تازيون خبرون

Daily Archives: March 5, 2016

وزير اعظم سان چوڌري نثار جي ملاقات، ملڪي صورتحال تي بريفنگ

اسلام آباد (اين اين آءِ) وزيراعظم نوازشريف سان چوڌري نثار ملاقات ڪئي جنهن ۾ امن امان جي جملي صورتحال سميت ورلڊ ٽي-20 ۾ قومي ڪرڪيٽ ٽيم جي شرڪت جي حوالي سان تفصيلي خيالن جي ڏي وٺ ڪئي ويئي آهي ذريعن مطابق وزيراعظم هائوس ۾ ٿيندڙ هن ملاقات ۾ ٻنهي اڳواڻن ملڪ ۾ امن امان جي جملي صورتحال تي ڳالهيون ڪيون ان موقعي تي چوڌري نثار وزيراعظم کي ورلڊ ٽي-20 ۾ قومي ڪرڪيٽ ٽيم جي شرڪت جي حوالي سان سيڪيورٽي معاملن ۽ ڀارت ۾ امڪاني خدشن تي اعتماد ۾ ورتو ۽ اتفاق ڪيو ويو ته ڀارت قومي ٽيم کي فول پروف سيڪيورٽي فراهم ڪري هن چيئرمين پي سي بي سان ٿيندڙ ڳالهه ٻولهه تي به وزيراعظم کي اعتماد ۾ ورتو ان کان سواءِ ڪراچي آپريشن تي به غور ڪيو ويو خانگي ٽي وي مطابق ملاقات ۾ مصطفيٰ ڪمال جي پريس ڪانفرنس کان پوءِ پيدا ٿيندڙ سياسي صورتحال تي به مشاورت ڪئي ويئي آهي ذريعن جو چوڻ آهي ته ملاقات ۾ نيشنل ايڪشن پلان سميت آپريشن ضرب عضب تي به ڳالهه ٻولهه ڪئي ويئي.

 

مختلف شهرن ۾ مذهبي جماعتن جا ميڊيا آفيسن، پوليس ۽ صحافين تي حملا، ڀڃ ڊاهه، باهيون، 7صحافي زخمي

