تازيون خبرون

Daily Archives: March 1, 2016

فلمساز اداري ساشاآغا کي ٻن نئين ڪمرشل فلمن ۾ سائن ڪري ورتو

ممبئي (شوبز نيوز) مشهور اداڪاره ۽ فنڪاره سلما آغا جي ڌيءَ آداڪاره ۽ ماڊل ساشا آغا جي فني صلاحيتن جو اعتراف ڪندي بالي ووڊ جي هڪ مشهور فلمساز اداري کيس پنهنجي ٻن نئين ڪمرسل فلمن ۾ سائن ڪري ورتو فلم ۾ ساشا سان گڏ بالي ووڊ جا مشهور هيرو هوندا پر فلم جو نالو ڪاسٽ ۽ ٻي معلومات کي باقاعده پريس ڪانفرنس ذريعي منظر عام تي آندو ويندو فلمساز اداري ساشا آغا کي گرين سگنل ڏيڻ کان پوءِ فٽنس ۽ رقص تي خاص توجهه ڏيڻ جون هدايتون ڪيون ساشا آغا ٻڌايو ته محنت ۽ دلچسپي سان جيڪو به ڪم ڪيو وڃي ان جا نتيجا هميشه سٺو نڪري ٿو مون کي پنهنجي صلاحيتن تي مڪمل ڀروسو هو انهيءَ ڪري مون کي ان ڳالهه جو اطمينان هو ته جلد ئي مان سٺي بينر جي فلم ۾ جوهر ڏيکاريندس تنهنڪري مون کي اهو ٻڌائيندي خوشي ٿي رهي آهي ته ايندڙ سال مان بالي ووڊ جي هڪ اهڙي فلساز اداري سان ڪم ڪندي نظر اينديس جنهن سان ڪم ڪرڻ هر مقبول ۽ نئين فنڪار جي خواهش هوندي آهي.

 

ايشوريا راءِ کي واهگا بارڊر تي شوٽنگ جي اجازت ملي وئي

ممبئي (شوبز نيوز) پاڪستان ۾ قيد رهندڙ ڀارتي جاسوس سربجيت سنگهه جي زندگيءَ تي ٺهندڙ فلم ۾ ڪم ڪرڻ واري بالي ووڊ اداڪارا ايشوريا راءِ بچن،رنديپ هوڊا ۽ ريچا چڊا واهگا بارڊ تي شوٽنگ ۾ حصو وٺندا.ڀارتي ميڊيا مطابق ٽئي اداڪارن کي ڪجهه ڏينهن پهرين پاڪ،ڀارت بارڊر تي شوٽنگ ڪرڻي هئي ۽ اجازت نه ملڻ سبب اداڪار پريشاني جو شڪار هئا،جڏهن ته اجازت نه ملڻ جي صورت ۾ فلم ڊائريڪٽر کي ممبئي ۾ واهگا بارڊر جهڙو سيٽ تيار ڪرڻو پئي پيو،جيڪو انتهائي مهانگو هو.پر هاڻي ٻنهي ملڪن جي اختيارين پاران اجازت ملڻ کانپوءِ فلم جي پوري ٽيم ۽ هدايت ڪار سُک جو ساهه کنيو آهي.

 

عامر ۽ ڪوهلي ۾ ڪيترائي يادگار مقابلا ڏسڻ لاءِ ملندا: شعيب اختر

اسلام آباد (اسپورٽس نيوز) اڳوڻو فاسٽ بالر شعيب اختر چيو آهي ته سچن ٽنڊولڪر کي بالنگ ڪرڻ چئلينج هوندو هو ۽ منهنجو خيال آهي ته ڪوهلي ۽ عامر وچ ۾ مستقبل ۾ ٿيندڙ مقابلي به ايترائي دلچسپ هوندا جيئن اسان جي جنگ هلندي هئي هڪ انٽرويو ۾ هن چيو ته هي ٻئي بهترين ڪارڪردگي ڏيکارين ٿا جڏهن هڪ ٻئي جي خلاف کيڏندا ته ان کان بهتر ڪجهه نه هوندو شعيب چيو ته ڪوهلي انڊيا جو سڀ کان بهتر بيٽسمين آهي ۽ عامر جي شموليت سان پاڪستان جو بائولنگ اٽيڪ ڪافي بهتر ٿي ويو آهي. ڪڏهن به هي ٻئي هڪٻئي جي خلاف ايندا ته مزو اچڻ وارو آهي.

 

شاهد خان آفريدي اڄ 36 سالن جو ٿي ويو،دبئي ۾ دوستن سان گڏ جنم ڏينهن ملهائيندو

دبئي (اسپورٽس نيوز) پاڪستاني ڪرڪيٽ ٽيم جو ڪپتان ۽ ڪروڙين دلين تي راڄ ڪندڙ شاهد خان آفريدي اڄ 36 سالن جو ٿي ويو،دبئي ۾ ساٿين سان گڏ 36 هين بهار جو ڪيڪ ڪاٽيندو.بوم بوم جي نالي سان مشهور ٽي ٽوئنٽي ڪپتان شاهد آفريدي پنهنجي جارحاڻي انداز سبب مشهور آهي، شاهد آفريدي بالنگ بيٽنگ ۽ فيلڊنگ سوڌو مڙني ڪرڪيٽ جي شعبن ۾ پنهنجي چاهيندڙن جي دل ۾ اتساهه ڀريندو آهي.پهرين مارچ 1980ع ۾ خيبر ايجنسي ۾ پيدا ٿيندڙ محمد شاهد خان آفريدي پنهنجي عالمي ڪيريئر جي شروعات 2 آڪٽوبر 1996 ع ۾ نيروبي ۾ ڪينيا خلاف ون ڊي ميچ کيڏي ڪري ڪيو.پنهنجي ٻي ميچ ۾ سريلنڪا خلاف 37 بالن تي 100 رنسون ٺاهي تاريخ رقم ڪري ڇڏي،سندس تيز ترين سنچري وارو رڪارڊ 16 سال محفوظ رهيو،جنهن کانپوءِ انگلينڊ بيٽسمين 36 بالن تي 100 اسڪور ڪري شاهد آفريدي جو رڪارڊ ٽوڙي تيز ترين سنچري جو نئون رڪارڊ ٺاهي ورتو.شاهد آفريدي 398 ون ڊي ميچن ۾ 6 سنچريون ۽ 39 ففٽين جي مدد سنا 8064 رنسون ٺاهيون آهن.بوم بوم آفريدي 27 ٽيسٽ ميچون به کيڏي چڪو آهي.لالا آفريدي کي 2009 ع ۾ ٽي ٽوئنٽي ٽيم جو ڪپتان بڻايو ويو هو ۽ اڄ تائين آهي.

