تازيون خبرون

Daily Archives: April 1, 2016

ڪرينا نه ئي پريانڪا بادشاهو ۾ اجي ديوگن جي هيروئن لاءِ وري ايشا گپتا جو ڪڻو نڪري آيو

ممبئي (شوبز نيوز) بالي ووڊ فلم بادشاهو لاءِ هيروئن جو ڪڻو هاڻ وري ايشا گپتا جو نڪتو آهي، اجي ديوگن  جي فلم بادشاهو لاءِ هن وقت تائين مختلف اداڪارائن جا نالا هيروئن طور سامهون ايندا ۽ رد ٿيندا رهيا آهن ۽ هاڻ ان لسٽ ۾ نئون نالو ايشا گپتا جو آيو آهي، ڀارتي ميڊيا مطابق شروع ۾ اهي خبرون هيون ته اجي جي هيروئن لاءِ ڪرينا ڪپور جي چونڊ ٿي آهي پر فلمسازن چيو ته اهڙي ڪابه ڳالهه ناهي ۽ ڪرينا فلم جو حصو ناهي، ان کانپوءِ اهي افواهه هئا ته پريانڪا چوپڙا اجي جي هيروئن هوندي پر اهي به رد ڪيا ويا، اهي ريت شروتي هاسن ۽ وري ليزا هيڊن جا نالا به بادشاهو جي هيروئن طور سامهون آيا پر اهي ڳالهيون به ڪوڙيون قرار ڏنيون ويون، جنهن کانپوءِ چيو ويو ته نرگس فخري  جو نالو طئه ٿي ويو آهي پر هاڻ وري ان کي به افواهه قرار ڏيندي چيو پيو وڃي ته اجي جي هيروئن طور ايسا گپتا جو ڪڻو نڪتو آهي، ڀارتي ميڊيا مطابق هاڻ لڳي ٿو ته ايشا ئي فائنل ٿي آهي پر وري به لاڳيتن افواهن ۽ ترديدن کي نظر ۾ رکندي اهو چئي سگهجي ٿو ته ڪنهن مهل ڪجهه به ٿي سگهي ٿو.

 

سري ديوي نئين فلم ۾ اسڪول ٽيچر بڻجندي، شوٽنگ شروع ٿي وئي

ممبئي (شوبز نيوز) سري ديوي پنهنجي ايندڙ فلم ۾ اسڪول ٽيچر جي ڪردار ۾ نظر ايندي، ڀارتي  سماءَ جي ذريعن مطابق سري ديوي پنهنجي ايندڙ فلم ۾ اسڪول ٽيچر جي ڪردار ۾ نظر ايندي، سري ديوي پنهنجي نئين فلم مام (مان) ۾ هڪ اسڪول ٽيچر جو ڪردار ادا ڪري رهي آهي، فلم جي شوٽنگ لاءِ سري ديوي دهلي ۾ موجود آهي، جتي هوءَ نئين فلم جي شوٽنگ ۾ مصروف آهي، سري ديوي جي نئين فلم جو پروڊيوسر سندس مڙس بوني ڪپور آهي ۽ فلم جي مرڪزي اداڪارن ۾ اڪشي کنا به شامل آهي، جڏهن ته پاڪستاني اداڪاره سجل علي سميت فلم ۾ سري ديوي جي ڌيءَ جو ڪردار ادا ڪرڻ جي حوالي سان فلمساز جي ڳالهه ٻولهه هلي رهي آهي، سجل جي عدم دستيابي جي صورت ۾ اهو ڪردار اشڪرا هاسن ادا ڪندي.

 

