تازيون خبرون

Daily Archives: February 6, 2016

غير قانوني هڙتالن اڳيان نه جهڪنداسين، ڪشمير مسئلي جي حل بنا خطي ۾ امن ممڪن ناهي: نواز شريف

مظفرآباد (اين اين آءِ) وزيراعظم محمد نواز شريف چيو آهي ته ڪجهه مفاد پرست ماڻهو پي آءِ اي ۾ سڌارو ۽ پاڪستان جي ترقي نه ٿا چاهين غير قانوني ۽ بنا جواز هڙتال آڏو ڪنڌ نه جهڪائينداسين عوام ملڪ جي بهتري لاءِ مينڊيٽ ڏنو آهي اصولن تي ڪنهن به قسم جي سوديبازي نه ٿيندي ڌرڻن باوجود ڌرڻن وارن کي پارليامينٽ مان نه ڪڍيو وزيراعظم کي ڪچي ۾ رسو وجهي وزيراعظم هائوس مان ٻاهرڪڍڻ جي ڳالهه ڪئي وئي اسان اڄ تائين برداشت جو مظاهرو ڪري رهيا آهن اسان منفي ڪمن ۾ پنهنجون سرگرميون جاري رکنداسين ته ان جو ملڪ کي ڪو به فائدو نه ٿيندو آزاد ڪشيمر جي قانون ساز اسيمبلي ۽ ڪائونسل جي گڏيل اجلاس کي خطاب ڪندي وزيراعظم چيو ته پي آءِ اي جي بهتري چاهيون ٿا پر ڪجهه ماڻهو مفاد پرستي چاهين ٿا مفاد پرست ماڻهو نه ٿا چاهين ته پاڪستان ترقي ڪري اهي نه ٿا چاهين ان جو خسارو گهٽ ڪيو وڃي ۽ هي ائير لائين دنيا جي ڪامياب ايئر لائين بڻجي پر ڪجهه سياسي پارٽيون پنهنجن فائدن لاءِ انهن ماڻهن جو ساٿ ڏئي رهيا آهن ان لاءِ غيرقانوني ۽ بنا جواز هرتال آڏو ڪنڌ نه جهڪائينداسين اصولن تي ڪنهن به قسم جي سوديبازي نه ڪئي ويندي.

 

اليڪشن ڪميشن سياسي دٻاءُ ۾ اچي خاص سيٽن تي چونڊون نه پئي ڪرائي: چانڊيو

ڪراچي (اسٽاف رپورٽر) صوبائي سڌ سماءَ واري صلاحڪار مولابخش چانڊيو ڪراچي ۾ ميڊيا سان ڳالهائيندي چيو ته اليڪشن ڪميشن سياسي دٻاءُ هيٺ خاص سيٽن تي چونڊون نه پئي ڪرائي ۽ خاص سيٽن تي چونڊون روڪڻ واري فيصلي تي حيرت ٿي آهي ۽ مڪاني چونڊن جا مرحلا پورا ٿيڻ تائين عوام ۾ به سخت ڳڻتي ڏٺي پئي وڃي.سندس چوڻ هو ته اليڪشن ڪميشن خاص سيٽن تي چونڊونسياسي دٻاءُ ۾ اچي روڪيون آهن پر اسان هيٺئين سطح تائين اختيار ڏيڻ ۾ اليڪشن جي فيصلي کي رنڊڪ نه بڻجڻ ڏينداسين.سندس چوڻ هو ته عدالت چونڊون ڪرائڻ جو حڪم ڏنو هو پر عدالتي فيصلي بنا ئي چونڊون روڪڻ عوام سان زيادتي آهي.

 