 

بي جي پي سرڪار ”ساڄي ڌر جي شدت پسند ثقافت جو اهڃاڻ“: ارشاد ڪاغذي

سن 2014ع ۾ بي جي پي بظاهر ترقي ۽ گڊ گورننس جي نعري جي سهاري اقتدار حاصل ڪيو، پر اڄڪلهه هو ”ثقافتي جهاد“ جي ايجنڊا تي ڪم ڪري رهي آهي. ڀارت جي هڪ مشهور اخبار ۾ بي جي پي جي شدت پسند پاليسين تي هڪ سٺو ۽ حقيقت تي ٻڌل مضمون شايع ٿيو آهي. ليکڪ ڀارت ۾ گذريل اليڪشن جي موقعي تي بي جي پي پاران عوام کي سبز باغ ڏيکاري ”ترقي، سٺا ڏينهن ۽ سٺي حڪمراني“ جي سهڻي نعري تي ووٽ حاصل ڪيا پر هينئر هيءَ پارٽي روزانو جهادي ڪلچر کي هٿي وٺائي رهي آهي ۽ ڪٽرپڻي کي همٿائي وڌائي رهي آهي. ڏٺو ويو آهي ته هر مذهب، ملڪ، سماج ۽ ماڻهن ۾ اهڙي قسم جا شدت پسند هوندا آهن، جيڪي مذهبي، گروهي ۽ ذاتي ڪٽرپڻي جي سهاري ملڪ جي ماڻهن ۾ نفرت ۽ ويڇا پيدا ڪري پنهنجي نسلي، گروهي ۽ شدت پسندي جي پرچار ڪري پنهنجا ذاتي مفاد حاصل ڪندا رهيا آهن. مسلمان، هندو، سک، عيسائي، يهودي وغيره هجن پر هڪ اهڙي خاص سوچ ۽ خيال جي نمائندگي ۽ اظهار ڪندا آهن، جيڪا تعصب ۽ حقارت جي زهر سان ڀريل هوندي آهي. ڀارت ۾ بي جي پي ۽ مودي بظاهر ترقي ۽ گڊ گورننس جي ڳالهه ڪئي ۽ ان کي ميڊيا جي چمڪ سان ايڏي پذيرائي ڏني وئي ۽ بي جي پي جي ماضي جي ڪرتوتن کي ترقي جي تهن ۾ لڪائي پيش ڪيو ويو، پر جڏهن مودي بي جي پي سرڪار اقتدار ۾ آئي ته هن پنهنجي پراڻي ذهنيت جو عملي مظاهرو شروع ڪري ڏنو آهي. اوهان روزانو اخبارن ۽ ميڊيا ۾ پڙهندا ۽ ٻڌندا هوندا ته ڀارت ۾ جيڪو ڪجهه ٿي رهيو آهي، ان جي اوهان کي بخوبي خبر آهي ته ڪهڙي نموني مسلمانن، دلتن، عيسائين ۽ ٻين ٿورائي وارن سان ظلم ٿي رهيو آهي، ٻيو ته ٺهيو، جيڪي سيڪيولر، لبرل طبقا ۽ فورسز آهن، انهن کي ظلم ۽ تشدد جو نشانو الڳ بڻايو وڃي ٿو. بي جي پي ۽ سنگھه پريوار جي ڪٽرپڻي تي ڀارت جا ماڻهو ۽ ليکڪ سخت تنقيد ڪندا رهن ٿا ۽ بي جي پي جي مخصوص شاونسٽ سوچ کي ننديندي اهو چئي رهيا آهن ته هو هندستان جي سيڪيولر سوچ کي بدلائي شدت پسند مذهبي نفرت ۾ تبديل ڪري رهيا آهن. ڀارت جي جمهوري ۽ سيڪيولر ڪلچر کي بي جي پي سرڪار تباهه ۽ برباد ڪري رهي آهي ۽ اتان جي رهواسين ۾ تفرقو پيدا ڪري رهي آهي ۽ اهڙي طرح بي جي پي جي پرڏيهي پاليسي به اڳرائي ۽ شدت پسندي جي ور چڙهي وئي آهي، تنهن ڪري ڀارت پنهنجي پاڙيسرن سان سٺا تعلقات رکڻ کان نابري واري ويٺو آهي.