ڪاري آنڌي ڀارت کي ڏينهن جا تارا ڏيکاري، سيمي فائنل کٽي ورلڊ ڪپ مان آئوٽ ڪري ڇڏيو

ممبئي (اسپورٽس نيوز) ويسٽ انڊيز ، ڀارت کي سندس ئي ڌرتي تي دسي ٽي ٽوئنٽي ڪرڪيٽ ورلڊ ڪپ مان آئوٽ ڪري ڇڏيو، سمنز ۽ رسل ڀارتي بالرن جون  متيون منجهائي ٽيم کي فائنل ۾ پهچائي ڇڏيو،ممبئي جي وانڪڊي اسٽيڊيم ۾ ٽي ٽوئنٽي ورلڊ ڪپ جي ٻئي سيمي فائنل ۾ ڀارت پاران 193 رنسن جو ڏنل حدف ويسٽ انڊيز جي ٽيم 19 ڏهائي 4 اوورن ۾ ٽن وڪيٽن جي نقصان تي پورو ڪري ڀارت کي گهر اماڻي ڇڏيو، سمنز شاندار ۽ طوفاني بيٽنگ ڪندي ٽيم کي فائنل تائين پهچائڻ ۾ اهم ڪردار ادا ڪيو،جڏهن ته رسل ڀارتي بالرن جي ڦٽن تي لوڻ ٻرڪيو، سمنز ميدان جي چئني پاسي زبردست اسٽروڪ کيڏيا ۽ ففٽي هڻڻ کانپوءِ به ڪريز تي تيستائين بيٺو رهيو، جيستائين ويسٽ انڊيز ڪاميابي جي منزل پار نه ڪئي، هن 51 بالن تي 7 چوڪن ۽ 5 ڇڪن جي مدد سان 87 رنسون ٺاهيون ۽ آئوٽ نه ٿيو، رسل به سندس ڀرپور ساٿ ڏنو ۽ 20 بالن تي 4 ڇڪن ۽ ٽن چوڪن جي مدد سان 43 رنسون ٺاهي ناٽ آئوٽ رهيو، اهڙي ريت ويسٽ انڊيز ڪاميابي ماڻي فائنل لاءِ ڪواليفاءِ ڪيو، جتي سندس مقابلو انگلينڊ سان ٿيندو،ان کان پهرين ڀارت بيٽنگ ڪندي مقرر 20 اوورن ۾ ٻن وڪيٽن جي نقصان تي 192 رنسن جو وڏو اسڪور ٺاهيو، ويرات ڪوهلي روايت مطابق بهترين بيٽنگ ڪندي ففٽي هنئي، هو 47 بالن تي 11 چوڪن ۽ هڪ ڇڪي جي مدد سان 89 رنسون ٺاهي ناٽ آئوٽ رهيو، جڏهن ته روهت شرما 43 ۽ راهاني 40 رنسون ٺاهيون.

 

ٽيم جي شڪست جا ذميوار ڪوچ ۽ ڪپتان هوندا آهن ته پوءِ سليڪشن ڪميٽي ۾ به انهن کي شامل ڪرڻ گهرجي : سعيد اجمل

لاهور(اي پي پي) قومي ڪرڪيٽ ٽيم جي مشهور اسپنر سعيد اجمل چيو آهي ته ٽيم جي شڪست جا ذميوار ڪوچ ۽ ڪپتان هوندا آهن ته پوءِ سليڪشن ڪميٽي ۾ به انهن کي شامل ڪرڻ گهرجي ته جيئن انهن وٽ شڪست جو ڪو جواز نه رهي. خميس تي اي پي پي سان خصوصي ڳالهه ٻولهه ۾   هن چيو ته ڪوچ ۽ ڪپتان سليڪشن ڪميٽي جو حصو هوندا ته پوءِ ٽيم ۾ اهي ئي رانديگر شامل  هوندا جن جي ٽيم کي ضرورت هوندي، ٽيم جي 15 رانديگرن  مان حتمي 11 رانديگرن مان  به ڪپتان ۽ ڪوچ کي چونڊڻ گهرجي ڇاڪاڻ ته مخالف ٽيم جي طاقت ۽ وڪيٽ جو اندازو انهن کي هوندو آهي. هن هڪ سوال جي جواب ۾ ٻڌايو  ته هو ٽيم لاءِ غير ملڪي ڪوچ جي حق ۾ ناهي، ٽيم جو ڪوچ ملڪي هئڻ گهرجي ته جيئن رانديگرن جي انهن سان هم آهنگي سولائي سان ٿي سگهي پر ان ڳالهه جو خيال رکڻ گهرجي ته ڪوچ سخت ۽ سمجهوتو ڪرڻ وارو نه هجي. هن چيو ته قومي ڪرڪيٽ ٽيم جي بهتري لاءِ  اسڪول، ڪالجز، ڪلبن ۽ ريجنز جي سطح تي وڌيڪ ڌيان ڏيڻ جي ضرورت آهي. هن چيو ته هيڊ ڪوچ وقار يونس جي رپورٽ پڌري ٿيڻ جي جاچ ڪري ذميوارن خلاف سخت ڪارروائي ٿيڻ گهرجي ته جيئن مستقبل ۾ اهڙن واقعن جي روڪٿام ٿي سگهي. هن چيو ته ٽي-20 ورلڊ ڪپ ۽ ايشيا ڪپ ۾ قومي ٽيم جي شڪست جا سبب ڄاڻڻ لاءِ جوڙيل جاچ ڪميٽي کي جلد پنهنجون سفارشون مڪمل ڪري پي سي بي جي چيئرمين کي ڏيڻ گهرجي ۽ پوءِ انهن سفارشن تي عمل ضرور ٿيڻ گهرجي.