پوري ملڪ ۾ ڪشميرين سان ايڪتا جو ڏهاڙو جوش ۽ جذبي سان ملهايو ويو، ملڪ ۾ عام موڪل

مظفرآباد/سري نگر/اسلام آباد/ڪراچي (نمائندن وٽانِ) ڪشميرين سان ايڪي جي اظهار لاءِ آزاد ڄمون ۽ ڪشمير سميت سڄي ملڪ ۾ ۽ بيروني ملڪ ڪشمير ايڪتا ڏينهن جوش ۽ جذبي سان ملهايو ويو ڪشمير ڊي جي موقعي تي سڄي ملڪ ۾ عام موڪل ڪئي ويئي پاڪستان جا سمورن ننڍن وڏن شهرن ۾ ايڪي اظهار لاءِ ريليون ڪڍيون ويون شهيدن کي خراج عقيدت پيش ڪرڻ لاءِ صبح 10 وڳي هڪ منٽ جي خاموشي اختيار ڪئي ويئي پاڪستاني عوام ۽ ڪشميري آزاد ڪشمير کي پاڪستان سان ملائيندڙ سمورن رستن تي انساني هٿن جي زنجير ٺاهي ويئي جڏهن ته حريت ڪانفرنس ڪشمير ايڪتا ڏينهن ملهائڻ تي پاڪستان جي حڪومت عوام ۽ /ڏسو صفحو 3 بقايا نمبر 07

سياسي قيادت جو شڪريو ادا ڪيو تفصيل موجب ڪشميرين سان ايڪي جي اظهار لاءِ آزاد ڄمون ۽ ڪشمير سميت سڄي ملڪ ۾ ۽ ٻاهرين ملڪ ڪشمير ايڪتا ڏينهن جوش ۽ جذبي سان ملهايو ويو. مظفرآباد ۾ ڪوهلا پل وٽ انساني هٿن جي زنجير ٺاهي ويئي جنهن ۾ هزارين ماڻهن شرڪت ڪئي ڪشمير ايڪتا ڏينهن جي مناسبت سان مخلتف سياسي ۽ مذهبي جماعتن ۽ تنظيمن پاران مظاهرن ريلين سيمينارن ۽ ٻين تقريبن جو اهتمام ڪيو ويو والاريل ڪشمير ۾ انساني حقن جي لتاڙ بابت خصوصي دستاويزي فلمون ڏيکاريون ويون آزاد ڪشمير ڪراچي لاهور پشاور ڪوئيٽا ۾ تقريبن جو اهتمام ڪيو ويو والاريل ڪشمير ۾ انساني حقن جي لتاڙ بابت خصوصي دستاويزي فلمون ڏيکاريون ويون آزاد ڪشمير ڪراچي لاهور پشاور ڪوئيٽا اسلام آباد راولپنڊي سميت سمورن ننڍن وڏن شهرن ۾ احتجاجي مظاهرا ڪيا ويا ۽ ريليون ڪڍيون ويون ميرپور ۾ منگلا پل تي پاڪستاني ۽ ڪشميري عوام وڏي انگ ۾ گڏ ٿيو ۽ ٻنهي پاسن جي ڪشميرين هٿن جي زنجير ٺاهي والاريل ڪشمير جي مظلوم ڀائرن سان ايڪي جو اظهار ڪيو فيصل آباد ضلعي ڪائونسل ۽ پريس ڪلب آڏو ڀارت خلاف احتجاجي مظاهرا ڪيا ويا گجرانوالا بکر ۽ رحيم يار خان ۾ ريليون ڪڍيون ويون ۽ ڪشميرين سان ايڪي جو اظهار ڪيو ويو لورالائي ۾ فرنٽيئر ڪور جي اهتمام هيٺ نيختر بازار ۾ موٽر سائيڪل ريلي ڪڍي ويئي چمن ۾ ماڊل هاءِ اسڪول کان ضلعي ڪمپليڪس تائين ريلي ڪڍي ويئي ٻاهرين ملڪن ۾ پاڪستاني مشنز ۾ به ريليون سيمينار ۽ تصويري نمائشن جو اهتمام ڪيو ويو وزيراعظم نوازشريف مظفرآباد ۾ آزاد ڪشمير جي قانونساز