تازيون خبرون

Daily Archives: February 6, 2016

رنبير ۽ ڪترينا ۾ وڇوٽيون ختم ڪرائڻ بار بي ڊول جي ماءُ ميدان ۾ اچي وئي

ممبئي (شوبز نيوز) بالي ووڊ جي چاڪليٽ هيرو رنبير ڪپور ۽ بال بي ڊول جي نالي سان مشهور اداڪاره ڪترينا ڪيف هڪ ٻئي کان ڪناره ڪشي اختيار ڪري ورتي آهي جنهن کانپوءِ هاڻي بار بي ڊول جي ماءُ سوزين ٻنهي اداڪارائن ۾ غلط فهميون ختم ڪرڻ لاءِ ميدان ۾ اچيو ئي آهي رببير ڪپور ۽ ڪترينا ڪيف وچ ۾ عشق جون خبرون ڊگهي عرصي کان هر هڪ جي زبان تي آهن جڏهن ته ٻنهي اداڪارائن جي ڪيترن ئي ڏينهن کان هڪ ٻئي کان ڪناره ڪشي اختيار ڪرڻ جي خبرن جا چرچا آهن جنهن بابت ٻئي اداڪار ڪجهه ٻڌائڻ کان لنوائي رهيا آهن جڏهن ته ٻنهي ۾ اختلاف ختم ڪرڻ لاءِ ڪترينا ڪيف جي ماءُ ميدان ۾ لٿي آهي.

 

ماڌوري ڊڪشت جي ڀائٽئي جو شوبز جي دنيا ۾ قدم رکڻ جو فيصلو

ممبئي(شوبز نيوز) بالي ووڊ اداڪاره ماڌوري ڊڪشت جي ڀائٽئي شيهان ڊڪشٽ شوبز جي دنيا ۾ قدم رکڻ جو فيصلو ڪري ورتو. ڀارت جي سڌ سماءَ وارن ذريعن مطابق ماڌوري ڊڪشت جي ڀائٽئي شيهان ڊڪشٽ چيو آهي ته هو هڪ ڪمپيوٽر اينيميٽر طور ڪم ڪري رهيو هو پر هاڻي هو ان پيشي کي الوداع چئي شوبز جي ميدان ۾ قدم رکي رهيو آهي جنهن لاءِ کيس ماڌوري جي ڀرپور مدد حاصل هوندي.

 

 هالينڊ جي فٽبال ميچ ۾ يوٽريخٽ جي ٽيم پي ايس وي کي هڪ جي مقابلي ۾ 3 گولن تان مات ڏني

ايمسٽرڊيم (اسپورٽس نيوز) هالينڊ ۾ کيڏي ويندڙ فٽبال ميچ ۾ يوٽريخٽ جي ٽيم پي ايس وي جي ٽيم کي هڪ جي مقابلي ۾ 3 گولن تان هارائي ڇڏيو.يوٽرخٽ جي ٽيم ميچ جي شروعات سُٺي ڪئي ۽ مخالف ٽيم جو ڄمي مقابلو ڪيو.ميچ ۾ وقفي وقفي سان ٽي گول اسڪور ڪيو، جڏهن ته مخالف ٽيم ميچ ختم ٿيڻ کان ڪجهه وقت پهرين هڪ گول ڪرڻ ۾ ڪامياب ٿي،پر هڪ گول کين ميچ نه کٽرائي سگهي.ڪامياب ٽيم پاران برت ٻه گول ڪري سڀني کان اڳتي رهيو.

 

