تازيون خبرون

Daily Archives: February 20, 2016

پٺاڻ ڪوٽ ايئربيس حملي جو ڪيس گوجرانوالا ۾ داخل، ڀارت کي شڪن مان نڪرڻو پوندو: راڻا ثناءُ الله

گوجرانوالا (م.ڊ) دهشتگردي ٽوڙ کاتي ڀارتي ايئربيس پٺاڻ ڪوٽ تي دهشتگردن جي حملي جو ڪيس گجرانوالا ۾ اڻڄاتل ماڻهن مٿان داخل ڪري ڇڏيو.ڪيس ۾ جاچ(جي ئي ٽي) ڪندي،پٺاڻ ڪوٽ ايئربيس حملي جو ڪيس پاڪستان جي گهرو کاتي جي ڊپٽي سيڪريٽري اعتزاز الدين جي فرياد تي داخل ڪيو ويو.سي ٽي ڊي مطابق ڪيس 302،324،109 ۽ 7 ايي ٽي اي قانون مطابق داخل ڪيو ويو،ڪيس ۾ چيو ويو آهي ته ڀارتي سيڪيورٽي اختيارين ٻڌايو آهي ته حملو ڪندڙ پاڪستان مان آيا هئا،جن پٺاڻ ڪوٽ ايئربيس تي حملو ڪيو،جنهن ۾ 7 ڄڻا مارجي ويا آهن. صوبائي وزير راڻا ثناءُ الله چيو آهي ته پاڪستان پٺاڻ ڪوٽ واقعي جو ڪيس داخل ڪري پنهنجي سنجيندگي ظاهر ڪري ڇڏي، ڀارت کي شڪ ۽ وهم نه ڪرڻ گهرجن، اپيڪس ڪميٽي ۾ دهشتگردي جي مڙني قسمن تي ڳالهايو وڃي ٿو، دهشتگردي ان وقت ختم ٿيندي، جڏهن ڀارت، افغانستان به هڪ پچ تي هوندا، پنجاب اسيمبلي جي اڱڻ ۾ ميڊيا سان ڳالهائيندي هن چيو ته پٺاڻ ڪوٽ حملي جي حوالي سان ڀارت پاران ڏني ويندڙ شروعاتي معلومات سبب پاڪستان ڪيس داخل ڪيو جيڪو دهشتگردي خلاف پاڪستان جي سنجيندگي کي ظاهر ڪري ٿو، هن چيو ته سرحد پار واقعي جي جاچ بابت جوائنٽ انويسٽيگيشن ٽيم ٺهندي، جنهن ۾ سمورا عسڪري ۽ سول لا انفورسنگ ۽ انٽيليجنس ايجنسي جا ماڻهو هوندا، ڀارت کي شڪ نه ڪرڻ گهرجي، پر ڀارت پاران وڌيڪ ثبوت ڏنا ويا ته وڌيڪ ڪارروائي ڪنداسين.

 

سپر اسٽار بڻجڻ لاءِ ڏکئي وقت مان گذرڻو پوي ٿو:شاهه رخ خان

ممبئي (شوبز نيوز) بالي ووڊ اداڪار شاهه رخ خان جو چوڻ آهي ته سپر اسٽار بڻجڻ لاءِ وڏي ڏکئي سفر مان گذرڻو پوي ٿو،پر انهيءَ مقام تي پهچي هڪ اداڪار هر گذرندڙ ڏينهن سان گڏ اصل زندگيءِ کان گهڻو پري وڃي ٿو.ڪنگ خان جو چوڻ هو ته هر ماڻهو ڪنهن نه ڪنهن جو مداح هوندو آهي ۽ مان اميتاب بچن جو پرستار آهيان.شاهه رخ خان جو چوڻ هو ته سپر اسٽار ٿيڻ ڪو سولو ڪم  ناهي،هي سفر انتهائي ڏکيو ۽ مشڪل هوندو آهي.