اسيمبلي ۽ ڪشمير ڪائونسل جي گڏيل اجلاس کي خطاب ڪيو. سري ننگر ۾ ڪشميري مظاهرين پاڪستان سان محبت جو اظهار لاءِ هڪ دفعو ٻيهر پاڪستاني جهنڊو ڦڙڪائي ڇڏيو والاريل وادي ۾ قابض فوج ۽ مظاهرين وچ ۾ چڪرين دوران ڪيترائي ماڻهو زخمي ٿي پيا ميڊيا رپورٽ موجب والاريل ڪشيمر ۾ مڪمل هڙتال رهي سري ننگر پلوانا ۽ ڄمون سميت وادي ۾ ڀارتي ڏاڍ خلاف ڀرپور احتجاج ڪيو ويو. احتجاج دوران والاريل وادي ڀارت مخالف نعرن سان گونجي اٿي ڪشميري مظاهرين پاڪستان سان ٻڌي جي اظهار لاءِ ريلي ۾ هڪ دفعو ٻيهر پاڪستاني جهنڊو ڦڙڪايو. ڀارتي فوج جو وحشياڻي لٺبازي ۽ ڳوڙها آڻيندڙ گئس جي استعمال سبب ڪيترائي مظاهرين زخمي ٿي پيا. وزيراعظم آزاد ڄمون ۽ ڪشمير چوڌري عبدالمجيد چيو آهي ته ڪشميرين جي حق خود اراديت لاءِ گڏيل قومن جي ٺهرائن تي عمل نه ٿيڻ دنيا لاءِ ڳڻتي جو عمل آهي ڪشمير مسئلي جي لاءِ 151 سيٽون هئڻ جي باوجود ڀارت جي هٺ ڌرمي دنيا لاءِ چئلينج آهي عالمي برادري مظلوم ڪشميري عوام کي انهن جو حق ڏيڻ لاءِ ڀارت تي اقتصادي پابنديون لاڳو ڪري پاڪ ڀارت جنگ سان ڪروڙين عوام جي لاشن کانسواءِ ڪجهه به حاصل نه ٿيندو شهيد ذوالفقار علي ڀٽو جي ويزن مطابق اسلامي دنيا کي متحد ڪرڻ ۽ ڪشمير جو مسئلو حل ڪرڻ پيپلز پارٽي جي منشور جو حصو آهي. اهڙن خيالن جو اظهار هن پيپلز پارٽي آزاد ڄمون ۽ ڪشمير فيصل آباد جي ڊويزنل ڪوآرڊينيٽر چوڌري خادم حسين جي قيادت هيٺ ڪشمير ايڪتا ريلي کي مظفرآباد مان ٽيليفونڪ خطاب دوران ڪيو. پاڪستان تحريڪ انصاف جي اڳواڻن چيو آهي ته ڪشمير جو مسئلو گڏيل قومن جي ٺهراءَ موجب حل ڪيو وڃي ۽ ان حوالي سان عالمي برادري پنهنجو ڪردار ادا ڪري. اهڙن خيالن جو اظهار هن جمعي تي ڪشمير ايڪتا ڏينهن جي موقعي تي ايف ٽي سي شاهراهه فيصل کان ڪراچي پريس ڪلب تائين ريلي دوران خطاب دوران ڪيو. ريلي کي ڊاڪٽر عارف علوي، حليم عادل شيخ ، خرم شير زمان ۽ ٻين اڳواڻن خطاب ڪيو. هنن چيو ته ڀارتي فوج ڪشمير ۾ انساني حقن جا بکيا اڊيڙي رهي آهي جنهن تي عالمي برادري جي خاموشي افسوسناڪ آهي هنن چيو ته پاڪستاني حڪومت خاص ڪري وزيراعظم ڀارت سان پنهنجا ذاتي لاڳاپا وڌائڻ بدران صاف لفظن ۾ ڳالهيون ڪري ۽ ڳالهين ۾ ڪشمير جي ايجنڊا کي شامل ڪيو وڃي ڇو ته ڪشمير بنا ڳالهيون اڻپوريون آهن هنن چيو ته پي ٽي آءِ ڪشميري عوام سان گڏ آحي.