بي جي پي سرڪار جي اقتدار ۾ اچڻ سان ترقي جي جيڪا رفتار آهي، ان مان اتان جو عوام بنهه خوش ناهي، بي جي پي جهادي ڪلچر جي ڪري سٺا ڏينهن ته نه آيا ۽ نه وري سٺو ماحول جڙي سگھيو، پر اتي برائيون ۽ نفرتون جنم وٺي رهيون آهن، جن جي ڪري مذهبي ڇڪتاڻ وڌي وئي آهي، جيڪا اڳ ۾ ايتري گھڻي نه هئي. جيڪي ماڻهو بي جي پي جي سياست کي ويجهڙائي ۽ چڱي نموني ڏسن ٿا ۽ جن جي اک ان جي ماضي ۽ حال تي آهي، تن جو تجزيو آهي ته بي جي پي پنهنجي جوهر ۾ شدت پسند جماعت آهي ۽ اها هڪ خاص مذهبي شدت پسندي تي عمل ڪري رهي آهي. مسلمانن ۽ ٻين ٿورائي وارن لاءِ هن جي سوچ خالص تنگ نظري تي ٻڌل آهي. جيڪي بي جي پي جي سياست کي ڏسن ۽ سمجهن ٿا، تن کي ڪو تعجب ناهي، ڇاڪاڻ ته بي جي پي جو محور ئي تنگ نظري ۽ شدت پسندي ۾ سمايل آهي. ڀارت ۾ ڳئون جي گوشت جي وڪري تي پابندي، ڳئون کي ڪهڻ جي ڪري ڪيترن ئي مسلمانن کي قتل ڪرڻ، مسلمانن کي هندستان ڇڏي وڃڻ جي ڌمڪي ڏيڻ، مسلمان اداڪارن ۽ پاڪستان جي فنڪارن کي بي عزتو ڪرڻ ۽ ڌمڪائڻ، سمورن مسلمانن کي جهادي ۽ طالبان سمجهڻ، جڏهن ته بي جي پي جي پاليسي به طالبان جيان دهشتگردي تي ٻڌل آهي ۽ نظرياتي محاذ آرائي جي حوصلا افزائي ڪندي کلي عام شوسينا ۽ سنگهه پريوار جي پاليسين کي ڀارت جي ڪنڊڪڙڇ ۾ ڦهلائي، بغض ۽ طرفداري جو اعليٰ نمونو پيش ڪندي مختلف مذهبي ڌرين کي چيڙائي ڇڏيو آهي. جڏهن کان اين ڊي اي جي حڪومت قائم ٿي آهي، تنهن ڏينهن کان وٺي سيڪيولر ۽ لبرل جماعتن ۽ خيالن کي ڌٻائڻ لاءِ غنڊه گردي ڪرڻ شروع ڪئي آهي ۽ ان جا پالتو غنڊه هر ڪنهن جو پٽڪو لاهي ڌوڙ ۾ ملائي رهيا آهن ۽ ڀارت کي ڪٽر مذهبي ۽ جنوني اوڙاهه ۾ اڇلائي رهيا آهن، جن جي ڪري جتي ڪٿي ڦڏن ۽ فسادن ڪر کنيو آهي ۽ ڀارت ۾ رهندڙ مختلف فرقا غير سلامتي جي فضا ۾ ساهه کڻي رهيا آهن. لبرل ۽ جمهوريت پسند اڳواڻن، ڪارڪنن ۽ جماعتن خلاف نظرياتي ۽ ثقافتي جنگ شروع ڪئي وئي آهي، جنهن ۾ بي جي پي ۽ ان جا حمايتي سرڪار جي آشيرواد سان انهن تي حملا ڪندا رهن ٿا.

ڀارت جي ميڊيا ۽ صحافتي حلقن ۽ سول سوسائٽي ۾ گھڻو چوٻول هلي رهيو آهي ته ڀارت سرڪار هڪ خطرناڪ قدم کنيو آهي، جنهن سان جمهوريت، آزادي ۽ انساني حقن جي خلاف ورزي ڪئي ويندي. هڪ اهڙو گندو عمل شروع ڪيو ويو آهي، جنهن جي ذريعي سنسرشپ ۽ ڪارو قانون ماڻهن جي خيالن ۽ ويچارن تي ڪنٽرول ڪندو. مختلف سوشل ميڊيا، ٽيوٽر ۽ ٻين بلاگس جي منفي يا غلط خبرن، پوسٽ ۽ خطن تي نظر رکندو ۽ جيڪو اعتراض جوڳو مواد هوندو تنهن کي ضبط ڪري قدم کنيو ويندو. عوام جي اظهار جي آزادي تي بندش هڻي آمريت ۽ مذهبي جنونيت جي ڇڙواڳي هڪ هٽي ۽ ڪٽرپڻي کي مڪمل ڇوٽ مليل آهي. اهڙي يونٽ جي قائم ڪرڻ جو مقصد سمجهه کان ٻاهر آهي، جيڪو ماڻهن جي اظهار کي دٻائي ڇڏي، جيڪو انساني آزادي لاءِ خطرناڪ ۽ تباهه ڪن ثابت ٿيندو.

ڀارت جا سياسي اڳواڻ، مختلف جماعتون، چونڊيل عيوضي، شاگرد، مزدور، جمهوريت پسند، سيڪيولر ۽ لبرل بي جي پي ۽ ان جي اتحادين جي شدت پسندي کي نندي رهيا آهن ۽ وڏي واڪي چون ٿا ته بي جي پي ڀارت ۾ شدت پسندي جي باهه ٻاري ملڪ ۾ نفرت پکيڙي رهي آهي. سياسي تجزئي نگار ۽ صحافين جو رايو آهي ته نريندر مودي ”سٺن ڏينهن“ جو وعدو ڪيو هو پر هو هاڻي پنهنجي وعدي تان ڦري ويو آهي ۽ جهادي ڪلچر رائج ڪيو آهي، جنهن جي ڪري تعصب ۽ ڪٽرپڻي جي اوڙاهه ۾ هر ڪو ڀسم ٿي ويو آهي. ملڪ ۾ آمريت جو راڄ آهي، جيڪو روزبروز مشڪل پيدا ڪري رهيو آهي. دهشت، وحشت ۽ بربريت جو نظام قائم ٿيندو ۽ مذهبي انتها پسندي ڀارت کي دوزخ بنائيندي. بي جي پي جي قول ۽ فعل ۾ وڏو کليل تضاد آهي، هندستان ۾ آزادي، رواداري، ديش ڀڳتي ۽ ترقي جا يڪسان موقعا فراهم ڪرڻ جي ڪوڙي پروپگنڊه  آهي، پر اصل ۾ حقيقت ان جي ابتڙ آهي، پنهنجي ذاتي، گروهي ۽ شاونسٽ ايجنڊا کي نافذ ڪرڻ عدم رواداري ۽ نفرت جي سياست ڪرڻ، ان جي حوصلا افزائي ڪرڻ ۽ ان کي مڪمل ڇوٽ ڏيڻ اهو ڪم بي جي پي ڪري رهي آهي. ذات پات جو فرق ڪرڻ ۽ ان ڪارڻ حيدرآباد سينٽرل يونيورسٽي جي اسڪالر کي خودڪشي ڪرڻ تي مجبور ڪري ڇڏيو. بي جي پي ۽ ان جي حليف جماعت شيو سينا جي ترجمان اخبار ڀارت جي هڪ اخبار ۾ ديني مدرسن مان عربي ۽ اردو کي نيڪالي ڏئي انگريزي ۽ هندي ۾ پڙهائڻ جي گھر ڪئي آهي. رام مندر جي تعمير ۽ هڪجهڙي سول ڪوڊ جو مطالبو ڪري ڀارت ۾ هندو ازم جي ايجنڊا تي ڪم ڪرڻ آهي. جڏهن ته قانون ۽ آئين ان قسم جي اجازت نٿو ڏئي. اين ڊي اي سرڪار اصل ۾ سنگهه پريوار ۽ هندوتيت جي اثر هيٺ آهي. سماجي بائيڪاٽ جي آڙ ۾ يونيورسٽين ۾ دلت گھٽ ذات وارن جي لاءِ ميس ۽ لائبريري ۾ داخلا بند آهي.

