تازيون خبرون

Daily Archives: February 15, 2016

آءِ سي سي پاڪستان سميت 8 مستقبل ميمبرن کي ورلڊ ٽي ٽوئنٽي جي اسڪواڊ ۾ 8 ڦير ڦار جي اجازت ڏئي ڇڏي

دبئي (اسپورٽس نيوز) آءِ سي سي پاڪستان سميت 8 مستقل ميمبرن کي ورلڊ ٽي ٽوئنٽي لاءِ اعلان ڪيل اسڪواڊ ۾ 8 مارچ تائين ڦير ڦار جي اجازت ڏئي ڇڏي، آءِ سي سي ترجمان خانگي ٽي وي سان ڳالهائيندي تصديق ڪئي ته

ورلڊ ٽي ٽوئنٽي ۾ شامل اهي ٽيمون جيڪي سڌي طرح ٻئي مرحلي ۾ کيڏنديون اهي 8 مارچ تائين پنهنجي مرضي سان اسڪواڊ ۾ تبديلي آڻي سگهن ٿيون آءِ سي سي موجب اسڪواڊ ۾ تبديلي ڪنهن به سبب جي ڪري ٿي سگهندي پر ڇو ته اها ٽيڪنيڪي بنياد هجي يا ميڊيڪل بنياد تي جنهن لاءِ اجازت وٺڻ ضروري ناهي.

 

