تازيون خبرون

Monthly Archives: January 2016

حڪومت نيشنل ايڪشن پلان تي عمل ڪرائڻ ۾ ناڪام ٿي وئي آهي: سراج الحق

حيدرآباد (بيورو) جماعت اسلامي جي امير مولانا سراج الحق چيو آهي ته حڪومت نيشنل ايڪشن پلان تي عمل ڪرائڻ ۾ ناڪام ٿي وئي آهي، ملڪ ۾ وائيٽ ڪالر ماڻهو پنهنجي قلم ۽ عهدن جي آڌار تي ڪرپشن ڪري رهيا آهن. حيدرآباد بار ايسوسئيشن کي خطاب ڪندي مولانا سراج الحق جو چوڻ هو ته سنڌ سرڪار اهڙو قانون جوڙيو آهي جيڪو ٻين صوبن ۾ به لاڳو ٿيو ته وڪيل ۽ معزز ماڻهو اندر ۽ چور ٻاهر هوندا. سراج الحق مارچ ۾ ڪرپشن خلاف ۽ اليڪشن ريمارم لاءِ جهدو جهد ڪرڻ جو اعلان ڪندي چيو ته ملڪ ۾ اهڙو نظام برداشت نه ڪيو ويندو، جيڪو غريب لاءِ الڳ ۽ امير لاءِ الڳ هجي. هن چيو حڪومت نيشنل ايڪشن پلان تي عمل ڪرائڻ ۾ ناڪام ٿي وئي آهي، ملڪ ۾ وائيٽ ڪالر ماڻهو پنهنجي قلم ۽ عهدن جي آڌار تي ڪرپشن ڪري رهيا آهن.  سراج الحق چيو ته ملڪ ۾ هٿيار بند ۽ معاشي ۽ سياسي دهشتگردي ٿي رهي آهي، جنهن کي ختم ڪرڻ لاءِ پوري قوم کي ڪردار ادا ڪرڻو پوندو. سراج الحق جو چوڻ هو ته سنڌ ۾ پيپلزپارٽي ۽ متحده جي جهيڙي سبب ڪراچي ۽ حيدرآباد کي نقصان نه ٿيڻ گهرجي، بلدياتي نظام کي وڌ کان وڌ اختيار ملڻ گهرجن. مولانا سراج الحق وڌيڪ چيو ته چاهيون ٿا ته وفاق ۽ صوبا پنهنجو وقت پورو ڪن ته جئين سندن ڪارڪردگي تي عوام انهن جو احتساب ڪري سگهي.

 

سنڌ اسيمبلي جو اسپيڪر چيمبر ۾ اڪيلي ملڻ جي ڳالهه ٿو ڪري ته وري ڪڏهن مڇي ۽ جهينگن جي نينڍ ٿو ڏئي: نصرت سحر عباسي

ڪراچي (اسٽاف رپورٽر) فنڪشنل ليگ جي اڳواڻ نصرت سحر عباسي الزام هنيو آهي ته سنڌ اسيمبلي جي اسپيڪر جو رويو سنجيدا ناهي،چيمبر ۾ اڪيلو گهرائي ٿو. ذريعن مطابق فنڪشنل ليگ جي اڳواڻ نصرت سحرعباسي جو چوڻ آهي ته سنڌ اسيمبلي جو اسپيڪر آغا سراج دراني چيمبر ۾ اڪيلوملڻ جي ڳالهه ڪري ٿو ته ڪڏهن وري مڇي ۽ جهينگا کارائڻ جي نينڍ ڏئي ٿو.سندس چوڻ هو ته پيپلز پارٽي زرداري ليگ بڻجي چڪي آهي،ان ڪري اسپيڪرجو عورتن سان اهو رويو آهي.جيڪڏهن بينظير ڀٽو جئيري هجي ها ته اسپيڪر صاحب ڪڏهن به اهڙي ڳالهه ڪرڻ جي همٿ نه ڪري ها.واضع هجي ته ڪجهه ڏينهن اڳ آغا سراج دراني نصرت سحر عباسي جي چوڻ تي سنڌ اسيمبلي هاسٽلز ۾ بيوٽي پارلر ٺاهڻ جي ڳالهه  به ڪري چڪو آهي.

 

