تازيون خبرون

Daily Archives: January 22, 2016

دهشتگردن جي ڀڳل چيلهه جو ايڪسري ڪٿي آ؟: وسعت الله خان

ڪنهن ستم ظريف فيس بُڪ تي هڪ جملو لکيو آهي ته”مڃيوسين ته دهشت گردن جي چيلهه ڀڳي وئي آهي. هاڻي ته اسان کي انهيءَ ڀَڳل چيلهه جو ايڪسري ڏيکاريو.“

پاڪستان جي صوبي خيبرپختون خواهه ۽ قبيلائي علائقن ۾ نائين اليون کان وٺي هن وقت تائين طالبان جي دهشت گرد حملن ۽ فوجي آپريشنن دوران چئن هزارن جي لڳ ڀڳ اسڪولن جون عمارتون مڪمل يا جزوي طور تباهه ٿيون، ان کانپوءِ نائجيريا آهي جتي بوڪو حرام جي دهشت گردن لڳ ڀڳ هڪ هزار اسڪولن جي عمارتن کي نشانو بڻايو.

انگن اکرن جو جائزو وٺندڙ رانا محمد عثمان آمريڪي يونيورسٽي آف ميري لينڊ جي عالمي دهشتگرديءَ بابت انگن اکرن (گلوبل ٽيررزم ڊيٽا بيس) جي مطالعي مان نتيجو ڪڍيو آهي ته گذريل 45 سالن دوران تعليمي ادارن تي سڀ کان وڌيڪ هٿياربند حملا (1436) ڏکڻ ايشيا ۾ ٿيا. انهن منجهان 60 سيڪڙو حملا (734) پاڪستان ۾ ٿيا ۽ انهن مان وري 96 سيڪڙو 2004 ۽ 2013 جي وچ ۾ ٿيا آهن.

ڏکڻ ايشيا کانپوءِ تعليمي ادارن تي هٿياربند حملن جو سڀ کان وڏو نشانو وچ اوڀر جا ملڪ بڻيا، انهن منجهان عراق ۽ شام سڀ کان اڳيان آهن، جڏهن ته آفريڪا ۾ تعليمي ادارن تي سڀ کان وڌيڪ آفتون نائجيريا تي ٽُٽيون.

گذريل 45 سالن ۾ اسڪولن اندر سڀ کان وڌيڪ قتل پاڪستان ۾ (ساڍن چئن هزارن کان وڌيڪ) ٿيا. ان کانپوءِ روس جو نمبر اچي ٿو. تعليمي ادارن خلاف دهشت گرديءَ جي 75 سيڪڙو عالمي وارداتن ۾ خودڪار هٿيار، بم ۽ بارود استعمال ٿيو.

پاڪستان ۾ تعليمي ادارن تي سڀ کان وڌيڪ حملو (208) ڇهه قبيلائي علائقن (مهمند باجوڙ دره آدم خيل، اورڪزئي، ڏکڻ وزيرستان، خيبر ايجنسي ۽ 130 حملا خيبر پختون خواهه جي شهري علائقن (پشاور، بنون، چارسده ڪبل) ۾ ٿيا.

جيڪڏهن ڪنهن هڪ وڏي شهر کي ڏٺو وڃي ته سڀ کان وڌيڪ نشانو پشاور ۽ ڀرپاسي جا تعليمي ادارا بڻيا، ان کانپوءِ ڪراچيءَ جو نمبر اچي ٿو، جتي 42 تعليمي ادارن تي هٿياربند حملا ٿيا، جڏهن ته ڪوئيٽا ۾ 26 تعليمي ادارا حملن جي لپيٽ ۾ آيا.

پر اهي شاگرد، جيڪي اسڪول کانپوءِ سفر دوران يا مصروف هنڌن تي دهشت گرديءَ جو نشانو بڻيا، تن جي قتلن جو انگ تعليمي ادارن ۾ قتل ٿيلن کان تمام گهڻو آهي. سو ايئن چئي سگهجي ٿو ته گذريل ڏهن سالن ۾ تعليمي ادارن کان ٻاهر دهشت گرديءَ جو نشانو بڻيلن ۾ ڪوئيٽا جا شاگرد ۽ شاگردياڻيون وڌيڪ آهن.

ڏٺو وڃي ته گذريل ڏهن سالن دوران هٿياربند فوج ۽ نيم فوجي ادارن (ايف سي ۽ رينجرز وغيره) پنهنجي ٿاڪن ۽ آفيسن کي محفوظ بڻائڻ تي خاص ڌيان ڏنو ۽ ان مقصد لاءِ دفاعي و غير ترقياتي بجيٽ جو هڪ حصو به مختص ڪيو ويو آهي.

چين-پاڪستان اقتصادي راهداري في الحال جيتوڻيڪ ڊرائنگ بورڊ تي آهي پر ان جي امڪاني تعمير تي مقدر چيني افرادي قرت جي تحفظ لاءِ هڪ خاص فوجي تنظيم جو ڍانچو اڳواٽ ئي گڏ ڪيو ويو آهي. پر گذريل ڏهن سالن دوران دهشت گردن هٿان هزارين تعليمي ادارن جي بربادي خاص ڪري آرمي پبلڪ اسڪول واري سانحي کانپوءِ لَونِ ٻوٽن کي بچائڻ لاءِ نيشنل ايڪشن پلان ۾ ڪهڙيون خاص ترجيحون رکيون ويون؟ شايد هڪ به نه.

آرمي پبلڪ اسڪول واري سانحي کانپوءِ چئني صوبن ۾ تعليمي ادارن جي امڪاني تحفظ لاءِ سوين حڪمناما، سرڪيولرز ضرور نڪتا، ڪنڊيدار تارن جي وڪري ۾ به ڪجهه عرصي لاءِ چڱو اضافو ٿيو، گهڻن تعليمي ادارن جون ڀتيون به ٻه کان ٽي فوٽ مٿي ٿيون.

