تازيون خبرون

Daily Archives: February 15, 2016

بالي ووڊ اداڪارا ڪرشما ڪپور 4 سالن کانپوءِ فلم انڊسٽري ۾ واپس

ممبئي (شوبز نيوز) بالي ووڊ تي هڪ ڏهاڪي تائين راڄ ڪندڙ خوبصورت اداڪارا ڪرشما ڪپور 4 سالن کانپوءِ فلم انڊسٽري ۾ آئيٽم سانگ ذريعي واپس اچي رهي آهي.بالي ووڊ اداڪارا ڪرشام ڪپور جو نالو فلم انڊسٽريءَ جي انهن نالن ۾ شامل ٿئي ٿو جيڪي هڪ کان ٻن ڏهاڪن تائين فلم نگري ۾ راڄ ڪندا رهيا آهن. 1990 ع کان 2000 ع تائين فلمن جي دنيا ۾ پاڻ مڃرائيندڙ ڪرشما ڪپور 2004ع ۾ شادي کانپوءِ فلمي دنيا کان پاسرو ٿي وئي هئي.جنهن کانپوءِ 2012ع ۾ فلم “ڊينجرس عشق” سان واپس آئي،پر فلم جي  چاهه رکندڙن کي متاثر نه ڪري سگهي.جڏهن ته 4 سالن کانپوءِ هڪ ڀيرو ٻيهر آئيٽم سانگ ذريعي واپس اچي رهي آهي.

 

عامر خان جي ڀارتي وزيراعظم نريندر مودي سان ملاقات

ممبئي (شوبز نيوز) بالي ووڊ اداڪار عامر خان جي ڀارتي وزيراعظم نريندر مودي سان ملاقات.گذريل ڏينهن ممبئي جي بندرا ڪورلا  ڪامپليڪس ۾ ميگا اوينٽ ميڪ ان انديا تقريب ۾ شامل ٿيڻ کانپوءِ ڀارتي وزيراعظم نريندر مودي انهيءَ ڊنر ۾ عامر خان سان به ملاقات ڪئي.ياد رهي ته عامر خان پاران ڳئون کي ضبع ڪرڻ بابت بيان ڏيڻ تي ڀارت ۾ هندو انتهاپسندن سندس خلاف سڄي ملڪ ۾ مظاهرا ڪيا هئا ۽ ڀارتي وزيراعظم پاران مليل سيڪورٽي به واپس ورتي وئي هئي،جڏهن ته ڪلچر ڊيپارٽمينٽ جو سفير وارو عهدو به عامر خان کان واپس وٺي اميتاڀ بچن کي ڏنو ويو هو.

 

ڏکڻ آفريڪا انگلينڊ کي 5 وڪيٽن تان هارائي سيريز به پنهنجي نالي ڪري ورتي

ڪيپ ٽائون (اسپورٽس نيوز) ڏکڻ آفريڪا طوفاني بيٽنگ ۽ بالنگ سبب انگلينڊ کي 5 وڪيٽن تان هارائي،سيريز به پنهنجي نالي ڪري ورتي.تفصيل مطابق انگلينڊ خلاف ون ڊي سيريز جي شروع ۾ ٻئي ميچون هارائيندڙ آفريڪي ٽيم لڳاتار ٽين ميچ کٽي انگيلنڊ جي اميدن تي پاڻي ڦيري ڇڏيو ۽ 5 ميچن تي ٻڏل ون دي سيريز 2.3 تان پنهنجي نالي ڪئي.ڪيپ ٽائون ۾ کيڏيل آخري ۽ 5 ون دي ميچ ۾ انگلينڊ ٽيم پهرين کيڏندي 237 رنسن جو ٽارگيٽ ڏنو.جواب ۾ پروٽينز جون به رڳو 22 رنسن تي 3 وڪيٽون ڪري پيون ۽ مشڪل جو شڪار ٿي وئي.پر هاشم آملا ۽ اي بي ڊي وليئرز وچ ۾ 127 رنسن جي ڀائيواري جُڙي ۽ گڏيل طور تي ٽيم جي اسڪور کي 147 رنسن تائين  پهچايو.هاشم آملا 59 رنسون ٺاهي معين علي جي هٿان اسٽمپ آئوٽ ٿي ويو،جنهن کانپوءِ فرحان بهاردين به 13 رنسون ٺاهي عادل رشيد جو شڪار ٿيو.اي بي ڊي وليئرز ڊيوڊ ويس سان ملي ڪري گهرب ٽارگيٽ 44 هين اوور ۾ مڪمل ڪري ورتو.اي بي ڊي وليئرز 101 ۽ ويس 41 رنسن سان ناٽ آئوٽ رهيا.انگيلنڊ پاران ٽو پلي 3 رانديگرن جو شڪار ڪيو،جڏهن ته معين علي ۽ عادل رشيد هڪ، هڪ وڪيٽ وٺي سگهيا.

 

آسٽريليا ويلنگٽن ٽيسٽ ۾ نيوزي لينڊ کي هڪ اننگز ۽ 92 رنسن تان مات ڏئي سيريز ۾ برتري ماڻي ورتي

ويلنگٽن (اسپورٽس نيوز) آسٽريليا نيوزي لينڊ کي ويلنگٽن ٽيسٽ ۾ هڪ اننگز  ۽ 92 رنسن تان هارائي ڇڏيو،ڪينگروز ٻن ٽيسٽ ميچن واري سيريز ۾ ٻُڙيءَ جي ڀيٽ ۾ هڪ جي برتري حاصل ڪري ورتي.ويلنگٽن ٽيسٽ جي چوٿين ڏينهن تي نيوزي لينڊ پنهنجي اڻپوري اننگ 178 رنسون ۽ چار وڪيٽن جي نقصان تي ٻيهرشروع ڪئي ۽ پوري ٽيم چانهه جي وقفي کان پهرين 327 رنسون ٺاهي آئوٽ ٿي وئي.ٽم ليٿم ۽ هنري نڪولز ففٽي ،ففٽي اسڪور ڪيو ۽ سندن ففٽين به ڪيوي ٽيم کي نه بچائي سگهيون.اهڙي طرح ڪينگروز هڪ اننگ ۽ 92 رنسن تان پهرين ٽيسٽ ميچ کٽي ورتي.

