تازيون خبرون

Daily Archives: February 4, 2016

ڪترينا ۽ رنبير عوامي هنڌن تي به هڪٻئي کي نظرانداز ڪرڻ لڳا

ممبئي (شوبز نيوز) بالي ووڊ اداڪار رنبير ڪپور ۽ اداڪارا ڪترينا ڪيف جي پهرين گهاٽي سنگت ۽ پوءِ هاڻي وري ڌار ٿيڻ واريون خبرون ته عام آهن پر هاڻي ٻنهي اداڪارن ڌار ٿيڻ جو ثبوت ڏيندي هڪٻئي کي نظرانداز به ڪرڻ شروع ڪري ڏنو آهي. ڀارتي ميڊيا رپورٽن مطابق بالي ووڊ اداڪار رنبير ڪپور ۽ ڪترينا ڪيف جي ڌار ٿين وارين خبرن جا چوٻول ته هلي رهيا آهن،پر انهن ٻنهي ڪڏهن به خبرن جي حوالي سان ڪجهه ناهي ڳالهايو،پر هاڻي ٻنهي اداڪارن تقريبن  ۾ به هڪٻئي کي نظرانداز ڪرڻ شروع ڪري ڏنو آهي،ان جو مثال نئين دهلي ۾ ٿيندڙ گاڏين جي عالمي نماءَ هلي رهيو آهي،جتي ٻنهي هڪٻئي کي گهڻو نظرانداز ڪيو. نماءَ جي انتظاميا ۽ ان جي مينيجرن به ان ڳالهه جو خاص خيال رکيو ته نماءَ ۾  ٻنهي اداڪارن جا جو ڪنهن به حال ۾ ٽڪراءَ نه ٿئي.

 

ايڪشن ۽ تجسس وارن منظرن سان ڀريل هالي ووڊ فلم“ڊيڊ پول” جو ٽريلر جاري

لاس اينجلس (شوبز نيوز) هالي ووڊ جي ايڪشن فلم ڊيڊ پول جو ٽيلر جاري ڪيو ويو آهي.فلمي جوتشين جو چوڻ آهي ته فلم 9 فيبروري تي وڏي پڙدي جا سڀئي رڪارڊ ڀڃي ڇڏيندي. تفصيل مطابق فلم اسپيشل فورس جي اڳوڻي ايجنٽ جي ڪهاڻي تي ٻڌل آهي،جنهن ۾ سپرمين کي مختلف انداز ۾ ڏيکاريو ويو آهي. هن فلم کان اڳ سڀني ٻين فلمن ۾ سپر مين امن جي پرچار ڪندي نظر اچي ٿو پر ڊيڊ پول ۾ ائين ناهي.کل،ڀوڳ،ايڪشن،۽جذباتي جملن جي استعمال فلم سان منفرد بڻايو ويو آهي.فلم کي ناليواري ڊائريڪٽر ٽم ملر ڊائريڪٽ ڪيو آهي ۽ اهم ڪردارن ۾ ٽي جي ملر ۽ مورينا بڪرين شامل آهن.

 

آسٽريلوي ڪرڪيٽر پيپا ڪيلري شرط لڳائڻ تي 6 مهينن لاءِ معطل

آسٽريليا (اسپورٽس نيوز) آسٽريلوي عورتاڻي ڪرڪيٽ جي رانديگرياڻي پيپا ڪيلري کي ميچ تي شرطون لڳائڻ جي الزام ۾ 6 مهينن لاءِ معطل ڪيو ويو آهي. آسٽريلوي رانديگرن پاران  ميچ تي شرطون لڳائڻ جو لاڙو وڌندو پيو وڃي.آسٽريلوي رانديگر انگيلا ريڪس کي 6 مهينا اڳ ميچ تي شرطون لڳائڻ جي ڪري ٻن سالن لاءِ معطل ڪيو ويو هو،پر انکانپوءِ به آسٽريلوي رانديگرن ۾ سرط لڳائڻ جو لاڙو گهٽ نه ٿي سگهيو.گذريل سال نومبر ۾ آسٽريليا ۽ نيوزيلينڊ جي وچ ۾ رٿيل ڊي نائيٽ ٽيسٽ ميچ ۾ شرط لڳائڻ تي پيپا ڪيلري کي 6 مهينن لاءِ لاٿو ويو آهي.ڪرڪيٽ آسٽريليا جي انٽيگريٽي چيف لين رائي جو چوڻ آهي ته رانديگرن تي واضع ڪيو ويو آهي، ته هو ڪنهن به ميچ ۾ شرط نٿو هڻي سگهي ۽ ايندڙ وقت ۾ ڪير به ائين نه ڪري.

