تازيون خبرون

Daily Archives: January 23, 2016

فلم رئيس لاءِ اداڪاره مائره خان منهنجي پهرين چوائس نه هئي: راهول ڊولڪيا

ممبئي (شوبز نيوز)فلم رئيس جي ڊائريڪٽر راهول ڊولڪيا چيو آهي ته فلم رئيس لاءِ اداڪاره مائره خان سندس پهرين چوائس نه هئي، ان کان اڳ هن ان فلم لاءِ شاهه رخ خان سان گڏ اداڪاره هما قريشي کي ڪاسٽ ڪرڻ جو سوچيو هو، پر ان سان رابطو ڪرڻ کان پوءِ سندس نظرن ۾ مائره خان اچي وئي، هن چيو ته فلم لاءِ جيڪا اداڪاره گهربل هئي، مائره ان تي فٽ آهي، فلم ۾ سندس ڪردار پاور فل آهي، فلم هلندڙ سال عيد الفطر جي موقعي تي رليز ڪئي ويندي

 

پئسي لاءِ شادي جي تقريب لاءِ ڊانس نه ڪندو آهيان: جان ابراهم

ممبئي (شوبز نيوز)بالي ووڊ اداڪار جان ابراهم چيو آهي ته هو پنهنجي ڪيريئر جي اصولن تي سختي سان عمل ڪندو آهي، پئسي لاءِ ڪڏهن به شادي جي تقريب ۾ ڊانس نه ڪندو آهيان، پنهنجي هڪ تازي انٽرويو ۾ جان ابراهم چيو ته فلمن ۾ هن لاءِ ڪم هجي يا نه سندس هڪ اصول آهي ته شادي جي تقريب ۾ ڊانس ناهي ڪرڻي ڇاڪاڻ ته اهو ڪم گهٽ ۾ گهٽ منهنجي معيار کان گهٽ آهي، اداڪار چيو ته سندس زندگي جا مضبوط اصول آهن، جن تي سختي سان عمل ڪندو آهيان.

 

ماريه شيراپووا آسٽريلين اوپن ويمنز سنگلز مقابلن جو ٽيون مرحلو ڪاميابي سان مڪمل ڪري ورتو

ميلبورن (اسپورٽس نيوز)ماريه شيراپووا، اٿينسڪارا ڊوسنڪا ۽ بليڊا بنيچ آسٽريلين اوپن ويمنز سنگلز مقابلن جو ٽيون مرحلو ڪاميابي سان مڪمل ڪري ورتو، گذريل ڏينهن کيڏيل ٽئين رائونڊ ۾ عالمي نمبر ون روس جي ماريه شيرا پووا آمريڪا جي لارن ڊيوس کي دلچسپ مقابلن کان پوءِ 1-6، 7-6 ۽ 0-6 تان هارائي چوٿين رائونڊ ۾ جاءِ ٺاهي، ماريه شيرا پووا پولينڊ جي اٿينسڪارا ڊوسنڪا پورٽوريڪو جي مونيڪا پوئيگ کي آساني سان 4-6 ۽ 0-6 تان هارائي ايندڙ رائونڊ لاءِ ڪواليفاءِ ڪيو، اٽلي جي روبر ٽاونچي پنهنجي جرمن مخالف هٿان 6-0، 4-6 ۽ 4-6 تان اپ سيٽ شڪست ملي، هڪ ٻي ميچ ۾ سوئٽزرلينڊ جي بلينڊا يوڪرين يج ڪيٽريانه بونڊا رينڪو کي 6-4، 2-6 ۽ 4-6 تان شڪست ڏني

 

ٿر ۾ فوت ٿيندڙ ٻارڙن جي موت جو ذميوار ڪير؟: غلام حسين خاصخيلي

سنڌ جي ٿرپارڪر ضلعي ۾ گرمي توڙي سياري جي موسم ۾ هر سال ٻارڙن جي مرڻ جون خبرون ميڊيا جو مرڪز بڻجي وڃن ٿيون، صحت کاتي جا ڊاڪٽر ٿرپارڪر ۾ غذائي کوٽ ۽ مائرن طرفان پيدا ٿيندڙ ٻارڙن جي ڪمزور هجڻ جو وڏو سبب ڄاڻائين ٿا. ٿرپارڪر ۾ مائرن کي صحتمند رکڻ واسطي ٻن سماجي تنظيمن وٽ اهڙو پروگرام به موجود آهي، جن جي مٿان اها ذميواري ڏنل آهي ته اُهي مائرن کي سٺي خوراڪ پهچائين. ان سماجي تنظيمن بابت ٿرپارڪر ۾ ايِ ڊي او هيلٿ طرفان هڪ انڪشاف سامهون آيو آهي، اِي ڊي او هيلٿ جو چٽن لفظن ۾ اهو چوڻ آهي ته انهن سماجي تنظيمن کان ته ميڊيا پڇي ئي نٿي ته انهن ٿر ۾ غذائي کوٽ جي حوالي سان جيڪو پروجيڪٽ هنن کي مليل آهي، اُن تي انهن سماجي تنظيمن ڪيتري حد تائين ڪم ڪيو آهي ۽ ٿر جي ڪهڙن ڪهڙن علائقن ۾ مائرن طرفان خوراڪ پهچائي وئي آهي. صحت کاتي طرفان اهو پڻ انڪشاف سامهون آيو آهي ته ٿر جي مختلف علائقن ۾ ڊسپينسريون جيڪي موجود آهن، انهن ۾ ٻارن جا ماهر ڊاڪٽر موجود نه آهن، جنهن ڪري شروعاتي طور ٻارڙن جو علاج صحيح طريقي سان نٿو ٿئي، جيڪڏهن انهن ڊسپينسرين ۾ ٻارڙن جا ماهر ڊاڪٽر موجود هجن ۽ ٻارڙن جي مائرن کي سٺي خوراڪ ملي ته ٿرپارڪر ۾ ٻارڙن جي مرڻ وارو معاملو ختم ٿي سگهي ٿو.