 

ويلنٽائن ڊي ۽ ٻيا گناهه وغيرهه: وسعت الله خان

اڄ (ڪالهه) پاڪستان سميت دنيا جي اڪثر مسلمان ۽ غير مسلمان ملڪن ۾ ويلنٽائن ڊي (محبتن جو ڏينهن) ملهايو پيو وڃي. جڏهن ته ڪيئي هنڌن تي انتظامي پابندين جو به اعلان ٿيو آهي. اهڙا بينر به لڳا جن ۾ غيرن جون ريتون اختيار ڪرڻ کان منع ڪئي وئي آهي. عالمن ويلنٽائن ڊي جي غير شرعي حيثيت به کولي بيان ڪئي. هن ڀيري فيصل آباد جي هڪ ارب پتي صنعتي گروپ قومي اخبارن ۾ صفحي جي چوٿين حصي جو اشتهار به شايع ڪراوي ته:

هڪ ويلنٽائن نالي يهودي (جڏهن ته هو عيسائي هو) جيڪو غير شادي شده مرد ۽ عورت جي لاڳاپن کي جائز سمجهندو هو، تنهن جي ياد ۾ هاڻي مسلمانن جو بي حياءُ ۽ بي شرمُ نسل به ويلنٽائن ڊي ملهائڻ شروع ڪيو آهي. هن ڏينهن گل ۽ سوکڙيون ڏئي ۽ وٺي نوجوان ڇوڪرا ۽ ڇوڪري محبت جو اظهار ڪندا آهن ۽ ايئن ڪري هو اسلامي قدرن جا بکيا اڊيڙيندا آهن. ٿورو سچيو، اڄ اسان يهودين جو ڏينهن ملهائي رهيا آهيون. سڀاڻي اسان جا ٻار نه ڄاڻِ ڏياري ۽ ڪرسمس سميت ڪهڙن ڪهڙن مذهبن جا غير اسلامي ڏينهن ملهائيندا.

مان ذاتي طور اهڙن ايمان افروز خيالن سان اتفاق ڪندي مومنن جو ڌيان ڪجهه ٻين غير اسلامي بدعتن ڏانهن به ڇڪتائڻ ٿو گهران، ته جيئن انهن جي اثر کان معاشرو بلڪل شفاف ٿي وڃي. مثال طور سر سيد احمد خان، مولانا محمد علي، شوڪت علي، محمد اقبال، مولانا مودودي، حسن البنا ۽ سئيد قطب جون ڪوٽ، پينٽ ۽ ٽائي واريون جيڪي به تصويرون آهن تن تي به ليڪا پاتا وڃن.

حڪومت کان مطالبو ڪيو وڃي ته جناح جي سوٽ ٽاءِ جي تصوير وارا ڪرنسي نوٽ واپس وٺي شيروانيءَ واري تصوير شايع ڪئي وڃي، بلڪ تصوير ئي ڇو شايع ٿئي؟

سڀئي گل وڪڻندڙ اهو بورڊ ٽنگي ڇڏين ته هتي صرف عرس ۽ جنازي وغيره لاءِ گل ۽ شادي مواديءَ لاءِ هار ته ميسر آهن. 50 سالن کان گهٽ عمر وارا خريداريءَ جي زحمت نه ڪن يا وري ڪو معتبر ماڻهو ساڻ آڻين.

سڀني بيڪرين کي پابند ڪيو وڃي ته اهي ڪرسمس ڪيڪ صرف عيسائين کي وڪڻن. ان لاءِ مقامي چرچ جو سفارشي خط لازمي قرار ڏنو وڃي. جيڪڏهن ڪو مسيحي، هندو يا يهودي عيد مبارڪ چئي ته ٻڌي اڻ ٻڌي ڪري ڇڏيو ۽ هوليءَ جي ڏينهن ڪو هندو پاڙيسري يا ڪرسمس جي موقعي تي ڪو مسيحي دفتري ساٿي رستي ۾ ملي وڃي ته مبارڪباد جي گناهه کان بچڻ لاءِ ڪنڌ ٻئي پاسي ڦيرائي هليا وڃو.ننڍي عيد تي غير مسلمانن ڏانهن سيون وغيره موڪلڻ کان پاسو ڪريو ۽ انهن طرفان جي ڪرسمس ڪيڪ ۽ مٺائي اچي ته اها وٺو ضرور پر پاسو ڪري ڪچري ۾ اڇلائي ڇڏيو ته جيئن ڪنهن جي دل به نه ڏکئي ۽ پنهنجو ايمان به سلامت رهي.

ڪنوار جو ڳاڙهو وڳو، جهومرُ، موڙو، کير پارڻ، پيڪاڻو گهر ڇڏڻ وقت روئڻ، مينديءَ جي رسم ۾ دُهُل تي جهمر هڻڻ ۽ هر قسم جي کاڌي پيتي جي ڀرمار، حد کان وڌيڪ ڏاج يا لٽا ڪپڙا، اهي سڀ هندن جون رسمون آهن. نڪاح خوان اهڙي بي شرم، بي دين ماحول ۾ نڪاح پڙهائڻ کان انڪار ڪري ڇڏين ۽ اهڙين شادين جو گهيراءُ به ڪيو وڃي.

ٻيو ته شبِ برات واري رات ڦٽاڪا ڇوڙڻ واري ڏياريءَ سان ملندڙ رسم جو گڏجي بائيڪاٽ ڪيون. آتشبازيءَ جي سامان سان ڀريل گودام اڏائڻ ۾ به ڪو خاص نقصان ناهي ته جيئن بانس ۽ بانسريءَ سان گڏ وڄائيندڙ به وڄي وڃي.

اهڙين سڀني شين کي گهر، دفتر ۽ ڪارخاني مان ڪڍي اڇلايو وڃي جيڪو غير مسلمان تخريبي ذهن سان ايجاديا ناپاڪ هٿن سان تيار ڪيو آهي. ان سان نه رڳو هِتان کان اوستائين جاءِ خلاصي ٿي پوندي پر ڪم سان گڏوگڏ ضمير جو بار به رستي مان هٽي ويندو. صرف اهي شيون خريد ڪريو جيڪي مسلمانن ٺاهيون يا ايجاد ڪيون هجن. ان سان اصراف هڪ ڌڪ سان ختم ٿي ويندو ۽ پئسي جي به بي انتها بچت سان هر مسلمان مالي طور آسودو ٿي ويندو.

ڏٺو ويو آهي ته نوجوان نسل جيڪي تازه گُل خريد ڪري ٿو، ان سان شيطاني جذبا بيدار ٿين ٿا پر تازا هٿيار خريدڻ سان ايمان جي جذبي کي جَلا ملي ٿي. اجائي سجائي ڳالهه تي کلڻ سان دل بي حس ٿي ويندي آهي پر گهڻي کان گهڻو روئڻ سان نرم ٿي ويندي آهي، تنهن ڪري کلڻ جا سبب گهٽ کان گهٽ ۽ روئڻ جا ڪارڻ اڃا به وڌائڻ جي ضرورت آهي.ته ڇو نه سٺي ۽ خراب جي فرق کان عاري هن نئين بي راهرو نسل کي شعور جي وهيءَ ۾ پهچڻ کان اڳ لوهه جو ٽوپ پارايو وڃي. کوپڙي ننڍڙي ضرور ٿي ويندي پر کوپڙيءَ ۾ غير ضروري ٻاهران خيال داخل ٿيڻ جي جاءِ به نه رهندي. ايئن اسان سڀئي کِل خوشيءَ سان هڪ ئي کوهه ۾ رهنداسين. ڪنهن ٻئي جي ڪهڙي ضرورت، اسان پنهنجي لاءِ کوڙ آهيون.ا