 

 ريتڪ روشن ڪنگنا رناوت کي فلم مان ڪڍي ڇڏيو

ممبئي (شوبز نيوز) بالي وود اداڪارا ڪنگنا رناوت کي ايڪشن هيرو ريتڪ روشن سان ڇتي ويڙهه مهانگي پئجي وئي،جنهن کانپوءِ کيس فلم مان به ڪڍيو ويو آهي.بالي ووڊ اداڪار ريتڪ روشن ۽ ڪنگنا رناوت  وچ ۾ پيار واريون خبرون گهڻي عرصي کان عام هيون،پر گذريل ڏينهن هڪ تقريب ۾ اداڪارا  پاران ريتڪ روشن کي اڳوڻو محبوب قرار ڏيڻ کانپوءِ ٻنهي وچ ۾ لفظن جي جنگ شروع ٿي وئي ۽ اداڪارا کي ريتڪ روشن سان جهيڙو مهانگو پئجي ويو.ميديا رپورٽ مطابق پروڊيوسر ساجد  نادياڊ والا پنهنجي نئين ايندڙ فلم ۾ اداڪارا ريتڪ روشن جي سامهون ڪاسٽ ڪرڻ چاهيو پئي،جنهن لاءِ اداڪارا به حامي ڀري هئي،پر ريتڪ روشن پاران انڪار ڪرڻ کانپوءِ اداڪارا کي ريتڪ جي فلم مان رد ڪري ڇڏيو آهي ۽ هاڻي اداڪارا دپيڪا پڊوڪون کي فلم ۾ شامل ڪرڻ جون تياريون ٿي رهيون آهن.

 

اظهر محمود ٽي ٽوئنٽي ۽ ايشيا ڪپ لاءِ قومي ٽيم جو ڪوچ مقرر

لاهور (اسپورٽس نيوز) پاڪستان ڪرڪيٽ بورڊ ايشيا ڪپ ۽ ورلڊ ٽي ٽوئنٽي ڪپ لاءِ اڳوڻي ٽيسٽ ڪرڪيٽر اظهر محمود جون خدمتون حاصل ڪري ورتيون.پي سي بي ذريعن  مطابق ايشيا ڪپ ۽ ٽي ٽوئنٽي ورلڊ ڪپ لاءِ قومي ٽيم جي اڳوڻي آل رائونڊر اظهر محمود جون خدمتون حاصل ڪيون آهن،اظهر محمود ٽي ٽوئنٽي اسپيشلسٽ جي حيثيت سان ٽيم سان گڏ هوندو.ذريعن مطابق اظهر محمود جون خدمتون حاصل ڪرڻ سبب مشتاق احمد ايشيا ۽ ٽي ٽوئنٽي ورلڊ ڪپ ۾ ٽيم سان گڏ نه هوندو.

 

بنگلاديشي بيٽسمين تميم اقبال پنهنجي ٽيم کي پاڪستان گهرائڻ جو اشارو ڏئي ڇڏيو

دبئي (اسپورٽس نيوز) پاڪستان سپر ليگ ۾ پشاور زلمي پاران کيڏندڙ اوپنر بنگلاديشي بيٽسمين تميم اقبال پنهنجي ٽيم کي ايندڙ سال پاڪستان ۾ کيڏائڻ جو اشارو ڏئي ڇڏيو.تميم اقبال جو چوڻ آهي ته سندس ٽيم ايندڙ سال پاڪستان جو دورو ڪري سگهي ٿي،سندس چوڻ هو ته پاڪستان سپر ليگ سبب پاڪستان ۾ ڪرڪيٽ جي بحالي ٿي سگهي ٿي ۽ دنيا کي پاڪستان وڏا ڪرڪيٽر ملندا.تميم اقبال چيو ته ايندڙ سال بنگلاديشي ٽيم ضرور پاڪستان جو دورو ڪندي.