ڪراچي/لاهور/حيدرآباد(نمائندن وٽان/اين اين آءَ/م.ڊ) ڪراچي ۽ لاهور سميت ملڪ جي مختلف شهرن ۾ ممتاز قادري جي ڦاهي خلاف مذهبي جماعتن پاران احتجاجي مظاهرا، مختلف علائقن ۾ ڀڃ ڊاهه ڪئي وئي، صحافين، ميڊيا آفيسن ۽ انهن جي گاڏين تي حملا ڪيا ويا، جڏهن ته پوليس کي به تشدد جو نشانو بڻايو ويو، ڪراچي ۾ گل پلازه، بولٽن مارڪيٽ، لائيٽ هائوس جا دوڪان به بند ڪرايا ويا، ايم اي جناح روڊ تي مڇريل ماڻهن ٽائر ساڙي ۽ صدر اليڪٽرانڪس مارڪيٽ ۾ ڀڃ داهه ڪرڻ بعد دوڪان بند ڪرائي ڇڏيا ان موقعي تي پوليس جي وڏي نفري طلب ڪئي وئي، مڇريل مظاهرين هڪ پوليس اهلڪار کي به تشدد جو نشانو بڻايو ۽ ريلي جي دوران مڇريل ماڻهن موبائيل ۽ موٽر سائيڪل مارڪيٽ به بند ڪرائي ڇڏي، سني تحريڪ سوڌو مختلف مذهبي جماعتن پاران حيدرآباد پريس ڪلب تي حملو،وڏي پئماني تي ڀڃ ڊاهه ڪري 7 صحافين کي زخمي ڪري ڇڏيو،جڏهن ته 3 ليپ ٽاپ هڪ نجي ٽي وي چينل جي لائيو بيگ ۽ 5 موٽرسائڪلن کي به باهه ڏئي ساڙيو ويو. تفصيل مطابق ممتاز قادري جي ڦاهيءِ واري معاملي تي ڪوريج نه ملڻ خلاف حيدرآباد پريس ڪلب تي سني تحريڪ سوڌو مختلف مذهبي جماعتن حملو ڪري پريس ڪلب اندر ڀڃ ڊاهه ڪري لکين رپين جو نقصان ڪري 7 صحافين کي سخت زخمي ڪري ڇڏيو،زخمي ٿيندڙن ۾ امتياز کهاوڙ،عامر پٺاڻ،نياز وگهيو،عميرراجپوت،فهيم ٻٻر،قاضي شاهد ۽ فرحان شامل آهن،جن کي ڳڻتي جوڳي حالت ۾ حيدرآباد سول اسپتال نيو ويو آهي.حملي کانپوءِ پريس ڪلب جي سيڪيورٽي سخت ڪئي وئي .سنڌ جي وڏي وزير سيد قائم علي شاهه ڪراچي ۾ مختلف ميڊيا هائوسز تي ڪيل حملن ۽ شهر جي مختلف علائقن ۾ ڀڃ ڊاهه جو سختيءَ سان نوٽيس وٺندي آءِ جي سنڌ پوليس کي هدايت ڪئي آهي ته ميڊيا هائوسز جي سيڪيورٽي کي هر قيمت تي يقيني بڻايو وڃي. وڏي وزير آج ٽي وي، ايڪسپريس نيوز چئنل، حيدرآباد پريس ڪلب سميت ٻين چئنلز جي گاڏين ۽ دفترن تي ٿيندڙ حملن جي شديد لفظن ۾ مذمت ڪندي چيو آهي ته اليڪٽرانڪ ۽ پرنٽ ميڊيا سان لاڳاپيل سمورن ماڻهن کي سموري ممڪنه سيڪيورٽي فراهم ڪئي وڃي ۽ ملوث جوابدارن کي گرفتار ڪري سخت سزا ٻڌائي وڃي. سنڌ جي وڏي وزير سمورن ڊي آءِ جيز کي به هدايت ڪئي آهي ته اهي پنهنجن لاڳاپيل علائقن ۾ سيڪيورٽي جا ڀرپور انتظامي قدم کڻن ۽ شرپسند عنصرن جي سرگرمين تي ڪڙي نظر رکي وڃي. سنڌ جي وڏي وزير آءِ جي پوليس سنڌ ۽ رينجرز کي سڄي صوبي ۾ سيڪيورٽي جا فول پروف قدم کڻڻ ۽ شهرن اندر پيٽرولنگ ۾ اضافي سان گڏوگڏ اسنيپ چيڪنگ ڪرڻ جي به هدايت ڪندي شرپسند عنصرن کي فوري طور تي گرفتار ڪرڻ جي به هدايت ڪئي. هن چيو ته شهرين جي جان ۽ مال جي تحفظ کي هر قيمت تي يقيني بڻايو وڃي. وزير اعليٰ سنڌ جي اطلاعات بابت صلاحڪار مولا بخش چانڊيو حيدرآباد پريس ڪلب ۽ ڪراچي ۾ نجي ٽي وي چئنلن جي آفيسن تي مظاهرو ڪندڙن پاران حملن جي سخت لفظن ۾ مذمت ڪندي ايس ايس پي حيدرآباد ۽ لاڳاپيل انتظاميا کي صورتحال تي فوري طور تي ضابطو آڻڻ جا حڪم جاري ڪيا آهن. صحافين سان فون تي ڳالهائيندي مولا بخش چانڊيو چيو ته صحافين ۽ صحافتي ادارن تي حملا ڪنهن به صورت برداشت نه ڪيا ويندا. هن حيدرآباد جي سينيئر صحافين خالد کوکر ۽ حامد شيخ سان ڳالهايو ۽ حملي جا تفصيل معلوم ڪيا ۽ کين حڪومت سنڌ پاران صحافتي ادارن ۽ صحافين جي تحفظ جو مڪمل يقين ڏياريو. صلاحڪار مقامي انتظاميا ۽ پوليس کي صحافين ۽ صحافتي ادارن جي تحفظ لاءِ سمورا اُپاءَ وٺڻ جا حڪم جاري ڪيا. صوبائي وزيرن، طارق مسعود آرائين، فياض ٻٽ، ڊاڪٽر قيوم سومرو، سيد ناصر حسين شاهه ۽ ناديه گبول پاران ڪراچي ۽ حيدرآباد ۾ صحافين تي ٿيندڙ حملن جي سخت لفظن ۾ مذمت ڪئي وئي آهي. صوبائي وزيرن پنهنجي گڏيل جاري ڪيل بيان ۾ چيو آهي ته سموري سنڌ جي تمام ميڊيا هائوسز ۽ پريس ڪلبز کي فول پروف سيڪيورٽي فراهم ڪئي ويندي ۽ ڪنهن کي به قانون هٿ ۾ کڻڻ جي اجازت نه ڏني ويندي. واضح رهي ته ڪالهه حيدرآباد پريس ڪلب، ڪراچي ۾ نجي ٽي وي جي ڊي ايس اين جي ۽ آفيس تي شرپسند عنصرن پاران حملا ڪيا ويا آهن، جنهن جي صوبائي حڪومت سخت لفظن ۾ مذمت ڪئي آهي.