ڪبوتر، ڦوڪڻي کان ڊڄندڙ ملڪ ڪشمير جو مسئلو ڇا حل ڪندو..!!: غلام مصطفيٰ جمالي

ڪشمير  جي مسئلي تي ڀارت پنهنجي انهي ضد ۽ اناپرستي واري نظريي تحت ايترو ڪري ويو آهي جو.هن عالمي برادري، اقوام متحده سان ملي ڪري .پاڪستان خلاف مختلف سازشون ۽ مشڪلاتون پيدا ڪري رهيو آهي.ڀارت سان پاڪستان ڪيترائي ڀيرا ڪشمير مسئلي تي ڳالهيون ڪرڻ چاهيون پر ڀارت هر دعفي پاڪستان سان ڪمشير مسئلي تي ڳالهيون نه ڪرڻ ڪري ڪيترائي بهانا ڪري ڳاليهون ملتوي ڪري ڇڏيون.هن وقت دنيا تي تختي تي پاڻ کي قاطت ور سمجهندڙ ڀارت جي دليري صرف پاڻ تائين محدود آهي.ڇو ته اوهانکي ياد هوندو. هڪ پاڪستاني ڪبوتر پاڪستاني سرحد کان اوچتو ڀارت جي سرحد ۾ داخل ٿي ويو هو.هي ڳالهه ايتري پراڻي ناهي جنهن جي ڪو وساري سگهيو هجي.اخبارن کان ويندي ٽي وي چيئنل،۽ شوشل ميڊيا تي ڪيترائي ڏينهن انهي ڪبوتر جا چرچا هئا.جيڪو ڀارت پهچي ويو هو. جڏهن ته اها به هڪ حقيقت آهي ته پاڪستان دشمني ۾ ڀارتي سيڪيورٽي ايجنسيون ايتري قدر بوکلاهٽ جو شڪار  آهن،  جو اهي هاڻ پکين ۽ هوا ۾ اڌرندڙ ڦوڪندڙ کي وسيلي به پاڪستان تي الزام بازيون لڳائي رهيا آهن. پاڪستاني جاسوس هئڻ جي الزام ۾ ڪبوتر کي گرفتار ڪري ورتو هو.جڏهن ته انهي ڪبوتر کي نه رڳو گرفتار ڪيو ويو هو.پر کيس انڪوائري جي ڪيترن ئي پروسيس مان پڻ گذاريو ويو هو.!  جڏهن ته مقامي اسپتال ۾  ان جو ايڪسري تائين ڪرايو ويو هو ۽ جڏهن ڪجهه نه مليو ته انهن ڪجهه ڏينهن جي جاچ لاءِ  ڪبوتر کي رمانڊ ۾ ورتو ويو هو.

ڀارتي خفيه اداري آءِ بي گڏيل ڪارروائي ڪندي پاڪستان کان ڀارتي سرحدي ۾ داخل ٿيڻ واري ڪبوتر کي گرفتار ڪري جي دعوا ڪئي هئي. ڀارتي پوليس ۽ انٽيليجنس ايجنسين آءِ بي ڪبوتر کي جاسوس ڪبوتر چئي پهريان ان کي حراست ۾ ورتو ۽ جاسوسي جو الزام ثابت ڪرڻ لاءِ مقامي اسپتال ۾ انهي ڪبوتر جو ايڪسري ڪرايو. جڏهن ڪجهه نه هٿ آيو ته پوليس وڌيڪ ڏينهن جو رمانڊ وٺي پاڻ وٽ رکڻ جو فيصلو ڪيو. پوليس عملدارن دعوا سامهون آئي هئي ته ڪبوتر جي پرن تي مهر لڳل آهي. انهي جي پيرن ۾ اردو زبان ۾ تحريري خط پڻ پڪڙيو ويو آهي. انهي خط ۾ لينڊ لائن نمبر به درج آهي. اهو ڪبوتر ضلعي نارووال جو آهي. ڀارتي اختيارين هڪ ڪبوتر کي پاڪستاني جاسوس ڄاڻائي قيد ڪري ڇڏيو هو..جيڪو پوءِ الائي ته آزاد ٿيو يا اڃان ڀارتي قيد ۾ قيد آهي.ڪيڏي نه افسوس جهڙي ڳالهه آهي ته امن جي نشاندي ڪندڙ امن پرست پکي ڪبوتر جنهن جي ڀارتي ميڊيا هڪ پاڪستاني جاسوس ڄاڻائي گرفتار ڪري ڇڏيو.جڏهن ته دنيا ۾ اهي به چرچا عام آهن ته ڀارت تمام گهڻي ترقي ڪري رهيو آهي.پر مان سمجهان ٿو ته ڀارت ترقي ته پري جي ڳالهه آهي.پر ڀارت اڃان پنهنجي سوچ به تبديل ناهي ڪري سگهيو.اها سوچ جنهن اندر ملڪ توڙي غيرملڪي عوام جي لاءِ امن هجي.ڀائچارو هجي.اها سوچ جنهن اندر پنهنجي ملڪ جي ترقي جي سوچ کان اعلاو پنهنجي ٻين پاڙيسري ملڪن جي ترقي جي برداشت هجي،ڀارت ته ترقي ڪري رهيو آهي.اهو چوڻ ۽ رپورٽ ڪرڻ جي حد تائين آهي.پر ڀارت اڃان ڪبوتر کي به پنهنجو دشمن ٿو سمجهي.جڏهن ته پاڪستاني ڪبوتر جي گرفتار ڪيو ويو هو ته هڪ عالمي ميڊيا جي رپورٽن سامهون آئي هئي.جنهن اندر اهو ٻڌايو ويو ويو هو ته. ٻنهي ملڪن جي دنگ تي قائم ڳوٺ منوال ۾ هڪ ٻار کي ڪبوتر هٿ آيو هو، جنهن تي مبينه طور مهربند پيغام لکيل هو،