 

شاهد آفريدي پاران پشاور زلمي جي شوقينن لاءِ مفت ٽڪيٽ جو اعلان

دبئي (اسپورٽس نيوز) پاڪستان سپر ليگ(پي ايس ايل) جي ٽيم پشاور زلمي جي ڪپتان شاهد آفريدي پشاور زلمي جو ساٿ ڏيندڙ شوقينن لاءِ مفت ٽڪيٽ ڏيڻ جو اعلان ڪري ڇڏيو آهي.دبئي ۾ ميڊيا سان ڳالهائيندي شاهد آفريدي خاص طور تي اعلان ڪيو ته جيڪو به شوقين گرائونڊ ۾ پشاور زلمي جي شرٽ پائي ايندو ان جي ٽڪيٽ مفت هون دي ۽ ان جي ٽڪيٽ جا پئسا شاهد آفريدي پاڻ ڏيندو.دبئي ۾ ٿيندڙ ٽرافي جي تقريب  جي  موقعي تي ميڊيا سان ڳالهائڻ کانپوءِ آخر ۾ شاهد آفريدي اهو اهم اعلان ڪيو،پاڪستان سپر ليگ جي افتتاحي ميچ ۾ اسلام آباد يونائيٽيڊ ۽ موٽا گيلڊي ائيٽر جون ٽيمون پهريون ڀيرو هڪٻئي جي آمهون سامهون ٿينديون.

 

ٻولي ڪانفرنس، نتيجا ۽ اميدون: ڊاڪٽر در محمد پٺاڻ

فطرت جو پنهنجو عجيب نظام آهي. حالتون ذهن بدلائينديون آهن ۽ ذهن تبديليون آڻيندا آهن. مدبر ۽ مفڪر، ڏاها ۽ سپورنج حالتن جي اهڙي تشريح ڪندا آهن، جو ذهن اوڏانهن متوجهه ٿيڻ لڳندا آهن. حالتن ۽ ذهنن بدلائڻ جو في الحال اهو ئي هڪ مروج طريقو آهي. حالتن ۽ ذهنن تي جمود تڏهن طاري ٿيندو آهي، جڏهن وس وارا ۽ مثالي انسان ايندڙ نسلن جا دڳ روڪي پنڊ پهڻ ٿي بيهندا آهن ۽ بت پرستي يا شخصيت پرستي جا ڄار وڇائي ويهي رهندا آهن. ان ڪري ادارن ۽ تنظيمن ۾ سوچ ۽ لوچ جي تازي هوا داخل نه ٿي سگهندي آهي. تنهن لاءِ جڏهن ادارا جوڙجن، تنظيمون قائم ڪجن ۽ اهي جڏهن پنهنجي پيرن تي بيهن ته اتان اڳواڻن کي پنهنجا پير ڪڍڻ گهرجن ۽ اهي بت بڻجي ٻين لاءِ رستي روڪ نه ٿين. ايئن نه ڪيو ويو ته پوءِ تنظيمن ۽ ادارن ۾ بت شڪنيءَ جو مرحلو شروع ٿي ويندو ۽ اجتماعي مثبت ڪم بدران هڪ ٻئي جي پيرن ڪڍڻ ۽ گروهه بندي ۾ قيمتي وقت ضايع ٿيندو.

سنڌ ۾ هاڻي حالتون مثبت موڙ تي اچي رهيون آهن. سنڌ جي مثالي سماجي تنظيم سنڌ گريجوئيٽس ايسوسيئيشن ۾ قيادت جي تبديلي انهيءَ حوالي سان هڪ مثبت عمل آهي ۽ ٻين ادارن خواهه تنظيمن کي انهيءَ مثال تي هلڻ گهرجي، ڇو ته جيڪڏهن ادارا ۽ تنظيمون قومي ڪاڄ ۽ عوامي مفاد لاءِ جڙن ٿيون ته انهن جي قيادت به عوام ڏانهن منتقل ٿيڻ گهرجي.

سنڌ گريجوئيٽس ايسوسيئيشن سنڌ حڪومت جي ثقافت کاتي جي سهڪار سان سنڌي ٻولي عالمي ڪانفرنس ۽ ثقافتي ميلو منعقد ڪرائي جس جهڙو ڪم ڪيو ۽ ان جي واکاڻ ڪرڻ ضروري آهي پر اهو به ضروري آهي ته ڪن اهڙين ڳالهين جي نشاندهي پڻ ڪئي وڃي، جن سان ايندڙ دور ۾ ڪانفرنس ۽ ميلن ملاکڙن منعقد ڪرائڻ وقت دقيانوسي روايت جو پري پري به پاڇو محسوس نه ٿئي.

هن چوڻ ۾ ڪو به الزام بهتان ڪونهي، پر اها ڳالهه حقيقت جي ويجهو آهي ته ڪانفرنسن “ناني ويڙهن” جي ڏک ئي پئي ڏني آهي. ساڳيا چهرا، ساڳيا موضوع ۽ ساڳيءَ ريت کائڻ پيئڻ ۽ ڀاڙي ڀتي جي ونڊ ورڇ، ڪي ماڻهو اچي اکين تي ويهن ۽ ڪن تي وري اک ئي ڪا نه ٻڏي.