ڪهاڻي پويان رڳو مصطفيٰ ڪمال نه، ٻه چار وڏيون شخصيتون ٻيون به هونديون: خورشيد شاهه

سکر (اين اين آءِ) مخالف ڌر اڳواڻ سيدخورشيد شاهه چيو آهي ته ڪهاڻي پويان رڳو مصطفيٰ ڪمال نه آهي ٻه چار وڏيون شخصيتون ٻيون به هونديون تجربو ٻڌائي ٿو ته ڪجهه نه ٿيندو ڪائي تبديلي نه ايندي پارٽِي کي ٽوڙي ڪجهه نئون ڪيو وڃي ٿو ته حمايت نه ڪئي ويندي مقامي علائقي ڪنڌرا ۾ عوامي ميڙاڪي کان پوءِ ميڊيا سان ڳالهائيندي خورشيد شاهه چيو ته ڪنهن تي الزام مڙهڻ سٺي ڳالهه ڪونهي مصطفيٰ ڪمال جا الزام پراڻا آهن جيڪڏهن ايئن آهي ته الطاف حسين کي ڇو نٿو پڪڙيو وڃي هن چيو ته جڏهن 20 سالن کان متحده جي فنڊنگ ٿي رهي هئي ته مصطفيٰ ڪمال ڪٿي هو هو را جو ايجنٽ ڇو بڻيو رهيو هن چيو ته 90 جي ڏهاڪي ۾ ايم ڪيو ايم تي اهڙو وقت آيو هو جڏهن ان کي ختم ڪيو ويو جڏهن ته هو ٻيهر اڀري آئي هن چيو ته سڄي ڪهاڻي پويان رڳو مصطفيٰ ڪمال نه آهي ٻه چار وڏيون شخصيتون ٻيون به هونديون هڪ سوال جي جواب ۾ خورشيد شاهه چيو ته رحمان ملڪ تقرير لکي ڏيندو هو ته پڙهڻ وارا به اهي ئي هئا هن چيو ته سنڌ جي گورنر جو اٺ اسٽيبلشميٽ طرف ويٺو آهي هن چيو ته 20 سالن کان متحده کي فنڊنگ ٿي رهي هئي ته مصطفيٰ ڪمال ڪٿي هو.

 

سينيٽ پي آءِ اي کي پبلڪ لميٽيڊ ڪمپني ۾ تبديل ڪرڻ جو بل رد ڪري ڇڏيو

اسلام آباد (اين اين آءِ) سينيٽ پاڪستان انٽرنيشنلا يئرلائيز ڪارپوريشن کي پبلڪ لميٽيڊ ڪمپني ۾ تبديل ڪرڻ جو بل پاڪستان انٽرنيشنل ايئرلائيز ڪارپوريشن (تبديلي) بل 2015 رد ڪري ڇڏيو جمعي تي اجلاس دوران وفاقي وزير زاهد حامد تحريڪ پيش ڪئي ته پاڪستان انٽرنيشنل ايئر لائينز ڪارپوريشن بل 2015 کي قومي اسيمبلي جي منظور ڪيل صورت ۾ غور هيٺ آندو وڃي جڏهن ته ايوان جي ميمبرن جي اڪثريت تحريڪ جي مخالفت ڪئي ڊپٽي چيئرمين مولانا عبدالغفور حيدري ميمبرن کان تحريڪ جي حق يا مخالفت ۾ جدا جدا راءِ ورتي ته ميمبرن جي اڪثريت ۽ تحريڪ ۽ بل کي رد ڪرڻ جي حق ۾ راءِ ڏني جنهن کان پوءِ رد ڪيو ويو.