 

ناانصافين جي  گهاڻي ۾پيڙجندڙ  غريب  عوام  جي  ڪير  ٻڌندو: اصغر ملاح

هو  ڏينهن  خالي نه آهي  هر  روز اسان  جي  سنڌ جي  عوام  جو  ڪرپشن ۽ پاڻ سان ٿيندڙ  ناانصافين  خلاف  احتجاج  نه  ٿيو  هجي جيئن  ته قدرتي وسيلن تيل گئس ڪوئلو ۽ ٻين  معدنيات سان ملا مال سنڌ جي  هزارين  عوام بک  ۽  بي  زورگاري  جو  شڪار آهن سنڌ جيڪا ماضي ۾ خوشحالي  سخاوت ۽ سونهن  سبب دنيا ۾ مشهور هئي، سو هاڻ  دردن جو  ديس بڻجي وئي آهي جنهن جي سڃاڻپ  هان  ڏکن  ۽ سورن  جي ڌرتي  طور  ٿيندي پئي وڃي هونئن ته عوام کي  تحفظ ڏيڻ وقت جي حڪومت جي فرضن ۾ شمار ٿئي ٿو. سنڌ حڪومت جي بي ڌياني  بي حسي ۽  لاپرواهي  عوام  کان بنيادي  سهولتون بر وقت انصاف  پري ڪري ڇڏيو آهي سنڌ  واسين لاءِ ننڍا شهر  هجن توڙي  وڏا  شهر هجن بجلي. گئس پاڻي  تي غريبن  لاءِ ڄڻ اڻ لڀ  ٿي ويا  آهن ٻئي طرف واپڊا عملدارن بجلي  جي غير اعلانيل لوڊشيڊنگ ڪري  ماڻهن جو جئيڻ  جنجال  ڪري ڇڏيو آهي سنڌ جي  ٻين  ضلعن جيان دادو ضلعي جي ننڍن وڏن شهرن ڳوٺن ۾ ڪلاڪن جا ڪلاڪ اڻ اعلانيل لوڊشينگ جاري آهي عوام کي چوندي ڏٺو ويو آهي ته بجلي جي اڻ اعلانيل لوڊشيڊنگ ڪرڻ واپڊا کاتي جي عادت بڻجي وئي آهي راشي عملدارڪلاڪن جا ڪلاڪ ناجائز لوڊشيڊنگ ڪري ڪرپشن  جي بازار گرم ڪئي آهي واپڊا جي ايس ڊي اوز ۽ لائين سپرنٽينڊنٽس ڪرپشن ذريعي مال ميڙن جا نوان طريقا ڳولهي ورتا آهن ۽ صارفين کي  ڳرا بل موڪلي ڳجهه ڳوهه ۾ لکين  رپيا رشوت  وٺي غير قانوني  ڪنيڪشن ڏئي بجلي وڪرو ڪرڻ جا الزام لڳاندا رهيا آهن مقرر ٿيل ڪامورن ۽ واپڊا جي عملي جي مهربانين سان سالن کان لاتعداد غير قانوني ڪنيڪشن آهن جن ۾ سوين ڪاروباري ڪنيڪشن ايئرڪنڊيشن جا ڪنيڪشن مختلف ٽيوب ويل جا غير قانوني ڪنيڪشن ڏئي مقرر ٿيل عملو هر ماهه غير قانوني لکين روپيه بنا ڪنهن ڊپ ڊاءِ جي وصول ڪرڻ  جا  الزام  لڳندا رهيا آهن جڏهن ته غير قانوني ڪنيڪشن تي صرف ٿيندڙ يونٽن جو پوراءُ ڪرڻ لاءِ شهر سميت آس پاس جي ڳوٺن ۾ روزانو هٿرادو غير قانوني لوڊشيڊنگ معمول بڻيل آهي سنڌ جا  اڪثر  غريب  ماڻهو  هڪ  ويلو  ماني  جا   پئسا   ڪمائڻ  لاءِ  پريشان  هوندا  آهن ٻيو  بجلي  لڀي ئي نه.  ته  پوءِ اهي واري  مهانگائي واري  دور ۾  بجلي  جا بل ڪيئن  ادا ڪن. سنڌ  ۾ اغوا  هڪ انذسٽري  بڻيل رهي آهي.

