ اهي ئي ماڻهو شامل آهن جيڪي اڳ به مختلف نالن سان پ پ مخالف الائنس جوڙيندا رهيا آهن پر هن وقت تائين اهي ڪجهه به ناهن ڪري سگهيا. هي اهي ئي همپٽي ڊمپٽي وارا قصا آهن. هو پيپلز پارٽيءَ خلاف الائنس ٺاهيندا رهندا ۽ پ پ انهن کي شڪست ڏيندي رهندي. سڀاڻي واري رٿيل سي اي سي جي اجلاس ۾ رڳو شهيد ذوالفقار علي ڀٽو جي ورسيءَ بابت هڪ ئي ايجنڊا هوندي آهي.باقي آئوٽ سائيڊ واريون ڳالهيون ان ۾ نه ڪيون وينديون آهن. جيڪڏهن چيئرمين چاهي ۽ ڪو ميمبر ان کان اجازت وٺي ته پوءِ ٻي ڪنهن معاملي تي ڳالهائي سگهجي ٿو.باقي خاص طور تي ان اجلاس ۾ شهيد ذوالفقار علي ڀٽو کي ڀيٽا پيش ڪئي ويندي آهي.ان موقعي تي صوبائي وزير نثار احمد کهڙو، ناصر شاهه، ايم پي اي خورشيد جوڻيجو ۽ ٻيا پڻ موجود هئا. ٻي طرف  پاڪستان پيپلز پارٽي جي باني ۽ اڳوڻي وزيراعظم شهيد ذوالفقار علي ڀٽو جي 37 هين ورسي اڄ ڳڙهي خدابخش ڀٽو ۾ انتهائي عقيدت ۽ احترام سان ملهائي ويندي. ان حوالي سان پ پ پ ضلعي پاران انتظام مڪمل ڪيا ويا آهن جڏهن ته ورسي ۾ شرڪت لاءِ ملڪ جي ڪنڊڪڙڇ کان هزارن جي تعداد ۾ قافلا پڻ ڳڙهي خدابخش پهچي ويا آهن. ورسي جي مُک تقريب کي پاڪستان پيپلز پارٽي جو چيئرمين بلاول ڀٽو زرداري، سنڌ جو وڏو وزير سيد قائم علي شاهه، اسپيڪر سنڌ اسيمبلي آغا سراج دراني، سينيئر تعليم وارو صوبائي وزير نثار احمد کهڙو سميت مرڪزي ۽ صوبائي اڳواڻ پڻ خطاب ڪندا. ورسي تقريبن جي شروعات صبح جي وقت ڳڙهي خدابخش ۾ قرآن خواني سان ڪئي ويندي جنهن کان پوءِ پارٽي جا مرڪزي، صوبائي اڳواڻ توڙي ڪارڪن پنهنجي قائد جي مزار تي حاضري ڀري گلن جون چادرون چاڙهيندا ۽ فاتحه خواني ڪئي ويندي. جلسي ۾ شهيد ذوالفقار علي ڀٽو جي زندگيءَ تي مقالا پيش ڪيا ويندا. لاهور جي گلشن پارڪ ۾ پيش آيل واقعي کان پوءِ ڳڙهي خدابخش ڀٽو ۾ جلسي گاهه جي اندر ۽ ٻاهر سيڪيورٽي کي سخت ڪندي 6500 پوليس اهلڪار، 300 رينجرز، 1100 جانثارن سميت وومين پوليس سان گڏ ٽريفڪ اهلڪارن کي مقرر ڪيو ويو آهي. ڳڙهي خدابخش ڀٽو ۾ شهيدن جي مزار تي ايندڙ ڪارڪنن کي واڪ ٿرو گيٽس مان ماڻهن کي گذاريو پيو وڃي ۽ سي سي ٽي ڪيمرائون لڳايون ويون آهن جن جي ذريعي سيڪيورٽي جي مانيٽرنگ ڪئي پئي وڃي. ورسي جي حوالي سان ضلعي جي سمورن داخلي ۽ خارجي روڊن تي پوليس جون پڪٽون قائم ڪيون ويون آهن ۽ پارڪنگ جي حوالي سان جلسي گاهه ويجھو بنگل ديرو ڳڙهي خدا بخش روڊ ۽ پنجو ديرو روڊ تي ٻن 20 ۽ 15 ايڪڙن تي ايراضي مختص ڪئي وئي آهي. ٻئي پاسي شهيد ذوالفقار علي ڀٽو جي 37 هين ورسي ۾ شرڪت ڪرڻ لاءِ پاڪستان پيپلز پارٽي جو چيئرمين بلاول ڀٽو زرداري ۽ بختاور ڀٽو زرداري ڌار ڌار خصوص اڏام ذريعي نئون ديرو هائوس پهتا. جتي هو اڄ ٿيندڙ ورسي ۾ شرڪت ڪندا. ان موقعي تي نئون ديرو ۽ آسپاس ۾ سيڪيورٽي جا انتظام سخت ڪندي پوليس اهلڪارن کي مزار جي داخلي ۽ خارجي رستن تي مقرر ڪيو ويو هو.

