تازيون خبرون
ڪاري ناڻي کي اڇو ڪرڻ جو موقعو، وفاقي ڪابينا ايمنسٽي اسڪيم جي منظوري ڏئي ڇڏي - ڪشمور: مسافر وين کي باهه،3 عورتن ۽ ٻارڙي سميت 5 ڄڻا سڙي فوت، 6 زخمي - حڪومتي ادارا سياسي انتقام لاءِ استعمال ٿي رهيا آهن: ن ليگ - سنڌ اسيمبلي ۾ رڳو هڪٻئي جا پٽڪا لاهڻ لاءِ بحث ٿيندو آهي: سنڌ هاءِ ڪورٽ - سڌ سماءِ صلاحڪار جي صدر سان ملاقات، صدر ميڊيا جا مسئلا حل ڪرڻ بابت ذميواري ڏني آهي: فردوس عاشق اعواڻ - آمريڪا پاڪستان تي ڪا ويزا پابندي نه لڳائي آهي، ميڊيا ۾ ڪوڙيون خبرون آيون هيون: شاهه محمود قريشي - حڪومت شهرين جي حفاظت بدران سياسي انتقام ۾ رُڌل آهي: آصف زرداري - پاڪستان پن بجلي جي پيداوار صلاحيت ۾ تازي واڌ جي حوالي سان سڄي دنيا ۾ ٽئين نمبر تي رهيو: رپورٽ جاري - انجينئر امير مقام جي پٽ ۽ سئوٽ جي گرفتاري جي مذمت، ٻه نمبري نئون پاڪستان نه کپي : شهباز شريف - ڪراچي مان ٻه مهينا اڳ پراسرار نموني گم ٿي ويل ايم بي بي ايس جي شاگردياڻي عروج صديقي جي ڊرامائي انداز ۾ گهر واپسي

Daily Archives: January 19, 2016

مٽيار جي تڪ اين اي 218 تي پ پ اميدوار مخدوم سعيد الزمان 8404 ووٽ کڻي ڪامياب، غير سرڪاري نتيجا

مٽياري (ڊ ر) مٽياري جي تڪ اين اي 218 جي چونڊ ۾ پ پ اميدوار مخدوم سعيد الزمان ڪامياب ٿي ويو، خابرو ادارن موجب تڪ جي 17 پولنگ اسٽيشنن جي نتيجن موجب پاڪستان پيپلز پارٽي جو اميدوار مخدوم سعيد الزمان کي 8404 ۽ مجلس وحدت المسلمين جي اميدوار شاهه فرمان کي صرف 1018 ووٽ مليا آهن، ياد رهي ته اها سيٽ پ پ اڳواڻ مخدوم امين فهيم جي لاڏاڻي تي خالي ٿي هئي، جنهن کان پوءِ ان تڪ تي چونڊ ڪرائي وئي. ٻئي طرف مٽياري جي تڪ اين اي 218 تي ننڍي چونڊ ۾ آزاد اميدوار ڌانڌليءَ جو الزام هڻي چونڊن جو بائيڪاٽ ڪري ڇڏيو. مٽياري جي تڪ اين اي 218 تي ننڍي چونڊ ۾ آزاد اميدوار اشرف نوناريءَ، مخدوم هائوس ۽ اليڪشن ڪميشن تي ڌانڌليءَ جو الزام هڻي چونڊن جو بائيڪاٽ ڪري ڇڏيو. اين اي 218 تي ننڍي چونڊ ۾ ووٽنگ عمل پورو ٿيڻ کان رڳو 2 ڪلاڪ اڳ مٽياري پريس ڪلب تي پريس ڪانفرس ڪندي آزاد اميدوار اشرف نوناري چيو ته پ پ اميدوار سرڪاري مشينري استعمال ڪري رهيا آهن. هن چيو ته اليڪشن ڪميشن تي مڪمل طور پ پ اميدوارن جي اثر هيٺ آهي. اشرف نوناري چيو ته ضلعي ۾ تمام گهٽ ووٽ ڪاسٽ ٿيا ۽ سرعام ڌانڌلي ڪئي پئي وڃي. سندس چوڻ هو ته پ پ طرفان اهڙو اميدوار بيهاريو ويو آهي جيڪو لطيف جي فڪر جو انڪاري آهي. اشرف نوناريءَ چيو ته ڌانڌلين ۽ سرڪاري مشينري استعمال ٿيڻ سبب هو چونڊ جو بائيڪاٽ ڪن ٿا، انصاف لاءِ عدالت جو در کڙڪايو ويندو.

 

ڪراچي: سپر هاءِ وي تي ڊمپر جو رڪشا کي ٽڪر، 5 ماڻهو اجل جو شڪار

ڪراچي (اي پي پي) ڪراچي سپر هاءِ وي تي ڊمپر ٽرڪ ۽ رڪشا ۾ ٽڪر جي نتيجي ۾ 5 ماڻهو اجل جو شڪار ٿي ويا. پي ٽي وي جي رپورٽ موجب گذريل ڏينهن صبح ڪراچي سپر هاءِ وي گلشن حديد جي هنڌ تي تيز رفتار ڊمپر رڪشا تي چڙهي وئي جنهن جي نتيجي ۾ 5 ماڻهو موقعي تي اجل جو شڪار ٿي ويا. پوليس موجب اجل جو شڪار ٿي ويلن جا لاش جناح پوسٽ گريجوئيٽ منتقل ڪري واقعي جي جاچ شروع ڪئي وئي آهي.، پوسٽ مارٽم بعد لاش وارثن حوالي ڪيا ويا، شروعاتي جاچ موجب حادثو تيز رفتاري ۽ ڊمبر ڊرائيور جي غلطي سبب پيش آيو.

 

اقتصادي راهداري منصوبي تي خيبرپختونخواهه حڪومت پنهنجن خدشن کان وزيراعظم کي آگاهه ڪري ڇڏيو آهي: عمران خان

پشاور (بيورو) تحريڪ انصاف جي سربراهه عمران خان چيو آهي ته اقتصادي راهداري منصوبي تي خيبرپختونخواهه حڪومت پنهنجن خدشن کان وزيراعظم کي آگاهه ڪري ڇڏيو آهي، صوبي کي پنهنجو جائز حق ملڻ گهرجي. باب پشاور جي افتتاحي تقريب کي خطاب ڪندي عمران خان الزام هنيو ته اقتصادي راهداري منصوبي بابت ٿيل آل پارٽيز ڪانفرنس ۾ وزيراعظم نواز شريف ڪوڙ ڳالهايو هو. هـُن چيو ته پرويز خٽڪ خيبرپختونخواهه جي خدشن کان وزيراعظم کي آگاهه ڪري ڇڏيو آهي، ان خاطري ڪرائي آهي ته راهداري منصوبي تي سمورا خدشا ختم ڪيا ويندا. عمران خان چيو ته 60 سالن اندر ساڍا پنج سئو ارب رپين جو قرض ورتو ويو پر موجود حڪومت اڍائي سالن اندر 4 هزار 700 ارب رپين جو قرض ورتو. پي ٽي آءِ سربراهه چيو ته تيل جون قيمتون گهٽ ٿيڻ سان حڪومت کي 11 ارب ڊالرز جو فائدو ٿيو آهي، ٻڌايو وڃي ته ايتري رقم ڪيڏانهن وئي آهي. عمران خان چيو ته باب پشاور جو افتتاح ڪرڻ مان ثابت ٿي ويو ته فلائي اوور رڳو لاهور ۾ نٿا ٺهن.