1998ع ۾ بي جي پي جي سرواڻي ۾ شدت پسند ڌڙي ڀارت ۾ سرڪار ٺاهي، جنهن ۾ هندو ڪٽر جماعتون شيوسينا، وي ايڇ ايف ۽ بجرنگ دل شامل هيون. جنهن جو وزيراعظم اٽل بهاري واجپائي ۽ ان ۾ گھرو وزير آڏواڻي هو، جيڪو شيينا جو هو. جنهن جي دور ۾ تعصب ۽ تباهي ٿي. موجوده مودي سرڪار ته ان کان به ٻه هٿ اڳتي آهي، پوري ملڪ کي انتها پسندي جي کوهه ۾ ڦٽو ڪيو ويو آهي. دهلي جي جواهر لال يونيورسٽي ۾ کاٻي ڌر جي شاگرد تنظيمن جو گھڻو اثر آهي، اتي افضل گرو جي حمايت ۾ نعرا هنيا ويا ۽ بي جي پي جي ذيلي تنظيم شاگرد جماعت ”اکيل ڀارتيه وڌيارٿي پريشد“ ٻين شاگردن کي تشدد جو نشانو بنايو ۽ پوليس لٺ بازي ڪئي ۽ يونين جي اڳواڻ ڪنيا ڪمار کي گرفتار ڪيو ويو ۽ غداري جو ڪيس داخل ڪيو ويو. ڀارت سرڪار جي گھرو وزير راج ناٿ سنگھه بنا سوچي سمجهي چيو ته دهلي يونيورسٽي جي واقعي پٺيان پاڪستان ۽ دهشتگرد تنظيم لشڪر طيبه ۽ حافظ سعيد جي حمايت ۽ هٿ آهي، ان قسم جا غير سنجيدگي ۽ ٻاراڻا بيان ڏئي بي جي پي وارن پنهنجي انتها پسندي جي روش ظاهر ڪئي. بي جي پي هندوتيا ۽ انتها پسندي کي پال مارشل ، سينئر فيلو سينٽر فار رليجس فريڊم هڪ تجزئي ۾ هن ريت چيو آهي ته: ”سيپٽمبر 2011ع بعد دنيا جي توجهه ۽ ڌيان اسلامي شدت پسندي ڏانهن مرڪوز ٿيل آهي، پر هندو انتها پسندي ۾ پرتشدد لاڙن کي امريڪا نظرانداز ڪندو رهيو آهي. ڀارت ۾ اهي پرتشدد ڪاروايون جيڪي هندو انتها پسند حڪومت جي آشيرواد سان ٿي رهيون، جن کي موجوده ڀارت جي سرڪار ڀارتيه جنتا پارٽي جي مدد ۽ حمايت حاصل آهي.“ هن مثال ڏئي سمجهايو آهي ته ڀارت ۾ عيسائين ، مسلمانن ۽ گھٽ ذات وارن کي قتل ۽ ظلم جو نشانو بنايو ويو آهي. هو ٻڌائي ٿو ته هڪ آسٽريليا جو مشينري گرام اسٽينس جيڪو ٽن ڏهاڪن کان ڪوڙهه جي مريضن جو علاج ڪندو هو تنهن کي اوڙيسا ۾ زنده جلايو ويو. گجرات ۾ حملي دوران 2 هزارن کان وڌيڪ مسلمانن کي قتل ڪيو ويو، جنهن ۾ مودي ملوث هو. لالو پرساد ياديو، مودي کي ڪاري نانگ سان ڀيٽ ڏيندي چيو هو ته ” مودي ڪارو نانگ آهي، جيڪو معاشري ۾ زهر ڦهلائي رهيو آهي.“ واقعي ڀارت ۾ هن جي ايامڪاري ۾ سٺن ڏينهن، خوشحالي ۽ ترقي بدران تباهي ۽ تنزلي ٿي رهي آهي، تعصب، عدم رواداري ۽ انتها پسندي ۾ گھڻو اضافو ٿي ويو آهي ۽ ڀارت جي قومي سوچ، سيڪيولرزم ۽ جمهوري روايتن کي تباهه ۽ برباد ڪيو ويو آهي. ان جي خلاف ڀارت جا باشعور عوام ۽ جماعتون مقابلو ڪري رهيون آهن.

*******

 