جتي گيٽ تي هڪ خانگي چوڪيدار ڍَڪر کائيندو هو هاڻي ٻه ڍَڪر کائن ٿا ۽ انهن ”حفاظتي قدمن، جو گهڻو بارُ تعليم پرائيندڙ ٻارڙن جي والدين تي ئي وڌو ويو آهي. پر پوءِ به اهو ئي ٿيو، جيڪو ٿيندو آيو آهي. ڀرتيون ۽ اچڻيون وڃڻيون پساهه پورا ڪري ويون ۽ فرض ڪيو ويو ته هاڻي تڏهن ڏسنداسين جڏهن سانحو ٿيندو. ۽ نيٺ باچا خان يونيورسٽيءَ جي شڪل ۾ اهم سانحو ٿي ويو. اها ته دهشت گردن جي مهرباني آهي جو اهي پوئين پاسي کان ٽپا ڏئي آيا، چاهن ها ته مُک دروازي کان به آسانيءَ سان داخل ٿي پئي سگهيا.

اصل نيشنل ايڪشن پلان اهو هوندو جنهن ۾ ڪجهه خاص عمارتن ۽ خاص ماڻهن کي عام عمارتن ۽ عام ماڻهن ۾ تبديل ڪيو ويندو.

جاپان جي هوڪائدو ريلوي ڪمپنيءَ ٽي سال اڳ ڪامي تيراڪي ريلوي اسٽيشن لاءِ پنهنجي سروس نفعو نه ٿيڻ جي ڪري بند ڪرڻ جو فيصلو ڪيو. پر پوءِ اهو فيصلو ملتوي ڪيو ويو، ڇو جو ان اسٽيشن تان هڪ ٻارڙي اسڪول ايندي ويندي هئي، هاڻي هڪ ريل صبح جو ست لڳي، پنج منٽن تي صرف انهيءَ ننڍڙي مسافر لاءِ ايندي آهي ۽ وري شام جو پنجين وڳي ان کي واپس کڻي ايندي آهي.

ان ٻارڙيءَ جو تعليمي سال مارچ ۾ مڪمل ٿي ويندو ۽ 26 مارچ کانپوءِ ڪامي تيراڪي ريلوي اسٽيشن لاءِ هوڪائيدو ريلوي جي ريل گاڏي سروس بند ٿي ويندي. ايترين ڏکيائين سان پالينديون آهن ڪجهه قومون پنهنجي شاگردن کي…

(شايد جاپان جهڙن ملڪن کي ڪڏهن ضرب عضب جي ضرورت نه پئي)

 

 

ماني جي ڳڀي لاءِ پريشان عوام: اصغر ملاح (دادو)

ملڪ ۾ ايندڙ تبديليون غريب عوام جي قسمت تبديل ڪرڻ بدران سندن ڏک سور ٻيڻا ڪري رهيون آهن ملڪ ۾ آمريت هجي يا جمهوري سرڪار هجي غريب عوام جي قسمت تبديل نه ٿي آهي اڌ صدي کان وٺي وقت به وقت سياستدان غريب عوام کي نوان روپ ۽ نوان خواب ڏيکاريندا رهيا آهن غريب عوام جي تقدير بدلائي ڇڏيندا. کين روزگار، بنيادي سهولتون تعليم، صحت، پيئڻ جو صاف پاڻي درن تي انصاف فراهم ڪندا..توانائي جو بحران ختم ڪندا دهشتگردي جي پاڙ پٽيندا مهانگائي تي ڪنٽرول ڪندا اقتدار ۾ اچڻ بعد عوام سان ڪيل واعدا ۽ منشور وساري ڇڏيندا آهن وقت جا حڪمران به ماضي جي حڪمرانن جيان عوام کي فقط دلاسا ۽ آسرا ڏئي رهيا آهن ملڪي حڪمران صرف ذاتي مفادن کي وڌيڪ ترجيح ڏيندا ته پوءِ نتيجو اهو ئي نڪرندو جو دهشتگرد معصوم شهرين کي بارود سان اڏائيندا رهندا، شهرن مان ڀتاخوري ۽ ٽارگيٽ ڪلنگ جا واقعا زور وٺندا رهندا، ٻهراڙين ۾ اغوا ۽ ڪارو ڪاري رواج بڻجي ويندو، پوليس ڏوهارين کي کلي ڇوٽ ڏئي جوا، منشيات جا اڏا ۽ سمورا غيرقانوني ڪم پنهنجي نگراني ۾ هلائيندي رهندي ۽ حڪمران صرف پنهنجا پرڏيهي اڪائونٽ ڀرڻ لاءِ عالمي ادارن آڏو ڪشتو کڻي هميشه پنندا رهندا نتيجي ۾ ملڪ وڌ کان وڌ ڪنگال ۽ ڪمزور ٿيندو رهندو.

پاڪستان دنيا جي ترقي پذير ملڪن ۾ شامل آهي. ۽ پاڪستان کي پنهنجو حڪومتي ڪاروهنوار هلائڻ لاءِ عالمي مالياتي اداري کان قرض وٺڻو پوي ٿو. ۽ انهي قرض وٺڻ لاءِ پاڪستاني حڪومتي کي قرض ڏيندڙ عالمي مالياتي   ادارن جا ڳرا شرطه به قبول ڪرڻا پون ٿا. جنهن جو زو وري سڌوسنئون عوام تي پوي ٿو اسان جي ملڪ ۾ ڪرپشن ۽ سفارش عام جام آهي جنهن ملڪ ۾ ڪرپشن ۽ سفارش چوٽ چڙهيل هجي اهو ملڪ ڪڏهن به ترقي جي راهه طرف نه وڌندو سرڪاري ادارو ڪهڙو به هجي رشوت ان جي جڙ ۾ شامل آهي جيڪا نه ختم ٿي سگهي ٿي نه هن کي ڪنهن سرڪاري اداري يا سياستدان روڪڻ جي ڪوشش ڪئي آهي اسان جي ملڪ جا حڪمران ڪرپشن ڪندڙ ڪامورن خلاف قانوني ڪاروائي طرف ڌيان ڇونه ٿا ڏين وفاقي ۽ صوبائي سرڪار جي ماتحت مختلف کاتن جي من پسند ڪامورن سياسي ڀوتارن سرڪاري فنڊن جي ڀينگ ڪري ڇڏي آهي جن کان ڪير پڇڻ وارو ناهي سرڪار ادارا عوام جي ڀلائي بهتري لاءِ جوڙيندي آهي ته جيئن عوام انهن ادارن مان لاڀ حاصل ڪري سگهي اسان جي ملڪ   ۾ ڪيترائي ادارا جوڙيا ويا آهن. جيڪي عوام جي ڀلائي بهتري لاءِ هجن ٿا پر حڪومت ويٺل حڪمرانن چونڊيل نمائيدن ۽ سرڪاري ڪامورن جي ناهلي ڪن لاٽار ۽ ڪرپشن جي ڪري اهي ادارا تباهه ٿي رهيا آهن ادارن جون واڳون صحيح هٿن ۾ ناهن .