               آمريڪا ۾ هلندڙ سال نومبر ۾ ٿيندڙ صدارتي چونڊن ۾ ڊيموڪرٽيڪ پارٽي طرفان آمريڪا جي صدارت لاءِ نامزد هيلري ڪلنٽن کي سخت مقابلو آڏو آهي. اڄ جي آمريڪي سياست ۾ سڀ کان مقبول ٿيندڙ برني سينڊرس هڪ طوفان کنيو بيٺو آهي. پاڻ کي ”سوشلسٽ“ سڏرائيندڙ برني سينڊرس جا نعرا ۽ آمريڪي صدارتي چونڊ سياست ۾ ان جي داخلا ايئن آهي جيئن سٺ جي ڏهاڪي واري پاڪستان جي سياست ۾ ذوالفقار علي ڀٽي جي هُئي جنهن ”ماني، ڪپڙي ۽ اجهي“ جي نعري سان انٽري ڪئي هئي. فرق رڳو اهو آهي ته هو ويهين صدي جي ٽين دنيا جي ملڪ ۾ برڪلي پلٽ ذوالفقار علي ڀٽو جو پنهنجي ئي باس پر فوجي آمر ايوب خان سان مقابلو هو ۽ هتي ايڪويهين صدي جي آمريڪا ۾ پولش پناهگير جي اولاد برني سينڊرس جي للڪار آمريڪي سرمائيداراڻي نظام جي اعصابي مرڪز وال اسٽريٽ جنرل کي آهي ۽ اهو ”آمريڪا ۾ سياسي انقلاب“ آڻڻ جي ڳالهه ڪري رهيو آهي. انهيءَ ڳالهه ڪري ئي هو آمريڪي صدارتي چونڊ ۾ اڳوڻي پرڏيهي وزير هيلري ڪلنٽن سان اڻويهه ويهه جي فرق سان سرسي تي آهي. دنيا جي هن سڀ کان آڳاتي جمهوريت ۾ ٻه جماعتي ۽ صدارتي نظام آهي جتي آمريڪي صدارت لاءِ به اميدوارن جي نامزدگي لاءِ به ٻئي پارٽيون پنهنجن چونڊيل نمائندن ذريعي ڪنديون آهن. اها چونڊ ٻنهي جماعتن جا ووٽر ڪندا آهن. پر برني سينڊرس آمريڪي سياسي نظام ۽ حڪومتي نموني کي تبديلي جي ڪنڌيءَ تي اچي بيهاريو آهي. اها تبديلي جيڪا جمهوريت ۾ ووٽ ذريعي آندي ويندي آهي. ٻين لفظن ۾ اهو چوڻو پوندو ته اها ديگ جيڪا آمريڪا ۾ صدر بارڪ اوبامه چاڙهي هئي ان جو ڍڪڻ لاهڻ لاءِ شايد آمريڪي تاريخ برني سينڊرس جي نالي لکيو آهي. ممڪن آهي ته اها تحرير ڀت تي لکيل ملي وڃي، ڪهڙي خبر! ڪنهن ٿي ڄاتو ته اهو وائيٽ هائوس جنهن جي اڏاوت جي بنيادن ۾ ڪاري نسل جي غلامن جو رت ۽ پگهر شامل هو ان جو مالڪ هڪ ڏينهن آفريقي آمريڪي ڄائو براڪ حسين اوبامه بڻجي ويندو جيڪو آمريڪي تاريخ ۾ بقول شخصي ابراهم لنڪن کانپوءِ ٻيو آمريڪي صدر هوندو جنهن جو نالو تاريخ جي اهم تبديلي جي حوالي سان ايندو. اوبامه جو اهو مشهور نعرو آهي ته ”بلڪل اسان بدلجي سگهون ٿا يا تبديلي آڻي سگهون ٿا“. برني سينڊرس آمريڪا جي بدلجندڙ تاريخ جو تسلسل آهي. صدر اوبامه جيڪو عملي طور تي ايندڙ سال جنوري م پنهنجي عهدي تان پنهنجي ڪابينه ايستائين جو پنهنجي انتظاميا ۽ ٺاهيل بيورو ڪريسي سوڌو هٽي ويندو. پنهنجي ڪم جي حوالي سان هميشه ياد رکيو ويندو. صدر اوبامه جا غير روايتي پر آمريڪي تاريخي قدرن سان ٺهڪندڙ ڪيترائي سڌارا ۽ ڪم ياد ڪيا ويندا. ٻه ڀيرا صدارتي عهدي تي چونڊجڻ دوران سندس سڀ کان وڏو ڪارنامو ريپبلڪنز ۽ هڪ هٽي سرمائيدار جن کي ”اسپيشل انسٽريٽ گروپس“ چيو ويندو آهي جن ۾ صحت جي انشورنس ۽ ميڊيڪل لابي يا دوائون ٺاهڻ جي صنعت انتهائي منافعي پرست آهي ۽ انهن لابين جي دٻاءُ سبب هن وقت تائين ڪينسر جي بيماري جي دوا نه ٺهي سگهي آهي. اهڙي ماحول ۾ اوبامه ڪيئر آهي جنهن ۾ هر آمريڪي يا آمريڪا ۾ رهندڙن لاءِ صحت جي انشورنس هجڻ لازمي قرار ڏني وئي نه هجڻ غير قانوني ۽ ڏوهه آهي. عراق جنگ جي پڄائي، افغانستان مان واپس فوجون گهرائڻ، جنسي ۽ ازدواجي هڪجهڙائي، گوانٽا ناموبي جيل جو لڳ ڀڳ بند ٿيڻ، ايران ۽ ڪيوبا سان لاڳاپا بحال ڪرڻ ۽ گن ڪنٽرول يا بندوق رکڻ جي قانونن کي سخت ڪرڻ، سمورن اقليتن ڏانهن همدردي ۽ برابري وارين پاليسين جي حوالي سان آمريڪا جي صدر بارڪ حسين اوبامه جي سڌارن ۽ ڪارنامن جي ذڪر بنا آمريڪي تاريخ اڻپوري هوندي. صدر اوبامه جون اسٽيم سيل ريسرچ جي فنڊنگ وڌائڻ جون ساراهه جوڳيون ڪوششون به اهم آهن. پاڪستان ڏانهن سندس رويو ڪهڙو رهيو؟ ان تي اوبامه جا ڪيترائي نقاد آهن پر مان رڳو ايترو چوندس ته جيڪڏهن اوباما 2007ع ۾ آمريڪي صدر هجي ها ته شايد بينظير ڀٽو قتل نه ٿئي ها ۽ شايد پاڪستان ۽ ڀارت وچ ۾ سفارتي ۽ غير سفارتي امن ڪوشش پٺيان به صدر اوبامه جي خواهش جو وڏو دخل هجي ها. نه ته ڪٿي ڀارت جي ڊونلڊ ٽرمپ ذهنيت مودي ۽ ڪٿي پاڪستان جو دورو! جتان جي سياست ۽ رياست ۾ به ڪيترائي ڊونلڊ ٽرمپ رهن ٿا. تازو اوبامه جي اسٽيٽ آف دي يونين کي ڪيل آخري خطاب ۾ نيويارڪ پوليس (جيڪا هڪ شهر جي پوليس کان وڌيڪ عالمي پوليس لڳندي آهي)پاڪستاني ڄائي نوجوان مسلمان آفيسر کي گهرائڻ سان گڏ آمريڪي معاشري ۾ مسلم ڪميونٽي جي مثبت ڪردار ۽ آمريڪا جي ترقي ۽ سلامتي ۾ ان جي حصي کي نمايان ڪرڻ، اقليتن جي حقن جي حوالي سان آمريڪي ڪميونٽيز ۾ ياد رکيو ويندو. هڪ اهڙي وقت ۾ جڏهن آمريڪا ۾ ڊونلڊ ٽرمپ سوڌو سياست ۽ سرمائي جو نسل پرست ساڄي ڌر جا حواري گڏيل آمريڪي رياست جي آئين ۽ قانون جي ابتڙ مسلمانن ۽ ٻين پناهگير اقليتن کي ڪڍڻ جي ڳالهه ڪري رهيا آهن اهڙي وقت ۾ صدر اوبامه جي بالٽي مور جي هڪ مسجد ۾ وڃي خطاب ڪرڻ ۽ اهو چوڻ ته اوهان فقط مسلمان آهيو يا آمريڪي مسلمان آهيو، انتهائي علامتي ۽ خير جو عمل آهي. ساڄي ڌر ۽ ريپبلڪنز صدر اوبامه سان به ان جي ٻنهي صدارتي دورن ۾ اهڙو ئي ورتاءُ ڪيو جهڙو پاڪستاني اسٽيبلشمينٽ جي اصل وڏن چوڌرين جو پ پ سان آهي. سو ڳالهه پئي هلي آمريڪي سياست جي ڀٽو ”برني سينڊرس“ جي جنهن کي آمريڪا جي اڪثريت خاص طور تي نوجوانن جي وڏي حمايت حاصل آهي. ڇاڪاڻ ته هو جيڪي ڳالهيون ڪري رهيو آهي اهي هتان جي ڪارپوريٽ آمريڪا ۾ اڳ چوڻ، سوچڻ به ناممڪنات مان هڪ هيون پر هاڻي اهي آمريڪن جي اڪثريت جي دل ۽ زبان تي آهن. جيتوڻيڪ ڪيئي سرخا ۽ درسي ڪتب سوشلسٽ برني سينڊرس کي سوشلست نٿا مڃين پر برني سينڊرس جيڪو به آهي سو چوي ٿو ته آمريڪا ۾ سياسي انقلاب ۽ اقتصادي برابري جي گهرج آهي، جتي سموري دولت ۽ سرمايو فقط ٻه سيڪڙو يعني وال اسٽريٽ جي سرمائيدارن جي هٿن ۾ آهي. هي تعليم ۽ علاج مفت ڪرڻ چاهي ٿو. برني آمدني جي اڻ برابري واري ليڪ کي ختم ڪرڻ جي ڳالهه ڪري ٿو. هو جنگ جي خلاف آهي ۽ هيلري ڪلنٽن جي ابتڙ سينيٽ ۾ هن عراق جنگ جي خلاف ووٽ ڏنو هو. سو سوڀ برني جي ٿئي ٿي يا هيلري ڪلنٽن جي. تاريخ ۾ اها فتح آمريڪا ۽ ان جي عوام جي ٿيندي ڇاڪاڻ ته عورت جو آمريڪا جي پهرين صدر ٿي اچڻ به آمريڪا ۾ وڏي تبديلي جو سبب بڻبو.: حسن مجتبيٰ