هڪ  اهڙو  منافعي بخش  ڪاروبار  رهيو آهي  جنهن  کي  هلائڻ  وارا هٿ وڏا  باثر  هٿ  آهن سنڌ ۾ ماڻهن کي  اغوا ڪرڻ  جون  وارداتون سالن کان ٿينديون  رهيون آهن  ڌاڙيلن پاران ماڻهن  کي  اغوا  ڪرڻ  ۽  پوليس  پاران  ٽيا ڪري ڪري  مغوي  بازياب  ڪرائڻ  جا  واقعا  به اليڪٽرانڪ  ۽ پرنٽ ميڊيا سامهون ايندا رهيا آهن  هر روز اخبارن ۾ پڙهون ٿا ٽي وي تي ڏسون ٿا. سنڌ  ۾  جيڪي  ماڻهو  هن  وقت  اغوا  ٿيل  آهن انهن  جي  گهرن ۾ماتم  متل  رهي ٿو ٺل  جي  فضلا سرڪي  کي  پنهنجي  والدين  کان  وڇڙي 8  سالن کان  مٿي  عرصو  گذري  چڪو  آهي  پر  ان جي  باوجود  نياڻي  جو  پتو  پئجي  ناهي  سگهيو  توڙي  جو ان  ماءِ  ۽ پيءِ  پنهنجي  جگر  جي  نڪري  جي  بازيابي لاءِ  ڪيئي  ڀيرا پاڪ  ڪتاب کڻي وقت جي  حڪمرانن  اڳيان  دانهون  ڪو ڪو ڪري انصاف  لاءِ  ٻڪاري ٻڪاري  ٿڪجي پئي آهي  پروريو ڪجه به نه آهي سنڌ  جي  اصل  رهواسين  سان  نانصافي  آهي عوام کي چوندي ڏٺو ويو آهي ته سنڌ  رهندڙ  اقليتي  ماڻهو  جن  ۾  اڪثريت  هندو سنڌين  جي  آهي  سي عدم  تحفظ ۽  عدم  سلامتي  جو  شڪار. آهن  جنهن  ڪري   سنڌ  ۾ اقلتين  جي  حقن  جي  تحفظ   جي  سخت  ضرورت  آهي سنڌ   اسيمبلي   مان  بل  منظور ٿيڻ  کانپوءِ  زوري  مذهب  مٽائڻ  زوري  شادين ڪرائڻ  سميت  ٻيا به  کوڙ سارا  اقليتي  برداري جا مسئلا  حل ٿيندا جلد  کان  جلد  هن  بل  کي اسمبلي  مان  پاس  ڪرايو  وڃي سنڌ جو عوام پنهنجو امن ۽  خوشحالي  وارو  پيغام  برقرار رکي  سگهي هڪ طرف سنڌ جي عوام ۾ بک  بي روزگاري غربت بيماري غريب عوام جو ڄڻ مقدر بڻيل آهي ٻئي  طرف سنڌ  جو  ماڻهو  ڏينهون ڏينهن غريب  ته  غريب  تر  ٿيندو پيو وڃي عوام کي  چوندي ڏٺو ويو آهي.انهي  جو  هڪ  وڏو  سبب  ملڪ  ۾  شين  جي  اگهن  تي  چيڪ  اينڊ بئلنس  جو  هجڻ  نه آهي روز مرهه  جي  شين  جا  اگهه  رات   جي پيٽ  ۾  وڌي  وڃن  ٿا جن  غريب  ماڻهن  جي  دردن  کي  وڌيڪ  سوايو  ڪري  ڇڏيو  آهي. انهن  وڏو  نفعو  ڪمائيندڙن  واپارين  کي  ڪو  به  پڪڙڻ  وارو  ڪونهي. وفاقي  حڪومت  پاران  پئٽروليم  منصوعات  جا  اگهه  گهٽايا وڃن ٿا  پر حقيقت ۾ ته  تيل  جا  گهٽ  ٿيندڙ  اگهه  سنڌ  جي   غريب  عوام  لاءِ  بي  لاڀ  بڻيل  آهي ان  ڪري وفاقي  حڪومت  توڙي  صوبائي  حڪومت  کي  فوري  طور  تي  پئٽروليم  مصنوعات  جي حوالي  سان  گهٽ  ٿيل  اگهن  جو  فائدو  سنڌ جي  عوام  کي  ڏيارڻ  لاءِ  ڪي  اهڙا  اپاءِ  وٺن  گهرجن  جنهن  سان  غريب  عوام کي  کاڌي پئتي جي روزمره  جي  شين  جي  اگهن ۽  ٽرانسپورٽ ڀاڙن  ۾  ٿيندڙ واڌ  جو بار  گهٽجي  سگهي  ۽  سنڌ جو  غربت  عوام جمهوري حڪومت ۾  به  ڪو  سک  جو  ساهه  کڻي  سگهي عوام کي چوندي  ڏٺو ويو آهي ته. دنيا  ۾ سياست  ۽  حڪومت  ملڪ  جي  ترقي ۽ انسان  جي  ڀلائي  بهتري  لاءِ  ڪئي  ويندي  آهي وقت به وقت پرنٽ اليڪٽرانڪ ميڊيا اڳيان سنڌ  جي عوام عوامي ميڙن ۾ چوندي ڏٺو ويو آهي ته  ملڪ جي تاريخ ۾ وڏو عرصو ملڪ ۾ آمريت رهي آهي عوام جو چوڻ آهي ته آمريت کان سو ڀيرا جمهوريت بهتر آهي ان کان  عوام  کي  انڪار  نه آهي عوام  کي  افسوس  ان  ڳالهه تي  آهي  اسان جي ملڪ ۾ ڪجهه خاندان عوام تي حڪومت  ڪرڻ  پنهنجو فرض سمجهن  ٿا  اليڪشن ۾  عوامي  جلسن  ۾ سياستدانن  دعوائون  ڪيو  هيو ۽ سندن  اليڪشن ۾ منشور رهيو ۽ عوام  کي  چيو  ويو ته عوام جي  ووٽن  تي  ڪامياب ٿي  سنڌ  خلاف  ٿيندڙ  ناانصافين جو ازالو  ڪندا بنا  فرق جي تعليم  يافت  نوجوانن  کي  نبا فرق  جي روزگار  عوام  کي  بنيادي  سهولتون  تعليم  صحت  امن ۽  عزت ۽ درن  تي  انصاف فراهم  ڪندا هر وقت جا حڪمران  هر دور وانگر اقتداري جا سال مهينا ڏينهن، پنهنجو سفر طئي ڪري وري ڪنهن ٻي اليڪشن تائين پهچي ويندا آهن عوام اتي جو اتي رهجي ويندو آهي سنڌ جي عوام  سالن  کان  انصاف  جي  اوسيئڙي ۾ لاتعداد قربانيون  ڏيون   آهن