ٿرپارڪر ۾ مٺي اسپتال ٿر جي علائقي جي اُها واحد اسپتال آهي، جتي ٻارن جا ڊاڪٽر موجود آهن پر اُتي اسپتال ۾ بيڊن جي اڃان تائين کوٽ موجود آهي. ٿرپارڪر جي پري وارن علائقن کان جڏهن ٻارڙا مٺي اسپتال تائين پهچن ٿا ته انهن جي صورتحال انتهائي خراب بڻجي وڃي ٿي ۽ انهن ۾ اوتري سگهه موجود نه ٿي رهي جو انهن جي زندگي بچي سگهي. ٿرپارڪر ۾ ٻارڙن کي علاج ڪرائڻ واسطي مائٽ کڻي اچن ٿا ۽ واپسيءَ ۾ اُهي پنهنجي گلن جهڙن ٻارڙن جا لاش کڻي پنهنجي گهرن ڏانهن روانا ٿين ٿا. مٺي اسپتال ۾ ٻارڙن جو علاج ڪرڻ دوران ڪجهه ٻارڙن کي مٺي اسپتال کان ميرپورخاص، حيدرآباد ۽ ڪراچيءَ جي اسپتالن ڏانهن به موڪليو وڃي ٿو. سوال اهو پيدا ٿئي ٿو ته انهن ٻارڙن کي مٺي کان سنڌ جي ٻين اسپتالن ڏانهن موڪلڻ جو جواز ڇو پيش اچي رهيو آهي؟ سنڌ جي صحت کاتي وٽ تمام ٻارڙن جا ماهر ڊاڪٽر موجود آهن ۽ انهن ماهر ڊاڪٽرن کي جيڪڏهن ڏيپلو، ننگرپارڪر، ڇاڇرو، اسلام ڪوٽ ۽ ٿرپارڪر جي ٻين پري وارن علائقن ڏانهن موڪلي ٻارڙن جي علاج لاءِ سمورا بندوبست ڪيا وڃن ته وڏي پئماني تي ٻارڙن جون زندگيون بچي سگهن ٿيون.