ڀارتي اختيارين جو چوڻ آهي ته ڪبوتر تي اردو ۾ هڪ پيغام لکيل آهي ۽ ان تي هڪ فون نمبر به لکيل آهي. 14 ورهين جي ڀارتي ٻالڪ ڪبوتر کي پڪڙڻ کانپوءِ ويجهي ٿاڻي تي اُن کي جمع ڪرايو هو، جنهن کانپوءِ پوليس اختيارين ڪبوتر جو ايڪسري به ڪيو. جنهن علائقي ۾ جاسوسي جي الزام هيٺ ڪبوتر سوگهو ڪيو ويو آهي، اهو علائقو ڄمون ۽ ڪشمير کي ويجهو هو ۽ ڀارتي اختيارين جو چوڻ هو ته حريت اڳواڻن کي پيغام پهچائڻ لاءِ ڪبوترن جو قاصد طور استعمال ڪيو پيو وڃي. هن وقت ڀارتي ايس ايس پي راڪشي ڪرشل بي بي سي کي ٻڌايو ته ڪبوتر تي بنا شڪ پاڪستان مان آيو آهي. هڪ شخص ان کي پاڪستان جي سرحد کان ٽي، چار ڪلو ميٽر پري منوال ڳرهه مان گرفتار ڪيو هو. ان جي پرن تي تعلقو ڳڙهه ۽ ضلعو نارووال لکيل آهي. اڃا تائين اهڙا ڪي ثبوت نه مليا آهن. جن جي بنياد تي اسان ان ڪبوتر کي جاسوس قرار ڏئي سگهون. ايجنسيون جاچ ڪري رهيون آهن. جيستائين اسان اردو ۾ لکيل لائين نٿا پڙهي سگهون تيستائين اسان يقين سان ڪجهه نٿا چئي سگهون. هن وقت ڀارتي ميڊيا به پاڪستان جي مختلف الزام بازيون لڳائي رهيا هئا.۽ هڪ ڪبوتر کي وٺي ڪري انڊيا اهڙو ته هل هنگامو ڪيو.عالمي برادري کان ويندي،بين اقوامي ادارن تائين انهي ڪبوتر جي دانهن ڏني وئي.ان وقت اهڙي صورتحال هئي ته آخر پاڪستاني ڪبوتر ڪهڙو پيغام کڻي آيو هجي.ڇو ته ضروري ناهي ته هميشه دشمنيون ڪجن.ٿي سگهي ٿو ته شعيب ملڪ کان پوءِ اهو پاڪستاني ڪبوتر به انڊيا جو ناٺي ٿيڻ جو شوق رکي ڪري پاڪستان کان انڊيا پهتو هجي،