دنيا  جي عظيم  شخصيت  شهيد  محترمه  بينظير  ڀٽو  جي  عظيم  قرباني  سميت  ملڪ  جي  عوام  جي  لاتعداد  قربانيون ڏنيون  آهن  تڏهن ملڪ ۾ 8 سالن کان جمهوريت قائم آهي سرڪار  پنهنجي  شروعاتي  دور ۾  جنهن  ڳالهه  تي  زور  ڏنو هو  اهو  ته  هو عوام کي درن تي  انصاف ۽  بيروگار،  تعليم  يافته  نوجوانن  کي  بنا  فرق جي روزگار  ڏيڻ  جون  ڳالهيون ڪيون  هيون  ۽ روزگار  ڏنو به  آهي سنڌ  جي عوام  لکين  اميدون  هيون  جن  مان اهي  اميدون  پوريون  نه ٿيون  جائز مسئلن  جي حل  لاءِ  بيروزگارن  کي  بنبا  فرق  روزگار تعليم  صحت  بنيادي  سهولتن عام ماڻهو جي  بروقت انصاف جي حاصلات  لاءِ  جيڪي  ڪوششون وٺڻ گهرجن ۽  بروقت  سندن جائز  مسئلا  حل ڪرڻ  گهرجن  اهي نه ٿيا  آهن جيڪي ٿيڻ  گهرجن ها اسان جي ملڪ جو سياسي ماحول  ڪڏهن سٺو رهيو  آهي  ته ڪڏهن خراب هميشه  سياسي صورتحال مان فاندو سياستدانن ۽ ڪامورا  شاهي کي پيو آهي ۽ نقصان سدائين هر دور ۾ عوام کي پيو  آهي گذريل ڏهن سالن  ۾ هن پسند  ڪامورن سرڪاري  فنڊن سان  جيڪي ڪلور ڪيا  آهن اهو  عوام  کان  هاڻي  ڳجها نه  رهيا آهن. ترقياتي ڪمن جي سرڪاري فنڊن مان ڪميشن هيٺان کان مٿي تائين حق بڻجي وڃي ته عوام جي مسئلن جو ڪو حل نه ٿو نڪري عوام کي چوندي ڏٺو ويو آهي ته اٽي لٽي ۽  اجهو جو نعرو  هڻندڙ پاڪستان  پيپلز پارٽي جي  حڪومت کي  وفاق  ۽ سنڌ ۾ اٺون  سال  هلي  رهيو  آهي  پر سنڌ  جي اڪثريتي  عوام  جنهن  پ پ  کي  ووٽ  ڏئي   اقتدار  تي  پهچايو  ان جي   پيٽ گذر  لاءِ  اٽو  ميسر  آهي  انگ  تي  نه  لٽو آهي  ۽  نه ئي  رهڻ  لاءِ  اجهو آهي   پر ان  جي  ابتڙ آهي  وزير  مشير  ايم  پي ايز ايم  اين ايز جيڪي  اڳ  ئي وڏي ٺٺ سان رهندا  هئا  انهن  جي  بئنڪ  بئلنس  ۽ ملڪيتن  ۾ چئوڻو  پنجوڻو  واڌارو  ٿي  ويو  آهي عوام  کي  چوندي ڏٺو ويو آهي ته  عوام لاءِ بنيادي سهولتون ۽ درن تي انصاف هڪ خواب بڻجي وڃي ناانصافين جو سلسلو تيز هجي اُن وقت ماڻهن جي قوت برداشت جواب ڏئي وڃي ٿي ڪرپشن ملڪ  جو وچڙندڙ  مرض بڻجي  چڪو  آهي  جيڪو  پهريان  سرڪاري  سطح  ۽  پاليسي ماهرن  توڙي عالمي   ادارن  طرفان  تسليم  نه  ڪيو  ويندو  هو  ۽  نه  ئي  ترقياتي  سڌارن۾ ڪرپشن  جي  خاتمي کي  ترجيح  ڏني  ويندي  هئي  هاڻي  عالمي  ادارن  تسليم   ڪري  ورتو آهي  ته  ڪرپشن  سڀ  کان  وڏو  مسئلو اهڙو  انڪشاف  فيڊرل   بورڊ  آف رينيو طرفان جاري  ڪيل  سالياني  رپورٽ ۾ پڌرو  ڪيو  ويو  آهي  دنيا  ۾  هاڻي  ڪرپشن کي وڏي  ۽ اهم  مسئلي  طور  تسليم  ڪيو  ويو  آهي. ڪرپشن  جي خاتمي  ۾  وڌندڙ  دلچسپي  جا مختلف  ڪارڻ  آهن  جنهن  جو  پهريون  ڪارڻ  هاڻي عالمي مالياتي  ادارن  طرفان  سڀ  کان  وڌيڪ  ڌيان  ترقياتي  امداد ۽  قرض  غربت  جي  خاتمي جي  حڪمت   عملي  ۽  پروگرامن تي  ڌيان آهي افسوس انهي  تي  آهي ته عوام جي رت  ۽ پگهر جي پورهئيمان پگهارون  کڻندڙ ۽ مراعتو  حاصل  ڪندڙن حڪمرانن ۽ سرڪاري ملازمن  ڪڏهن  به  پاڻ  کي عوام  جو خادم نه  پر حاڪم سمجهيو آهي جتي حاڪم ۽ محڪوم جو سوال اچي ٿو ۽  ٻين کي زير ڪرڻ  ۽ پاڻ  کي زبردست سمجهڻ  جي  ورايت جوڳ  خاتمو نه  آندو ويندو  تيستائين نه  سنڌ ترقي  ڪندي  نه وري سنڌ جو عوام خوشحال ٿيندو نه  ئي حقيقي  جمهوريت  قائم ٿي سگهندي عوام سمجهي ٿو ته هن  ملڪ ۾  عوامي پئسي سان  جيڪا راند  ٿيندي  رهي  آهي  ان جي رستا روڪ  تمام  ضروري  آهي ان لاءِ  اهڙي  اداري جو  هجڻ  لازمي  آهي  جيڪو  بنا فرق جي اهڙن ماڻهن خلاف ڪارروائي  ڪري  جيڪي بي  قائدگين  ۾ ملوث  آهن  اها  ڳالهه  بلڪل  نه هجڻ  گهرجي ته جن  جي  حڪومت  اهي  پڇاڻن  کان  آجا  هجن  ۽  رڳو  خلق خدا حساب  ڪتاب  ڏيڻ  جي پابند  هجي پاڪستان صرف مراعتون حاصل ڪندڙ طبقي جي لاء ئي نه ٺهيو آهي پر پاڪستان کي انهي غريب عوام ٺاهيون آهي پر مراعتون حاصل ڪندڙ طبقو غريب عوام تي حڪومت ڪري رهيو ايندڙ  اليڪشن ۾ سنڌ جي عوام  پاڻ  سان  ٿيل  ذيادتين  جو  سوال  ضرور پڇندو