مخالف ڌر ٿر صورتحال جو ذميوار سنڌ حڪومت کي قرار ڏئي ڇڏيو

ڪراچي (اسٽاف رپورٽر) سنڌ اسيمبلي ۾ ٿر ۾ ٻارڙا فوت ٿيڻ واري معاملي تي بحث دوران مخالف ڌر جي ميمبرن سنڌ حڪومت تي ڇتي تنقيد ڪندي ان کي صورتحال جو ذميوار قرار ڏئي ڇڏيو، فنڪشنل ليگ ايم پي اي امتياز شيخ چيو آهي ته ٿر واري صورتحال تي جيڪڏهن صحت وارو وزير ضابطو نٿو آڻي سگهي ته عالمي ادارن کان مدد ورتي وڃي، صوبائي وزير سڪندر منڌرو جو چوڻ آهي ته ٿر جي صورتحال کي وڌائي ڪري پيش ڪيو پيو وڃي. اسپيڪر آغا سراج دراني جي صدارت هيٺ سنڌ اسيمبلي جي اجلاس ۾ ميمبر ٿر جي صورتحال ۽ اسڪولن جي سيڪيورٽي سميت مختلف معاملن تي بحث ڪيو ويو. ٿر واري صورتحال تي بحث دوران مخالف ڌر جي ميمبرن سنڌ حڪومت تي ڇتي تنقيد ڪندي ان کي صورتحال جو ذميوار قرار ڏئي ڇڏيو. فنڪشنل ليگ جي امتياز شيخ چيو ته ٿر واري صورتحال تي جيڪڏهن صحت وارو وزير ضابطو نٿو آڻي سگهي ته عالمي ادارن کان مدد ورتي وڃي. امتياز شيخ جو چوڻ هو ته ٿر واري معاملي تي حڪومت ۽ مخالف ڌر جي گڏيل ڪميٽي جوڙي وڃي. ايم ڪيو ايم جي ايم پي اي رئوف صديقي چيو ته هُو ٿر جي صورتحال جو ذميوار ڪنهن هڪ وزير نه پر سڄي سنڌ حڪومت کي ذميوار سمجهن ٿا.. رئوف صديقي جو چوڻ هو ته گذريل سال ٿر ۾ 7 سئو ٻارڙا فوت ٿيا، هلندڙ سال هڪ سئو کان وڌيڪ ٻارڙا فوت ٿي چڪا آهن، پر حڪومت جي سنجيدگي نظر نٿي اچي. پي ٽي آءِ جي خرم شيرالزمان چيو ته ٿر ۾ ٻارڙن جي فوت ٿيڻ تي بهانا نه هلندا، ٻارڙن جي فوت ٿيڻ جا سبب ڪهڙا به هجن پر ذميوار حڪومت ئي آهي. ايم ڪيو ايم ميمبر پونجومل ڀيل چيو ته وڏي وزير مارئي جي ديس ۾ رهندڙ عورتن جو مذاق اڏايو آهي، قائم علي شاهه عورتن بابت ڏنل پنهنجو بيان واپس وٺي. فنڪشنل ليگ ايم پي اي سعيد خان نظاماڻي چيو ته اڇڙي ٿر ۾ به ڏڪار واري صورتحال آهي، ڏڪار جي صورتحال کي منهن ڏيڻ لاءِ اثرائتا قدم کڻڻا پوندا. پ پ جي شهلا رضا جو چوڻ هو ته مخالف ڌر رڳو تنقيد ڪرڻ بدران حڪومت جي ڪارڪردگي تي به نظر وجهي، ٿر ۾ صحت سميت سموريون سهولتون ڏنيون پيون وڃن. صوبائي وزير سڪندر منڌري چيو ته ٿر جي صورتحال کي وڌائي ڪري پيش ڪيو پيو وڃي…. مخالف ڌر جي اڳواڻ خواجا اظهار الحسن صوبي ۾ اسڪولن جي سيڪيورٽي وارو معاملو ايوان ۾ اٿاريندي چيو ته سنڌ حڪومت تعليمي ادارن جي سيڪيورٽي لاءِ سنجيده ناهي، ٻارڙن جي زندگين ۽ ملڪيتن جو تحفظ حڪومت جي ذميواري آهي. خواجا اظهار الحسن چيو ته اسڪولن کي بند ڪرڻ نه پر انهن جو تحفظ ڪرڻ مسئلي جو حل آهي. تعليم واري وزير نثار کهڙو چيو ته سڄي ملڪ ۾ تعليمي ادارن کي خطرو آهي، سرڪاري اسڪولن جي چارديواري جي مرمت ڪرڻ جي ڪوششن ڪئي پئي وڃي.

 

سلطان ۾ پنهنجي ڪردار سان پورو انصاف ڪنديس: انوشڪا شرما

ممبئي (شوبز نيوز) بالي ووڊ اداڪاره انوشڪا شرما چيو آهي ته فلم سلطان ۾ پنهنجي ڪردار سان پورو انصاف ڪنديس، بالي ووڊ ذريعن مطابق داڪاره انوشڪا شرما کي فلم سلطان ۾ اهم ڪردار لاءِ ڪيترن ئي مهينن جي ڳولا کان پوءِ چونڊيو ويو آهي ۽ هوءَ پهريون ڀيرو ڪنهن فلم ۾ سلمان خان سان گڏ نظر ايندي، اداڪاره جو چوڻ آهي ته هوءَ فلم ۾ پنهنجي ڪردار تي محنت ڪري رهي آهي ته جيئن پنهنجي ڪردار سان انصاف ڪري سگهي، فلم جي شوٽنگ جلد شروع ڪئي ويندي.