سنڌ حڪومت ۽ وفاقي حڪومت عوام جون چونڊيل جمهوري حڪومتون آهن. جمهوري حڪومتن مٿان اهو فرض بڻجي ٿو ته اُهي عوام جي جان، مال، صحت جي حفاظت ڪن. ٻنهي حڪومتن طرفان جڏهن ميڊيا ٿرپارڪر ۾ ٻارڙن جي مرڻ جون خبرون سامهون آڻي ٿي ته پوءِ هر سال اهي حڪومتون حرڪت ۾ اچن ٿيون. سنڌ حڪومت سان لاڳاپيل ڪجهه وزيرن ته ايتري تائين اُهي جملا به چئي ڇڏيا آهن ته جيڪڏهن ٻار مرن ٿا ته اُن ۾ سنڌ حڪومت جو ڏوهه نه آهي. هر جڳهه تي هر ٻار جي سار سنڀال سنڌ حڪومت نه ٿي لهي سگهي. وزيرن جي اهڙي بيان سان گهٽ ۾ گهٽ ٻارڙن جي والدين جون دليون ڏک سان ضرور رنج ٿيون هونديون ۽ سندن اکين ۾ لڙڪ ضرور آيا هوندا. اکين ۾ لڙڪ اچڻ ۽ دل ۾ رنج پهچڻ به زندگيءَ جو هڪ انوکو احتجاج آهي، ڇو ته جيڪڏهن غريب ماڻهو طاقتور حڪومت سان پڄي نٿو سگهي ته گهٽ ۾ گهٽ اهڙي نموني سان دلي طور ڏک جو اظهار ته ڪري سگهجي ٿو. اهڙن وزيرن کي گهرجي ته گهٽ ۾ گهٽ جيڪڏهن اهي ٻارڙن جي علاج واسطي ڪجهه نٿا ڪري سگهن ته انهن والدين جون دليون ته نه ڏکائين. سنڌ حڪومت جا چونڊيل ايم اين ايز، ايم پي ايز کان وٺي صلاحڪارن تائين اهي لکين روپين جون پگهارون کڻن ٿا ۽ اُهي هڪ مهيني جي پگهار ٿرپارڪر جي ٻارڙن لاءِ وقف ڪري ڇڏين ته وڏي پئماني تي ٿرپارڪر ۾ ٻارڙن جو بهترين علاج ٿي سگهي ٿو ۽ ٿر جي مائرن کي بهترين خوراڪ ملي سگهي ٿي. ٿرپارڪر ۾ جيتري ذميواري سنڌ حڪومت جي آهي، اوتري ئي ذميواري وفاقي حڪومت جي به بڻجي ٿي. وفاقي حڪومت جي قومي اسيمبلي ۽ سينيٽ ۾ ويٺلن کي به گهرجي ته اُهي به گهٽ ۾ گهٽ هڪ مهيني جي پگهار ٿرپارڪر لاءِ وقف ڪري ڇڏين ته ٿر ۾ گلن جهڙن معصوم ٻارڙن جي مرڻ وارو مسئلو گهٽجي سگهي ٿو. وفاقي توڙي سنڌ حڪومت ٻارڙن جي ماهر ڊاڪٽرن کان وٺي مختلف بيمارين جي اسپيشلسٽ ڊاڪٽرن جي هڪ مهيني تائين سڄي سنڌ مان ڊاڪٽرن جون ڊيوٽيون لڳائي ته بهتر نموني سان ٿر جي ٻارڙن جو علاج ٿي سگهي ٿو. جيڪڏهن حڪومت پابندي سان انهن ڊاڪٽرن کي پابند بڻائيندي ته ڪو به ڊاڪٽر ٿر وڃڻ کان انڪار نٿو ڪري سگهي. حڪومت وٽ قانون تي عمل ڪرائڻ لاءِ هر رستو موجود آهي، ان ڪري ٿرپارڪر جي مسئلي تي سياست ڪرڻ کان پاسو ڪرڻ کپي. اپوزيشن هجي يا حڪومت ۾ ويٺل ميمبر هجن، انهن سمورن جي اها ذميواري بڻجي ٿي ته اُهي ٻارڙن جي علاج واسطي پنهنجو ڀرپور ڪردار ادا ڪن. سنڌ توڙي پاڪستان ۾ ڪيتريون ئي اهڙيون فلاحي تنظيمون به موجود آهن، جيڪي وڏن شهرن ۾ ته وڏيون آفيسون، اسپتالون ۽ ادارا قائم ڪيو ويٺيون آهن، انهن کي به گهرجي ته اُهي به گهٽ ۾ گهٽ ٿرپارڪر لاءِ پنهنجو ڪردار ادا ڪن. انهن ادارن جي طرفان ٻارڙن جي علاج لاءِ اڃان تائين ڪو به ڪردار ادا نه ڪيو آهي. ٿرپارڪر ۾ ڏڪار واري صورتحال به ماڻهن کي پريشان ڪري ڇڏي ٿي. ڏڪار بابت اُتان جي لاڳاپيل اختيارين طرفان سنڌ حڪومت کي ڪافي ڀيرا لکت ۾ ڄاڻايو ويو آهي ته ٿر جي صورتحال ڏڪار واري آهي، ان ڪري ٿر جي ماڻهن جي ڀرپور نموني سان مدد ڪئي وڃي. ٿرپارڪر ۾ ڪڻڪ جي ورهاست به صحيح طريقي سان نه ٿي ڪئي وڃي، ان جي ورهاست به سياسي بنيادن تي ٿئي ٿي جنهن ڪري ٿر جي اندر ڪيترائي غريب ماڻهو ڪڻڪ ملڻ کان محروم رهن ٿا. ٿرپارڪر ۾ پيئڻ جي پاڻي لاءِ مختلف پلانٽ قائم ڪيا ويا هئا، انهن پلانٽن مان ڪجهه پلانٽ ٺهڻ جي ڪجهه وقت کانپوءِ خراب ٿي ويا، جنهن ڪري صاف پاڻي وارو مسئلو اڌ ۾ رهجي ويو، صاف پاڻي لاءِ لڳايل فلٽر پلانٽ به ڪافي هنڌن تي سياسي بنيادن تي لڳايا ويا آهن، سياسي بنيادن تي ٿر ۾ ڪنهن به ڪم جي ورهاست ڪرڻ کان پاسو ڪيو وڃي، جيڪڏهن ٿر جي ماڻهن جو ٿورو به حڪومت، اپوزيشن ۽ سماجي تنظيمن کي دل ۾ درد آهي ته اُهي پنهنجي وس آهر دل سان ٿر جي ماڻهن جي مدد ڪن ته ٿر جا ماڻهو خوشحال بڻجي سگهن ٿا، ٿرپارڪر ۾ ٻارڙن جي موت کي روڪڻ لاءِ جيڪڏهن سنجيدگيءَ سان صحت کاتو عملي طور قدم کڻي ته وڏي پئماني تي ٻارڙن جي مرڻ جي واقعن ۾ گهٽتائي اچي سگهي ٿي.

ghkhaskhelii@gmail.com

 