Email mallahasghar@gmail.com

 

 

 

 

اسان خيالي دنيا جا بادشاهه آهيون !!: سعيد احمد مڱريو

خيال پرستي ۾ رهي هڪ  خوبصورت دنيا جو نقشو تيار ڪرڻ اسان جي هڪ عادت بڻجي چڪي آ اسان جا خيال وڏا  هوندا آهن وقت جي اچڻ کان پهريان اسان هڪ پنهنجي لاءِ محل تيار ڪندا آهيون ته جڏهن اينئن ٿيو ته ايئن ڪندس . اهڙا وقت پوءِ ڪي ئي گذري ويندا آهن  اسان اوهڙي جا اوهڙا ، اسان جڏهن پنهنجيون  اکيون بند ڪندا آهيون ته اتي اسان  جي خيالن ۾ جڙيل هڪ دنيا ڏاڍي خوبصورت ملندي آ جتي بهارون، محلاتون ، محبوب جا ٽهڪ ، پکين جو سريلو آواز  ، بارش جون بوندا بازي محبوب جو گڏ هجڻ پيو محسوس ٿيندو آ لڳندو ايئن آهي ته اسان جي زندگي  جا مقصد هاڻي سڀ پورا ٿي چڪا آهن هاڻي آرام واري وادي ۾ رهي ڪري ڪا سکون جي ننڊ ڪيون ،   پر جڏهن اک کلندي آهي ته پوءِ اسان هڪ نئين  دنيا ۾  جنم وٺهندا آهيون جتي اڻپوريون اڌوريون اميدون نطر اينديون آهن ، هيڪلائي پئي محسوس ٿيندي ، انڌهيرو پيو نظر ايندو ، زندگي جو وجود هڪ بند پنڃري ۾ ڪنهن پکي جيئان پئي لڳندو جتي هر شي جو ذائقو اڻوڙندڙ لڳندو . وري جڏهن بيداري جي اهڙي حال ۾ هوندا آهيون ته پوءِ عاشق بڻيا وک وک تي مجنون ٿيا گهمداسين هر گهٽي هر پاڙي ۾ ليلا پئي نظر ايندي . عشق جا قصيدا پڙهندا رهندا سين ادِي کي جن نه ڪن ادي کي عشق انڌو ڪري ڇڏيندو آهي .  رومانويت ۾ رهڻ اسان جي فطرت آ. اهڙي فطرت کي هاڻي  تبديل ڪرڻون پوندو جيئن خيالن کان نڪري اک کلندي آ ۽ ان وقت پنهنجي حال تي نظر پوڻ سان ئي پنهنجو وجود هڪ قيدي جيئان لڳندو آهي. اهڙي حال کان پوءِ جيڪڏهن پنهنجي حقيقت تي به ٿوري نظر ڦيري ڏسون ته اسان سماجي ، معاشرتي ۽ انفراسٽڪچر جي حساب سان  ٻين قومن کان گهڻو ئي پوئتي آهيون . ان پوئتي رهڻ جو سبب اهو آهي جو اسان جي دنيا اڃا خيالن ۾ ئي جڙيل آ ڪڏهن حقيقت ڏانهن قدم نه رکيو آهي پر ڪڏهن ڪڏهن ايهو محسوس تو ٿي ته اسان جو عڪس موجود آ پر اسان جي اميدن جو آئينو ٽٽل پيو نظر اچي . ۽ ها ايها  به حقيقت آهي ته هتي ڏکن ۽ سکن، راحتن، اميدن ۽ نا اميدن، خوابن ۽ تعبيرن جون سوچون هڪ انساني فطرت آهن جيڪي زندگي جو پڻ هڪ حصو آهن . پر جڏهن اسان شعوري زندگي ۾ ايندا آهيون ته پوءِ به جيڪڏهن اهڙي خيالن واري دنيا ۾ رهڻ پسند ڪندا سين ته پوءِ ڪڏهن به اسان جي خوابن جي تعبير ممڪن نه ٿي سگهندي .  ڇو ته سوچن جي ڌرياءَ ۾ رهڻ کان بهتر ايهو آهي ته اسان ترڻ جي ڪوشش ڪيون ته جيئن اسان پنهنجا ڏکيا رستا پار ڪري ڪنهن سکي رستي تي اچي سگهون. اميدن جي دنيا هميشه هڪ سٺي ڪم تي جوڙڻ کپي جيئن ايندڙ وقت اسان جو سٺو گذري  ۽ هر ڪم جي لاءِ ايهو لازمي هوندو آهي ته ان کي ڏنل مدي ۾ ئي  پورو ڪجي جيئن اڳلي ڪم جي شروعات آساني سان ٿي ۽ ڪامياب ٿيڻ جي راهه هموار ٿي سگهي.