 

ڪي پي ڪي ۽ بلتستان ۾ مينهن ۽ ٻوڏ تباهي آڻي ڇڏي، 41 ماڻهو فوت ٿي ويا

گلگت/پشاور(م.ڊ)  گلگت بلتستان ۽ خيبر پختونخوا ۾ مِينهن تباهي آڻي ڇڏي آهي، مختلف جاين تي ڇتون ڪرڻ  ۽ ٻين حادثن ۾ 41 ڄڻا فوت ٿي ويا ۽ ڪيترائي زخمي ٿيا، ميڊيا رپورٽن مطابق گلگت بلتستان ۾ تيز برساتب سبب چلاس واري واري جچن ۾ گهر جي ڇت ڪري پئي، جنهن جي نتيجي ۾ هڪ ئي ڪٽنب جا 4 ڀاتي فوت ٿي ويا ۽ 2 زخمي ٿي پيا، فوتين ۾ پيءُ، سندس پٽ ۽ ٻه نياڻيون شامل آهن، ان کانسواءِ چترال جي علائقي ٺينڪ شين ۾ گهر تي جابلو ڇپ ڪرڻ سبب 5 ڄڻا زخمي ٿي پيا، جڏهن ته لينڊ سلائيڊنگ سبب قراقرم رستو ڪيترن ئي هنڌن تان بند ٿي ويو آهي، سوات ۾ تيز برساتن جي نتيجي ۾ ٻن عورتن سوڌو 3 ڄڻا ٻوڏ جي وهڪري ۾ لڙهي ويا، جڏهن ته ندي نالن ۾ ٻوڏ اچي وئي آهي،تيز برساتن بحرين ۾ پڻ تباهي آندي آهي ۽ رابطا پل ٻوڏ جي وهڪري ۾ لڙهي وئي، برساتن سبب سوات درياهه ۾ مٿانهين درجي جي ٻوڏ آهي،جڏهن ته پشاور ۾ رات جو تيز برساتن سبب رستا ۽ گهٽيون ڍنڍن ۾ مٽجي ويون، چارسده ۾ به شبقدر جي ڳوٺ چلماري ۾ گهر جي ڇت ڪرڻ سبب هڪ ٻارڙو دٻجي فوت ٿي ويو، جڏهن ته سندس امڙ ۽ ڀاءُ زخمي ٿي پيا، بالاڪوٽ جي ڳوٺ ڦاگل ڪاغان ۾ پڻ گهر جي ڇت ڪرڻ سبب هڪ ڄڻو حياتي وڃائي ويٺو، شانگلا ۾ جابلو ڇپ ڪرڻ سب 2 گهر تباهه ٿي ويا، جڏهن  ته ان واقعي ۾ 3 ڄڻا فوت ٿي ويا.