(بي بي سي جي ٿورن سان)

 

سنڌ حڪومت جي اختيار ڌڻين ڏانهن: اصغر ملاح

عوام کي چوندي ڏٺو ويو آهي ته سنڌ جو ماڻهو صدين کان ماربو رهيو آهي، عربن جي سنڌ فتح ڪرڻ کان وٺي انگريرزن تائين سنڌ ڌرتي لٽبي ڦربي آئي آهي سنڌ جو وڏو مضبوط هٿيار قلم ۽ عمل هو اهو به اسان کان ڇڏائجي ويو آهي سنڌ جتي لطيف جي صوفياڻي ڪلام جو ورلاپ آلاپ جي ٿو جتي مخدوم جي قرباني جي ڪٿا سڻائجي ٿي جتي اياز جي ارڏن گيتن جي خوشبوءِ اچي ٿي جتي استاد بخاري جي قومي سڪ ڇلڪي ٿي جتي هيمو، هوشو جي دليري بهادري جرئت جا قصا هلن ان سنڌ جا اڪثر حڪمران سياستدان سنڌ جي عوام جي بهتري ڀلائي سنڌ جي ترقي، خوشحالي وارو دڳ وساري چڪا آهن وقت جي سنڌي حڪمرانن سياستدانن سردارن کي اهو سوچڻ گهرجي جڏهن اقتدار ۾ نه هوندا آهن ته عوامي ميڙن ۾ اڪثر وڏي آواز ۾ چوندا آهن ته سنڌ ۽ سنڌين سان ناانصافيون ڪڏهن برداشت نه ڪندا سنڌ جا حقيقي حق ڇني وٺنداسين عوام کي يقين هيو ۽ عوام کي چيو ويو هيو ته جمهوري سرڪار اچڻ سان نوجوانن کي بنا فرق جي روزگار ملندو ۽ عوام سان ٿيندڙ ناانصافين جو ازالو ٿيندو. عوام پاڻ سان ٿيندڙ ناانصافين جي نشانددهي وقت به وقت ڪئي آهي اڪثر حڪمرانن مفادن خاطر سنڌ جي عوام کي وساري ڇڏيو آهي جيڪي ماڻهو پنهنجي سنڌ سان سچا نه آهن ته اهي به ڪرپٽ آهن قدرتي وسيلن سان مالا مال سنڌ ڪيترن ئي مسئلن شڪار آهي سنڌ ۾ ڌارين جي وڌندڙ مسلسل يلغار سبب سنڌي پنهنجي سنڌ ۾ ڏينهون ڏينهن اقليت ۾ تبديل ٿي رهيا آهن خوشحال سنڌ جا وارث سنڌ جا نوجوان پنهنجي شاهوڪار ڌرتي تي روزگار لاءِ پريشان آهن جيڪي بيروزگاري سبب پنهنجون جوانيون جلاءِ خدڪشيون ڪري رهيا آهن شاهوڪار سنڌ ۾ ڏينهون ڏينهن وڌندڙ ڪرپشن هر عام وخاص ماڻهو عوام کي اذيت ۾ مبتلا ڪري ڇڏيو آهي سنڌ جون سماجي معاشي حالتون ايتريون ته خراب ٿي ويون آهن جو سنڌ جو اڪثر عوام بک، بدحالي مفلسي واري زندگي گذارڻ تي مجبور آهن جنهن سبب پنهنجا حقيقي حق ۽ صحيح انصاف حاصل ڪرڻ لاءِ واجهائي رهيو آهي ڪهڙو به سرڪاري کاتو هجي رشوت ڪرپشن ۽ ڪميشن ان جي جڙ ۾ شامل ٿي وئي آهي سرڪاري کاتن ۾ رشوت سفارش ۽ جائز ڪمن لاءِ سرڪاري مختلف افيسن جا ڌڪا کائندا رهن ٿا جن کي مختلف بهانا ڏئي مايوس ڪري موٽايو وڃي ٿو جٿي اڪثر داد رسي ٿيڻ بجاءِ اڪثر ٻڌو اڻ ٻڌو ڪيو ويندو آهي سنڌ حڪومت جي نااهلي چونڊيل نمائندن جي بي ڌياني ڪامورن جي ڪرپشن ۽ ڪميشن وصولي واري رجهان عوام جي سموري جائز ڪمن ۽ مسئلن کي نا جائز قرار ڏئي هر دؤر ۾ پريشان ڪيو ويندو آهي عوام جي ڀلائي بهتري لاءِ وجود ۾ آيل وفاقي صوبائي سرڪاري کاتن ۾ ڪرپشن ڪينسر جيان ناسور مرض بڻجي ويو آهي،

پرنٽ ۽ اليڪٽرانڪ ميڊيا اڳيان عوام وقت به وقت احتجاج ڪري دانهيو آهي ته ڪرپشن اڏهي وانگر سنڌ کي کائي پٽي ناس ڪري ڇڏيو آهي. ڪرپشن به هڪ قسم جي بي ايماني آهي پنهنجي ملڪ سان ڪرپٽ ماڻهو به هڪ دهشتگرد جي مثل آهي جيئن هڪ دهشتگرد پنهنجي ملڪ کي ظاهري تباهه ڪري ٿو ۽ سڄي ملڪ ۾ هڪ بدامني واري صورتحال پيدا ڪري ٿو پنهنجي ملڪ کي نقصان پهچائي ٿو، ائين ئي هڪ ڪرپٽ ماڻهو به بظاهر نه پر اندروني طور تي پنهنجي ملڪ کي تباهي طرف ڌڪي ٿو جيئن دهشتگرد نفرت جي لائق ان ڪري آهي جو اهو پنهنجي ملڪ سان غداري ڪري ٿو ڇا هڪ ڪرپٽ ماڻهو غدار نه آهي عوام جي نظر ۾ اهو هڪ غدار آهي جو اهو به دهشتگردن جيئن ظاهري نه پر باطني غداري ڪري ٿو جن ۾ عوام کي حقن جو نه ملڻ آهي ڪرپشن جهڙي گناهه کي جيڪڏهن مٽائڻو آهي ته پهرين انهن سببن کي ختم ڪيو جيڪي ماڻهو کي ڪرپشن تي مجبور ڪن ٿا سرڪاري کاتن ۾ من پسند ڪامورن جي مقرري آهي ٽريزري آفيس،نيشنل بينڪ، پراونشل روڊس، ايجوڪيشن ورڪس، پبلڪ هيلٿ، بلڊنگس،ميونسپل آفيس، حيسڪو آبپاشي صحت تعليم ۽ زڪوات آفيس اينٽي ڪرپشن ايڪسائيز پوليس روينيو آفيس،. سرڪاري کاتن ۾ عوامي مسئلن جي حل لاء مقرر ٿيل اهل ۽ ايماندار انسان دوست ڪامورا پنهنجون ڪوششون ڏينهن رات وٺن ٿا ته جيئن عوام جا مسئلن حل ٿي سگهن ۽ امن قائم ٿئي غريب عوام کي بنا فرق جي انصاف ملي دهشتگردي خلاف ملڪ ۽ قوم لاءِ فوج ۽ پوليس جي قربانين جي جيتري به ڳالهه جڪي اها گهٽ آهي. پر هتي ڪيترائي سرڪاري کاتا آهن جن ۾ من پسند ڪامورن رشوت ۽ ڪميشن وصولي جو سالن کان هيٺيان کان مٿي تائين مظبوط سرشتو قائم ڪري ڇڏيو آهي،

