تازيون خبرون

Daily Archives: February 7, 2016

فيس بڪ تي اميتاڀ بچن جي مداحن جو انگ 23 ڪروڙ ٿي ويو

ممبئي (شوبز نيوز) بالي ووڊ جي ليجنڊ اداڪار اميتاڀ بچن جي فيس بڪ تي مداحن جو انگ 23 ڪروڙن تائين پهچي ويو آهي. بالي ووڊ جي سڌ سماءَ وارن ذريعن جي رپورٽ موجب اميتاڀ جي فيس بڪ تي فالوورز جو انگ 23 ڪروڙ تائين پهچي ويو آهي. اميتاڀ فيس بڪ تي پنهنجي هڪ پيغام ۾ ان تي خوشي جو اظهار ڪندي مداحن جي پسنديدگي جو شڪريو ادا ڪيو آهي. گذريل سال رليز ٿيل سندس فلم ”پيڪو“ کي مداحن تمام گهڻو پسند ڪيو هو.

 

ڪترينا ڪيف جي والده ڌيءُ ۽ رنبير وچ ۾ فاصلا گهٽائڻ لاءِ سرگرم

ممبئي (شوبز نيوز) بالي ووڊ اداڪاره ڪترينا ڪيف جي والده سوزين پنهنجي ڌيءُ ۽ رنبير وچ ۾ فاصلا گهٽائڻ لاءِ سرگرم ٿي وئي. ڀارتي خابرو اداري جي رپورٽ موجب مشهور ڀارتي اداڪاره ڪترينا ڪيف جي والده سوزين رنبير جي والده نيتو ڪپور سان رابطو ڪيو آهي ته جيئن ٻنهي اداڪارن وچ ۾ وڌندڙ فاصلن کي گهٽائي سگهجي. هن نيتو ڪپور سان رابطو ڪري رنبير کي سمجهائڻ جي درخواست ڪئي. هن وڌيڪ چيو ته ٻارن وچ ۾ وڌندڙ فاصلا مٿي جو سور بڻجي ويا آهن. ٻئي پاسي نيتو ڪپور ان درخواست کي رد ڪندي صاف صاف چئي ڇڏيو آهي ته هو ان سلسلي ۾ ڪجهه نه ٿي ڪري سگهي ۽ اهو رنبير جو ذاتي مسئلو آهي.

 

ياسر شاهه وڏي سزا کان بچي ويو،آءِ سي سي ڊوپ ٽيسٽ پازيٽو اچڻ تي ٽن مهينن جي پابندي هڻي ڇڏي

دبئي(اسپورٽس نيوز) ڊوپ ٽيسٽ ۾ معطلي جو شڪار پاڪستاني ليگ اسپنر ياسر شاهه وڏي سزا کان بچي ويو. انٽرنيشنل ڪرڪيٽ ڪائونسل (آءِ سي سي) ياسر شاهه تي ٽن مهينن جي پابندي هڻي ڇڏي، اهڙي طرح هو 27 مارچ تائين ڪرڪيٽ نه کيڏي سگهندو. ياسر شاهه جو گذريل سال 13 نومبر تي انگلينڊ خلاف ون ڊي سيريز دوران رينڊم ڊوپ ٽيسٽ ورتي وئي هئي جيڪا پازيوٽو آئي ۽ سيمپل ۾ ڪلورٽا ليڊون جا اثر ظار ٿيا جنهن کان پوءِ آءِ سي سي کيس گذريل سال 27 ڊسمبر تي ڪرڪيٽ کيڏڻ کان روڪي ڇڏيو. آءِ سي سي 29سالن جي ياسر شاهه تي ٽن مهينن لاءِ انٽرنيشنل ڪرڪيٽ جا دروازا بند ڪري ڇڏيا آهن اهڙي طرح هو 27 مارچ تائين راند جي ميدان کان پري رهندو.ا

 