در گاهه ناگو شاهه: محمد رفيق چنا دادو

سنڌ ڌرتي جنهن جي مٽي ۾ ڪيترائي صوفي ۽ درويش ابدي آرامي آهن انهن درويشن هميشه امن آشتي ۽ ڀائيچاري لاءِ ڪوششون ڪيو ۽ بنا ڪنهن مذهبي متڀيد جي انسانيت جو درس ڏنو انهن درويشن جي تعليم جي ڪري ئي سموري دنيا ۾ سنڌ جي سڃاڻپ هڪ امن پسند قوم آهي ۽ ڪيترائي اهڙا ناميارا درويش ۽ شاعر ٿي گذريا آهن جيڪڏهن انهن جو ذڪر ڪنداسين ته مضمون تمام گهڻو ٿي ويندو تنهنڪري اڄ پاڻ هڪ اهڙي بزرگ هستي جو ذڪر ٿا ڪريون نانگو شاهه جي مزار دادو شهر کان ڏيڍ ڪلوميٽر پنڌ تي اوڀر ۾ آهي. هن درويش جي باري ۾ ڪابه صحيح معلومات نه ملي سگهي آهي ڪن بزرگن جو چوڻ آهي ته نانگو شاهه سترهين صدي وچ ڌاري ڳوٺ سيال لڳ اچي ديرو ڄمايو. گهڻا ماڻهو نانگي شاهه کان دعائون گهرائيندا هئا ۽ من جون مرادون پوريون ڪري واپس ورندا هئا. نانگي شاهه جي صحيح نالي جي ڪابه معلومات نه ملي سگهي آهي. پر روايت آهي ته سائين ناگو شاهه اصل اچ شريف جو هيو، پاڻ مختصر لباس اوڍيندا هئا. ان ڪري سندس مٿان نانگو شاهه نالو پئجي ويو. نانگي شاهه جي مٿان مقبرو ٺهيل آهي. سائين ناگو شاهه جي مزار مٿان قوبي جي تعمير قادري طريقي جي ماڻهن ڪرائي جن جو تعلق ٽنڊي الهه يار سان آهي باقي درگارهه جو ڪم مرحوم ايم اين اي سردار محمد بخش جمالي ۽ اڳوڻي سينئير ۽ سنڌ جي تعليم جي وزير پير مظهرالحق جي ڪوششن سان تعمير ٿي هر سال مزار تي. ساليانا ميلو رجب مهيني جي 12 تاريخ تي لڳندو آهي هر مهيني جي 14 لڳندي آهي، ڳوٺ سيال جا پيرسن ٻڌائين ٿا جن ۾ محمد عارب ولد غلام محمد کوکر اصل رهاڪو دادو ڀرسان ڳوٺ سيال جو آهي اهو ٻڌائي ٿو آءِ پنهنجي والد غلام محمد کوکر ۽ پنهنجي وڏڙن کان ٻڌندا هياسين ڌڻي بخش سيال ڳوٺ ڀرسان مشهور درگاهه ناگو شاهه آهي، جيڪو جتي سائين جي درگاهه آهي اتي وڏي ڪنڊي هئي،

ڪنڊي هيٺان سائين رهائش اختيار ڪئي اتي زمين اندر چوطرف سائين جي ليڪو ڪڍيو، جنهن زمين جا مالڪ سرائي ڌڻي بخش سيال هيو ان زمين تي هڪ کوهه هيو جنهن جو پاڻي کارو هيو ۽ پيئڻ جي لائق نه هيو، جڏهن سرائي ڌڻي بخش سيال سائين ناگو شاهه وٽ پهتو ته سائين سرائي ڌڻي بخش سيال کي چيو ان کوهه مان پاڻي پيار سرائي ڌڻي بخش سيال چيو سائين پاڻي کارو آهي سائين جواب ڏنو پاڻي مٺو آهي تون پيار جڏهن سرائي ڌڻي بخش سيال سائين جي حڪم تي سائين ناگي شاهه کي پاڻي پياريون ته کارو پاڻي مٺو ٿي ويو اها ان وقت جي ڳالهه آهي، هن وقت خارش جا مريض کوهه جي پاڻي سان ويهجن ٿا ته سندن خارش ختم ٿي وڃي ٿي ۽ انهن کي شفا ملي ٿي، جسم تي پاتل ڪپڙا کوهه ڀرسان لوڙهي تي رکن ٿا، ۽ نوان ڪپڙا پائي هليا وڃن ٿا سيال ڳوٺ جو رهواسي غلام حيسن چانڊيو سڀ کان پهريان در گاهه ناگو شاهه تي ميلو ڪرايون هيو جيڪي اڄ سڄي سنڌ ۾مشهور آهي جنهن ۾سرڪس، چوڏول، ڦرڻيون ۽ ناٽڪ لڳندا آهن. ملاکڙو به لڳندو آهي جتي ملهه پهلوان پنهنجي فن جو مظاهرو ڪندا آهن هن درگاهه جو متولي گل شير کوکر فقير هو جيڪو وفات ڪري ويو آهي ان کان پوءِ سائين جي خدمت لاءِ سيال ڳوٺ جو رهواسي برادي فقير پهتو، جيڪو سالن کان درگارهه جو خدمت گذار رهيو برادي فقير جي فوت ٿيڻ بعد برادي فقير جا ٻه پٽ گل محمد ۽ در محمد جيڪي اڄ به درگاهه جا خدمت گذار فقير آهن، جن جا گهر درگاهه اڳيان آباد آهن فقير ٻڌائين ٿا ته سائين ناگو شاهه جو جڏهن وصال ٿيڻ وارو هو ته سائين وصيت ڪئي اتر طرف کان هڪ درويش ايندو جيڪو منهنجي درگاهه تي رهندو ۽ وصال ٿيڻ بعد ان درويش کي مون سان گڏ جاءِ ڏيجو اهو درويش سائين نصير شاهه هيو سائين جن جي وصال ٿيڻ بعد درگاهه تي پهتو، جنهن جي مزار سائين ناگو شاهه سان گڏ آهي، سائين نصير شاهه جو سائين ناگو شاهه سان ڪهڙو تعلق يا رشتو هيو ان جي خبر نه آهي ، درگاهه تي ايندڙ ماڻهن لاءِ ڪا به سهولتن نه آهي پوليس پوسٽ سميت هتي هڪ مسافر خاني سميت پيئڻ جي صاف پاڻي جي سهولتن جي سخت ضرورت آهي ته جيئن درگاهه هر وقت ماڻهن سان آباد رهي.

 