هڪ طرف سرڪاري خزاني جو ٻيڙو غرق ڪري ڇڏيو آهي ٻئي طرف عوام کي رشوت ڏيڻ تي مجبور ڪري ڇڏيو آهي اهو ڏينهن خالي نه آهي جو ڪرپشن نا انصافي خلاف احتجاج نه ٿيو هجي. حيرت ان ڳالهه تي آهي جو جمهوري سرڪار ۾ به سياسي سفارشي من پسند ڪامورن عوام جي جائز مسئلن جي حل ٿيڻ يا سهولتون ڏيڻ لاءِ ڪوششون وٺڻ بجاءِ رشوت جي بازار گرم ڪري ڇڏي آهي اهو قانون جنهن ۾ عوام جو آسرو آهي ان قانون ۾ وري ڪرپشن جو راڄ عام آهي اسان جي ملڪ جو قانون تمام بهتر آهي پر قانون جي عملداري عوام کي گهٽ نظر اچي ٿي عوام وقت به وقت احتجاج ڪري دانهيو آهي ته پوليس کاتي اندر موجود ڪجهه سياسي سرپرستي هيٺ ڀرتي ٿيل آفيسر ۽ اهلڪار عوام لاءِ آزار جو سبب بڻجي ويا آهن سنڌ اندر پوليس جي ڏاڍائي ۽ دهشتگردي جو نشانو بڻايل عام ماڻهو روزانو هر ننڍي، وڏي شهر ۾ احتجاج ڪندي ۽ دانهيندي نظر اچن ٿا پر انهن ماڻهن کي انصاف نه ٿو ملي. ناانصافين جو شڪار ٿيل عوام وقت به وقت دانهيو آهي ته سنڌ جي عوام ۾اڄ به سنڌ پوليس لاءِ اهو تاثر عام آهي ته پوليس ڏوهه منشيات فحاشي ۽ جوا جي اڏن سميت سماجي برائين کي ختم ڪرڻ لاءِ نه پر اڪثر پوليس ڪنهن ڏوهه جي انتظار ۾ هوندي آهي ته جيئن جاچ جي نالي تي ڏوهين سان گڏ بي ڏوهي عام ماڻهن کي گرفتار ڪري ڏنو پٽ ڇٽي واري رسم تحت ماڻهو ڇڏي مال ڪمايو وڃي ٿو اڪثر ڏٺو ويو آهي. اڪثر جنهن ماڻهو جو ڏوهه ٿيو ان سان انصاف ٿيڻ اڪثر ٻٻرن کان ٻير گهرڻ برابر هوندو آهي جيڪي بي ڏوهي ٿاڻن تي گرفتار ٿي اچن ٿا تن جي جيڪا تذليل ٿيندي آهي.

اها ته سڀني کي خبر آهي اڪثر ڏوهه جي جاچ دوران پوليس هر قسم جي قانون انصاف ۽ انساني حقن جي احترام توڙي اخلاقيات کان آجي ڏٺي وئي آهي پوءِ ڀلي وومين ٿاڻا ڇو نه هجن اتي به ساڳيا لاٽو ساڳيا چڳهه واري ڪار لڳي پئي آهي. پوليس کان پڇاڻو ٿيڻ گهرجي ته اوهان کي ڪهڙو قانون سيکاري ٿو ته پنهنجي مرضي سان عام ماڻهن کي گرفتار ڪري انهن جا مٿا ڪوڙيو ، مڇيون ڪوڙيو ۽ نڪ ۾ چن جو پاڻر وجهي کين مرڻينگ ڪري وري پئسا وٺي ڇڏيندا وڃو؟ ڏوهاري منشيات فروش هر حال ۾ گرفتار ٿيڻ گهرجن پر پوليس جيڪي ڪنهن بااثر جي چرچ تي پوليس ماڻهو گرفتار ڪري کڻي اچي ٿي انهن جي تذليل   ڪري ٿي تنهن سان معاشري ۾ سواءِ انارڪي ۽ انتقام جي ٻيو ڪجهه به ناهي حاصل ٿيڻو اها ڳالهه حڪمرانن کي سمجهڻ گهرجي. عوام جي نظر ۾ سنڌ اندر پوليس راڄ جي انڌير نگري جا ذميوار اهي حڪمران آهن جيڪي اهڙن ڪيسن تي اعلي! عملدارن کان اهو پڇاڻو نٿا ڪن ته اوهان ٿاڻن تي هي ڇا ڪري رهيا آهيون سنڌ جي ننڍن وڏن شهرن ۾ پوليس اهلڪار مختلف چوڪن ۽ چوراهن تي بيهي غريب مسڪين ماڻهن کان موٽر سائيڪل ۽ گاڏين جي ڪاغذن چيڪ ڪرڻ بهاني خرچي اوڳاڙڻ ۾ مصروف نظر ايندي آهي.

سنڌ جي عوام جو هميشه اهو مطالبو رهيو آهي ته پوليس کي ڏوهه منشيات فحاشي ۽ جوا جي اڏن سميت سماجي برائين ختم ڪرڻ لاءِ سڀ کان اول پاڻ ان قانون ۽ انصاف جو پابند ٿيڻو پوندو سنڌ جي پوليس ۾ اهل ايماندار پوليس آفيسرن کي اڳتي آڻي پوليس مان سياسي مداخلت ختم ڪري جديد تقاضائن تي صحيح جاچ جي ترتيب ڏيڻ سميت عام ماڻهو کي بنا فرق جي انصاف ڏيڻ جي سخت ضرورت آهي جنهن سان سنڌ ۾ پوليس جو ادارو عوام لاءِ ڪا اميد بڻجي سگهي پر اڃا تائين اهو سڀ ڪجهه سنڌ جي عوام لاءِ هڪ خواب ئي بڻيل آهي عوام دانهيو آهي ته سنڌ جي ٻين ضلعن جيان سال 07 2006ع ۾ رونيو کاتي ۾ حڪومت سنڌ هڪ انڪوائري ڪميٽي ويهاري جنهن ۾ خبر پئي ته ڪوهستان جي ڪجهه ديهن جي تقريبن هڪ لک ايڪڙ سرڪاري زمينون جعلي طور ماڻهن کي الاٽ ڪيون ويون ان بعد ڪوهستان جي سموري زمين جي کاتي بدل فوتي کاتي بدل وڪري ۽ خريداري تي پابندي لڳائي وئي بعد ۾ داخل ڪرايل هڪ درخواست تي                           ……….هلندڙ

