تازيون خبرون

Daily Archives: February 15, 2016

سبي ۾ سيڪيورٽي فورسز جي ڪارراوئي، پابندي مڙهيل تنظيم جي ڪمانڊر سوڌو 12 دهشتگرد مارجي ويا

سبي (م.ڊ) بلوچستان جي علائقي سبي ۾ سيڪيورٽي فورسز جي ڪارروائي جي نتيجي ۾ پابندي مڙهيل تنظيم جي ڪمانڊر سوڌو 12 دهشتگرد مارجي ويا، سيڪيورٽي ذريعن مطابق سبي جي علائقي سنگان ۾ فورسز ۽ دهشتگردن ۾ فائرنگ جي ڏي وٺ ٿي، جنهن جي نتيجي ۾ پابندي مڙهيل تنظيم جي اهم ڪمانڊر اسلم عرف اڇو سوڌو 12 دهشتگرد مارجي ويا ۽ 10 کي گرفتار ڪيو ويو،بلوچستان حڪومت جي ترجمان انوار الحق ڪاڪڙ ٻڌايو ته مارجي ويل دهشتگردن جا 2 ٿاڪ به تباهه ڪيا ويا، جڏهن ته سندن قبضِي مان وڏي انگ ۾ هٿيار، ديسي بم، راڪيٽ لانچر ۽ بارود پڻ هٿ ڪيو ويو، سيڪيورٽي ذريعن مطابق مارجي ويل ڪمانڊر اسلم قائداعظم ريزيڊنسي ۽ ڪمانڊر فورسز تي حملن سوڌو ڪيترين ئي واررداتن ۾ ملوث هو.

 

جي ڊي پي کي موجوده 7 سيڪڙو مان وڌائڻ لاءِ بنيادي ڍانچي جي ترقي ضروري آهي: اسحاق ڊار

اسلام آباد (بيورو) وفاقي وزير سينيٽر اسحاق ڊار چيو آهي ته حڪومت سرمائي جي منڊي خاص ڪري سڪوڪ بانڊز کي هٿي ڏيڻ جو پڪو پهه ڪري ڇڏيو آهي. جي ڊي پي کي موجوده 7 سيڪڙو مان وڌائڻ لاءِ بنيادي ڍانچي جي ترقي ضروري آهي ڪيپيٽل مارڪيٽ جي ترقي لاءِ حڪومت ايس اي سي پي سان تعاون جاري رکندي. هو آچر تي هتي اسلام آباد ۾ سيڪيورٽيز اينڊ ايڪسچينج ڪميشن جي سينئر عهديدارن سان ملاقات دوران ڳالهه ٻولهه ڪري رهيو سيڪيورٽيز ايڪسچينج ڪميشن جي چيئرمين وفاقي وزير کي منڊي جي اهم مسئلن بابت ڄاڻ ڏني. ناڻي وزير چيو ته ملڪ جي مجموعي پيداوار کي 7 سيڪڙو جي مجموعي سطح کان وڌائڻ لاءِ سرمائي جي منڊي جي ذريعي ڊگهي مدي سيڙپڪاري  ضروري عنصر اهن جي ڊي پي کي موجوده 7 سيڪڙو مان وڌائڻ لاءِ بنيادي ڍانچي جي ضرورت آهي.

 

پرتشدد انتهاپسندي ۾ مقامي ۽ بيروني هٿ آهن، روڪڻ لاءِ موثر حڪمت عملي جي ضرورت آهي: پاڪستان

جنيوا (اين اين آءِ) گڏيل قومن ۾ پاڪستان جي مستقل نمائنده داڪٽر مليحيٰ لوڌي چيو آهي ته پرتشدد انتهاپسندي ۾ مقامي ۽ بيروني هٿ آهن، ٻنهي هٿن کي روڪڻ لاءِ بهتر حڪمت عملي جي ضرورت آهي اهڙي ڪارروائي کي روڪڻ جي رٿابندي بابت گڏيل قومن ۾ خطاب ۾ هن چيو ته معاشي محرومي، بدحالي ۽ ناانصافي جهڙن مسئلن کي حل ڪرڻ جي ضرورت آهي حق خود اراديت کان انڪار ۽ ناانصافي کي دهشتگرد پنهنجي مقصد لاءِ استعمال ڪن ٿا. عالمي برادري دهشتگردي خلاف جامع حڪمت عملي جي ضرورت کي تسليم ڪيو آهي.