آمريڪا ۾ هلندڙ سال نومبر ۾ ٿيندڙ صدارتي چونڊن ۾ ڊيموڪرٽيڪ پارٽي طرفان آمريڪا جي صدارت لاءِ نامزد هيلري ڪلنٽن کي سخت مقابلو آڏو آهي. اڄ جي آمريڪي سياست ۾ سڀ کان مقبول ٿيندڙ برني سينڊرس هڪ طوفان کنيو بيٺو آهي. پاڻ کي ”سوشلسٽ“ سڏرائيندڙ برني سينڊرس جا نعرا ۽ آمريڪي صدارتي چونڊ سياست ۾ ان جي داخلا ايئن آهي جيئن سٺ جي ڏهاڪي واري پاڪستان جي سياست ۾ ذوالفقار علي ڀٽي جي هُئي جنهن ”ماني، ڪپڙي ۽ اجهي“ جي نعري سان انٽري ڪئي هئي. فرق رڳو اهو آهي ته هو ويهين صدي جي ٽين دنيا جي ملڪ ۾ برڪلي پلٽ ذوالفقار علي ڀٽو جو پنهنجي ئي باس پر فوجي آمر ايوب خان سان مقابلو هو ۽ هتي ايڪويهين صدي جي آمريڪا ۾ پولش پناهگير جي اولاد برني سينڊرس جي للڪار آمريڪي سرمائيداراڻي نظام جي اعصابي مرڪز وال اسٽريٽ جنرل کي آهي ۽ اهو ”آمريڪا ۾ سياسي انقلاب“ آڻڻ جي ڳالهه ڪري رهيو آهي. انهيءَ ڳالهه ڪري ئي هو آمريڪي صدارتي چونڊ ۾ اڳوڻي پرڏيهي وزير هيلري ڪلنٽن سان اڻويهه ويهه جي فرق سان سرسي تي آهي. دنيا جي هن سڀ کان آڳاتي جمهوريت ۾ ٻه جماعتي ۽ صدارتي نظام آهي جتي آمريڪي صدارت لاءِ به اميدوارن جي نامزدگي لاءِ به ٻئي پارٽيون پنهنجن چونڊيل نمائندن ذريعي ڪنديون آهن. اها چونڊ ٻنهي جماعتن جا ووٽر ڪندا آهن.