 

اڳواٽ ئي چئي ڇڏيو هو ته مارچ ۾ حالتون خراب ٿينديون: منظور وساڻ

ڪراچي (اين اين آءِ) پ پ پ جي اڳواڻ منظور وساڻ چيو آهي ته مان اڳواٽ ئي چئي ڇڏيو هو ته مارچ ۾ حالتون خراب ٿينديون جمعي تي سنڌ اسيمبليٻاهران ميڊيا سان ڳالهائيندي منظور وساڻ وري خواب جون ڳالهيون ڪرڻ شروع ڪري ڇڏيون خواب ڏسي رهيو آهيان ته هالتون خراب ٿينديون ڪجهه ماڻهٿو ايندا ۽ ڪجهه ويندا ۽ هو خواب ۾ ماڻهن کي گرفتار ٿيندي ڏسي رهيو آهي هن چيو ته پيپلزپارٽي پهريان کان به وڌيڪ مضبوط ٿيندي پ پ پ جو ڪوئي نقصان نه ٿيندو نقصان ڪنهن ٻئي جو ٿيندي ڏسي رهيو آهيان.

 

ايم ڪيو ايم جي را سان لاڳاپن بابت پ پ، مشرف ۽ موجوده حڪومت کي به پوري ريت خبر آهي پر ڪارروائي ناهي ٿي:سراج الحق

اسلام آباد(بيورو) جماعت اسلامي جي امير سراج الحق چيو آهي ته ايم ڪيو ايم جي را سان لاڳاپن بابت پيپلز پارٽي، مشرف  حڪومت ۽ موجوده حڪومت کي پوري ريت خبر آهي، جڏهن ته پنهنجي ذاتي مفادن خاطر ڪنهن به حڪومت ان جو ڪو نوٽيس نه ورتو  آهي، جيڪڏهن ڀارتي ڳجهي ايجنسي سان لاڳاپا ۽ فنڊ وٺڻ ڪو ڏوهه ناهي ته مستقبل ۾ را ۽ سي آءِ ايسوڌو ٻين ايجنسين لاءِ ڪم ڪرڻ به ڪو ڏوهه نه هوندو، ايم ڪيو ايم جي اڳوڻي اڳواڻ مصطفيٰ ڪمال پاران ايم ڪيو ايم جي اڳواڻ الطاف حسين تي لڳايل الزامن کانپوءِ عدليا ۽ حڪومت سوڌو سمورن ادارن تي ان جو نوٽيس وٺڻ جي ذميواري لاڳو ٿئي ٿي، اهڙن خيالن جو اظهار هن پارليامنٽ هائوس ٻاهران ميڊيا سان ڳالهائيندي ڪيو، هن چيو ته ايم ڪيو ايم جي اڳوڻي ناظم مصطفيٰ ڪمال پنهنجي پارٽي جي اڳواڻن بابت ڪافي رازن کي فاش ڪيو آهي ، ان کان پهرين به ايم ڪيو ايم سان تعلق رکندڙ ڪيترن ئي ڪارڪنن اهڙي قسم جا انڪشاف ڪيا هئا پر حڪومت اڃا تائين ان سلسلي ۾ ڪا ڪارروائي ناهي ڪئي، هن چيو ته مان نه ٿو سمجهان ته جيستائين ملڪ جي گڏيل صورتحال تبديل نه ٿيندي، ان وقت تائين حالتون مٽجي نه ٿيون سگهن، هن چيو ته مصطفيٰ ڪمال ايم ڪيو ايم جي اڳواڻ الطاف حسين تي جيڪي الزام لڳايا آهن ته ان جو اهو به فرض آهي ته اهي الزام ثابت به ڪري، هن چيو ته ڀارتي ڳجهي ايجنسي را سان لاڳاپن بابت پهرين به الزام لڳايا ويا آهن ۽ هاڻي وري انهن الزامن کي ورجايو ويو آهي، هن چيو ته انهن الزامن کان پوءِ ڏسڻو آهي ته هاڻي سنڌ حڪومت ان سلسلي ۾ ڇا ٿي ڪري يا ملڪ ۾ موجود عدليه ۽ ٻيا ادارا ڪهڙو نوٽيس وٺن ٿا، سراج الحق چيو ته مصطفيٰ ڪمال جي الزامن کي ڏسڻ لاءِ هڪ ڪميشن جوڙي وڃي.