وقت جي تقاضا آهي ته انهن ڪانفرنسن ۾ نت نوان طريقا ڪتب آندا وڃڻ ۽ تحقيقي تقاضائن جي پورائي جي ڪوشش ڪئي وڃي. پيپر پڙهي ۽ تقرير ڪري يوسف جي خريدارن ۾ نالي لکرائڻ بدران ليکڪن ۽ محققن کي پاور پوائنٽ تي پريزنٽيشن ڏيڻ گهرجي. محقق تفصيل سان ڳالهائين، ڀلي گهٽ ۾ گهٽ ٻه ڪلاڪ پريزنٽيشن ڏين ۽ ان تي سوال جواب ٿين. انهيءَ حوالي سان سنڌ گريجوئيٽس ايسوسيئيشن ۽ ثقافت کاتي جي سڏايل هن ڪانفرنس ۾ جيتريون ڪانفرنس جون ويهڪون هيون، اوتريون پريزنٽيشنز ڏنيون وڃن ها. انهن جون سي ڊيون ٺهرائي ورهائي سگهجن پيون، سگا ۽ ثقافت کاتو انهن کي پنهنجي پنهنجي ويب سائيٽ تي به اپلوڊ ڪري پيا سگهن.

هن ڪانفرنس جي ڪم واري ڳالهه اها هئي ته ڪيترن پوڙهن يا سينئر محققن کي گهرائي ڪانفرنس تي ٿاڦيو نه ويو ۽ ڪن مون پارن ادنيٰ ليکڪن بهري وٺڻ کان ان ڪري پاسو ڪيو ته ڀلي نوجوان پنهنجي نئين سوچ ۽ لوچ جي خوشبوءِ سان اجتماعي خوابن ۾ رنگ پيدا ڪن. سياڻا ۽ سپورنج ماڻهو هنن نوجوانن جي ڳالهين مان نڪتا چونڊي ۽ ڪڍي اندازو لڳائيندا ته نئون نسل ڇا پيو چاهي ۽ ڪيڏانهن پيو وڃي.

ٽيڪنيڪلي هيءَ “عالمي ڪانفرنس” ته نه هئي، ڇو ته ان ۾ سنڌ کانسواءِ ٻين صوبن جا به عالم ڪو نه آيا، ان ڪري هيءَ ملڪي ۽ عالمي ڪانفرنس چئي نه ٿي سگهجي، پر ان مان جيڪي آواز بلند ٿيا، اهي اسان کي ڪنهن ٻئي طريقي سان سوچڻ ۽ لوچڻ تي آماده ڪن ٿا. ڳالهه هيءَ نڪتي ته اسان جي ڪيترن نمائندن ڪيترا دفعا سنڌي ٻولي کي قومي ٻولي بڻائڻ ۽ ان کي تاريخي حق وٺي ڏيڻ جون قومي اسيمبليءَ ۾ ڪوششون ڪيون، پر ڪڏهن به تريءَ تيل نه لڳو ۽ سندن محنتن رنگ نه لاتو.

سوچڻ جي ڳالهه اها آهي ته قومي اسيمبلي آدم شماريءَ جي بنياد تي جڙجڻ ڪري، صوبن ۾ توازن برقرار رکڻ بدران سدائين هڪ ”مخصوص اڪثريت“ جي روپ ۾ رهندي آئي آهي ۽ اتي برابري جي بنياد تي ڳالهائڻ يا ڪجهه گهرڻ مشڪل ئي رهيو آهي. ان لاءِ پاڻ کي ٻيا در کڙڪائڻا پوندا. لابنگ ڪرڻ ۽ ڪورٽ جا دروازا کڙڪائڻ کان علاوه اسان لاءِ هڪ وڏو در اهو کليل اهي ته هر ڪنهن پارٽيءَ جون سنڌ ۾ شاخون آهن. انهن برانچن جي توسط سان پاڪستان جي اصلين ٻولين کي جائز قومي ۽ تاريخي حق ڏيڻ کي انهن پارٽين جي منشور ۾ داخل ڪرايو وڃي. جيڪا پارٽي انهيءَ حق کان اسان جي ٻولي کي محروم رکي، ان کي سنڌ جي ووٽن کان محروم ڪيو وڃي. ان کانسواءِ اهو پڻ ضروري آهي ته اسان ٻين صوبن ۾ وڃي پنهنجي دکن ۽ دردن لاءِ دانهون ۽ ڪوڪون ڪيون.

سگا ۽ ثقافت کاتي طرفان سڏايل هن ڪانفرنس کي جيڪڏهن اسلام آباد ۽ ٻين صوبن جي گادين وارن هنڌن تي منعقد ڪرايو وڃي ها ته ان جا به مثبت نتيجا نڪري سگهن پيا. هونءَ ته پنهنجا سور پاڻ ۾ ويهي پٽڻ مان حاڪمن ۽ حڪيمن تي ڪو به اثر ڪو نه پوندو. جهنگ ۾ مور نچيو ته ڪير ڏسندو؟

بهرحال سنڌ جي سماجي تنظيمن ۾ تبديليون اچي رهيون آهن، الله ڪندو ته سياسي تنظيمن مان به شخصيت پرستي يا مرده پرستي جي بدعت ختم ٿيندي. سنڌ واسين پنهنجي سورن جا مذڪور ٻڌائڻ شروع ڪيا آهن ۽ ان لاءِ چئي سگهبو ته پئي کڻي پساهه، پسڻ ڪارڻ پرين جي.