وفاقي صوبائي سرڪار جي ماتحت مختلف سرڪاري ادارن ۾ احتساب جي عمل جي کوٽ رهي آهي خاص طور تي پوليس کاتي ۾ اهو به سياست جي ور   چڙهي   پنهنجي ساک   متاثر   ڪرائي چڪو آهي اهو ئي سبب هوندو آهي جو جمهوري نظام هوندي به عام ماڻهن کي انصاف ناهي ملي سگهندو حڪمران متاثر ماڻهن سان انصاف ڪرڻ جون وڌيون خاطريون ڪرائين ٿا اڪثر اهڙين خاطرين تي عمل نه ٿيندو آهي ماڻهو ويچارا ناانصافين خلاف احتجاج ڪري ڪري ٿڪجيوپون ۽ نيٺ خاموشي اختيار ڪري وٺن ٿا پوليس جو کاتو بدانتظامي ڪرپشن ۽ ڇڙواڳي جي ور چڙهڻ سبب ماڻهن جي جان ۽ مال جي تحفظ ڪرڻ وارو پنهنجو فرض ته گهڻو اڳ وساري ويٺي آهي جنهن جي   ذميواري امن   برقرار رکڻ آهي پوليس جو کاتو وجود ۾ ان ڪري آيو آهي يا جنهن جو ڪم ئي عوام کي جان ۽ مال جو تحفظ فراهم ڪرڻ امن امان برقرار رکڻ آهي پوليس کاتي ۾ ٿاڻن جي وڏن منڇين کان وٺي ايس ايڇ اوز ڊي ايس پي سميت بالا آفيسرن جي سياسي بنياد تي مقررين سبب ڏوهن تي پوليس ڪنٽرول ڪرڻ ۾ ناڪام آهي پوليس انتظاميا جي ايماندار آفيسرن اهلڪارن پاران ڏوهارين خلاف ڪاروائي جي آغاز ٿيڻ ۽ گرفتار ٿيڻ ۽ گرفتار ٿيڻ بعد سياسي شخصيتن جي ٽيليفونن کان وٺي پرسنل سيڪريٽرين پارٽي اڳواڻن جي مداخلت جو سلسلو شروع ٿي وڃي ٿو جنهن سبب پوليس تحيقيقات ڪرڻ کان اڳ ئي جوابدار مان هٿ ڪڍيو وڃي ٿي ان سبب پوليس خانه پوري کان اڳتي وڌي ڪو نه ٿي جنهن سبب ڏوهارين ڌاڙيلن منشيات فروشن جو ڏينهون ڏينهن اضافو ٿيندي نظر اچي رهيو آهي وڏو ڪارڻ ادارن ۾ سياسي مداخلت آهي ڪٿي ايماندار آفيسر کي هفتو به ٽڪڻ نٿو ڏنو وڃي اهڙي صورتحال ۾ ڪيئن امن قائم ٿيندو سرڪار کي گهرجي ته سنڌ جي ننڍن وڏن شهرن ڳوٺن ۾ ڏوهارين، ڦورن، قاتلن، دهشتگردن منشيات فروشن خلاف بنا فرق جي آپريشن ڪري عوام کي تحفظ ۽ بنيادي حق فراهم ڪندڙ پوليس کي سياست کان پاڪ ڪيو وڃي ماڻهو سک جو ساهه کڻي سگهن ۽ پنهنجي زندگي پرسڪون گذاري سگهن ڪرپشن سبب سرڪاري ادارن کي پنهنجي اکين آڏو تباهه ۽ برباد ٿيندي سالن کان  ڏسندا رهيا آهيون سرڪاري قومي ادارن  ۾ ڪرپشن  ۽ تباهي جي لقاءِ تي ملڪ جو عوام احتجاج ڪري ڳڻتي جو اظهار هر دور ۾ ڪندو رهيو آهي جيڪر هاڻي به سرڪاري ادارن ۾ من پسند عملدار مسلط رهيا ته  پوء ملڪ ۽ عوام جو ڇا ٿيندو ڇو ته اهي سرڪاري وفاقي ۽ صوبائي سرڪاري ادارا ڪو رات وچ ۾ ته  نه ٺهيا آهن جو ڪرپشن ڪندڙ من پسند ڪامورن لاءِ  هر دور ۾ درگذر جو مظاهرو ڪيو ويندو  رهيو آهي. عوام جي رت ۽ پگهر جي  پورهئي يعني ٽيڪس مان پگهارون کڻندڙ مراعتون حاصل ڪندڙن هر وقت سرڪاري ملازمن ڪڏهن به پاڻ کي عوام جو خادم نه پرهميشه حاڪم سمجهيو آهي.