 

پاڪستان جي حالتن سبب ٻين ملڪن جي ٽيمن اچڻ گهٽائي ڇڏيو آهي:پرويز رشِيد

فيصل آباد (م.ڊ)  سڌسماءَ واري وفاقي وزير سينيٽر پرويز رشيد چيو آهي ته پاڪستان جي حالتن جي ڪري ٻين ملڪن جي ٽيمن اچڻ گهٽائي ڇڏيو آهي پر هو سريلنڪا جي بلائينڊ ڪرڪيٽ ٽيم جي پاڪستان اچڻ تي ان جي آجيان ڪري ٿو،فيصل آباد ۾ سريلنڪا جي بلائينڊ ڪرڪيٽ ٽيم سان ملاقات کانپوءِ ميڊيا سان ڳالهائيندي پرويز رشيد چيو ته سريلنڪن بلائينڊ ٽيم جي اچڻ سان پاڪستان ۾ ڪرڪيٽ جي سرگرمين لاءِ رستو صاف ٿيندو، ماڻهو بلائينڊ ڪرڪيٽ ڏسڻ اچن ۽ ٽيمن کي همٿائين، هن چيو ته ٻئي ٽيمون سٺو مقابلو ڪنديون ۽ سٺيون ميچون ڏسڻ لاءِ ملنديون، سندس چوڻ هو ته اسان ڊينگي جي خاتمي لاءِ سريلنڪا جي مدد کي واکاڻيون ٿا، پاڪستان ڪرڪيٽ ٽيم جي خراب ڪارڪردگي ۽ مات جي ڪارڻن تي ٻڌل رپورٽ ليڪ ٿيڻ بابت سوال جي جواب ۾ پرويز رشيد چيو ته ان معاملي تي وفاقي گهرو وزير چوڌري نثار موقف پيش ڪري ڇڏيو آهي، هڪ ٻئي سوال تي وفاقي وزير چيو ته اڄ نئون ڏينهن آهي، پراڻن ڏينهن کي ياد نه ڪيو پر نئون ڏينهن انجواءِ ڪيو

 

شهيد ڀٽي جي فلسفي تي عمل جي ضرورت جيتري اڄ آهي، اوتري اڳ نه هئي:آصف زرداري

ڪراچي(اسٽاف رپورٽر) :آصف علي زرداري چيو آهي ته شهيد ڀٽي جي فلسفي تي عمل جي اڄ وڌيڪ ضرورت آهي. اڳوڻي صدر آصف علي زرداري چيو آهي ته شهيد ڀٽي جي فلسفي تي عمل جي اڄ وڌيڪ ضرورت آهي. شهيد ذوالفقار علي ڀٽي جي 37هين ورسي جي موقعي تي پنهنجي پيغام ۾ آصف علي زرداري چيو ته طاقت عوام بدران اڻ چونڊيل عنصرن ڏانهن منتقل ٿي رهي آهي. هن چيو ته شهيد ذوالفقار علي ڀٽي قوم کي جمهوري آئين ڏئي ملڪي دفاع کي مضبوط ڪيو.آصف علي زرداري چيو ته ذوالفقار علي ڀٽي شعور ڏنو ته عوام ئي سياسي طاقت جو سرچشمو آهي.هن چيو ته طاقت گولي سان نه پر بيلٽ باڪس ذريعي ايندي آهي.آصف علي زرداري چيو ته شهيد ڀٽي جي فلسفي تي عمل جي ضرورت جيتري اڄ آهي، اوتري اڳ نه هئي.

 

گرينڊ ڊيمو ڪريٽڪ الائنس پاران عمرڪوٽ ۾ منعقد ڪيل جلسو هڪ روحاني اجتماع هو: مولابخش چانڊيو