مورني مورڪل ون ڊي ۾ اسٽورٽ براڊ جو وڌيڪ وڪيٽن جو رڪارڊ ٽوڙي ڇڏيو

پورٽ الزبٿ (اسپورٽس نيوز) ڏکڻ آفريقي فاسٽ بالر مورني مورڪل ون ڊي ڪرڪيٽ ۾ اسٽورڊ براڊ جو وڌيڪ وڪيٽن جو رڪارڊ ٽوڙي ڇڏيو. مورڪل انگلينڊ خلاف کيڏيل ٻئين ون ڊي ۾ اهو اعزاز حاصل ڪيو. انگلينڊ خلاف کيڏيل ون ڊي ميچ لاءِ مورني مورڪل جڏهن ميدان ۾ آيو ته کيس اسٽورٽ براڊ جو رڪارڊ ٽوڙڻ لاءِ هڪ وڪيٽ جي ضرورت هئي، هن ڪپتان ايون مورگن کي آئوٽ ڪري وڌيڪ وڪيٽن جي لسٽ ۾ براڊ کي پوئتي ڇڏي ڏنو. مورڪل 105 ميچن ۾ 179 وڪيٽون ورتيون جڏهن ته براڊ 177 وڪيٽون ورتيون آهن

 

سنڌ واسي ڪنهن در دانهن: اصغر ملاح

دنيا جي گولي تي جتي اسان جي سنڌ آهي دنيا ۾ ان کي نمايان حيثيت حاصل آهي جيڪا قدرتي خزانن تيل. گيس، ڪوئلي سميت قدرتي پٿرن، سون ٽرامي ۽ ٻين قدرتي وسيلن خزانن سان مالا مال آهي جيترا قدرتي وسيلا خزانه اسان جي سنڌ ۾ موجود آهن جيڪا دنيا جي ڪنهن ٻئي خطي ۾ هجن هان ته اهو خطو دنيا جي ترقي يافته خطن ۾ ڳڻجي هان ۽ هتان جو عوام ترقي خوشحالي ۽ امن واري زندگي بصر ڪن هان پر اسان جي سنڌ جي عوام جي بدقسمتي رهي آهي اڌ صدي گذرڻ باوجود سنڌ ترقي جي سفر ۾ دنيا کان گهڻو پوئتي رهجي وئي آهي. سنڌ جو عوام ترقي خوشحالي بجاءِ بک بدحالي مفلسي بيروزگاري ۽ ڏکن واري زندگي گذارڻ تي مجبور آهي اميرسنڌ جو عوام ماني جي ڳڀي لاءِ سڪي رهيو آهي سنڌ جا نوجوان ڌرتي جا وارث ۽ مالڪ آهن جيڪي ڪيترن ئي مسئلن کي منهن ڏئي رهيا آهن هن ترقي يافته دور ۾ به بک، بدحالي، بيروزگاري سبب تعليم يافته نوجوان خودڪشون ڪرڻ تي مجبور آهن ۽ قدرت جي ڪهڙي نعمت آهي جيڪا سنڌ ۾ ناهي پر پوءِ به سنڌ جا رهواسي زهر ڀري زندگي بسر ڪري رهيا آهن سنڌ صوبو جيڪو پکيڙ جي لحاظ کان 140915 اسڪوائر ڪلوميٽرن تي مشتمل آهي، جنهن جي آبادي پوري پاڪستان جي آبادي جي 23 سيڪڙو برابر ۽ پاڪستان جي 17.7 سيڪڙو زمين والاري ٿو ۽ جنهن جي پوکي لائق زمين 5.7 ملين هيڪٽر آهي. سنڌ پوري پاڪستان جي انڪم ٽيڪس جو 70 سيڪڙو ۽ سيلز ٽيڪس جي مد ۾ 62 سيڪڙو حصو ڏيندڙ صوبو آهي. ملڪ جي سمورين آئل فيلڊس جو 60 سيڪڙو ۽ گئس فيلڊس جو 44 سيڪڙو سنڌ ۾ آهن. ان کان علاوه پوري پاڪستان جي 56 سيڪڙو تيل ۽ 37 سيڪڙو گئس جي روزاني جي حساب سان پيداوار پڻ سنڌ صوبي ۾ آهي. سمورا انگ اکر ٻڌائڻ جو مقصد صرف ايترو آهي ته ايتري امير سنڌ جي رهواسين جي جيڪا حالت اسان اليڪٽرانڪ ميڊيا وسيلي ٻڌنڌا۽ ڏسندا آهيون پرنٽ ميڊيا وسلي پڙهندا آهيون تن کي پنهنجي اکين سان ڏسون ٿا ته لڱ ڪانڊارجي وڃن ٿاسنڌ جي عوام جو. ڪو والي واهر ناهي، ٻار آهن ته اسڪول ناهن، جي اسڪول آهن ته ماستر ناهن، بيماري لاءِ ڪو بنيادي صحت گهر ناهي، جي ڪٿي ڪو صحت گهر آهي ته اتي ڊاڪٽر ناهي، غريبن جي صحت سيکڙاٽ ڪپائونڊرن جي رحم ڪرم تي ڇڏيل آهي ٿر ۾معصوم گلن جهڙا ٻار فوت ٿي رهيا آهن شاهوڪار سنڌ جا معصوم ماڻهو ڪنهن بددعا جهڙي زندگي گهارڻ تي مجبور آهن الله پاڪ انسان ذات کي ڪيترن انمول نعمتن سان نوازيو آهي انسان ڪا نه ڪا نئين دنيا دريافت ڪرڻ يا ڪنهن نه ڪنهن معاملي ۾ پنهنجي تجسس جي تسڪين خاطر نوان نوان تجربا ڪندو رهندو آهي نوجوانن ۾ ڪا نئين دنيا دريافت ڪرڻ ۽ ڪا نئين ڳالهه ڪرڻ جي خواهش عروج تي هوندي آهي ڪجهه نوجوان انهن خواهشن تي عملي ڪندي تعليم حاصل ڪري ڪاميابي ۽ ڪامراني طرف وڃڻ چاهيندا آهن پر غربت سبب غريب بي پهچ هاري مزدور جو نوجوان پٽ لاءِ سرڪاري نوڪري حاصل ڪرڻ سندن وس جي ڳالهه نه آهي پنهنجا نواز پاليسي سبب غريب نوجوان سرڪاري نوڪرين کان محروم ٿي ويا آهن اڄ جو سنڌ جو نوجوان تمام گهڻو مشڪلاتن جو شڪار آهي نوجوان بيروزگاري مفلسي ۽ غربت جي حالت ۾ نظر اچي ٿو غربت سبب انسان جي ڪردار تي به خراب اثڙ پوندا آهن غربت جو هڪ ٻيو روشن پاسو به آهي دنيا ۾ بيشمار مثال به ٿي گذريا آهن غربت انسان ۾ همت جرئت پيدا ڪري ان کان عظيم ڪم به ڪرايا آهن غربت انسانن ۾ مشڪلاتن کي منهن ڏيڻ جي صلاحيت به پيدا ڪندي جن ماڻهن تمام گهڻي محنت ڪئي ۽ پوري دنيا ۾ عزت ڪمائي جڏهن ته انهن ماڻهن جي پرورش غريب گهراڻن ۾ ٿي آهي اهڙا ڪيترا ئي مثال موجود آهن سنڌ جي نوجوانن کي گهرجي تعليم سان گڏو گڏ فني هنر جهڙوڪ آٽو اليڪٽريشن، ويلڊنگ، ڪمپيوٽر، سميت ٻيا انمول هنر سکي ڊاڪٽرن، انجينيئرن کان وڌيڪ ڪمائي حاصل ڪري سگهن ٿا هنر نه رڳو سنڌ ۾ پر دنيا جي هر ملڪ ۾ گهرج آهي ڏينهون ڏينهن وڌندڙ آبادي سبب دنيا ۾ هنرمند ماڻهن جي گهرج وڌي رهي آهي نوجوانن کي هنر جي سکيا وٺڻ گهرجي ڇو ته هنر مند هٿ ڪڏهن به واندا نه ويهندا آهن محنت ۾ ئي عظمت آهي محنت سان ئي قومن ترقي ڪئي آهي اڪثر ڏٺو ويو آهي سنڌ جا بي روزگار تعليم يافت نوجوانن جو لاڙو عام طرح سان منشيات طرف آهي. نوجوان تعلييم درسگاهن بجاءِ ميخانن جو منهن ڪيو آهي جنهن سبب هزارين نوجوانن جو مستقبل داءَ تي لڳل آهي نوجوان نسل منشيات، چرس شراب آفيم .ڀنگ ٺري ۽ نشيدار سوپارين کي استعمال ڪري پنهنجو پاڻ کي موت جي منهن ۾ اڇلائي رهيو آهي منشيات واپرائڻ سبب گلن جهڙا معصوم نوجوان مختلف بيمارين ۾ مبتلا ٿي وڃن ٿا