خيال اسانجي سوچ جي پيداوار آهي ان جي لاءِ اسان دنيا ۾ جيڪو ڪجه ڏسندا آهيون اها سڀ حقيقت نه هوندي آهي.  ڇو ته اسان جي نظر به ڪڏهن ڪڏهن ڌوڪو کائيندي آهي. ايها حقيقت آهي ته وقت سان گڏو گڏ اسان جي عقل به ترقي ڪئي آ عقل جي ترقي سان هن دنيا جي شين به ترقي ڪئي آ اهڙي ترقي ۾ رهي ڪري اسان جون نظرون به ڌوڪو جلد کائي سگهن ٿيون. خوبصورت دنيا کي ڏسي اسان جون سوچون به هميشه خوبصورت هونديون آهن. جيڪي شيون اسان گهرندا آهيون اهي سڀ هتي ڪون ٿيون ملن انهن کي حاصل ڪرڻ جي لاءِ هميشه شارٽ ڪٽ رستا پيا سوچيندا سين ته اسان پنهنجي اميدن يا خواهشن کي ڪيئن پورو ڪيون  جيئن اسان جي زندگي جون سڀ آراهائشون مڪمل ٿي وڃن . ان جو مطلب ايهو نه آهي ته اسان پنهنجي سڪون جي تلاش ۾ ٻين جون خوشيون تباه ڪيون ؟. ڪنهن جون خوشيون تباه ڪرڻ کان بهتر آهي ته بک مري وڃجي . هوائي خيالن ۾ رهڻ کان بهتر آ ٽهڪندڙ اس کي منهن ڏئي پنهنجا مقصد پورا ڪجن . خيالي پلائن جون ڌيڳيون چاڙهڻ کان بهتر آهي ته ڪجهه ڪيون رونمانوي دنيا مان نڪري ڪري هڪ حقيقت جي طرف قدم کڻون  ته جيئن اسان کي ڪو ڪاهل سست نه چوي . پنهنجي حقن کي حاصل ڪرڻ جي لاءِ هميشه ڪنهن ٻئي جو محتاج نه رهڻ کپي جيڪڏهن اهڙي قسم جو سوچينداسين ته ڪو ٻيو ماڻهون منهنجي لاءِ هي ڪم ڪندو يا ڪري  ڏيندو ايها غلط فهمي آهي . اسان جو ڪم ڪو ٻيو مڪمل ڪري ڏيندو ايهو خيال رکڻ زندگي جي ناممڪن ڪمن مان هڪ نامڪمل خيال آهي ته اسان پنهنجا ڪم ٻين جي لاءِ رکون ته اسان کي ڪوئي ڪري ڏيندو . وقت اسان جو ڪڏهن به محتاج نه آهي ته اهو اسان جي لاءِ روڪجي وڃي ايستائين جو اسان جا ڪم پورا ٿين . وقت جا اسان محتاج رهندا آهيون ايهو اسان جي مٿان آهي   ته هن قيمتي وقت کي  هوٽلن ۾ ويهي ڪري پنهنجي مردانگي جا قصا ٻڌائيندي گذاريون  يا خيالن جي اندر رهي ڪري ! بحراحال سنڌ جون حالتون تبديل ڪري پنهنجي ڌرتي، وسيلن ۽ ماڻهن جي مالڪي ڪرڻ جو وچن پاڻ سان  ڪيون ، مايوسي ۽ پريشانين واري ڪيفيتن مان نڪري پرعزم ٿي سنڌ ۾ هر شعبن ۾ عملي ميدان ۾ اچڻ جو فيصلو ڪيون. پنهنجي معاشري کي بدنام ٿيڻ کان بچايون  اسان جي هڪ ماڻهون جو سستي ۾ رهڻ پوري سنڌ  بدنامي جو سبب بڻجي سگهي ٿي . خيال پرستي مان نڪري ڪري حقيقت ڏانهن قدم کڻون ته جيئن زندگي هڪ مقصد سان گذري .