پر برني سينڊرس آمريڪي سياسي نظام ۽ حڪومتي نموني کي تبديلي جي ڪنڌيءَ تي اچي بيهاريو آهي. اها تبديلي جيڪا جمهوريت ۾ ووٽ ذريعي آندي ويندي آهي. ٻين لفظن ۾ اهو چوڻو پوندو ته اها ديگ جيڪا آمريڪا ۾ صدر بارڪ اوبامه چاڙهي هئي ان جو ڍڪڻ لاهڻ لاءِ شايد آمريڪي تاريخ برني سينڊرس جي نالي لکيو آهي. ممڪن آهي ته اها تحرير ڀت تي لکيل ملي وڃي، ڪهڙي خبر!

ڪنهن ٿي ڄاتو ته اهو وائيٽ هائوس جنهن جي اڏاوت جي بنيادن ۾ ڪاري نسل جي غلامن جو رت ۽ پگهر شامل هو ان جو مالڪ هڪ ڏينهن آفريقي آمريڪي ڄائو براڪ حسين اوبامه بڻجي ويندو جيڪو آمريڪي تاريخ ۾ بقول شخصي ابراهم لنڪن کانپوءِ ٻيو آمريڪي صدر هوندو جنهن جو نالو تاريخ جي اهم تبديلي جي حوالي سان ايندو. اوبامه جو اهو مشهور نعرو آهي ته ”بلڪل اسان بدلجي سگهون ٿا يا تبديلي آڻي سگهون ٿا“. برني سينڊرس آمريڪا جي بدلجندڙ تاريخ جو تسلسل آهي.

صدر اوبامه جيڪو عملي طور تي ايندڙ سال جنوري م پنهنجي عهدي تان پنهنجي ڪابينه ايستائين جو پنهنجي انتظاميا ۽ ٺاهيل بيورو ڪريسي سوڌو هٽي ويندو. پنهنجي ڪم جي حوالي سان هميشه ياد رکيو ويندو. صدر اوبامه جا غير روايتي پر آمريڪي تاريخي قدرن سان ٺهڪندڙ ڪيترائي سڌارا ۽ ڪم ياد ڪيا ويندا. ٻه ڀيرا صدارتي عهدي تي چونڊجڻ دوران سندس سڀ کان وڏو ڪارنامو ريپبلڪنز ۽ هڪ هٽي سرمائيدار جن کي ”اسپيشل انسٽريٽ گروپس“ چيو ويندو آهي جن ۾ صحت جي انشورنس ۽ ميڊيڪل لابي يا دوائون ٺاهڻ جي صنعت انتهائي منافعي پرست آهي ۽ انهن لابين جي دٻاءُ سبب هن وقت تائين ڪينسر جي بيماري جي دوا نه ٺهي سگهي آهي. اهڙي ماحول ۾ اوبامه ڪيئر آهي جنهن ۾ هر آمريڪي يا آمريڪا ۾ رهندڙن لاءِ صحت جي انشورنس هجڻ لازمي قرار ڏني وئي نه هجڻ غير قانوني ۽ ڏوهه آهي. عراق جنگ جي پڄائي، افغانستان مان واپس فوجون گهرائڻ، جنسي ۽ ازدواجي هڪجهڙائي، گوانٽا ناموبي جيل جو لڳ ڀڳ بند ٿيڻ، ايران ۽ ڪيوبا سان لاڳاپا بحال ڪرڻ ۽ گن ڪنٽرول يا بندوق رکڻ جي قانونن کي سخت ڪرڻ، سمورن اقليتن ڏانهن همدردي ۽ برابري وارين پاليسين جي حوالي سان آمريڪا جي صدر بارڪ حسين اوبامه جي سڌارن ۽ ڪارنامن جي ذڪر بنا آمريڪي تاريخ اڻپوري هوندي. صدر اوبامه جون اسٽيم سيل ريسرچ جي فنڊنگ وڌائڻ جون ساراهه جوڳيون ڪوششون به اهم آهن.

پاڪستان ڏانهن سندس رويو ڪهڙو رهيو؟ ان تي اوبامه جا ڪيترائي نقاد آهن پر مان رڳو ايترو چوندس ته جيڪڏهن اوباما 2007ع ۾ آمريڪي صدر هجي ها ته شايد بينظير ڀٽو قتل نه ٿئي ها ۽ شايد پاڪستان ۽ ڀارت وچ ۾ سفارتي ۽ غير سفارتي امن ڪوشش پٺيان به صدر اوبامه جي خواهش جو وڏو دخل هجي ها. نه ته ڪٿي ڀارت جي ڊونلڊ ٽرمپ ذهنيت مودي ۽ ڪٿي پاڪستان جو دورو! جتان جي سياست ۽ رياست ۾ به ڪيترائي ڊونلڊ ٽرمپ رهن ٿا.