حيدرآباد (اي پي پي) اطلاعات بابت صوبائي صلاحڪار مولا بخش چانڊيو  چيو آهي ته  (اڄ) 4 اپريل تي ڳڙهي خدابخش ڀٽو ۾ شهيد ذوالفقار علي ڀٽو  جا لکين چاهيندڙ  پنهنجي  قائد کي خراج  عقيدت پيش  ڪرڻ لاءِ گڏ ٿيندا  ۽ پنهنجي نوجوان  اڳواڻ  بلاول ڀٽو زرداري جو  خطاب ٻڌندا. گرينڊ ڊيمو ڪريٽڪ  الائنس  پاران عمر ڪوٽ ۾  منعقد ڪيل جلسو پير پاڳاري جو  روحاني اجتماع هو ۽  ان ۾ ڪو شڪ  نه آهي ته  عوام پير سائين پاڳاري سان  عقيدت رکي ٿو  ۽ ان جلسي ۾ پڻ ماڻهو  سندس ئي عقيدت ۾ آيا هئا ۽ اهو ڪو سياسي جلسو  نه  هو  جڏهن  ته  اقتدار جي  عاشقن  ان روحاني  جلسي  مان  فائدو  حاصل ڪرڻ جي ناڪام  ڪوشش ڪئي. اهڙو اظهار هن آچر ڏينهن قاسم آباد حيدرآباد ۾ پنهنجي رهائشگاهه تي ميڊيا سان ڳالهائيندي ڪئي. صوبائي صلاحڪار چيو  ته پ پ پ  مخالف  الائنس  ۾ شامل  ماڻهن کي آمريت جي شمع جا پروانا ڪوٺيندي چيو ته اهي ڪهڙا سياسي ۽ جمهوري ماڻهو ٿي سگهن ٿا  جيڪي سنڌ ۾  گورنر راڄ جو مطالبو ڪري رهيا آهن ۽ اهي  اقتدار لاءِ سڀ ڪجهه ڪرڻ لاءِ تيار ٿي ويندا. هڪ سوال تي هن چيو  ته ذوالفقار مرزا گاريون گهڻيون  ۽ سياسي ڳالهيون گهٽ ڪندو آهي اهو ڪم هي گذريل 2 سالن  کان  ڪري رهيو آهي.  هن  چيو ته ڪجهه ماڻهو آصف علي زردار تي  تنقيد ڪري  پنهنجي  اندر جي باهه کي ٿڌو ڪن ٿا. هن چيو ته  اهڙن ماڻهن کي اهو ياد رکڻ گهرجي  ته آصف علي زرداري ئي  پارليامينٽ کي اختيار واپس ڪيا ۽ پرامن  طريقي سان حڪومت  جو مدو پورو ٿيڻ کان پوءِ  اقتدار منتقل ڪيو. هن  چيو ته ملڪ جون گهڻي ڀاڱي وڏيون  سياسي جماعتون ملڪ ۾ جمهوريت جو تسلسل چاهين ٿيون  پر  اقتدار جي عاشقن جي خواهش آهي ته اهڙو ماحول پيدا ٿئي  جنهن ۾ جمهوريت  پٽڙي تان لهي وڃي  ۽ کين اقتدار ۾ حصو ملي وڃِي هڪ سوال تي هن چيو ته  وفاقي حڪومت  اعليٰ عدليه جو نالو  استعمال ڪندي مشرف جو نالو اي سي ايل مان خارج ڪرڻ جو جواز بڻايو  جنهن جو  عدالت پاران  انڪار ڪيو ويو آهي ۽ چيو ويو آهي ته وفاقي حڪومت پاران  مشرف جو نالو اي سي ايل مان خارج ڪرائڻ لاءِ چيو ويو هو . هڪ سوال تي هن چيو ته اسين آپريشن جا حامي آهيون  ۽ سنڌ ۾  ان جا بهترين نتيجا ملي رهيا آهن هن چيو ته  پنجاب جي وڏي وزير سميت  ٻيا صوبائي وزير پنجاب ۾ دهشتگردن جي محفوظ  پناهگاهن جو انڪار ڪندا رهيا  پر  اڄ عوام تي اهو پڻ واضع  ٿي ويو  ۽ پنجاب ۾ به آپريشن  شروع ٿي ويو هڪ سوال تي هن چيو ته ڀارت پاڪستان جو ڪڏهن به دوست نه ٿو ٿي سگهي  ڇاڪاڻ  ماضي ۾   اسان جي حڪومتن پڻ  ڀارت سان دوستي لاءِ  ڪوشش ڪئي  پر  ڀارت  پاران پاڪستان کي  نقصان پهچائڻ جو  ڪوبه موقعو ضايع  نه ڪيو ويو. مردمشماري جي حوالي سان هن چيو ته  ان حوالي سان سنڌ جو وڏو وزير اڳواٽ ئي چئي چڪو آهي ته مردمشماري اسان لاءِ  زندگي ۽ موت جو مسئلو آهي  ڪرڪيٽ بابت پڇيل هڪ سوال تي  صوبائي صلاحڪار چيو ته جنهن اداري ۾ به سياسي عمل دخل هوندو  اتي بي چيني واري صورتحال هوندي.