 

سرڪاري بجيٽ تي راتاهو: اصغر ملاح

دنيا جي هر ملڪ جي  بقاءِ سالميت لاءِ ملڪ  جي آئين تحت قانون  جي  حڪمراني انصاف  ضروري آهي جتي  قانون  جي  حڪمراني انصاف  نه  هوندو  آهي  اتي عوام لاءَ  هزارين مسئلا  جنم وٺندا آهن قانون  جي  حڪمراني نه هوندي  اتي  ڪمزور  مٿا  ڏاڍن جو قبضو قائم هوندو  آهي.

جيڪڏهن  قانون  جي  عملداري  بهتر  آهي  ته اتي جي عوام کي  بنا فرق انصاف  ۽ تحفظ ملندو عوام کي رليف ڏيارڻ حڪومت جو اولين فرض آهي عوام دانهيو آهي ته ڪرپشن سرڪاري مختلف کاتن کي اڏهي وانگر کائي پٽي ناس ڪري کوکلو ڪري ڇڏيو آهي.جنهن جو خاتمو وقت جي اهم ضرورت آهي گذريل ڪيترن ئي سالن کان اخبارن چيئنل ۽ عوامي احتجاجن وسيلي سنڌ جي ناڻي کاتي ۽ مختلف ضلعن ۾ قائم ڊسٽرڪٽ اڪائونٽس آفيس خلاف سرڪاري ملازمن جون بي پناهه شڪايتون پرنٽ ۽ اليڪٽرانڪ ميڊيا ذريعي منظر عام تي اچي رهيون آهن پر هن وقت تائين خبر ناهي ته  ڪهڙي سبب جي سنڌ جو عوام خاص ڪري سرڪاري طبقو جيڪو انهن ادارن تي ڀاڙي ٿو عذاب مان ٻاهر ناهي نڪري سگهيو جنهن مان ظاهر آهي ته ناڻي کاتي ۽ ضلعي اڪائونٽس آفيسن ۾ ڊوٽيون ڪندڙ ڪامورا يا ته سگهارن عوامي نمائندن جي آنڪي ڀريندڙ آهن يا  وري ڏنو پٽ ڇٽي واري رسم تحت پنهنجي زور تي کين مليل بي پناهه اختيارن جي آڌار تي جيڪو وڻين سو پيا ڪن پوءُ ڀلي سرڪاري ملازم پيا عذاب برداشت ڪن. تنهنڪري انهن سڀني ڳالهين جي تهه ۾ وڃڻو پوندو  ته آخر ڪهڙا سبب آهن. جنهن ڪري سرڪاري ملازمن کي سوين احتجاج ۽ نشاندهيون ڪرڻ باوجود صحيح انصاف نه ٿو ملي.ضلعي اڪائونٽس آفيسن جي تهه ۾ وڃبو ته ڄاڻ ملندي  ته اهي ڪنهن زماني ۾ ضلعن اندر قائم ٿيل خزانه آفيسن جي صورت ۾ سنڌ جي ناڻي کاتي جي ماتحت هيون جيڪي بعد ۾ ڊسٽرڪٽ اڪائونٽس جي صورت اختيار ڪري اڪائونٽنٽ جنرل سنڌ جي ماتحت هليون ويون جنهن جو بنيادي مقصد اهو هو ته سرڪاري ملازمن کي پنهنجي گهرن ويجهي سموريون سهولتون ميسر ٿي سگهن ۽ ان وقت مختلف کاتن جا سرڪاري ملازم پنهنجي جائز مسئلن جي حل لاءُ جيڪي سنڌ جي مختلف ضلعن مان ڪراچي اڪائونٽنٽ جنرل سنڌ ۾ پهچندا هئا۽ پنهنجو هڙون وڙون ڏيتي ليتي وسيلي پنهنجا ڪم ڪرائي واپس ورندا هيا ته ڳرا ڀاڙا ڀري ڏينهن جا ڏينهن اڪائونٽنٽ جنرل سنڌ جي آفيسن جا چڪر ڪاٽيندا هئا تڏهن  سندن جائز  مسئلا حل  ٿيندا  ها. جڏهن پنهنجا  جائز  مسئلا حل ڪرائي واپس ورندا هيا ته کين کي کائڻ لاءِ پوئتي ڪجهه به نه رهندو هو.