28 سالن بعد ٿيندڙ آدمشماري وري ملتوي

هن وقت تائين پاڪستان ۾ ڪل 5 آدمشماريون ٿي چڪيون آهن، ۽ آخري آدمشماري 1988 ع ۾ ٿي هئي، آدمشماري جيئن ته هر ڏهين سال ڪرائڻ آئيني گهرج آهي، پر بدقسمتيءَ سان اسان وٽ ائين ٿيڻ ممڪن ناهي رهيو، اهو ئي سبب آهي جو جيڪا آدمشماري 2008 ع ۾ ۾ ٿيڻي هئي، سا ڏهن بدران سترهن سال دير سان يعني هلندڙ مهيني رٿيل هئي، جيڪا به ملتوي ٿي وئي آهي، جنهن کي قطعي طور سٺو سنوڻ، چڱو ڪم يا  عمل نه ٿو سڏي سگهجي. هتي آدمشماريءَ بابت سنڌ جو پختو ۽ اثرائتو موقف هو ته آدمشماري ڪنهن به صورت ۾ ملتوي نه ٿيڻ گهرجي، پوءِ ڀلي اها مرحليواري ٿي ڇو نه ڪرائي وڃي، بلوچستان جو موقف سنڌ جي موقف جي بلڪل ابتڙ هو، بلوچ قومپرستن جو چوڻ هو ته بلوچستان ۾ ڌرتي جي يلغار سبب ڌرتي ڌڻين يعني بلوچن جي اقليت ۾ تبديل ٿيڻ جو انديشو آهي، تنهن ڪري ڌارين کي نيڪالي ڏئي پوءِ آدمشماري ڪرائي وڃي ۽ انهيءَ لاءِ  آدمشماري ملتوي ڪئي وڃي، سوچئي سگهجي ٿو ته آدمشماري ملتوي ٿيڻ ڪري هڪ حوالي سان بلوچستان جي قومپرست ڌرين جو مطالبو ڄڻ پورو ٿيو آهي. جيتريقدر سنڌ جو تعلق آهي ته ڌاري آبادي بلوچستان کان به وڌيڪ سنڌ لاءِ سنجيدهه مسئلو آهي، ڇو ته ننڍي کنڊي جي ورهاڱي کان وٺي هڪ رٿا بنديءَ تحت سنڌ خاص ڪري سنڌ جي راڄداڻي ڪراچيءَ کي وڻ وڻ جي ڪاٺيءَ جو  آماجگاهه بڻايو ويو، بهاري، برمي، بنگالي، افغاني مطلب ته لکين ڌاريا اڄ به غير قانوني طور هن شهر ۾ رهن ٿا ۽ کانئن ڪير پڇڻ لاءِ تيار ناهي ته هو ڇو ۽ ڪيئن آيا؟ نه وري سندن خلاف اهڙي ڪا ڪارروائي ٿيندي نظر اچي رهي آهي، جنهن تحت کين واپس موڪليون وڃي رهيو هجي نه رڳو ايترو ملڪ جي ٻين صوبن جي ماڻهن جو رُخُ ٻه رزقَ، روزگار سانگي سنڌ ڏانهن پئي رهيو آهي ۽ جيڪي هتي اچي ٿو، سو واپس وڃڻ لاءِ تيار ئي نه ٿو ٿئي. اُهو ئي سبب آهي جو سنڌ، يعني سنڌ جون سياسي ۽ مذهبي ڌريون آدمشماريءَ کي زندگي ۽ موت جو مسئلو پئي قرار ڏينديون رهيون آهن. تاريخي طور ڏٺو وڃي ته 1843ع ۾  انگريزن جڏهن سنڌ فتح ڪئي هئي ان وقت ڪراچيءَ ۾ جيڪا به ۽ جيتري به آبادي هئي سا سئو سيڪڙو مقامي سنڌي ماڻهن جي آبادي هئي، جڏهن ته ننڍي کنڊ جي ورهاڱي وقت جيڪا لڏپلاڻ ٿي، ان جو سڄو بارُ به سنڌ تي ۽ سنڌ جي راڄڌانيءَ تي پيو ۽ مقامي ماڻهو يا ائين کڻي چئجي ته ڌرتي ڌڻي اقليت ۾ تبديل ٿيندا ويا، اهو ئي سبب آهي جو اڄ هِنَ شهر جا کوڙ دعويدار آهن ۽  ڌرتي ڌڻين کان اهڙا سوال ٿيندا رهن ٿا، ڄَڻُ اُهي هن ڌرتيءَ جا وارث نه پر ڌاريا هجن. اهڙي صورتحال جي ڪري ئي سنڌ، آدمشماريءَ کي زندگي ۽  موت جو مسئلو پئي قرار ڏيندي رهي آهي. ملڪ جي مجموعي آمدنيءَ جو  سٺ سيڪڙو کان مٿي حصو سنڌ ڏئي ٿي، جيڪو وفاقي ورڇ جوڳي پولَ ۾ جمع ٿئي ٿو ،  ائين ٻين صوبن جي آمدني به انهيءَ پولَ ۾ جمع ٿئي ٿي پر انهيءَ ڪهاڻيءَ مان حصي پتيءَ جو جڏهن وارو اچي ٿو ته اهو، جنهن جيترو ڪمايو يعني آمدنيءَ بدران، آباديءَ جي بنيادَ تي ڏنو وڃي ٿو، يعني جنهن صوبي جي آبادي وڌيڪ ان کي حصو به ايترو ملندو. سو اين ايف سي ايوارڊ ذريعي وفاقي ورڇ جوڳي پول مان ڪمائيءَ/آمدنيءَ جي ورڇ ۾ سنڌ گهاٽي ۾ وڃي ٿي،  سنڌ جو ڳچ عرصي کان مطالبو پئي رهيو آهي ته وسيلن جي ورڇ  آبادي نه پر آمدنيءَ جي بنياد تي ڪئي وڃي پر ان مطالبي تي اڃا ڪو ڌيان ناهي ڌريو ويو.

 

مارچ ۾ رٿيل آدمشماري ملتوي، نئين تاريخ جو فيصلو آپريشن ضرب پورو ٿيڻ کانپوءِ ڪيو ويندو: گڏيل مفادن واري ڪائونسل