 

ايمان علي ليکڪا بڻجي وئي،مارچ ۾ پنهنجي لکيل پهرين فلم جي شوٽنگ شروع ڪندي

لاهور (شوبز نيوز) ناليواري اداڪاره ۽ ماڊل ايمان علي مارچ ۾ ليکڪا جي حيثيت ۾ پنهنجي پهرين فلم جي شروعات ڪندي، ايمان علي فلم جي ليکڪا طور هڪ فلم جو اسڪرپٽ پورو ڪري ورتو آهي ۽ ان جي ڪاسٽ کي آخري شڪل ڏيڻ کانپوءِ مارچ ۾ فلم جي شوٽنگ شروع ڪئي ويندي، فلم ۾ ايمان علي پاڻ به مرڪزي ڪردار ادا ڪندي، ياد رهي ته ايمان علي کي فلمي اداڪاره ۽ هدايتڪار طور شعيب منصور پنهنجي فلم خدا ڪي ليئي ذريعي فلمن ۾ آندو هو.

 

پهرين سي اين ايس هاڪي ٽورنامينٽ جو تاج نيشنل بينڪ ماڻي ورتو

کراچي(اسپورٽس نيوز) پهرين سي اين ايس هاڪي ٽورنامينٽ جو تاج نيشنل بينڪ ماڻي ورتو.ايونٽ جي فائنل ميچ ۾ ڪامياب ٽيم ايس ايس جي سي کي ٻُڙي جي مقابلي ۾ 2 گولن تان هارايو،دلچسپ ميچ کي ڏسڻ لاءِ شوقئينن جو وڏو انگ اسٽيڊيم ۾ موجود هو.پڄاڻيءَ واري تقريب کي خطاب ڪندي چيف آف نيول اسٽاف ايڊمرل محمد ذڪاءُ الله جو چوڻ هو ته سامونڊو فوج راندين کي هٿي ڏيڻ لاءِ سڀني کان اڳيان اڳيان آهي،هاڪي کي اڳ جهڙي عزت وٺرائي ڏيڻ لاءِ بهتر ۽ سخت قدم کڻڻ جي ضرورت آهي.

 

ڀارت جي عورتاڻي ڪرڪيٽ ٽيم آسٽريليا کي ٽي ٽوئنٽي سيريز ۾ مات ڏئي نئين تاريخ لکي ڇڏي

ميلبورن (اسپورٽس نيوز) ڀارت جي عورتاڻي ڪرڪيٽ ٽيم آسٽريليا جي عورتاڻي ٽيم کي ٽي ٽوئنٽي سيريز ۾ مات ڏئي تاريخ لکي ڇڏي،سيريز جي ٻي ميچ ۾ ڀارتي ٽيم آسٽريليا کي 10 وڪيٽن تان مات ڏئي ڇڏي.خراب روشني جي ڪري ميچ جو نتيجو ڊڪ ورٿ لوئس ميٿڊ هيٺ ڪيو ويو. خراب روشني جي ڪري ميچ 18 اوورن تائين محدود ڪئي وئي. آسٽريليا اليون پهريان بيٽنگ ڪندي مقرر 18 اوورن ۾ 8 وڪيٽن جي نقصان تي 125 رنسون ٺاهيون. ڪپتان ميگ لينگ 49 رنسن جي اننگ کيڏي. جواب ۾ ڀارتي اننگ به خراب روشني جي ڪري متاثر ٿي ۽ 10 اوورن ۾ 66 رنسن جو هدف مليو ،جيڪو ام 9.1 اوورن ۾ بنا نقصان جي پورو ڪري ورتو. واضح هجي ته ڀارتي عورت ڪرڪيٽ ٽيم جي ڪنهن به فارميٽ ۾ آسٽريليا خلاف گڏيل سيريز ۾ اها پهرين فتح آهي.

 

ڪنهن چيو ڪرپشن گهٽجي وئي…!؟: جاويد ابڙو

ٽرانسپيرنسي انٽرنيشنل پنهنجي سالياني رپورٽ ۾ ڄاڻايو آهي ته ڪرپٽ ملڪن ۾ پاڪستان جي درجابندي ۾ گهٽتائي يعني بهتري آئي آهي ۽ بدعنواني تي ڪجهه ڪنٽرول ٿي رهيو آهي، اهڙي طرح سارڪ جي ميمبر ملڪن ۾ پاڪستان جي پوزيشن به بهتر ٻڌائي ٿي وڃي، اهڙين رپورٽن تي اها ڳالهه ڪرڻ به ذڪر جوڳي آهي ته ملڪ ۾ دهشتگردن خلاف آپريشن هجي يا مفاهمت جي يارن خلاف هلندڙ ڪارروايون، ان جو ڪريڊٽ هر ڌر پاران پنهنجي نانءُ ڪرڻ جي بيانن مان به صاف ظاهر ٿي رهيو آهي ته قومي يا صوبائي سطح جي هر ڌر عوام ۾ سرخرو ٿيڻ جي جستجو ۾ رُڌل آهي، پر ملڪ ۾ جيڪڏهن ٿوري گهڻي صورتحال بهتر ٿي به آهي ته ان جو ڪريڊٽ حاصل ڪرڻ جون مستحق اهي ئي ڌريون آهن، جن ايمانداري، سچائي، حب الوطني ۽ مخلص نموني سان قومي مفادن، امن جي قيام ۽ ملڪي ترقي ۽ خوشحالي لاءِ ڪم ڪيو آهي ۽ اڃا به اهي اهو سلسلو جاري رکنديون پيون اچن.