مطلب ته ملازمن جو ٻيڻو خرچ ٿيندو هو يعني ته مقامي خزانه آفيس جا به محتاج رهندا هئا ته اڪائونٽنت جنرل سنڌ ڪراچي جا به محتاج هوندا هئا جنهنڪري گهڻو ڪري ننڍا حاضر سروس ملازم ۽ رٽائرڊ ملازم سخت متاثر ٿيندا هئا. ماضي جي حڪومتن سرڪاري ملازمن جي لاڳاپيل مسئلن کي مدنظر رکندي خزاني آفيسن جي جاءِ تي ضلعي اڪائونٽس آفيسن جو قيام عمل ۾ آندو ته جيئن  حاضر سروس ملازم ۽ رٽائرڊ ملازم گهر ويٺي پنهنجا جائز مالي مسئلا حل ڪرائي سگهن پر ٿيو ايئن ڪونه ابتو سرڪاري ملازم وڌيڪ پريشاني طرف ڌڪجي ويا جنهن جو سبب انهن آفيسن ۾ اهي ڪامورا مقرر ٿي آيا جيڪي گهڻو ڪري من پسند هئا جن کي پنهنجن کي عذاب ۾ وجهڻ ۽ ڦرڻ جو وسيع تجربو حاصل هو جيڪي اهڙين آفيسن جا بي تاج بادشاهه بڻجي ننڍن سرڪاري ملازمن جي مسئلن کي ترجيحي بنيادن تحت حل ڪرڻ بدران انهن کي پنهنجي روايتي انداز ۾ ڪچلڻ لڳا جنهن جو نتيجو اهو نڪتو آهي جو هر آئي ڏينهن سنڌ جي ڪنهن نه ڪنهن شهر يا وسندي ۾ ضلعي اڪائونٽس آفيسن  جي رشوتخور ڪامورن  ڪلارڪن  اڪائونٽنٽن خلاف سرڪاري ملازمن جو احتجاجي مظاهرو نه ٿيندو هجي.

سنڌ جي مختلف ضلعن ۾ سرڪاري ملازمن وقت به وقت احتجاج ڪري نشاندهي ڪندا رهيا آهن. اڪائونٽس آفيسن ۾ گذريل ڪافي سالن کان گهڻو ڪري اهي ڪامورا لاڳيتو مقرر ٿيندا رهيا آهن جيڪي يا ته انتهائي جونيئر آهن جيڪي وڏي منٿلي ادا ڪرڻ بعد مقرر ٿيندا پيا اچن يا وري ڪنهن نه ڪنهن سياسي ڌر جي وڏن جا واسطيدار آهن جن کي سياسي پٺڀرائي حاصل رهي ٿي. انهن سرڪاري ملازمن کي عذاب ۾ آڻي ڇڏيو آهي. بغير رشوت جي  جائز ڪم ناممڪن بڻيل آهي. ننڍن سرڪاري ملازمن ۽ عوام کي وقت به وقت احتجاج ڪندي الزام هڻندي دانهيو آهي ته سنڌ جي ٻين  ضلعن جيان دادو ضلعي اڪائونٽس آفيس ۾ به سالن کان اهو سلسلو جاري ۽ ساري رهيو ڪيترائي سفارش عيوض ڪامورا مقرر ٿيا ۽ ٿيل آهن.جيڪي  گذريل ڪيترن ئي سالن کان ضلعي اڪائونٽس آفيس جا با اختيار ڪامورو رهيا آهن اهو ئي سبب آهي  غريب سرڪاري ملازمن سان ٿيندڙ نا انصافي جو ازالو نه ٿيو آهي من پسند اڪائونٽنٽن ۽ عملي  کان خزانه آفيس ايتري قدر يرغمال بڻيل رهي آهي جو اڄ ڏينهن تائين ڪو به ننڍو سرڪاري ملازم بغير رشوت وصولي جي فيضاب ٿي ضلعي اڪائونٽس آفيس ٻاهر نڪتو هجي سرڪاري  ملازمن پرنٽ ۽  اليڪٽرانڪ  ميڊيا  اڳيان وقت به وقت  دانهيو آهي ته اهڙي طرح خدا نه ڪري ڪو سرڪاري ملازم رٽائرمينٽ کان اڳ خدا کي پيارو ٿي وڃي ٿو ته انجي فوتي پينشن به ڏي وٺ کانسواءِ جاري نٿي ٿئي سرڪاري ملازم دانهن ٿا ته بنا رشوت جي جائز ڪم به ناممڪن بڻيل رهيو آهي ضلعي اڪائونٽس آفيس ٻاهران بي پناهه ٿڌ هجي  يا سخت گرمي هجي ٻاهر بيٺل سرڪاري ملازمن ۽ پينشنرن جي حالت ڏسڻ جوڳي رهي ٿي پوءَ مجبور ٿي جيڪي لاڳاپيل آفيسن اندر پنهنجي ڪم ڪار لاءِ ٻاهر بيٺل ايجنٽن وسيلي ڳرا پئسا ڀري پنهنجي جائز پگهارن ، ٽي اي بلن ، تفاوت بل ۽ پينشن حاصل ڪندا نظر ايندا.آهن اهو ڏينهن خالي ڏسڻ ۾ نه ايندو جو وڏي انگ ۾ فوتي پينشن وٺڻ وارن جي لائين لڳل نه هجي ۽ بروقت رقم نه هجڻ ڪري ايجنٽن ۽ ڪامورن جا ڌڙڪا کائي واپس ورندا نه هجن. ڇا هي انصاف ۽ خدمت خلق آهي ؟.  پر ايجنٽن  وسيلي گهر وٺي مسئلا حل  ٿي وڃن ٿا. انهن ايجنٽن  لاءِ چيو وڃي ٿو ته اهي ايجنٽ  يا ته مختلف صوبائي ۽ وفاقي سرڪار جي ماتحت آفيسن ۾ ڪم ڪندڙ سرڪاري ملازم يا وري رٽائر ٿيل ملازم هوندا آهن جن جي ضلعي اڪائونٽس آفيس ۽ سندن عملي سان گهڻي قربت هوندي آهي بقول ننڍن سرڪاري ملازمن جي ته جڏهن خزانه آفيس هوندي هئي ته اهي اوترا عذاب ۾ نه هئا جيترو ضلعي اڪائونٽس آفيسن جي قيام بعد ٿي رهيا آهن. سالن کان انڌوڪار لڳو پيو آهي هر سرڪاري آفيس ۾ ڪو نه ڪو ضلعي اڪائونٽس آفيسر جو ايجنٽ مقرر ٿيل هوندو آهي جيڪي پنهنجي آفيس وڃڻ بدران سڄو ڏينهن اڪائونٽس آفيسر جي ڀر ۾ چانهن پيئندي ۽ ڀوڄن ڪندي ضرور نظر ايندا آهن جڏهن ته اهڙي حساس آفيس ۾ غيرضروري ماڻهو جو ويهڻ ۽ ڪچهري ڪرڻ قانون جي خلاف ورزي آهي سرڪاري ملازم الزام هڻندي وقت به  وقت دانهيو آهي ته ضلعي اڪائونٽس آفيس مان جيڪي به سرڪاري بل پاس ٿين ٿا اهي بنا ڪنهن جاچ ۽ ڏسڻ جي ڪميشن وٺڻ بعد پاس ٿين ٿا جنهنڪري هڪ ته سرڪاري بجيٽ تي اربين رپين جو راتاهو اچي ٿو ته ٻئي طرف ترقياتي ڪم به متاثر ٿين ٿا ته پوءِ ڪهڙي ترقي ٿيندي .اها ڳالهه ته پنهنجي جاءِ تي پر روينيو ٽڪليون ۽ اسٽامپ پڻ ڳري رقم وٺي تنهن کانپوءِ اسٽامپ وينڊر کي فراهم ڪيا وڃن ٿا جيڪي وري  کوٽ جو بهانو بڻائي ماڻهن کي ڏيڍوڻ ۽ ٻيڻ وٺي پوءِ وڪرو ڪن ٿا جيڪا  سڀني کي خبر آهي جنهنڪري عوامي وهنوار بري طرح متاثر ٿئي ٿو خبر نه آهي ڪهڙا سبب آهن جو هن وقت تائين ڪنهن به عوامي نمائندي پاران ان ڳالهه جو نوٽيس ناهي ورتو ويو.