 

موئن جو دڙو ايئرپورٽ تي پ پ چيئرمين جي صدارت ۾ صوبائي ۽ مرڪزي اڳواڻن جو اجلاس، ملڪي صورتحال تي ويچار

ڏوڪري(جبار ميمڻ) موهن جو دڙو ائيرپورٽ جي لائونج  ۾ پ پ چئرمين بلاول ڀٽو زرداري جي صدارت ۾ پ پ جي صوبائي ۽ مرڪزي اڳواڻن جي هڪ ڪلاڪ تائين گڏجاڻي.  سنڌ سميت ملڪي صورتحال ۽ ورسي تقريبن جي انتظامن تي ويچاريو ويو.  بلاول کي پ پ اڳواڻن بريفنگ به ڏني. ذريعا.  بلاول کي وڏي پروٽو ڪول ۽ انتهائي سخت سيڪيورٽي ۾ ائيرپورٽ کان گڙهي خدا بخش پهچايو ويو.  رپورٽ موجب شهيد ڀٽي جي 37 هين ورسي جي  تقريبن ۾ شرڪت لاء  ڪاله سڄي ملڪ  مان پ پ جي  اڳواڻن ۽ ڪارڪنن جو هڪ وڏو انگ  ڳڙهي خدا بخش پهتو. جڏنهن ته سنڌ پنجاب ۽ ٻين صوبن کان اهم  پ پ اڳواڻ روڊ رستن کان علاوه  هوائي رستي  ذريعي ڪراچي کان موهن جو دڙو ائيرپورٽ تي ڪاله سڄو ڏينهن    آمد جو سلسلو  جاري رهيو.  وڏي وزير جو خاص جهاز  ڪاله سڄو ڏينهن ڪراچي کان موهن جو دڙو ائيرپورٽ تائين  پ پ جي اهم اڳواڻن کي پهچائيندو  رهيو. پ پ چئرمين بلاول ڀٽو زرداري سوڌو پ پ جي مرڪزي قيادت کي ڪراچي کان موهن جو دڙو  ائيرپورٽ تائين پهچايو جتان پارٽي اڳواڻ روڊ رستي سخت پهري هيٺ گڙهي خدا بخش  پهچندا رهيا. جڏنهن ته پ پ جو چئرمين بلاول ڀٽو زرداري ۽ بختاور ڀٽو زرداري به ڪراچي کان موهن جو دڙو هوائي اڏي تي اسپيشل اڏامن ذريعي الڳ الڳ وقت تي پهتا.  جتي پ پ جي  اڳواڻن سندن آجيان ڪئي. هوڏانهن ذريعن موجب  موهن جو دڙو ائيرپورٽ جي وي آء پي لائونج  ۾  پ پ جي چئرمين بلاول ڀٽو زرداري جي صدارت ۾  پ پ جي اڳواڻن جي هڪ ڪلاڪ تائين اهم گڏجاڻي ٿي جنهن ۾  شهيد ڀٽي جي ورسي  سميت مختلف ملڪي  سياسي اشوز  بحث هيٺ آيا. بعد ۾ بلاول ڀٽو زرداري بختاور زرداري ۽ پ پ اڳواڻن کي وڏي پروٽوڪول سان سخت پهري هيٺ  ڳڙهي خدا بخش پهچايو ويو.  هوڏانهن موهن جو دڙو ايئيرپورٽ کان ڳڙهي خدا بخش تائين ويندڙ رستي سان ڪاله صبح سوير کان ئي سيڪيورٽي انتظام سخت رکيا  ويا. جڏنهن ته بلاول ۽ بختاور جي آمد وقت اڌ ڪلاڪ تائين ٽريفڪ جام ڪئي وئي.