سنڌ جي ننڍن وڏن شهرن ڳوٺن ۾ بنا ڪنهن ڊپ ڊاء جي وک وک تي منشيات جو سري عام وڪرو جاري آهي هاڻي ته اهيو رواج بڻجي ويو آهي ته، شادين مرادين ۾ ٻين خوشي وارن موقعن تي ته نوجوان پاران شراب ٺرو پيئڻ جون محفلون منعقد ڪيون وڃن ٿيون جن ۾ مردن کان پوءِ عورتون پڻ منشيات شراب واپرائڻ جو انڪشاف ٿيو آهي جن ۾ غريب عورتون معصوم ٻار به شامل آهن منشيات ۽شراب جا عادي بڻجي چڪا آهن جن جو انگ خطرناڪ حد تائين تيزي سان وڌي رهيو آهي نشيدار شين جي استعمال سبب لاتعداد دادو جا نوجوان آچر سولنگي رهواسي ايگريڪلچر ورڪشاپ محلا رمضان ڇڇر غريب آباد محلا حاجن چارڻ سبزي منڊي محلا منو سولنگي ورڪشاپ محلا گڊو شيخ شاهاڻي محلا دادو رجب سيال پوليس هيڊڪواٽر محلا دادو پاندي ملاح ملاح چونڪ دادو بدرو سيال چاندني چونڪ محلا دادو نبن سيال چاندني چونڪ محلا غلام بني ملاح عرف گودو ملاح چونڪ دادو استاد مانو عباسي غريب آباد محلا دادو شايد سومرو ملاح چونڪ دادو ايوب مگسي نوراني چونڪ دادو الهبچايو ٻرڙو ٻرڙا محلا دادو صالح جمالي دوراڻي جمالي دادو سڪندر لاکو مزدورا آباد محلا دادو نياز چارڻ بٺ محلا دادو بشير پنهور غريب آباد محلا وزير سولنگي سونارا محلا عمرن ڪاٺياڙي محلا بصر سولنگي سيال ناڪو محلا دادو فتح محمد کوکر غريب آباد محلا دادو اشرف پنهور نوراني چونڪ محلا خالد سيال غريب آباد پهلوان لغاري مزورا آباد مسڪين شاهه صابر شاهه پپو شاهه سورج آباد محلا ارباب سولنگي پير محمد مراد محلا دادو اڪبر پنهور سونارا محلا دادو ممتاز جتوئي بابو جمالي دوداڻي جمالي علي نواز سهتو هاشم لنڊ ابراهيم سومرو سڪندر سهاڳ محمد حسين ملاح ۽ ٻيا سوين گڀرو نوجوان شراب منشيات واپرائڻ سبب فوت ٿي ويا آهن منشيات ۽ شراب واپرائيندڙ نوجوان پنهنجي اصل طبي عمر پوري نه ڪري سگهيا آهن فوتين ۾ ڪيترائي پنهنجي خاندانن ۾ اڪيلا وارث هجڻ سبب سندن خاندان معصوم گلن جهڙا ٻار اڄ مفلسي دربدري واري زندگي گذراڻ تي مجبور آهن پوءُ به انتظاميا منشيات ۽ شراب جا اڏا بند ڪرائڻ کان لاچار آهي عوام کي احتجاج ڪندي وقت به وقت پرنٽ ۽ اليڪٽرانڪ ميڊيا اڳيان چوندي ڏٺو ويو آهي ته پوليس جو اهو رنگ رهيو آهي ڪنهن بيگناهه انسان کي خوني قرار ڏيئي ته به سندس مرضي چور کي ساڌ ۽ ساڌ کي چور قرار ڏين ته به سندن مرضي آهي پوليس اسٽيشن جيڪي مظلومن لاءَ پناهه گاهه هئڻ   گهرجن پر جيڪڏهن ڪو بي گناهه انسان هڪ رات ٿاڻي تي سرڪاري مهمان ٿي وڃي ٿو ته جيڪو ان جو حشر ٿيندو آهي. جنهن جو تصور ڪرڻ سان شريف انسان کي بت ۾ ڏڪڻي پيدا ٿي وڃي ٿي اهي بي رحم پوليس آفيسر اڪثر بي گناهه انسانن کي گرفتار ڪري مٿن ڪوڙا ڪيس مڙهي بعد ۾ سفارش يا پئسن عيوض آزاد ڪري ڇڏيندا آهن جيڪا سڀني کي خبر آهي عوام دانهيو آهي ته سنڌ جي عوام جو سڀني کان وڏو مسئلو پوليس آهي جيڪڏهن پوليس صحيح ٿي وڃي ته سڀ ڪجهه صحيح ٿي سگهي ٿو ٿاڻن ۾ خرچ پورا ڪرڻ لاءَ ٿاڻي جي سربراهه ۽ وڏي منشي جي ذميواري هوندي آهي هاڻي ته عورتن جي ٿاڻن جون سربراهه به ڏنو پٽ ڇٽي واري رسم تي لهي پيون آهن پوءَ اتي به انصاف ئين آهي جيئن ٻٻرن کان ٻير گهرڻ برابر اڪثر ڏٺو ويو آهي ته سنڌ ۾ ٿاڻن ۾ سواءِ اهم سرڪاري دستاويز فراهم ڪرڻ جي باقي حڪومت ڪا اسٽيشنري فراهم نٿي ڪري

