تازيون خبرون

Daily Archives: March 11, 2016

سوناڪشي سنها گنيز بڪ ۾ نرالو رڪارڊ پنهنجي نالي لکرائي ڇڏيو

ممبئي (شوبز نيوز) بالي ووڊ اداڪارا سوناڪشي سنها گنيز بڪ آف ورلڊ رڪارڊز ۾ نرالو رڪارڊ پنهنجي نالي لکرائي ڇڏيو آهي، جيڪو هڪ ئي وقت سڀني کان وڌيڪ عورتن جي نيل پينٽ جو آهي. ڀارتي ميڊيا جي رپورٽن مطابق ممبئي ۾ سوناڪشي سنها طرفان گنيز بڪ آف ورلڊ رڪارڊز جي انتظاميا جي موجودگي ۾ مختلف عمر جي نارين کي گڏ ڪيو ويو ۽ سڀني کي هڪ ئي وقت ننهن تي رنگ سان مختلف ڊزائن ٺاهڻ جو چيو ويو، اهڙِي ريت سوناڪشي سنها هڪ ئي وقت عورتن جي گهڻي انگ جي ننهن تي رنگ ڪرڻ جو رڪارڊ پنهنجي نالي ڪري ورتو، اهڙو نرالو رڪارڊ جوڙڻ تي دبنگ گرل جي خوشِي ڏسڻ وٽان  هئي.

 

ڪنگنا رناوت ڀيڻ رنگولي جي زندگي تي فلم ٺاهڻ جو اشارو ڏئي ڇڏيو

ممبئي(شوبز نيوز) بالي ووڊ اداڪارا ڪنگنا رناوت تيزاب حملي ۾ بچي ويل پنهنجي ڀيڻ رنگولي جي زندگي تي فلم ٺاهڻ جو اشارو ڏنو آهي، ڀارتي ميڊيا سان ڳالهائيندي ڪنگنا رناوت چيو ته هن رنگولي سان ان حوالي سان ڳالهه ٻولهه ڪئي پر هوءَ گهڻي خوش نظر نه آئي، هن ٻڌايو ته مان رنگولي کي چيو ته مان تنهنجي زندگي تي فلم ٺاهڻ چاهيان ٿي، جنهن ۾ مان تنهنجي۽ پنهنجي مطلب سڀني عورتن جي ڪردار کي اڀارينديس، جنهن جي جواب ۾ رنگولي رڳو ايترو چيو ته ها اها تمام گهڻي ناڪام فلم ثابت ٿيندي، ڪنگنا جو چوڻ هو ته مان سمجهان ٿي ته رنگولي جي زندگي منهنجي زندگي کان وڌيڪ دلچسپ آهي، مان سندس مڙس جي ٿورائتي آهيان، جيڪو پهرين ڏينهن کان وٺي ساڻس چرين جيان عشق ڪري ٿو، ان موقعي تي رنگولي جو چوڻ هو ته جڏهن مون تي تيزاب هاريو ويو هو ته مان ڪيترن ئي نفسياتي مسئلن مان گذرندي رهي هيس پر ڪنگنا اهڙي ڪنهن به مسئلي کان بچيل رهي، هن ٻڌايو ته ڪنگنا مون وٽ آئي ۽ مونکي همٿايو، سندس اهڙي ئي روئي جي ڪري مان اڄ تيزاب هارڻ واري واقعي کانِ پهرين جي ڀيٽ ۾ وڌيڪ همت واري آهيان، سندس چوڻ هو ته مونکي پنهنجي طاقت ۽ ڪمزورين جي خبر آهي، مونکي ان واقعي گهڻو ڪجهه سيکاريو.

 

حالتون ڪيئن به هجن ڀارت ۾ سٺي ڪرڪيِٽ کيڏڻي آهي: شاهد آفريدي

لاهور (اين اين آءِ) قومي ٽي ٽوئڻٽي ٽيم جي ڪپتان شاهد آفريدي چيو آهي ته حالتون ڀلي ڪهڙيون به هجن ڀارت ۾ سٺي ڪرڪيٽ کيڏڻي آهي خدا نه ڪري شڪست ٿي ته حالتن کي جواز نه بڻائينداسين خانگي ٽي وي مطابق ڪپتان شاهد آفريدي رانديگرن سان ملاقات ڪئي ۽ ٽي ٽوئڻٽي ورلڊ ڪپ جي سيڪيورٽي جي حوالي سان سندن حوصلو وڌايو ان موقعي تي شاهد آفريدي چيو ته 99 ۾ به اهڙيون ئي حالتون هيون ۽ پاڪستاني ٽيم کٽي آئي هئي رانديگرن اهڙين ئي حالتن ۾ سٺي ڪرڪيٽ کيڏڻ لاءِ تيار رهن ڪپتان جو چوڻ هو ته ميگا ايونٽ کان اڳ جيڪي حالتون آهن اهي پاڪستان ٽيم جي حق ۾ ناهن.

 

ڀارتي انتهاپسندن ڪولڪتا ۾ به پاڪ – ڀارت ميچ روڪڻ جي ڌمڪي ڏئي ڇڏي

نئين دهلي(اسپورٽس نيوا) ڀارتي انتهاپسندن هڪ ڀيرو وري ڌرم شالا کان ايڊن گارڊن ڪولڪتا اماڻيل پاڪ – ڀارت ميچ روڪڻ جي به ڌمڪي ڏئي ڇڏي آهي، ڀارتي ميڊيا جي رپورٽن مطابق ڀارتي انتسهاپند تنظيم اي ٽي ايف آئي( اينٽي ٽيررسٽ فرنٽ انڊيا) سيڪيورٽي ڪارڻن جي ڪري ڌرم شالا کان ڪولڪتا اماڻيل پاڪ – ڀارت ميچ روڪڻ جي ڌمڪي ڏني آهي، پنهنجي هڪ بيان ۾ تنطيم جو چوڻ هو ته اسان پاڪستان کي ڪولڪتا ۾ ڪنهن به صورت ۾ ميچ کيڏڻ نه ڏينداسين ۽ جيڪڏهن ميچ نه روڪي وئي ته پچ اکيڙي ڇڏينداسين، بيان ۾ چيو ويو ته پاڪ – ڀارت ميچ خلاف مظاهرا ڪيا ويندا ۽ ٻنهي ملڪن جي ٽيمن ۾ مقابلو ڪنهن به صورت ۾ ٿيڻ نه ڏنو ويندو.