 

خصوصي عدالت ۾ بينظير ڀٽو قتل ڪيس جي ٻڌڻي اڄ ٿيندي، رحمان ملڪ پيش ٿيندو

راولپنڊي(اي پي پي) دهشتگردي جي انت واري خصوصي عدالت ۾ بينظير ڀٽو قتل ڪيس جي ٻڌڻي (اڄ) سومر تي ٿيندي. طلبي جا سمن جاري ٿيڻ تي بينظير ڀٽو جو اڳوڻو چيف سيڪيورٽي آفيسر سينيٽر رحمان ملڪ عدالت ۾ پيش ٿيندو. گذريل ٻڌڻي تي خرم لطيف کوسه اڳوڻي گهرو وزير رحمان ملڪ طرفان وڪالت نامو عدالت ۾ پيش ڪيو ۽ سندس حاضري کان ڇوٽ جي درخواست داخل ڪئي. درخواست ۾ رحمان ملڪ موقف اختيار ڪيو ته منهنجي طلبي جا سمن جاري ڪرڻ جو ڪو جواز نه ٿو ٺهي، مان ڪيس ۾ گواهه ئي ناهيان، جيڪڏهن ڪنهن جاءِ تي منهنجو بيان آهي ته استغاثه ان جي تصديق ٿيل ڪاپي مون کي فراهم ڪري، خبر ناهي استغاثه ڪڏهن ۽ ڪيئن مون کي گواهن جي فهرست ۾ شامل ڪيو آهي. درخواست ۾ اهو به موقف اختيار ڪيو ويو آهي ته سينيٽ جي اسٽينڊنگ ڪميٽي جي اجلاس ۾ مصروفيت سبب کيس هڪ ڏينهن جي حاضري کان ڇوٽ ڏني وڃي. عدالت رحمان ملڪ جي اها درخواست منظور ڪري ورتي هئي. معزز جج رحمان ملڪ جا ٻيهر طلبي جا سمن جاري ڪندي ٻڌڻي (اڄ) 15 فيبروري تائين ملتوي ڪئي هئي. ايف آءِ اي جي پراسيڪيوٽر چوڌري اظهر مطابق بينظير ڀٽو قتل ڪيس ۾ ايف آءِ اي جي جاچ آفيسرن جن ۾ خالد قريشي، آزاد خان، خالد رسول، زاهد حسين ۽ ٻيا شامل آهن جون شاهديون اڃا رڪارڊ ٿيڻون آهن، باقي گواهن جي بيان قلمبند ٿي چڪا آهن. ڌرين جا وڪيل سهڪار ڪن ته ان نهايت اهميت ڪيس جو ٽرائل 31 مارچ 2016ع کان اڳ مڪمل ٿي سگهي ٿو.

 