ٿاڻي ۾ موجوده گاڏين جي مرمت ڊيزل ۽ پيٽرول پورو ڪرڻ ٿاڻيدارن جي ذميواري هوندي آهي جڏهن ٿاڻن مان ڪا رقم ئي مختص نه ٿيندي ته اهي خرچن کي عوام ڏوهارين منشيات فروشن .فحاشي اڏن. جوئا جي اڏن تان غير قانوني وصولي ڪري ضرورتون پوريون ڪيون وڃن ٿيون.تڏهن خرابيون پيدا ٿين ٿيون جاچ تحقيق يا حادثي واري جاءِ جو دورو به پوليس کي پنهنجي خرچ تي پورو ڪرڻو هوندو آهن. رشوت خور بي رحم پوليس آفيسر ڪيس جي مدعي کي پابند ڪندا آهن پوءِ ڀلي مدعي وڃي گهر کپائي. پوليس جو پيٽ ڀرڻو اٿس. منشيات شراب مين پڙي ۽ گٽڪي جي وبا پوليس جي ڪري ئي پکڙيل آهي.انهي آمدني ۾ شريڪ هوندا آهن منشيات جي وبا جي ڪري نوجوانن جي وات ۾ ڪينسر آنڊي جي بيماري ۽ ٻيون پيٽ جو بيماريون تيزي سان وڌي رهيو آهن ان جو ذميوار ڪير آهي. جيڪر ڪو حق سچ لکي ٿو کيس نتيجا ڀوڳڻا پون ٿا. حق ۽ سچ لکڻ تي پوليس صحافين مٿا تي ڏمرجي پئي ٿي ۽ ڪيترن ئي صحافين کي بليڪ ميل ڪري سندن عزيزن پٽن نياڻن کي مختلف ڪوڙن ڪيسن ۾ ڦاسائي مجبور ڪيو ويندو آهي ته اهو حق سچ نه لکن.سنڌ جي عوام کي پوليس جي ڪارڪردگي تي وقت به وقت ڳڻتي ظاهر ڪري وس وارن کان مطالبو ڪندا رهيا آهن پر وريو ڪجهه به نه آهي ساڳيا لاٽو ساڳيا چڳه واري ڪار لڳي پئي آهي عوام جو مطالبو رهيو آهي ته نوجوان نسل تباهي جي ذميوار ماڻهن خلاف بنا فرق جي قانوني ڪاروائي عمل ۾ آڻي منشيات جا اڏا بند ڪرايا وڃن منشيات جي آذار کي ختم ڪرڻ لاءِ يا روڪڻ لاءِ هر دور ۾ اڄ تائين نشاندهي ڪئي آهي پر ضلعي انتظاميا پوليس منشيات جي وڪري کي بند ڪرائڻ ۾ مڪمل طور تي ناڪام ثابت ٿي آهي ڇو ته منشايت فروشن موت جي سوداگرن کي مقامي پوليس جو آشيرواد حاصل هئڻ جا الزام آهن جنهن ڪري موت جا سوداگر اڃا تائين قانون جي پڪڙ کان اجا بڻيل آهن ۽ سرڪار کي بدنام ڪري داغ لڳائي رهيا آهن جن خلاف قانوني ڪاروائي ناممڪن بڻيل آهي پر افسوس ته انتظاميه پوليس ايڪسائيز پوليس، اسپيشل برانچ جي نااهلي غفلت ۽ چونڊيل نمائندن جي بي ڌياني تي آهي جو آڱرين تي ڳڻڻ جيترا منشيات جا سوداگر جيڪي ديدا دليري سان سري عام مشيات وڪرو ڪري نوجوان نسل کي تباهه ڪري رهيا آهن، عوام دانهيو آهي ته اوهان سياستدانن جو حال ڏٺو آهي، انهن غريب ماڻهن جي لاءِ ڇا ڪيو آهي؟ اها خبر اوهان کي اوهان جي شهرن، علائقن ۽ ڳوٺن جي حالت ڏسي پوندي. سنڌ جي سياستدانن کي صرف چونڊن دوران سنڌ جي غريب ماڻهن کان ووٽ وٺڻو آهي ۽ ايوانن ۾ پهچڻو آهي، پوءِ ننڊ ڪرڻي ۽ غريب اهوئي ساڳيو ڌڪن ۽ ٿاٻن ۾ هوندو آهي باقي هر دور ۾ هن وقت تائين حڪمرانن پارٽي جي ماڻهن انهن مسئلن جي آڙ ۾ سياسي ۽ ذاتي فائدا حاصل ڪري پنهنجو وقت پورو ڪيو آهي سنڌ سرڪار ۽ چونڊيل نمائندن کي گهرجي ته منشيات جي خاتمي لاءِ فوري قدم کڻي عوام جي حڪومت ۾ عوام سان ناانصافين جو ازالو ڪيو ُوڃي سنڌ جي عوام هر دور ۾ سياستدانن ۽ ڪامورن آڏو دانهون ڪوڪون ڪرڻ سميت احتجاج ڪري نشاندهيون به ڪيون آهن نشاندهي ٿيڻ باوجود مسئلن جي خاتمي لاءِ جيڪو ٿيڻ گهرجي اهو نه ٿيو آهي جيڪر ٿيو به آهي ته اٽي ۾ لوڻ برابر ٿيو آهي جائز مسئلن جي حل ۽ حقن جي حاصلات لاءِ هر طبقي جي ماڻهو کي تبديلي جو ڪوشش لاءِ اڳتي اچڻو پوندو