تازو اوبامه جي اسٽيٽ آف دي يونين کي ڪيل آخري خطاب ۾ نيويارڪ پوليس (جيڪا هڪ شهر جي پوليس کان وڌيڪ عالمي پوليس لڳندي آهي)پاڪستاني ڄائي نوجوان مسلمان آفيسر کي گهرائڻ سان گڏ آمريڪي معاشري ۾ مسلم ڪميونٽي جي مثبت ڪردار ۽ آمريڪا جي ترقي ۽ سلامتي ۾ ان جي حصي کي نمايان ڪرڻ، اقليتن جي حقن جي حوالي سان آمريڪي ڪميونٽيز ۾ ياد رکيو ويندو. هڪ اهڙي وقت ۾ جڏهن آمريڪا ۾ ڊونلڊ ٽرمپ سوڌو سياست ۽ سرمائي جو نسل پرست ساڄي ڌر جا حواري گڏيل آمريڪي رياست جي آئين ۽ قانون جي ابتڙ مسلمانن ۽ ٻين پناهگير اقليتن کي ڪڍڻ جي ڳالهه ڪري رهيا آهن اهڙي وقت ۾ صدر اوبامه جي بالٽي مور جي هڪ مسجد ۾ وڃي خطاب ڪرڻ ۽ اهو چوڻ ته اوهان فقط مسلمان آهيو يا آمريڪي مسلمان آهيو، انتهائي علامتي ۽ خير جو عمل آهي. ساڄي ڌر ۽ ريپبلڪنز صدر اوبامه سان به ان جي ٻنهي صدارتي دورن ۾ اهڙو ئي ورتاءُ ڪيو جهڙو پاڪستاني اسٽيبلشمينٽ جي اصل وڏن چوڌرين جو پ پ سان آهي.

سو ڳالهه پئي هلي آمريڪي سياست جي ڀٽو ”برني سينڊرس“ جي جنهن کي آمريڪا جي اڪثريت خاص طور تي نوجوانن جي وڏي حمايت حاصل آهي. ڇاڪاڻ ته هو جيڪي ڳالهيون ڪري رهيو آهي اهي هتان جي ڪارپوريٽ آمريڪا ۾ اڳ چوڻ، سوچڻ به ناممڪنات مان هڪ هيون پر هاڻي اهي آمريڪن جي اڪثريت جي دل ۽ زبان تي آهن.

جيتوڻيڪ ڪيئي سرخا ۽ درسي ڪتب سوشلسٽ برني سينڊرس کي سوشلست نٿا مڃين پر برني سينڊرس جيڪو به آهي سو چوي ٿو ته آمريڪا ۾ سياسي انقلاب ۽ اقتصادي برابري جي گهرج آهي، جتي سموري دولت ۽ سرمايو فقط ٻه سيڪڙو يعني وال اسٽريٽ جي سرمائيدارن جي هٿن ۾ آهي. هي تعليم ۽ علاج مفت ڪرڻ چاهي ٿو. برني آمدني جي اڻ برابري واري ليڪ کي ختم ڪرڻ جي ڳالهه ڪري ٿو. هو جنگ جي خلاف آهي ۽ هيلري ڪلنٽن جي ابتڙ سينيٽ ۾ هن عراق جنگ جي خلاف ووٽ ڏنو هو. سو سوڀ برني جي ٿئي ٿي يا هيلري ڪلنٽن جي. تاريخ ۾ اها فتح آمريڪا ۽ ان جي عوام جي ٿيندي ڇاڪاڻ ته عورت جو آمريڪا جي پهرين صدر ٿي اچڻ به آمريڪا ۾ وڏي تبديلي جو سبب بڻبو.

 

 

 