ن ليگ جي غلط پاليسين سبب جمهوريت خطري ۾ پئجي رهي آهيۡۡ: پ پ

ڪراچي (اسٽاف رپورٽر) پاڪستان پيپلز پارٽي جي اڳواڻن چيو آهي ته مسلم ليگ (ن) جي غلط پاليسين سبب جمهوريت خطري ۾ پئجي رهي آهي پ پ انتقامي ڪارروائين کان ڊڄڻ واري ناهي ظلم خلاف جمهوري انداز ۾ احتجاج جو سلسلو جاري رکنداسين ن ليگ ايترو ظلم ڪري جيترو  برداشت ڪري سگهي. ڪوٽلي واقعي جا ذميوار وفاقي وزير آهن کين گرفتار ڪيو وڃي. اهڙن خيالن جو اظهار سيد نجمي عالم وقار مهدي، راشد رباني، اقبال ساند، لطيف مغل سميت پ پ آزاد ڪشمير سنڌ جي صدر سردار مير حيدر ۽ سردار نزاڪت ڪوٽلي واقعي خلاف آچر تي ڪراچي پريس ڪلب ٻاهران احتجاجي مظاهري ڪندي ڪيو. سندن هٿن ۾ بينر پلي ڪارڊ ۽ پارٽي جا جهنڊا هئا خطاب ڪندي پ پ اڳواڻن چيو ته ن ليگ جي جمهوريت خلاف پاليسين سبب پاڪستان ۾ جمهوريت خطري ۾ آهي اسان چاهيون ٿا ته حڪومت پنهنجا پنج سال مدو پورو ڪري ڪوٽلي ۾ پ پ جي ريلي خلاف ن ليگ جي حڪومت آمراڻو رويو اختيار ڪيو جنهن جي مذمت ڪيون ٿا. هنن مطالبو ڪيو ته هن واقعي جي عدالتي جاچ ڪرائي وڃي ريلي ۾ وقار مهدي راشد رباني، حيب الدين جنيدي، اقبال ڪاڪڙ، لطيف مغل، مرزا مقبول ، شهباز اختر، اقبال ساند، فيصل مينڌرو سميت پ پ جي ڪارڪنن ۽ ڪشميري عوام شرڪت ڪئي.

 

ڪراچي ۾ مٺائي بم جي ذريعي پوليس آفيسرن ۽ سياستدانن کي قتل ڪرڻ جي منصوبي جو انڪشاف

ڪراچي (اين اين آءِ) ڪراچيءَ ۾ مٺائي بم ذريعي پوليس آفيسرن ۽ سياستدانن کي قتل ڪرڻ جو انڪشاف ٿيو آهي. ذريعن موجب ڪراچي پوليس آفيسر ۽ سياستدان ان حوالي سان هوشيار ٿي وڃن ۽ مٺائي تحفي طور نه وٺن. ڪجهه ڏينهن اندر گرفتار ڪيل دهشتگردن مٺائي جي دٻي ۾ بم رکي پوليس آفيسرن ۽ سياستدانن ڏانهن اماڻي انهن جي قتل جو انڪشاف ڪيو آهي سيڪيورٽي خدشن تي ڳجهن ادارن پيغام جاري ڪري ڇڏيو آهي پيغام موجب ٻن ڪالعدم تنظيمن مٺائي جي دٻن ذريعي دهشتگردي جو منصوبو جوڙي ورتو آهي ان حوالي سان سي ٽي ڊي ڪارروائي دوران مٺائي جي دٻن ۾ تيار ڪيل بم هٿ ڪري ورتا. مٺائي بم پوليس آفيسرن ۽ سياستدانن لاءِ اماڻڻا هئا. انهن مٺائي بم دٻن جي ذريعي ايس ايس پي رائو انوار، ايس ايس پي سٽي، ايس ايس پي ويسٽ هٽ لسٽ تي هئا.

 

ڀارت سان پٽاٽا ۽ بصرن وارو واپار بند ڪري سندس اکين ۾ اکيون وجهي ڌمڪين جو جواب ڏنو وڃي: سراج الحق