Email: mallah asghar @ yahoo . com

 

 

ھن نياڻي جا درد ڪير ٻڌي: رياض حسين عالماڻي

سنڌ جي دل سڏيندڙ شھر مورو ۾ ڪيترن ئي سالن کان بيوسي جي بستري تي پيل حوا جي بدنصيب ڌي شھزانه ميمڻ جيڪا پنھنجي بيوسي مجبوري ۽ لاچاري جا ڳوڙا ڳاڙھيندي ھر ايندڙ ۽ آٿت ڏيندڙ ماڻھو کي سڏڪي سڏڪي ٻڌائي ٿي ته ڪجھ سال پھريان منھنجي شادي نوشھروفيروز واسي سان ٿي ھئي منھنجو مڙس جيڪو زال جھڙي پوتر رشتي کي نه سمجھي سگھيو ھو ڏينھن رات مون تي انسان سوز وحشاڻو تشدد ڪندو ھو مسلسل تشدد ۽ بيواجبن ڪري منھنجي ريڙھ جي ھڏي ڀڄي پئي جنھن سبب مڙس مون کي بي يارو مددگار نڌڻڪو ڪري ڇڏي ڏنو پر منھنجو پي جيڪو گرلس ھاءِ اسڪول مورو ۾ پٽيوالو آھي اھو مون کي کڻائي اسڪول طرفان مليل گھٽ سھولتن واري سرڪاري ڪواٽر ۾ کڻائي آيو جتي منھنجي بابا پنھنجي زندگي جي آخرت لاءِ گڏ ڪيل جي پي فنڊ ڪڍرائي منھنجو علاج ڪرايو پر افسوس جو مڙس طرفان مليل منھنجي اندر کي درد گھاو تڪليف ۽ بيماري وڌيڪ ھئي ۽ منھنجي بابا سائين وٽ علاج لاءِ پئسا گھٽ ھئا جنھن سبب مون لاچار جو علاج مڪمل نه ٿي سگھيو ھن  وڌيڪ ٻڌايو ته مورو ۾ سماج کي بھتر ڪرڻ جا حوڪا ڏيندڙ سياسي سماجي ادبي ماڻھو ته گھڻا آھن پر مون کي سکڻي آٿت ڏيندڙ ڪو به ناھي مان ڄڻ ته فوٽو سيڪشن بڻجي وئي آھيان.