سپريم ڪورٽ آف پاڪستان جي حڪم بعد نئين جاچ جو حڪم ڏئي ٻيهر کاتا رکڻ انهن کي ڪمپيوٽرائيزڊ ڪرڻ ۽ ان جعلسازي ڪرڻ جي مختلف ڪردارن اي سي مختيارڪار ۽ تپيدار خلاف ڪيس داخل ڪرڻ جو حڪم ٿيل آهي. پر وريو ڪجهه به نه آهي افسوس سان چوڻ پوي ٿو ته. سموري جعلسازي ۾ ملوث ڪردار ساڳين جاين تي وري مقرر ٿيل آهن سنڌ حڪومت نه رڳو ڪوهستان جي غريب جي ڦٽن تي لوڻ ٻرڪيو آهي پر ان سان گڏ سپريم ڪورٽ جي حڪم جي ڀڃڪڙي به ڪئي آهي دادو ڊپٽي ڪمشنر جي بي ڌياني روينيو کاتو رشوت جو ڳڙهه بڻجي وئي: شهري جائز ڪمن لاءِ در بدر دادو جو روينيو کاتي جي تپيدارن پنهنجا ايجنٽ مقرر ڪري ڇڏيا جيڪي ايجنٽ داخل فردن ۽ روينيو جي ٻين جائز ڪمن جي مند ۾ رشوت وٺي تپيدارن کي پهچائن ٿا سٽي سروير ۽ رجسٽرار آفيس ۾ جائز ڪمن تي عوام کان سرعام بنا ڊپ ڊاء جي رشوت وصولي ڪئي وڃي ٿي تصديق لاء سرٽيفڪيٽ سميت عام مختيار نامي ۽ پلاٽ جڳهين جي دستاويز جا سچا تقل اڻ سروي ايراضي ۽ ٻين جائز ڪمن لاء سرڪاري آفيس کان علاوه عوام کان غير قانوني هزارين روپيه بنا ڪنهن ڊپ ڊاء جي رشوت وصول ڪري رهيا آهن شهرين جو الزام دادو سب رجسٽرار آفيس ۽ سٽي سروير دادو ۽ ٻين ملي بڳت ڪري سالن کان مختلف ايجنٽ ذريعي مختلف ڪمن جا ريٽ مقرر ڪري هيٺان کان مٿي تائين رشوت ڏئي سالن کان ٻنهي هٿن سان عوام کي لٽي رهيا آهن رشوت وصولي خلاف وقت به وقت عوام سجاڳ ڌرين پريس ڪلبن اڳيان احتجاج ڪري دانهيو آهي ته رشوت وصولي سبب هي کاتو سڀني کاتن کان وڌيڪ عوام لاء آزار بنجي ويو آهي ڳريون رشوتون وصول ڪري ڪوڙيون رجسٽريون ڪري رجسٽر ۾ داخل ڪري ڪک پٽي مان لک پتي بڻجي ويا آهن جن کان ڪير پڇڻ وارو نه آهي عوام دانهيو آهي ته دادو سب رجسٽرار آفيس ۾ جائز ڪم بغير رشوت وصولي بنا ناممڪن آهن رشوت نه ڏيندڙ ماڻهن کي مختلف بهانا بنائي ميهنن جا مينا آفيس جا چڪر ڪاٽڻ تي مجبور ڪيو وڃي ٿو رشوت وصولي بعد ناجائز ڪم به جائز ڪري ڏنو وڃي ٿو جنهن سبب مختلف هنڌن کان جائز ڪمن لاء ايندڙ بي پهچ عوام سخت پريشان ۽ مشڪلاتن جو شڪار ٿي ويا آهن غريب بي پهچ عوام جي دادرسي ٿيندي نظر نه ٿي اچي جيسيتائين ذميوارن، ڪوتاهي ڪندڙ ڪامورن کي سزائون نه ڏنيو ويندون تيسيتائين ڪامورا لاپرواهي ڪندا رهندا عوام جو مطالبو رهيو آهي ته سالن کان مقرر سٽي سروير رجسٽرار ۽ روينيو عملي خلاف اعلي! سطحي جائچ ڪرائي ملوث ماڻهن خلاف قانوني ڪاروائي ڪري اهل ايماندار عملو مقرر ڪري عوام سان ٿيندڙ ناانصافين جو ازالو ڪيو وڃي

 

ASGHAR MALLAH

03337072052

Email: mallah asghar @ yahoo . com

 

 

 

 

 

پ پ ۽ ن ليگ اختلاف يا سياست

سنڌ جي وڏي وزير جي اطلاعات بابت صلاحڪار مولا بخش چانڊيو چيو آهي ته پ پ پ خلاف نون نون طريقن سان سازشون ڪيون پيون وڃن. هن چيو ته پ پ پ کي ڪمزور ڪرڻ وفاق کي ڪمزور ڪرڻ جي برابر آهي . هو هوسڙي جي ڳوٺ غلام عباس پنهور ۾ سندس مان ۾ ڏنل آجياڻي ۽ جلسي جي موقعي تي ميڊيا سان ڳالهائي رهيو هو. صوبائي صلاحڪار چيو ته وفاقي حڪومت جو سنڌ ۽ بلوچستان سان رويو درست ناهي. سنڌ ۽ بلوچستان جو ذڪر اچڻ تي ن ليگ جي وزيرن جي لهجي ۾ سختي اچي ويندي، جيڪو رويو جمهوري ناهي. سنڌ جي واحد جماعت پ پ جو ميڊيا ٽرائل ڪري نيون سازشون ڪيون پيون وڃن.ايڪشن پلان تي رڳو سنڌ ۾ عملدرآمد ٿي رهيو آهي، ڄڻ باقي صوبا دهشتگردي، بدانتظامي، بدنظمي ۽ ڪرپشن کان پاڪ آهن!