 

سڄي دنيا مان ڀرپور موٽ ملي آهي، هزارن  جي انگ ۾ ڪالز آيون آهن،ماڻهو پڇن پيا ته ٻڌايو ڇا ڪرڻو آهي: مصطفى ڪمال

ڪراچي (اسٽاف رپورٽر) ڪراچي جي اڳوڻي سٽي ناظم مصطفيٰ ڪمال چيو آهي ته پريس ڪانفرنس کانپوءِ سموري دنيا مان ڀرپور رسپانس مليو آهي، هزارن  جي انگ ۾ ڪالز مليون آهن،ماڻهو پڇي رهيا آهن ته ٻڌايو اسان کي ڇا ڪرڻو آهي، ڪراچي ۾ جمعي جي نماز کانپوءِ انيس قائم خاني سان گڏ ميڊيا سان ڳالهائيندي ڪراچي جي اڳوڻي سٽي ناظم مصطفيٰ ڪمال چيو ته نئين پارٽي ٺاهڻ جي اعلان کانپوءِ دنيا جي ڪنڊ ڪڙڇ مان ڪالز آيو آهن، پر مصروفيتن سبب جواب نه ڏئي سگهيو آهيان، ان تي معذرت ٿو ڪريان، مصطفيٰ ڪمال صحافين جي سوالن جا جواب ڏيندي چيو ته منهنجي لاءِ ڪو نالو ننڍو يا وڏو ناهي، سڀ برابر آهن، نه ئي منهنجي لاءِ ڪو باغي يا وفادار آهي، سڀني کي پنهنجي پارٽي جوائن ڪرڻ جي آفر ڪئي آهي، الله ايم ڪيو ايم کي هدايت ڏي، سڀني کي چوان ٿو ته سوچيو ڇا صحيح آهي ڇا غلط آهي، هن چيو ته اسان وڏن نالن کي ٽارگيٽ ناهي ڪيو ،نه ته پهريان لابنگ ڪريون ها، پريس ڪانفرنس ۾ اهو ئي چيو ،جنهن تي پهريان ڳالهه ٿي رهي آهي، ڪنهن قسم جا دستاويز ناهن ڏيکاريا، اسان جي ڳالهه سڀني تائين پهچائڻ لاءِ ميڊيا جو به دل جي گهرائين سان ٿورائتو آهيان، سيڪيورٽي خطرن بابت سوال جو جواب ڏيندي مصطفيٰ ڪمال چيو ته عام ماڻهو جيان اسان کي سيڪيورٽي خطرا آهن پر زندگي ۽ موت الله جي هٿ ۾ آهي، هن چيو ته ايم ڪيو ايم جا ڪارڪن اهو موت ڏسن ته ڪير چئي رهيو آهي، اهو ڏسن ته ڇا چئي رهيو آهي، روق، زندگي  ۽ موت الله ڏيندو آهي، ان لاءِ انسان کان خيرات نه گهرو ۽ نه ئي موت کان ڊڄو، مرڻ کانپوءِ سڀني کي قبر ۾ وڃڻو آهي،هر ڪو پاڻ جوابده هوندو آهي، الله سوال ڪندو ته تون ڇا ڪري آيو آهين؟ ان لاءِ سڀني کي چوان ٿو ته الله کان ڊڄو انسان کان نه ڊڄو، صحافين پاران انيس قائم خاني کان سوال ڪيو ويو ته بلديه فيڪٽري ۾ باهه لڳي يا لڳائي وئي هئي؟ جنهن جي جواب ۾ مصطفيٰ ڪمال ڳالهايو ته اهو سوال توهان جاچ آفيسر کان ڪريو، انيس قائم خاني سوال جو جواب ڏيندي ڪاوڙ ۾ چيو ته بلديه فيڪٽري ڪيس جي جي آءِ ٽي رپورٽ ۾ منهنجو نالو شامل ناهي، مان ان وقت ايم ڪيو ايم جو ڊپٽي ڪنوينر هيس ۽ ان حيثيت سان ماڻهن کي بچائڻ ويندو هيس باهه لڳائڻ نه.

 