 

وڏي وزير سان آمريڪي قونصل جنرل ۽ سينيٽ چيئرمين جون ملاقاتون

ڪراچي (اسٽاف رپورٽر) يو ايس ايڊ ٿر ۾  کاڌ خوراڪ واري پروگرام تي  ترت ڪم شروع ڪندي، اهڙن خيالن جو اظهار آمريڪي قونصل جنرل برائن ڊي سنڌ جي وڏي وزير سيد قائم علي شاهه سان ملاقات دوران ڪيو، سندس چوڻ هوته چيو آهي ته يو ايس ايڊ جيڪب آباد ۾ اسپتال ۾ وڌيڪ سهولتن لاءِ صوبائي حڪومت جي مدد لاءِ تيار آهيون.تفصيل مطابق وزيراعليٰ هائوس سنڌ ۾ آمريڪي قونصل جنرل برائن ڊي هنٽ قائم علي شاهه سان ملاقات ڪئي.ملاقات ۾ يوايس ايڊ سنڌ ۽ بلوچستان جا پراجيڪٽ ڊائريڪٽر به شامل ٿيا.آمريڪي قونصل جنرل آمريڪا پاران جيڪب آباد ۾ ٺهيل اسپتال ۾ اسٽاف ۽ ٻين سهولتن لاءِ سهڪار جي آڇ ڪئي.هن ٿر ۾ به ترت کاڌ خوراڪ وارو پروگرام شروع ڪرائڻ جي پڪ ڏياري. آمريڪي قونصل جنرل برائن ڊي هنٽ سنڌ حڪومت کي بورڊ آف ڊائريڪٽر بڻائڻ جي به صلاح ڏني.سنڌ جي وڏي وزير سيد قائم علي شاهه آمريڪي قونصل جنرل کي ٿر ۾ ٿيندڙ ترقياتي ڪمن جي ڄاڻ ڏني ۽ سندن سهڪار جا ٿورا مڃيا. ٻئي طرف سنڌ جي وڏي وزير سيد قائم علي شاهه سان جمعي ڏينهن سينيٽ چيئرمين ميان رضا ربانيءَ وزيراعظم هائوس ۾ ملاقات ڪئي. جاري ڪيل پڌرائي مطابق ملاقات ۾ ملڪي صورتحال، امن امان ۽ ڪشمير سان يڪجهتي سميت گڏيل دلچسپي وارن معاملن تي غور ويچار ڪيو ويو. وڏي وزير سينيٽ چيئرمين کي ٻڌايو ته ڪشمير سان يڪجهتي جي سلسلي ۾ سڄي صوبي ۾ سيمينار ۽ ڪانفرنسون منعقد ڪرائڻ سان گڏوگڏ ڪشميرين جي حق ۾ ريليون ڪڍيون ويون. اهڙي نموني ڪشميري ڀائرن سان ڀرپور طريقي سان يڪجهتي جو اطهار ڪيو ويو.

 

گڏيل قومن والاريل ڪشمير مسئلو حل ڪرائڻ وارو واعدو ناهي پاڙيو:آصف زرداري

ڪراچي (مانيٽرنگ ڊيسڪ) اڳوڻي صدر آصف زرداري چيو آهي ته گڏيل قومن والاريل ڪشمير مسئلو حل ڪرائڻ وارو واعدو ناهي پاڙيو، طاقت جي استعمال سان ڪنهن جي اردان کي شڪست نٿي ڏئي سگهجي. ڪشميرين سان ايڪي واري ڏهاڙي تي جاري ڪيل بيان ۾ آصف زرداري چيو ته پيپلز پارٽي ڪشمير مسئلي جو پرامن حل چاهي ٿي. هن چيو ته والاريل ڪشمير جو عوام ڊگهي عرصي کان ظلم برداشت ڪري رهيو آهي، طاقت ذريعي ڪنهن جي ارادن کي شڪست نٿي ڏئي سگهجي. آصف زرداري چيو ته اڄ گڏيل قومن کي پنهنجي ٺهرائڻ بابت ياد ڏيارڻ آهي، جڏهن ته پاڪستان ۽ ڀارت کي ڪشمير تڪراري مسئلي لاءِ ڳالهين وارو رستو اختيار ڪرڻ گهرجي. اڳوڻي صدر وڌيڪ چيو ته اعتمادي سازي جي قدمن سان پاڪ-ڀارت واپار کي هٿي ملندي،ڪشمير تڪراري مسئلي جي حل مثبت ماحول پيدا ڪيو وڃي.

 

 

ايندڙ هفتي پوري ملڪ ۾ آپريشن ڪلين اپ شروع ڪيو ويندو: ذريعا

اسلام آباد (بيورو) ايندڙ هفتي پوري ملڪ ۾ آپريشن ڪلين اپ شروع ڪيو ويندو،جنهن دوران پرڏيهي ايجنسين جو اوزا بڻجندڙ پاڪستا نين جي خلاف ڪارروائي ڪئي ويندي.ذريعن مطابق پاڪستان جي ڳجهين سول ۽ فوجي ادارن وٽ پرڏيهي ڳجهن ادارن مان ملڪ جي اندر يا ملڪ کان ٻاهر روڪ يا جنس جي صورت ۾  فائدا حاصل ڪندڙن جي فهرست تيار ڪئي وئي،ان ۾ لڳ ڀڳ هر شعبي سان لاڳاپيل ماڻهو شامل آهن.