عام خلق آزار ۾ اچي وئي. عوام دانهيو آهي ته اسيمبلين ۾ ويٺل 80 / 70 سيڪڙو سياستدان يا ته جاگيردار صنعتڪار آهن پر اهي ان باوجود ڪو به ٽيڪس نٿا ڀرين لکن جي جاءَ تي چند هزار ئي ٽيڪس ڀريندا آهن اڪثر سياستدانن صنعتڪارن ۽ واپارين کان ٽيڪس وٺڻ وقت اکيون بند ڪيون وينديون آهن بجيٽ جي کوٽ کي پورو ڪرڻ لاءِ اڪثرعوام تي ٽيڪس جا سڀ بار وڌايا ويندا آهن هتان جو غريب عوام جيڪو بک بي روزگاري جي ڪري فاقا ڪشي۽ بدحالي جو شڪار آهي غريب ماڻهو توڙي سندس ٻچا تن تي صحيح ۽ سالم ڪپڙا پهرڻ لاءِ سڪي رهيا آهن ته مٿان وري روزانو وڌندڙ ٽيڪس عوام لاءِ عذاب بڻيل آهن وقت جي حڪومت عوام جي جائز مسئلن جي حل ڪرڻ لاءِ ڪي به عملي قدم نه کنيا آهن جيڪي کڻڻ گھرجن ها ٻن ويلن جي ماني لاءِ پريشان عوام روز دانهين ٿو حڪمرانن کي عوام جي تڪليفن جو ذور به احساس نه آهي حڪمران سياستدان اقتدار جي ننڊ ۾ چور آهن جيڪي غريب عوام جي ووٽن تي چونڊجي اقتداري اعوانن تي پهتا آهن جيڪي غريب عوام جو ڏک درد پنهنجو ڏک درد نه ٿا سمجھن نه ئي محسوس ڪن ٿا نه ئي هارين پورهيتن مزدورن کي تڪليفن ۽ ڏکن جي دٻڻ مان ڪڌڻ جي ڪوشش نه ٿا ڪن ته مهانگائي بيروزگاري سبب غربت ۾ پسجندڙ عوام بک بدحالي جو ڏينهون ڏينهن شڪار ٿيندو پيو وڃي عام ماڻهو هاري، مزدور، پورهيت، ننڍو ملازم، ۽ آبادگار ”آڻين ۽ چاڙهين ٿا مسڪيني واري حال تي پهتل آهن مهاناگائي بيروزگاري سبب هيٺيون طبقو ٻن ويلن جي ماني جي ڳڀي لاءِ دربدر ۽ پريشان آهن کاڌي پيتي جي استعمال جي روز مره جي شين جي اگھن ۾ مسلسل واڌ خلاف هر روز دانهين ٿا، ڏسندي ئي ڏسندي کاڌي ۽ عام واهپي جون شيون ايتريون مهانگيون ٿي ويو آهن جو اهي عام ماڻهن جي قوت خريد کان گهڻو مٿي ٿي ويون آهن جنهن جي ڪري غريب عوام جون زندگيون ڏکيون بڻجي ويون آهن پاڪستان هڪ زرعي ملڪ هئڻ جي باوجود عام ماڻهن پنهنجي خوراڪ گهٽا ئي ڇڏي آهي غريب عوام غربت سبب اڄ ڪلهه ٽي ويلا ماني کائڻ بجاء به ويلا کائي وقت ٽپائي رهيا آهن عوام ۾ غربت بک بدحالي عروج تي آهي ملڪ اندر مهانگائي جي بي قابو جن کي حڪومت قابوڪرڻ ۾ مڪمل طور تي ناڪام ٿي وئي آهي هن وقت ملڪ جي 60 سيڪڙو عوام جي آبادي غربت واوي لڪير کان هيٺائين واري زندگي گذارڻ تي مجبور آهي دهشتگردي بجلي ۽ گئس جي لوڊشيڊنگ سخت مهانگائي بيروزگاري ۽ ٻين مسئلن جا انبار آهن ملڪ ۾ ڪو هڪ مسئلو به ناهي بلڪه سڄو ملڪ مسئلن جي ور چڙهيل آهي وڌيڪ بدترين ڏينهن اچڻ کان اڳ اسان کي پاڻ کي سڌارڻو پوندو جيڪا وقت جي ضرورت آهي هن وقت پاڪستان کي سياسي جمهوري ترقي جي راهه تي آڻڻ وقت جي اهم ضرورت آهي اسان سڀني کي ملڪ جي قانون قائدن تي هلڻ جي سخت ضرورت آهي ته پوءِ اُن ۾ شڪ نه آهي ته ترقي خوشحالي اسان جي ملڪ جو مقدر هوندي. اچو ته پاڻ کي بدلائڻ جي ابتدا ڪريون هي وقت ملڪ جي جڙيل قانون ۽ آئين تي هلڻ جو آهي هاڻي ملڪ جو مستقبل ۽ حالتون غير يقيني ڪرپشن، دهشتگردي، محاذ آرائي کي برداشت ڪرڻ جي سگهه نه آهي ان ڪري حڪومت کي وڌ مان وڌ عوامي فيصلا ڪرڻا پوندا نه ته سندن ساک متاثر ٿي ويندي. پاڪستان جو عوام پنهنجي رت ۽ پگهر جي پورهئي مان حڪومت کي ٽيڪس ادا ڪري ٿو اهو ملڪ جو عوام اڳتي وڌڻ چاهي ٿو حڪمرانن کي عوام جي حالت تي رحم ڪرڻ گهرجي ۽ ملڪ اندر مهانگائي توڙي ڪرپشن جي خاتمي سميت عوام جي بهتري لاءِ جامع پاليسي جوڙي اثرائتا قدم کڻڻ گهرجن

Email: mallah asghar @ yahoo . com

 

 