نيب ڪرپشن جي خلاف مهم ضرور هلائي آهي ۽ هر سال اينٽي ڪرپشن جو ڏهارو به ملهايو ٿو وڃي، يوٽيلٽي بل هجن يا بئنڪن جا دروازا، انهن تي ان مفهوم جا بينر به لڳايا وڃن ٿا ته بدعنواني کان نفرت ۽ انڪار ڪريو، پر اها حقيقت آهي ته انهن ئي اينٽي ڪرپشن جي بينرن جي ڇانو ۾ بدعنواني ٿيندي رهندي آهي، ماضي توڙي موجوده حالتن کي اڳيان رکندي پاڪستان کي ڪرپشن فري ملڪ قرار ڏيڻ ته ناممڪن آهي، پر ان ۾ ڪمي ضرور آڻي سگهجي ٿي ۽ جيڪڏهن ان تي واقعي سنجيدگي سان ڪم ڪيو وڃي ۽ ٿوري به ڪاميابي ملي وڃي ته اهو ڪنهن به حڪومت يا اقتدار ڌڻين لاءِ وڏو ڪارنامو هوندو. اسان جي ملڪ ۾ ڪرپشن ڪنهن هڪ روپ ۾ ناهي، پر ان جا ڪيترائي خوب نرالا رنگ آهن، ڪڏهن ڪو سياسي ڳٺجوڙ يا مفاهمت يا وري ڪرپشن لاءِ رستو نه ملڻ تي مزاحمت جا اعلان، پر انهن ۾ نمايان ڪردار گهڻي ڀاڱي بيوروڪريٽس ۽ حڪومتي نمائندن جو ئي شامل هوندو آهي، پوءِ اهو ڪنهن اعليٰ حڪمران جو ڪنهن به سطح جو ملازم هجي يا وري اهو حڪمران پنهنجي سر پاڻ بدعنواني جي ميدان تي ڇانيل ڇونه هجي.

ٽرانسپيرنسي انٽرنيشنل شايد ان کان اڻ ڄاڻ آهي ته عدالت ۾ انصاف لاءِ ايندڙ سوالي کي ڪيترو ڦريو ۽ لٽيو ٿو وڃي، ايتري تائين جو عدالتي حڪمن جون ڪاپيون حاصل ڪرڻ به ڪنهن شهري لاءِ رشوت ڏيڻ بنا ممڪن ناهي هوندو، سرڪاري ادارا جيڪي ترقياتي ڪمن جا ذميوار هوندا آهن، اهي ته پلاٽ خريدڻ، وڪڻڻ ۽ روڊ رستن جي تعمير ۾ ڪرپشن تي ڇانيل هوندا آهن، ملڪي حڪمرانن جي گڏ ڪيل رقم، جيڪا ٻاهرين ملڪن جي بئنڪن ۾ جعع ڪرايل آهي، ڇا ان ۾ ڪرپشن وسيلي ڦُريل هڪ رپيو به شامل نه هوندو!؟ اهو اندازو اوهان پاڻ ملڪ جي اڳئين ۽ موجوده صورتحال کي نظر ۾ رکي ڪري سگهو ٿا. روينيو کاتي ۾ جائز ڪم لاءِ تپيدار کان ويندي مٿئين سطح تائين هڪ عملدار جي رڳو هڪ صحي تي ڪيترا ڏوڪڙ ورتا وڃن ٿا، اهڙي طرح ٽرانسپيرنسي انٽرنيشنل ڪڏهن پاڪستان جي ڪنهن پوليس اسٽيشن تي وڃي سروي ڪري ڏسي ته يقينن سندس ان رپورٽ تي کيس ٻئي هٿ مٿي تي رکڻا پئجي ويندا. ڪڏهن ڪنهن تڪرار جي ڪري ڪي ڌريون ٿاڻن تائين پهچن ٿيون ته انهن کان پوليس عملدار توڙي سپاهي رينڪ جا اهلڪار ڪهڙي طرح ٿا کيسا خالي ڪرائين، اهو ڏسي شايد ٽرانسپيرنسي انٽرنيشنل کي ڏندي آڱريون اچي وڃن، پاڪستان ۾ ڪرپشن جي گهٽتائي ٿيڻ جي دعويدار ان عالمي تنظيم کي اهو ڄاڻڻ گهرجي ته پاڪستان ۾ ڪهڙا ۽ ڪيترا سڻڀا کاتا آهن ۽ اتي ڪيتري ڪرپشن ٿي رهي آهي، انهن سڻڀن کاتن ۾ ته سفارشن وسيلي ۽ لکين رپيا ڏئي ڪامورا عهدا ماڻين ٿا ۽ اتي ڪنهن به طرح عهدو ماڻي ڦرلٽ جي بازار گرم ڪئي ٿي وڃي، ڇوته ڊپوٽيشن تي ڪنهن کاتي جو عهدو ملڻ کانپوءِ ڪرپشن ڪندڙ هر ڪامورو اهو ڄاڻيندو آهي ته کيس ڪيتري مدي لاءِ هتي موڪليو ويو آهي، جتي پٽيوالي جي نوڪري به وزير پئسن تي وڪرو ڪن، ٻوڏ ۽ زلزلي متاثرن لاءِ ملندڙ امدادي سامان دڪانن تي وڪامجڻ لڳي ته اتي ڪرپشن گهٽجڻ جي ڳالهه ڪرڻ تعجب ۾ وجهڻ ۽ مذاق کان گهٽ ناهي.