 

واقعي ۾ پوليس يا رينجرس اهلڪار ملوث نڪتا ته انهن خلاف به ڪارروائي ڪئي ويندي: ڊي جي رينجرز سنڌ

ڪراچي (اسٽاف رپورٽر) ڊي جي رينجرس ميجر جنرل بلال اڪبر پي آءِ اي جوائنٽ ايڪشن ڪميٽي جي اڳواڻن کي احتجاج دوران ملازمن جي مارجڻ واري واقعي جي شفاف جاچ ڪرائڻ جي خاطري ڪرائيندي چيو آهي ته واقعي ۾ ملوث ماڻهن کي ڪيفر ڪردار تائين پهچايو ويندو. پي آءِ اي جوائنٽ ايڪشن ڪميٽي جي وفد چيئرمين سهيل بلوچ، صفدر انجم ۽ ذاڪر فاروق ڊي جي رينجرس ميجر جنرل بلال اڪبر ۽ ملازمن جي مارجڻ واري واقعي جي جاچ ڪندڙ رينجرس جي ٽيم سان ملاقات ڪري ملازمن جي مارجڻ ۽ لاپتا ٿيل اڳواڻن بابت ڳالهيون ڪيون…. ملاقات دوران ڊي جي رينجرس ميجر جنرل بلال اڪبر ملازمن کي خاطري ڪرائي ته ملازمن جي مارجڻ واري واقعي جي شفاف جاچ ڪرائي ويندي، واقعي ۾ پوليس يا رينجرس اهلڪار ملوث نڪتا ته انهن خلاف به ڪارروائي ڪئي ويندي، جيڪڏهن جوائنٽ ايڪشن ڪميٽي وٽ ڪي ثبوت آهن ته سامهون آڻي….. ميجر جنرل بلال اڪبر چيو ته احتجاج دوران ملازمن جي مارجڻ تي کيس ڏک پهتو آهي، هو ملازمن جي گھر وڃي سندن وارثن سان تعزيت ڪندو…. ملاقات دوران جوائنٽ ايڪشن ڪميٽي جي اڳواڻن ڊي جي رينجرس کي احتجاج دوران مارجي ويل ٻن ملازمن واري واقعي جي جاچ ۾ مڪمل سهڪار جي خاطري ڪرائيندي ڪوآرڊينيشن ڪميٽي قائم ڪئي… ملاقات کانپوءِ ميڊيا سان ڳالهائيندي جوائنٽ ايڪشن ڪميٽي جي اڳواڻن ٻڌايو ته هنن ڊي جي رينجرس ۽ جاچ ٽيم کي ٻڌايو آهي ته رينجرس پاران جاري ڪيل وڊيو ۾ نظر ايندڙ نقاب پهڙيل شخص شرپسند نه پر ملازم آهن، جن ڳوڙها آڻيندڙ گيس کان بچڻ لاءِ منهن ڍڪيو هو…..

 

 

سنڌ جي تعليم کاتي گوسڙو استادن خلاف ڪارروائي ڪندي 307 استادن جي لسٽ پڌري ڪري ڇڏي

ڪراچي (اسٽاف رپورٽر) سنڌ جي تعليم کاتي گوسڙو استادن خلاف ڪارروائي ڪندي 307  استادن جي لسٽ پڌري  ڪري ڇڏي  آهي، تعليم کاتي موجب گوسڙو استادن  جون پگهارون بند ڪرڻ جا حڪم به  جاري ڪيا ويا آهن. تعليم کاتي موجب بائيو ميٽرڪ تصديق بعد  پهريون ڀيرو  گوسڙو  استادن جي حاضري  جو رڪارڊ حاصل ڪيو  ويو، جنهن تحت 307 استادن جي  لسٽ  پڌري  ڪئي وئي آهي. تعليم کاتي موجب گوسڙو  استادن خلاف ڪارروائي جاري رهندي ۽ پهرين مرحلي ۾ 307 استادن جون پگهارون بند ڪرڻ جا حڪم به  جاري ڪيا ويا  آهن.