اسان ۽ اسان جا دهشتگرد: نذير ناجي

اهو آهي نوڪر شاهيءَ جو ذهن جو ڳجهيون ايجنسيون هڪ ٻئي پٺيان رپورٽون ڏئي رهيون هيون ته دهشت گرد ڪنهن تعليمي اداري تي حملو ڪرڻ وارا آهن، جن ڏينهن ۾ حملن جي اڳ ڪٿي ڪئي ٿي وئي، انهن ئي ڏينهن ۾ باچا خان جي ورسي به هئي. پاڪستان جي سياسي جماعتن ۾ اي اين پي واحد آهي، جنهن سڌيءَ ريت دهشت گردن سان ٽڪر کاڌو. ان جو حوالو مان گذريل ڪالم ۾ ڏئي چڪو آهيان. اڄ مان نوڪري شاهيءَ جي طور طريقي ۽ رويي جي ڳالهه ڪندس. انتظاميا جي سربراهي ڪندڙ ڪوبه تجربيڪار آفيسر موجود هجي ها ته ڳجهن ادارن جي رپورٽ ڏسي ئي سندس ذهن ۾ پهريون خيال اهو اچي ها ته باچا خان جي ورسيءَ جي موقعي تي ساڻس نسبت رکندڙ ادارن ۾ يقيني طور ڪانه ڪا تقريب ضرور ٿيندي. اهڙن سمورن ميڙاڪن بابت معلومات حاصل ڪئي وڃي ها جيڪي باچا خان جي ورسيءَ جي موقعي تي رکيل هجن ها. اهڙن ميڙاڪن جا تفصيل جڏهن اچن ها ته انهن ۾ باچا خان يونيورسٽيءَ جو نالو به ضرور اچي ها. ڇو جو ان موقعي تي باچا خان جي ياد ۾ هڪ مشاعرو به ٿيڻو هو. ضلعي انتظاميا ۾ ڪوبه ماهر آفيسر موجود هجي ها ته پشاور چارسده جو جائزو وٺندي ان جي نظر باچا خان يونيورسٽيءَ تي ضرور پئي ها ۽ ان لاءِ لازمي هجي ها ته اهو باچا خان يونيورسٽيءَ ۽ اتي ٿيندڙ مشاعري جي پروگرام تي نشان هڻي ها. سڀ کان اهم نشانو ٻن سببن جي ڪري باچا خان يونيورسٽي بڻجي ها، هڪ ته يونيورسٽيءَ جي نالي جي ڪري ۽ ٻيو ته باچا خان جي نالي ۾ ٿيندڙ مشاعري جي ڪري دهشت گردن ۽ اي اين پي ۾ پراڻي ڇڪتاڻ آهي. ان جي هڪ تاريخ آهي. اي اين پي جيستائين خيبر پختونخواهه ۾ اقتدار ۾ رهي، ان دهشت گردن جي ڪوششن کي ڪيئي ڀيرا ناڪام بڻايو ۽ دهشت گردن به موقعو ملندي ئي اي اين پيءَ جي اڳواڻن ۽ ڪارڪنن جون زندگيون کسيون. فطري گهرج هئي ته باچا خان يونيورسٽيءَ جي تحفظ لاءِ خاص انتظام ڪيا وڃن ها. جيڪڏهن اهڙا انتظام ٿين ها ته ڪو سبب نه هو ته چارئي دهشت گرد، امن امان لاءِ مقرر سڪيورٽي آفيسرن جي پڪڙ ۾ نه اچن ها.

اسان کي دهشت گردن سان وڙهندي 15 سالن کان وڌيڪ عرصو ٿيو آهي. مسجدن، درگاهن، اسڪولن ۽ڪاليجن کي خاص ڪري دهشت گرد نشانو بڻائن ٿا. گڏ ٿيل ڳجهي معلومات جي روشنيءَ ۾ جيڪڏهن امڪاني هدفن جي نشاندهي ڪري سڪيورٽيءَ جي سمورن ادارن جي سربراهن جي گڏجاڻيءَ ۾ حفاظتي انتظامن تي غور ڪيو وڃي. ها ۽ ڳجهي پوليس، معمول جي پوليس، دهشت گرديءَ جي ٽوڙ وارا ڳجهين ايجنسين جا تربيت يافتا ماهر دهشت گرديءَ جي امڪاني ڪارروائي تي فوري جوابي ڪارروائي جو ڄار وڇائن ها ته ڪو جواز نه هو جو چارئي دهشت گرد ڪارروائي کان اڳ ئي منطقي انجام کي پهچن ها. اهي يا ته گهيري ۾ اچڻ کانپوءِ ڀڄي نڪرڻ جي ڪوشش ڪن ها ۽ ڀڄڻ جو رستو نه ملين ها ته خودڪش ڌماڪو ڪري جهنم جا راهي ٿين ها. ان جا ٻه نتيجا لازمي نڪرن ها. هڪ ته بي گناهه شاگرد، شاگردياڻيون ۽ استاد محفوظ رهن ها ۽ ٻيو ته واردات لاءِ آيل دهشت گردن مان ڪونه ڪو جيئرو ئي سوگهو ٿي وڃي ها ۽ سندن گروپ يا شاخ بابت ڪارائتي معلومات حاصل ٿي سگهي ها.