رحمان ملڪ جو اڳوڻي ناظم ڪراچي مصطفيٰ ڪمال جي الزامن تي عدالت وڃڻ جو اعلان

اسلام آباد (اين اين آءِ) پ پ پ جي سينيئر اڳواڻ ۽ اڳوڻي گهرو وزير رحمان ملڪ اڳوڻي ناظم ڪراچي مصطفيٰ ڪمال جي الزامن تي عدالت وڃڻ جو اعلان ڪري ڇڏيو آهي هڪ انٽرويو ۾ رحمان ملڪ چيو ته مصطفيٰ ڪمال مون تي بي بنياد الزام مڙهيا سندس پريس ڪانفرنس ڪوڙ تي ٻڌل هئي. مون آڏو ڪڏهن به ايم ڪيو ايم پنهنجن معاملن تي ڳالهه ناهي ڪئي هن چيو ته مان انهن الزامن تي ڪيس تيار ڪرڻ لاءِ پنهنجن قانوني مشيرن کي چئي ڇڏيو آهي هن مصطفيٰ ڪمال کان سوال ڪيو ته اوهان ٻڌايو ته اوهان دبئي ۾ شاهاڻي زندگي ڪيئن گذاري ڇا اوهان کي را پئسا ڏيندي هئي ان چيو ته مان ان ڳالهه جو حلفيه بيان ڏيان ٿو ته مون کي ڪڏهن به الطاف حسين نه چيو ته فلاڻي کي ڇڏيو منهنجي الطاف هسين سميت ايم ڪيو ايم جي ڪيترن ئي اڳواڻن سان ڳالهه ٻولهه ٿيندي هئي هي سموريون ملاقاتون اڳوڻي صدر آصف زرداري جي اجازت سان ٿينديون هيون.

 

عورتن جي تحفظ وارو بل: مولانا فضل الرحمان حڪمت عملي جوڙڻ لاءِ اڄ مذهبي پارٽين جو اجلاس گهرائي ورتو

اسلام آباد (بيورو) جمعيت علماءِ اسلام (ف) جي سربراهه مولانا فضل الرحمان اڄ مذهبي پارٽين جو اجلاس گهرائي ورتو آهي، جنهن ۾ پنجاب اسيمبلي ۾ منظور ٿيل عورتن جي تحفظ واري بل بابت حڪمت عملي ۽ موجوده ملڪي ۽ سياسي صورتحال جو جائزو ورتو ويندو، مولانا فضل الرحمان اجلاس لاءِ علامه ساجد مير ، سرا ج الحق ، ساجد نقوي  ۽ مولانا اويسنوراني سوڌو سمورين مذهبي قيادتن کي شامل ٿيڻ جي دعوت ڏني آهي، ان حوالي سان مولانا فضل الرحمان جو چوڻ هو ته معاشري ۾ جاهلاڻو رويو ۽ تشدد موجود آهي، اسان سڀ ان جو خاتمو چاهيون ٿا،هن چيو ته اسان پهرين ئي چئي ڇڏيو هو ته پنجاب اسيمبلي ۾ منظور ٿيندڙ بل غير شرعي ۽ قانون جي خلاف آهي، اسان ان جي ڀرپور مخالفت ڪريون ٿا ،مولانا فضل الرحمان جو وڌيڪ چوڻ هو ته پنجاب اسيمبلي ۾ عورتن جي تحفظ بابت منظور ڪيل بل ۾ تشدد جي غلط تشريح ڪئي وئي آهي.

 

نيب اسٽيل مل جي اڳوڻي چيئرمين معين آفتاب ۽ ٻين خلاف ريفرنس داخل ڪري ڇڏيو

ڪراچي (اسٽاف رپورٽر) نيب ڪراچي جي احتساب عدالت ۾ اسٽيل مل جي اڳوڻي چيئرمين معين آفتاب شيخ ۽ ٻين خلاف وڌيڪ هڪ ريفرنس داخل ڪرائي ڇڏيو، اسٽيل مل جي اڳوڻي ڊائريڪٽر ڪمرشل ثمين اصغر به ريفرنس ۾ نامزد ڪيو ويو آهي. احتساب عدالت ۾ اسٽيل مل جي اڳوڻَي چيئرمين معين آفتاب شيخ ۽ ٻين خلاف نيب وڌيڪ هڪ ريفرنس داخل ڪرايو آهي، جنهن ۾ اسٽيل مل جي اڳوڻِي ڊائريڪٽر ڪمرشل ثمين اصغر به کي جوابدار نامزد ڪيو ويو آهي.اسٽيل مل جي اڳوڻي چيئرمين معين آفتاب مٿان ڀارت جي هڪ ڪمپني سان هڪ ڏهائي 5 لک ميٽرڪ ٽن ڪچو لوهه جي معاهدي ۾ حڪومت کي 188 ملين رپين کان وڌيڪ جو نقصان پهچائڻ جو الزام آهي.واضح رهي ته نيب طرفان پاڪستان اسٽيل ملز جي اڳوڻي چيئرمين آفتاب معين مٿان بدعنواني جي الزام هيٺ اڳ به هڪ ريفرنس داخل ڪرايل آهي.