باچا خان يونيورسٽِي تي حملو ڪنهن ڪرايو ؟، ڇا ثبوت ملي ويا.؟

افغانستان جي سڀ کان وڏي ڳجهي اداري جي اڳوڻي سربراهي ڀارتي قونصليٽ جي حڪم تي حملو ڪرايو پاڪستان باچاخان يونيورسٽي تي حملي جا ثبوت گڏ ڪري ورتا ذريعن مطابق افغانستان جي ڳجهي ايجنسي، نيشنل ڊائريڪٽوريٽ آف سيڪيورٽي جو اڳوڻو سربراهه رحمت الله نبيل جيڪو افغان صدر جي پاڪستان جي دوري تي احتجاجن مستعفي ٿي ويو هو هن چارسده يونيورسٽي تي حملو ڪرايو پاڪستان تي اڳوڻي اين ڊي ايس چيف جي باچاخان يونيورسٽي تي حملي ۾ سنواسڌا ملوث هئڻ جا ثبوت ملي ويا رحمت الله نبيل کي افغانستان ۾ ڀارتي قونصليٽ پاڪستان ۾ حملي لاءِ ٽاسڪ ڏنو هو جنهن تي هن حملي لاءِ ملان عمر منصور کان حملي آور گهريا جڏهن ته معاوضو به ان ئي طئي ڪيو. اڳوڻو اين ڊي ايس چيف افغانستان ۾ موجود ڪالعدم تحريڪ طالبان سربراهه ملان فضل الله تي ڪافي اثر رسوخ رکي ٿو جڏهن ته ان جا ڀارتي قونصليٽ سان به ان جا ڪافي ويجها واسطا آهن.

پاڪستان، چار سده ۾ باچا خان يونيورسٽيءَ تي حملي ۾ افغانستان جي ڌرتي استعمال ٿيڻ جا ثبوت افغان اختيارين کي ڏئي ڇڏيا. چيف آف آرمي جنرل راحيل شريف افغان سرڪار کان مدد پڻ گهري آهي، چيف آرمي اسٽاف جنرل راحيل شريف افغان صدر اشرف غني، چيف ايگزيڪيوٽو عبدالله عبدالله ۽ افغانستان ۾ آمريڪي فوج جي ڪمانڊر سان ٽيليفون تي رابطو ڪيو. آءِ ايس پي آر موجب، جنرل راحيل شريف چارسده ۾ يونيورسٽي ۾ حملي بابت افغان صدر،چيف ايگزيڪيوٽو عبدالله عبدالله ۽ آمريڪي فوج جي ڪمانڊر سان معلومات شيئر ڪئي. پاڪ فوج جي ترجمان موجب جنرل راحيل شريف مٿن واضع ڪيو ته چارسده حملي ۾ افغان ڌرتي استعمال ٿيڻ جا ثبوت مليا آهن.جنرل راحيل شريف جو چوڻ هو ته چار سده ۾ حملي کي  افغانستان مان هڪ جاءِ تان ڪنٽرول ڪيو ويو. هن چيو ته دهشتگردن وٽان افغانستان جون موبائل فون سمون هٿ آيون آهن. جنرل راحيل شريف چيو ته پابندي مڙهيل تنظيم تحريڪ طالبان جو هڪ اڳواڻ دهشتگردن کي موبائل فون ذريعي مسلسل هدايتون ڏئي رهيو هو. هن افغان قيادت تي زور ڀريو ته اها دهشتگردن کي ڳولڻ ۽ نشانو بڻائڻ لاءِ سهڪار ڪري. ٻئي طرف آرمي چيف جنرل راحيل شريف جي صدارت هيٺ جي ايڇ ڪيو ۾ اعليٰ سطحي اجلاس به ٿيو جنهن ۾ ڊي آءِ ايس آءِ ليفٽيننٽ جنرل رضوان اختر سميت پرنسپل اسٽاف آفيسرن شرڪت ڪئي. اجلاس ۾ باچا خان يونيورسٽي سانحي تي غور ويچار ڪيو ويو. سانحي ۾ ملوث عناصر بابت سمورين شاهدين ۽ ڄاڻ بابت به آرمي چيف کي بريفنگ ڏني وئي. ذريعن موجب پاڪستان حملي لاءِ افغان سرزمين استعمال ڪرڻ جو معاملو سفارتي ۽ فوجي سطح تي اٿاريندو ان حوالي سان پرڏيهي آفيس کي به ڄاڻ ڏني وئي آهي.

 

دهشتگردن خلاف ڪامياب جنگ وڙهي رهيا آهيون، ڀڄندڙ دهشتگردن يونيورسٽي تي حملو ڪيو: نواز شريف

ڊيوس (اين اين آءِ) وزيراعظم محمد نواز شريف چيو آهي ته انتهاپسندي ۽ دهشتگردي اسان کي ورثي ۾ مليل آهن، ضرب عضب جا بهترين نتيجا اڳيان اچي رهيا آهن، ڀڃندي دهشتگردن چار سده ۾ يونيورسٽي کي نشانو بڻايو، اقتصادي راهداري رٿا سان پاڪستان سميت خطي کي فائدو ٿيندو، ملڪي ۽ پرڏيهي سيڙپڪار وڌندي، خميس تي عالمي اقتصادي فورم جي سالياني اجلاس کي خطاب ڪندي هن چيو ته دهشتگردن جي خلاف ڪامياب جنگ وڙهي رهيا آهيون ۽ هاڻ دهشتگرد ڀڃي رهيا آهن، ڀڃندي دهشتگردن چار سده ۾ يونيورسٽي کي نشانو بڻايو، پاڪستان دهشتگردي جي جنگ خلاف وڏيون قربانيون ڏنيون آهن، دهشتگردي جي خاتمي لاءِ آپريشن ضرب عضب شروع ڪيو ويو جنهن جا بهتر نتيجا اچي رهيا آهن، وزيراعظم چيو ته پاڪستان کي دهشتگردي، معيشت، توانائي سميت جهڙا ٽئي وڏا چيلينجز اڳيان آهن، اقتصادي راهداري رٿا سان پاڪستان سميت خطي کي فائدو ٿيندو، ملڪي ۽ پرڏيهي سيڙپڪاري ۾ اضافو ٿي رهيو آهي، هن چيو ته حڪومتي پاليسين سبب اقتصادي محاذ تي ڪاميابي ملي آهي.