ننڍو سرڪاري ملازم اڳ ۾ ئي مهانگائي واري طوفان ۾ ڦاٿل آهي ۽ اهو اڪائونٽس آفيس جي نا مناسب رويي سبب اڃا به وڌيڪ لوڙي ته سرڪاري ملازمن جي اندر مان ڪهڙيون آهون نڪرنديون هونديون تنهنڪري حڪومت کي گهرجي ته ضلعي اڪائونٽس آفيسن مان ايجنٽ پرستي وارو رجحان کي ٻنجو ڏيڻ سان گڏ  انهن  خلاف  سخت قانوني ڪاروائي ڪري سرڪاري ملازمن سان  انصاف ڪيو وڃي ته اهو ئي سرڪاري ملازمن لاءِ بهتر هوندو.اهڙن ادارن ۾ سياسي بنيادن تحت مقرريون بند ڪيون وڃن ته جيئن براين جي جڙ هنگامي بنيادن تحت ختم ٿي سگهي ننڍن سرڪاري ملازمن ۽ پينشنرن کي قانوني رليف ملي سگهي. جيڪو انهن جو جائز حق آهي ڪرپشن خلاف نيب ۽ انيٽي ڪرپشن کاتي جون سڄي سنڌ ۾ڪاروائيون جاري آهن تازو نيب دادو جي اڪائونٽس آفيس تعليم کاتي لائيو اسٽاڪ  کاتي ۽ ٻين سرڪاري کاتن ۾  ڇاپا هڻي رڪاڊ هٿ ڪيو آهي ڪرپشن ڪندڙ ڪامورا جڏهن پڪڙجن ٿا. ڏنو پٽ ڇٽي واري رسم تحت معاملي کي ختم ڪيو وڃي ٿو. اها اسان جي بدقسمتي آهي دادو  ۾  وطن  دوست  فورم پاران وڏي  تعداد ۾  اڳواڻڻ  ڪارڪنن ڪرپشن  خلاف پريس  ڪلب آڏو مطالبو  ڪيو ته چيف  آف  آرمي  اسٽاف  رٽائرمينٽ  واري  فيصلي  تي  نظر  ثاني  ڪري  ۽ ڪرپشن  ۾  ملوث  بااثر ماڻهن  ۽  ڪامورن  خلاف  قانوني  ڪاروائي  ڪئي وڃي لٽيل  پئسو  ڪامورن  کان  واپس  ڪرائي  افصاف ڪيو وڃي ان لاءٌ اهڙي طرح ڪا اهڙي طرح  اهل ايماندار آفيسرن جي ڪاميٽي جوڙي وڃي اها هر مهيني گڏجاڻي ڪري عوامي شڪايتن جو نه صرف جائزو وٺي پر اڪائونٽس آفيسن مٿان چيڪ بئلنس رکي ته جيئن هن قومي نوعيت جي حساس اداري کي عوامي مفادن وٽان بڻائي سگهجي. عوام ۽ سرڪار ملازمن پاڻ سان ٿيندڙ نا اناصافين جي نشاندهي وقت بوقت شهر جي چوراهن ، پريس ڪلبن ۽ چونڊيل نمائندن اڳيان ڪندا رهيا آهن پراڄ تائين وريو ڪجهه به نه آهي ساڳيا لاٽو ساڳيا چڳهه واري ڪار لڳي پئي آهي