مان ننڍپڻ ۾ ئي تحريڪ پاڪستان جي زماني ۾ سرگرم هئس، مجلسن جلوسن ۾ شريڪ ٿيڻ لاءِ سرگرم رهندو هوس. آزاديءَ جي اعلان جي چند هفتن کانپوءِ اسان جي شهر فريدڪوٽ ۾ مسلمانن پنهنجي تحفظ جون تياريون شروع ڪري ڇڏيون هيون. آر ايس ايس مدتن کان اهو ڪم ڪري رهي هئي. اسان مسلمانن به شهر کان پري ڪنهن هنڌ مزاحمت ۽ ويڙهه جي تربيت وٺن شروع ڪئي هئي. منهنجي والد کي پوليس ۾ هئڻ سبب ڄاڻ هئي. شروعاتي چند هفتن ۾ هو انهن تربيتي مشقن ۾ نوجوانن کي سيکاريندو رهيو. ان دوران بااثر ماڻهن کي خبر پئجي وئي ته فريدڪوٽ ۾ وڳوڙين کي سرعام وڳوڙن جو موقعو نه ڏنو ويندو. هندن ۽ سکن فيصلو ڪيو ته مسلمانن کي خيريت سان فريدڪوٽ مان نڪري پاڪستان پهچڻ جو موقعو ڏنو ويندو. جڏهن يقين ٿي ويو ته منهنجي والد صاحب، پنهنجي خاندان يعني اسان کي وٺي بهاولنگر  آيو ۽ ورهاڱي وقت به فريدڪوٽ جي ماڻهن پنهنجو واعدو پورو ڪيو ۽ شهر جا سڀئي مسلمان خيريت سان پاڪستان پهچي ويا. پنجاب ۾ ٿيل قتلام ننڍي کنڊ جو بدترين الميو هو. پر ان ۾ به هڪ شهر فريدڪوٽ اهڙو هو جتي خوني لُٽيرن ۽ قاتلن عير مسلم آباديءَ تي وارداتون ڪرڻ کان روڪيو، اها مقامي آبادي هندن ۽ سکن تي مشتمل هئي. اڄ به ڀارت ۾ آر ايس ايس، شيو سينا ۽ ڪيئي انتهاپسند هندو تنظيمون، دهشت گرديءَ جي هوڏ تي قائم رهن ٿيون پر اتان جي انتظاميا وڏي پيماني تي رتوڇاڻ ٿيڻ نه ٿي ڏني. واضح رهي ته دهشت گردن جو نه ته ڪو مذهب ٿيندو آهي نه ئي ڪو اخلاقي نظام. ڀارت ۾ عام طور سندن نشانو مسلمان يا عيسائي بڻجن ٿا. پر هر جاءِ جي مقامي انتظاميا، اهڙي طرح وحشياڻو قتلام ڪندڙن کي موقعو نه ٿي ڏئي، جيئن هتي اسلام جو نالو وٺندڙ، اهل اسلام کي نشانو بڻائن ٿا. هندستان جي دهشت گرد تنظيمن ۽ پاڪستاني دهشت گردن جي وارداتن جا انگ اکر گڏ ڪيا وڃن ته اوهان کي سوا ارب انسانن جي آباديءَ ۾ ايترا مقتول نه ملندا، جيترا قتل پاڪستان ۾ ٿيا آهن. مان پاڪستاني معاشري جي خوبي نه پر اتي جي انتظاميا جي عمده تربيت جو حوالو ڏئي رهيو آهيان.

گذريل 68 سالن دوران تعصبي ۽ پرتشدد هندو تنظيمون به وجود ۾ آيون ۽ انهن جا اثر اتي جي بيورو ڪريسيءَ تي به پيا پر اڄ به ڀارت ۾ انتظاميا معاملن تي مقرر بيورو ڪريسي رتوڇاڻ جي هوڏ تي قائم جنونيت کي روڪڻ ۾ وڏي حد تائين ڪامياب رهي ٿي. جڏهن ته اسان جي انتظاميا ۾ ورلي ئي انتظامي مهارت رکندڙ اهڙا آفيسر ملندا جيترا ڀارت ۾ آهن. اسان وٽ اقليتي نالي ماتر آهن. جڏهن ته ڀارت ۾ مسلمانن ۽ عيسائين سميت اقليتي وڏي تعداد ۾ رهن ٿا. انگن اکرن جي حوالي سان ڏٺو وڃي ته اسان وٽ اقليتن جي حالت گهڻي بُري آهي، خاص ڪري سنڌ م.. سو چوڻ جو مطلب ته جيڪڏهن سٺي انتظاميا هجي ته جيترو نقصان دهشت گرد اڄ اسان کي پهچائي رهيا آهن، ان جو ڏهه سيڪڙو به نه ٿا پهچائي سگهن. بدقسمتي هيءَ آهي ته عوام ۽ بيورو ڪريسيءَ ۾ گڏيل اعتماد ٽٽي چڪو آهي. ان باوجود پشاور ۽ چارسده جي عوام اڳيان اچي هٿين خالي شاگردن ۽ شاگردياڻين جو تحفظ ڪيو.

ٻيو ته ڇڏيو صرف پوليس کي ئي جيڪڏهن سٺيون پگهارون ۽ سٺي تربيت ڏني وڃي ۽ ضلعي انتظاميا تربيت يافتا ۽ فرض شناس ٿي وڃي ته ڇا جا دهشت گرد؟ ڇا جا قانون ٽوڙيندڙ؟ اهي ئي افغاني ۽ قبيلائي ماڻهو هئا، جن منجهان ڪيترن کي اوهان پرامن زندگي گذاريندي ڏٺو هوندو. جيڪڏهن انتظاميا معاملا هلائيندڙ بيورو ڪريسي، پوليس ۽ تپيدارن جي پشيوراڻي تربيت مطابق ڪم وٺندڙ آفيسر موجود هجن ته ڪرپشن ۾ ٻڏل سياستدانن جون حڪومتون به درست ڪم ڪرڻ تي مجبور ٿي پون. ڪرپشن ۽ لاقانونيت ان وقت چوٽ چڙهن ٿا جڏهن نوڪر شاهي سياستدانن جي ذاتي خدمتگار بڻجي وڃي. ڳالهه ڪٿان کان شروع ٿي ۽ ڪٿي وڃي کُٽي پر ان اندر جيڪو خيال ۽ تسلسل موجود آهي سو غور سان ڏسڻ سان ضرور نظر ايندو.