ڊاڪٽر عاصم جو ڪيس الجهي رهيو آهي.!!!: غلام مصطفيٰ جمالي

اڳوڻي صدرپاڪستان آصف علي زرداري جي ويجهي ساٿي ڊاڪٽر عاصم تي ڪرپشن.مني لارنڊنگ،اختيارين جو ناجائزاستعمال.سرڪاري پلاٽن تي اڏاوتون ڪرائڻ. جهادي تنظيمن ۽ لياري گينگ وار جي 28 زخمي دهشتگردن جو رعايتي اگهن تي علاج ڪرڻ سيمت اربين رپين جي ڪرپشن سيمت ڪيترائي ڪيس داخل آهن.جڏهن ته ريجنرس.پوليس کان پوءِ هن وقت ڊاڪٽر عاصم نيب جو مهمان آهي.ڊاڪٽر عاصم تي اهو الزام آهي ته هو جڏهن پيٽروليم جو وزيرهو. ته ان وقت هن پنهنجي مليل اختيارين جو ناجائز فائدو ورتو.۽ مختلف ماڻهن کان رشوت وٺي ڪري ڪڙورين رپين جي ڪرپشن ڪري اربين رپيا گڏ ڪيا.جڏهن ته اهو سڀ ڪجهه سنڌ ۾ ٿيو جتي ان وقت به پ پ جي حڪومت هئي ۽ هن وقت به پ پ جي ئي حڪومت آهي.۽ فرق صرف ايترو آهي ته هن وقت پ پ وفاق ۽ سنڌ ٻنهي تي حڪومت ڪري رهي هئي ۽ هن وقت پ پ صرف سنڌ تي حڪومت ڪري رهي آهي.ڊاڪٽر عاصم جنهن جي باري ٻڏايو وڃي ٿو ته هو آصف علي زرادي جي تمام گهڻي ويجهن دوستن مان هو.جنهن جي گرفتاري کان پوءِ سموري پ پ قيادت حرڪت ۾ اڇي وئي آهي.جڏهن ته جنهن ڏينهن ڊاڪٽر عاصم ريجنرس هٿان گرفتار ٿيو هو.ان ڏينهن کان وٺي ئي پ پ قيادت جي اها ڪوشش هئي ته ڪهڙي نموني سان ڊاڪٽر عاصم جي ريجنرس کان جان ڇڏائي وڃي.ڇو ته ان وقت ريجنرس وٽ قيد ڊاڪٽر عاصم جنهن جي باري ۾ ملڪ اندر اها ڳالهه عام هئي ته هن ريجنرس کي ڪجهه اهڙا اعترافي بيان ڏنا آهن.جن سان وڏا وڏا سياسي ڌاڙا بي نقاب ٿيندا.جڏهن ته ان وقت ملڪ جا سمورا چئينل ۽ اخبارون انهي خبرن تي بحث ڪري رهيون هنيون.ڊاڪٽر عاصم تي ريجنرس جي گواهي کانپوءِ ڪراچي جي مڪامي ٿاڻي تي ڪيس داخل ڪيو ويو.پر انهي ڪيس جي رزلٽ اها ئي آئي جيڪا سنڌ حڪومت ۽ آصف علي زرادي چاهيندي هئي.جڏهن ته انهي پوليس ڪيس اهو به انساني ذهن اندر هڪ تاثر پيدا ڪيو ته  پ پ سنڌ اندر واقعي پنهنجو معيار ۽ پاور رکي ٿي.جنهن جو اندازو انهي ڳالهه مان لڳائي سهگجي ٿو ته ڊاڪٽر عاصم جي گرفتاري کي ڏسي ڪري.سنڌ حڪومت کي وفاق سان به انهي معاملي تي مهاڏو اٽڪائڻو پيو. نيٺ سنڌ حڪومت ۽ وفاق جي لفظي ويڙه ان وقت ختم ٿي جڏهن سنڌ حڪومت پنهنجو سموريون ڳالهيون مڃرائي پوءِ ريجنرس مدي ۾ واڌ جي اعلان جي حامي ڀري.هن وقت پ پ جي سربراه آصف علي رزداري ڪيترن ئي ڏينهن کان وٺي ڊبئي ۾ تريسل آهي. جڏهن ته ڪجهه مهينا پهرين اوچتو سمعودي عرب پهچي ويو هو.جڏهن ته آصف علي زرادي جو اوچتو ٻاهر وڃڻ ۽ پارٽي جا سمورا اجلاس دبئي ۾ ڪرڻ جي پٺيان ڪهڙو راز آهي.اهو شايد اڃان به راز آهي.