اسلام آباد (بيورو) گڏيل مفادن واري ڪائونسل مارچ ۾ رٿيل آدمشماري اڻڄاتل مدي تائين روڪي ڇڏي آهي،سنڌ سوڌو سڄي ملڪ ۾ 15 مارچ کان آدمشماري ۽ گهرشماري ڪرائڻ جو فيصلو ڪيو ويو هو پر ان تمام گهڻي اهميت واري معاملي کي اڄ وزيراعظم نواز شريف جي صدارت هيٺ گڏيل مفادن واري ڪائونسل جي ٿيل اجلاس ۾ اڻڄاتل مدي تائين روڪڻ جو فيصلو ڪيو ويو آهي،ذريعن مطابق وزيراعظم نواز شريف جي صدارت هيٺ گڏيل مفادن واري ڪائونسل جي ان اجلاس ۾ چئني صوبن جا وڏا وزير ۽ ٻيا لاڳاپيل ميمبر شامل ٿيا، آدمشماري ۽ گهرشماري جي معاملي تي سنڌ پنهنجو موقف پيش ڪندي مقرر وقت تي آدمشماري ڪرائڻ لاءِ زور ڀريو پر اجلاس ۾ اهو مطالبو رد ڪيو ويو، ذريعن مطابق اجلاس ۾ چيو ويو ته پاڪ فوج سوڌو سيڪيورٽي فورسز هن وقت آپريشن ضرب عضب ۽ دهشتگردن خلاف ڪاررواين ۾ رڌل آهي، جنهن ڪري سيڪيورٽي اهلڪار آدمشمناري ۽ گهرشماري جي ڊيوٽين لاءِ موجود نه هوندا، اجلاس ۾ تفصيلي غور ويچار کانپوءِ مارچ ۾ رٿيل آدمشماري ۽ گهر ڳڻپ روڪيندي فيصلو ڪيو ويو ته آدمشماري لاءِ نئين تاريخ جو فيصلو آپريشن ضرب عضب پورو ٿيڻ کانپوءِ ڪيو ويندو. گڏيل مفادن واري ڪائوپنسل جي اجلاس ۾ پاڪ – چين معاشِي لنگهه، دهشتگردي، قومي ايڪشن پلان، توانائي بحران، اين ايف سي ايوارڊ، بجلي ۽ گئس جي لوڊشيڊنگ توِڙِي ٻيا معاملا به غور هيٺ آيا، ذريعن مطابق اجلاس ۾ ٿيل فيصلن بابت ميڊِيا کي تفصيلي بريفنگ ڏني ويندي.

 

سلمان تاثير جي قاتل ممتاز قادري کي ڦاهي ڏني وئي،ملڪ ۾ احتجاجي مظاهرا، ڌرڻا، سيڪيورٽي سخت

اسلام آباد/راولپنڊي/لاهور/ڪراچي (نمائندن وٽان) پنجاب جي اڳوڻي گورنر سلمان تاثير جي قاتل ممتاز قادري کي ڦاهي ڏني وئي، ممتاز قادري کي گذريل رات اسر ويل راولپنڊِي جي اڊيالا جيل ۾ ڦاهي چاڙهيو ويو، ان موقعي تي جيل اندر ۽ ڀرپاسي سيڪيورٽي جا انتظام تمام گهڻا سخت ڪيا ويا هئا ۽ ڪنهن به اڻ لاڳاپيل ماڻهو کي جيل ڏانهن اچڻ جي اجازت نه هئي، ممتاز قادري موت جي سزا خلاف صدر کي رحم جي اپيل ڪئي هئي، جيڪا رد ٿيڻ کانپوءِ سندس بليڪ وارنٽ جاري ٿيا ۽ کيس ڦاهي ڏني وئي، ضروري ڪارروائي کانپوءِ ممتاز جومڙهه سندس وارثن حوالي ڪيو ويو، جيڪي اباڻي شهر صادق آباد کڻائي ويا، هوڏانهن ممتاز قادري جي موت واري سزا خلاف مذهبي تنظيمن پاران مختلف شهرن ۾ احٽجاج ڪيو پيو وڃي، لاهور ۾ شاهدره موٽروي تي سندس غائباڻي جنازي نماز پڙهي وئي ۽ ٽائر ساڙِي روڊ بلاڪ ڪيو ويو، راولپنڊي ۾ ميٽرو بس ٽريڪ تي غائباڻي جنازي نماز پڙهي وئي، حيدرآباد جي مختلف علائقن ۾ پڻ ٽائر ساڙي احتجاج ڪيو ويو، واضح هجي ته ممتاز قادري 4 جنوري 2011ع تي اڳوڻي گورنر سلمان تاثير کي اسلام آباد جي ڪوهسار مارڪيٽ ۾ فائرنگ ڪري قتل ڪيو هو. حيدرآباد ۾ پنجاب جي اڳوڻي گورنر سلمان تاثير جي قاتل ممتاز قادري کي ڦاهي ڏيڻ خلاف سني تحريڪ جي سڏ تي حيدرآباد ۽ لطيف آباد ۾ شٽربند هڙتال، جڏهن ته قاسم آباد سميت حيدرآباد جي سنڌي ڳالهائيندڙ علائقن ۾ هڙتال جي سڏ کي موٽ نه ملي، مختلف مذهبي تنظيمن طرفان حيدرآباد پريس ڪلب سامهون احتجاجي مظاهرو ڪيو ويو. حيدرآباد پريس ڪلب سامهون جمعيت علماءِ پاڪستان نوراني گروپ، جماعت اسلامي ۽ حيدرآباد هولسيل فارما اونرز ايسوسيئيشن پاران ممتاز قادري کي ڦاهي ڏيڻ خلاف ڌار ڌار احتجاجي مظاهرا ڪيا ويا. احتجاجي مظاهرن کي خطاب ڪندي جي يو پي جي سربراهه مولانا صاحبزاده ابوالخيرمحمد زبير، محمد خالد قادري، ناظم علي آرائين، جماعت اسلامي حافظ طاهر مجيد، ڊاڪٽر سيف الرحمان ۽ هول سيل فارما ايسوسيشن حيدرآباد غلام حسين ميمڻ ۽ ٻين ممتاز قادري جي ڦاهيءَ کي غيراسلامي ۽ شرمناڪ عمل قرار ڏيندي، ان کي حڪمرانن پاران پنهنجي مغربي آقائن کي خوش ڪرڻ جو عمل ڪوٺيندي چيو ته نواز حڪومت جا ڏينهن پورا ٿي چڪا آهن، شهيد ممتاز قادري هڪ گستاخ رسول کي قتل ڪري رب آڏو وڃي سرخروح ٿيو آهي هنن چيو ته ملڪ جي عوام ظالم حڪمرانن کان بيزار ٿي چڪي آهي، هنن چيو ته ممتاز قادري جي شهادت رائيگان نه ويندي حڪومت جا ڏينهن ڳڻجي چڪا آهن، هنن چيو ته اسلام آباد ۾ جاري ملي يڪجهتي ڪائونسل جي اجلاس جي فيصلن تحت آئينده جي حڪمت عملي جو اعلان ڪيو ويندو. عوام ملي يڪجهتي ڪائونسل جي فيصلي تائين پنهنجي جذبن کي ضابطي ۾ رکي.اڳوڻي گورنر سلمان تاثير جي قاتل ممتاز قادري کي ڦاهي ڏيڻ خلاف اسلام آباد ۽ راولپنڊي سميت ملڪ جي مختلف شهرن ۾ مظاهرا ڪيا ويا، احتجاج سبب راولپنڊي ۽ اسلام آباد ۾ ميٽرو بس سروس بند ڪئي وئي، مظاهرو ڪندڙن اسلام آباد کي ڳنڍيندڙ وڏي شاهراهه ايڪسپريس هاءِ وي ۽ فيض آباد پل کي بند ڪري ڇڏيو، ٽائرن کي باهيون ڏنيون، ٽريفڪ معطل ٿي وئي، تفصيلي اڳوڻي گورنر سلمان تاثير جي قاتل ممتاز قادري کي ڦاهي جي خبر نشر ٿيڻ کانپوءِ ملڪ جي مختلف علائقن ۾ احتجاج شروع ٿي ويا، ڪراچي ۾ غريب آباد جي علائقي جي رهواسين ممتاز قادري جي ڦاهي خلاف احتجاج ڪيو ۽ حسن اسڪوائر کان لياقت آباد ويندڙ رستو بند ڪري ڇڏيو جنهن سبب اسٽيڊيم روڊ تي سخت ٽريفڪ جام ٿي وئي، لاهور ۾ احتجاج سبب ميٽرو بس سروس معطل ڪئي وئي، شهر ۾ 144 لاڳو ڪري جلسن ۽ جلوسن جي اهتمام تي پابندي مڙهي وئي آهي، شاهه درهه چوڪ ۾ به ممتاز قادري کي ڦاهي خلاف احتجاج ڪيو ويو، راوي پل تي پوليس جي ڳري نفري مقرر رهي، حيدرآباد ۾ ممتاز قادري جي ڦاهي خلاف سني تحريڪ جي ڪارڪنن احتجاج ڪيو، ڪارڪنن اسڪول ۽ دڪان بند ڪرائي ڇڏيا، ممتاز قادري جي ڦاهي کانپوءِ اهڙن ڪيترن ئي ماڻهن کي تحويل ۾ وٺيو ويو جيڪي ملڪ ۾ ممتاز قادري بچايو مهم هلائي رهيا هئا، راولپنڊي جي دهشتگرد ٽوڙ عدالت ممتاز قادري کي ڏوهه ثابت ٿيڻ تي 2011 ۾ 2 ڀيرا موت جي سزا ٻڌائي هئي.