ڇو جو ڪجھ ماڻھو مون وٽ آيا منھنجي بيوسي تي مون سان گڏ فوٽو ڪڍرائي فيس بڪ تي رکرائي پاڻ کي انسان دوست جا وڏا سرٽيفڪيٽ ڏيڻ لڳا پر ھن موقعي پرست نفا نفسي دنيا ۾ ڪو به اھڙو انسان نظر نٿو اچي جيڪو منھنجي ھن درد جو علاج ڪرائي مون کي سماج ۾ ھلڻ جي لائق بڻائي ھنن جو بابا جيڪو سور سھي سھي پنھنجي ھڪ ئي نياڻي جنھن کي ھن بيوسي جي حال ۾ ڏسي ڄڻ ته ويڳاڻو بڻجي ويو آھي ھو به وڏي واڪي چوي ٿو ته ھن دنيا مان انسانيت پنھنجائپ ڄڻ ته موڪلائي وئي آھي سالن کان منھنجي جگر جو ٽڪرو منھنجي اڳيان تڙپي رھيو آھي پر ھن سماج ۾ ڪنھن کي به ڪا ڪھل نٿي اچي جو ھو منھنجي نياڻي کي ٺيڪ ڪرائڻ لاءِ مون مسڪين پي جي بيوسي ، درد ۽ مجبوري کي سمجھي سگھي ھن اکين مان لڳاتار وھندڙ لوڙڪن کي اوگھندي چيو ته ھتان جا چونڊيل نمائنده به مون مسڪين جي مدد ڪرڻ لاءِ تيار ناھن ھن چيو ته مان وري به ميڊيا جي دوستن کي جس ٿو ڏيان جن منھنجي دردن کي مٿي تائين پھچائڻ ۾ مون مجبور جي مدد ڪئي آ اللھ انھن کي ان خدمت جو اوجر ضرور ڏيندو باقي ھن شھر ۾ رھندڙ سڀ ماڻھو ڄڻ ته ڪپھ جا گڏا آھن جو ھو ھوئن ته وڏيون وڏيون ڳالھايون ڪن ٿا اسٽيجن تي بيھي وڏيون وڏيون تقريون ته ڪن ٿا پر ھڪ مجبور نياڻي جي علاج لاءِ ڪو حقيقي ڪردار نٿا ادا ڪن ھن جي معصوم صغير ۽ نماڻين اکين واري نياڻي فلڪ ناز جنھن جا ناز کڻندڙ سندن امڙ بيوسي جي بستري تي بي يارو مددگار پيل آھي ۽ ھو ننڍڙي معصوم پنھنجي امڙ کي پنھنجي پتڪڙن ھٿن سان زور ڏئي ٿي ۽ خدا کان دعا ٿي گھري ته اي رب العالمين منھنجي ھن ننڍڙي ھٿن سان ڏنل زورن ذريعي منھنجي امڙ جو درد ختم ڪر آخر ڪير ھن بيماري جي بستري تي پيل لاچار مجبور بيوس نياڻي شھزانه ميمڻ جي علاج لاءِ ھن جي مدد ڪرڻ لاءِ پنھنجو انساني ڪردار ادا ڪندو

 