پ پ خلاف ڪجهه به نه ملڻ تي ايان علي ۽ عذير بلوچ کي منظرعام تي آندو ويو، جنهن مان مخالفن کي ڪجهه نه وريو. چوڌري نثار جو پچ تي لت رکڻ وارو رويو حيران ڪندڙ آهي، گهرو وزير وزيراعظم توڙي ملڪ سان سچو ناهي. مولا بخش چانڊئي، عدليا کي اپيل ڪئي ته سنڌ سان ٿيندڙ زيادتين جو پاڻمرادو نوٽيس ورتو وڃي ملڪ ۾ پ پ پ واحد جماعت آهي جنهن قيادت کان وٺي ڪارڪنن تائين قربانيون ڏنيون آهن. پ پ پ جو ميڊيا ٽرائل ڪيو پيو وڃي ۽ مختلف ڪيسز جوڙِيا پيا وڃن. ضياءَ الحق جي دور کان پ پ پ خلاف سازشون ڪيون پيون وڃن جنهن جو اسان پهريان به مقابلو ڪيو آهي ۽ هاڻي به ڪنداسين. اهو وقت پري نه آهي جڏهن بلاول ڀٽو زرداري ملڪ جون واڳون سنڀاليندو ۽ اهو نه صرف سنڌ پر ملڪ جي ماڻهن جا مسئلا حل ڪندو. اسان آپريشن جي حمايت ڪيون ٿا ۽ ڪراچي ۾ آپريشن آخري دهشتگرد جي خاتمي تائين جاري رهندو. سازشي عنصرن آپريشن جي آڙ ۾ قومي سلامتي جي ادارن کي پ پ پ سان ويڙهائڻ جي ڪوشش ڪئي جنهن ۾ اهي ناڪم رهيا آهن. مصنوعي دانشور ۽ تجزيا نگار ملڪ ۾ سموري خرابي جو ذميوار پ پ پ کي ئي سمجهن ٿا. ن ليگ ۾ سٺا ماڻهو به آهن جيڪي چاهين ٿا ته وفاق ۾ سمورن صوبن کي گڏ کڻي هلڻ گهرجي . سنڌ ۾ بجلي ۽ گئس جا مسئلا ڏينهون ڏينهن وڌي رهيا آهن جنهن تي ڌيان ڏيڻ جي ضرورت آهي. سنڌ جي ڪجهه علائقن ۾ ته فقط ڪجهه ماڻهن پاران بجلي جي بلن جي عدم ادائيگين تي 34 ٽرانسفارمر لاٿا ويا آهن جنهن جي ڪري امن امان وارو مسئلو پڻ پيدا ٿي سگهي ٿو. اسان کي سنڌ ۾ پوليس ۽ رينجرز جي ڪارڪردگي تي فخر آهي ۽ واضع ڪيو ته ڪراچي آپريشن آخري دهشتگرد جي خاتمي تائين جاري رهندو. مائيڪ جي سهاري تي زنده رهندڙ ڪجهه ماڻهو ۽ پارٽيون چئي رهيا آهن ته پ پ پ غير مقبول ٿي رهي آهي. پ پ پ جا ڪارڪن اڄ به شعور ۾ آهن ۽ پارٽي انهن جي ڪري ئي سلامت آهي تمام جلد پ پ پ جي خلاف اها پروپئگنڊا به ختم ٿي ويندي ته پوءِ اهي وري ڪاٻي بي تڪي ڳالهه کڻي ايندا . واضع ڪيان ٿو ته بلاول ڀٽو جي اڳواڻي ۾ اسان تعصب کان پاڪ هڪ بهترين معاشرو جوڙڻ ۾ ضرور ڪامياب ٿينداسين. جمهوريت جو تسلسل اسان جي ڪري آهي.

 

آمريڪا پاڪستان کي ايف 16 جهازن جي وڪري تي ڀارتي اعتراض رد ڪري ڇڏيا

واشنگٽن اسلام آباد(اي پي پي/اين اين آءِ) آمريڪا پاڪستان کي ايف 16 جهاز وڪرو ڪرڻ تي ڀارتي اعتراض کي رد ڪندي چيو آهي ته پاڪستان کي جهاز ضرور وڪرو ڪرڻ گهرجن جهاز دهشتگردن خلاف مددگار ثابت ٿيندا. ڀارتي اعتراض بنا جواز آهي صحافين کي بريفنگ ڏيندي جان ڪربي چيو ته پاڪستان جي قبائلي علائقن ۾ دهشتگردن خلاف آپريشن لاءِ ويڙهاڪ جهاز لازمي آهي ضرب عضب آپريشنن سبب افغانستان ۾ عسڪريت پسندي گهٽ ٿي وئي آهي آپريشن کانپوءِ افغانستان سميت خطي ۾ امن امان بحال ٿيندو. پاڪستان امريڪا طرفان ايف 16 جهازن جي وڪري تي ڀارتي حڪومت جي بيانن تي حيرت جو اظهار ڪيو آهي، پاڪستان ۽ امريڪا دهشتگردي جي خاتمي لاءِ سهڪار ڪري رهيا آهن. آچر تي ڀارت جي رد عمل تي پنهنجو موقف بيان ڪندي پرڏيهي آفيس جي ترجمان چيو ته اسان ڀارتي حڪومت جي رد عمل تي حيران آهيون ڇو ته ان جي فوج دنيا جي وڏين فوجن ۾ شامل آهي ۽ ان جي فضائيه وٽ به خطي جي ٻين ملڪن جي ڀيٽ ۾ وڌيڪ طاقتور جهاز موجود آهن جڏهن ته ڀارت دفاعي اوزارن جو سڀ کان وڏو امپورٽر آهي. ايف 16 جي وڪري جي حوالي سان پرڏيهي ترجمان چيو ته پاڪستان ۽ امريڪا دهشتگردي جي خاتمي لاءِ گهڻو سهڪار ڪري رهيا آهن ۽ امريڪي ترجمان واضح طور تي چيو هو ته ايف 16 جهازن جي وڪري جو مقصد هدف کي واضح طريقي سان نشانو بڻائڻ جي سگهه وڌائڻ آهي.

 

سنڌ ۾ داعش جو ڪو به وجود ناهي، شهيد ڀٽو دنيا ۾ پاڪستان کي اسلام جو قلعو بڻايو: وڏو وزير