 

مودي جي هجڻ سان پاڪستان تي حملن، والاريل ڪشمير تي ظلم وڌي ويا، گڏيل قومون ڪشميرين کي حق خود اراديت فراهم ڪن: سراج الحق

لاهور (اين اين آءِ) جماعت اسلامي پاڪستان جي امير سينيٽر سراج الحق چيو اهي ته نريندر مودي جي هجڻ سان پاڪستان تي حملن ۽ والاريل ڪشمير تي ظلم وڌي ويا آهن والاريل ڪشمير اندر هندستاني فوج شهر ويران ۽ قبرستان آباد ڪيا آهن ظلمن جي حد ڪري ڇڏي آهي ٻارڙن پوڙهن ۽ عورتن کي بي رحمي سان شهيد ڪيو پيو وڃي پر ان سب جي باوجود ڪشميريآزادي حاصل ڪرڻ لاءِ مضبوط بيٺا آهن پهريان کان وڌيڪ جوش ۽ جذبي سان ڪم ڪري رهيا آهن هي ان ڳالهه جو ثبوت آهي ته اهي آزادي کان گهٽ ڪوئي حل قبول نه ڪندا مان گڏيل قومن کان مطالبو ڪيان ٿو ته اهي پنهنجي قراردادن تي عملدرآمد ڪرائين ۽ ڪشميرين کي حق خود اراديت فراهم ڪن گڏيل قومون جيڪڏهن اڀرندي تيمور، ڏکڻ سوڊان ۽ ٻين علائقن ۾ بنيادي حق ڏيڻ لاءِ ڪردار ادا ڪري سگهن ٿيون ته اهي ڪشمير ۾ ڇو نٿيون ڪردار ادا ڪن جماعت اسلامي ضلعي مظفرآباد جي اهتمام هيٺ ڪشمير ايڪتا ڪانفرنس کي خطاب ڪندي سراج الحق چيو ته ڪروڙين انسان اڄ ڪشميرين سان ايڪي جو اظهار ڪري رهيا آهن ۽ عالمي برادري کي ان جي نذاڪت آڏو رکندي ڪشميرين جي حق خود اراديت جي حمايت ڪرڻ گهرجي ۽ ڀارت تي دٻاءُ وجهڻ گهرجي ته هو ڪشميرين کي حد خود اراديت ڏي منهنجي زندگي جي آخري گهڙي ۽ آخري پساهه ڪشمير جي آزادي لاءِ آهي جيستائين ڪشمير آزاد ٿي پاڪستان جو حصو نه بڻجندو ان وقت تائين اسان ڪشميرين سان گڏوگڏ آهيون هن چيو ته ڪسمير ننڍي کنڊ جي ورهاڱي جو اڻپورو ايجنڊا آهي ڪشميري ننڍي کنڊ جي ورڇ جي اڻپوري ايجنڊا کي مڪمل ڪرڻ لاءِ جدوجهد ڪري رهيا آهن هي تحريڪ پاڪستان جو تسلسل آهي هن چيو ته پاڪستان حڪومت ڪشمير تي واضح ۽ چٽي پاليسي اختيار ڪري پٽاٽن ۽ بصرن جو واپار ڪشميرين کي قبول نه آهي هن چيو ته پاڪستان جو 18 ڪروڙ عوام ڪشميرين سان گڏ آهي ڪشميرين کان سواءِ پاڪستان اڻپورو آهي ۽ پاڪستان کان سواءِ ڪشمير ڪجهه به نه آهي پاڪستان جون سموريون سياسي ۽ مذهبي جماعتون سياسي اختلافن جي باوجود ڪشمير جي مسئلي تي متفق آهن جهڙي طرح افغانستان ۾ اڳوڻي سوويت يونين کي ڪڍڻ لاءِ سڄي دنيا اخلاقي سياسي ۽ عسڪري مدد ڪئي اهڙي طرح ڪشمير مان ڀارتي فوج کي ڪڍڻ لاءِ به دنيا ڪشميرين جي مدد ڪري انڊين فوج کي ڪشمير مان ڪڍڻو آهي نريندر مودي اعتراف ڪيو ته ان پاڪستان ٽوڙيو آهي ان موقعي تي پاڪستان حڪومت کي دنيا آڏو احتجاج ڪرڻ گهرجي ها جيڪو نه ٿيو هندستان سان دوستي ۽ ياري جو نعرو هڻڻ ڪشميرين جي زخمنن تي لوڻ ٻرڪڻ برابر آهي سيد علي گيلاني چيو ته جيڪڏهن اوهان هندستان سان نٿا وڙهڻ چاهيو ته اسان جي تحريڪ کي ڪمزور نه ڪيون ڪشمير مسئلي جون ٻه ڌريون نه آهن ٽي ڌريون آهن پاڪستان انڊيا ۽ ڪشمير آهن ڳالهين ۾ ڪشميري قيادت کي به شامل ٿيڻ گهرجي شهيد مقبول بٽ انهيءَ مهيني شهادت ماڻي هن ئي مهيني ۾ افضو گورو کي شهيد ڪيو ويو شهادت ان جو هڪ لازوال داستان آهي ويلي اندر ڪائي جڳهه اهڙي نه آهي جتي شهيدن جي رت جا ڌٻا موجود نه آهن مان مطالبو ڪرڻ چاهيان ٿو ته مظفرآباد ۾ ڪشميري مهاجرن ڀائرن جا وڏا مسئلا اهن انهن جا مسئلا حل ڪرڻ ۽ آزاد ڪشمير ۽ پاڪستان حڪومت جي ذميواري آهي ٻنهي حڪومتن کي گڏجي سندن مسئلا حل ڪرڻ گهرجن نوازشريف مظفرآباد ۾ موجود آهي آزاد خطي ۽ گلگت بلتستان جو اسپيڪر به موجود آهي ڳنڍي اهڙو خطو ٺاهڻ گهرجي جتي ڪرپشن نه هجي ظلم نه هجي روزگار هجي خوشيون هجن تحريڪ آزادي ڪشمير جي هر ڏهاڙي جي موقعي تي هو اسان وٽ موجود رهي اسان ان جو شڪريو ادا ڪيون ٿا ۽ پاڪستاني قوم ۽ پوري جماعت اسلامي ۽ برادر تنطيمون کين هڪ پليٽ فارم تي آڻي بيهاريو آهي. جنهن جو واعدو قاضي حسين احمد ڪيو هو ان کي اڳتي وڌايو سڄي دنيا جون اسلامي تحريڪن جي ترجمان جي حيثيت سان موجود آهن 60 اسلامي ملڪن جون اسلامي تحريڪون اڄ ڪشميرين سان ايڪو اتحاد ڪري رهيون آهن.