 

ASGHAR MALLAH

03337072052

Email: mallah asghar @ yahoo . com

 

 

پي اءِ اي جي 3 ملازمن جو قتل: سنڌ سرڪار ۽ ڊي جي رينجرز جاچ ڪميٽيون قائم ڪري ورتيون

وڏي وزير سيد قائم علي شاهه پي آءِ اي جي ٽن ملازمن جي قتل ۽ صحافين تي تشدد واري واقعي جي جاچ لاءِ جوڊيشل ڪميشن جوڙڻ لاءِ چيف جسٽس کي خط لکڻ جو اعلان ڪندي چيو ته واقعي جي سنڌ حڪومت ذميوار ناهي، پي آءِ اي واقعي جي جاچ جاري آهي جنهن ۾ هڪ ڊي آءِ جِي ۽ 2 ايس ايس پيز تي ٻڌل ٽي رڪني ڪميٽي قائم ڪري ڇڏي آهي  وڏي وزير چيو ته پي آءِ اي ملازمن احتجاج کان اڳ سنڌ حڪومت کي خاطري ڪرائي هئي ته هـُو جناح ٽرمينل تائين نه ويندا پر ان باوجود جناح ٽرمينل ڏانهن وڌڻ جي ڪوشش ڪئي وئي جنهن وقت ڊي آءِ جي ملازمن کي اڳتي وڃڻ کان روڪيو هو، جڏهن لٺبازي شروع ٿي ته هن بنا دير روڪڻ جي هدايت ڪئي. ملازمن کي چيو هو ته احتجاج ڀلي ڪيو پر حدن جو خيال رکيو وڃي،  انسان جي ڪا به قيمت ناهي، پي آءِ اي جي شهيد ملازمن جي پوئنرن لاءِ 20 – 20 لک رپيا ڏنا ويندا.۽ جيڪي زخمي آهن انهن جو آغا خان اسپتال مان علاج ۽ ٻه لک روپيا في ماڻهو ڏنا ويندا.امن امان قائم ڪرڻ سنڌ حڪومت جو فرض آهي، هـُنن ٽارگيٽ ڪلنگ، اغوا۽ ڀتا خوري ختم ڪري امن امان قائم ڪيو آهي ،

هوڏانهن ڪراچي ۾ پي آءِ اي ملازمن تي فائرنگ واقعي جي جاچ لاءِ ڊي جي رينجرز سنڌ جاچ ڪميٽي قائم ڪري ڇڏي آهي، واقعي جو الزام رينجرز تي به لڳايو پيو وڃي، ان سلسلي ۾ هاڻي ڊي جي رينجرز سنڌ جنرل بلال اڪبر ڪميٽي بڻائڻ جو اعلان ڪيو آهي، ڪميٽي جي سربراهي رينجرز جو برگيڊيئر ليول جو آفيسر ڪندو، اها ڪميٽي واقعي جي سمورن پاسن جو جائزو وٺندي ۽ پنهنجي رپورٽ پيش ڪندي، ان بابت ڊي جي رينجرز جو چوڻ آهي ته واقعي جي شفاف جاچ ڪرائي انصاف جون گهرجون پوريون ڪيون وينديون.

 