 

چارسده واقعو: بعد پ پ ۽ ن ليگ آمهون سامهون

قومي اسيمبلي ۾ اپوزيشن ليڊر خورشيد شاهه وفاقي گهرو وزير چوڌري نثار کي عهدي تان هٽائڻ جو مطالبو ڪندي چيو آهي ته گهرو وزير چوڌري نثار جي رويي سبب وزيراعظم نواز شريف تي آڱريون کڄي رهيون آهن، اسلام آباد ۾ پنهنجي چيمبر ۾ ڳالهائيندي خورشيد شاهه چيو ته چارسده سانحو ڏکيوئيندڙ آهي، حڪومت نيشنل ايڪشن پلان تي عملدرآمد بابت ايوان کي آگاهه ڪري. سموري دنيا چارسده يونيورسٽي تي حملي جي مذمت ڪئي، پر گهرو وزير ان بابت هڪ لفظ ئي نه ڳالهايو، لڳي ٿو ته بيت الله محسود جي موت تي روئيندڙن کي اڃا تائين افسوس آهي، مخالف ڌر جي اڳواڻ هڪ نجي ٽي وي سان ڳالهائيندي مطالبو ڪيو ته چارسده سانحي تي عدالتي ڪميشن جوڙي وڃي، وزيراعظم نوازشريف چوڌري کي ڪٿي ٻئي هنڌ لڳائي، چارسده جهڙن واقعن جي ذميواري گهرو وزير جي هوندي آهي.

سنڌ جي اطلاعات بابت صلاحڪار مولا بخش چانڊيو چيو آهي ته وفاقي حڪومت جي سيڪيورٽي پاليسي بري طرح سان ناڪام ٿي چڪي آهي ۽ ان جي ذميواري قبول ڪندي وفاقي گھرو وزير گھر هليو وڃي. جيڪڏهن خدا نه ڪري اهڙي قسم جو دهشتگردي جو حملو سنڌ ۾ ٿئي ها ته فوري طور وزير اعليٰ کي هٽائڻ جي ڳالھ ڪئي وڃي ها ۽ صوبي ۾ سموري جمهوري نظام کي ختم ڪيو وڃي ها. چارسده سانحي جي ذميواري صوبائي حڪومت سان گڏ وفاق تي به لاڳو ٿئي ٿي، سنڌ جي وڏي وزير کان استعيفيٰ جو مطالبو ڪندڙ هاڻي چارسده واقعي تي ڇو خاموش آهن ۽ هو ڪي پي ڪي حڪومت بابت ڇا چوڻ چاهيندا، وفاقي جي سنڌ سان پاليسي مختلف ۽ ٻين صوبن سان الڳ پاليسي آهي، مولا بخش چانڊيو چيو ته سمورن ادارن ۽ قانون لاڳو ڪندڙ عملدارن کي فقط سنڌ ۾ ئي ڪرپشن ۽ باقي برايون نظر اچي رهيون آهن، ملڪ جي باقي حصن ۾ ڪنهن جي به نظر نٿي پوي، جتي دهشتگرد يونيورسٽين ۽ اسڪولن جي معصوم شاگردن، عام ماڻهن ۽ قانون لاڳو ڪندڙ ادارن جي اهلڪارن کي نشانو بڻائي رهيا آهن. جيڪڏهن نيشنل ايڪشن پلان صحيح نموني لاڳو ڪيو وڃي ها ته باچا خان يونيورسٽي جهڙو خوفناڪ دهشتگرد حملو نه ٿئي ها. مولا بخش چانڊيو وفاقي حڪومت تي زور ڀريو ته نيشنل ايڪشن پلان تحت پنجاب ۾ آپريشن شروع ڪيو وڃي ۽ صوبي کي دهشتگردن ۽ انتهاپسندن کان پاڪ ڪيو وڃي، جيڪي انسانيت تي يقين نٿا رکن. اها وڏي بدقسمتي جي ڳالھه آهي ته ڪجهھ سياسي جماعتن ۾ انهن انتهاپسندن ۽ دهشتگردن لاءِ نرم رويو موجود آهي.

وفاقي وزير راڻا تنوير پ پ جي مطالبي تي ردعمل ڏيندي چيو آهي ته خورشيد شاهه کي هاڻي اهڙي عادت پئجي وئي آهي جو هو وزيراعظم کان پنهنجي مرصي جا وزير لڳرائڻ جا خواب ڏسي رهيو آهي، جيڪڏهن سندس وزيراعظم تي ايترو اثر رکي ٿو ته پوءِ پ پ ۾ ڇا ڪري رهيو آهي، باقاعده طور تي نوازليگ ۾ شامل ٿي وڃي. وفاقي گهرو وزير چوڌري نثار کي هٽائڻ جو مطالبو درست ناهي، جيڪڏهن چوڌري نثار پ پ جي اڳواڻڻ جي ڪرپشن ڪيسن تي سخت موقف اختيار نه ڪري ته هو خورشيد شاهه جو پسنديده وزير بڻجي وڃي.