ٻه ٽي ڏينهن اڳ آڊيٽر جنرل آف پاڪستان سنڌ ۾ رستن جي تعمير لاءِ وڏي پئماني تي ڪرپشن جو انڪشاف ڪندي اين ايڇ اي جي منصوبن ۾ 137 ارب 50 ڪروڙ رپين جي بيضابطگين جي نشاندهي ڪئي، سندس چوڻ هو ته سنڌ ۾ هڪ ڪلوميٽر 10 ڪلوميٽر جي لاڳت سان تيار ٿيو آهي، پر رستا ڪٿي به نظر نه ٿا اچن، لاڙڪاڻي پئڪيج جا 18 ارب 36 ڪروڙ، جيڪب آباد سکر سيڪشن جا 11 ارب 25 ڪروڙ، ٻوڏ سبب تباهه ٿيل رستن جي بحالي جي نالي  تي 4 ارب 50 ڪروڙ رپيا هضم ڪيا ويا آهن، جيڪڏهن اهڙي قسم جون ٻه چار ٻيون رپورٽون ۽ انڪشاف اڳيان رکجن ته پوءِ ان ۾ ڪو شڪ ناهي ته ٽرانسپيرنسي انٽرنيشنل کي پاڪستان ۾ ڪرپشن جي خاتمي بابت بهتري جي رپورٽ ڏيڻ جو ڪو جواز باقي نه رهندو.

اسان جي ملڪ ۾ هيٺين سطح تي جيڪا ڪرپشن ٿي رهي آهي، ان جا ڪارڻ مختلف آهن، ان جو ننڍڙو مثال اهو آهي ته حڪومت گهٽ ۾ گهٽ پورهيت جي اجرت يا پگهار 12 هزار رپيا ماهوار مقرر ڪئي آهي، پر پرائيوٽ سيڪٽرن ۾ ان تي عمل ٺپ نه ٿي رهيو آهي، اهو ئي سبب آهي جو جن ماڻهن کي سندن پورهئي جي اجرت پوري نٿي ملي، هو مهانگائي کان تنگ ٿي ڪرپشن جي راهه تي هلڻ شروع ٿي وڃن ٿا ۽ پوءِ اهي معمولي ڪمن لاءِ به رشوت وٺڻ جو سلسلو شروع ڪري ڇڏيندا آهن، ساڳي ريت سرڪاري کاتن ۾ هيٺين سطح جا ملازم به گهڻي ڀاڱي ڪرپشن ۾ وڪوڙيل آهن، ميگا پراجيڪٽس ۾ ته ڪروڙين ۽ اربين رپين جي ڪرپشن ڪئي ويندي آهي، ان حوالي سان قومي احتساب بيورو ۾ هلندڙ ڪيسن جا تفصيل ڪڏهن حاصل ڪري پڙهيا وڃن ته سڀ خبر پئجي ويندي ته ڳجهه ۾ هلندڙ ڪرپشن جي بازار ۾ ڇا وهي واپري پيو.

ڏٺو وڃي ته هتي ملڪ جو هر شهري ڪرپشن خلاف شديد جذبا رکي ٿو ۽ سندس اها خواهش هوندي آهي ته کيس ڪرپشن کان پاڪ ماحول ملي ۽ اها ذميواري يقينن حڪومت جي ئي هوندي آهي، پوءِ چاهي اهي صوبائي يا قومي اقتدار جا ڌڻي ڇونه هجن، عوام کي ڪرپشن کان پاڪ معاشرو ۽ ماحول فراهم ڪرڻ جي ذميواري انهن تي ئي لاڳو ٿئي ٿي. ملڪ ۾ ڪرپشن خلاف مختلف ادارا ڪم ڪري رهيا آهن، نتيجي ۾ ڪجهه عرصو اڳ ميگا اسڪينڊلز جي ملزمن جي گرفتارين کانپوءِ کين قانون جي ڪٽهڙي ۾ بيهاريو ويو ته ان سان ڪرپٽ مافيائن تي ڪجهه اثر پيو آهي، پر پوءِ به اهڙا قدم ضرور کڻڻا پوندا، جن سان ملڪ ۾ ڪرپشن جو مڪمل خاتمو ممڪن بڻجي سگهي. ان سان گڏوگڏ بهتر اهو ئي آهي ته جيڪو عملدار جنهن کاتي ۾ مقرر ڪيو وڃي ٿو، اهو ان ئي کاتي ۾ ڪم ڪري، ان کانسواءِ جيڪڏهن ميرٽ تي سختي سان عمل ڪرايو وڃي ته ان صورت ۾ پڻ بدعنواني تي وڏي حد تائين ڪنٽرول ڪري سگهجي ٿو، ڇوته ميرٽ کي لتاڙيندي ڪوبه شخص عهدو ماڻيندو آهي ته هن لاءِ يقيني طور تي ڪرپشن جون سڀئي حدون پار ڪرڻ ڏکيو ڪم ناهي هوندو، اسان وٽ ڪرپشن جي حوالي سان جيڪي ڪهاڻيون عام ٿيون آهن، جيڪڏهن انهن جي تهه تائين وڃي ڏسبو ته پتو پئجي ويندو ته جنهن شخص کي ميرٽ جي خلاف ڪنهن عهدي تي مقرر ڪيو ويو آهي ته هن پنهنجن ئي سرپرستن لا ڪمائي ڪئي ۽ گڏوگڏ پنهنجو پيٽ به ڀريو ۽ جيڪڏهن هو پنهنجي سرپرستن جو خيال نه ڪري ته گهڻي عرصي تائين هو ان سيٽ تي ويهي نه سگهندو، ان ڪري ضروري آهي ته هر قسم جي بدعنواني جي خاتمي لاءِ نه رڳو وفاقي ۽ صوبائي حڪومتن، پر گڏوگڏ هر شهري کي گهرجي ته هو ان معاملي تي سجيدگي سان پنهنجو ڪردار ادا ڪري ته جيئن اسان جو ملڪ حقيقي معنيٰ ۾ ترقي ۽ خوشحالي جي منزل ماڻي سگهي.