خيرپور (ڊ.ر) سنڌ جي وڏي وزير سيد قائم علي شاهه چيو آهي ته سنڌ ۾ داعش جو ڪو به وجود ناهي رڳو داعش جو نالو استعمال ٿي رهيو آهي خدا جو شڪر آهي ته امن و امان جي سلسلي ۾ سنڌ حڪومت ۽ قانون لاڳو ڪندڙ ادارن جي ڪاوشن سان امن و امان قائم ٿيو آهي، هن اهڙو اظهار مهران يونيورسٽي انجينئرنگ ٽيڪنالوجي شهيد ذوالفقار علي ڀٽو ڪيمپس خيرپور ۾ مسجد ، آڊيٽوريم، پيٽروليم، مڪينيڪل ، اليڪٽريڪل، نيچرل گيس جي شعبن جي افتتاح جي موقعي تي ميڊيا سان ڳالهه ٻولهه ڪندي ڪيو. وڏي وزير سيد قائم علي شاهه چيو ته سي سي آءِ جو اجلاس ٿيندو، جنهن مان وفاق کان سنڌ جي سمورن مسئلن بابت تفصيل سان ڳالهه ٻولهه ڪنداسين، صحت ۽ ايجوڪيشن صوبائي معاملا آهن سنڌ جي حقن لاءِ جدوجهد ڪئي ويندي، اسان وفاق سان محبت سان سمورا مسئلا حل ڪرڻ چاهيون ٿا، آئين ۽ قانون تحت اسانکي پنهنجو حق ملڻ کپي ۽ اسان اهو حق وٺنداسين. سي سي آءِ جو اجلاس ڪيترن مهينن کان پوءِ ٿي رهيو آهي،  وڏي وزير سيد قائم علي شاهه تقريب کي خطاب ڪندي چيو ته شهيد ذوالفقار علي ڀٽو دنيا جو وڏو عظيم ليڊر هيو، شهيد ڀٽو دنيا ۾ پاڪستان کي اسلام جو قلعو بڻايو، پيپلز پارٽي جو منشور آهي ته تعليم صحت ۽ ٻين شعبن ۾ بنا فرق جي خدمت ڪئي وڃي، مهراڻ انجينئرنگ اينڊ ٽيڪنالوجي جي ڪيمپس جيڪب آباد، عمر ڪوٽ ۽ مٺي ۾ قائم ڪيو ڪيو ويندو، جيڪا سنڌ حڪومت جي وڏي ڪاميابي آهي، اسانجي ڪوشش آهي ته صوبي جي سمورن ضلعن ۽  تعلقن ۾ ڪاليج ۽ اسڪول هجن. سنڌ حڪومت جي پهرين ترجيح آهي ته تعليم ۽ صحت جي شعبن کي هٿي ڏئي وڌيڪ بهتري آڻجي. خيرپور ڪراچي کان پوءِ آبادي ۽ رقبي جي لحاظ کان وڏو ضلعو آهي، ان طرح هن شهر کي حق ملڻ کپي. خيرپور ۾ مهراڻ انجينئرنگ ٽيڪنالوجي شهيد ذوالفقار علي ڀٽو ڪيمپس هڪ خواب هيو، جيڪو اڄ مڪمل ٿيو آهي، جلد ان ڪيمپس کي يونيورسٽي جو درجو ڏيارينداسين. وڏي وزير سيد قائم علي شاهه چيو ته شهيد بينظير ڀٽو جي وزن جي تي عمل ڪندي شهيد بينظير آباد، لاڙڪاڻي ، خيرپور ۽ ٻين شهرن ۾ تعليمي ادارا ۽ اسپتالون قائم ڪيون ويون آهن. هن وڌيڪ چيو ته سنڌ ۾ پرائمري اسڪولن ۾ تعليم جي فروغ لاءِ حڪومت توجهه ڏئي رهي آهي ۽ اسانجي حڪومت استادن جي پگهارن ۾ 40 هزار رپيه واڌ ڪئي آهي، اسانجي پيڙهه مضبوط هوندي تي سنڌ ترقي ڪندو. سنڌ ۾ 45 هزار اسڪول فنڪشنل آهن، استادن کي کپي ته هو تعليم جي فروغ لاءِ پنهنجي خدمتون ڀرپور نموني ادا ڪن. وڏي وزير سيد قائم علي شاهه چيو ته اڄ وڏي خوشي ٿي رهي آهي ته اسانجي هن انجينئرنگ ڪيمپس مان 600 انجنيئر پيدا ٿيا آهن، وڏي وزير سيد قائم علي شاهه چيو ته سنڌ قدرتي وسيلن سان مالا مال آهي سنڌ جا نوجوان اڳتي اچي تعليم حاصل ڪن ۽ پنهنجي صوبي جي خدمت ڪن اسان وٽ تيل ، گيس، ڪوئلو ۽ ٻيون جنسون موجود آهن جنهنجي استعمال سان سنڌ ترقي ماڻيندو، وڏي وزير سيد قائم علي شاهه چيو ته ورلڊ بينڪ جي صدر گذريل ڏينهن ڪراچي ۾ ملاقات ڪئي ۽ سنڌ ۾ ٿيل ترقي بابت بريفنگ تي خوشي جو اظهار ڪندي ورلڊ بينڪ پاران زراعت ، تعليم ۽ انڊسٽري جي شعبن ۾ وڌيڪ سهڪار ۽ مالي مدد جو يقين ڏياريو، جيڪا سنڌ حڪومت جي ڪارڪردگي آهي. هن چيو ته ايندڙ ٻن سالن ۾ پيپلز پارٽي جي حڪومت صوبي ۾ وڌيڪ بهتري ۽ عوام جي خوشحالي لاءِ رٿا بندي ڪندي ۽ وڌيڪ ادارا قائم ڪندي، ان کان اڳ وڏي وزير سيد قائم علي شاهه خيرپور ريلوي اسٽيشن ڀرسان مهراڻ انجينئرنگ اينڊ ٽيڪنالوجي شهيد ذوالفقار علي ڀٽو ڪيمپس ۾ بوائز ۽ گرلز هاسٽل، شاپنگ مال، ايمپلائز ڪوارٽر، پلي گرائونڊ جم خانه ۽ ٻين شعبن جو افتتاح ڪيو. ان موقعي تي وڏي وزير سيد قائم علي شاهه بوائز هاسٽل بلاڪ ون جي پيڙهه جو پٿر رکيو ۽ ٻوٽو پوکيو. تقريب کي مهراڻ انجنيئرنگ اينڊ ٽيڪنالوجي ڄامشورو جي وائيس چانسلر محمد اسلم عقيلي ، پرو وائيس چانسلر غلام سرور ڪنڌر ۽ ٻين خطاب ڪيو ان کان اڳ وڏي وزير سيد قائم علي شاهه ڪيمپس جي پيٽروليم نيچرل گيس، اليڪٽريڪل، مڪينيڪل ،آڊيٽوريم ۽ ٻين شعبن جو دورو ڪيو ۽ پنهنجي دلچسپي جو اظهار ڪيو ان موقعي تي وڏي وزير جي پوليٽيڪل سيڪريٽري لعل بخش منگي، ڪمشنر سکر ڊويزن محمد عباس بلوچ، ڊي سي خيرپور فياض حسين جتوئي، ڊي آءِ جي سکر اظهر رشيد ، پرسنل سيڪرٽري مظهر خان ، ايس ايس پي سيد پير محمد شاهه، علي شير مڪول ،ڊاڪٽر يار محمد ڦلپوٽو، غلام حسين مغل، امام ڏنو ملاح ، لالا عبدالغفار شيخ، رئيس غلام قاسم جسڪاڻي، شفيع محمد چانڊيو، شفقت مهيسر ايڊوڪيٽ ، اياز ميمڻ ، پير نديم جان سرهندي ۽ ٻيا پڻ موجود هئا.