 

ٿر ۾ فوتگين جو سلسلو نه رڪجي سگهيو، وڌيڪ 3 ٻارڙا فوت

ٿرپارڪر(م.ڊ) ڏڪاريل ڏيهه ٿر ۾ معصوم ٻارڙن جي فوت ٿيڻ جو سلسلو جاري آهي، مٺي ۾ وڌيڪ 3 معصوم ٻارڙا فوت ٿي ويا، جنهن کانپوءِ 36 ڏينهن جي مختصر عرصي ۾ فوت ٿي ويل ٻارڙن جو انگ وڌي هڪ سئو 30 ٿي ويو آهي.. ننگر پارڪر جي تعلقا اسپتال ۾ خوراڪ جي وٽ جو شڪار 2 ٻارڙا زندگي جي جنگ هارائي ويا، مٺي جي سول اسپتال 23 مهينن جو نزاڪت، 8 مهينن جو ساگر ۽ معصوم نينگري حميده فوت ٿي وئي. وڌيڪ 3 معصوم ٻارڙن جي فوت ٿيڻ کانپوءِ 36 ڏينهن دوران فوت ٿي ويل ٻارڙن جو انگ هڪ سئو 30 ٿي ويو آهي. گيسٽرو، ڊائريا ۽ نمونيا سميت ٻين بيمارين سبب متاثر ٿيل مٺي، ڇاڇرو، ڏيپلو ۽ ڪلوئي سميت ٻين علائقن جي سوين ۾ معصوم ٻارڙن کي مٺي جي سول اسپتال ۾ داخل ڪيو ويو آهي. ڏڪار سٽيل علائقن جي رهواسين جو چوڻ آهي ته ٻهراڙين وارن علائقن ۾ سهولتن جي کوٽ برقرار آهي، جنهن سبب معصوم ٻارڙا اسپتال پهچڻ کان اڳ فوت ٿي رهيا آهن……