 

سنڌ جا ڪنڀر: اصغر ملاح

قدرتي وسيلن سان مالا مال سنڌ ڌرتي جنهن جي سونهن ۽ ثقافت سڄي دنيا ۾ مشهور آهي صوفين بزرگن پيرن فقيرن اوليائن جي سڏجندڙ سنڌ ڌرتي جنهن جي ننڍن وڏن شهرن ڳوٺن ۾ الله پاڪ جي ولين، برزگن. قلندر لعل شهبار سچل سرمست شاهه عبداللطيف﷣، ۽ ٻين برزگن جا روضا موجود آهن جيڪي انسان ذات جي ڀلائي بهتري جو سبق ڏيندا رهيا آهن هي قوم لطيف جي پوئلڳ آهي ڀٽائي جي هي دعا سدائين سنڌين جي لبن تي هوندي آهي سائيم سدائين ڪرين مٿي سنڌ سرڪار دوست مٺا دلدار عالم سڀ آباد ڪرين تاريخ ٻڌائي ٿي سنڌ جيڪا ماضي ۾ علم ، ادب ۽ تھذيب جو اھڃاڻ رھي آھي سنڌ سان هر دور ۾ ناانصافيون ٿيون آهن سرزمين سنڌ صدين کان ڪيترائي لاها چاڙها هن وقت تائين لتاڙيندي سنڌ جو عوام هزارين مسئلن کي منهن ڏئي رهي آهي سنڌ جي قدرتي وسيلن جي ڦرلٽ سنڌ جي وحدانيت تي وار جون ناپاڪ سازشيون ڪندڙن سنڌ دشمن ظالم قوتن کي هميشه شڪست ڏئي سنڌ جي عوام سنڌ جو مان مٿاهون ڪيو آهي سنڌ جيڪا پنهنجي ثقافت مهمان نوازي ۽ هنرن ۾ مشهور رهي آهي اسان جي سماج ۾انسانن جي سڃاڻپ سندس زات پات ۽ خاندان سان ڪئي وڃي ٿي سنڌ سونهاري اندرڪيتريون ئي قومون پنهنجي پنهنجي هنرن سان سڃاڻپ رکن ٿيون.

اسان جي سنڌ ۾ اهڙا ڪيترائي ڪردار آهن جيڪي پنهنجا پارس هٿ جڏهن سنڌ جي مٺي مٽي کي هڻي ٿو اها مٽي سون ۾ تبديل ٿيو وڃي ٿي. ها اهو ڪردار آهي اسان جو غريب سنڌ جو ڪنڀر. ڪنڀر پنهنجي هنر ۽ هٿ جي محنت سان هن ڌرتي جي مٽي کي عزت مان ۽ شان بخشي ٿو هزارين سالن کان اسان کي انهي مٽي مان ٿانو ٺاهي ڏئي ٿو جيڪي ٿانو انسان پنهنجي روز مره جي زندگي ۾ صدين کان استعمال ڪندا رهيا آهن اسان جي سنڌ جو هي محنت ڪش ڪردار جڏهن اسان سڀ سنڌ واسين صبح جي مٺڙي ننڊ ۾ اڪثر آرامي هوندا آهيون ته فجر محل سوير اٿي هي محنت ڪش پورهيت ڪنڀر پنهنجي گهر جي چلهه ٻارڻ لاءِ بي آرامي ٿئي ٿو.