ممڪن آهي ته ڀارت ۾ ڪنهن سان محبت ۾ گرفتار ڪنهن نوجوان پنهنجي محبوبه ڏانهن ڪو خط موڪليو هجي.پر انڊيا انهن سڀني ڳالهين کي ٺڪرائي ڪري هڪڙي رٽ لڳائي ويٺو هو ته پاڪستان اسان مٿان دهشتگردي ڪرڻ ٿو چاهي.جنهن جي ڪري پاڪستان پنهنجا جاسوس طور ڪبوتر انڊيا موڪلي رهيو آهي.ڪيڏي نه حيرت هجڙي ڳالهه انڊيا ايڏو وڏو ملڪ هوندي به سوچ اهڙي ننڍڙي، ڪيڏي نه افسوس جهڙي ڳالهه هئي.ڇو ته ڪبوتر به ڪي قيد ٿيندا آهن، ڀارت جي شايد اها خبر ناهي ته اسان پاڪستاني الائي ڪيترائي ڀارتي پالي رهيا آهن…جيڪي هتي نه رڳو آباد آهن پر اهي ته هاڻ نئي سنڌ جو پڻ مطالبو ڪري رهيا اهن.اوهان اسانجي هڪ ڪبوتر جي نه برادشت ڪيو اسان اوهانجي پوڙي ڪڙم جي جي ۾ جايون ڏينون،پر اسانجو ڪبوتر امن پرست هو.، ڀارت سرڪار اهو نه ٻڌايو هو ۽ نه ئي  ڪبوتر جي باري ۾ آءِ ٽي رپورٽ نه ڏني هئي ته اهو ڪبوتر سنڌي، پنجابي، پشتون ۽ بلوچي ڳالهائيندڙ آهي  هن وقت خبر مطابق هن ڪبوتر کي پٺاڻ ڪوٽ جي سرحدي وسنديءَ مانوال مان گهڻي هَنُ هڻان کانپوءِ گرفتار ڪيو ويو هو ۽ ان ”معرڪي“ ۾ ڪبوتر زخمي به ٿيو هو. ايس ايس پي پٺاڻ ڪوٽ مطابق هن سنگين واردات جي جاچ ڀارتي بارڊر سڪيورٽي فورس ۽ انٽيليجنس بيورو ڪري رهيو  آهي. ڀارتي ميڊيا موجب ڪبوتر جي وٽرنري اسپتال ۾ باقاعده اسڪينگ به ڪئي وئي آهي ته ڪٿي ان جي ڳجھي معلومات حاصل ڪرڻ لاءِ مائيڪرو چِپِ نه لڳل هجي،پر ڪجهه به هٿ نه آيو. ڀارت جا ڳجھا ادارا جيڪڏهن ٿورڙي تحقيق ڪري وٺن ها ته مٿن اها حقيقت واضح ٿي وڃي ها ته ڪبوتر بازي ته ڀارتي مسلمانن جو پراڻو شوق آهي، گهڻو پري وڃڻ جي ضرورت ناهي دهلي ۽ لکنوءَ ۾ هاڻي به ڪبوتر باز موجود آهن ، پر هن وقت مودي سرڪار کي حقيقتن جي پرواهه نه هئي.