جڏهن ته ڪرپشن جا جيڪو داغ ڊاڪٽر عاصم جي جي ڪيئر تي لڳو آهي انهي جا ڪجهه ڇنڊا شايد آصف علي زرادي تي به نه ڪريا هجن.۽ شايد اها ئي حيقيت آهي جيڪا کيس ملڪ نه اڃڻ لاءِ مجبور پئي ڪري.جڏهن مڪاني چونڊن جي پهرين،ٻئي ۽ ٽئي مرحلي ۾ پارٽي کي سندس تمام گهڻي سخت ضروت هئي.۽ پارٽي جو چيئرمين هجڻ جي ناتي کيس ملڪ اندر ئي رهڻو هو.پر ان جي باجود به به هو ملڪ اچي نه سهگيو.پر شايد هاڻ هو ملڪ اچي يا نه اچي انهي جي باري ۾ به ڪو  بيان نه اچي رهيو آهي. ڊاڪٽر عاصم ڪيس جي باري ۾ نظر وجهي ته هو پوليس جي ڪيس جانچ مطابق بي گناه ۽ معصوم آهي.جڏهن ته اهڙي رپورٽ پوليس عدالت ۾ پيش ڪري نه رڳو ريجنرس جي گواهي کي ڪوڙو ڪيو هو پر ريجنرس خد انهي بيان تي پريشان آهي.جڏهن ته ڏسجي اگر اهڙي ڳالهه آهي ته پوءِ ريجنرس جي ڪهڙي دشمني هئي جو هو ڊاڪٽر عاصم کي گرفتار ڪري ها.۽ گرفتار ڪرڻ کانپوءِ کيس ڪيس به هڪ وڏي قطار ۾ ڦاسائي ها.جڏهن ته سوچڻ جهڙي ڳالهه آهي ته اڄ تائين ڊاڪٽر به اهڙو بيان ناهي ڏنو.جنهن مان اهو ظاهر ٿي ته هن سان ڪا ريجنرس جي ذاتي دشمني آهي.!جڏهن ته ڊاڪٽر عاصم جي ڪيس کي وٺي ڪري سنڌ حڪومت تي وڌيڪ ڳالهيون ٿي رهيون آهن .ته اگر ڊاڪٽر عاصم اڃان وڌيڪ ريجنرس وٽ رهي ها ته اڃان گهڻا سچ سامهون اچن هان.شايد اها به وجهه هئي جو سنڌ حڪومت کي ريجنرس تي ايڪشن کڻڻو پيو ۽ ريجنرس مدي واري واڌ جي وٺي ڪري پوري ملڪ ماحول کي گرم ڪري ڇڏيو.جڏهن ته سنڌ حڪومت کي سنڀاليندڙ پ پ هن وقت اهڙي ڪنهن به پريشاني کي منهن ڏيڻ جي قابل ناهي.جنهن اندر فوج يا ريجنرس سان مهاڏو اٽيڪل هجي.هن وقت پ پ خد پريشانين کي منهن  ڏئي رهي آهي.ڇو ته پنجاب ۽ ڪي پي ڪي مان پ پ مڪمل ختم ٿيندي نظر پئي اچي.۽ هاڻ جيڪا باقي رهيل اپوزيشن هئي اها ڊاڪٽر عاصم ڪيس ختم ڪري ڇڏي.وفاق چاهي ٿي ته ڊاڪٽر عاصم ڪيس کي پنهنجي انجام تائين پهچايو وڃي.جڏهن ته انهي ڪيس اندر هڪ ديوار آهي جيڪا سنڌ حڪومت جي صورت ۾ آهي.۽ سنڌ حڪومت سري عام ڊاڪٽر عاصم جي مدد ڪري رهي آهي.جنهن کان پوءِ ڪيس سلجهڻ بجاءِ الجهجي رهيو آهي.جڏهن ته انهي ڪيس کي ڏٺي ڪري سنڌ حڪومت ۽ ريجنرس وچ ۾ پڻ اختلاف ٿي ويا آهن.۽ شايد اهي اختلاف ختم نه ٿيا ته سنڌ ۾ گورنر راج به لاڳو ٿي سگهي ٿو.جڏهن ته اهڙو اختيار وفاق وٽ آهي ته هو گورنر راج لاڳو ڪري سگهي ٿي.۽ جيڪڏهن اسٽيبلشمنٽ اشارو ڏنو ته اهين به ٿي سگهي ٿو.هن ڪري سنڌ حڪومت کي جيڪو به فيصلو ڪرڻو آهي اهو سوچي سمجهي ڪرڻ گهرجي.جڏهن وفاقي وزير چوڏري نثار پڻ اهڙو بيان ڏنو هو ته وٺس ڊاڪثر عاصم جي ٻه سئو ڪراڪن جي اعترافي وڊيو پيل آهي.جنهن کي هن منظر عام تي آڻڻ جو پڻ اعلان ڪيو آهي.جڏهن ته ڊاڪٽر عاصم جي ڪيس کي وڌيڪ سوڙهو ڪرڻ لاءِ ڊاڪٽر عاصم جي گهر ڀاتين جي به ڪرپشن ڪيس کي جاچ ۾ شامل ڪيو ويو آهي.جنهن اندر ڊاڪٽر جي ماءُ،ڌي،پٽ کانسواءِ سندس ناٺين کان به پڇا ڪئي ويندي.ٻئي طرف پ پ جي نوجوان قيادت بلاول ڀٽو زرداري ڪالهه پنهنجي هڪ بيان ۾ چيو ته ن ليگ ايترو ظلم ڪري جيترو هو برداشت ڪري سگهي.جيڪو هن آزاد ڪشمير ۾ مارجي ويل پ پ ڪارڪنن جي باري ۾ چيو.ٻئي طرف ڊاڪٽر عاصم گذريل ڪيس جي ٻڌڻي ۾  عدالت کي پڻ درخواست ڪئي ته ڪيس گرفتار ٿي 120ڏينهن ٿي ويا آهن پر اڄ تائين کيس گرفتاري وارنٽ ناهن ڏيکاريا ويا.نه ئي اڄ تائين ڪنهن به قسم جا ثبوت پيش ڪيا ويا آهن.ان دوران نيب 18دفعا نيب ۽ جاچ ادران پڇا ڳاڇا ڪئي آهي.کيس عدالت تي ڀروسو آهي،پر هاڻ سوچڻ جهڙي ڳالهه آهي ته ڊاڪٽر عاصم ڪيس کي ايترو طويل ٿو پيو ڪيو وڃي.آخر انهي پٺيان ڪهڙو راز لڪل آهي.جڏهن ته ڊاڪٽر عاصم ڪيس ايترو ته الجهيل ناهي جيترو کيس الجهايو پيو وڃي.