Email: saeed@hho.org.pk

 

 

نانگ ويو نڪري ليڪو پيو ڪٽجي….!

سنگين غداري ڪيس جي ٻڌڻي ڪندڙ اسلام آباد جي خاص عدالت پرڏيهه وڃڻ تي اڳوڻي صدر پرويز مشرف ۽ سندس ضامن کان جواب گهري ورتو آهي، جسٽس مظهر عالم ميان خيل جي اڳواڻي ۾ جسٽس طاهره صفدر ۽ جسٽس ياور علي تي ٻڌل خاص عدالت پرويز مشرف خلاف سنگين غداري ڪليس جي ٻڌڻي ڪئي، ان موقعي تي اڳوڻي صدر جي غيرحاضري تي عدالت سخت ڪاوڙ ڏيکاريندي سرڪاري وڪيل اڪرم شيخ کان سوال ڪيو ته اسان جوابدار کي پوءِ ڏسنداسين، پهرين توهان اهو ٻڌايو ته ڇا اختيارين کي عدالتي حڪمن جي خبر نه  هئي؟

خاص عدالت جي حڪم کانسواءِ پرويز مشرف جو نالو اي سي ايل مان ڪيئن ڪڍيو ويو؟  ڇا حڪومت کي خبر نه هئي ته کيس عدالت گهرائي چڪي آهي؟  جيڪڏهن حڪومت اڻڄاڻ هئي ته توهان حڪومت کي ٻڌايو ڇو نه؟  سرڪاري وڪيل عدالتي پڇاڻي تي چيو ته عدالت ضمانت رد ۽ گرفتاري وارنٽ جاري ڪري سگهي ٿي، پرويز مشرف جي ضامن جي ضمانت ضبط ڪئي وڃي ۽ اسڪائپ توڙي وڊيو لنڪ ذريعي اڳوڻي صدر جو بيان رڪارڊ ڪري سگهجي ٿو،  عدالتي حڪم تي وفاقي گهرو سيڪريٽري پيش ٿي بيان ڏنو ته پرويز مشرف جو نالو قانون کي نظر ۾ رکندي اي سي ايل مان ڪڍيو ويو ۽ سپريم ڪورٽ جي حڪم تي کيس پرڏيهه وڃڻ جي اجازت ڏني وئي، جنهن تي عدالت ريمارڪس ڏيندي چيو ته پرويز مشرف جي غيرموجودگي ۾ ڪيس اڳتي نه ٿو وڌي سگهي، ان کانپوءِ خاص عدالت پرويز مشرف ۽ سندس ضامن راشد قريشي کان لکت ۾ جواب گهري ورتو، عدالت پنهنجي حڪم ۾ چيو ته جيڪڏهن ضامن پرويز مشرف کي پيش ڪرڻ ۾ ناڪام ٿي ويو ته سندس ضمانت رد ڪئي ويندي.

اڳوڻو صدر پرويز مشرف ملڪ ۾ هوندي به عدالت ۾ پيش نه ٿيندو رهيو ۽ پنهنجي بيماري جا سرٽيفڪيٽ عدلت ۾ پيش ڪندو رهيو ۽ ان دوران هو پنهنجي پارٽي جا معاملا توڙي خابرو ادارن کي انٽرويوز به ڏيندو رهيو پر هو عدالت ۾ پيش نه ٿيو هاڻي جڏهن ملڪ کان ٻاهر هليو  ويو ته پڇاڻو پيو ٿئي ته  ڇو ويو، ڪنهن جي چوڻ سان ويو جيڪا سمجهه کان ٻاهر جي ڳالهه آهي.