 

 

وزير اعظم ڌارين کي آدمشماري ۾ شامل نه ڪرڻ جو اعلان ڪيو آهي: سنڌ حڪومت

ڪراچي(اي پي پي) گڏيل مفادن واري ڪائونسل جي اجلاس ۾ سنڌ جي وڏي وزير سنڌ جي مسئلن جي حوالي سان ڀرپور نموني موقف پيش ڪيو، جنهن تي وزيراعظم مسئلا حل ڪرڻ جي خاطري ڪرائي آهي ۽ سنڌ حڪومت ۽ 32 سياسي جماعتن جي مطالبي تي وزيراعظم صوبي اندر ڌارين کي آدمشماري ۾ شامل نه ڪرڻ جو اعلان ڪيو آهي. وزيراعليٰ هائوس مان جاري ڪيل بيان ۾ چيو ويو آهي ته سنڌ جي وڏي وزير اجلاس ۾ ڪراچي ۾ منعقد ٿيل اي پي سي اجلاس جون سفارشون به سي سي آءِ ۾ پيش ڪيون. جنهن ۾ 32 جماعتن سنڌ مان 30 لک افغانين، برمين ۽ ٻين کي آدمشماري ۾ شامل نه ڪرڻ ۽ انهن کي جلد واپس موڪلڻ جي سفارش ڪئي، جنهن تي وزير اعظم32 جماعتن جي سفارشن جو احترام ڪندي چيو ته ڌارين کي آدمشماري ۾ شامل نه ڪيو ويندو. پاڪستان جي وزير اعظم آدمشماري وارو فيصلو ايندڙ سي سي آءِ اجلاس تائين ملتوي ڪري ڇڏيو. ڇاڪاڻ ته هن وقت فوج آپريشن ضرب عضب سميت دهشتگردن خلاف جنگ ۾ مصروف آهي. سنڌ جي وڏي وزير چيو ته سنڌ کي اسلام آباد کي پاڻي ڏيڻ تي اعتراض نه آهي پر ڪراچي کي به سمورا صوبا پنهنجي حصي جو پاڻي ڏين. اسلام آباد وانگر ڪراچي ۾ به سڄي ملڪ مان آيل ماڻهو رهندا آهن. جنهن تي وزير اعظم ٽنهي صوبن جي وڏن وزيرن کي پنهنجيون سفارشون ايندڙ اجلاس ۾ پيش ڪرڻ جي هدايت ڪئي. سنڌ جي وڏي وزير وزارت پيٽروليم طرفان سنڌ جي ٻن تيل فيلڊن کي سدرن ڪمانڊ مان ڌار ڪري ناردرن ڪمانڊ کي ڏيڻ واري فيصلي تي به احتجاج ڪيو. پاڪستان جي وزير اعظم وزارت پيٽروليم تحت چئني صوبن جي ناڻي وارن وزيرن تي ٻڌل ڪميٽي جوڙڻ جي هدايت ڪئي جيڪا ان مامري کي حل ڪندي. سنڌ جي وڏي وزير طرفان لوڪل گورنمينٽ وارو مسئلو اٿارڻ تي وزير اعظم چيو ته ان مسئلي تي سي سي آءِ جي ايندڙ اجلاس ۾ فيصلو ڪيو ويندو. سنڌ جي وڏي وزير سيد قائم علي شاهه جي حيسڪو ۽ سيپڪو خلاف شڪايتن تي وزير اعظم بجلي ۽ پاڻي واري وفاقي وزير کي هدايت ڪئي ته مسئلي کي حل ڪيو وڃي. سنڌ جي وڏي وزير چيو ته جيڪڏهن ڪجهه ماڻهو بجلي جا بل ادا نه ٿا ڪن ته حيسڪو ۽ سيپڪو وارا سموري ڳوٺ يا علائقي جو ٽرانسفارمر لاهي ٿا وڃن.