پورهيت ڪنڀر پنهنجي ننڊ حرام ڪري صبح سوير هي مٽي گڏي انهي مان ڪک پن ڪڍي صاف ڪري انهي کي ڪٽي سنهو ڪري اهڙي نموني ڳوهي ٿو جيئن ماني پچائڻ لاءِ اٽي کي ڳوهبو آهي. ته جيئن مٽي ۾ ڪٿي به ڪا گنجائش نه رهجي وڃي ڇو ته جيڪر ڪا گنجائش رهجي وئي ته سندس جي محنت برباد ٿيڻ جو خدشو تمام گهڻو هوندو آهي. محنت ڪش پورهيت ڪنڀر جڏهن ٺڪر جا ٿانو ٺاهڻ لاءَ مٽي کي چڪ تي رکي ۽ پيرن سان چڪ هلائيندو آهي ۽ ساڳئي مهل پنهنجي هٿن جي هنر آڱرين سان انهي مٽي مان ٺڪر جا ٿانو به ٺاهيندو ويندو آهي جنهن ۾ دلو، مٽ، پاٽ ،پاٽوڙو، ڪڏهن ڪني۽ اکري، ڪڏهن ڀانڊاري، ڪونناري، ڪونئرو، ٽڀو ۽ ٻيا ٿانو ٺاهيندو رهندوآهي انهن ٿانون کي اسءٌ ۾ سڪائي ٿو اهي ٿانو سڪڻ کان پوءِ هڪ آوي ۾ پچائي ريٽو ڪري ڇڏيندو آهي. ڪڏهن ڪڏهن ته آوي جي باهه ۾ ڪمي ۽ گهڻائي سبب ڪيترائي ٺاهيل ٿانو ڀڄي به پوندا آهن. پنهنجي هٿن سان ٺاهيل ٿانو جڏهن کيس ٽٽل نظر ايندا آهن ته هو وقتي طور پريشان ٿيندو آهي ٻئي پاسي انهي ڪنڀر جي گهر اندر عورتون انهن ٿانون دلو، مٽ، پاٽ ،پاٽوڙو، ڪڏهن ڪني۽ اکري، ڪڏهن ڀانڊاري، ڪونناري، ڪونئرو، ٽڀو ۽ ٻين ٿانو کي سهڻن رنگن سان چٽي سهڻا ۽ من پسند رنگ چٽينديون آهن. پورهيت عورتن کي مٽي جي ٿانو کي رنگ ڏيندي ڏسي کين بي اختيار داد ڏيڻ کان سواءَ ڪو به انسان رهي نه سگهندو آهي.

رنگ ٿيل محنت سان مٽي مان ٺاهيل ٺڪر جا خوبصورت ٿانو جڏهن پورهيت ڪنڀر وڪري لاءَ مارڪيٽ ۾ آڻي ٿو ته هن سخت مهانگائي واري دور ۾ کيس پنهنجي محنت جو اجورو نه ملندو آهي جيترو کيس ملڻ گهرجي جنهن سان پنهنجي ڪٽنب جون ضررتون پوريون ڪري سگهي پراڻي دور ۾ پورهيت ڪنڀر جي هنر مند هٿن سان ٺاهيل ٿانو سنڌ جي هر گهر ۾ استعمال ڪيا ويندا هئا پر اڄوڪي تيز ترقي واري سائنسي دور ۾ انسان گهڻي قدر ٺڪرن جي ٿانون جو استعال ڪرڻ بند ڪري ڇڏيو آهي اڪثر ڏٺو اهو ويو آهي اسان جي سنڌ سونهاري جي ٻهراڙي جي علائقن جي ڳوٺن ۾ ٺڪر جا ٿانو رڌ پچاءُ ۾ استعمال ڪيا وڃن ٿا هنن جديد دور ۾ شهرن ۾ ٺڪرن جي ٿانون جو استعمال گهٽ ٿي ويو آهي پر سنڌ جي ننڍن وڏن شهرن ۾سهڻي ٺهيل ٺڪرن جي ٿانون کي سجاوٽ جي طور استعمال عام ڪيو وڃي ٿو پوء به پورهيت ڪنڀر کي مهانگائي جي دور ۾ اڄ به اجورو گهٽ ملي ٿو جنهن سبب اڄ ڪلهه ڪنڀارڪو ڪم گهٽ ٿي ويو آهي ملڪ جي آزادي کان هن وقت تائين هر وقت جي سرڪار سماجي تنظيمن، سُجاڳ ڌرين پڻ هنن جي ڪابه پُٺ ڀرائي نه ڪئي آهي جيڪي پٺ ڀرائي ڪرڻ گهرهي ته جيئن سنڌ جي قديم هن هٿ جي هنر کي هٿي وٺرائي سگھجي ته غريب پورهيتن جي واهر ٿي سگھي جنهن سان پنهنجي ڪٽنب جون ضررتون پوريون ڪري سگهي ۽ پنهنجن سندن گُلن جهڙا معصوم ٻارڙن کي اسڪولن ۾ داخل ڪرائي عمل جي روشني سان ملا مال ڪري سگهي جيڪو اڄ تائين سندس هڪ خواب بڻيل آهي جيڪر وقت جي حڪومت هن طرف تڪڙو ڌيان نه ڏنو ته اهو ڏينهن پري نه آهي ته ڪنڀارڪو ڪم هميشہ لاءِ ختم ٿي ويندو يا پاڻ مرادو بند ٿي ويندو ۽ سنڌ جا سمورا ڪنڀر هن ڪم مان هٿ ڪڍي ويندا سنڌ پنهنجي هن هٿ جي هنر کان محروم ٿي ويندي.