 

افغان قيادت دهشتگردن کي انجام تائين پهچائڻ لاءِ سهڪار ڪري: آرمي چيف

راولپنڊي (بيورو) پاڪستان، چار سده ۾ باچا خان يونيورسٽيءَ تي حملي ۾ افغانستان جي ڌرتي استعمال ٿيڻ جا ثبوت افغان اختيارين کي ڏئي ڇڏيا. چيف آف آرمي جنرل راحيل شريف جو چوڻ آهي ته افغان قيادت دهشتگردن کي انجام تائين پهچائڻ لاءِ سهڪار ڪري. چيف آرمي اسٽاف جنرل راحيل شريف افغان صدر اشرف غني، چيف ايگزيڪيوٽو عبدالله عبدالله ۽ افغانستان ۾ آمريڪي فوج جي ڪمانڊر سان ٽيليفون تي رابطو ڪيو. آءِ ايس پي آر موجب، جنرل راحيل شريف چارسده ۾ يونيورسٽي ۾ حملي بابت افغان صدر،چيف ايگزيڪيوٽو عبدالله عبدالله ۽ آمريڪي فوج جي ڪمانڊر سان معلومات شيئر ڪئي. پاڪ فوج جي ترجمان موجب جنرل راحيل شريف مٿن واضع ڪيو ته چارسده حملي ۾ افغان ڌرتي استعمال ٿيڻ جا ثبوت مليا آهن.جنرل راحيل شريف جو چوڻ هو ته چار سده ۾ حملي کي  افغانستان مان هڪ جاءِ تان ڪنٽرول ڪيو ويو. هن چيو ته دهشتگردن وٽان افغانستان جون موبائل فون سمون هٿ آيون آهن. جنرل راحيل شريف چيو ته پابندي مڙهيل تنظيم تحريڪ طالبان جو هڪ اڳواڻ دهشتگردن کي موبائل فون ذريعي مسلسل هدايتون ڏئي رهيو هو. هن افغان قيادت تي زور ڀريو ته اها دهشتگردن کي ڳولڻ ۽ نشانو بڻائڻ لاءِ سهڪار ڪري. ٻئي طرف آرمي چيف جنرل راحيل شريف جي صدارت هيٺ جي ايڇ ڪيو ۾ اعليٰ سطحي اجلاس به ٿيو جنهن ۾ ڊي آءِ ايس آءِ ليفٽيننٽ جنرل رضوان اختر سميت پرنسپل اسٽاف آفيسرن شرڪت ڪئي. اجلاس ۾ باچا خان يونيورسٽي سانحي تي غور ويچار ڪيو ويو. سانحي ۾ ملوث عناصر بابت سمورين شاهدين ۽ ڄاڻ بابت به آرمي چيف کي بريفنگ ڏني وئي. ذريعن موجب پاڪستان حملي لاءِ افغان سرزمين استعمال ڪرڻ جو معاملو سفارتي ۽ فوجي سطح تي اٿاريندو ان حوالي سان پرڏيهي آفيس کي به ڄاڻ ڏني وئي آهي.

 

سنڌ جي ورهاڱي بابت سوچڻ کي به پ پ ڏوهه سمجهي ٿي: مولابخش چانڊيو

ڪراچي (اسٽاف رپورٽر) سڌ سماءَ بابت وڏي وزير جي صلاحڪار مولا بخش چانڊئي چيو آهي ته پ پ سنڌ جي ورهاڱي بابت سوچڻ کي ڏوهه سمجهي ٿي ۽ سنڌ ۾ مستقل رهندڙن کي سنڌي سمجهون ٿا. ڪراچي ۾ پ پ ميڊيا سيل تي پريس ڪانفرنس ڪندي مولا بخش چانڊئي چيو ته هٿ کڻي ووٽ ڏيڻ سان ايم ڪيو ايم جي پريشاني ۾ گهٽتائي ايندي اهڙي بل تي متحده جو احتجاج اجايو آهي. هن چيو ته متحده سان جنگ نه پر اختلاف آهن . مولا بخش چانڊيو چيو ته ٿر جي صورتحال انساني معاملو آهي ان تي اجائي دانشوري نه ڪرڻ گهرجي. صوبائي صلاحڪار چيو ته پ پ حڪومت خلاف اجائي واويلا ڪئي وڃي ٿي ۽ ميڊيا کي امن امان ۾  وفاق جي ناڪامي نظر ڇو نٿي اچي.مولا بخش چانڊيو چيو ته نواز شريف جي جن به پارٽين دوستي هوندي آهي انهن خلاف گهٽ ڳالهائيندو آهي ۽ ميان صاحب طالبان خلاف به نه ڳالهائيندو آهي.

 

اسان تي تنقيد ڪرڻ وارا اڄ پاڻ تي 500 ارب جو قرض وڌائي چڪا آهن: خورشيد شاهه

اسلام آباد (اين اين آءِ) قومي اسيمبلي ۾ مخالف ڌر اڳواڻ خورشيد شاهه چيو ته جڏهن به لوڊشيڊنگ يا چوري جي ڳالهه اچي ٿي ته ننڍن صوبن جي ڳالهه شروع ڪئي وڃي ٿي اسان بجلي چوري جا حامي نه آهيون سٺو آهي ايوان جي هڪ ڪميٽي جوڙي وڃي ته جيئن خبر پوي ته ڪير ڪٿي چوري ڪري رهيو آهي ۽ لوڊشيڊنگ ڪيتري ٿي رهي آهي قومي اسيمبلي۾ خيالن جو اظهار ڪندي خورشيد شاهه چيو تهس ڀني کي برابر حق حاصل آهن پر لوڊشيدنگ جي معاملي ۾ ايئن ڪيو پيو وڃي جيڪو چوري ڪري ان جي بجلي ڪٽيو ان کي گرفتار ڪيو هن مطالبو ڪيو ته هن هائوس جي هڪ ڪميٽي جوڙي وڇي جيڪا سنڌ ۽ پنجاب جي بجلي چوري جي ڀيٽ ڪري هاڻي هن راند کي ختم ٿيڻ گهرجي بس اهو ئي اپوزيشن جو مطالبو آهي هن چيو ته 2012 تائين ڪروڊ آئل جي قيمت 109 ڊالر في بيرل هئي ۽ بجلي جي قيمت 8 رپيا 11 پئسا في يونٽ هئي هن وقت به بجلي جي قيمتن کي وڌائڻ بدران ان کي روڪيو هن چيو ته اسان تي اعتراض ڪندڙ اڄ خود گردشي قرض 500 ارب کان وڌائي چڪا آهن.