 

ڊاڪٽر عاصم جا امتحان ختم ٿي ويا، مصطفيٰ ڪمال جي پويان اسٽيبلشمينٽ آهي: اعتزاز احسن

لاهور(م.ڊ) سينيٽ ۾ اپوزيشن ليڊر اعتزاز احسن چيو آهي ته ڊاڪٽر عاصم جا امتحان ختم ٿي چڪا آهن، مصطفيٰ ڪمال جي پويان اسٽيبلشمينٽ آهي. صدر بابت بلاول جو بيان قائد اعظم جي سوچ مطابق هو. نجي ٽي وي چينل ”دن نيوز“ جي پروگرام ۾ ڳالهائيندي سينيٽر اعتزاز احسن چيو ته آصف زرداري وطن واپس اچي ويندو. پيپلزپارٽي ۾ عهدن لاءِ ناهيان.

پ پ پروگريسو، ماڊل ۽ لبرل پارٽي آهي. هن چيو ته پ پ چيئرمين بلاول ڀٽو زرداري جو صدر بابت بيان قائد اعظم جي وزن موجب هو. هن چيو ته ن ليگ جي حڪومت جڪڏهن ڪمزور ٿيندي آهي ته پيرن ۾ ڪري پوندي آهي. حڪومتي وزير نا اهل آهن. ڌرڻي ۾ نواز شريف حڪومت کي نه پارليامينٽ ۽ جمهوري نظام کي بچايو هو. چوڌري نثار خورشيد شاهه تي بنا جواز الزام هنيا. اعتزاز احسن وڌيڪ چيو ته ڊاڪٽر عاصم جا امتحان ختم ٿي چڪا آهن. ڊاڪٽر عاصم کي گرفتار ڪري ڪراچي ۾ لا اينڊ آرڊر جي صورتحال بهتر نٿي ڪري سگھجي.  هڪ سوال جي جواب ۾ اعتزاز احسن چيو ته مصطفيٰ ڪمال جي پويان اسٽيبلشمينٽ آهيم اسٽيبلشمينٽ ايم ڪيو ايم کي محدود ڪرڻ اهي ٿي. هڪ ٻئي سوال تي اعتزاز احسن چيو ته ٿاڻا ٺاهڻ ريجنرز جو ڪم ناهي.

 

جهنگ ۾ روڊ حادثو،زال مڙس ۽ ٻن معصوم ٻارڙن سوڌو 7 ڄڻا فوت،7 زخمي

جهنگ (م.ڊ)  پنجاب جي شهر جهنگ ۾ روڊ حادثي جي نتيجي ۾ زال مڙس ۽ سندن ٻن معصوم ٻارڙن سوڌو 7 ڄڻا فوت ٿي ويا ۽ 7 زخمي ٿي پيا، ميڊيا رپورٽن مطابق خوشاب روڊ تي ٻه ٽرڪوپن پاڻ ۾ آمهون سامهون ٽڪرائجي ويون، جن ۾ صوفي بزرگ سلطان باهو جا پانڌيئڙا سوار هئا، جيڪي درگاهه تي حاضري ڀرڻ لاءِ وڃي رهيا هئا، ريسڪيو ذريعن مططابق حادثي جي نتيجي ۾ 6 ڄڻا ٿڏي تي ئي فوت ٿي ويا، جڏهن ته 8 زخمي ٿي پيا، خبر پوڻ تي امدادي ڪاررويان ڪري فوتين جا لاش ۽ زخمين کي اسپتال نيو ويو، جتي هڪ وڌيڪ زخمي فوت ٿي ويو، جڏهن ته ٻين زخمين کي طبي امداد ڏني وئي.

 

ڪاري آنڌي

ڪاري آنڌي