جڏهن ته هن وقت به پاڪستان اهو سري عام چئي رهيو آهي ته ڀارتي انٽيليجنس ايجنسي ”را“ پاڪستان ۾ دهشت گردي ۽ تباهين جي ڪاررواين ۾ ملوث آهي، جن جا ثبوت به ڳجھن ادارن موجب وٽن موجود آهن.پر سچ ته هي آهي ته ڀارت کي پاڪستان جي ترقي پسند ناهي. ڀارت کي پاڪ-چين اقتصادي راهداري واري معاهديءَ سبب سخت تڪليف آهي. هي معاهدو جيتوڻيڪ پاڪستان ۾ بنيادي ڍانچي کي هٿي وٺرائڻ ۽ معاشي صورتحال کي ترقي ڏيڻ لاءِ آهي.پر کان جڏهن سڀ ڳالهيون هٿن مان وينديون آهن ته پوءِ ڪڏهن ڪبوترن جي وچ ۾ آڻي پاڪستاني تي الزام بازيون ڪندو آهي ته ڪڏهن ڦوڪڻن کي سامهون ڪري ڪري پاڪستان تي اجايون الزام بازيون هڻندو آهي.هڪ  ڏينهن پهرين به پاڪستاني سرحد مان هڪ هوا ۾ اڏرندڙ ڦوڪڻو ڀارت جي سرحد ۾ داخل ٿي ويو.جڏهن ته ڦوڪڻي داخل ٿيڻ کان انهي جو شور پوري دنيا مٿي تي کڻي ڇڏي.جڏهن ته ڀارتي وزيرخارجه ته پاڪستان تي سڌا سنوان الزام هڻي چيو ته مشڪول ڦوڪڻو پاڪستاني سرحدن کان آيل آهي.جڏهن ته هن اهو به چيو ته پاڪستان انڊيا اندر انهي ڦوڪڻي جي اڏاري سندس رد عمل کي آزمائڻ ٿو چاهي.مان سمجهان ٿو ته ڀارتي وزيرخارجه وڪاس سوراپ جو الزام پاڪستان تي اهو سراسر غلظ آهي.ڇو ته پاڪستان ۽ انڊيا نه رڳو هڪ پاڙيسري ملڪ آهن پر ٻنهي ملڪ جي سرحدن مان پکين پوڙي جانورن جي اچ وڃ ٿيندي رهندي آهي.اوهانکي ياد هوندي يا نه پر ڀارت مان هڪ ٽائيگر شينهن پاڪستاني ٿر جي علائقن ۾ داخل ٿيوهو.جنهن کي اتي جي مقامي ماڻهن ڊپ مان ماري ڇڏيو هو.نه رڳو اهو ڀارتي سرحدن مان پاڪستاني اندر داخل ٿيو هو.پر گذريل چار سال پهرين مان پنهنجي هڪ دوست مان آيل ٻوڏ کان پوءِ ٿر جي صورتحال جو جائزو وٺڻ لاءِ اسلام ڪوٽ ويو هيس ته اتي مون هڪ کنڀي تي ويٺل ڀولڙي جي ڏٺم…سوچيو ته جي ڀولڙو ڪٿان آيو آهي.ته دوست ٻڌايو ته اهو ڀولڙو ڀارت مان پاڪستاني سرحد مان گذرندي هتي پهتو آهي.جڏهن ته نه رڳو شيهن ڀولڙا پر.انڊيا جي ڪيترائي ٻيا جانور جن ۾ هرڻ روجهه شامل آهن جيڪي ڀارت جي سرحد مان پاڪستان پهچن ٿا.پر پاڪستان ڪڏهن به انهن جانور کي انڊيا جو موخبر ن ناهي ڪوٺيو.ڪڏهن ته انهن جانور جي آڙ وٺي ڪري انڊيا جي اهڙا الزام ناهن هنيا ته هو ته ان جانور کي پاڪستان موڪلي پاڪستان ۾ دهشتگردي ڪرڻ ٿو.پوءِ ڀارت جي ڪهڙي تلڪيف آهي.جو هو ڦوڪڻن ۽ ڪبوتر جي وچ ۾ رکي ڪري پاڪستان تي الزام ٿو لڳائي ان ڪري پاڪستان کي انڊيا جي اهڙي بيانن تي مذمت ڪرڻ گهرجي.۽ انهن جو جواب ڏيڻ گهرجي.انهي ڳالهه ۾ ڪو شڪ ناهي پاڪستان دشمني ۾ ڀارت ايتري قدر بوکلاهٽ جو شڪار  آهي، جو پاڪستان مان ايندڙ ڪبوتر ۽ ڦوڪڻا به پاڪستاني جاسوس جو شڪ ٿا وجهن. پر انهن سمورين ڳالهين کي هڪ پاسي رکي ڪري جيڪڏهن سوچجي ته ڀارت ڪهڙي به صورت ۾ پاڪستان سان ڪنهن به مسئلي تي ڳالهيون ڪرڻ نه ٿو چاهي.پوءِ چاهي اهو دهشتگردي وارو مسئلو هجي يا ٻنهي ملڪن اندر ڪاروباري معاملو يا ڪشمير جهڙو اهم مسئلو.پر اها پڪ آهي ته ڀارت ڪڏهن به پاڪستان سان امن ڳاليهون ۽ ڪشمير جو مسئلو حل ڪرڻ نه ٿو چاهي.