 

وفاقي حڪومت جو سنڌ ۽ بلوچستان سان رويو درست ناهي: مولا بخش چانڊيو

حيدرآباد (اي پي پي) سنڌ جي وڏي وزير جي اطلاعات بابت صلاحڪار مولا بخش چانڊيو چيو آهي ته پ پ پ خلاف نون نون طريقن سان سازشون ڪيون پيون وڃن. هن چيو ته پ پ پ کي ڪمزور ڪرڻ وفاق کي ڪمزور ڪرڻ جي برابر آهي . هو اڄ هوسڙي جي ڳوٺ غلام عباس پنهور ۾ سندس مان ۾ ڏنل آجياڻي ۽ جلسي جي موقعي تي ميڊيا سان ڳالهائي رهيو هو. صوبائي صلاحڪار چيو ته وفاقي حڪومت جو سنڌ ۽ بلوچستان سان رويو درست ناهي. صوبائي صلاحڪار چيو ته سنڌ ۽ بلوچستان جو ذڪر اچڻ تي ن ليگ جي وزيرن جي لهجي ۾ سختي اچي ويندي، جيڪو رويو جمهوري ناهي. مولا بخش چانڊئي چيو ته سنڌ جي واحد جماعت پ پ جو ميڊيا ٽرائل ڪري نيون سازشون ڪيون پيون وڃن. صوبائي صلاحڪار چيو ته ايڪشن پلان تي رڳو سنڌ ۾ عملدرآمد ٿي رهيو آهي، ڄڻ باقي صوبا دهشتگردي، بدانتظامي، بدنظمي ۽ ڪرپشن کان پاڪ آهن! مولا بخش چانڊئي چيو ته پ پ خلاف ڪجهه به نه ملڻ تي ايان علي ۽ عذير بلوچ کي منظرعام تي آندو ويو، جنهن مان مخالفن کي ڪجهه نه وريو. صوبائي صلاحڪار چيو ته چوڌري نثار جو پچ تي لت رکڻ وارو رويو حيران ڪندڙ آهي، گهرو وزير وزيراعظم توڙي ملڪ سان سچو ناهي. مولا بخش چانڊئي، عدليا کي اپيل ڪئي ته سنڌ سان ٿيندڙ زيادتين جو پاڻمرادو نوٽيس ورتو وڃي ملڪ ۾ پ پ پ واحد جماعت آهي جنهن قيادت کان وٺي ڪارڪنن تائين قربانيون ڏنيون آهن. هن چيو ته پ پ پ جو ميڊيا ٽرائل ڪيو پيو وڃي ۽ مختلف ڪيسز جوڙِيا پيا وڃن. هن چيو ته ضياءَ الحق جي دور کان پ پ پ خلاف سازشون ڪيون پيون وڃن جنهن جو اسان پهريان به مقابلو ڪيو آهي ۽ هاڻي به ڪنداسين. هن چيو ته اهو وقت پري نه آهي جڏهن بلاول ڀٽو زرداري ملڪ جون واڳون سنڀاليندو ۽ اهو نه صرف سنڌ پر ملڪ جي ماڻهن جا مسئلا حل ڪندو. هن چيو ته اسان آپريشن جي حمايت ڪيون ٿا ۽ ڪراچي ۾ آپريشن آخري دهشتگرد جي خاتمي تائين جاري رهندو. هن چيو ته سازشي عنصرن آپريشن جي آڙ ۾ قومي سلامتي جي ادارن کي پ پ پ سان ويڙهائڻ جي ڪوشش ڪئي جنهن ۾ اهي ناڪم رهيا آهن. هن چيو ته مصنوعي دانشور ۽ تجزيا نگار ملڪ ۾ سموري خرابي جو ذميوار پ پ پ کي ئي سمجهن ٿا. مولابخش چانڊيو چيو ته ن ليگ ۾ سٺا ماڻهو به آهن جيڪي چاهين ٿا ته وفاق ۾ سمورن صوبن کي گڏ کڻي هلڻ گهرجي . هن چيو ته سنڌ ۾ بجلي ۽ گئس جا مسئلا ڏينهون ڏينهن وڌي رهيا آهن جنهن تي ڌيان ڏيڻ جي ضرورت آهي. هن چيو ته سنڌ جي ڪجهه علائقن ۾ ته فقط ڪجهه ماڻهن پاران بجلي جي بلن جي عدم ادائيگين تي 34 ٽرانسفارمر لاٿا ويا آهن جنهن جي ڪري امن امان وارو مسئلو پڻ پيدا ٿي سگهي ٿو.هن چيو ته اسان کي سنڌ ۾ پوليس ۽ رينجرز جي ڪارڪردگي تي فخر آهي ۽ واضع ڪيو ته ڪراچي آپريشن آخري دهشتگرد جي خاتمي تائين جاري رهندو. هن چيو ته مائيڪ جي سهاري تي زنده رهندڙ ڪجهه ماڻهو ۽ پارٽيون چئي رهيا آهن ته پ پ پ غير مقبول ٿي رهي آهي. هن چيو ته پ پ پ جا ڪارڪن اڄ به شعور ۾ آهن ۽ پارٽي انهن جي ڪري ئي سلامت آهي هن چيو ته تمام جلد پ پ پ جي خلاف اها پروپئگنڊا به ختم ٿي ويندي ته پوءِ اهي وري ڪاٻي بي تڪي ڳالهه کڻي ايندا . هن واضع ڪيو بلاول ڀٽو جي اڳواڻي ۾ اسان تعصب کان پاڪ هڪ بهترين معاشرو جوڙڻ ۾ ضرور ڪامياب ٿينداسين. هن چيو ته جمهوريت جو تسلسل اسان جي ڪري آهي ٿر جي صورتحال بابت سوال تي هن چيو ته ٿر ۾ ماضي جي ڀيٽ ڪافي بهتري آئي آهي ۽ سنڌ حڪومت انفراسٽرڪچر جي تعمير تي وڏي رقم خرچ ڪئي آهي ، روڊ تعمير ڪيا ويا آهن ۽ 700کان وڌيڪ آراو پلانٽس لڳايا ويا آهن جنهن سان ٿر جي لکين ماڻهن کي پيئڻ جو مٺو پاڻي فراهم ٿي رهيو آهي. هن چيو ته ٿر جي زندگي صدين کان ڏکي رهي آهي ۽ سنڌ حڪومت پاران ڊگهي ۽ ننڍي مدي وارا منصوبا جوڙي رهي آهي جنهن سان صورتحال وڌيڪ بهتر ٿي ويندي . هن چيو ته ڪافي عرصي کان ٿر ۾ سنڌ حڪومت پاران مفت ڪڻڪ ورهائي پئي وڃي. هڪ سوال تي هن چيو ته شرجيل ميمڻ ذاتي سببن ڪري وزارت تان استعيفا ڏني ۽ هو جلدي ڏيهه ورندو ۽ پنهنجي علائقي جا مسئلا حل ڪندو بعد ۾ هن عوامي ميڙ کي خطاب ڪندي چيو ته اهي پ پ پ سان پنهنجو رشتو مضبوط رکن ۽ کين يقين ڏياريو ته سندن مسئلا ترجيحي بنيادن تي حل ڪيا ويندا. ان موقعي تي هن ڪامريڊ عبدالحسين پنهور جو شڪريو ادا ڪندي پارٽي لاءِ سندس ڪيل خدمتن جي واکاڻ ڪئي.