 

دهشتگردي خلاف جنگ فيصلائتي مرحلي تي پهچي چڪي آهي: نواز شريف

ڊيووس (مانيٽرنگ ڊيسڪ) وزيراعظم نواز شريف، پاڪستان کي سيڙپڪاري لاءِ بهترين ملڪ قرار ڏيندَي چيو آهي ته سرڪار شفاف پاليسيون جوڙي رهي آهي، جڏهن ته ملڪ مان دهشتگردي جي خاتمي لاءِ نيشنل ايڪشن پلان تي عمل جاري آهي. سوئٽزرلينڊ جي شهر ڊيووس ۾ واپارين کي خطاب ڪندَي وزيراعظم چيو ته پاڪستان ۾ امن امان جي صورتحال بهتر ٿي وئي آهي. نواز شريف چيو ته گهرو سلامتي جي صورتحال بهتر ٿيڻ سان معيشت تي سٺا اثر پيا آهن، پاڪستان سيڙپڪاري لاءِ بهترين ملڪ بڻجي چڪو آهي. دهشتگردي خلاف جاري جنگ بابت ڳالهائيندي وزيراعظم چيو ته نيشنل ايڪشن پلان تي ڀرپور نموني عمل ٿيڻ سبب دهشتگردي خلاف جنگ فيصلائتي مرحلي تي پهچي چڪي آهي. نواز شريف چيو ته پاڪستان ۾ حقيقي تبديلي آئي آهي، ملڪ کي مڪمل طور محفوظ بڻائڻ لاءِ حڪومت پرعزم آهي. وزيراعظم چيو ته حڪومت پاران انساني وسيلن جي ترقي تي خاص ڌيان ڏيڻ سبب پرڏيهي سيڙپڪارن جا پاڪستان ۾ سيڙپڪاري ڪرڻ لاءِ حوصلا وڌائي رهيا آهن. نوازشريف چيو ته ملڪ ۾ پائيدار ترقي لاءِ معاشي سڌارا آندا ويا آهن. وزيراعظم چيو ته پاڪستان ۾ ميڊيا آزاد ۽ سول سوسائٽي متحرڪ آهي.

 

وفاق سيڪيورٽي پاليسي ۾ ناڪام ٿي چڪو ، چوڌري نثار کي هٽايو وڃي: پيپلزپارٽي

اسلام آباد /ڪراچي(بيورو/اسٽاف رپورٽر) پارليامينٽ هائوس ۾ پنهنجي چيمبر ۾ صحافين سان ڳالهائيندي قومي اسيمبلي ۾ مخالف ڌر جي اڳواڻ خورشيد شاهه چيو آهي ته  چارسدا سانحي تي هر پاسي کان مذمت آئي آهي پر گهو وزير چوڌري نثار علي پاران مذمت به ناهي ڪئي وئي.سندس چوڻ هو ته حڪيم الله مسعود جي موت تي روئيندڙن کي اڃان تائين سندس موت تي ڏک آهي،خورشيد شاهه چيو ته  وفاقي گهرو وزير جي رويي جي ڪري آڱريون وزيراعظم نوازشريف تي اٿي رهيون آهن،ان ڪري ضروري آهي ته وزير اعظم نوازشريف وفاقي گهرو وزير چوڌري نثار علي کي عهدي تان هٽائي ڇڏي. ٻئي طرف وزير اعليٰ سنڌ جي اطلاعات بابت صلاحڪار مولا بخش چانڊيو چيو آهي ته وفاقي حڪومت جي سڪيورٽي پاليسي بري طرح سان ناڪام ٿي چڪي آهي ۽ ان جي ذميواري قبول ڪندي وفاقي گھرو وزير گھر هليو وڃي. اهي ڳالهه هن اڄ هتي آغا فيروز پاران پاڪستان پيپلز پارٽي ۽ ان جي ڪارڪنن جي سياسي جهدوجهد جي باري ۾ بينظير ڀٽو شهيد پارڪ ۾ منعقد ڪيل تصوري نمائش  جي دوري کان پوءِ ميڊيا سان ڳالهائيندي ڪئي. هن چيو ته جيڪڏهن خدا نه خواسته اهڙي قسم جو دهشتگرد حملو سنڌ ۾ ٿئي ها ته فوري طور وزير اعليٰ کي هٽائڻ جي ڳالھ ڪئي وڃي ها ۽ صوبي ۾ سموري جمهوري نظام کي ختم ڪيو وڃي ها. مولا بخش چانڊيو چيو ته سمورن ادارن ۽ قانون لاڳو ڪندڙ عملدارن کي فقط سنڌ ۾ ئي ڪرپشن ۽ باقي برايون نظر اچي رهيون آهن جڏهن ته ملڪ جي باقي حصن ۾ ڪنهن جي به نظر نٿي وڃي جتي دهشتگرد  يونيورسٽين،  اسڪول جي معصوم شاگردن، عام ماڻهن ۽ قانون لاڳو ڪندڙ ادارن جي اهلڪارن کي نشانو بڻائي رهيا آهن. هن چيو ته جيڪڏهن نيشنل ايڪشن پلان صحيح نموني لاڳو ڪيو وڃي ها ته باچا خان يونيورسٽي جهڙو خوفناڪ دهشتگرد حملو نه ٿئي ها. مولا بخش چانڊيو وفاقي حڪومت تي ذور ڀريو ته نيشنل ايڪشن پلان تحت پنجاب ۾ آپريشن شروع ڪيو وڃي ۽ صوبي کي دهشتگردن ۽ انتها پسندن کان پاڪ ڪيو وڃي جيڪي انسانيت تي يقين نٿا رکن.هن چيو ته اها وڏي بدقسمتي جي ڳالھ آهي ته ڪجھ سياسي جماعتن ۾ انهن انتها پسندن ۽ دهشتگردن لاءِ نرم گوشو موجود آهي. ان کان پهرين اطلاعات بابت صلاحڪار ڀٽو خاندان جي سياسي جهدوجهد ۽ سفر جي تصويري نمائش ڏٺي ۽ ڦوٽو جنرلسٽ آغا فيروز جي محنت کي ساراهيو. مولا بخش چانڊيو چيو ته هو پيپلز پارٽي جي ان تاريخي جهدجهد کي محفوظ بڻائڻ لاءِ آرڪائيوز کاتي جي آفيسرن جي گڏجاڻي منعقد ڪندو. هن ان نمائش کي سياسي جهدوجهد جو خزانو قرار ڏنو