****

 

ڪهرو مورچو؟ ڪنهن جي جنگ؟: ڊاڪٽر لال خان

ملڪ جي اندروني سلامتيءَ سان لاڳاپيل اهم عهدي تي مقرر چوڌري نثار علي خان جو تازو بيان گهڻو ڪجهه ظاهر ڪري ويو آهي. هو ڪجهه چوندي چوندي رهجي به ويو ۽ خمار جي ڪيفيت ۾ گهڻو ڪجهه چئي به ويو. چوڌري صاحب مطابق دهشت گرديءَ خلاف جنگ ۾ فوجي مورچي تي ته اسين کٽي رهيا آهيون پر نفسياتي جنگ هارائي رهيا آهيون. ان بيان ۾ مايوسي، اعتماد جي کوٽ ۽ حوصلو هارڻ چٽيءَ طرح نظر اچي رهيو آهي. حڪومت ۽ دهشت گرديءَ خلاف ڀڙڪيون انتها تي پهتل آهن ته ٻئي طرف وري باور ڪرايو ٿو وڃي ته 90 سيڪڙو ٿاڪَ تباهه ڪيا ويا آهن پر ٻئي طرف وري تعليمي ادارا بند ڪيا پيا وڃن.

تعليمي ادارن کي لڳل مسلسل خطرا هجن يا لال مسجد وارو معاملو، هر اڳڀرائي حڪمرانن جي لاچاري، ابهامُ ۽ نامراديءَ جي عڪاسي ئي ڪري ٿي. انهن سڀني معاملن تي چوڌري صاحب جا بيان نه رڳو متضاد آهن پر ڪيئي خونخوار بنيادپرست گروهن لاءِ سندس سافٽ ڪارنر ”نرم رويو“ ڪنهن کان به لڪل ڪونهي.

هوڏانهن اعليٰ عملدارن جا اجلاس هلي رهيا آهن، جن ۾ دهشت گرديءَ جي خاتمي جا پرزور وچن ٿي رهيا آهن. پر انهن سڀني وچنن باوجود اعتماد ۽ حوصلو ڪٿي به نظر نه ٿو اچي. ايئن لڳي ٿو ته انهن بيانن ذريعي عوام کان وڌيڪ پاڻ کي تسلي ڏئي رهيا آهن. تعليمي ادارن جي موڪلن واري معاملي تي زنگيل رياستي مشينريءَ جي نااهلي کُلي سامهون اچي وئي آهي. هنن حڪمرانن ۾ گڏيل رابطي جي صورتحال اهڙي آهي، سا سڀني جي سامهون آهي. ٿڌِ کي موڪلن جو سبب قرار ڏيندڙن جي کوٽ ناهي، مورڳو موڪلون ته شروع ئي ان وقت ٿيون، جڏهن ٿڌين جو زور ٽٽي رهيو هو. گڏوگڏ تعليمي ادارن کي حفاظتي انتظام سخت ڪرڻ جو به چيو ويو. اهو سلسلو ڊسمبر 2014ع ۾ آرمي پبلڪ اسڪول تي حملي کانپوءِ اڄ تائين جاري آهي. تعليمي ادارن جون ڀتيون مٿي ڪيون ويون، ڪنڊيدار تارون هنيون ويون، محافظ ڀرتي ڪيا ويا ۽ اهو سمورو خرچ وري فين ۾ اضافي ذريعي پورو ڪيو ويو. حڪومت اِهي خرچ پورا ڪرڻ جي پوزيشن ۾ آهي نه ئي ڏيوالو نڪتل معيشت ۾ ايتري سگهه آهي ته سيڪيورٽيءَ جو ڪو جامع منصوبو لاڳو ڪري سگهي.

ڀتيون مٿي ڪرڻ سان ڀلا دهشت گردي رُڪجي ويندي؟ آرمي پبلڪ اسڪول واري واقعي کانپوءِ ڀتيون مَٿي ڪرايون ويون، هاڻي باچا خان يونيورسٽيءَ تي حملي کانپوءِ ان جي ڀتين کي به مٿي ڪيو پيو وڃي. اهي ڀتيون اڃا ڪيترو مٿي ڪيون وينديون، ايئن ته جي ايڇ ڪيو ۽ ٻين فوجي ٺڪاڻن جي سيڪيورٽي ته ناقابل شڪست هئي پر اتي به دهشت گرديءَ جون ڪارروايون ٿيون. سو ڀتيون هجن يا موڪلون، اهي سڀ مسئلي جا حقيقي سبب ۽ رياستي نااهلي لڪائڻ جا حربا آهن.