لاهور (بيورو) امير جماعت اسلامي سينيٽر سراج الحق چيو آهي ته آمريڪا پاران پاڪستان کي ايف 16 جهازن جي وڪرو جي منظوري سان ڀارت تپي باهه ٿي ويو آهي ۽ نيئن دهلي ۾ رهيل آمريڪي سفير کي گهرائي باقاعده احتجاج رڪارڊ ڪرايو آهي حڪومت پاڪستان ڀارت بابت پنهنجي نرم پاليسي تي نظرٿاني ڪري حڪومت ۽ مخالف ڌر ذاتي مفادن لاءِ متحد ٿي وڃن ٿيون جڏهن ته عوام جي مسئلن ۽ پريشانين جو کين احساس ئي ناهي پنجاب اسيمبلي جي ميمبرن گڏيل طور تي پنهنجن پگهارن ۽ مراعتن ۾ ٻيڻو اصافو ڪري ڇيڏو آهي اسيمبلي ۾ گهراڻي اميرن سان تعلق رکندڙ ميمبرن جي آهي عوام غربت جي چڪيءَ ۾ پيسجي رهيو آهي مهانگائي عوام جو جيئڻ جنجال ڪري ڇڏيو آهي دوائون ٺاهيندڙ ڪمپنين جان بچائيندڙ دوائن جي قيمتن ۾ 70 کان 120 سيڪڙو تائين واڌ ڪري ڇڏي آهي پر حڪومت جي ڪن تي جونءِ به نه ٿي چري ۽ نه ئي مخالف ڌر ان جو نوٽيس ورتو آهي. اهڙن خيالن جو اظهار هن منصوره ۾ مختلف وفدن سان ڳالهائيندي ڪيو. هن چيو ته پوري دنيا کان ڀارت هٿيار خريد ڪري ڍير لڳائي ڇڏيا آهن ڀارت کي ڪنهن کان خطرو آهي روزانو پاڪستان کي ڀارت جي ذميوارن پاران سبق سيکارڻ جون ڌمڪيون ملي رهيون آهن پاڪستان خلاف ان جي نفرت جو اهو عالم آهي ته پاڪستان کي پنهنجي دفاع لاءِ چار جهاز ته ڏنا آهن پر ڀارت کي باهه لڳي وئي آهي.

 

فلم انِڊسٽري ترقي ڪري رهي آهي، عمائمه ملڪ

لاهور (شوبز نيوز) مشهور اداڪاره ماڊل عمائمه ملڪ چيو آهي ته فلم اسٽار شان مون کي ننڍڻ کان پسند هيو ۽ ان سان ارٿ ٽو ۾ ڪم ڪندي گهڻو ڪجهه سکڻ لاءِ مليو هو مڃيل مڃايل اداڪار، هدايتڪار ۽ سپورٽ ڪندڙ شخص آهي اهڙن خيالن جو اظهار عمائمه ملڪ پنهنجي انٽرويو ۾ ڪيو. هن چيو ته فلم جي ڪاميابي ۽ ناڪامي سڀ قسمت جي ڳالهه آهي پر هڪ ڳالهه طئه آهي ته فلم کي ٺاهڻ لاءِ گهڻي محنت جي ضرورت هوندي آهي پاڪستان ۽ ڀارت ۾ ڪم ڪرڻو انداز مختلف آهي پر سٺي ٽيم ڪهاڻي ۽ ڪردار ڪنهن به فلم کي سپر هٽ ۾ ڪرڻ ۾ خاص ڪردار ادا ڪن ٿا. مان پاڪستان ۾ ايڪٽنگ شروع ڪئي ۽ هتي ڪم ڪندي مون کي ڀارت وڃڻ جو موقعو مليو بالي ووڊ جي هڪ بينر جي فلم ۾ ڪم ڪيو ۽ منهن جي فلم کي هڪ وڏي اوپننگ به ملي جيڪا ڪنهن به نئين فنڪار ۽ فلم لاءِ خوشي واري ڳالهه هوندي آهي. راجا نيٽ ورڪ لال منهنجي ٻئي فلم هئي ان کان اڳ سنجي دت سان فلم شير ٺهي هئي ۽ اهڙي طرح هاڻي به بالي ووڊ ۾ ٻن نون پراجيڪٽ تي ڪم ڪري رهي آهيان پر في الحال ان جي تفصيلن کان آگاهه نه ٿي ڪري سگهان پر ايترو ضرور چئي سگهان ٿي ته ٻئي پراجيڪٽ منهنجي چاهيندڙن کي گهڻو پسند ايندا.