قوم جي تعمير راند يا تماشو ناهي، حقيقي انقلاب آڻينداسين: نواز شريف

ڪوئٽا(م.ڊ) وزيراعظم نوازشريف معاشي لنگه رٿا جي گوادر “تربت” هوشاب روڊ جو افتتاح ڪري ڇڏيو.ان حوالي سان گوادر ۾ افتتاحي تقريب ۾ ڳالهائيندي سندس چوڻ هو ته ايف ڊبيلو او واڌائين جا حقدار آهن،روڊن جو ڄار وڇائي رهيا آهيون،ملي ترقي جو سفر تيز ٿي ويندو.سندس چوڻ هو ته ايندڙ ڏينهن ۾ بلوچستان جي صورتحال گهڻي بهتر ٿي ويندي.نئون روڊ پاڪ-چين معاشي لنگهه رٿا جو حصو آهي،وزيراعظم وقت سر ڪم ٿيڻ تي ايف ڊبليو او کي ساراهيو.سندس چوڻ هو ته قومي ترقي ڪا راند يا ڪو مذاق ناهي،هاڻوڪي حڪومت ملڪ ۾ حقيقي انقلاب آڻيندي ۽ بلوچستان ۾ ترقي وارو ڪم وڏي تيزي سان هلي رهيو آهي ۽ هلندڙ وقت ۾ بلوچستان کي اوتري ئي اهميت ڏني پئي وڃي جيتري ٻين صوبن کي ڏني وڃي ٿي. پشاور کان جلال آباد تائين روڊ ٺاهي رهيا آهيون،جنهن جو فائدو ٻنهي ملڪن جي عوام کي ٿيندو.وزيراعظم نوازشريف چيوته دنيا جو مستقبل هن خطي سان جڙيل آهي.جيتري سيڙپڪاري ڪنداسين،اوتري ئي موٽ ملندي.ڪجهه وقت تائين سنڌ جي پاور هائوسز ۾ مقامي ڪوئلواستعمال ٿيندو.تقريب ۾ ڳالهائيندي وزيراعظم نوازشريف ملڪي ترقي جو ننڍو جائزو به پيش ڪيو.ان کان اڳ وزيراعظم نوازشريف جڏهن بلوچستان پهتو ته سانس گڏ آرمي چيف جنرل راحيل شريف،بلوچستان جو گورنر محمد خان اچڪزئي،بلوچستان جو وڏو وزير ثناالله زهري،وفاقي وزير عبدالقادر بلوچ ۽ قومي سلامتي وارو صلاحڪار ناصر جنجوعا به هو.

 

پي آئي اي ملازمن طئي ٿيل حد اورانگهي،جڊيشل ڪميشن جوڙڻ لاءِ تيار آهيون: قائم علي شاهه

ڪراچي(اسٽاف رپورٽر) پي آئي اي ملازمن طئي ٿيل ۽ ڏنل حد اورانگهي آهي، پڪ ڏياري وئي هئي ته ٽرمينل ون نه وينداسين،ملازم جيڪڏهن چون ته جڊيشل ڪميشن جوڙڻ لاءِ تيار آهيون،اهڙن خيالن جو اظهار سنڌ اسيمبلي جي اجلاس ۾ وضاحت ڏيندي وڏي وزير سيد قائم علي شاهه ڪي.سندس چڻ هو ته ملازم چون ته  اڄ ئي چيف جسٽس کي خط لکان ٿو،پي آئي ملازمن سان زباني پر عملي همدردي آهي.قائم علي شاهه چيو ته امن قائم رکڻ واري فرض تي عمل ڪيو آهي،پي آئي اي جا ملازم پر امن احتجاج ڪن.سندس چوڻ هو ته ڪراچي ۾ دهشتگردي ۽ ڏوهن ختم ڪيا ويا آهن،آصف علي زرداري 60 هزار ملازمن کي واپس آندو،پيپلز پارٽي نجڪاري کي به قبول نه ڪيو،بجلي جي نجڪاري واري وقت به اسان ڌرڻا هنيا.سيد قائم علي شاهه وڌيڪ چيو ته اسان مزدور دوست آهيون،احتجاج وارو پتو هليو ته آفيسرن کي ڳالهين جو چيو ويو ۽ لٺيون ۽ واٽر ڪينن ترت روڪڻجي ڳالهه ڪئي،پيپلز پارٽي هميشا مزدورن لاءِ ڪم ڪيو ،جنهن جو ڪريڊٽ ذوالفقار ڀٽو،بينظير ڀٽو ۽ آصف زرداري کي وڃي ٿو.

 

وزيراعظم ۽ آرمي چيف جو گوادر هوشاب روڊ جو دورو، جنرل راحيل شريف جيب پاڻ هلائي

ڪوئٽا(م.ڊ) وزيراعظم نوازشريف ۽ آرمي چيف جنرل راحيل شريف گوادر هوشاب روڊ جو دورو هڪ ئي گاڏي ۾ سفر ڪري ڪيو. چيف آف آرمي پاڻ گاڏي هلائي.وزيراعظم نوازشريف اعليٰ معيار جي روڊ جي ٺهڻ تي فوج ۽ فرنٽيئر ورڪسآرگنائيزيشن جي اختيارين کي واڌايون ڏنيون. گوادر تربت هوشاب روڊ جي ڊيگهه 193 ڪلوميٽر آهي ۽ ان کي فرنٽيئر ورڪس آرگنائيزيشن،چين ۽ وچ ايشيا جي رياستن جي به ان روڊ ذريعي گوادربندر گاهه تائين پهچ هوندي.روڊ جي افتتاح کانپوءِ وزيراعظم نوازشريف ۽ آرمي چيف جنرل راحيل شريف سان گڏ نئين روڊ تي سفر ڪيو،آرمي چيف جنرل راحيل شريف فوجي جيپ پاڻ هلائي.