مسئلو هي آهي ته دهشت گردي ان ڪاري ناڻي جو پيدا ڪيل راڪاسُ آهي، جنهن تي هي حڪمران طبقو پنهنجو وجود قائم رکيو پيو اچي. هتي وڏيون دعوائون ڪيون ويون ته دهشت گردن جي فنڊنگ بند ڪئي ويندي، ڪيئن ڪئي ويندي؟ ڪاري ناڻي واري معشيت کي ڏيوالپڻي کان بچائي رکيو آهي ۽ ان جي ڇاپ رياستي پاليسين تي به نظر اچي ٿي. هزارين مدرسا اڄ به بنا ڪنهن کُٽڪي جي هلايا پيا وڃن، جن جي دهشت گرديءَ ۾ ملوث هئڻ جون رپورٽون خود گهرو وزارت يا ايجنسين جاري ڪيون آهن. اها ئي صورتحال لال مسجد ۽ جامعه حنفه جي آهي، مشرف دور ۾ اتي آپريشن ٿيو، جنهن ۾ فوج جا ڪيئي سپاهي انهن دهشت گردن جو نشانو بڻيا. ڪيئي گهر اجڙي ويا پر قاتل اڄ به سرعام گهمندا ٿا وتن. انهن باوري پورهيتن جي زندگي ڀلا حڪمرانن لاءِ ڪهڙي اهميت ٿي رکي.

دهشت گرديءَ جي جواز تي متحرڪ ٿيندڙ رياست جي انساني طاقت به گهڻو ڪري عوام کي ئي ڪُچلي رهي آهي. تعليم، علاج ۽ روزگار جا مسئلا هي حڪمران ڇا حل ڪندا، جن جا هٿ ڪٿي دهشت گردن جا مددگار آهن يا انهن اڳيان بيٺل آهن. سندن نه ته اهڙي نيت آهي نه جرئت ۽ نه ئي وسيلا اٿن. انهن سموران عذابن کان هي حڪمران طبقو خود مٿانهون آهي، انهن اذيتن جو کين ڪو ادارڪ ناهي، جيڪي روزانو ڪروڙين زندگيون ڀوڳي رهيون آهن. بُکَ هتي جو معمول آهي، بجلي ۽ گئس باپيڊ آهي، تعليم ۽ علاج آباديءَ جي اڪثريت لاءِ عياشيءَ جي حيثيت اختيار ڪري چُڪا آهن. لاچاري ۽ بيوسيءَ جي عالم ۾ پورهيت طبقو پساهه ته کڻي رهيو آهي پر ڪو ٻيو طبقو سندن ڇوٽڪاري لاءِ وڙهڻ وارو ناهي. اها پروڙ شعوري يا لاشعوري طور پورهيت طبقي کي به آهي. حڪمرانن جا پاڻ ۾ جهيڙا ختم ٿيڻا ناهن. تاريخ سندن نظام مان استحڪام جي گنجائش کسي ورتي آهي پر محنت ۽ دولت جو تضاد هن طبقاتي سماج ۾ ڪڏهن ختم ٿي نه ٿو سگهي. طبقاتي جنگ جو فيصلائتو مرحلو پورهيت طبقي کي ئي وڙهڻو آهي. ان جنگ ۾ پورهيو ڪندڙن جي فتح ئي سماج کي محرومي، ذلت ۽ رتوڇاڻ کان ڇوٽڪارو ڏياري سگهي ٿي.

 