 

 

ويلنٽائن ڊي بيحيائيءَ جو باب قرار، فتويٰ جاري

مرڪزي جمعيت اهلحديث پنجاب جي 10 رڪني علماء بورڊ پروفيسر عبدالستار حامد، علامه مولانا محمد نعيم بٽ، مولانا ميان محمود عباس، مفتي مبشر احمد مدني، شيخ الحديث پروفيسر محمد سعيد ڪليروي، حافظ عبدالرزاق فاضل، مدينه يونيورسٽي علامه مفتي محمد صادق عتيق مفتي حافظ ڪفايت الله شاڪر ۽ ٻين ٻن صفحن تي ٻڌل پنهنجي فتوي!ٰ ۾ چيو ته ميلنٽائن ڊي بي حيائي جو باب آهي هي تهوار اسلامي غيرت جي خلاف ۽ مسلم معاشري کي بگاڙڻ جي خوفناڪ سازش آهي اسلام ۾ بي شرمي ۽ اخلاقيات کان عاري انهن تهوارن جي بلڪل گنجائش نه آهي ۽ نه ئي محمد صلعم جي دين ۾ محبت ۽ الفت جي اظهار لاءِ ڪوئي ڏينهن مقرر آهي اسلام ته محرم رشتي يعني ماءُ ڀيڻ وغيره سان به حياءَ جو انداز اختيار ڪرڻ جي تعليم ڏي ٿو محبتون گل ورهائڻ سان نه پر انهن رشتن جا حق ۽ فرض ادا ڪرڻ سان وڌن ٿيون جڏهن ته ويلٽائن ڊي بلڪل بي حيائي فحاشي ۽ عرياني (اگهاڙپ) کي هٿي ڏيڻ برابر آهي تنهنڪري هي ملهائڻ حرام ڪبيره گناهه ۽ ڪافرن جي مشابهت اختيار ڪرڻ آهي قرآن ۽ هديث جو حوالو ڏيندي عالمن ۽ مفتين چيو ته سورت الاعراف آيت 33 ۾ الله تعاليٰ فرمائي ٿو چئو ته منهنجي رب ظاهر ۽ لڪل بيهودگين کي حرام قرار ڏنو آهي اهڙي طرح سورت النمل آيت نمبر 90 ۾ ارشاد آهي ۽ هو الله تعاليٰ بي حيائي ۽ برائي کان روڪي ٿو صورت النور پاره نمبر 18 مطابق بي شڪ اهي ماڻهو جيڪي پسند ڪن ٿا ته اهل ايمان ۾ فحاشي عام هجي ته انهن جي لاءِ هڪ خوفناڪ عذاب آهي دنيا ۾ به ۽ آخرت ۾ به ۽ الله تعاليٰ انهن کي ڄاڻي ٿو ۽ توهان نٿا ڄاڻو علماءُ بورڊ حديث جي روشني ۾ چيو ته محمد صلعم فرمايو ته جيڪو ڪنهن قوم جي مشابهت اختيار ڪندو هو انهيءَ مان هوندو اهڙي طرح الله تعاليٰ جڏهن ڪنهن بندي جي موت جو ارادو ڪري ٿو ته ان کان حياء کسي وٺي ٿو اهڙي طرح سنن ابن ماجا ۾ حديث آهي ته جنهن قوم ۾ فحاشي وڌي وڃي ايتريقدر جو اها سرعام ڪرڻ لڳي ته ان ۾ وبائي بيمارين ۽ اهڙيون بيماريون ڦهلجي وڃن جو انهن جو گذاري ويل ماڻهن ۾ نالو نشان ناهي هوندو علماءُ بورڊ اهو به قرار ڏنو ته هي سمورا ذريعا وسيلا تهوار جنهن سان فحاشي ۽ عرياني اخلاق ۽ بي حياتي وڌي منع ۽ حرام آهن. پنهنجي فتويٰ ۾ انهن چيو ته حياء پاڪ دامني ۽ عصمت مسلمانن جي سڃاڻپ ۽ اهل اسلام جو طور طريقو آهي جڏهن ته ويلنٽائين ڊي يوم بي حيائي، محبت الفت جي هٿرادو ۽ بناوٽي اظهار جو نالو آهي.