آدم شماري ۾ دير جوخدشو…

ملڪ جي ترقي لاءِ معيشت ۽ سياست کي الڳ رکيو وڃي رضاڪراڻي ٽيڪس اسڪيم مان پارليمينٽ ميمبر فائدو نه وٺي سگهندا. آدم شماري لاءِ گهربل انگ ۾ فوج نه ملڻ تي ڪجهه عرصي لاءِ پوئتي ٿي سگهي ٿي ڪائي قيامت نه ايندي، پي آءِ اي کي بهتر بنائڻ لاءِ ڪوششون ڪري رهيا آهيون ملڪ جي معيشت صحيح دڳ تي هلي چڪي آهي آءِ ايم ايف سان ڳالهيون ڪامياب ٿيون آهن ڊسمبر تائين روينيو جا حدف حاصل ڪيا ويا مالياتي خسارو 4.3 سيڪڙو تائين آڻڻ جو هدف آهي ترقي جي شرح 5 سيڪڙو تائين مٿي آڻڻ چاهيون ٿا تيل جي قيمتن ۾ لاٿ سان حاصل ڪيل آمدني جو 63 سيڪڙو صوبن ڏانهن وڃي ٿو، گذريل ڇنڇر تي ايف بي آر هائوس ۾ پريس ڪانفرنس ڪندي ناڻي وزير محمد اسحاق ڊار چيو هورضاڪراني ٽيڪس اسڪيم مان پارليمينٽ ميمبر فائدو نه وٺي سگهندا. موجوده حڪومت گذريل حڪومتن جا 4.42 ارب رپيا قرض ادا ڪيو آهي بيروني قرضن جي حوالي سان وڌيڪ شرح جي ڳالهه صحيح نه آهي بيروني قرضن جي سراسري شرح 3.3 سيڪڙو آهي ۽ پاڪستان کي ملندڙ گرانٽس شامل ڪري هي شرح وڌيڪ گهٽجي 3.03 سيڪڙو ٿي ويئي آهي. عالمي سطح تي ڊيزل جي صارفين لاءِ سراسري قيمت هڪ ڊالر پنج سينٽ ۽ پاڪستان ۾ 79 سينٽ آهي جڏهن ته گيسولين جي عالمي سطح تي سراسري شرح هڪ ڊالر 19 سينٽ جڏهن ته پاڪستان ۾ 73 سينٽ في ليٽر ٿئي ٿي عالمي سطح تي تيل جون قيمتون گهٽ ٿيڻ کان پوءِ صارفين کي جزوي طور تي رليف ڏيئي رهيا آهيون باقي رليف روينيو نقصان پورا ڪرڻ لاءِ استعمال ٿي رهيو آهي اين ايف جي تحت 63 سيڪڙو رقم صوبن ڏانهن وڃي ٿي جڏهن ته دهستگردي خلاف جنگ لاءِ هڪ سيڪڙو خيبرپختونخواهه ڏانهن وڃي ٿو جيڪڏهن ڪوئي صوبي پنهنجي حصي جي قرباني ڏيڻ چاهي ٿو ته پنهنجي حصي جي رقم صارفين کي ڏيئي سگهي ٿو.

سنڌ جي وڏي وزير جي اطلاعات ۽ آرڪائيوز کاتي واري  صلاحڪار مولابخش چانڊيو پاران وفاقي حڪومت طرفان مارچ جي مهيني ۾ ٿيندڙ مردمشماري کي ممڪنه طور تي دير ڪرڻ تي افسوس جو اظهار ڪندي چيو ته مارچ ۾ ٿيندڙ مردمشماري ۾ وڌيڪ دير ناقابل برداشت عمل آهي. هن چيو ته گڏيل مفادات ڪائونسل جي فيصلي تحت وفاقي حڪومت مردمشماري کي مقرر وقت تي صاف ۽ شفاف ۽ منصفانه انداز ۾ ڪرائي وڃي، ڇو ته هر 10 سالن کانپوٰءِ مردمشماري آئيني تقاضو آهي جنهن ۾ پهريان ئي ڪافي دير ٿي چڪي آهي. مردمشماري جي حوالي سان سنڌ صوبي ۽ بلوچستان صوبي  جي عوام ۾ خدشا ۽ تحفظات کي به دور ڪيو وڃي. پيپلز پارٽي جي حڪومت گهرشماري 6 مهينن ۾ڪرائي هئي ان لاءِ 3 ڏينهن ۾ مردمشماري ڪيئن ممڪن آهي. مردمشماري کان اڳ نادرا ذريعي جاري ڪيل شناختي ڪارڊز جي به تحقيقات ڪرائي وڃي ته جيئن نقلي شناختي ڪارڊن جي به نشاندهي ٿي وڃي. وفاقي خزاني واري وزير اسحاق ڊار جو هي چوڻ ته مارچ ۾ مردشماري نه ٿي ته آسمان نه ڪرندو هڪ غير سنجيده ۽ غير ذميدارڻه بيان آهي. هن چيو ته وفاقي حڪومت طرفان مردمشماري ۾ دير ڪرڻ، سي سي آءِ جو اجلاس نه گهرائڻ، وفاق ۽ صوبن وچ ۾ ٻين معاملن ۾ عدم دلچيسپي ۽ ٽال مٽول سان ڪم وٺڻ سان صوبن ۾ احساس محرومي جنم وٺندي. وفاقي حڪومت طرفان مردمشماري ڪرائڻ جا انتظام مڪمل آهن ته پوءِ دير ڪرڻ وارا حربا ڇو استعمال ڪيا پيا وڃن. شماريات کاتي ۾ صوبن جي نمائندگي ڏئي جلد کان جلد تحفظات دور ڪيا وڃن.