 

باچا خان يونيورسٽي سانحو، فضا سوڳوار، قومي جهنڊو جهڪيل، شهيدن جو انگ 21 ٿي ويو، ڪيس داخل

پشاور(اي پي پي) چارسده جي باچا خان يونيورسٽي تي حملي جو هڪ وڌيڪ زخمي فوت ٿي ويو جنهن کان پوءِ شهيدن جو انگ 21 ٿي ويو. مهمند ايجنسي سان تعلق رکندڙ محمد اياز ليڊي ريڊنگ اسپتال ۾ علاج هيٺ هو جيڪوزخمن جي سٽ نه سهڻ سبب فوت ٿي ويو. سانحي جو ڪيس دهشتگردي جي انت بابت مردان ۾ سر ڍيري ٿاڻي جي ايس ايچ او جي مدعيت ۾ داخل ڪيو ويو آهي. هڪ ڏينهن اڳ باچا خان يونيورسٽي چارسده جي سانحي سان خيبرپختونخوا سميت ملڪ ۾ فضا سوڳوار آهي ۽ هر طرف اداسي ڇانئيل آهي. سڄي ملڪ ۾ خميس تي قومي جهنڊو جهڪيل رهيو، خيبرپختنوخوا حڪومت ٽن ڏينهن جي قومي سڳو جو اعلان ڪيو آهي. صوبائي حڪومت جي هدايت تي چارسده سميت سڄي صوبي ۾ تعليمي ادارا کليل رهيا ۽ مختلف شهرن جي اسڪولن ۾ شهيدن لاءِ دعا جو تقريبون منعقد ڪيون ويون. چارسده سانحي جي ڏک ۾ صوبائي اسيمبلي، اهم سرڪاري، نيم سرڪاري ۽ خود مختيار ادارن جي عمارتن تي قومي جهنڊو جهڪيل آهي.ا

 

چارسده سانحي جي جاچ مڪمل ٿيڻ تائين نتيجو ڪڍڻ صحيح ناهي: پرڏيهي ترجمان

اسلام آباد (اين اين آءِ) پاڪستان چيو آهي ته چارسده سانحي جي جاچ مڪمل ٿيڻ تائين ڪو نتيجو ڪڍڻ صحيح نه آهي پاڪستان ۽ آمريڪا جا مضبوط ۽ ويجها لاڳاپا آهن پاڪ ڀارت پرڏيهي سيڪريٽري ملاقات جي تاريخ جلد طئي ڪئي ويندي وزيراعظم جي سعودي عرب ۽ ايران جي دوري جو مقصد ٻنهي ملڪن ۾ ڇڪتاڻ گهٽائڻ هو پرڏيهي آفيس جي ترجمان قاضي خليل الله هفتيوار بريفنگ ڏيندي چيو ته چارسده واقعي جي سخت مذمت ڪيون ٿا واقعي جي جاچ ٿي رهي آهي مڪمل جاچ کان اڳ ڪجهه به چوڻ درست نه آهي اسان جون همدرديون متاثر ڪٽنبن سان آهن ۽ زخمين جي جلد صحيابي لاءِ دعاگو آهيون هن چيو ته پاڪستان ۽ ڀارت هڪٻئي سان رابطي ۾ آهن پاڪ ڀارت پرڏيهي سيڪريٽري ملاقات جي تاريخ جلد طئي ڪئي ويندي افغانستان سان مختلف معاملن تي رابطي ۾ رهون ٿا ۽ پاڪ افغان ملتريز رابطا جاري آهن. قاضي خليل الله چيو ته ڏکڻ اتر گئس پائيپ لائين رٿا جي تعمير پيٽروليم وزير جي روس جي دوري جي ايجنڊا ۾ سرفهرست آهي بريفنگ جي آغاز تي باچاخان يونيورسٽي جي شهيدن لاءِ فاتحه خواني ڪئي ويئي.

 

هلندڙ اجلاس ۾ خواجه آصف جي داخلا تي پابندي، هڪ فرد ايوان کي يرغمال نٿو بڻائي سگهي: سينيٽ چيئرمين