 

جان ابراهيم بهترين اداڪار سميت مزاحميه انسان به آهي: سونا ڪشي

ممبئي (شوبز نيوز) بالي ووڊ اداڪاره سونا ڪشي سنها جو چوڻ آهي ته فلم انڊسٽري سان واڳيل رهڻ ۽ پري وڃڻ ان لاءِ گهڻو سولو آهي جڏهن ته فلم انڊسٽري کان ٻاهر نڪري هو ڪنهن به شيءِ جي ڳڻتي نه ڪندي آهي ڀارتي ميڊيا رپورٽس موجب سونا ڪشي سنها جو چوڻ آهي ته جڏهن ته هو فلم نگري ۾ ڪم نه ڪندي آهي ته هوءَ انڊسٽري کان پري هلي ويندي آهي پوءِ ڇو نه انڊسٽري ۾ ڀلي ڇا به ٿيندو هجي هو ان جي ڳڻتي ناهي ڪندي پر ٻئي پاسي جڏهن هو ڪنهن فلم ۾ ڪم ڪندي آهي ته هر شيءَ جو پتو رکندي آهي اداڪاره چيو ته ان لاءِ فلم انڊسٽري سان واڳيل رهڻ ۽ پري رهڻ سولو آهي. هن جو چوڻ هو ته نئين ايندڙ فلم فورس ٽو ۾ اداڪار جان ابراهيم سان ڪم ڪرڻ سٺو لڳو هو بهترين اداڪار هئڻ سان گڏوگڏ سٺو مزاحميه ماڻهو به آهي ۽ ان کان علاوه هو ان جي فٽنيس جي حوالي سان به ڪافي متتاثر ٿي آهي. سونا ڪشي پنهنجون فلمن ۾ ادا ڪيل ڪردارن بابت چيو ته ڪنهن به فلم يا ڊرامي ۾ هر اداڪار صرف پنهنجا پنهنجا ڪردار ادا ڪري ٿو جنهن جو زندگي سان ڪو به تعلق ناهي هوندو.

 

انڊر 19 ورلڊ ڪپ جي فائنل ۾ ويسٽ انڊيز جي ڀارت کي 5 وڪيٽن تان مات،ڀارتي رانديگر گرائونڊ تي روئيندا رهيا

ميرپور (اسپورٽس نيوز) انڊر 19 ورلڊ ڪپ جي فائنل ميچ ۾ ڀارت کي 5 وڪيٽن تان مات،ويسٽ انڊيز ڪرڪيٽ جي دنيا جو بادشاهه بڻجي ويو.بنگلاديش جي شهر ميرپور ۾ شير بنگلا اسٽيڊيم ۾ کيڏي ويندڙ ورلڊ ڪپ جي فائنل ۾ ڀارت پاران پهرين بيٽنگ ڪري ويسٽ انڊيز کي 146 رنسن جو ٽارگيٽ ڏنو.جواب ۾ ويسٽ انڊيز ٽيم گهربل ٽارگيٽ 5 وڪيٽن جي نقصان تي پورو ڪري ورتو.هڪ موقعي تي ويسٽ انڊيز جا 5 رانديگر رڳو 77 رنسن تي واپس موٽي ويا،پر ڪيسي ڪارٽي ۽ ڪيمو پال ذميداري سان بيٽنگ ڪئي ٽيم کي ميچ ۾ ڪاميابي ڏيارڻ تائين ڪيريز تي بيٺا رهيا.ٻنهي ڄڻن گڏيل طور تي بهترين راند پيش ڪئي ۽ ڪيمو پال 52 ۽ ڪيسي ڪارٽي 40 رنسون ٺاهي ناٽ آئوٽ رهيا.ويسٽ انڊيز هٿان فائنل ميچ هارائڻ تي ڀارتي سورما زارون قطار روئيندا رهيا ۽ هڪ ٻئي کي آٿتون ڏيندا رهيا.ڀارت پاران ميانڪ ڊاگر 3 جڏهن ته خليل احمد ۽ اواش خان هل، هڪ رانديگر کي آئوٽ ڪيو.ان کان پهرين ڀارتي بيٽسمينن پهرين اننگ جي شروعات ڪئي ته رڳو 50 رنسن عيوض سندس 5 رانديگر آئوٽ ٿي ويا.ڀارت پاران سرفرازخان 51، باٿم 21 رنسون ۽ ماهي پل لومرور 19 رنسون ٺاهي آئوٽ ٿيو.