 

سينيٽ لال مسجد جي خطيب مولانا عبدالعزيز تي داخل ڪيسن جا پيش ڪيل تفصيل گهرو وزارت ڏانهن اماڻي ڇڏيا

اسلام آباد (بيورو) ڪراچي ۾ بجلي مهانگي ڪرڻ خلاف ايم ڪيو ايم ميمبرز جو سينيٽ مان علامتي واڪ آئوٽ ڪيو، سينيٽر طاهر مشهدي چيو آهي ته دنيا ۾ تيلن جون قيمتون گهٽجڻ باوجود ڪراچي جي عوام تي مهانگائي جو پهاڙ ڪيرايو پيو وڃي. سينيٽ جو اجلاس ڊپٽي چيئرمين مولانا عبدالغفور حيدري جي صدارت هيٺ ٿيو، جنهن ۾ مختلف معاملن تي بحث ڪيو ويو. ڪراچي ۾ بجلي مهانگي ڪرڻ خلاف ايم ڪيو ايم ميمبرز سخت احتجاج کانپوءِ ايوان مان علامتي واڪ آئوٽ ڪيو. ايم ڪيو ايم جي سينيٽر طاهر مشهدي چيو ته دنيا ۾ تيلن جون قيمتون گهٽجڻ باوجود ڪراچي جي عوام تي مهانگائي جو پهاڙ ڪيرايو پيو وڃي. هن چيو ته حڪومت عوام کي سهولتون ڏيڻ ۾ ناڪام ٿي وئي آهي، ڪراچي جا شهري ڳرا بل ڀرڻ تي مجبور آهن، جيڪو ظلم آهي. پ پ جي فرحت الله بابر گهرو وزير چوڌري نثار جي بيان کي رد ڪندي چيو ته مولانا عبدالعزيز خلاف 2014ع ۾ ڪيس داخل ٿيڻ سان گڏ سندس گرفتاري وارنٽ جاري ٿيا هئا. هن چيو ته گهرو وزير چوڌري نثار چوي ٿو ته مولانا عبدالعزيز خلاف ڪوبه ڪيس داخل ناهي، هو مولانا تي ڪيس داخل ٿيڻ جا ثبوت کڻي آيو آهي. متحده جي طاهر مشهدي چيو ته مولانا عبدالعزيز اسلام آباد ۾آرام سان ويٺو آهي ۽ ڪراچي ۾ پارليامينٽ جي ميمبرز خلاف ڪيس داخل ڪيا پيا وڃن. جماعت اسلامي سراج الحق افغان پاليسي بابت آل پارٽيز ڪانفرنس گهرائڻ جو مطالبو ڪندي چيو ته وزيرا عظم ايوان کي آگاهه ڪري ته نيشنل ايڪشن پلان تي ڪيتري حد تائين عملدرآمد ٿيو آهي. هن چيو ته لال مسجد ۾ 6 سئو شآگردن جي مارجڻ جي افواهون پکيڙيون ويون، پر اڄ تائين سرڪاري سطح تي ڪوبه بيان ناهي آيو. جي يو آءِ جي مولانا عطاءُ الرحمان چيو ته قومي ايڪشن پلان جي نالي تي مدرسن تي ڇاپا هنيا پيا وڃن، حڪومت دهشتگردن خلاف ڪارروائيون ڪرڻ بدران ديني مدرسن کي ٽارگيٽ بڻايو آهي. سينيٽ ۾ مختلف معاملن تي بحث جاري هو ته ڊپٽي چيئرمين اجلاس جي ڪارروائي اڻڄاڻايل مدي تائين ملتوي ڪري ڇڏي.

 

دهشتگرد پنهنجا مقصد حاصل ڪرڻ لاءِ سوشل ميڊيا جو استعمال ڪري رهيا آهن: پرويز رشيد

لاهور(م.ڊ) پوليس ورڪشاپ جي تقريب ۾ ڳالهائيندي وفاقي سڌ سماءُ واري وزير پرويز رشيد چيو ته دهشتگرد پنهنجا مقصد حاصل ڪرڻ لاءِ سماجي رابطن واريون  ويب سائيٽس استعمال ڪري رهيا آهن.سندس چوڻ هو ته دهشتگردن جي خلاف ويڙهه نظرياتي آهي،باچا خان يونيورسٽي تي حملو ڪندڙ انسان ناهن حيوان آهن،دهشتگردن يونيورسٽي ۾ سجدي ۾ موجود شاگردن کي به نه بخشيو.پرويز رشيد چيو ته دهشتگردي جي خلاف ويڙهه ۾ بندوققلم ۽ ڪيمرا اهم ڪردار نڀائي رهيا آهن.