 

 

چوڌري نثار بقابله خورشيد شاهه

گهرو وزير چوڌري نثار پيپلز پارٽي ۽ ن ليگ ۾ ٺاهه بابت پي ٽي آئي جي چئيرمين عمران خان جي الزامن جي تصديق ڪري ڇڏي آهي.اسلام آباد ۾ پريس ڪانفرنس جي دوران چوڌري نثار جو چوڻ هو ته مخالف ڌر جو اڳواڻ خورشيد شاهه ٺاهه ڪري حڪومت کان مالي فائدا حاصل ڪيا، سندس چوڻ هو ته خورشيد شاهه جيترو فائدو ورتو اها هڪ ٻئي ڪهاڻي آهي.چوڌري نثار ڪيترن ئي موقعن تي خيبر پختونخوا جي حڪومت جي واکاڻ به ڪئي. چوڌري نثار علي خان چيو آهي ته قومي ايڪشن پلان تي اهي ئي ماڻهو ڇوهه ڇنڊي رهيا آهن، جن اهو پڙهيو ئي ناهي، دهشتگردن خلاف شروع ڪيل قومي ايڪشن پلان سبب ڪاميابيون ملي رهيون آهن ۽ گذريل 9 سالن جي ڀيٽ ۾ فوتگين جو انگ گهٽيو آهي، گذريل دورن ۾ ڏهاڙي 7-7 ڌماڪا ٿيندا هئا پر اڄ الله پاڪ جي مهرباني سان ڪيترن ئي ڏينهن تائين ڪو اڻوڻندڙ واقعو نه ٿو ٿئي، جن سياستدانن پنهنجي دور ۾ ڪجهه به نه ڪيو، اهي هاڻ ويهي لفاظي ڪن ٿا، تنقيد ڪندڙن کان ڪير به نه ٿو پڇي ته انهن 5 سالن ۾ ڇا ڪيو؟ حڪومت کي ڀلي ڪريڊٽ نه ڏيو پر مايوسي ته نه پکيڙيو. اسان بندوق جي ويڙهه ۾ ڪاميابيون ماڻي رهيا آهيون پر دهشتگردي جي هڪ واقعي تي طوفان اٿاريو ٿو وڃي، اسان اصل ۾ اهو ئي ڪيون ٿا، جيڪو دشمن چاهي ٿو. جڏهن ملڪ ويڙهه واري حالت ۾ هجي ته قوم کي اميد ڏياري ويندي آهي، ان کي مايوسي ڏانهن  ناهي ڌڪيو ويندو، اهو عمل اصل ۾ دشمنن کي مضبوط ڪرڻ جي برابر آهي.

وفاقي گهرو وزير چوڌري نثار جي الزامن جي ترديد ڪندي قومي اسيمبلي ۾ مخالف ڌر جي اڳواڻ خورشيد شاهه چيو آهي ته مون تي لڳايل الزام ثابت ٿي ويا ته سياست ڇڏي ڏيندس، جڏهن ته وزيراعظم نوازشريف  مون تي لڳايل الزامن جو جواب ڏئي نه ته قانوني واٽ وٺندس. سکر ۾ جوابي پريس ڪانفرنس ڪندي خورشيد شاهه جو چوڻ هو ته (ن) ليگ جا وزير جمهوريت کي نقصان پهچائڻ لاءِ ڪو به موقعو هٿان وڃڻ ناهن ڏيندا، جڏهن ته ان ڳالهه جو به ڏک ٿيو آهي ته حڪومت بچائڻ تي ماضي ۾ منهنجا هٿ چمڻ وارا ماڻهو اڄ منهنجي خلاف ڳالهائي رهيا آهن. بي بنياد الزام لڳائڻ حڪومت جو ڪم آهي، مون ڪڏهن به ڊاڪٽرعاصم جي ڳالهه پارليامينٽ ۾ ناهي ڪئي ۽ اهو عدالت جو ڪم آهي پر خبر ناهي ڇو چوڌري نثار جي ذهن ۾ ڊاڪٽر عاصم هڪ ڊپ بڻجي ويهي رهيو آهي ۽ کيس لڳي ٿو ته پيپلز پارٽي سندس جي ڪري اهي ڳالهيون ڪري رهي آهي. اسان کي چيو ويندو آهي ته اسان بليڪ ميلنگ ڪري رهيا آهيون،جيڪڏهن اسان کي ائين ڪرڻو هجي ها ته فوجي عدالتن لاءِ آئين ۾ ترميم،ايم ڪيو ايم جي استعيفائن ۽عمران خان جي ڌرڻي دوران اسڪورنگ ڪري سگهون پيا، پر دهشتگردي جي حوالي سان ٿيندڙ سڀني اي پي سيز ۾ اسان ته حڪومت جا هٿ مضبوط ڪيا ۽ انهن جو ساٿ ڏنو.سندس چوڻ هو ته پوري مخالف ڌر سڀئي اختلاف وساري وزيراعظم هائوس ۾ گڏجي دهشتگردي جي خلاف حڪومت جو ساٿ ڏنو،ڇا  اها به اها ئي پوائنٽنگ اسڪورنگ هئي؟