اسلام آباد (اين اين آءِ) چيئرمين سينيٽ ميان رضا رباني اجلاس جي ڪارروائي ۾ خلل سبب بڻجڻ تي وفاقي وزير خواجه آصف جي هلندڙ اجلاس ۾ ايوان ۾ داخلا تي پابندي مڙهي ڇڏي ۽ چيو ته وزير ايوان ۾ نه اچي ۽ لکت ۾ جواب اماڻي، نئين پارلياماني روايت وجهڻ جي ڪوشش ڪئي پئي وڃي، ايوان کي يرغمال نه بڻجڻ ڏيندس، حڪومتي وزيرن جي معاملي کي ٿڌو ڪرڻ جون ڪوششون ڪامياب نه ٿي سگهيون، خميس تي سينيٽ جي اجلاس ۾ بچاءَ واري وزير پاران 31 ڊسمبر 2015 تي ڏنل بيان تي بحث جيڪو چيف آرمي اسٽاف پاران ڪيل افغانستان جي دوري بابت آهي، ان تي بحث ٿيڻو هو پر اپوزيشن ليڊر سينيٽر اعتزاز احسن اعتراض ڪيو ته وفاقي وزير دفاع ايوان ۾ ناهي ٻڌايو وڃي، بچاءَ واري وزير کي آرمي چيف پنهنجي دوري تي بريفنگ ڏني، يا ڪنهن اسٽاف آفيسر ڏني، انکانپوءِ ئي بحث ۾ حصو وٺندس، هن چيو ته پارليامينٽ ۾ جيڪو به بيان ڏنو وڃي ٿو ان جو صحيح ۽ درست هئڻ لازم آهي، ٻڌل ڳالهين تي بچاءَ واري وزير بريفنگ ڏني ته پوءِ اسان ان تي بحث ڪرڻ لاءِتيار نه آهيون، جيڪڏهن ان جو سڌو سنئون آرمي چيف سان دوري تي خيالن جي ڏي وٺ ٿي آهي ته ايوان ۾ ٻڌائي ۽ هو هيءَ وضاحت خود ڪري، ان کانسواءِ ڪوئي نٿو ڏئي سگهي، جنهن تي عابد شير علي اٿي بيٺو ۽ هن چيو ته خواجه آصف مون کي چئي ويو آهي ته بحث شروع ڪرايو وڃي مان پوائنٽس نوٽ ڪندس، جنهن کانپوءِ لکت ۾ ايوان کي جواب کان آگاهه ڪيو ويندو، جنهن کانپوءِ چيئرمين سينيٽ چيو ته هڪ فرد ايوان کي يرغمال نٿو بڻائي سگهي، بچاءَ واري وزير کي معلوم هو ته اڄ ڪارروائي ۾ ان بابت ايجنڊا آهي، سيڪريٽريٽ به کيس باقائده طور تي آگاهه ڪيو هو، مان 10 منٽن لاءِ اجلاس ملتوي ڪريان ٿو ان کانپوءِ ڳالهه ٻولهه ڪئي ويندي، ان دوران حڪومتي ميمبر غور لاءِ ويهي رهيا، هڪٻئي سان صلاح مشورا ڪندا رهيا، ان کانپوءِ اجلاس ٻيهر شروع ٿيو ته سينيٽر مشاهد الله خان، عابد شير علي، اقبال ظفر جهڳڙا ۽ شيخ آفتاب احمد پنهنجن سينٽن تي اٿي بيٺا ۽ چيو ته مان به وزير کي تلاش نه ڪري سگهيس، ان دوران مشاهد الله خان چيو ته عابد شير علي بچاءَ واري وزير کي تلاش ڪرڻ جي ڪوشش ڪئي پر هو نه مليو جنهن تي چيئرمين سينيٽ چيو ته لکت ۾ جواب ڏيڻ جي نئين پارلياماني روايت وجهڻ جي ڪوشش ڪئي پئي وڃي، اڳ ڪڏهن ائين ناهي ٿيو جنهن تي عابد شير علي چيو ته اوهان بحث شروع ڪرايو پوائنٽس وٺون ٿا، بچاءَ وارو وزير ان جو جواب ڏيندو، جنهن تي چيئرمين سينيٽ ڪاوڙ جو اظهار ڪيو، ان دوران شيخ آفتاب کان پڇندو رهيو ته هو ڇا ڪري، حڪومتي ميمبرن چيئرمين سينيٽ کي مطمئن ڪرڻ جي ڪوشش ڪئي ۽ چيو ته اوهان بحث کي جمعي تائين ملتوي ڪرڻ، بچاءَ واري وزير اچ بحث ختم ڪندو پر چيئرمين سينيٽ آئين جا رولز پڙهي ٻڌائي ان دوران چوڌري تنوير احمد چيو ته چيئرمين سينيٽ هميشه قانون جي بالادستي کي مٿي رکيو آهي ڪجهه معاملا اهڙا هوندا آهن جو ويجها ماڻهو رابطي ناهن هوندا، ملڪ حالت جنگ ۾ آهي، وزيراعظم ۽ آرمي چيف دورا ڪري رهيا آهن، جيڪڏهن هي بحث جمعي تي ٿي وڃي ته ڪو حرج ناهي، 4 وفاقي وزير موجود آهن، پوائنٽ نوٽ ڪئي ويندي ۽ وزير بچاءَ جواب ڏيندو پر ان دوران اپوزيشن ميمبر نو نو جا نعرا هڻڻ شروع ڪيا جنهن کانپوءِ چيئرمين سينيٽ چوڌري تنوير کي ويهڻ لاءِ چيو ته ۽ هن رولنگ ڏني ته بچاءَ واري وزير سبب ايوان جي ڪارروائي ۾ رنڊڪ پئي آهي، وزيرن جي عدم موجودگي تي پهريان به ڪيترائي ڀيرا رولنگ ڏئي چڪو آهيان، 31 ڊسمبر تي بچاءَ واري وزير بيان ڏنو جنهن کانپوءِ ايوان فيصلو ڪيو ته ان تي بحث ٿيندو، بچاءَ واري وزير رابطي جو اظهار ڪيو ۽ 2 ڏينهن جو وقت گهريو، هلندڙ اجلاس کان اڳ بچاءَ واري وزير کي آگاهه ڪيو ويو هو، ان کانپوءِ 20 جنوري تي به اطلاع ڏنو ويو هو ته 21 جنوري تي بحث اينجنڊا ۾ شامل ٿيندو، هن چيو ته مان اجلاس جي آغاز ۾ وزيرن جي مصرورفيتن تي 30 منٽ اجلاس ملتوي ڪيو، بعد ۾ 10 منٽن لاءِ معطل ڪيو ۽ هڪ موقعو ان کي ڏنو ته ان سان رابطو ڪري سگهجي پر پاڻي ۽ بجلي جي وزير ٻڌايو ته بچاءَ واري وزير سان ڪو به رابطو نه ٿيو آهي، رولنگ جي مسلسل خلاف ورزي ڪئي پئي وڃي، هن قائدن ۾ موجود اختيار پڙهي ٻڌايا، هلندڙ اجلاس ۾ خواجه آصف جي ايوان ۾ داخلا تي پابندي مڙهي، جنهن کانپوءِ چيئرمين ميان رضا رباني اجلاس جمعي جي صبح 10 وڳي تائين ملتوي ڪري ڇڏيو.