ادارن کي خانگائڻ بدران ادارن سان گڏ پاڻ ۾ سڌارا آندا وڃن

گذريل ڏينهن سڌسماءُ جي وفاقي وزير سينيٽر پرويز رشيد چيو هو ته پي آءِ اي ملازمن جي هڙتال غير قانوني هئي طاقت جي زور تي هڙتال کي ڪامياب بنائڻ جي ڪوشش ڪئي ويئي جنهن اداري جون خدمتون ماڻهن سان لاڳاپيل هجن اهو ادارو هڙتال نٿو ڪري سگهي اسان اهي ناهيون جو پنج سال هٿ تي هٿ رکي ويٺا رهيا آهيون ۽ ادارو تباهه ڪري ڇڏيون حڪومت پي آءِ اي لاءِ 600 ارب رپيا خسارو برداشت نٿي ڪري سگهي هي رقم تعليم ۽ صحت جهڙن شعبن تي لڳائي ويندي پاڪستان ۾ ڪم ڪرڻ سولو هجي ها ته پرويز مشرف ۽ آصف زرداري ڪري هليا وڃن ها هتي ڪم ڪرڻ مشڪل ڪم آهي جيڪو وزيراعظم نوازشريف ڪري رهيو آهي عمران خان ڪنٽينر تي هر اداري کي گهٽ وڌ ڳالهايو ۽ هر شخص تي الزام مڙهيا ان جي پهرين ڌرڻي قوم کي ڇا ڏنو جو هو ٻئي ڌرڻي جي تياري ڪري رهيو آهي،

پي آءِ اي ملازمن جي هڙتال غير قانوني آهي لازمي سروس ايڪٽ تحت هاڻي ڪوئي هڙتال نٿو ڪري سگهي منهنجي اپيل تي هڙتال ڪامياب نه ٿي ۽ ملڪي ۽ پرڏيهي اڏامون اڏام ڪنديون رهيون، جڏهن ملازمن پي آءِ اي جي آفيسن ۾ وڃي زبردستي ڪم بند ڪرڻ جو اعلان ڪيو ته ان وقت معاملا خراب ٿيڻ شروع ٿيا ان جي هڙتال جا پر ڪٽجي ويا هئا جنهن کان پوءِ اهي طاقت جي زور تي هڙتال ڪرڻ چاهين پيا احتجاج ۾ فائرنگ دوران ٽي معزز ماڻهو پنهنجي حياتي وڃائي ويٺا جنهن جو ڏک هر پاڪستاني کي آهي انهن هن اداري جي خدمت ڪئي انهن جي شهادت کان پوءِ هڙتال ۾ تبديلي آهي حڪومت جو پڪو پهه آهي ته اسان قاتلن کي نه بخشينداسين قاتلن تائين پهچڻ لاءِ سنڌ وفاق، لا اينڊ انفورسمينٽ ايجنسيون ڪم ڪري رهيون آهن رينجرز به جوابدارن جي جاچ ڪرائڻ جوا علان ڪيو آهي قاتل ڪنهن به صورت ۾ نه بچي سگهندا ، شرارتي ماڻهن کان پي آءِ اي کي آزاد ڪرائڻ چاهيون ٿا ، پي آءِ اي جي پٺڀرائي ڪندڙ جماعتن ڪڏهن به پنهنجي ان ڪم کي تسليم ڪرڻ کان انڪار ناهي ڪيو پر اهي ته سرعام انهن جي احتجاج ۾ شامل هونديون آهن.

وفاقي وزير جو بيان پنهنجي جڳهه تي صحيح به آهي ته ادارن کي بچائڻ گهرجي هونءِ به ڏٺو اهو ويو آهي ته ادارن کي تباهه ڪندڙ حڪمران ته پنهنجي جاءِ ذميوار آهن ئي پر ادارن ۾ ڪم ڪندڙ مفاد پرست جيڪي يونين ٺاهي ان جو غلط استعمال ڪري پنهنجا گهر ڀري ڇڏيا پر اداري بابت انهن ڪڏهن به نه سوچيو مطلب چوڻ جو ته هنن ميووي کائڻ سان گڏ وڻ کي به ڪٽي کائي ڇڏيو جنهن سبب ادارا خسارن ۾ پيا وڃن، ساڳي جاءِ تي سرڪاري ادارن کي بهتر ڪرڻ بجاءَ خانگائڻ به مسئلي جو حل ناهي ان ڪري سرڪار سڳوري کي التجا آهي ته هاڻي گهڻو ٿيو، وزيرن ۽ ڪامورن پنهنجا گهڻا گهر ڀريا هاڻي ملڪ جي ڪمزور ٿيل پاڙن کي پڪتو ڪري ڪٿي ائين نه ٿئي جو توهان کي کائڻ لاءَ نه ميوو ملي نه وڻ.